កំពុងស្វែងរកទិន្នន័យ
រកឃើញ: 12.431
-
ពលរដ្ឋខេត្តកំពតចោទឧកញ៉ាម្នាក់ ឈូសឆាយធ្វើផ្លូវ បន្ទាប់ពីពួកគាត់មិនព្រមលក់ដី
កាលពីថ្ងៃទី១៣កញ្ញា ពលរដ្ឋ១៣គ្រួសារ នៅក្នុងភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត បាននាំគ្នាតវ៉ារារាំងមិនឱ្យគ្រឿងចក្រឈូសឆាយជួសជុលនិងពង្រីកផ្លូវ នៅត្រង់ចំណុចវាសឥន្រ្ទី(ថ្លាន់មួយរយ) ដោយសារព្រួយបារម្ភថា អាចធ្វើឱ្យពួកគាត់អាចបាត់បង់ដីធ្លីនិងផ្ទះសម្បែង។ ក្រុមពលរដ្ឋអះអាងថា ការឈូសឆាយធ្វើផ្លូវនេះ គឺបានកើតឡើង បន្ទាប់ពីមានអ្នកតំណាងឱ្យឧកញ៉ាម្នាក់ឈ្មោះ ប៉ែន នួន ដើរសុំទិញដី ប៉ុន្តែពួកគាត់មិនព្រមលក់។
អានបន្ត -
ក្រសួងបន្តស៊ើបអង្កេតករណីធ្វើទារុណកម្មជនសង្ស័យរហូតស្លាប់នៅខេត្តបាត់ដំបង
នាយកដ្ឋានព្រហ្មទណ្ឌកម្រិតធ្ងន់ បានកោះហៅអធិការស្រុកសង្កែ និងអ្នកពាក់ព័ន្ធមួយចំនួនទៀតនៅខេត្តបាត់ដំបង ឱ្យចូលបំភ្លឺករណីរងការចោទថាបានធ្វើធ្វើទារុណកម្មជនសង្ស័យម្នាក់រហូតដល់ស្លាប់នាពេលកន្លងទៅ ក្រោយគណៈកម្មាធិការជាតិប្រឆាំងទារុណកម្មរកឃើញតម្រុយដូចពាក្យបណ្តឹងរបស់គ្រួសារជនរងគ្រោះ។ កាលពីថ្ងៃទី១៦ ខែមិថុនា ឆ្នាំ២០២១ គណៈកម្មាធិការជាតិប្រឆាំងទារុណកម្មរបស់រដ្ឋាភិបាល ស្នើអគ្គស្នងការដ្ឋាននគរបាលជាតិបើកការស៊ើបអង្កេតបន្ថែម ដើម្បីរកការពិតនិងនាំខ្លួនមន្ត្រីពាក់ព័ន្ធមកទទួលទោស ក្រោយពីមានពាក្យបណ្តឹងពីក្រុមគ្រួសារសព។
អានបន្ត -
សកម្មជនដីធ្លី លោក ឆន ផល្លា ត្រូវសមត្ថកិច្ចស្រុកលំផាត់ចាប់ខ្លួន
សមាគមអាដហុក អះអាងថា សមត្ថកិច្ចស្រុកលំផាត់ ខេត្តរតនគិរី បានចាប់ខ្លួនសកម្មជនដីធ្លីនិងបរិស្ថាន លោក ឆន ផល្លា នៅព្រឹកថ្ងៃចន្ទនេះ ទាំងមិនបង្ហាញដីកា។ អ្នកសម្របសម្រួលសមាគមការពារសិទ្ធិមនុស្សអាដហុកប្រចាំខេត្តរតនគិរី លោក ឌិន ខន្នី បានឱ្យដឹងថា សមត្ថកិច្ចបានចាប់ខ្លួនលោក ឆន ផល្លា នៅម៉ោងជាង១១ព្រឹកថ្ងៃទី២០ ខែកញ្ញានេះ។ តែយ៉ាងណា លោកមិនទាន់ដឹងមូលហេតុពិតនៃការចាប់ខ្លួនលោក ឆន ផល្លា ទេ ដោយគ្រាន់តែដឹងថា មុនការចាប់ខ្លួនសកម្មជនការពារដីធ្លីរូបនេះ មន្ត្រីប៉ុស្តិ៍នគរបាលឃុំសេដា បានជូនដំណឹងឱ្យលោក ឆន ផល្លា ទៅកាន់ប៉ុស្តិ៍នគរបាល ដើម្បីកែសម្រួលអត្តសញ្ញាណបណ្ណ ត្រៀមខ្លួនបោះឆ្នោតនៅពេលខាងមុខ។
អានបន្ត -
សង្គមស៊ីវិលសោកស្ដាយដែលរដ្ឋកាត់ដីគម្របព្រៃឈើជាង១៧០ហិកតាឲ្យឧកញ៉ា ឡេង ណាវ៉ាត្រា
រដ្ឋាភិបាលបានកាត់ឆ្វៀលដីគម្របព្រៃឈើប្រមាណ១៧២ហិកតា ស្ថិតក្នុងស្រុកបន្ទាយស្រី ខេត្តសៀមរាប ឲ្យទៅឧកញ៉ា ឡេង ណាវ៉ាត្រា ធ្វើជាកម្មសិទ្ធិផ្ទាល់ខ្លួន និងយកទៅលក់ដូរបន្ត។ សង្គមស៊ីវិលសោកស្ដាយចំពោះកាត់ឆ្វៀលដីទាំងនោះទៅឱ្យឧកញ្ញាដែលជាអ្នកមានឥទ្ធិពលម្នាក់ ខណៈពលរដ្ឋជាច្រើនកំពុងគ្មានដីរស់នៅនៅឡើយ។ លោក វណ្ណ សុផាត អ្នកសម្របសម្រួលគម្រោងធុរកិច្ច និងសិទ្ធិមនុស្សរបស់មជ្ឈមណ្ឌលសិទ្ធិមនុស្សកម្ពុជា(CCHR) បានប្រាប់សារព័ត៌មានខ្មែរណាស់នៅថ្ងៃទី២០កញ្ញានេះថា លោកមានការសោកស្ដាយចំពោះការកាត់ដីគម្របព្រៃឈើប្រមាណជាង១៧០ហិកតាទៅឲ្យឧកញ្ញា ឡេង ណាវ៉ាត្រា ដើម្បីធ្វើជាកម្មសិទ្ធិផ្ទាល់ខ្លួន។ លោកលើកឡើងថា រដ្ឋាភិបាល គួរតែគិតគូដល់ពលរដ្ឋដែលកំពុងខ្វះខាតដី និងផ្ដល់ដំណោះស្រាយឲ្យពលរដ្ឋដែលរងគ្រោះបាត់បង់ដីធ្លី ដើម្បីឲ្យមានសមភាពក្នុងការគ្រប់គ្រង និងកាន់កាប់ដីធ្លីដោយសុវត្ថិភាព។
អានបន្ត -
ពលរដ្ឋជាច្រើនគ្រួសាររងប៉ះពាល់ពីគម្រោងអភិវឌ្ឍន៍អាងស្តុកទឹកមិនសប្បាយចិត្តនឹងសំណងដែលផ្តល់ទាបជាងទីផ្សារ
ប្រជាពលរដ្ឋជាច្រើនគ្រួសារដែលមានដីស្រែរងផលប៉ះពាល់ពីគម្រោងអភិវឌ្ឍន៍អាងស្តុកទឹករបស់រដ្ឋ នៅក្នុងភូមិធ្លក ឃុំក្រោលគោ ស្រុកស្វាយជ្រុំ ខេត្តស្វាយរៀង បង្ហាញការមិនពេញចិត្ត និងក្តីអស់សង្ឃឹមចំពោះសំណងថោកជាងតម្លៃទីផ្សារខ្លាំង។ អ្នកស្រី សូ សីណា លរដ្ឋម្នាក់ក្នុងចំណោមប្រជាពលរដ្ឋជាច្រើនគ្រួសារទៀតដែលមានដីស្រែរងផលប៉ះពាល់ពីគម្រោងអភិវឌ្ឍន៍អាងស្តុកទឹករបស់រដ្ឋ ស្ថិតក្នុងឃុំក្រោលគោ ប្រាប់ Newsroom Cambodia កាលពីថ្ងៃទី១៥ ខែកញ្ញានេះថា អ្នកស្រីមានដីស្រែទំហំ៣០អាដែលជាកេរ្តិ៍របស់ម្តាយអ្នកស្រី សម្រាប់ប្រកបរបរធ្វើស្រែជារៀងរាល់ឆ្នាំ។ អ្នកស្រីបន្តថា ការអភិវឌ្ឍអាងស្តុកទឹកនេះប៉ះពាល់ដល់ដីស្រែរបស់អ្នកស្រីទាំងស្រុង ប៉ុន្តែសំណងដែលរដ្ឋផ្តល់ឱ្យមានតម្លៃថោកខ្លាំង។
អានបន្ត -
ក្រុមគ្រួសារ៖ ពលរដ្ឋជាប់ឃុំចំនួន៩នាក់ ដែលមានជម្លោះដីធ្លី នឹងត្រូវដោះលែងពីពន្ធនាគារនៅថ្ងៃចន្ទនេះ
ក្រុមគ្រួសារពលរដ្ឋជាប់ឃុំ ក្នុងទំនាស់វិវាទដីធ្លីត្រង់ចំណុចព្រលានយន្តហោះអន្តរជាតិថ្មីក្នុងខេត្តកណ្តាល នៅព្រឹកថ្ងៃចន្ទនេះ បានអះអាងថា សាច់ញាតិរបស់ពួកគេទាំង៩នាក់ ដែលអាជ្ញាធរបានចាប់ និងឃុំខ្លួនក្នុងពន្ទនាគារ នាពេលកន្លងទៅនេះ នឹងត្រូវដោះលែងវិញនៅថ្ងៃចន្ទនេះ។ ជុំវិញការដោះលែងនេះ ពួកគេក៏ត្រូវចុះកិច្ចសន្យាបញ្ឈប់សកម្មភាពតវ៉ាណាមួយបន្តទៀត ហើយត្រូវទទួលយកសំណង ៨ដុល្លារ ដែលភាគីអាជ្ញាធរបានដាក់ជូន។ ជាមួយគ្នានេះ អង្គការសង្គមស៊ីវិលបានលើកឡើងថា ការដោះលែងភ្ជាប់ជាមួយកិច្ចសន្យានេះ គឺក្លាយទៅជាប្រពៃណីទៅហើយ។ ហើយសកម្មភាពនេះ ក៏បានបង្ហាញពីភាពអយុតិធម៌ដល់ប្រជាពលរដ្ឋរងគ្រោះថែមទៀតផងដែរ។
អានបន្ត -
ពលរដ្ឋនៅកំពង់ឆ្នាំងបិទកំណាត់ផ្លូវជាតិលេខ៥ជាង២ម៉ោង ក្រោយមិនមានដំណោះស្រាយដីធ្លី
ប្រជាពលរដ្ឋជាង២០០នាក់ នៅស្រុកបរិបូណ៌ ខេត្តកំពង់ឆ្នាំង បាននាំគ្នាបិទកំណាត់ផ្លូវជាតិលេខ៥ ចំណុចព្រំប្រទល់ខេត្តកំពង់ឆ្នាំង និងខេត្តពោធិ៍សាត់ រយៈពេលជាង២ម៉ោង ក្រោយពីមិនមានដំណោះស្រាយពាក់ព័ន្ធបញ្ហាដីធ្លីរបស់ពួកគាត់។ អ្នកស្រី គុម្ព គឺ ប្រាប់វីអូឌីនៅថ្ងៃអាទិត្យទី១៩ ខែកញ្ញានេះថា ដើមចមដែលនាំឱ្យពួកគេជាង២០០នាក់ ប្រមូលផ្តុំគ្នាបិទកំណាត់ផ្លូវជាតិលេខ៥ ត្រង់ចំណុចភូមិក្បាលដំរី ព្រំប្រទល់ខេត្តទាំងពីរ នៅព្រឹកថ្ងៃអាទិត្យនេះ ដោយសារតែអាជ្ញាធរមិនព្រមដោះស្រាយបញ្ហាដីធ្លីរបស់ពួកគាត់ដែលធ្លាប់អាស្រ័យផលជាច្រើនឆ្នាំមកហើយ និងថែមទាំងចោទពលរដ្ឋថាបានទៅកាន់កាប់ដីនៅក្នុងភូមិសាស្ត្រខេត្តពោធិ៍សាត់ដោយខុសច្បាប់ទៀតផង។
អានបន្ត -
ពលរដ្ឋរិះគន់រដ្ឋាភិបាលឆ្វៀលដីព្រៃជិត២០០ហិកតារនៅខេត្តសៀមរាបឱ្យឧកញ៉ា ឡេង ណាវ៉ាត្រា ថា ជាការអនុវត្តច្បាប់ស្តង់ដារពីរ
ប្រជាពលរដ្ឋនៅស្រុកបន្ទាយស្រី ខេត្តសៀមរាប រិះគន់រដ្ឋាភិបាលដែលបានឆ្វៀលដីគម្របព្រៃជិត២០០ហិកតារនៅក្នុងខេត្តនេះឱ្យឧកញ៉ា ឡេង ណាវាត្រា ថា ជារឿងអយុត្តិធម៌ និងជាការអនុវត្តច្បាប់ស្តង់ដារ២។ ប្រតិកម្មរបស់ពលរដ្ឋនេះធ្វើឡើងក្រោយពេលរដ្ឋាភិបាលបានចេញអនុក្រឹត្យកាត់ឆ្វៀលដីនៅតំបន់នោះឱ្យឧកញ៉ា ឡេង ណាវាត្រា ហើយឧកញ៉ារូបនេះបានអង្កន់ដីទាំងនោះទៅជាដីឡូត៍លក់ឱ្យប្រជាពលរដ្ឋធ្វើជាកម្មសិទ្ធិឯកជន។
អានបន្ត -
ពលរដ្ឋនៅខេត្តកំពង់ឆ្នាំងបិទផ្លូវជាតិលេខ៥ទាមទារឲ្យអាជ្ញាធរដោះស្រាយរឿងដីធ្លី
ពលរដ្ឋរស់នៅស្រុកបរិបូរណ៍ ខេត្តកំពង់ឆ្នាំង នាំគ្នាតវ៉ាបិទផ្លូវជាតិលេខ៥ ជាប់ព្រំប្រទល់ខេត្តពោធិ៍សាត់ ដើម្បីទាមទារឲ្យអាជ្ញាធរដោះស្រាយវិវាទដីធ្លី ករណីអាជ្ញាធរខេត្តពោធិ៍សាត់ ធ្វើផ្លូវនិងបោះបង្គោលពុះដីឡូត៍លើដីស្រែរបស់ពួកគាត់។ ពលរដ្ឋឈរបិទផ្លូវអស់រយៈពេលជាង៣ម៉ោង ទើបរំសាយវិញ ក្រោយអាជ្ញាធរស្រុក ចុះអន្តរាគមន៍រឿងនេះ។
អានបន្ត -
តុលាការរាជធានីភ្នំពេញឃុំខ្លួនអតីតព្រះសង្ឃកម្ពុជាក្រោមមួយអង្គ រឿងបំពានវិធានការសុខាភិបាល
ភ្នំពេញ — តុលាការរាជធានីភ្នំពេញបានសម្រេចឃុំខ្លួនអតីតព្រះសង្ឃខ្មែរកម្ពុជាក្រោមមួយអង្គ ពាក់ព័ន្ធនឹងការចោទប្រកាន់បំពានវិធានការសុខាភិបាល។ នេះបើតាមអ្នកជិតស្និទ្ធនឹងព្រះអង្គ។ ការសម្រេចឃុំខ្លួននេះនាំឲ្យមានប្រតិកម្មពីសហគមន៍ខ្មែរកម្ពុជាក្រោម ដែលបានស្នើឲ្យសមត្ថកិច្ចបកស្រាយឲ្យបានច្បាស់ពីការចោទប្រកាន់លើអតីតសង្ឃលោក ប៉ាង សុដា។
អានបន្ត -
សំណុំរឿងព្រលានយន្តហោះនៅខេត្តកណ្ដាល៖ ប្រជាពលរដ្ឋរងផលប៉ះពាល់ សម្រេចផ្អាកការតវ៉ាបណ្តោះអាសន្ន
ប្រជាពលរដ្ឋរងផលប៉ះពាល់នៅក្នុងវិវាទដីធ្លីត្រង់ព្រលានយន្តហោះនៅខេត្តកណ្ដាល បានអះអាងប្រាប់វិទ្យុបារាំងអន្តរជាតិ RFI នៅថ្ងៃសៅរ៍ទី១៨កញ្ញានេះថា សកម្មភាពតវ៉ាដីធ្លីត្រូវបានផ្អាកជាបណ្តោះអាសន្នសិន ក្រោយប្រជាពលរដ្ឋមួយចំនួនរងការចាប់ខ្លួន និងរងការគំរាមកំហែងពីអាជ្ញាធរសមត្ថកិច្ច។ ប៉ុន្តែយ៉ាងណាក៏ដោយ ប្រជាពលរដ្ឋបានរក្សាជំហរតវ៉ាទាមទារប្រាក់សំណង និងបន្តស្វែងរកកិច្ចអន្តរាគមន៍ផ្សេងៗទៀតដដែល។
អានបន្ត -
តុលាការតាមចាប់បណ្ឌិត សេង សារី ដោយសង្ស័យថា គាំទ្រចលនាបង្កើតរដ្ឋាភិបាលបង្រួបបង្រួមជាតិ
តុលាការកម្ពុជា បានចេញដីកាបង្គាប់ឲ្យសមត្ថកិច្ចតាមចាប់បណ្ឌិតម្នាក់ ក្រោយពីលោក បង្ហោះសារពាក់ព័ន្ធនឹងចលនាបង្កើតរដ្ឋាភិបាលបង្រួបបង្រួមជាតិ ដែលផ្តួចផ្តើមដោយលោក សម រង្ស៊ី មេដឹកនាំកំពូលនៃក្រុមប្រឆាំង។ ព័ត៌មានអំពីការតាមចាប់បណ្ឌិតនោះ ត្រូវបានប្រកាសជាសាធារណៈ ដោយសម្តេចនាយករដ្ឋមន្រ្តី ហ៊ុន សែន ក្នុងពិធីបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ឲ្យកុមារអាយុពី៦ឆ្នាំ ទៅ១២ឆ្នាំ នៅវិមានសន្តិភាព នាព្រឹកថ្ងៃទី១៧ ខែកញ្ញា ឆ្នាំ២០២១។
អានបន្ត -
មនុស្ស ២៣៦នាក់ និងយានយន្ត ៣៧គ្រឿង ត្រូវបានអប់រំ និងពិន័យ ករណីល្មើសវិធានការសុខាភិបាល និងវិធានការរដ្ឋបាល ថ្ងៃទី១៦ ខែកញ្ញា
(ភ្នំពេញ)៖ ក្នុងការអនុវត្តវិធានការនៅទូទាំងប្រទេសកម្ពុជា នាថ្ងៃទី១៦ ខែកញ្ញា ឆ្នាំ២០២១ សមត្ថកិច្ចជំនាញបានរកឃើញមនុស្ស ២៣៦នាក់ទៀត និងយានយន្ត ៣៧គ្រឿង បានប្រព្រឹត្តល្មើសវិធានការសុខាភិបាល និងវិធានការរដ្ឋបាល សរុប ៧២ករណី ព្រមទាំងបានធ្វើការផាកពិន័យជាទឹកប្រាក់សរុបចំនួន ៣លានរៀលផងដែរ។ ក្នុងចំណោមអ្នកដែលបានល្មើសវិធានការទាំងនេះ មិនមានមនុស្ស ត្រូវបានបញ្ជូនទៅតុលាការទេ។ នេះបើតាមសេចក្តីប្រកាសរបស់ គណ:កម្មការដឹកនាំការអនុវត្តច្បាប់កូវីដ-១៩ ដែលបណ្តាញព័ត៌មាន Fresh News ទទួលបាននៅព្រឹកនេះ។
អានបន្ត -
ពលរដ្ឋនៅក្រចេះថា ដើមឈើជ័រទឹករាប់ម៉ឺនដើមរបស់ពួកគេក្នុងព្រៃឡង់រងការកាប់បំផ្លាញ
ប្រជាពលរដ្ឋនៅស្រុកសំបូរ ខេត្តក្រចេះ អះអាងនៅថ្ងៃសុក្រនេះថា ដើមឈើដែលពួកគេចោះយកជ័រទឹករាប់ម៉ឺនដើមក្នុងតំបន់ព្រៃឡង់នៃខេត្តនេះ កំពុងរងការកាប់លក់ធ្វើអាជីវកម្មយ៉ាងអនាធិបតេយ្យ ដោយគ្មានការទប់ស្កាត់ពីអាជ្ញាធរពាក់ព័ន្ធ។ មេភូមិម្នាក់នៅឃុំបឹងចារ បានប្រាប់ វីអូឌី ក្នុងលក្ខខណ្ឌមិនបញ្ចេញឈ្មោះ ដោយបារម្ភពីសុវត្ថិភាពថា អ្នកភូមិមួយចំនួននៅឃុំកំពង់ចាម ឃុំបឹងចារ និងឃុំវឌ្ឍនៈ នៃស្រុកសំបូរ បានប្រកបមុខរបររកអនុផលព្រៃឈើ តាមរយៈការចោះដើមឈើយកជ័រលក់ នៅក្នុងតំបន់ព្រៃឡង់ជាច្រើនឆ្នាំមកហើយ។
អានបន្ត -
លោក ហ៊ុន សែន ព្រមានបញ្ញវន្តដែលនិយាយរិះគន់រដ្ឋាភិបាល
លោកនាយករដ្ឋមន្ត្រី ហ៊ុន សែន បានព្រមានធ្ងន់ៗទៅលើបញ្ញវន្តមួយចំនួនដែលបានរិះគន់គោលនយោបាយការបរទេសរបស់រដ្ឋាភិបាល ដោយប្រើពាក្យថា ពួកគេអាចនឹងត្រូវបានវាយខ្នោះ បើសិនការវិភាគនោះបានបន្សល់ទុកនូវបទល្មើស។ ការព្រមានរបស់នាយករដ្ឋមន្ត្រីនេះ ធ្វើឡើងក្នុងពិធីបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ដល់កុមារ នាថ្ងៃទី១៧ ខែកញ្ញា ឆ្នាំ២០២១នេះ។
អានបន្ត -
ក្រសួងមហាផ្ទៃសម្រេចចុះបញ្ជីផ្លូវការដល់បក្សកែទម្រង់កម្ពុជា តែព្រមានមិនចុះបញ្ជីដល់បក្សបេះដូងជាតិ
បន្ទាប់ពីកែតម្រូវលើឯកសារជាបន្តបន្ទាប់ នៅទីបំផុត គណបក្សកែទម្រង់កម្ពុជារបស់លោកអ៊ូ ច័ន្ទរ័ត្ន និងលោកប៉ុល ហំម ត្រូវបានក្រសួងមហាផ្ទៃកម្ពុជាសម្រេចចុះបញ្ជីជាផ្លូវការហើយកាលពីថ្ងៃទី១៥ ខែកញ្ញា ម្សិលមិញនេះ។ ប៉ុន្តែទន្ទឹមគ្នានេះ គណបក្សបេះដូងជាតិរបស់លោកសៀម ភ្លុកឯណោះវិញមិនទាន់មានជោគវាសនាជាគណបក្សផ្លូវការនៅឡើយទេ ហើយផ្ទុយទៅវិញ ក្រសួងមហាផ្ទៃថែមទាំងបានព្រមានមិនចុះបញ្ជីឱ្យទៀត បើគណបក្សនេះនៅតែបន្តមិនកែតម្រូវលើឯកសារមួយចំនួនតាមការតម្រូវពីក្រសួងមហាផ្ទៃ។
អានបន្ត -
មន្ត្រីសិទ្ធិការងារស្នើឲ្យរដ្ឋាភិបាលនិងស្ថាប័នពាក់ព័ន្ធពង្រីកការផ្ដល់ជំនួយសង្គ្រោះបន្ទាន់ដល់ពលករនៅប្រទេសថៃ ខណៈពលករមួយចំនួនបានវិលត្រឡប់មកកម្ពុជាវិញ
មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថា សង់ត្រាល់ (CENTREAL)រកឃើញថា ពលករចំណាកស្រុកបានក្លាយជាក្រុមដែលងាយរងគ្រោះបំផុតនៅក្នុងវិបត្តិនៃការរីករាលដាលជំងឺកូវីដ-១៩។ អង្គការនេះ ស្នើឲ្យស្ថាប័នពាក់ព័ន្ធរបស់រដ្ឋាភិបាលកម្ពុជា រួមទាំងស្ថានទូតខ្មែរប្រចាំប្រទេសថៃ ជួយអន្តរាគមន៍ដល់ពលករចំណាកស្រុកដែលកំពុងត្រូវការជំនួយសង្គ្រោះបន្ទាន់។
អានបន្ត -
សកម្មជនព្រៃឡង់ដែលរងបណ្ដឹងពីឈ្មួញឈើសុំឱ្យតុលាការផ្តល់យុត្តិធម៌
សមាជិកបណ្ដាញព្រៃឡង់ម្នាក់នៅស្រុកសណ្ដាន់ ខេត្តកំពង់ធំ អំពាវនាវដល់តុលាការឱ្យទម្លាក់ចោលការចោទប្រកាន់និងផ្តល់យុត្តិធម៌ជូនគេ ក្រោយឈ្មួញឈើប្ដឹងពីបទមនុស្សឃាត ដោយថា រូបគេមិនបានប្រព្រឹត្តដូចការចោទប្រកាន់ឡើយ។ សាលាដំបូងខេត្តកំពង់ធំ នៅថ្ងៃទី១៦ ខែកញ្ញា ឆ្នាំ២០២១ បានបើកសវនាការលើសំណុំរឿងរបស់សមាជិកបណ្តាញសហគមន៍ព្រៃឡង់ លោក ចាន់ ធឿន ក្រោមការចោទប្រកាន់ថាបានប៉ុនប៉ងមនុស្សឃាត ទៅតាមបណ្តឹងរបស់ឈ្មួញឈើម្នាក់ឈ្មោះ ប៉ាក យ៉ាងគួ។
អានបន្ត -
តុលាការខេត្តកំពង់ឆ្នាំងសាកសួរអ្នកភូមិឡពាងចំនួន៤នាក់ជុំវិញការចោទប្រកាន់ពីបទប៉ុនប៉ងឃាតកម្ម
តុលាការខេត្តកំពង់ឆ្នាំងកាលពីថ្ងៃពុធ បានសាកសួរសកម្មជនដីធ្លីចំនួន៤នាក់ជុំវិញបណ្តឹងមួយដែលចោទពួកគាត់ពីបទប៉ុនប៉ងឃាតកម្មនិងធ្វើឲ្យខូចខាតដោយចេតនាបន្ទាប់ពីចោទថា អ្នកទាំងបួនបានយកកាំបិតកាប់បំផ្លាញសំណាញ់នៅឃុំតាជេសក្នុងស្រុកកំពង់ត្រឡាច នៅពេលដែលដើមចោទបានទៅនេសាទត្រីនៅផ្នែកមួយនៃបឹង ដែលពួកគេចាត់ទុកថាជាតំបន់ការពារ។ សកម្មជនទាំងនេះអះអាងថា ផ្នែកនៃបឹងពោធិ៍នេះគឺជាតំបន់ការពារ ទោះបីជាអាជ្ញាធរមូលដ្ឋានមិនយល់ស្របក៏ដោយ។
អានបន្ត -
មនុស្ស ២១៨នាក់ និងយានយន្ត ២៧គ្រឿង ត្រូវបានអប់រំ និងពិន័យ ករណីល្មើសវិធានការសុខាភិបាល និងវិធានការរដ្ឋបាល ថ្ងៃទី១៥ ខែកញ្ញា
(ភ្នំពេញ)៖ ក្នុងការអនុវត្តវិធានការនៅទូទាំងប្រទេសកម្ពុជា នាថ្ងៃទី១៥ ខែកញ្ញា ឆ្នាំ២០២១ សមត្ថកិច្ចជំនាញបានរកឃើញមនុស្ស ២១៨នាក់ទៀត និងយានយន្ត ២៧គ្រឿង បានប្រព្រឹត្តល្មើសវិធានការសុខាភិបាល និងវិធានការរដ្ឋបាល សរុប ៦៣ករណី ព្រមទាំងបានធ្វើការផាកពិន័យជាទឹកប្រាក់សរុបចំនួន ៣៥.៤លានរៀលផងដែរ។ ក្នុងចំណោមអ្នកដែលបានល្មើសវិធានការទាំងនេះ មិនមានមនុស្ស ត្រូវបានបញ្ជូនទៅតុលាការទេ។ នេះបើតាមសេចក្តីប្រកាសរបស់ គណ:កម្មការដឹកនាំការអនុវត្តច្បាប់កូវីដ-១៩ ដែលបណ្តាញព័ត៌មាន Fresh News ទទួលបាននៅព្រឹកនេះ។
អានបន្ត
គាំទ្រដោយ
