កំពុងស្វែងរកទិន្នន័យ
រកឃើញ: 13.137
-
អានបន្ត សម្ព័ន្ធភាពឆ្ពោះទៅអនាគត បានជ្រើសយកគណបក្សឆន្ទៈខ្មែរ ជាតំណាងក្នុងការចូលរួមបោះឆ្នោតនាពេលអនាគត
សម្ព័ន្ធភាពឆ្ពោះទៅអនាគតរបស់គណបក្សនយោបាយក្រៅរដ្ឋាភិបាលចំនួន៥ រួមមានគណបក្សភ្លើងទៀន គណបក្សឆន្ទៈខ្មែរ គណបក្សប្រជាធិបតេយ្យមូលដ្ឋាន គណបក្សកែទម្រង់កម្ពុជា និងគណបក្សកម្ពុជានិយម បានសម្រេចជ្រើសយកគណបក្សឆន្ទៈខ្មែរ ជាតំណាងដើម្បីចូលរួមក្នុងការបោះឆ្នោតនាពេលអនាគត។ ការជ្រើសរើសតំណាងសម្ព័ន្ធភាពនេះ ធ្វើឡើងនៅក្នុងសេចក្ដីថ្លែងការណ៍រួមរបស់គណបក្សនយោបាយទាំងប្រាំ នៅថ្ងៃទី១៣ ខែតុលា ក្រោយពីគណបក្សកម្ពុជានិយមបានប្រកាសចូលរួមក្នុងសម្ព័ន្ធភាពឆ្ពោះទៅអនាគត កាលពីសប្ដាហ៍មុន។
អានបន្ត -
អានបន្ត ពលរដ្ឋចាមជំរុញឱ្យចាត់វិធានការច្បាប់ចំពោះកូនឧកញ៉ាម្នាក់ ដែលរងការចោទថា បានបៀតបៀនផ្លូវភេទលើកុមារីចាម១៨នាក់
ពលរដ្ឋចាមជាច្រើននាក់ជំរុញឱ្យអាជ្ញាធរពាក់ព័ន្ធចាត់វិធានការផ្លូវច្បាប់ ចំពោះ កូនប្រុសរបស់អ្នកឧកញ៉ាម្នាក់ឈ្មោះ សុះ កំរី ដែលជាចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា ដែលរងការចោទប្រកាន់ថា បានប្រព្រឹត្តទង្វើ បៀតបៀនផ្លូវភេទមកលើកុមារីចាម ១៨នាក់ បណ្ដាលឱ្យកុមារីខ្លះមានផ្ទៃពោះ។ មន្ត្រីសង្គមស៊ីវិលថា ករណីនេះ គឺជាបទឧក្រិដ្ឋធ្ងន់ធ្ងរ ដែលសមត្ថកិច្ចពាក់ព័ន្ធត្រូវតែបើការស៊ើបអង្កេតរកការពិត ដើម្បីផ្ដល់យុត្តិធម៌ដល់ជនរងគ្រោះ។
អានបន្ត -
អានបន្ត តុលាការកំពូលសម្រេចទម្លាក់បទចោទលើពលរដ្ឋស្រុកតំបែរ៤នាក់ ពាក់ព័ន្ធករណីវិវាទដីធ្លីជាមួយក្រុមហ៊ុនចិន
តុលាការកំពូលនៅថ្ងៃទី១៤ ខែតុលា ឆ្នាំ២០២៤នេះ បានសម្រេចទម្លាក់បទចោទលើពលរដ្ឋស្រុកតំបែរ៤នាក់ពាក់ព័ន្ធនឹងករណីវិវាទដីធ្លីជាមួយក្រុមហ៊ុនចិន តាមបណ្ដឹងសារទុក្ខរបស់ពួកគេ ដែលសំណុំរឿងនេះត្រូវបានសាលាឧទ្ធរណ៍ខេត្ដត្បូងឃ្មុំសម្រេចតម្កល់សាលក្រមសាលាដំបូង ។
អានបន្ត -
អានបន្ត តើការបន្តរួបរួមនៃចរន្តអតីតបក្សប្រឆាំង អាចមានឥទ្ធិពលប្រកួតប្រជែងជាមួយបក្សកាន់អំណាច?
សម្ព័ន្ធភាពឆ្ពោះទៅអនាគតរបស់ក្រុមអ្នកនយោបាយបក្សប្រឆាំង នៅថ្ងៃអាទិត្យទី១៣កញ្ញា បានប្រកាសពីការចូលរួមរបស់គណបក្សកម្ពុជានិយម របស់លោក យ៉ែមបុញ្ញឫទ្ធិ។ ការណ៍នេះនាំឲ្យសម្ព័ន្ធភាពឆ្ពោះទៅអនាគត កើនសមាសភាពដល់៥គណបក្សដែលរួមមាន គណបក្សភ្លើងទៀន គណបក្សឆន្ទៈខ្មែរ គណបក្សប្រជាធិបតេយ្យមូលដ្ឋាន គណបក្សកែទម្រង់កម្ពុជា និងគណបក្សកម្ពុជានិយម។អ្នកនយោបាយនៃសម្ព័ន្ធភាពឆ្ពោះទៅអនាគត អះអាងថា ការចងសម្ព័ន្ធរវាងគណបក្សមាននិន្នាការប្រជាធិបតេយ្យពេលនេះ កាន់តែធ្វើឲ្យសម្ព័ន្ធភាពឆ្ពោះទៅអនាគត មានឥទ្ធិពលទៅប្រកួតប្រជែងជាមួយគណបក្សប្រជាជនកម្ពុជា។ ក៏ប៉ុន្តែគណបក្សប្រជាជនកម្ពុជា យល់ថា ការចងសម្ព័ន្ធនេះ គ្រាន់តែយុទ្ធសាស្ត្រចាញ់របស់ក្រុមអ្នកនយោបាយប្រឆាំងប៉ុណ្ណោះ។
អានបន្ត -
អានបន្ត អង្គការការពារស្ត្រីស្នើឱ្យស៊ើបអង្កេតលើការចោទប្រកាន់ថាបុរសខ្មែរឥស្លាមម្នាក់រំលោភសិស្សស្រី១៨នាក់
អ្នកធ្វើការខាងការពារសិទ្ធិស្ត្រី និងប្រើបណ្ដាញសង្គម ជំរុញឲ្យតុលាការស៊ើបអង្កេតលើកករណីដែលមានការចោទប្រកាន់ថា បុរសខ្មែរឥស្លាមម្នាក់ ដែលជាកូនប្រុសរបស់អ្នកឧកញ៉ា សុះ កំរ៉ី បានរំលោភផ្លូវភេទទៅលើសិស្សស្រីជាខ្មែរឥស្លាម១៨នាក់ កាលពីពេលថ្មីៗនេះ។ ការជំរុញនេះធ្វើឡើង ដោយសារមានការចែករំលែករូបភាពរបស់ស្ត្រីរងគ្រោះ ដែលត្រូវបានគេអះអាងថា ទទួលរងករណីរំលោភបំពានផ្លូវភេទដោយ ឈ្មោះ សូហៃមី ជាអ្នកគ្រប់គ្រងអន្តេវាសិកដ្ឋានសិស្សនារី និងជាកូនប្រុសរបស់ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា។ តែ អ្នកឧកញ៉ា សុះ កំរ៉ី បានចេញមុខការពារតាមរយៈទំព័រហ្វេសប៊ុកផ្ទាល់ខ្លួនថា កូនប្រុសលោកពុំប្រព្រឹត្តដូចការចោទប្រកាន់ទេ។
អានបន្ត -
អានបន្ត មន្ត្រីបក្សប្រឆាំងប្រាំបួនរូបត្រូវបានសាកសួរពីបទរំលោភលើទំនុកចិត្តជុំវិញបញ្ជីបេក្ខជនឈរឈ្មោះសម្រាប់ការបោះឆ្នោតខែឧសភា
សាលាដំបូងខេត្តកណ្តាលបានកោះហៅមន្ត្រីគណបក្សប្រឆាំងចំនួន៩រូប រួមទាំងលោក ទាវ វណ្ណុល ប្រធានគណបក្សភ្លើងទៀន និងលោក សុខ ហាច សមាជិកព្រឹទ្ធសភា មកពីគណបក្សឆន្ទៈខ្មែរ មកសាកសួរពាក់ព័ន្ធនឹងបទរំលោភលើទំនុកចិត្ត។ ករណីនេះ គឺពាក់ព័ន្ធនឹងការខ្វែងគំនិតគ្នាលើលេខរៀងនៃបញ្ជីបេក្ខជនឈរឈ្មោះ អំឡុងការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌកាលពីខែឧសភា។ លោក ខា ដែនណា អ្នកនាំពាក្យសាលាដំបូងខេត្ត បានបញ្ជាក់ថា លោកស្រី វ៉ា សក្តា ព្រះរាជអាជ្ញារងបានកោះហៅពួកគាត់មកសាកសួរ ប៉ុន្តែលោកមានប្រសាសន៍ថា ករណីនេះកំពុងស្ថិតនៅក្នុងការស៊ើបអង្កេតនៅឡើយ។
អានបន្ត -
អានបន្ត សង្គមស៊ីវិល អ្នកវិភាគ និងអ្នកនយោបាយថាដល់ពេលហើយដែលត្រូវចាត់ការមន្ដ្រីអាងអំណាច
ដល់ពេលហើយដែលត្រូវអនុវត្ដច្បាប់លើមន្ដ្រីអាងអំណាច យកឈ្មោះអ្នកធំទៅដើរបោកលុយពលរដ្ឋ ឬមន្ដ្រីដែលប្រព្រឹត្ដអំពើពុករលួយ សូកប៉ាន់ដើម្បីបានមុខតំណែង។ នេះគឺជាការលើកឡើងរបស់មន្ដ្រីអង្គការសង្គមស៊ីវិល អ្នកនយោបាយ ក៏ដូចជាអ្នកវិភាគ។ ការបង្ហាញជំហរគាំទ្រឱ្យរាជរដ្ឋាភិបាលអនុវត្ដវិធានការច្បាប់ដោយគ្មានលើកលែង បន្ទាប់ពីថ្មីៗនេះមានព័ត៌មានពាក់ព័ន្ធនឹងមន្ដ្រីដែលយកឈ្មោះថ្នាក់ដឹកនាំដើរបោកប្រាស់លុយកាក់រាប់សិបម៉ឺនដុល្លារ និងមន្ដ្រីដែលសូកប៉ាន់ដើម្បីបានតួនាទី ត្រូវបានទម្លាយឱ្យដឹង ហើយដែលពួកគេទាំងនោះកំពុងត្រូវបាន និងបានទទួលការអនុវត្ដច្បាប់ផងដែរ។ ជាក់ស្ដែងដូចជាករណីលោក លី សាម៉េត និងលោក កន សុខកាយ ជាដើម៕
អានបន្ត -
អានបន្ត មន្ត្រីបក្សជំទាស់ថាអំណាចផ្ដាច់ការនៅកម្ពុជាស្ថិតលើមនុស្សតែម្នាក់គត់គឺលោក ហ៊ុន សែន
មន្ត្រីជាន់ខ្ពស់បក្សប្រឆាំង ចាត់ទុកការគ្រប់គ្រងអំណាចរបស់គណបក្សប្រជាជនកម្ពុជា គឺជាអំណាចផ្ដាច់ការ ព្រោះអំណាចបញ្ជាទាំងអស់រាប់ចាប់តាំងពីការជ្រើសរើស និងទម្លាក់ព្រះមហាក្សត្រឡើងទៅ គឺចេញពីបក្សតែមួយ ដែលស្ថិតក្រោមបញ្ជាមនុស្សតែម្នាក់ គឺលោក ហ៊ុន សែន។
អានបន្ត -
អានបន្ត Facebook មួយទម្លាយថា ជនជាតិបរទេសឈ្មោះ ផាទ្រីក អាន់ដ្រូលី ត្រូវបានកំពុងបង្កភាពវឹកវរនៅកម្ពុជា
ជនបរទេសជនជាតិអូស្រ្តាលី ឈ្មោះ ផាទ្រីក អាន់ដ្រូលី កាលពីថ្ងៃទី០១ ខែតុលា ឆ្នាំ២០២៤ បានមកកាន់ប្រទេសកម្ពុជា ដើម្បីរៀបចំផែនការពិសេសមួយ ដើម្បីបង្កភាពវឹកវរនៅកម្ពុជា តាមរយៈការញុះញង់ បង្កភាពចលនាចល និងពិភាក្សាជាមួយសកម្មជនក្រុមប្រឆាំងរាជរដ្ឋាភិបាលផងដែរ។
អានបន្ត -
អានបន្ត សមត្ថកិច្ចចាប់ខ្លួនជំនួយការផ្ទាល់របស់លោក ហ៊ុន សែន គឺលោក ដួង តារា ស្ងាត់ៗ
សមត្ថកិច្ចបានចាប់ខ្លួនមនុស្សជំនិតរបស់លោក ហ៊ុន សែន ម្នាក់ទៀត ដែលជាជំនួយការផ្ទាល់ជាង ២អាណត្តិហើយនោះ គឺលោក ដួង តារា បន្ទាប់ពីលោក ហ៊ុន សែន ទើបតែចេញបញ្ជាឱ្យចាប់ខ្លួនលោក លី សាម៉េត ដែលជាទីប្រឹក្សា។ អ្នកឃ្លាំមើលលើកឡើងថា ការចាត់វិធានការលើមនុស្សជំនិតរបស់មេបក្សកាន់អំណាចជាបន្តបន្ទាប់នេះ នៅមិនទាន់ជះឥទ្ធិពលវិជ្ជមានជាដុំកំភួនដល់ការលុបបំបាក់អំពើពុករលួយនៅក្នុងជួររដ្ឋាភិបាលឡើយ។
អានបន្ត -
អានបន្ត កម្ពុជានឹងធ្វើ«អង្គកឋិនទានមហាសាមគ្គីគ្រួសារខ្មែរ»ជាលើកដំបូងដង្ហែទៅកាន់ទឹកដីកម្ពុជាក្រោមនៅខែក្រោយ
រាជរដ្ឋាភិបាលកម្ពុជា រដ្ឋសភា ព្រឹទ្ធសភា ស្ថាប័នព្រះសង្ឃទាំងពីរគណៈ និងរួមទាំងស្ថាប័នថ្នាក់ជាតិផ្សេងទៀតរួមគ្នាធ្វើ«អង្គកឋិនទាន មហាសាមគ្គីគ្រួសារខ្មែរ»ដើម្បីដង្ហែទៅកាន់ទឹកដីកម្ពុជាក្រោមនាថ្ងៃទី៤ ខែវិច្ឆិកា ឆ្នាំ២០២៤។ នេះបើយោងតាមហ្វេសប៊ុករបស់លោក ហ៊ុន សែន ប្រធានព្រឹទ្ធសភា នៅថ្ងៃទី៧ ខែតុលា។ អ្នកនយោបាយ អ្នកឃ្លាំមើលសង្គម និងតំណាងខ្មែរកម្ពុជាក្រោមបានថ្លែងគាំទ្រ និងសាទរជាខ្លាំងចំពោះគម្រោងដង្ហែអង្គកឋិនទានទៅកាន់អតីតទឹកដីខ្មែរដែលបច្ចុប្បន្នស្ថិតនៅក្រោមការគ្រប់គ្រងរបស់ប្រទេសវៀតណាម ពីសំណាក់ថ្នាក់ដឹកនាំជាន់ខ្ពស់កម្ពុជានេះ។
អានបន្ត -
អានបន្ត អ្នកឃ្លាំមើលជំរុញអន្តរជាតិចាត់វិធានការជាក់លាក់លើរដ្ឋាភិបាលកម្ពុជាដើម្បីលើកកម្ពស់សេរីភាពសារព័ត៌មានឡើងវិញ
អ្នកឃ្លាំមើលសង្គម ជំរុញឱ្យសហគមន៍អន្តរជាតិចាត់វិធានការជាក់លាក់លើរដ្ឋាភិបាលកម្ពុជា ដើម្បីលើកកម្ពស់សិទ្ធិសេរីភាពសារព័ត៌មាននៅកម្ពុជាឡើងវិញ បន្ទាប់ពីរដ្ឋាភិបាលបង្ក្រាបលើសារព័ត៌មានឯករាជ្យយ៉ាងអនាធិបតេយ្យ។អ្នកឃ្លាំមើលស្ថានការណ៍កម្ពុជា លោក ស៊ឹង សែនករុណា ប្រាប់សារព័ត៌មាន The Cambodia Daily នៅថ្ងៃទី១០ តុលា នេះថា បើសហគមន៍អន្តរជាតិត្រឹមតែបង្ហាញពីការព្រួយបារម្ភ ឬភ័យព្រួយពីការរឹតត្បិតសេរីភាពសារព័ត៌មាននៅកម្ពុជាដោយគ្មានវិធានការណាមួយជាក់លាក់ទេ នោះរដ្ឋាភិបាលគឺនៅតែព្រហើនគាបសង្កត់សិទ្ធិសេរីភាពសារព័ត៌មានដោយគ្មានញញើតដដែល។
អានបន្ត -
អានបន្ត ចលនាមាតាធម្មជាតិថាការបាត់បង់សេរីភាពរបស់សកម្មជនបរិស្ថានបង្ហាញពីការស្លាប់បាត់បង់ប្រព័ន្ធយុត្តិធម៌នៅកម្ពុជា
អង្គការចលនាមាតាធម្មជាតិ អះអាងថា ការបាត់បង់សិទ្ធិសេរីភាពអស់រយៈពេល ១០០ថ្ងៃរបស់សកម្មជនបរិស្ថានដែលកំពុងឃុំខ្លួនក្នុងពន្ធនាគារ គឺបង្ហាញយ៉ាងច្បាស់ពីការស្លាប់បាត់បង់ប្រព័ន្ធយុត្តិធម៌នៅកម្ពុជា។អង្គការចលនាមាតាធម្មជាតិ សរសេរលើទំព័រហ្វេសប៊ុករបស់ខ្លួននៅថ្ងៃទី១០ តុលា នេះ ដោយភ្ជាប់រូបថតសកម្មជនបរិស្ថានដែលកំពុងត្រូវបានឃុំខ្លួនក្នុងពន្ធនាគារទាំង ៥នាក់ថា ការឈានជើងចូលក្នុងគុករហូតដល់ទៅពីរដងរបស់យុវជនចលនាមាតាធម្មជាតិ មិនមែនជាកំហុសរបស់ពួកគេ ប៉ុន្តែជាកំហុសដ៏ធំរបស់ក្បាលម៉ាស៊ីនដឹកនាំដែលដាច់ធម៌មេត្តា ផ្ដាច់សំឡេងពួកគេមិនឲ្យនិយាយពីបរិស្ថានបន្តទៀតប៉ុណ្ណោះ។
អានបន្ត -
អានបន្ត មេដឹកនាំបក្សជំទាស់ ៥រូបនិងមនុស្ស៣នាក់ទៀតចូលបំភ្លឺនៅតុលាការខេត្តកណ្តាលពីបទរំលោភលើទំនុកចិត្ត
មេដឹកនាំគណបក្សជំទាស់ចំនួន ៥រូប និងមនុស្សមួយចំនួនទៀត បានចូលបំភ្លឺនៅតុលាការខេត្តកណ្តាល កាលពីថ្ងៃទី៩ ខែតុលា ពីបទ «រំលោភលើទំនុកចិត្ត» តាមបណ្តឹងរបស់ឈ្មោះ ឃិន យឿន អតីតសមាជិកគណបក្សជំទាស់ និងជាបេក្ខជនឈរឈ្មោះបោះឆ្នោតព្រឹទ្ធសភាឆ្នាំ២០២៤ ក្នុងមណ្ឌលភូមិភាគ៣។
អានបន្ត -
អានបន្ត អ្នកឃ្លាំមើល៖ អន្តរជាតិពិបាកជឿលើការអនុវត្តសិទ្ធិសេរីភាពសារព័ត៌មានរបស់រដ្ឋាភិបាលកម្ពុជា
អ្នកឃ្លាំមើលលើកឡើងថា អន្តរជាតិពិបាកនឹងជឿលើការធានាក្នុងការអនុវត្តសិទ្ធិសេរីភាពសារព័ត៌មានរបស់រដ្ឋាភិបាលកម្ពុជាខ្លាំងណាស់ ដោយសារតែការបង្ក្រាបលើអ្នកសារព័ត៌មាន និងស្ថាប័នសារព័ត៌មានឯករាជ្យ ចេះតែបន្តកើតមានសព្វថ្ងៃនេះ។ អ្នកផ្តល់ប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ លោក សេក សុជាតិ ប្រាប់សារព័ត៌មាន The Cambodia Daily នៅថ្ងៃទី៩ តុលា នេះថា ក្នុងក្រសែភ្នែកអន្តរជាតិមានភស្តុតាងជាច្រើនមុននឹងពួកគេបានសម្រេចចាត់ថ្នាក់កម្ពុជាជាប្រទេសដែលរឹតត្បិតសេរីភាពសារព័ត៌មាន ខណៈរដ្ឋាភិបាលក៏ហាក់ដូចជាមិនបន្ធូរដៃក្នុងការបង្ក្រាបលើអ្នកសារព័ត៌មាន និងស្ថាប័នសារព័ត៌មានឯករាជ្យដែរ។
អានបន្ត -
អានបន្ត ពលរដ្ឋខ្លះនៅស្រុកពីរនៃខេត្តព្រៃវែងប្រឈមបាត់បង់ដីចម្ការនិងលំនៅឋាន ក្រោយមានវត្តមានក្រុមហ៊ុនបូមខ្សាច់
រស់នៅផ្ទះចម្ងាយមិនដល់ ៥ម៉ែត្រពីច្រាំងទន្លេដែលបានធ្លាក់ចូលទឹកម្តងបន្តិចៗ និងកំពុងសម្រាន្តលេងនៅលើអង្រឹង ដោយសម្លឹងមើលទៅកាន់កូនតូច២នាក់ និងផ្ទះ ជាប់នឹងច្រាំងទន្លេ។អ្នកស្រី មុំ រតនា អាយុ ៤២ឆ្នាំ ជាស្ត្រីមេផ្ទះ ដែលគ្រួសារអ្នកស្រីរស់នៅភូមិក្បាលកោះពាមរាំង ពីដូនតាមកដល់បច្ចុប្បន្ន បាននិយាយថា រាល់ថ្ងៃបារម្ភខ្លាំង ពីព្រោះផ្ទះរបស់គាត់គ្រាន់តែរើដោយសារបាក់ច្រាំងទន្លេបានធ្វើឡើង២ទៅ៣ដង ហើយក៏គ្មានលទ្ធភាពក្នុងការរើទៀតទេ គឺមានតែទុកឱ្យបាក់ដល់ផ្ទះតែប៉ុណ្ណោះ។ ពលរដ្ឋអះអាងថា សកម្មភាពបូមខ្សាច់ នៅតាមដងទន្លេមេគង្គមានសំឡេងទ្រហឹងអឹងកង អស់រយៈពេលជាង ១០ឆ្នាំមកហើយ និងបានបង្កប៉ះពាល់ខ្លាំងក្នុងរយៈពេល ២ឆ្នាំចុងក្រោយនេះ។
អានបន្ត -
អានបន្ត ពលរដ្ឋ ៥ ភូមិនៅខេត្តក្រចេះទាមទាររកអយុត្តិធម៌ដោយសារក្រុមហ៊ុនវៀតណាមរំលោភយកដីហើយប្តឹងពួកគាត់ទៅតុលាការថែមទៀត
ពលរដ្ឋ ៥ភូមិនៅខេត្តក្រចេះបារម្ភថា ប្រសិនបើអាជ្ញាធរអូសបន្លាយពេលមិនដោះស្រាយជម្លោះដីធ្លីនេះជូនពួកគាត់ អ្នកភូមិនឹងគ្មានដីបង្កបង្កើនផលចិញ្ចឹមជីវិតទៀតឡើយ។ ពលរដ្ឋជាង ២រយ ៥០គ្រួសារ (២៥២) រស់នៅក្នុងភូមិចំនួន ៥ ក្នុងឃុំកោះខ្ញែរ ស្រុកសំបូរ បង្ហាញពីភាពអយុត្តិធម៌ បន្ទាប់ពីក្រុមហ៊ុនវៀតណាម បានរំលោភយកដីកសិកម្មរបស់ពួកគាត់ទាំងមូល ហើយប្តឹងតំណាងពួកគាត់ ៦នាក់ ទៅតុលាការ ដើម្បីគំរាមកំហែងមិនឱ្យពួកតវ៉ាថែមទៀត។
អានបន្ត -
អានបន្ត ក្រសួងការបរទេសអាមេរិកព្រួយបារម្ភនឹងការចាប់ខ្លួនអ្នកសារព័ត៌មានម៉ិច ដារ៉ា
ក្រសួងការបរទេសសហរដ្ឋអាមេរិកបន្តសម្តែងការព្រួយបារម្ភចំពោះការចាប់ខ្លួនអ្នកសារព័ត៌មានកម្ពុជាលោកម៉ិច ដារ៉ា និងស្នើឲ្យរដ្ឋាភិបាលកម្ពុជាទទួលយកមតិចម្រុះនិងជំរុញសារព័ត៌មានសេរី។ ករណីចាប់ខ្លួនអ្នកសារព័ត៌មានដ៏ឆ្នើមរបស់កម្ពុជារូបនេះត្រូវបានអ្នកសារព័ត៌មាននៅសហរដ្ឋអាមេរិកចោទសួរជាថ្មីកាលពីថ្ងៃអង្គារអំពីអន្តរាគមន៍របស់អាមេរិកខណៈពេលដែលរដ្ឋមន្ត្រីការបរទេសសហរដ្ឋអាមេរិកលោក Antony Blinken មានកំណត់នឹងទៅចូលរួមប្រជុំជាមួយនឹងមេដឹកនាំអាស៊ាននៅទីក្រុងវៀងចន្ទ ប្រទេសឡាវនាចុងសប្តាហ៍នេះ។
អានបន្ត -
អានបន្ត តំណាងរាស្រ្តម៉ាឡេស៊ីគ្រោងស្នើឱ្យមានសវនាការដេញដោលលើការចាប់បញ្ជូនអ្នករិះគន់មកកម្ពុជា
តំណាងរាស្រ្តម៉ាឡេស៊ីម្នាក់ អះអាងថា ខ្លួនគ្រោងស្នើឱ្យមានការសួរដេញដោលមួយអំពីការចាប់ខ្លួនពលករខ្មែរម្នាក់ដែលរិះគន់លោក ហ៊ុន សែន ហើយត្រូវបានបញ្ជូនមកកម្ពុជា តាមសំណើរបស់រដ្ឋាភិបាលកម្ពុជា។ នេះបើយោងតាមសារព័ត៌មានម៉ាឡេស៊ីមួយឈ្មោះថា FMT(Free Malaysia Today) ដែលបានដកស្រង់សម្តីរបស់តំណាងរាស្រ្តម្នាក់ នៅថ្ងៃទី១០ ខែតុលា ឆ្នាំ២០២៤។
អានបន្ត -
អានបន្ត អភិបាលស្រុកមួយរូបត្រូវដកតំណែង បន្ទាប់ពីមានការសូកប៉ាន់ដើម្បីទទួលមុខតំណែងនៅកន្លែងថ្មី
កាលពីថ្ងៃទី៨ ខែតុលា ឆ្នាំ២០២៤ រដ្ឋាភិបាលបានចេញអនុក្រឹត្យមួយបញ្ចប់តំណែងរបស់លោក កន សុខកាយ ពីអភិបាលស្រុកល្វាឯម ខេត្តកណ្ដាល។ ការសម្រេចនេះធ្វើឡើងមួយថ្ងៃបន្ទាប់ពីប្រធានព្រឹទ្ធសភា លោក ហ៊ុន សែន បានសរសេរលើទំព័រហ្វេសប៊ុករបស់លោកថា លោក លី សាម៉េត ដែលជាទីប្រឹក្សារបស់លោកបានធានាថានឹងជួយរកតំណែងក្នុងជួររដ្ឋាភិបាលដល់លោក កន សុខកាយ ជាថ្នូរនឹងការផ្ដល់សំណូកជាច្រើនម៉ឺនដុល្លារ។
អានបន្ត
គាំទ្រដោយ
