កំពុងស្វែងរកទិន្នន័យ
រកឃើញ: 13.137
-
អានបន្ត អ្នកឃ្លាំមើលចាត់ទុកករណីលោក លី សាម៉េត ថាជាឆាកល្ខោននយោបាយរបស់លោក ហ៊ុន សែន
អ្នកឃ្លាំមើលស្ថានការណ៍កម្ពុជា ចាត់ទុកករណីចាប់ខ្លួនលោក លី សាម៉េត ថាជាឆាកល្ខោននយោបាយរបស់លោក ហ៊ុន សែន ដែលរៀបចំឡើងដើម្បីបន្លប់ព្រឹត្តិការណ៍ដែលពលរដ្ឋកំពុងប្រឆាំងនឹងគម្រោងត្រីកោណអភិវឌ្ឍន៍ប៉ុណ្ណោះ (CLV)។ ប្រធានក្រុមប្រឹក្សាឃ្លាំមើលកម្ពុជា លោក ម៉ែន ណាត ប្រាប់សារព័ត៌មាន The Cambodia Dailyនៅថ្ងៃទី១៨ តុលា នេះថា គ្មានបុគ្គលណាម្នាក់នៅក្នុងស្រុកអាចគេចផុតពីកណ្ដាប់ដៃលោក ហ៊ុន សែន ទេ បើគាត់ពិតជាចង់ចាប់ខ្លួនមែននោះ។
អានបន្ត -
អានបន្ត ពលរដ្ឋរស់នៅខេត្តឧត្តរមានជ័យ ត្អូញរឿងគ្មានដីអាស្រ័យផល ក្រោយពីអាជ្ញាធរថៃហាមមិនឱ្យដាំដំណាំលើដីក្នុងតំបន់ត្រួតស៊ីគ្នា
ពលរដ្ឋមួយចំនួនរស់នៅក្រុងសំរោង ខេត្តឧត្តរមានជ័យ ជាប់ព្រំដែនកម្ពុជា-ថៃត្អូញត្អែរថា គ្មានដីអាស្រ័យផលទៀត ក្រោយពីអាជ្ញាធរថៃហាមពួកគាត់ មិនឱ្យដាំដំណាំលើដី ដែលស្ថិតនៅក្នុងតំបន់ត្រួតស៊ីគ្នា ឬហៅថា តំបន់ស។ ពួកគាត់ស្នើឱ្យរដ្ឋាភិបាលជួយរកដំណោះស្រាយលើបញ្ហានេះ ដើម្បីឱ្យពលរដ្ឋអាចអាស្រ័យផលឡើងវិញ ព្រោះថាជិត ២០ឆ្នាំហើយ ដែលពួកគាត់អាស្រ័យផលលើដីនេះ ពុំដែលមានបញ្ហានោះទេ។
អានបន្ត -
អានបន្ត អ្នកស្រីមូរ សុខហួរ ស្នើឲ្យរដ្ឋាភិបាលកម្ពុជាគោរពតាមអនុសាសន៍អ្នករាយការណ៍ពិសេសសិទ្ធិមនុស្សអង្គការសហប្រជាជាតិ
អ្នកស្រីមូរ សុខហួរ ស្នើឲ្យរដ្ឋាភិបាលកម្ពុជាគោរពតាមអនុសាសន៍អ្នករាយការណ៍ពិសេសសិទ្ធិមនុស្សអង្គការសហប្រជាជាតិ។ សារព័ត៌មានម៉ុងហ្កាបេរកឃើញថា ក្រុមហ៊ុនអង្គរ ផ្លាយវូតជួញឈើខុសច្បាប់ពីកម្ពុជាទៅអន្តរជាតិ និងព័ត៌មានផ្សេងៗទៀត៕
អានបន្ត -
អានបន្ត សង្គមស៊ីវិល២០ស្ថាប័នជំរុញឱ្យរដ្ឋាភិបាលគោរពស្មារតីព្រមព្រៀងសន្តិភាពទីក្រុងប៉ារីស និងដោះលែងអ្នកទោសមនសិការ
អង្គការសមាគមដែលធ្វើការលើកកម្ពស់សិទ្ធិមនុស្ស និងសិទ្ធិការងារប្រមាណ ២០ស្ថាប័ននៅថ្ងៃទី២០ ខែតុលា រួមគ្នាប្រារព្ធខួបលើកទី៣៣ នៃកិច្ចព្រមព្រៀងសន្តិភាពទីក្រុងប៉ារីស២៣ តុលា ឆ្នាំ១៩៩១ ដោយបង្ហាញពីក្ដីបារម្ភជុំវិញការរឹតត្បិតសិទ្ធិសេរីភាពបញ្ចេញមតិ និងការរំលោភសិទ្ធិមនុស្សកាន់តែធ្ងន់ធ្ងរ។ ពួកគាត់កត់សម្គាល់ឃើញថា រដ្ឋាភិបាលមិនបានអនុវត្តតាមខ្លឹមសារនៃកិច្ចព្រមព្រៀងនោះឡើយដែលបញ្ហានេះបង្កឱ្យមានអំពើអយុត្តិធម៌កាន់តែកើនឡើង។
អានបន្ត -
អានបន្ត តុលាការបដិសេធបណ្ដឹងសុំនៅក្រៅឃុំរបស់អ្នកសារព័ត៌មានឯករាជ្យលោក ម៉ិច ដារ៉ា
សាលាដំបូងរាជធានីភ្នំពេញ ច្រានចោលសំណើសុំនៅក្រៅឃុំរបស់អ្នកសារព័ត៌មានឯករាជ្យលោក មុិច ដារ៉ា ទោះបីជាលោកកំពុងមានបញ្ហាសុខភាពក៏ដោយ។ សង្គមស៊ីវិលសោកស្ដាយ ហើយថា ការបន្តឃុំខ្លួនលោក ម៉ិច ដារ៉ា នេះ នឹងធ្វើឱ្យរដ្ឋាភិបាលរងការរិះគន់បន្ថែមទៀតពីសហគមន៍អន្តរជាតិ។
អានបន្ត -
អានបន្ត លោក ហៃ វណ្ណា សកម្មជនបក្សប្រឆាំងប្រចាំប្រទេសជប៉ុនសុំទោសលោក ហ៊ុន សែន និងប្រកាសចុះចូល
សកម្មជនបក្សប្រឆាំងប្រចាំប្រទេសជប៉ុន លោក ហៃ វណ្ណា ប្រកាសចូលរួមរស់ក្នុងជីវភាពនយោបាយជាមួយគណបក្សប្រជាជនកម្ពុជា និងអំពាវនាវឱ្យបញ្ញវន្តខ្មែរគ្រប់រូបនាំគ្នាទៅចុះចូលជាមួយគណបក្សកាន់អំណាច ដោយបញ្ឈប់ការចូលរួមក្នុងចលនាជ្រុលនិយមរបស់ក្រុមប្រឆាំង។ សមាជិកក្រុមប្រឹក្សាភិបាលនៃចលនាខ្មែរដើម្បីប្រជាធិបតេយ្យ លោក ហៃ វណ្ណា ចេញវីដេអូប្រកាសផ្ដាច់ខ្លួនពីលោក សម រង្ស៊ី និងសុំទោសលោក ហ៊ុន សែន រួមទាំងសុំចុះចូលជីវភាពនយោបាយជាមួយគណបក្សប្រជាជនកម្ពុជា ដែលត្រូវបានលោក ហ៊ុន សែន ផ្សព្វផ្សាយលើទំព័រហ្វេសប៊ុករបស់លោកថ្ងៃទី១៨ ខែតុលា ឆ្នាំ២០២៤ នេះ។
អានបន្ត -
អានបន្ត សហព័ន្ធខ្មែរកម្ពុជាក្រោម ស្នើក្រុមប្រឹក្សាសិទ្ធិមនុស្ស អ.ស.ប ឱ្យបង្កើតយន្តការ នាំជនជាតិដើមចូលរួមប្រជុំដោយផ្ទាល់ ជាជាងតំណាងរបស់ពួកគេ
តំណាងសហព័ន្ធខ្មែរកម្ពុជាក្រោម បានចូលរួមកិច្ចប្រជុំស្ដីពីការបង្កើនការចូលរួមរបស់ជនជាតិដើមនៅក្នុងកិច្ចប្រជុំរបស់ក្រុមប្រឹក្សាសិទ្ធិមនុស្សអង្គការសហប្រជាជាតិ កាលពីថ្ងៃទី១៧ និង ១៨ តុលា។ កិច្ចប្រជុំនេះ មានគោលបំណងពង្រឹងសំឡេងជនជាតិដើម ក្នុងការពិភាក្សាអំពីសិទ្ធិមនុស្សជាសកល និងជាការឆ្លើយតបទៅនឹងតម្រូវការសម្រាប់ការចូលរួមកាន់តែច្រើន និងប្រកបដោយអត្ថន័យពីសហគមន៍ជនជាតិដើម ក្នុងការបង្កើតគោលនយោបាយសិទ្ធិមនុស្សអន្តរជាតិ។
អានបន្ត -
អានបន្ត កូនប្រុសមេដឹកនាំកំពូលនៃសាសនាឥស្លាមត្រូវបានចោទប្រកាន់ពីបទរំលោភសេពសន្ថវៈ និងប្រទូស្តកេរខ្មាសលើកុមារីមិនទាន់គ្រប់អាយុ
សាលាដំបូងរាជធានីភ្នំពេញបានចោទប្រកាន់កូនប្រុសរបស់លោក សុះ កំរី មេដឹកនាំកំពូលនៃសាសនាឥស្លាមនៅកម្ពុជា ឈ្មោះ កាម៉ារូទីន ស៊ូហៃមី ពីបទរំលោភសេពសន្ថវៈ និងរំលោភបំពានផ្លូវភេទលើសិស្សស្រី១៨នាក់ នៅអន្តេវាសិកដ្ឋានសាលារៀនភាសាឥស្លាមមួយកន្លែងក្នុងរាជធានីភ្នំពេញ។ លោក ប្លង់ សុផល ព្រះរាជអាជ្ញារង បានបញ្ជាក់ពីការចោទប្រកាន់របស់ លោក ស៊ូហៃមី ពីបទរំលោភសេពសន្ថវៈមានស្ថានទម្ងន់ទោសទាក់ទងនឹងជនល្មើស តាមមាត្រា ២៤០ នៃក្រមព្រហ្មទណ្ឌ និងប្រទូស្តកេរខ្មាសមានស្ថានទម្ងន់ទោសទាក់ទងនឹងចារី និងស្ថានទម្ងន់ទោសទាក់ទងទៅនឹងជនរងគ្រោះ តាមមាត្រា ២៤៧ និងមាត្រា ២៤៨ នៃក្រមព្រហ្មទណ្ឌ។
អានបន្ត -
អានបន្ត មេដឹកនាំបាតុកម្មប្រឆាំងCLVនៅជប៉ុន លោក ហៃ វណ្ណាប្រកាសចូលរួមជីវភាពនយោបាយជាមួយបក្សកាន់អំណាច
វីដេអូមួយដែលផ្សព្វផ្សាយនៅលើបណ្ដាញសង្គមរបស់លោក ហ៊ុន សែន ប្រធានគណបក្សប្រជាជនកម្ពុជា នៅថ្ងៃទី១៨ ខែតុលា ឆ្នាំ២០២៤នេះ បានបង្ហាញថា លោក ហៃ វណ្ណា មេដឹកនាំក្រុមប្រឆាំងមួយរូបនៅប្រទេសជប៉ុនបាននិយាយសុំទោស និងប្រកាសចូលរួមជីវភាពនយោបាយជាមួយគណបក្សប្រជាជន។ លោកហៃ វណ្ណាប្រកាសចូលរួមជីវភាពនយោបាយនេះ បន្ទាប់ពីលោករងការចោទប្រកាន់ថា ជាអ្នកនៅពីក្រោយគម្រោងផ្តួលរំលំរដ្ឋាភិបាល ក្រោមរូបភាពរៀបចំបាតុកម្មប្រឆាំងគម្រោងអភិវឌ្ឍន៍តំបន់ត្រីកោណCLV-DTA។
អានបន្ត -
អានបន្ត សញ្ញាបណ្ណបៃតងឈានដល់បន្ទាត់ក្រហម៖ វិបត្តិមីក្រូហិរញ្ញវត្ថុនៅកម្ពុជាកាន់តែមានភាពចម្រូងចម្រាស ស្របពេលកម្ពុជាទទួលបានការជំរុញឱ្យមានការអភិវឌ្ឍប្រកបដោយនិរន្តរភាព
នៅពេលដែល លោក ដាវុធ បង់ប្រាក់កម្ចីមីក្រូហិរញ្ញវត្ថុមិនទាន់ពេលវេលា កាលពីដើមឆ្នាំនេះ មានមន្ត្រីឥណទានម្នាក់តែងតែទៅផ្ទះរបស់គាត់ នៅខេត្តរតនគិរីសឹងតែរាល់ថ្ងៃ។ លោកឱ្យដឹងថា មន្ត្រីរូបនោះបានដាក់សម្ពាធមកលើរូបលោកឲ្យខ្ចីប្រាក់ពីអ្នកដទៃទៀត ឬលក់ដីស្រែចម្ការរបស់គាត់ ដែលជាប្រភពចំណូលចម្បងតែមួយគត់ សម្រាប់ចិញ្ចឹមជីវិតរបស់លោក ដើម្បីយកទៅបង្គ្រប់ចំនួនបង់សងធនាគារ។
អានបន្ត -
អានបន្ត សមត្ថកិច្ចនៅតែមិនទាន់ចាប់បានទីប្រឹក្សាលោក ហ៊ុន សែន លោក លី សាម៉េត
ស្នងការដ្ឋាននគរបាលរាជធានីភ្នំពេញ បញ្ជាក់ថា សមត្ថកិច្ចមិនទាន់ចាប់ខ្លួនលោក លី សាម៉េត បាននៅឡើយទេ ក្រោយលោក ហ៊ុន សែន ស្នើឱ្យតុលាការបង្កកទ្រព្យសម្បត្តិ និងសមត្ថកិច្ចតាមឃ្លាំមើលឧកញ៉ារូបនេះកុំឱ្យរួចពីសំណាញ់ច្បាប់។ អ្នកឃ្លាំមើល និងមន្ត្រីសង្គមស៊ីវិល បារម្ភពីការអនុវត្តច្បាប់ស្តង់ដារពីរ និងការឃុបឃិតផ្ទៃក្នុងចំពោះការចាប់ខ្លួនឧកញ៉ារូបនេះ។អាជ្ញាធរនៅមិនទាន់បង្ហាញមុខទីប្រឹក្សារបស់លោក ហ៊ុន សែន គឺលោក លី សាម៉េត ឬគ្រូមា ដែលជាគ្រូទាយតាមអនឡាញ បាននៅឡើយទេមកដល់ពេលនេះ។
អានបន្ត -
អានបន្ត ប្រធានថ្មីនៃគណៈមេធាវីកម្ពុជាប្ដេជ្ញាដឹកនាំស្ថាប័ននេះទៅរកឧត្តមភាពនៅចំពោះមុខបញ្ហាប្រឈម
ប្រធានថ្មីនៃគណៈមេធាវីនៃព្រះរាជាណាចក្រកម្ពុជា ប្ដេជ្ញាចិត្តដឹកនាំស្ថាប័ននេះទៅរកភាពជោគជ័យ ខណៈដែលការប្រកបវិជ្ជាជីវៈមេធាវីនៅជួបបញ្ហាប្រឈមមួយចំនួន រួមមានទាំងការការពារកូនក្ដីនៅដំណាក់កាលមន្ត្រីនគរបាលយុត្តិធម៌។
អានបន្ត -
អានបន្ត អ្នកឃ្លាំមើលថាសម្ព័ន្ធភាពឆ្ពោះទៅអនាគតអាចប្រឈមបែកបាក់ បើមិនរៀបចំបទបញ្ជាផ្ទៃក្នុងឱ្យត្រឹមត្រូវទេនោះ
អ្នកឃ្លាំមើលសង្គមអះអាងថា បើសម្ព័ន្ធភាពឆ្ពោះទៅអនាគតមិនរៀបចំបទបញ្ជាផ្ទៃក្នុង លក្ខន្តិកៈ និងគោលការណ៍សម្រាប់គណបក្សនយោបាយដែលបានចូលរួមឱ្យមានការឯកភាពគ្នាជាធ្លុងមួយទេ នោះសម្ព័ន្ធភាពនេះក៏អាចប្រឈមនឹងការបែកបាក់នៅពេលដែលពួកគេបែងចែកតំណែងគ្នាមិនត្រូវដែរ។
អានបន្ត -
អានបន្ត ព័ត៌មានពេលរាត្រី ១៧ តុលា៖កម្ពុជាបង្កើតរោងចក្រអគ្គិសនីដើរដោយឧស្ម័នធម្មជាតិ ខណៈអ្នកតាមដានចង់ឃើញរបាយការណ៍ផលប៉ះពាល់បរិស្ថាន
ព័ត៌មាននៅថ្ងៃនេះមានដូចជា កម្ពុជាបង្កើតរោងចក្រអគ្គិសនីដើរដោយឧស្ម័នធម្មជាតិ ខណៈអ្នកតាមដានចង់ឃើញរបាយការណ៍ផលប៉ះពាល់បរិស្ថាន។ បទសម្ភាសន៍វីអូអេអំពីអ្នកតស៊ូមតិជំរុញឲ្យរដ្ឋាភិបាលពន្លឿនច្បាប់គ្រប់គ្រងគ្រឿងស្រវឹង និងព័ត៌មានផ្សេងៗទៀត៕
អានបន្ត -
អានបន្ត មេធាវី និងអ្នកវិភាគថា ប្រធានគណៈមេធាវីថ្មី លោក សាំង វណ្ណៈ ដែលជាសមាជិកគណបក្សកាន់អំណាចនឹងបន្តរឹតត្បិតសិទ្ធិមេធាវី
មេធាវី និងអ្នកវិភាគថា ប្រធានគណៈមេធាវីទើបជាប់ឆ្នោតថ្មី លោក សាំង វណ្ណៈ ដែលជាសមាជិកគណបក្សកាន់អំណាចនឹងបន្តរឹតត្បិតសិទ្ធិសេរីភាពមេធាវី។ ការលើកឡើងនេះ គឺដោយសារពួកគេកត់សម្គាល់ឃើញថា អតីតប្រធានគណៈមេធាវីមុនៗ ដែលជាសមាជិកបក្សប្រជាជនកម្ពុជាកន្លងមកតែងរឹតត្បិតមិនឱ្យមេធាវីមានសិទ្ធិក្នុងការបញ្ចេញមតិ ឬរិះគន់ទៅលើសំណុំរឿងនយោបាយនោះឡើយ។ការលើកឡើងរបស់ មេធាវី និងអ្នកវិភាគ ធ្វើឡើងក្រោយពេល លោក សាំង វណ្ណៈ កាលពីថ្ងៃទី១៦ ខែតុលា បានត្រូវបានសមាជិកគណៈមេធាវីបោះឆ្នោតជ្រើសរើសឱ្យធ្វើជាប្រធានគណៈមេធាវី សម្រាប់អាណត្តិទី១៥ ជំនួសឱ្យលោក លី ច័ន្ទតុលា ដែលផុតអាណត្តិ។
អានបន្ត -
អានបន្ត អ្នកតស៊ូមតិជំរុញឲ្យរដ្ឋាភិបាលពន្លឿនច្បាប់គ្រប់គ្រងគ្រឿងស្រវឹង
កាលពីពេលថ្មីៗនេះ នៅលើបណ្តាញសង្គមហ្វេសប៊ុក មានការចែករំលែកវីដេអូនៃការថ្លែងរបស់មន្រ្តីជាន់ខ្ពស់ក្រសួងសុខាភិបាល អ្នកស្រី ឱ វណ្ណឌីន អំពីការសេពគ្រឿងស្រវឹងធ្ងន់ធ្ងរក្នុងប្រទេសកម្ពុជា និងហានិភ័យនៃការសេពគ្រឿងស្រវឹង។ នៅក្នុងបទសម្ភាសន៍ជាមួយវីអូអេ លោក យង់ គិមអេង ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍និងសន្តិភាពជំរុញឲ្យរដ្ឋាភិបាលពន្លឿនច្បាប់ស្តីពីការគ្រប់គ្រងផលិតផលគ្រឿងស្រវឹង និងដំឡើងពន្ធស្រាក្នុងប្រទេសកម្ពុជា។
អានបន្ត -
អានបន្ត រឿងព្រហ្មទណ្ឌកម្រិតស្រាលអាចនឹងត្រូវដោះស្រាយតាមរយៈការស្រុះស្រួលគ្នា មិនជាប់ពន្ធនាគារ
លោកឧបនាយករដ្ឋមន្ត្រី កើត រិទ្ធ រដ្ឋមន្ត្រីក្រសួងយុត្តិធម៌ បានបង្ហើបឲ្យដឹងថា សំណុំរឿងព្រហ្មទណ្ឌកម្រិតស្រាលដែលមិនប៉ះពាល់ដល់រូបរាងកាយនិងសន្តិសុខ អាចនឹងត្រូវបានតម្កល់ទុកមិនចាត់ការ ប្រសិនបើភាគីជម្លោះអាចស្រុះស្រួលគ្នានៅដំណាក់កាលព្រះរាជអាជ្ញា។ ថ្លែងនៅក្នុងពិធីបិទសន្និបាតប្រចាំឆ្នាំរបស់គណៈមេធាវីនៃព្រះរាជាណាចក្រកម្ពុជា និងការប្រកាសការចូលកាន់តំណែងនៃប្រធានថ្មីរបស់គណៈមេធាវី កាលពីថ្ងៃទី១៦ ខែតុលា លោក កើត រិទ្ធ បានឲ្យដឹងថា បច្ចុប្បន្ននេះ ក្រសួងយុត្តិធម៌កំពុងពិភាក្សាទៅលើការធ្វើវិសោធនកម្មក្រមនីតិវិធីព្រហ្មទណ្ឌ ដែលជាផ្នែកមួយនៃការធ្វើកំណែទម្រង់ប្រព័ន្ធយុត្តិធម៌។
អានបន្ត -
អានបន្ត លោក ដួង តារា អតីតជំនួយការ លោក ហ៊ុន សែន ត្រូវបានបញ្ជូនខ្លួនទៅកាន់ពន្ធនាគារ PJ ក្រោយជាប់ចោទពីបទឆបោក
លោក នុត សវនា អ្នកនាំពាក្យនាយកដ្ឋានពន្ធនាគារនៃក្រសួងមហាផ្ទៃ បានបញ្ជាក់កាលពីថ្ងៃទី១៤ ខែតុលា ឆ្នាំ២០២៤ ថា លោក ដួង តារា ជំនួយការរបស់អតីតនាយករដ្ឋមន្ត្រី ហ៊ុន សែន ត្រូវបានបញ្ជូនខ្លួនទៅកាន់ពន្ធនាគាររាជធានីភ្នំពេញ ឬហៅកាត់ថា PJ។ ចំណែក អ្នកនាំពាក្យអយ្យការអមសាលាដំបូងរាជធានីភ្នំពេញ លោក ប្លង់ សុផល មានប្រសាសន៍ថា តំណាងអយ្យការអមសាលាដំបូងរាជធានីភ្នំពេញ បានសម្រចបើកការស៊ើបសួរលើលោក តារា ហើយក្រោយមកលោក តារា ត្រូវបានចោទប្រកាន់ពីបទឆបោក តាមមាត្រា ៣៧៧ និង៣៧៨ នៃក្រមព្រហ្មទណ្ឌ។ ទោះយ៉ាងណា លោកសុផល មិនបានបញ្ជាក់ច្បាស់លាស់ចំពោះ អ្នកដែលបានដាក់ពាក្យបណ្តឹងប្តឹងលើលោក តារា នោះទេ។
អានបន្ត -
អានបន្ត ក្រសួងមហាផ្ទៃ ថ្កោលទោសការញុះញង់អុចអាលលើ ហ្វេសប៊ុកក្រុមប្រឆាំង Dara Khan ដែលថាចំណាត់ការបោសសម្អាតគ្រឿងញៀនរបស់ក្រសួងមហាផ្ទៃ ជាការប្រកាសសង្គ្រាមប្រឆាំងនឹងក្រុមគ្រួសារសម្តេចតេជោ និងសម្តេចធិបតី
ក្រសួងមហាផ្ទៃ នៅថ្ងៃទី១៧ ខែតុលា ឆ្នាំ២០២៤នេះ បានប្រកាសថ្កោលទោស និងច្រានចោលចំពោះគណនីហ្វេសប៊ុក Dara Khan ជាសកម្មជនក្រុមប្រឆាំងនីរទេសខ្លួននៅប្រទេសអឺរ៉ុប ដែលបានផ្សព្វផ្សាយមូលបង្កាច់ថា «ចំណាត់ការបោសសម្អាតគ្រឿងញៀនរបស់ ក្រសួងមហាផ្ទៃ ជាការប្រកាសសង្គ្រាមប្រឆាំងនឹងក្រុមគ្រួសារសម្តេចតេជោ និងសម្តេចធិបតី»។ ក្រសួងមហាផ្ទៃ បានចាត់ទុកថា នេះជាការមួលបង្កាច់ លាបពណ៌ ក្នុងចេតនាទុច្ចរិត ញុះញង់អុចអាលឱ្យមានការភ័ន្តច្រឡំក្នុងចំណោមសាធារណជនជាតិ និងអន្តរជាតិមកលើក្រសួងមហាផ្ទៃ ជាពិសេស សម្តេចអគ្គមហាសេនាបតី តេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា។
អានបន្ត -
អានបន្ត កញ្ញា នួន តឿន ដែលអាជ្ញាធរចាប់បញ្ជូនពីម៉ាឡេស៊ីដាក់គុកនៅកម្ពុជា «នៅរក្សាជំហររឹងមាំ»
សាច់ញាតិថា ពលករខ្មែរកញ្ញា នួន តឿន ដែលអាជ្ញាធរម៉ាឡេស៊ីចាប់បញ្ជូនពីប្រទេសម៉ាឡេស៊ីយកទៅដាក់ពន្ធនាគារនៅស្រុកខ្មែររក្សាជំហរស្មារតីរឹងមាំក្នុងការទាមទារឱ្យរដ្ឋាភិបាលទម្លាក់ចោលការចោទប្រកាន់ និងដោះលែងឱ្យមានសេរីភាពវិញ។ មន្រ្តីសិទ្ធិមនុស្សលើកឡើងថា រឿងនេះជាការធ្វើទុក្ខបុកម្នេញផ្នែកនយោបាយ ហើយស្នើឱ្យរដ្ឋាភិបាលបើកលំហសេរីភាពពលរដ្ឋឡើងវិញ។
អានបន្ត
គាំទ្រដោយ
