កំពុងស្វែងរកទិន្នន័យ
រកឃើញ: 13.146
-
អានបន្ត សាច់ញាតិមិនទាន់ទទួលដំណឹងអំពីយុវជនសង្គម ៦នាក់ ដែលនគរបាលចាប់ខ្លួន
គិតត្រឹមថ្ងៃទី២០ ខែសីហា យុវជននៃសមាគមសម្ពន្ធនិស្សិតបញ្ញវន្តខ្មែរចំនួន ៥នាក់ និងយុវជនម្នាក់នៃអង្គការកម្មវិធីអភិវឌ្ឍន៍ធនធានយុវជន ហៅកាត់ថា YRDP ដែលត្រូវបានសមត្ថកិច្ចចាប់ខ្លួននោះ ខាងក្រុមគ្រួសាររបស់ពួកគាត់ នៅតែមិនទាន់ទទួលបានដំណឹងនៅឡើយ។ ពួកគាត់ចាត់ទុកការចាប់ខ្លួនក្រុមយុវជនទាំងនេះថា គឺជាការរំលោភសិទ្ធិ និងមានចេតនាលាក់បាំងព័ត៌មាន។
អានបន្ត -
អានបន្ត សាច់ញាតិបក្សប្រឆាំងថា អាជ្ញាធរលោក ហ៊ុន ម៉ាណែត បង្កើតព្រឹត្តិការណ៍ចាប់សមាជិកគ្រួសារ ជាគំនុំសងសឹក
សាច់ញាតិបក្សប្រឆាំងចាត់ទុកអាជ្ញាធររដ្ឋាភិបាលលោក ហ៊ុន ម៉ាណែត ចាប់សមាជិកគ្រួសារពួកគាត់ដោយគ្មានកំហុសយកទៅធ្វើជាចំណាប់ខ្មាំងដោះដូរ គឺជានយោបាយជាសងសឹក និងបំបិទសំឡេងជំទាស់នឹងរដ្ឋាភិបាល។ ពួកគាត់ទាមទារឱ្យរដ្ឋាភិបាលបើកលំហសេរីភាពពលរដ្ឋ និងដោះលែងសមាជិកគ្រួសារឱ្យមានសេរីភាពឡើងវិញ។ សាច់ញាតិ និងសកម្មជនបក្សប្រឆាំងរិះគន់រដ្ឋាភិបាលលោក ហ៊ុន សែន និងលោក ហ៊ុន ម៉ាណែត ដឹកនាំប្រទេសលែងមានច្បាប់ទម្លាប់បែរជាចាប់សមាជិកគ្រួសារពួកគាត់ទៅឃុំដាក់សម្ពាធតាមអំពើចិត្ត។
អានបន្ត -
អានបន្ត ពលរដ្ឋសរុប៣១នាក់ត្រូវសមត្ថកិច្ចចាប់ខ្លួន ក្រោយរកឃើញថា មានផែនការធ្វើបាតុកម្មផ្តួលរំលំរដ្ឋាភិបាល
ផែនការកុបកម្មរបស់ក្រុមប្រឆាំងជ្រុលនិយម ដែលចង់ធ្វើបាតុកម្មផ្តួលរំលំរាជរដ្ឋាភិបាលត្រូវបានបំផ្លាញទាំងស្រុង។ នេះបើតាម ឧត្តមសេនីយ៍ ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ។ តាមប្រភពអគ្គស្នងការដ្ឋាននគរបាលជាតិ មនុស្ស៣១នាក់ ក្នុងនោះស្រី២នាក់ ត្រូវបានឃាត់ខ្លួន ពាក់ព័ន្ធនឹងផែនការធ្វើបាតុកម្ម នៅថ្ងៃទី១៨ ខែសីហា ឆ្នាំ២០២៤។
អានបន្ត -
អានបន្ត នគរបាលដោះលែងយុវជន ១៧នាក់ ក្រោយពេលសួរនាំ រឿងសង្ស័យពាក់ព័ន្ធនឹងផែនការធ្វើបាតុកម្មផ្ដួលរំលំរដ្ឋាភិបាល
សមត្ថកិច្ចដោះលែងក្រុមយុវជនដែលចូលរួមសិក្ខាជាមួយអង្គការអភិវឌ្ឍន៍ធនធានយុវជន (YRDP) ចំនួន១៧ ក្រោយសមត្ថកិច្ចសួរនាំពួកគាត់អស់ជាច្រើនម៉ោងអំពីការធ្វើបាតុកម្មប្រឆាំងនឹងរដ្ឋាភិបាល។ អ្នកឃ្លាំមើលសិទ្ធមនុស្សយល់ឃើញថា រដ្ឋាភិបាលគួរតែដោះលែងពួកគាត់ទាំងអស់ឱ្យមានសេរីភាពឡើងវិញដោយឥតលក្ខខណ្ឌ។ ក្រុមយុវជនសង្គមទាំង ១៧នាក់ ដែលត្រូវបានដោះលែងឱ្យមានសេរីភាពវិញកាលពីល្ងាចថ្ងៃទី១៩ ខែសីហានោះ ស្ថិតក្នុងចំណោមក្រុមយុវជន ១៩នាក់ ដែលសមត្ថកិច្ចបានចាប់ខ្លួន។ ក្នុងនោះមានយុវជនម្នាក់មកសមាគមនិស្សិតបញ្ញវន្តខ្មែរបានធ្វើវីដេអូសុំទោសរដ្ឋាភិបាល។
អានបន្ត -
អានបន្ត បក្សប្រជាធិបតេយ្យថាអាជ្ញាធរមិនគោរពនិតិវិធីច្បាប់ ក្នុងអំឡុងបង្ក្រាបបាតុកម្មប្រឆាំងគម្រោងCLV
គណបក្សប្រជាធិតេយ្យមូលដ្ឋានបានចេញសេចក្តីថ្លែងការណ៍ក្នុងថ្ងៃទី១៨សីហា ចាត់ទុកការចាប់ខ្លួនអ្នកស្រី សែម សុផល ដោយមិនបង្ហាញដីកា និងគ្មានហេតុផលប្រាប់ដល់គ្រួសារ ថាជាការបំពាននីតិវិធីច្បាប់កម្ពុជា និងជាការរំលោភសិទ្ធិជាមូលដ្ឋានរបស់ពលរដ្ឋខ្មែរ។ អ្នកស្រី សែម សុផល សកម្មជនបក្សប្រជាធិបតេយ្យបានបាត់ខ្លួន បន្ទាប់ពីត្រូវចាប់ខ្លួន ក្នុងស្រុកសំពៅលូន ខេត្តកណ្តាល កាលពីរសៀលថ្ងៃទី១៦សីហា ក្នុងអំឡុងពេលអាជ្ញាធរចុះបង្ក្រាបចលនាបាតុកម្មប្រឆាំងគម្រោងអភិវឌ្ឍតំបន់ត្រីកោណរបស់រដ្ឋាភិបាលជាមួយឡាវ និងវៀតណាម។
អានបន្ត -
អានបន្ត លោក នី សុខា៖ការចាប់ខ្លួនមនុស្សដោយមិនប្រាប់មូលហេតុ និងគ្មានដីកាគឺជាការបំពានច្បាប់
យុវជនយ៉ាងតិច៣១នាក់ ត្រូវសមត្ថកិច្ចចាប់ខ្លួន ក្នុងបទចោទប្រកាន់ថា ពាក់ព័ន្ធនឹងផែនការធ្វើបាតុកម្ម ទាមទារឲ្យរដ្ឋាភិបាលដកខ្លួនចេញពីគម្រោងអភិវឌ្ឍន៍កម្ពុជា ឡាវ វៀតណាម (CLV) ទៅតាមការ«ញុះញង់»ពីអ្នកនៅក្រៅប្រទេស។ ជាមួយគ្នានេះ នៅថ្ងៃទី១៨ ខែសីហា ក៏មានយុវជន ៤នាក់ ដែលជាសមាជិកសមាគមនិស្សិតបញ្ញវន្តខ្មែរ ក៏ត្រូវបានចាប់ខ្លួន ចំណែកទីស្នាក់ការរបស់សមាគមក៏ត្រូវបញ្ជាឲ្យបិទទ្វារថែមទៀត។ ក្នុងបទសម្ភាសន៍ ជាមួយវិទ្យុបារាំងអន្តរជាតិRFI លោក នី សុខា ប្រធានសមាគម អាដហុក សំដែងការព្រួយបារម្ភថា ការចាប់ខ្លួនយុវជន ដោយមិនប្រាប់ពីមូលហេតុ និងករណីខ្លះមិនមានដីកាផងនោះ គឺជាការបំភិតបំភ័យដល់ពលរដ្ឋផ្សេងទៀត និងជាការបំពានច្បាប់។
អានបន្ត -
អានបន្ត អាជ្ញាធរឃាត់ខ្លួនយុវជន ៤រូប និងបិទទីស្នាក់ការសមាគមសម្ពន្ធនិស្សិតបញ្ញវន្តខ្មែរ
ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ នៅថ្ងៃទី១៨ ខែសីហា បញ្ជាឱ្យសមត្ថកិច្ចបិទទីស្នាក់ការសមាគមសម្ពន្ធនិស្សិតបញ្ញវន្តខ្មែរ និងឃាត់ខ្លួនសមាជិក ៤នាក់ ដោយមិនបញ្ជាក់ពីមូលហេតុ។ ការឃាត់ខ្លួននេះ គឺស្របពេលរដ្ឋាភិបាលរបស់ត្រកូល ''ហ៊ុន'' កំពុងដាក់ពង្រាយកងកម្លាំងនៅទូទាំងប្រទេសត្រៀមបង្ក្រាបអ្នកដែលហ៊ានចេញធ្វើបាតុកម្មប្រឆាំងកិច្ចសហប្រតិបត្តិតំបន់ត្រីកោណអភិវឌ្ឍន៍ CLV-DTA រួមទាំងបានចាប់ខ្លួនពលរដ្ឋជាបន្តបន្ទាប់ ដែលរិះគន់លើបណ្ដាញសង្គមថា រដ្ឋាភិបាលអាចធ្វើឱ្យបាត់ទឹកដីទៅឱ្យប្រទេសវៀតណាម ជុំវិញការបង្កើតកិច្ចសហប្រតិបត្តិតំបន់ត្រីកោណអភិវឌ្ឍជាមួយប្រទេសវៀតណាម។
អានបន្ត -
អានបន្ត សមាជិកគណបក្សភ្លើងទៀន៣រូបទៀតត្រូវបានចាប់ខ្លួននៅខេត្តប៉ៃលិន
នៅយប់ថ្ងៃទី១៧ ខែសីហាឆ្នាំ២០២៤ មានសមាជិកគណបក្សភ្លើងទៀន ចំនួន៣រូបទៀត ត្រូវបានអាជ្ញាធរខេត្តប៉ៃលិន ចាប់ខ្លួនទាំងយប់អាធ្រាតដោយមិនបញ្ជាក់មូលហតុច្បាស់លាស់ និងមិនបង្ហាញដីការបស់តុលាការនោះឡើយ។ នេះបើតាមគណបក្សភ្លើងទៀន។
អានបន្ត -
អានបន្ត យុវជន៥នាក់បន្ថែមទៀតត្រូវបានចាប់ខ្លួន ទោះជាគ្មានបាតុកម្មប្រឆាំងគម្រោងCLV-DTA
យុវជនយ៉ាងតិច៥នាក់ទៀត ត្រូវបានសមត្ថកិច្ចចាប់ខ្លួននៅរយៈពេលពីរថ្ងៃចុងក្រោយនេះ ខណៈដែលគម្រោងបាតុកម្មស្នើ ឲ្យរដ្ឋាភិបាលដកខ្លួនពីគម្រោងអភិវឌ្ឍន៍កម្ពុជា ឡាវ វៀតណាម (CLV)ត្រូវបានខកខានទៅវិញ។ យុវជន៤នាក់ ត្រូវបានចាប់ខ្លួននៅថ្ងៃទី១៨ ខែសីហានេះ នៅការិយាល័យសមាគមសម្ព័ន្ធនិស្សិតបញ្ញាវន្តខ្មែរ និងម្នាក់ទៀតជាសិស្សថ្នាក់ទី១២ នៅវិទ្យាល័យមួយក្នុងខេត្តកំពង់ស្ពឺ ក៏ត្រូវបានចាប់ខ្លួន និងបញ្ជូនទៅកាន់តុលាការកាលពីថ្ងៃទី១៧ ខែសីហា។ ជាសរុបគឺមានយុវជនជិត២០នាក់ ត្រូវបានចាប់ខ្លួនពាក់ព័ន្ធនឹងគម្រោងបាតុកម្មនៅថ្ងៃអាទិត្យនេះ។
អានបន្ត -
អានបន្ត សម្ដេចសង្ឃមួយអង្គរងការរិះគន់ថា ធ្វើឱ្យខូចឈ្មោះសាសនារឿងគាំទ្រគម្រោងអភិវឌ្ឍន៍CLV
ព្រះសង្ឃដែលឈឺឆ្អាលបញ្ហាសង្គមនិងនយោបាយរិះគន់សម្ដេចសង្ឃរាជខ្មែរមួយអង្គថា បានយកតួនាទីទៅបម្រើមហិច្ឆតានយោបាយរបស់គ្រួសារត្រកូលហ៊ុនធ្វើឱ្យអាប់ឱនសាសនារបស់ជាតិ។ ការលើកឡើងនេះបន្ទាប់ពីសម្ដេចសង្ឃរូបនេះបានប្រកាសគាំទ្រគម្រោងអភិវឌ្ឍន៍របស់លោកហ៊ុន សែន។
អានបន្ត -
អានបន្ត តំណាងកម្មករនៅរោងចក្រ សិន តៃ ដាក់ពាក្យបណ្តឹងទៅរដ្ឋមន្ត្រីក្រសួងការងារ ក្រោយសំណើទាំងអស់ត្រូវបានច្រានចោល
តំណាងកម្មករនិយោជិតដែលបម្រើការងារនៅរោងចក្រ សិន តៃ ហ្គាមេន (ខេមបូឌា) បានដាក់ពាក្យបណ្តឹងទៅកាន់រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ លោក ហេង សួរ បន្ទាប់ពីនាយកដ្ឋានវិវាទការងារបានច្រានចោលសំណើសុំដោះស្រាយបញ្ហារបស់ពួកគេនៅក្នុងរោងចក្រ។ ក្រសួងបានអះអាងថា ពួកគេនឹងរកដំណោះស្រាយជូនកម្មការនិយោជិតទាំងនោះ។
អានបន្ត -
អានបន្ត CLV៖ យុវជនម្នាក់នៅកំពង់ស្ពឺ ត្រូវបានបញ្ជូនទៅតុលាការ ដោយសារអំពាវនាវឱ្យអ្នកដទៃប្រឆាំងរដ្ឋាភិបាល
សិស្សវិទ្យាល័យម្នាក់ នៅខេត្តកំពង់ស្ពឺ ត្រូវបានសមត្ថកិច្ចឃាត់ខ្លួន ហើយបញ្ជូនទៅតុលាការ ដោយសារអំពាវនាវឱ្យមហាជនចូលរួមបាតុកម្មប្រឆាំងរាជរដ្ឋាភិបាលកម្ពុជា ពាក់ព័ន្ធនឹងរឿងគម្រោងកិច្ចសហប្រតិបត្តិការអភិវឌ្ឍន៍តំបន់ត្រីកោណ កម្ពុជា-ឡាវ-វៀតណាម (CLV-DTA)។
អានបន្ត -
អានបន្ត លោក ហៃ វណ្ណា បាត់ខ្លួនប្អូនប្រុសម្នាក់ ក្រោយលោក ហ៊ុន សែន គំរាមធ្វើបាប
អាជ្ញាធររបស់លោក ហ៊ុន សែន ចាប់ខ្លួនប្អូនរបស់លោក ហៃ វណ្ណា ឈ្មោះ ហៃ វណ្ណនិត នៅច្រកព្រំដែនប៉ោយប៉ែតកាលពីរសៀលថ្ងៃទី១៦ ខែសីហា។ លោក ហៃ វណ្ណា បារម្ភអំពីសុវត្ថិភាព និងសុខទុក្ខប្អូនប្រុសជាខ្លាំង ដោយមកដល់ពេលនេះ លោកពុំទាន់បានដឹងដំណឹងផ្លូវការណាមួយពីសមត្ថកិច្ចពាក់ព័ន្ធរឿងឃាត់ខ្លួននោះនៅឡើយទេ។ អ្នកឃ្លាំមើលចាត់ទុកករណីនេះថាទង្វើខឹងគោវាយរទេះ ដើម្បីធ្វើទុក្ខបុកម្នេញ បំបាក់ស្មារតីចំពោះអ្នកដែលហ៊ានប្រឆាំងការដឹកនាំរបស់រដ្ឋាភិបាល។
អានបន្ត -
អានបន្ត បក្សឆន្ទៈខ្មែរអំពាវនាវឱ្យដោះលែងសកម្មជនរបស់ខ្លួនក្រោយត្រូវចាប់ខ្លួននៅខេត្ដកំពង់ស្ពឺ
គណបក្សឆន្ទៈខ្មែរបានចេញសេចក្ដីថ្លែងការណ៍ជុំវិញការចាប់ខ្លួនសកម្មជនរបស់ខ្លួន កាលពីថ្ងៃទី១៤ ខែសីហា ឆ្នាំ២០២៤។ សកម្មជនដែលត្រូវចាប់ខ្លួនមានឈ្មោះ សាយ រើន ជាសមាជិកក្រុមប្រឹក្សាខេត្ដកំពង់ស្ពឺ ត្រូវបានចាប់ខ្លួនតាមដីកាបង្គាប់របស់សាលាដំបូងខេត្ដកំពង់ស្ពឺ ដោយមានតម្រុយពិរុទ្ធភាពពីបទ “ផ្ដើមគំនិតក្នុងអំពើញុះញង់ឱ្យមានការរើសអើង” និងបទ “ផ្ដើមគំនិតក្នុងអំពើប៉ុនប៉ងកំហែងយកមានស្ថានទម្ងន់ទោសទាក់ទងទៅនឹងជនរងគ្រោះ” ប្រព្រឹត្ដនៅចំណុចឃុំពោធិអង្គ្រង ស្រុកបរសេដ្ឋ ខេត្ដកំពង់ស្ពឺ កាលពីអំឡុងខែកក្កដា ឆ្នាំ២០២៤។
អានបន្ត -
អានបន្ត សកម្មជនពីរនាក់ទៀតរបស់គណបក្សក្រៅរដ្ឋាភិបាលត្រូវបានចាប់ខ្លួន
នៅសប្តាហ៍ទី៣នៃខែសីហានេះ សមាជិកគណបក្សនៅក្រៅរដ្ឋាភិបាលចំនួន០២រូបទៀត គឺមកពី គណបក្សឆន្ទៈខ្មែរ និងគណបក្សប្រជាធិបតេយ្យមូលដ្ឋាន ត្រូវបានសម្ថកិច្ចបានចាប់ខ្លួន នៅទីកន្លែងផ្សេងគ្នា។
អានបន្ត -
អានបន្ត ស្ថាប័នរដ្ឋ និងអាជ្ញាធរ ប្ដេជ្ញាចាត់វិធានការបង្រ្កាបក្រុមជំទាស់រដ្ឋាភិបាល ជុំវិញគម្រោងអភិវឌ្ឍន៍តំបន់ត្រីកោណ
ចាប់តាំងពីមានភាពចម្រូងចម្រាស់ជុំវិញគម្រោងអភិវឌ្ឍន៍តំបន់ត្រីកោណនាដើមខែសីហាមក ស្ថាប័នរដ្ឋ និងអាជ្ញាធរជាបន្តបន្ទាប់ បានប្តេជ្ញា និងចាត់វិធានការការពារ និងបង្រ្កាបក្រុមដែលរដ្ឋាភិបាលកំណត់ថាជាក្រុមប្រឆាំង។ កងកម្លាំងប្រដាប់អាវុធរួមមានកងទ័ព នគរបាល និងកងរាជអាវុធហត្ថទូទាំងប្រទេស បានត្រៀមការពារសន្តិសុខយ៉ាងរិតត្បិតចាប់ពីថ្ងៃទី ១៥ ខែសីហា ឆ្នាំ២០២៤ រហូតដល់ដាច់ខែ ក្រោមការបញ្ជារបស់រដ្ឋមន្ត្រីក្រសួងមហាផ្ទៃ លោក ស សុខា។ ការត្រៀមខ្លួននេះ ធ្វើឡើងក្រោមហេតុផល ការពារសន្តិសុខ សណ្តាប់ធ្នាប់ និងសុវត្ថិភាពសង្គម ក្រោយមានការអំពាវនាវតាមបណ្តាញសង្គម ឱ្យពលរដ្ឋខ្មែរប្រមូលផ្តុំធ្វើបាតុកម្មនៅថ្ងៃទី១៨សីហាខាងមុខ។
អានបន្ត -
អានបន្ត តុលាការខេត្តពោធិ៍សាត់ចោទប្រកាន់មនុស្សពីរនាក់ពីបទរួមគំនិតក្បត់
អយ្យការអមសាលាដំបូងខេត្តពោធិ៍សាត់បានប្រកាសព័ត៌មានពីរដាច់ដោយឡែកពីគ្នានៅថ្ងៃសុក្រនេះថា នគរបាលស្រុកក្រគរនិងស្រុកវាលវែងបានពីស្រាវជ្រាវរកឃើញមនុស្សពីរនាក់ ដោយម្នាក់ឈ្មោះ សន ច័ន្ទសាន ហៅ ញ៉ោង បានសរសេរអត្ថបទលើបណ្ដាញទិកតុកក្នុងន័យកៀរគរមហោជនចូលរួមបាតុកម្មផ្ដួលរំលំរដ្ឋាភិបាលស្របច្បាប់។ ជនសង្ស័យម្នាក់នេះមានមុខរបរជាជាងផ្ទះ និងមានទីលំនៅស្ថិតក្នុងភូមិខ្លាក្រពើ ឃុំអន្លង់ត្នោត ស្រុកក្រគរ ខេត្តពោធិ៍សាត់។ ជនសង្ស័យម្នាក់នេះត្រូវបាននគរបាលឃាត់ខ្លួនពីម្សិលមិញ។
អានបន្ត -
អានបន្ត ក្រសួងយុត្តិធម៌បន្ទរតាមមេដឹកនាំយកច្បាប់ទៅគំរាមពលរដ្ឋក្នុងការសម្ដែងមតិដោយសន្តិវិធី
ក្រសួងយុត្តិធម៌ ចោទប្រកាន់អ្នកដែលចូលរួមបាតុកម្មតវ៉ាទាមទារឱ្យរដ្ឋាភិបាលដកខ្លួនចេញពីគម្រោងអភិវឌ្ឍន៍ត្រីកោណ (CLV) ជាបទល្មើសរួមគំនិតក្បត់ ដែលត្រូវផ្ដន្ទាទោសដាក់ពន្ធនាគារពី ៥ឆ្នាំទៅ ១០ឆ្នាំ និងពី ១០ឆ្នាំទៅ ២០ឆ្នាំ បើជាមន្ត្រីរាជការសាធារណៈ ព្រោះជាផែនការប៉ុនប៉ងផ្តួលរំលំរាជរដ្ឋាភិបាលកម្ពុជា។
អានបន្ត -
អានបន្ត TOP NEWS: ប្រធានក្រុមក្នុង Group «រួបរួមដើម្បីជាតិ» ឈ្មោះ ខាន់ រដ្ឋា ចេញមកសារភាពទទួលស្គាល់កំហុស និងប្រកាសដកខ្លួនចេញពី ក្រុមជ្រុលនិយមប្រឆាំងគម្រោងអភិឌ្ឍន៍ត្រីកោណ កម្ពុជា ឡាវ វៀតណាម និងគោរពសូមទោសសម្តេចតេជោ ហ៊ុន សែន (Video inside)
យុវជនសកម្មម្នាក់ជាប្រធានក្រុមក្នុង Group «រួបរួមដើម្បីជាតិ» ឈ្មោះ ខាន់ រដ្ឋា ចេញមកសារភាពទទួលស្គាល់កំហុស និងប្រកាសដកខ្លួនចេញពី ក្រុមជ្រុលនិយមប្រឆាំង គម្រោងអភិឌ្ឍន៍ត្រីកោណ កម្ពុជា ឡាវ វៀតណាម (CLV-DPA) និងគោរពសូមទោសសម្តេចតេជោ ហ៊ុន សែន ប្រធានព្រឹទ្ធសភាកម្ពុជា។ លោក ខាន់ រដ្ឋា មានអាយុ៣៤ឆ្នាំ ជនជាតិខ្មែរ សញ្ជាតិខ្មែរ មានស្រុកកំណើត ភូមិអណ្ដូងដៃ ឃុំព្រែក្របៅ ស្រុកកងមាស ខេត្តកំពង់ចាម។
អានបន្ត -
អានបន្ត លោកឆាយ គឹមខឿន៖ មនុស្ស១៤នាក់ត្រូវបានចាប់បញ្ជូនទៅតុលាការ ពាក់ព័ន្ធបាតុកម្មប្រឆាំងគម្រោងCLV
មនុស្ស១៤នាក់ត្រូវបានសមត្ថកិច្ចចាប់ខ្លួនពាក់ព័ន្ធនឹងចលនាបាតុកម្មប្រឆាំងគម្រោងអភិវឌ្ឍតំបន់ត្រីកោណកម្ពុជា ឡាវ និងវៀតណាម។ នេះបើតាមការបញ្ជាក់របស់លោកឆាយ គឹមខឿន អ្នកនាំពាក្យអគ្គស្នងការដ្ឋាននគរបាលជាតិ នៅរសៀលថ្ងៃទី១៦សីហានេះ និងថា បុគ្គលទាំងនោះត្រូវបានចាប់ខ្លួន និងបញ្ជូនទៅតុលាការតែម្តង។ ជុំវិញវិធានការ និងចំណាត់ការរបៀបនេះ អង្គការលីកាដូបានសម្តែងក្តីព្រួយបារម្ភយ៉ាងខ្លាំងពីការប៉ះពាល់សិទ្ធិសេរីភាពរបស់ពលរដ្ឋ។
អានបន្ត
គាំទ្រដោយ
