កំពុងស្វែងរកទិន្នន័យ
រកឃើញ: 12.457
-
មជ្ឈមណ្ឌលសិទ្ធិមនុស្សកម្ពុជាបង្កើនចំណេះដឹងផ្នែកច្បាប់ដល់សហគមន៍ក្រីក្រ
មជ្ឈមណ្ឌលសិទ្ធិមនុស្សកម្ពុជា(CCHR)បានចាក់បញ្ចាំង ភាពយន្តឯកសារខ្លីមួយឲ្យតំណាងសហគមន៍អ្នកមានជម្លោះដីធ្លីទស្សនា ដែលអង្គការនោះយល់ថា ដើម្បីលើកកម្ពស់ការយល់ដឹងពីសិទ្ធិទទួលបានការជំនុំជម្រះដោយយុត្តិធម៌ ខណៈតុលាការរងការរិះគន់ថាមានទំនោរទៅរកបក្សអំណាច។ ការចាក់បញ្ចាំងនេះ ធ្វើឡើងនៅស្នាក់ការ(CCHR)ក្នុងរាជធានីភ្នំពេញ ដែលមានអ្នកចូលរួមជិត១០០នាក់ មកពីតំណាងអង្គការក្រៅរដ្ឋាភិបាល និងសហគមន៍អ្នកមានជម្លោះដីធ្លីខ្លះ នៅតំបឹងកក់ និងបុរីកីឡាជាដើម។
-
អង្គការសិទ្ធិមនុស្សបើកវគ្គពង្រីងសិទ្ធិអំណាចដល់ពលរដ្ឋនៅក្បែរព្រំដែនវៀតណាម
សមាគមការពារសិទ្ធិមនុស្សអាដហុក (ADHOC) ខេត្តត្បូងឃ្មុំ បានចុះផ្សព្វផ្សាយពលរដ្ឋតាមមូលដ្ឋានក្បែរព្រំដែនកម្ពុជា-វៀតណាម ពិសេសពលរដ្ឋជនជាតិដើមភាគតិចស្ទៀង ដែលស្ថិតនៅក្នុងស្រុកមេមត់ ខេត្តត្បូងឃ្មុំ។ គោលបំណងសំខាន់ក្នុងការផ្សព្វផ្សាយគឺចង់ឱ្យពលរដ្ឋចេះប្រើប្រាស់សិទ្ធិសេរីភាពរបស់ពួកគាត់ និងស្គាល់ភាពជាម្ចាស់អំណាចពិតប្រាកដរបស់ខ្លួន។
-
សហគមន៍ព្នងមានជម្លោះដីនឹងក្រុមហ៊ុនវៀតណាមបដិសេធមិនចុះបញ្ជីស្ថិតិដីធ្លី
ប្រជាពលរដ្ឋជនជាតិដើមភាគតិចព្នង ភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី ជាង ២០០គ្រួសារ បដិសេធមិនយល់ព្រមចុះបញ្ជីកំណត់អត្តសញ្ញាណកម្មទៅឲ្យអាជ្ញាធរនោះឡើយ។ អ្នកភូមិអះអាងថា ពួកគេអស់ជំនឿលើអាជ្ញាធរមូលដ្ឋាន ក្នុងការដោះស្រាយជម្លោះដីធ្លីពលរដ្ឋជាមួយក្រុមហ៊ុនវៀតណាម ប៊ិញ ភឿក១។
-
ពលរដ្ឋនៅកំពង់ស្ពឺចោទក្រុមហ៊ុនស្ករស លី យ៉ុងផាត់ បង្ហូរកាកសំណល់ពីរោងចក្រចូលស្ទឹង
ប្រជាពលរដ្ឋនៅស្រុកថ្ពង់ ខេត្តកំពង់ស្ពឺ ចោទប្រកាន់ក្រុមហ៊ុនផលិតស្ករសរបស់លោកឧកញ៉ា លី យ៉ុងផាត់ ថាបានបង្ហូរសារធាតុនៃកាកសំណល់ចេញពីរោងចក្រចូលទឹកស្ទឹង និងអូរធម្មជាតិ ដែលអ្នកស្រុកតែងប្រើប្រាស់ប្រចាំថ្ងៃ។ ចំណែកភាគីតំណាងក្រុមហ៊ុនស្ករស លោក លី យ៉ុងផាត់ វិញបញ្ជាក់ថា សារធាតុដែលបែកធ្លាយចេញពីធុងនោះ គឺមានជាតិស្ករសុទ្ធ ពុំបណ្ដាលឲ្យមានផលប៉ះពាល់សុខភាពទេ។
-
ស្រ្តី និងកុមារងាយរងគ្រោះដោយសារគ្រោះធម្មជាតិ
ការសិក្សាមួយបានបង្ហាញថា ស្ត្រី និងកុមារមានភាពងាយរងគ្រោះ ដោយសារគ្រោះមហន្តរាយនៃការប្រែប្រួលអាកាសធាតុច្រើនជាងបុរស ១៤ ដង ខណៈដែលពួកគេទទួលបានព័ត៌មានតិច កត្តាសង្គមគ្រួសារ និងមានកាយសម្បទាទន់ខ្សោយ ក្នុងការទប់ទល់នឹងបញ្ហានៅពេលកើតមានគ្រោះធម្មជាតិ។
-
តុលាការកាត់ទោសលោក ហ៊ី ណារិន លើបទចោទ ៣ បទល្មើស
សាលាដំបូងរាជធានី ភ្នំពេញកាលពីព្រឹកថ្ងៃពុធបានបើកសវនាការកាត់ទោស ជនជាប់ចោទឈ្មោះ ហ៊ី ណារិន អាយុ ៦០ ឆ្នាំ អតីតអធិការនគរបាលខណ្ឌមានជ័យ ពាក់ព័ន្ធនឹងការប្រព្រឹត្តអំពើពុករលួយ កិបកេងលុយរដ្ឋជាង ២៧០០ លានរៀលក្នុងចន្លោះឆ្នាំ ២០០៦ ដល់ឆ្នាំ ២០១៤។
-
ពលរដ្ឋនៅទល់មុខវិមានសន្តិភាពសុំលោកហ៊ុន សែន ផ្តល់ប័ណ្ណកម្មសិទ្ធិដី
ប្រជាពលរដ្ឋភូមិ៣នៅទល់មុខវិមានសន្តិភាព តាមផ្លូវសហព័ន្ធរុស្ស៊ី នាំគ្នាតវ៉ាជាថ្មីទៀតនៅព្រឹកនេះ ស្នើសុំឲ្យលោកនាយករដ្ឋមន្ត្រី ហ៊ុន សែន ជួយធ្វើអន្តរាគមន៍ទៅសាលារាជធានីភ្នំពេញ ដើម្បីផ្តល់ប័ណ្ណកម្មសិទ្ធិដីធ្លីពួកគេ ។
-
រដ្ឋសភាត្រៀមរើសបេក្ខភាព គ.ជ.ប ថ្មី ក្រោយព្រះមហាក្សត្រឡាយព្រះហស្ថលេខា
មន្រ្តីបានឲ្យដឹងថា នៅថ្ងៃនេះ ព្រះមហាក្សត្រប្រហែលឡាយព្រះហស្ថលេខាលើច្បាប់បោះឆ្នោត និងច្បាប់ស្តីពីគណៈកម្មាធិការជាតិរៀបចំការបោះឆ្នោត (គ.ជ.ប) ដើម្បីអាចបញ្ជូនច្បាប់ទាំងពីរទាន់ពេលវេលាទៅគណៈកម្មាធិការអចិន្ទ្រៃយ៍រដ្ឋសភារៀបចំអង្គប្រជុំរៀបចំនីតិវិធីជ្រើសរើសបេក្ខជនសម្រាប់ គ.ជ.ប។
-
ក្រសួងរៀបចំដែនដីរៀបចំពិនិត្យសើរើគម្រោងផ្ដល់ដីសម្បទានសង្គមកិច្ចនៅខេត្តក្រចេះ
ក្រសួងរៀបចំដែនដី នគរូបនីយកម្ម និងសំណង់ កំពុងរៀបចំពិនិត្យសើរើឡើងវិញលើគម្រោងផ្តល់ដីសម្បទានសង្គមកិច្ចជូនពលរដ្ឋជាង ៣ពាន់ហិកតារ នៅខេត្តក្រចេះ។ ការពិនិត្យឡើងវិញ គឺបន្ទាប់ពីមានសំណើរបស់គណៈកម្មការទី១នៃរដ្ឋសភា ទទួលបន្ទុកសិទ្ធិមនុស្ស និងពាក្យបណ្ដឹងរកឃើញថា មានមនុស្សខិលខូចមួយក្រុមបានយកដីពីរដ្ឋហើយ តែមិនចែកឲ្យពលរដ្ឋទេ តែបែរជាចែកឲ្យតែបក្ខពួកខ្លួនទៅវិញ។
-
ពលរដ្ឋមានជម្លោះដីនៅក្បែរទីស្ដីការតវ៉ាទាមទារប្លង់កម្មសិទ្ធិស្របច្បាប់
ពលរដ្ឋ៦៣គ្រួសារ ក្នុងចំណោមពលរដ្ឋជាង២០០គ្រួសារ ក្នុងភូមិ៣ សង្កាត់ស្រះចក ខណ្ឌដូនពេញ ប្រមូលផ្ដុំតវ៉ានៅមុខផ្ទះរបស់ពួកគាត់ តាមបណ្ដោយផ្លូវសហព័ន្ធរុស្សី ជិតទីស្ដីការគណៈរដ្ឋមន្ត្រី ដើម្បីប្រឆាំងនឹងការសម្រេចរបស់អាជ្ញាធររដ្ឋាភិបាល ដែលមិនផ្ដល់ប្លង់កម្មសិទ្ធិជូនពួកគាត់។ ការប្រមូលផ្ដុំលើកបដានៅព្រឹកថ្ងៃទី២៦ មីនា របស់តំណាងពលរដ្ឋទាំងនោះ ត្រូវបានពួកគាត់អះអាងថា ជារឿងអយុត្តិធម៌ ខណៈដែលពលរដ្ឋ១គ្រួសារដែលជាខ្សែស្រឡាយអ្នកធំ ក្នុងចំណោមពួកគាត់ បានទទួលប្លង់កម្មសិទ្ធិស្របច្បាប់ ហើយអ្នកតវ៉ាបន្តថា ពួកគាត់ប្រឆាំងដាច់ខាត នឹងការរុះរើផ្ទះសម្បែងរបស់ពួកគាត់។
-
គ្រួសារមានជម្លោះដីជាមួយក្រុមហ៊ុន ឃុន សៀ ដើរដល់ទីបញ្ចប់
ជម្លោះដីធ្លីដ៏រ៉ាំរ៉ៃរបស់គ្រួសារមួយ នៅសង្កាត់បឹងកក់ ២ ជាមួយក្រុមហ៊ុនឃុន សៀ នឹងឈានមកដល់ទីបញ្ចប់នៅពេលដែលគ្រួសារនេះ យល់ព្រមទទួលយកសំណងជាទឹកប្រាក់ចំនួន ១៦ ម៉ឺនដុល្លារអាមេរិក ជាថ្នូរនឹងការចាកចេញពីដី ដែលខ្លួនបានរស់នៅជាង ៣០ ឆ្នាំ ប្រគល់ទៅឲ្យក្រុមហ៊ុនកាន់កាប់។
-
សកម្មជនបក្សប្រឆាំង ១១ នាក់ត្រូវបើកសវនាការនៅថ្ងៃសុក្រ
សាលាដំបូងរាជធានីភ្នំពេញ នឹងបើកសវនាការ លើសំណុំរឿងសកម្មជនគណបក្សសង្គ្រោះជាតិចំនួន ១១ នាក់នៅថ្ងៃសុក្រទី ២៧ ខែមីនាខាងមុខនេះ ទាក់ទងនឹងការផ្ទុះអំពើហិង្សានៅក្បែរទីលានប្រជាធិបតេយ្យ កាលពីខែកក្កដាកន្លងទៅ ជាសំណុំរឿងដែលក្រុមមេធាវី និងអង្គការសង្គមស៊ីវិលចាត់ទុកថា ជារឿងនយោបាយ។
-
ក្រសួងការងារសន្យាដោះស្រាយការតវ៉ាដោយបិទផ្លូវរបស់កម្មកររោងចក្រមួយ
ក្រសួងការងារបានសន្យាថា នឹងដោះស្រាយចំពោះការតវ៉ារបស់កម្មកររោងចក្រ សៀវ គីញ ដែលបិទកំណាត់ផ្លូវចូលសាលាកសិកម្មចំការដូងជាច្រើនថ្ងៃមកនេះ បន្ទាប់ពីទទួលបានញត្តិដែលកម្មករសុំអន្តរាគមន៍កាលពីម្សិលមិញ ។
-
គ្រួសារអ្នកកាសែតនៅកំពង់ឆ្នាំងស្នើអាជ្ញាធរតាមចាប់ជនជាប់ចោទ៥នាក់ផ្សេងទៀតដាក់គុក
ចៅក្រមសាលាដំបូងខេត្តកំពង់ឆ្នាំង ប្រកាសសាលក្រមសម្រេចឲ្យជនជាប់ចោទម្នាក់ក្នុងចំណោម ៦នាក់ ជាប់ទោសជាង ១០ឆ្នាំ ពាក់ព័ន្ធនឹងសំណុំរឿងឃាតកម្មលើអ្នកកាសែតមាគ៌ាកម្ពុជា។ មន្ត្រីសិទ្ធិមនុស្ស និងក្រុមគ្រួសារជនរងគ្រោះ បានសាទរចំពោះការសម្រេចរបស់ចៅក្រមនេះ ប៉ុន្តែស្នើឲ្យសមត្ថកិច្ចស្វែងរកចាប់ខ្លួនជនល្មើស ៥នាក់ផ្សេងទៀតដែលកំពុងរត់គេចខ្លួន យកមកផ្ដន្ទាទោស។
-
អង្គភាពប្រឆាំងអំពើពុករលួយរំលឹកអំពីការលុបឈ្មោះមន្ត្រីខ្មោច
អង្គភាពប្រឆាំងអំពើពុករលួយ បានចេញសេចក្ដីប្រកាសមួយរំលឹកដល់ប្រធានអង្គភាពគ្រប់លំដាប់ថ្នាក់នានារបស់រដ្ឋ ទាំងផ្នែកស៊ីវិល និងកងកម្លាំងប្រដាប់អាវុធ ឲ្យលុបបំបាត់ឈ្មោះមន្ត្រីខ្មោច ឬមន្ត្រីដែលមានតែឈ្មោះបើកប្រាក់បៀវត្សតែមិនមកធ្វើការ។ សេចក្ដីជូនដំណឹងនោះ បានព្រមានថា ជនណារក្សាឈ្មោះមន្ត្រីខ្មោច គឺត្រូវផ្ដន្ទាទោសតាមច្បាប់។
-
តុលាការខេត្តមណ្ឌលគិរីស៊ើបអង្កេតបណ្ដឹងចោទមន្ត្រី៣នាក់ចេញលិខិតកាប់ឈើខុសប្រក្រតី
សហគមន៍ជនជាតិដើមភាគតិចព្នង ឃុំប៊ូស្រា ស្រុកពេជ្រាដា ខេត្តមណ្ឌលគិរី ស្វាគមន៍ការស៊ើបអង្កេតរបស់មន្ត្រីស្ថាប័នអយ្យការតុលាការ ទាក់ទិនពាក្យប្ដឹងមន្ត្រីមូលដ្ឋានបីនាក់ពីបទចេញលិខិតកាប់ឈើខុសប្រក្រតី ដែលនាំឲ្យមានការកាប់បំផ្លាញព្រៃឈើសហគមន៍។ សមាជិកសហគមន៍ឃុំប៊ូស្រា ចំនួនបីនាក់ នឹងត្រូវចូលខ្លួនទៅបំភ្លឺចំពោះមុខមន្ត្រីអយ្យការតុលាការខេត្តមណ្ឌលគិរី ក្នុងនាមជាដើមបណ្ដឹង ចោទមន្ត្រីមូលដ្ឋានបីនាក់ពីបទឃុបឃិតចេញលិខិតអនុញ្ញាតកាប់ឈើខុសច្បាប់។
-
អាដហុកស៊ើបអង្កេតករណីទាហានសឹករងខេត្តបាត់ដំបងដេញបាញ់មន្ត្រីសហគមន៍នេសាទ
មន្ត្រីសមាគមការពារសិទ្ធិមនុស្សអាដហុក (Adhoc) ប្រចាំខេត្តបាត់ដំបង កំពុងស៊ើបអង្កេតករណីមន្ត្រីទាហានសឹករងខេត្ត ដេញបាញ់មន្ត្រីសហគមន៍នេសាទត្រីនៅស្រុកឯកភ្នំ ដើម្បីឲ្យសមត្ថកិច្ចចាត់វិធានការផ្លូវច្បាប់លើមន្ត្រីនោះ។ ការស៊ើបអង្កេតនេះ ធ្វើឡើងបន្ទាប់ពីការបាញ់បោះរបស់ទាហាននោះកាលពីថ្ងៃទី១៧ មីនា កន្លងទៅ ហើយពុំទាន់មានចំណាត់ការពីសមត្ថកិច្ចនៅឡើយ។
-
អង្គការសិទ្ធិមនុស្ស៖ រដ្ឋាភិបាលកម្ពុជាបង្អាក់យុត្តិធម៌ចោទប្រកាន់អតីតកម្មាភិបាលខ្មែរក្រហម
វ៉ាស៊ីនតោន—អង្គការសិទ្ធិមនុស្ស Human Rights Watch បានចោទប្រកាន់ប្រទេសកម្ពុជាថា កំពុងបង្អាក់យុត្តិធម៌ទាក់ទងនឹងដីការចោទប្រកាន់លើជនសង្ស័យកម្មាភិបាល ខ្មែរក្រហមពីរនាក់ក្នុងសំណុំរឿងចំនួនពីរដាច់ដោយឡែកពីគ្នា ដែលសង្ស័យថា ពាក់ព័ន្ធនឹងការកាប់សម្លាប់ពលរដ្ឋខ្មែរក្នុងសម័យទសវត្សរ៍១៩៧០។
-
សហគមន៍នៅរតនគិរីចោទក្រុមហ៊ុន៧មករាផារីថាឈូសឆាយព្រៃឈើនិងរំលោភយកដី
ប្រជាពលរដ្ឋជនជាតិដើមភាគតិចរស់នៅភូមិប៉ាតាង ឃុំសេសាន ស្រុកអូរយ៉ាដាវ ខេត្តរតនគិរី អះអាងថា ក្រុមហ៊ុនសម្បទានសេដ្ឋកិច្ច ៧មករាផារី (7 Makara Phary) កំពុងឈូសឆាយព្រៃស្រោង ដើម្បីយកឈើមានតម្លៃដែលអ្នកភូមិអភិរក្ស និងឈូសឆាយទៅលើដីចម្ការមានផលដំណាំរបស់ពលរដ្ឋ ដើម្បីពង្រីកដីសម្បទាន។ សហគមន៍ភូមិប៉ាតាង អំពាវនាវសុំឲ្យអាជ្ញាធរពាក់ព័ន្ធខេត្តរតនគិរី ទប់ស្កាត់ជាបន្ទាន់សកម្មភាពឈូសឆាយព្រៃឈើ និងសកម្មភាពរំលោភយកដីប្រជាពលរដ្ឋពីសំណាក់ក្រុមហ៊ុន ៧មករាផារី។
-
បើកសវនាការកាត់ទោស អតីតអធិការនគរបាលខណ្ឌមានជ័យជុំវិញអំពើពុករលួយ
លោកហ៊ី ណារិន អតីតអធិការនៃអធិការដ្ឋាននគរបាលខណ្ឌមានជ័យកាលពីថ្ងៃទី២៥ ខែមីនា ឆ្នាំ២០១៥ ត្រូវបានបង្គាប់ឲ្យនាំខ្លួនមកកាន់តុលាការក្រុងភ្នំពេញដើម្បីបើកសវនាការជំនុំជម្រះទោសពាក់ព័ន្ធនឹងបទចោទប្រកាន់ ដែលអង្គភាពប្រឆាំងអំពើពុករលួយចាត់ទុកថាជាអំពើពុករលួយនៅក្នុងអង្គភាពនគរបាលខណ្ឌមានជ័យ។