កំពុងស្វែងរកទិន្នន័យ
រកឃើញ: 12.457
-
ក្រសួងបញ្ជាឈប់ឲ្យមានក្រុមជញ្ជីងចល័តបន្ទាប់ពីផ្ទុះរឿងធ្វើទារុណកម្មអ្នកដឹកស្រូវ
ក្រសួងសាធារណៈការ និងដឹកជញ្ជូន ស្តីបន្ទោសមន្ត្រីក្រោមឱវាទថាបានពង្រាយក្រុមចល័ត ត្រួតពិនិត្យរថយន្តដឹកទំនិញតាមបណ្តារាជធានី ខេត្តនានា ដែលផ្គើននឹងវិធានការរបស់ក្រសួងបង្កឲ្យមានបញ្ហាកើតឡើង ។ ការព្រមានរបស់ក្រសួងសាធារណការនេះ ធ្វើឡើងក្រោយពីផ្ទុះរឿងថាសមត្ថកិច្ចនិងក្រុមជញ្ជីងចល័ត ត្រង់គីឡូម៉ែតលេខ៨៩ ក្នុងស្រុកអូរាំងឪ ខេត្តត្បូងឃ្មុំ កាលពីថ្ងៃទី១៩ ខែមីនា ឆ្នាំ២០១៥ បានព្រួតគ្នាធ្វើទារុណកម្មអ្នកបើកបររថយន្តដឹកស្រូវពីរនាក់ចោទថា អ្នកដឹកស្រូវព្យាយាមបើករថយន្តគេច មិនចូល ឲ្យត្រួតពិនិត្យ ។
-
លោក កឹម សុខា សន្យារកយុត្តិធម៌ដល់អ្នកស្លាប់ដោយការគប់គ្រាប់បែកដៃនៅមុខរដ្ឋសភាចាស់
ប្រធានស្ដីទីគណបក្សសង្គ្រោះជាតិ និងជាអនុប្រធានទី១ រដ្ឋសភា លោក កឹម សុខា សន្យានឹងរកយុត្តិធម៌ដល់ជនរងគ្រោះដែលបានស្លាប់ដោយការវាយប្រហារគប់គ្រាប់បែកដៃ កាលពីថ្ងៃទី៣០ មីនា ១៩៩៧ នៅមុខអតីតអគាររដ្ឋសភាចាស់។ ការថ្លែងសន្យារបស់លោក កឹម សុខា ត្រូវបានធ្វើឡើងក្នុងពិធីបង្សុកូលគោរពវិញ្ញាណក្ខន្ធអ្នកស្លាប់ទាំងនោះ កាលពីព្រឹកថ្ងៃទី៣០ មីនា នៅមុខអតីតអាគាររដ្ឋសភាចាស់ លើសួនច្បារមុខវត្តបទុមវតី។ បន្ថែមពីនេះ លោក កឹម សុខា ក៏ថ្លែងសូមទោសចំពោះវិញ្ញាណក្ខន្ធ និងក្រុមគ្រួសារនៃជនរងគ្រោះដោយសារការគប់គ្រាប់បែកដៃ។ ប៉ុន្តែលោកអះអាងថា លោកនឹងមិនបញ្ចប់ត្រឹមនេះឡើយ ដោយលោកនឹងស្វែងរកយុត្តិធម៌ ដោយសន្តិវិធី និងអហិង្សា។
-
សកម្មជនដីធ្លីបដិសេធការចោទរបស់លោក ហ៊ុន សែន ដែលថាតវ៉ាដើម្បីពានរង្វាន់
សកម្មជនដីធ្លីតំបន់បឹងកក់ចេញតវ៉ាជាថ្មីទៀត នៅថ្ងៃចន្ទនេះ ដោយបដិសេធការចោទរបស់ លោក ហ៊ុន សែន ដែលបានចោទប្រកាន់លើពួកគេថា តវ៉ាកន្លងមកដើម្បីបានពានរង្វាន់ ឬតវ៉ាដើម្បីយកជំនួយជាដើមនោះ ។ ស្ត្រីសកម្មជនដីធ្លីដែលនៅសេសសល់ពីការចាប់ដាក់ពន្ធនាគារ បានធ្វើសន្និសីទសារព័ត៌មាន នៅទីនៅមុខសាលារាជធានីភ្នំពេញ ដើម្បីបដិសេធនឹងការចោទប្រកាន់របស់នាយករដ្ឋមន្ត្រី ។
-
សហគមន៍មានជម្លោះដីធ្លីនៅភ្នំពេញស្នើស្ថានទូតអាមេរិកអន្តរាគមន៍ជួយដោះស្រាយ
សហគមន៍មានជម្លោះដីធ្លីនៅភ្នំពេញប្រមាណ៥០នាក់ នៅព្រឹកថ្ងៃចន្ទនេះដាក់ញត្តិទៅស្ថានទូតអាមេរិក និងស្ថាប័នអន្តរជាតិមួយចំនួន ដើម្បីឲ្យជួយអន្តរាគមន៍ជំរុញទៅរដ្ឋាភិបាលពន្លឿនរកដំណោះស្រាយជម្លោះដីធ្លីជូនពួកគាត់ដែលអូសបន្លាយជាច្រើនឆ្នាំមកនេះ ឲ្យបានឆាប់។ អ្នករងគ្រោះដីធ្លីទាំងនោះរួមមាន អតីតសហគមន៍បឹងកក់ដែលទទួលយកសំណងខ្លះ អតីតបឹងកក់ដែលមិនទាន់ទទួលយកសំណង និងសហគមន៍SOS ។ ស្ថានទូត និងស្ថាប័នដែលបានដាក់ញត្តិរួមមាន ស្ថានទូអាមេរិក សហគមន៍អឺរ៉ុប និងធនាគារពិភពលោក (World Bank) ។
-
វិភាគ៖ តើដល់ពេលណាទើបតុលាការនាំជនដៃដល់សម្លាប់អ្នកតវ៉ាទៅផ្តន្ទាទោស?
ជារឿយៗ ក្រុមអង្គការសង្គមស៊ីវិលធ្វើការផ្នែកសិទ្ធិមនុស្សតែងចាត់ទុកថា កម្ពុជាជាប្រទេសនិទណ្ឌភាព ។ បើតាមការសង្កេត ក្រុមជនដៃដល់ជាកងកម្លាំងប្រដាប់អាវុធក្នុងរាជរដ្ឋាភិបាលកម្ពុជាបច្ចុប្បន្ន ដែលជាប់ពាក់ព័ន្ធនឹងការបាញ់បង្ក្រាបលើហ្វូងបាតុករ ធ្វើឲ្យអ្នកតវ៉ាស្លាប់ និងរបួសពិការមួយជីវិត មិនត្រូវបានសមត្ថកិច្ចវែកមុខ ចាប់ខ្លួនទៅផ្ដន្ទាទោសតាមច្បាប់នោះទេ ។ ក្រុមជនដៃដល់ទាំងនោះមាន លោកឈូក បណ្ឌិត អតីតអភិបាលក្រុងបាវិត បានបាញ់ប្រហារលើបាតុករ បណ្ដាលស្ត្រីកម្មករ៣នាក់របួសគ្រាំគ្រាមួយជីវិត ។ កម្លាំងចម្រុះរដ្ឋាភិបាលចុះបង្ក្រាបអ្នកតវ៉ារឿងដីធ្លីនៅភូមិកំពង់ដំរី ស្រុកឆ្លូង ខេត្តក្រចេះ បណ្ដាលឲ្យកុមារីម្នាក់ស្លាប់ ។ ការប៉ះទង្គិចរវាងបាតុករ និងកម្លាំងចម្រុះនៅស្ពានក្បាលថ្នល់ បណ្ដាលឲ្យពលរដ្ឋម្នាក់ស្លាប់ និងរបួសជាច្រើននាក់ ។ កម្លាំងចម្រុះបាញ់បង្ក្រាបហ្វូងបាតុកររោងចក្រអេសអិល(SL) នៅស្ពានស្ទឹងមានជ័យបណ្ដាលឲ្យអ្នកតវ៉ាជាច្រើននាក់របួស និងស្លាប់ស្ត្រីអ្នកលក់បាយម្នាក់ជាដើម ។
-
ពលរដ្ឋមិនពេញចិត្តសំណងពីផលប៉ះពាល់ដោយសារទំនប់សេសានក្រោម២
ក្រុមជនជាតិដើមភាគតិចមួយចំនួននៅខេត្តស្ទឹងត្រែង នៅតែប្រឆាំងដាច់ខាតចំពោះការសាងសង់ និងទាមទារឲ្យបញ្ឈប់ជាបន្ទាន់នូវការសាងសង់ទំនប់វារីអគ្គិសនីសេសានក្រោម២ ដែលទទួលបានការយល់ព្រមពីរដ្ឋសភា និងរដ្ឋាភិបាលរួចទៅហើយនោះ។ ប៉ុន្តែពលរដ្ឋនិងសង្គមស៊ីវិលមួយចំនួនទៀតមិនជំទាស់នឹងការអភិវឌ្ឍនោះទេ ដោយគេស្នើឲ្យផ្អាកបណ្ដោះអាសន្នសិន រង់ចាំការពិនិត្យមើលម្ដងទៀតពីការផ្ដល់សំណងសមរម្យនៃផលប៉ះពាល់។ ក្នុងពេលដែលអ្នកភូមិមួយចំនួនមិនព្រមទទួលយកការផ្ដល់សំណងរបស់រដ្ឋាភិបាល គណៈកម្មការទី៣រដ្ឋសភា ទទួលបន្ទុកវិនិយោគ អភិវឌ្ឍន៍ ធនធានទឹក និងបរិស្ថាន បានចុះមកសាកសួរព័ត៌មានបន្ថែមពីពលរដ្ឋ អាជ្ញាធរ តំណាងក្រុមហ៊ុន និងពលរដ្ឋ។ ក្រោយចុះអង្កេតគណៈកម្មការសភា និងផ្ដល់របាយការណ៍ទៅរដ្ឋាភិបាល។
-
ប្រធានក្លឹបអ្នកកាសែតកម្ពុជាលោក ប៉ែន សមិទ្ធិ ទទួលមរណភាព
ប្រធានក្លឹបអ្នកកាសែតកម្ពុជា និងជានិពន្ធនាយកកាសែតរស្មីកម្ពុជា លោក ប៉ែន សមិទ្ធិ ទទួលមរណភាព នៅវេលាជិតភ្លឺថ្ងៃទី៣០ ខែមីនានេះ ដោយរោគាពាធ ។ សមាជិកគណៈកម្មាធិការនាយកក្លឹបអ្នកកាសែតកម្ពុជា លោក ឆាយ សុផល ឲ្យVODដឹងនៅព្រឹកថ្ងៃទី៣០ ខែមីនានេះថា លោក ប៉ែន សមិទ្ធិ បានទទួលមរណភាពនៅវេលាជិតភ្លឺថ្ងៃនេះ នៅមន្ទីរពេទ្យក្នុងរាជធានីភ្នំពេញ ។ លោកបន្តថាសពលោក ប៉ែន សមិទ្ធិ នឹងត្រូវទុកដាក់នៅវត្តលង្កា ហើយនៅម៉ោង១០ព្រឹកនេះសមាជិក និងគណៈកម្មាធិការក្លឹបអ្នកកាសែតកម្ពុជាទាំងអស់នឹងទៅចូលរួមបុណ្យសពលោក ។
-
បក្សប្រឆាំងថានឹងស្នើទៅបក្សកាន់អំណាច ឲ្យធ្វើវិសោធនកម្មច្បាប់៣ទាក់ទងតុលាការ
ថ្នាក់ដឹកនាំគណបក្សសង្គ្រោះជាតិនៅថ្ងៃចន្ទនេះអះអាងថា បន្ទាប់ពីកែទម្រង់ គ.ជ.ប ថ្មី ចប់ គណបក្សប្រឆាំងនឹងជំរុញឲ្យបក្សកាន់អំណាចធ្វើវិសោធនកម្មច្បាប់ចំនួន៣ទាក់ទិននឹងតុលាការ ដើម្បីឲ្យស្ថាប័ននេះឯករាជ្យ ។ ការអះអាងនេះ ធ្វើឡើងនៅក្នុងពិធីរំឭកវិញ្ញាណក្ខន្ធដល់អ្នកស្លាប់នៅគ្រាដែលគេគប់គ្រាប់បែកមុខរដ្ឋសភាចាស់ កាលពីឆ្នាំ១៩៩៧ ខណៈលោក សម រង្ស៊ី ដឹកនាំក្រុមបាតុករធ្វើបាតុកម្មទាមទារឲ្យកែទម្រង់ប្រព័ន្ធតុលាការ និងទាមទារសិទ្ធិសេរីភាពឲ្យប្រជាពលរដ្ឋ ។
-
លីកាដូរកឃើញក្រុមហ៊ុនបរទេសសរុប១៣២ទទួលដីសម្បទានសេដ្ឋកិច្ចជាង១លានហិកតា
របាយការណ៍របស់អង្គការលីកាដូស្តីពីការផ្តល់ដីសម្បទានសេដ្ឋកិច្ចឲ្យដឹងថារហូតមកដល់ពេលនេះ ក្រុមហ៊ុនបរទេសសរុបចំនួន១៣២ ត្រូវបានរដ្ឋាភិបាលកម្ពុជាផ្តល់ដីជាង១លានហិកតាឲ្យវិនិយោគ។ ជាមួយទិន្នន័យដីសម្បទានសេដ្ឋកិច្ចនេះ អង្គការលីកាដូបានចេញសេចក្តីថ្លែងការណ៍មួយ ដោយអំពាវនាវឲ្យរដ្ឋាភិបាលបញ្ចេញទិន្នន័យច្បាស់លាស់ទាក់ទងនឹងដីសម្បទាននេះ។ សេចក្តីថ្លែងការណ៍បញ្ជាក់ថាទិន្នន័យដីសម្បទានសេដ្ឋកិច្ចដែលត្រូវបានចេញផ្សាយនៅថ្ងៃចន្ទនេះ គឺត្រូវបានចងក្រងក្នុងរយៈពេល៥ឆ្នាំនៃការស៊ើបអង្កេតទៅលើវិស័យនេះ។
-
មន្ត្រីឃ្លាំមើលការបោះឆ្នោតលើកទឹកចិត្តឲ្យមានការដាក់ពាក្យជាសមាជិក គ.ជ.ប ថ្មីឲ្យបានច្រើន
នាយកប្រតិបត្តិអង្គការឃ្លាំមើលការបោះឆ្នោតហៅកាត់ថាខុមហ្វ្រែល លោក គល់ បញ្ញា មានប្រសាសន៍ជាមួយVODនៅថ្ងៃអាទិត្យនេះថា ជាការប្រសើរណាស់ ដែលគណបក្សទាំងពីរបើកចំហឲ្យអ្នកដាក់ពាក្យដើម្បីធ្វើជាសមាជិក គ.ជ.ប ថ្មីនោះ ។ លោកលើកទឹកចិត្តឲ្យអ្នកមានសមត្ថ ដាក់ពាក្យឲ្យបានច្រើន ដើម្បីឲ្យក្រុមការងារនៃគណបក្សទាំងពីរ ជ្រើសរើសយកអ្នកដែលមានសមត្ថភាពគ្រប់គ្រាន់ធ្វើការ ចៀសវាងការរើសយកអ្នកមិនមានសមត្ថភាព នាំឲ្យដំណើរការបោះឆ្នោតលើកក្រោយមានបញ្ហា។ ប៉ុន្តែលោកបន្តថា បើការជ្រើសរើសយកបេក្ខភាពនោះ គ្មានតម្លាភាព ធ្វើតាមការកំណត់ទុកនៃបក្សរៀងៗខ្លួន នោះវានឹងនាំឲ្យដំណើរការ គ.ជ.ប ថ្មី មិនបម្រើដល់ផលប្រយោជន៍ពលរដ្ឋទូទៅ គឺនៅតែបម្រើផលប្រយោជន៍បក្សដដែល ។
-
អង្គការសហប្រជាជាតិទំនងនឹងតែងតាំងស្ត្រីជនជាតិអង់គ្លេសជាតំណាងពិសេសសិទ្ធិមនុស្សប្រចាំកម្ពុជា
អង្គការសហប្រជាជាតិទំនងនឹងជ្រើសរើសយកលោកស្រី Rhona Smith ជាបេក្ខភាពសម្រាប់តំណែងអ្នករាយការណ៍ពិសេសអង្គការសហប្រជាជាតិ ប្រចាំកម្ពុជាជំនួសលោកសូរិយា ប្រាសាទ ស៊ូប៊ែឌី ដែលបានបញ្ចប់អាណត្តិរយៈពេល៦ឆ្នាំរបស់គាត់មកកាន់កម្ពុជា នៅឆ្នាំ២០១៥នេះ ។
-
សង្គមស៊ីវិលគាំទ្រជំនួបស្វែងរកដំណោះស្រាយដល់ជនភៀសខ្លួនម៉ុងតាញ៉ា
មន្ត្រីសង្គមស៊ីវិលដែលតាមដានស្ថានភាពជនជាតិម៉ុងតាញ៉ាវៀតណាម ឲ្យដឹងថា ជនជាតិម៉ុងតាញ៉ាវៀតណាមចំនួន១៣រូប ដែលកំពុងលាក់ខ្លួនក្នុងព្រៃខេត្តរតនគិរី នៅតែបន្តជួបប្រទះបញ្ហាខ្វះខាតស្បៀងអាហារ ហើយប្រឈមនឹងជំងឺតម្កាត់ផ្សេងៗ។ ស្របពេលជាមួយគ្នា សង្គមស៊ីវិល ក៏គាំទ្រនូវជំនួបពិភាក្សាស្វែងរកដំណោះស្រាយ សម្រាប់ជនជាតិម៉ុងតាញ៉ាវៀតណាម ដែលបានធ្វើឡើងរវាងមន្ត្រីអង្គការសហប្រជាជាតិ ជាមួយមន្ត្រីកម្ពុជានិងវៀតណាម កាលពីថ្ងៃទី២៣ ខែមីនា កន្លងទៅ។
-
បញ្ហាប្រឈមរបស់យុវជនក្នុងពេលសមាហរណកម្មសេដ្ឋកិច្ចអាស៊ាន២០១៥
ក្រុមយុវជន ដែលជាសិស្សនិស្សិតបង្ហាញក្ដីកង្វល់ នៅពេលពេលសមាហរណកម្មសេដ្ឋកិច្ច អាស៊ាន២០១៥ នឹងត្រូវចូលមកដល់ក្នុងចុងឆ្នាំនេះ។ ក្រុមយុវជនយល់ឃើញថា ការរួមបញ្ចូលគ្នាតែមួយនៃសមាគមសេដ្ឋកិច្ចអាស៊ាននេះ នឹងនាំឲ្យពួកគេត្រូវប្រឈមមុខកាន់តែខ្លាំង ជាពិសេសលើការរកការងារធ្វើ។ ដោយឡែកមន្ត្រីរបស់រដ្ឋាភិបាលវិញ ទទួលស្គាល់ថា តាមរយៈការលើកលែងពន្ធ នឹងធ្វើឲ្យកម្ពុជាត្រូវខាតបង់ប្រមាណ ៧ភាគរយ ក៏ពិតមែន ក៏ប៉ុន្តែជំនួសមកវិញប្រទេសអាចនឹងស្រូបបានភ្ញៀវ និងអ្នកវិនិយោគបានច្រើនជាងមុន។
-
HRWដាក់សម្ពាធក្រុមហ៊ុនបញ្ជាទិញរបស់អាល្លឺម៉ង់ឲ្យគោរពលក្ខខ័ណ្ឌការងារនិងសិទ្ធិកម្មករ
អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Right Watch) បានដាក់សម្ពាធក្រុមហ៊ុនបញ្ជាទិញផលិតផលសំខាន់ៗ របស់អាល្លឺម៉ង់ ដូចជាក្រុមហ៊ុនអាឌីដាស (Adidas) ក្រុមអេច្ឆ អេន អឹម (H&M) និងក្រុមហ៊ុនធំៗជាច្រើនទៀត ត្រូវតែពិនិត្យមើលឡើងវិញ អំពីសង្វាក់ផលិតកម្មនៅកម្ពុជា ដែលពោរពេញទៅដោយការរំលោភសិទ្ធិកម្មករ។ របាយការណ៍ដដែល គូសបញ្ជាក់ថា កង្វះតម្លាភាព នឹងបណ្ដាលឲ្យក្រុមហ៊ុននោះដួលរលំ។ អង្គការឃ្លាំមើលសិទ្ធិមនុស្សអន្តរជាតិ បានចេញរបាយការណ៍ផ្ទួនៗគ្នា នៅកំឡុងខែមីនានេះ ដែលគេបានរកឃើញថា វិស័យកាត់ដេរសំលៀកបំពាក់ដែលទ្រទ្រង់កំណើនសេដ្ឋកិច្ចកម្ពុជា មានការរំលោភសិទ្ធិមនុស្សធ្ងន់ធ្ងរ នៅក្នុងសង្វាក់ផលិតកម្មរបស់ខ្លួន។ អង្គការដដែលនេះ បានក្រើនរំលឹកដល់រោងចក្រដែលផ្គត់ផ្គង់ ទៅអ្នកបញ្ជាទិញធំៗ នៅលើទីផ្សារអន្តរជាតិនោះ ជាពិសេសរោងចក្ររបស់អាល្លឺម៉ង់ ដែលផ្គត់ផ្គង់ម៉ាកសំខាន់ៗដូចជាអាឌីដាស់ (Adidas) ជាដើម ត្រូវលើកកម្ពស់ការគោរពសិទ្ធិមនុស្ស និងសុវត្ថិភាពតាមរយៈ ការធានាឲ្យសង្វាក់ផ្គត់ផ្គង់ ឲ្យមានតម្លាភាព។
-
ពលរដ្ឋនៅពីរសង្កាត់ផ្សេងគ្នាតវ៉ាមិនឲ្យបូមខ្សាច់ពីទន្លេចូលព្រែក ខ្លាចប៉ះពាល់ផ្ទះពួកគេ
ប្រជាពលរដ្ឋប្រមាណ៣០នាក់ រស់នៅតាមបណ្ដោយប្រឡាយព្រែកបារាំង ក្នុងភូមិតាង៉ូវ សង្កាត់និរោធ ខណ្ឌច្បារអំពៅ ប្រមូលផ្ដុំគ្នាតវ៉ាបញ្ឈប់ការបូមខ្សាច់ពីទន្លេចូលព្រែក ព្រោះខ្លាចប៉ះពាល់ផ្ទះពួកគាត់ចំនួនពីរសង្កាត់នៅតំបន់នោះ ។ សង្កាត់ទាំងនោះរួមមាន សង្កាត់និរោធ និងសង្កាត់ច្បារអំពៅ ។ តំណាងសហគមន៍តាង៉ូវ សង្កាត់និរោធ ខណ្ឌច្បារអំពៅ រាជធានីភ្នំពេញ អ្នកស្រី អៀង ញ៉ ប្រាប់VODនៅថ្ងៃអាទិត្យនេះថា តាមគម្រោងរបស់សាលាខណ្ឌច្បារអំពៅ ត្រូវបូមខ្សាច់លុបព្រែកបារាំង រួចធ្វើផ្លូវបេតុងទទឹង១៤ម៉ែត្រ ។ អ្នកស្រីអះអាងថា ការអនុវត្តជាក់ស្តែង អាជ្ញាធរធ្វើផ្លូវដល់ទៅ១៦ម៉ែត្រ នាំឲ្យប៉ះពាល់ផ្ទះប្រជាពលរដ្ឋចំនួន២៧គ្រួសារ ដែលកំពុងរស់នៅក្បែរប្រឡាយព្រែកបារាំងនោះ ។ អ្នកស្រីថា អ្នកស្រីមិនប្រឆាំងនឹងការបូមខ្សាច់នោះទេ តែអ្នកស្រីស្នើទៅអភិបាលខណ្ឌ នឹងអាជ្ញាធរពាក់ព័ន្ធ ឲ្យធ្វើផ្លូវបេតុងនៅតំបន់នោះត្រឹមតែ៨ម៉ែត្រ ទុក៨ម៉ែត្រទៀតឲ្យប្រជាពលរដ្ឋសង់លំនៅដ្ឋាននៅនឹងកន្លែង ។
-
អង្គជំនុំជម្រះសាលាក្ដីខ្មែរក្រហមផ្លាស់ប្ដូរពេលវេលាធ្វើសវនាការសាក្សីពីអាមេរិក
អង្គជំនុំជម្រះសាលាដំបូង នៃសាលាក្ដីខ្មែរក្រហមប្រកាសផ្លាស់ប្ដូរពេលវេលាធ្វើសវនាការ នៅថ្ងៃចន្ទ ទី ៣០ មីនា ពីម៉ោង ៩ មកម៉ោង ៨ ព្រឹកវិញ។ ប្រធានអង្គជំនុំជម្រះសាលាដំបូង លោកចៅក្រម និល ណុន ប្រកាសថា ការផ្លាស់ប្ដូរពេលវេលានេះ គឺសម្រាប់តែសវនាការរយៈពេល ៣ថ្ងៃទេ ដោយសារតែពេលវេលានៅសហរដ្ឋអាមេរិក ខុសគ្នាពីពេលវេលានៅប្រទេសកម្ពុជា៖ «សវនាការនៅថ្ងៃចន្ទដើមសប្ដាហ៍ក្រោយនេះ អង្គជម្រះនឹងធ្វើសវនាការស្ដាប់សាក្សី ឌុតមែន ដែលនឹងត្រូវធ្វើតាមរយៈមធ្យោបាយសោតទស្សន៍ពីសហរដ្ឋអាមេរិក។ សូមភាគីជ្រាប និងអញ្ជើញចូលរួមតាមពេលវេលាកំណត់នេះ ហើយអង្គជម្រះក៏សូមរំឭកផងដែរថា សវនាការស្ដាប់សក្ខីកម្មសាក្សី ឌុតមែន ត្រូវធ្វើតែនៅពេលព្រឹក ដោយចាប់ពីម៉ោង ៨ រហូតដល់ម៉ោង ១០ព្រឹក។ សវនាការហ្នឹង ៣ថ្ងៃ គឺថ្ងៃទី ៣០, ៣១ ខែមីនា ហើយនឹងថ្ងៃទី ១ ខែមេសា ឆ្នាំ ២០១៥។ នេះការស្ដាប់សក្ខីកម្មសាក្សី ឌុតមែន ដែលមានរយៈពេល ២ម៉ោងក្នុងមួយថ្ងៃ ហើយធ្វើតែពេលព្រឹកទេ»។
-
អាជ្ញាធរខេត្តរតនគិរីគ្រោងកោះហៅសហគមន៍ប៉ាតាងដោះស្រាយជម្លោះដីធ្លី
អាជ្ញាធរស្រុកអូរយ៉ាដាវ គ្រោងកោះអញ្ជើញសហគមន៍ភូមិប៉ាតាង ឃុំសេសាន ស្រុកអូរយ៉ាដាវ ខេត្តរតនគិរី មកប្រជុំសម្របសម្រួលជម្លោះរវាងពលរដ្ឋ និងក្រុមហ៊ុនសម្បទានសេដ្ឋកិច្ច ៧មករា ផារី ក៏ប៉ុន្តែអ្នកភូមិអះអាងថា បើទោះជាមានគម្រោងប្រជុំដោះស្រាយបញ្ហាក៏ដោយ ក៏បញ្ហាចម្បង គឺក្រុមហ៊ុនត្រូវតែបញ្ឈប់ការឈូសឆាយ។
-
តុលាការពន្យារពេលជាថ្មីទៀតក្រោយពីសវនាការបានមួយថ្ងៃ
ភ្នំពេញ—បន្ទាប់ពីបានបើកសវនាការពេញមួយថ្ងៃលើសំណុំរឿងសួនប្រជាធិបតេយ្យដែលចោទសកម្មជននយោបាយ១១នាក់ពីបទអំពើហិង្សាមកនោះ តុលាការក្រុងភ្នំពេញបានពន្យារពេលម្តងទៀត ដោយបានប្រកាសថា សវនាការនេះនឹងបន្តនៅថ្ងៃទី២០ខែមេសាក្រោយនេះ។ ទាំងមេធាវីការពារក្តី និងជនជាប់ចោទបានហៅការពន្យារពេលរឿងក្តីនេះម្តងហើយម្តងទៀតថា ជាប់ពាក់ព័ន្ធនឹងរឿងនយោបាយសុទ្ធសាធ។
-
ចៅក្រមស៊ើបអង្កេតសាលាក្តីខ្មែរក្រហមចោទប្រកាន់មនុស្សម្នាក់ទៀតក្នុងសំណុំរឿង០០៤
អតីតលេខារងភូមិភាគកណ្តាលសម័យកម្ពុជាប្រជាធិបតេយ្យ(របបប៉ុល ពត) លោក អោ អាន ដែលគេតែងតែស្គាល់ថាតា អាន ត្រូវបានចៅក្រមស៊ើបអង្កេតនៃសាលាក្តីខ្មែរក្រហម សម្រេចចោទប្រកាន់ និងដាក់ឲ្យនៅក្រោមការត្រួតពិនិត្យ។ លោក អោ អាន អាយុ៨២ឆ្នាំ ជាអតីតអនុប្រធានតំបន់មជ្ឈិម ឬខេត្តកំពង់ចាម ដែលមានមនុស្សជាង១៥០.០០០នាក់ស្លាប់ក្នុងរបបខ្មែរក្រហម។ សព្វថ្ងៃ អោ អាន កំពុងរស់នៅក្នុងស្រុកកំរៀង ខេត្តបាត់ដំបង។
-
គណៈកម្មការទី៣រដ្ឋសភាចុះអង្កេតផលប៉ះពាល់នៃទំនប់វារីអគ្គិសនីសេសានក្រោម២
នៅឯខេត្តស្ទឹងត្រែង គណៈកម្មការទី៣ នៃរដ្ឋសភា គឺគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក នៅថ្ងៃទី២៨ មីនា បានចុះអង្កេតផលប៉ះពាល់នៃការសាងសង់ទំនប់វារីអគ្គិសនីសេសានក្រោម២។
គាំទ្រដោយ
