កំពុងស្វែងរកទិន្នន័យ
រកឃើញ: 12.457
-
កំពូលមិនចាត់ការការសុំនៅក្រៅឃុំរបស់ស្ត្រីមានជម្លោះដីជាមួយឧកញ៉ា ឃុន សៀ
តុលាការកំពូល កាលពីម្សិលមិញ បានសម្រេចមិនចាត់ការបណ្តឹងសុំនៅក្រៅឃុំរបស់ស្រ្តីត្រូវចោទក្នុងជម្លោះដីធ្លីជាមួយឧកញ៉ា ឃុន សៀម្នាក់ ដោយសារសំណុំរឿងនេះសាលាដំបូងរាជធានីភ្នំពេញ បានបញ្ចប់ការស៊ើបអង្កេតទៅហើយ ហើយថា បើតុលាការថ្នាក់ក្រោមបិទការស៊ើបអង្កេតបែបនេះ តុលាការកំពូលមិនអាចសម្រេចលើការសុំនៅក្រៅឃុំរបស់មេធាវីគាត់បានទេ។ លោក ឃឹម ប៉ុណ្ណ ប្រធានក្រុមប្រឹក្សាជំនុំជម្រះរបស់តុលាការកំពូលបានថ្លែងនៅចំពោះមុខស្រ្តីត្រូវចោទម្នាក់ដែលមានទំនាស់ដីធ្លីជាមួយឧកញ៉ាឃុន សៀ បន្តថា៖ «តុលាការថ្ងៃនេះជំនុំជម្រះបណ្តឹងសារទុក្ខសុំនៅក្រៅឃុំរបស់មេធាវី ជនត្រូវចោទ។ ប៉ុន្តែសំណុំរឿងស្រ្តីត្រូវចោទរូបនេះ តុលាការមិនអាចអនុញ្ញាតឲ្យគាត់នៅក្រៅឃុំបានទេ ប្រសិនបើតុលាការថ្នាក់ក្រោមបិទការស៊ើបអង្កេត ទៅហើយនោះ»។
-
ម.ស.ម.ក នឹងសម្ពោធខ្សែវីដេអូខ្លីស្តីអំពីសិទ្ធិទទួលបានការជំនុំជម្រះដោយយុត្តិធម៌
នៅថ្ងៃទី២៦ ខែមីនា ឆ្នាំ២០១៥ មជ្ឈមណ្ឌលសិទ្ធិមនុស្សកម្ពុជា (“ម.ស.ម.ក”) នឹងសម្ពោធខ្សែវីដេអូខ្លីមួយ ក្នុងគោលបំណងលើកកម្ពស់ការយល់ដឹងស្ដីពីសិទ្ធិទទួលបានការជំនុំជម្រះដោយយុត្តិធម៌ដែលផ្តោតសំខាន់ទៅលើ សិទ្ធិមានមេធាវី និងមានវត្តមាននៅពេលសវនាការ សិទ្ធិទទួលបានការសន្មត់ទុកជាមុនថាគ្មានទោស សិទ្ធិរបស់ជនជាប់ចោទជាអនីតិជន សិទ្ធិទទួលបានការជំនុំជម្រះដោយតុលាការដែលមិនលម្អៀង។
អានបន្ត -
បទសម្ភាសន៍៖ ការឆ្លើយតបរបស់កម្ពុជាចំពោះមុខគណៈកម្មការសិទ្ធិមនុស្សអង្គការសហប្រជាជាតិ
គណៈកម្មាធិការសិទ្ធិមនុស្សរបស់អង្គការសហប្រជាតិ ដែលមានទីតាំងនៅទីក្រុងហ្សឺណែវ ប្រទេសស្វ៊ីសបានត្រួតពិនិត្យលើកទី២ ស្តីពីរបាយការណ៍សិទ្ធិមនុស្សនៅកម្ពុជា កាលពីថ្ងៃទី១៧ និង១៨ ខែមីនានេះនៅក្នុងសម័យប្រជុំប្រចាំឆ្នាំរបស់ខ្លួន ។ តើនៅក្នុងកិច្ចប្រជុំនោះ គណៈកម្មការសិទ្ធិមនុស្សអង្គការសហប្រជាជាតិ បានចោទសំណួរអ្វីខ្លះដល់គណៈកម្មការសិទ្ធិមនុស្សកម្ពុជា ?
-
ពលរដ្ឋប្រមាណ៧០គ្រួសារនៅតាកែវនាំគ្នាឃាត់គ្រឿងចក្រមន្ត្រីយោធាឈូសឆាយដីស្រែ
ប្រជាពលរដ្ឋប្រមាណ ៧០គ្រួសារ នៅឃុំអូរសារាយ ស្រុកត្រាំកក់ ខេត្តតាកែវ នៅថ្ងៃទី២៤ មីនា បានចុះទៅឃាត់គ្រឿងចក្ររបស់មន្ត្រីយោធាម្នាក់ ដែលពួកគាត់ចោទថាបានចុះទៅឈូសឆាយដីស្រែគាត់ប្រមាណ ៥០ហិកតារ។ ប្រជាពលរដ្ឋនៅភូមិស្ទឹង ឃុំអូរសារាយ ឈ្មោះ ងួន ប៉ិក អាយុ ៦៣ឆ្នាំ អះអាងថា មន្ត្រីយោធាម្នាក់ឈ្មោះ ស្វាយ សារ៉ាត់ បានរំលោភយកដីពួកគាត់៖ «មានអ្នកកាន់អំណាច លោក ស្វាយ សារ៉ាត់ យកអាត្រាក់មកឈូសឆាយដីប្រជាជន កំពុងឈូសឆាយ កំពុងយកអាត្រាក់មករុញមកភ្ជួរ។ អ្នកភូមិម្នាក់ទៀត៖ ទាហាន ស្វាយ សារ៉ាត់ គាត់មកឈូសឆាយភ្ជួរដីប្រជាពលរដ្ឋ។ ឥឡូវប្រជាជនទៅហាមឃាត់អត់ឲ្យឈូសឆាយ បាទ! គេនៅតែឈូសឆាយ។ ខ្ញុំកាន់កាប់មកយូរហើយ ហើយគាត់អត់ដែលឃើញមកធ្វើផង ហើយមកឈូសឆាយអ៊ីចឹងខ្ញុំមិនព្រម»។
-
កម្មករនៅព្រែកព្នៅរកអន្តរាគមន៍ពីនាយករដ្ឋមន្ត្រីករណីរោងចក្របញ្ឈប់កម្មករគ្មានមូលហេតុ
កម្មករមកពីរោងចក្រកាត់ដេរមេរ៉ូសាន់ ក្នុងខណ្ឌព្រែកព្នៅ រាជធានីភ្នំពេញ ស្វែងរកកិច្ចអន្តរាគមន៍ពីប្រមុខរដ្ឋាភិបាល លើករណីថៅកែរោងចក្រដែលពួកគេចោទថា មិនគោរពច្បាប់ការងារ និងបានបញ្ឈប់កម្មករ៥០នាក់ដោយគ្មានមូលហេតុ ។ កម្មកររោងចក្រមេរ៉ូសាន់ប្រមាណ៥០នាក់នៅព្រឹកថ្ងៃអង្គារនេះ បាននាំគ្នាឡើងមកដាក់ញត្តិនៅខុទ្ធកាល័យនាយករដ្ឋមន្ត្រី ហ៊ុន សែន ។ កម្មការនីម្នាក់ឈ្មោះ លុន ចាន់ណា ប្រាប់អ្នកសារព័ត៌មានមុនពេលដាក់ញត្តិថា ថៅកែរោងចក្រមេរ៉ូសាន់បានបញ្ឈប់កម្មករ ដោយគ្មានហេតុផលឲ្យបានច្បាស់លាស់ ហើយការបញ្ឈប់របស់ថៅកែរោងចក្ររូបនោះ មិនបានផ្ដល់ប្រាក់អត្ថប្រយោជន៍ផ្សេងៗជូនកម្មករនោះទេ ។
-
ពលរដ្ឋប្រមាណ៧០គ្រួសារនៅតាកែវនាំគ្នាឃាត់គ្រឿងចក្រមន្ត្រីយោធាឈូសឆាយដីស្រែ
ប្រជាពលរដ្ឋប្រមាណ ៧០គ្រួសារ នៅឃុំអូរសារាយ ស្រុកត្រាំកក់ ខេត្តតាកែវ នៅថ្ងៃទី២៤ មីនា បានចុះទៅឃាត់គ្រឿងចក្ររបស់មន្ត្រីយោធាម្នាក់ ដែលពួកគាត់ចោទថាបានចុះទៅឈូសឆាយដីស្រែគាត់ប្រមាណ ៥០ហិកតារ។ ប្រជាពលរដ្ឋនៅភូមិស្ទឹង ឃុំអូរសារាយ ឈ្មោះ ងួន ប៉ិក អាយុ ៦៣ឆ្នាំ អះអាងថា មន្ត្រីយោធាម្នាក់ឈ្មោះ ស្វាយ សារ៉ាត់ បានរំលោភយកដីពួកគាត់៖ «មានអ្នកកាន់អំណាច លោក ស្វាយ សារ៉ាត់ យកអាត្រាក់មកឈូសឆាយដីប្រជាជន កំពុងឈូសឆាយ កំពុងយកអាត្រាក់មករុញមកភ្ជួរ។ អ្នកភូមិម្នាក់ទៀត៖ ទាហាន ស្វាយ សារ៉ាត់ គាត់មកឈូសឆាយភ្ជួរដីប្រជាពលរដ្ឋ។ ឥឡូវប្រជាជនទៅហាមឃាត់អត់ឲ្យឈូសឆាយ បាទ! គេនៅតែឈូសឆាយ។ ខ្ញុំកាន់កាប់មកយូរហើយ ហើយគាត់អត់ដែលឃើញមកធ្វើផង ហើយមកឈូសឆាយអ៊ីចឹងខ្ញុំមិនព្រម»។
-
ម.ស.ម.ក នឹងបញ្ចាំងខ្សែភាពយន្តមួយស្តីពីសិទ្ធិទទួលបានការជំនុំជម្រះដោយយុត្តិធម៌
មជ្ឈមណ្ឌលសិទ្ធិមនុស្សកម្ពុជា (ម.ស.ម.ក) នឹងចាក់បញ្ចាំងខ្សែរភាពយន្តមួយ ស្តីពីសិទ្ធិទទួលបានការជំនុំជម្រះដោយយុត្តិធម៌នៅក្នុងសប្តាហ៍នេះ ខណៈប្រព័ន្ធតុលាការកម្ពុជារងការចោទថា មានភាពលម្អៀង កាត់ក្តីមិនយុត្តិធម៌ ទំនោរទៅតាមអ្នកនយោបាយ ។ សេចក្តីប្រកាសព័ត៌មានរបស់មជ្ឈមណ្ឌលសិទ្ធិមនុស្សកម្ពុជា (CCHR) ចុះថ្ងៃទី២៤ ខែមីនានេះឲ្យដឹងថា នៅថ្ងៃទី២៦សប្តាហ៍នេះ (CCHR) នឹងសម្ពោធខ្សែរវីដេអូខ្លីមួយ ក្នុងគោលបំណងលើកកម្ពស់ការយល់ដឹងស្តីពីសិទ្ធិទទួលបានការជំនុំជម្រះដោយយុត្តិធម៌ ដែលផ្តោតសំខាន់ទៅលើ សិទ្ធិមានមេធាវី និងមានវត្តមាននៅពេលសវនាការ សិទ្ធិទទួលបានការសន្មត់ទុកជាមុនថា គ្មានទោស សិទ្ធិរបស់ជនជាប់ចោទជាអនីតិជន សិទ្ធិទទួលបានការជំនុំជម្រះដោយតុលាការមិនលម្អៀង ។
-
គណបក្សទាំងពីររក្សាជំហរទទួលយកបេក្ខភាពលោកស្រី ពុង ឈីវកេក ជាសមាជិកទី៩នៃ គ.ជ.ប ថ្មី
គណបក្សឈ្នះឆ្នោតទាំងពីរនៅថ្ងៃអង្គារនេះអះអាងថា នៅតែរក្សាជំហរទទួលយកបេក្ខភាពលោកស្រី ពុង ឈីវកេក ធ្វើជាសមាជិកទី៩នៃ គ.ជ.ប ដដែល ដរាបណាលោកស្រីទទួលយកខ្លឹមសារក្នុងលក្ខខណ្ឌនៃច្បាប់បោះឆ្នោត និងច្បាប់ គ.ជ.ប ថ្មី ខណៈច្បាប់ទាំងពីរនេះបានទៅដល់ក្រុមប្រឹក្សាធម្មនុញ្ញហើយ ។
-
ពលរដ្ឋនៅកោះស្តេចបារម្ភបាត់ដីទៅចិន
ប្រជាពលរដ្ឋចំនួន ៤៧ គ្រួសារ នៅឃុំកោះស្តេច ស្រុកគិរីសាគរដែលមានទំនាស់ដីធ្លីរ៉ាំរ៉ៃជាមួយក្រុមហ៊ុនចិនយូញៀនកំពុងមានក្តីបារម្ភពីការបាត់បង់ដី និងផ្ទះសម្បែង បន្ទាប់ពីសាលាដំបូងខេត្តបានចេញសេចក្តីជូនដំណឹងមួយឲ្យពួកគេរុះរើផ្ទះ និងយកសម្ភារផ្សេងៗចេញពីដីទំនាស់នោះក្នុងរយៈពេល ៦០ ថ្ងៃដើម្បីយកដីនោះប្រគល់ឲ្យក្រុមហ៊ុន។ កាលពីថ្ងៃទី ០៤ មីនាតំណាងអយ្យការសាលាដំបូងខេត្តកោះកុង លោក ស្រី ម៉ាកនី បានចេញលិខិតជូនដំណឹងស្តីពីការអនុវត្តដីការក្សាការពារដោយស្ម័គ្រចិត្ត ដោយសម្រេចហាមឃាត់ពលរដ្ឋចំនួន ៤៧ គ្រួសារ លក់ដូរ ឬធ្វើមរតកលើដីទំនាស់នោះ ព្រមទាំងឲ្យរុះរើផ្ទះ និងសម្ភារផ្សេងៗចេញពីដីកម្មសិទ្ធិរបស់ក្រុមហ៊ុនយូញៀនក្នុងរយៈពេល ៦០ ថ្ងៃ គិតចាប់តាំងពីថ្ងៃចេញសេចក្តីជូនដំណឹងនេះតទៅ។
-
អាមេរិក និងជប៉ុនរៀបចំសិក្ខាសាលាលើកកម្ពស់អំណាចសេដ្ឋកិច្ចដល់ស្ត្រី
រដ្ឋាភិបាលសហរដ្ឋអាមេរិក និងរដ្ឋាភិបាលនៃប្រទេសជប៉ុន សហការគ្នារៀបចំសិក្ខាសាលា ដើម្បីជំរុញការផ្តល់អំណាចសេដ្ឋកិច្ចដល់ស្ត្រីក្នុងការធ្វើជំនួញ និងភាពជាអ្នកដឹកនាំ។ សេចក្តីប្រកាសព័ត៌មានរបស់ស្ថានទូតអាមេរិកប្រចាំប្រទេសកម្ពុជាចេញផ្សាយនៅថ្ងៃនេះ ឲ្យដឹងថា រដ្ឋាភិបាលសហរដ្ឋអាមេរិក និងរដ្ឋាភិបាលនៃប្រទេសជប៉ុននឹងរួមគ្នារៀបចំសិក្ខាសាលាមួយនៅថ្ងៃទី២៥ ខែមីនា វេលាម៉ោង៨និង៣០នាទី នៅមជ្ឈមណ្ឌលសហប្រតិបត្តិការកម្ពុជាជប៉ុន ដើម្បីជំរុញការផ្តល់អំណាចសេដ្ឋកិច្ចដល់ស្ត្រី ។ សេចក្តីប្រកាសបន្តថា ពិធីនេះនឹងមានការចូលរួមពីសហគ្រិននារី ម្ចាស់ជំនួយ និងអង្គការតាមសហគមន៍ ដែលអ្នកចូលរួមនឹងធ្វើការពិភាក្សាគ្នា ដោយផ្តោតលើការបណ្តុះគំនិតសហគ្រិន ដើម្បីបង្កើនការផ្តល់អំណាចសេដ្ឋកិច្ចដល់ស្ត្រីនៅកម្ពុជា ។
-
រដ្ឋមន្ត្រីក្រសួងមហាផ្ទៃកម្ពុជាទៅអូស្ត្រាលីលើកិច្ចសហប្រតិបត្តិការអន្តោប្រវេសន៍
ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃកម្ពុជា លោក ស ខេង ទៅបំពេញទស្សនកិច្ចនៅប្រទេសអូស្ត្រាលី ចាប់ពីថ្ងៃទី២៤-២៧ មីនា។ តាមគម្រោងក្នុងដំណើរទស្សនកិច្ចនោះ ក៏នឹងមានការចុះហត្ថលេខា លើអនុស្សរណៈយោគយល់គ្នា រវាងរដ្ឋាភិបាលទាំងពីរលើកិច្ចសហប្រតិបត្តិការអន្តោប្រវេសន៍។ សេចក្ដីប្រកាសព័ត៌មានរបស់ក្រសួងមហាផ្ទៃចុះថ្ងៃទី២៣ មីនា បានឲ្យដឹងថា ក្នុងដំណើរទស្សនកិច្ចរបស់លោក ស ខេង រយៈពេល៤ថ្ងៃនោះ នឹងជួបពិភាក្សាជាមួយរដ្ឋមន្ត្រីក្រសួងការបរទេសអូស្ត្រាលី អ្នកស្រី ជូលី ប៊ីសប (Julie Bishop) និងរដ្ឋមន្ត្រីក្រសួងអន្តោប្រវេសន៍ និងការពារព្រំដែន លោក ភឺថើ ឌុចសុន (Peter Dutton) ហើយនឹងជួបសួរសុខទុក្ខពលរដ្ឋខ្មែរនៅអូស្ត្រាលី នៅទីក្រុងស៊ីដនី(Sydney) ផងដែរ។
-
លោក ហ៊ុន សែន រិះគន់សង្គមស៊ីវិលថាដុតកម្តៅបាតុកម្មរឿងដីធ្លី
លោកនាយករដ្ឋមន្ត្រី ហ៊ុន សែន នៅថ្ងៃចន្ទម្សិលមិញបានចោទប្រកាន់ចំៗ ថាអង្គការក្រៅរដ្ឋាភិបាលមួយចំនួនជាអ្នកដុតកម្តៅ ឲ្យមានបាតុកម្មតវ៉ាប្រឆាំងអាជ្ញាធររដ្ឋាភិបាល រឿងជម្លោះដីធ្លី ។
-
Human Rights Watch អំពាវនាវកុំឲ្យរដ្ឋាភិបាលរារាំងការស៊ើបអង្កេតក្នុងសំណុំរឿង០០៣ និង០០៤
អង្គការឃ្លាំមើលសិទ្ធិមនុស្ស (Human Rights Watch) ដែលមានមូលដ្ឋាននៅសហរដ្ឋអាមេរិក អំពាវនាវរដ្ឋាភិបាលកុំឲ្យរារាំងការចាត់វិធានការតាមសេចក្តីសម្រេចដោយកំបាំងមុខ របស់សហចៅក្រមស៊ើបអង្កេតអន្តរជាតិនៃសាលាក្ដីខ្មែរក្រហម ដែលទើបបានដាក់ឲ្យជនសង្ស័យ២រូប ស្ថិតនៅក្រោមការត្រួតពិនិត្យ ។ កាលពីថ្ងៃទី០៣ ខែមីនា កន្លងទៅ សហចៅក្រមស៊ើបអង្កេតអន្តរជាតិនៃសាលាក្ដីខ្មែរក្រហម លោក Mark Harmon បានសម្រេចដោយកំបាំងមុខ ដាក់អតីតកម្មាភិបាលខ្មែរក្រហម២រូបគឺ លោក មាស មុត ក្នុងសំណុំរឿង០០៣ និងអ្នកស្រី អ៊ឹម ចែម ក្នុងសំណុំរឿង០០៤ ឲ្យស្ថិតនៅក្រោមការពិនិត្យពីបទឧក្រិដ្ឋកម្មប្រឆាំងមនុស្សជាតិ និងឧក្រិដ្ឋកម្មសង្គ្រាម ដែលបានប្រព្រឹត្តឡើងចន្លោះពីឆ្នាំ១៩៧៥ ដល់១៩៧៩ ។
-
លោក ស ខេង ចេញទៅអូស្ត្រាលីចុះ MOU ស្ដីពីអន្តោប្រវេសន៍
រដ្ឋមន្ត្រីក្រសួងមហាផ្ទៃលោក ស ខេង អញ្ជើញទៅទស្សនកិច្ចផ្លូវការនៅប្រទេសអូស្ត្រាលីចំនួន៤ថ្ងៃ ដែលក្នុងដំណើរទស្សនកិច្ចនេះ លោកនឹងចុះហត្ថលេខាលើអនុស្សារណៈនៃការយោគយល់គ្នា (MOU) រវាងរដ្ឋាភិបាលកម្ពុជា និងរដ្ឋាភិបាលអូស្ត្រាលី ស្តីពីកិច្ចសហប្រតិបត្តិការអន្តោប្រវេសន៍ ។
-
លោកស្រី ពុងឈីវកេក រារែកនឹងតំណែងនៅ គ.ជ.ប ថ្មី
ប្រធានអង្គការលីកាដូដែលត្រូវបានជ្រើសរើសដោយគណបក្សកាន់អំណាច និងគណបក្សប្រឆាំងជាបេក្ខជនទី ៩ ក្នុងគណៈកម្មាធិការជាតិរៀបចំការបោះឆ្នោត (គ.ជ.ប) ថ្មីកំពុងត្រៀមចេញសេចក្តីថ្លែងការណ៍មួយ ដើម្បីសម្រេចថាតើលោកស្រីគួរដកខ្លួនចេញពីស្ថាប័នជាតិកំពូលមួយនេះឬយ៉ាងណា ខណៈដែលសេចក្តីព្រាងច្បាប់ចំនួនពីរទាក់ទងនឹងដំណើរការបោះឆ្នោតកំពុងទទួលរងការរិះគន់យ៉ាងខ្លាំងពីសង្គមស៊ីវិល។
-
ពលរដ្ឋជាង៣០០គ្រួសារនៅបាត់ដំបងនិងបន្ទាយមានជ័យប្រតិកម្មនឹងដីកាបណ្ដេញចេញពីដី
ប្រជាពលរដ្ឋដែលមានទំនាស់ដីធ្លីនៅខេត្តបាត់ដំបង និងខេត្តបន្ទាយមានជ័យ ជាង ៣០០គ្រួសារ មានការព្រួយបារម្ភយ៉ាងខ្លាំងចំពោះការប្រកាសរបស់លោកឧកញ៉ា សង ថន បណ្ដេញអ្នកស្រុកចេញពីដីដែលកំពុងកាន់កាប់នោះ។ អ្នកភូមិបញ្ជាក់ថា លោកឧកញ៉ា សង ថន បានបញ្ជាឲ្យអ្នកស្រុករុះរើផ្ទះសម្បែង និងចាកចេញពីដីកាលពីថ្ងៃទី១៨ មីនា កន្លងទៅ។ អ្នកភូមិនៅខេត្តជាប់ជាយដែនទាំងនោះ សម្ដែងការមិនពេញចិត្តទៅនឹងសកម្មភាពរបស់លោកឧកញ៉ា សង ថន នេះថា ជាទង្វើមួយប្រើប្រព័ន្ធតុលាការបណ្ដេញប្រជាពលរដ្ឋទាំងបង្ខំ ដើម្បីយកដីជាកម្មសិទ្ធិរបស់ខ្លួន។
-
កម្មកររាប់រយនាក់បិទផ្លូវច្រកចូលសាលាចំការដូងទាមទារដំឡើងថ្លៃដេរ
កម្មកររាប់រយនាក់នៅរោងចក្រចិន ឈ្មោះ សៀវ គីញ នៅថ្ងៃអង្គារនេះបន្តបិទកំណាត់ផ្លូវច្រកចូលសាលាកសិកម្មចំការដូង ដើម្បីទាមទារឲ្យថៅកែរោងចក្រដំឡើងថ្លៃឈ្នួលដេរស៊ីបុង និងដោះស្រាយលក្ខខណ្ឌការងារមួយចំនួនទៀត ។
-
សហគមន៍ព្រៃឈើនៅស្រុកអន្លង់វែងអំពាវនាវឲ្យអាជ្ញាធរជួយទប់ស្កាត់ការកាប់ឈើ
ប្រភពពីប្រជាពលរដ្ឋឱ្យដឹងថា ពេលបច្ចុប្បន្ន សកម្មភាពកាប់ឈើយកទៅលក់ដូរ និងដើម្បីរុករានយកដីកំពុងកើតមានយ៉ាងខ្លាំងនៅតំបន់ការពាររបស់សហគមន៍នៃភូមិអូរតាម៉េង ស្រុកអន្លង់វែង ខេត្តឧត្តរមានជ័យ។ ប៉ុន្តែបើទោះបីជាមានការកាប់បំផ្លាញព្រៃឈើទាំងនោះក៏ដោយ ក៏សមត្ថកិច្ចពាក់ព័ន្ធ ដូចជាអាជ្ញាធរមូលដ្ឋាន និងរដ្ឋបាលព្រៃឈើជាដើម ហាក់មិនសូវចុះទៅបង្ក្រាបទេ។ ក្រុមបណ្ដាញការពារព្រៃឈើខេត្តឧត្តរមានជ័យ អំពាវនាវឱ្យអាជ្ញាធរជួយយកចិត្តទុកដាក់ទប់ស្កាត់ការកាប់បំផ្លាញព្រៃឈើ ដែលកំពុងកើតឡើងយ៉ាងខ្លាំងនៅក្នុងតំបន់សហគមន៍ការពារព្រៃឈើចំនួន២ ក្នុងស្រុកអន្លង់វែង។
-
លោក ហ៊ុន សែន៖ ស្រុកខ្មែរជាឋានសួគ៌សម្រាប់ធ្វើបាតុកម្ម
លោកនាយករដ្ឋមន្ត្រី ហ៊ុន សែន បានលើកឡើងចំៗថា ប្រទេសកម្ពុជា គឺជាឋានសួគ៌សម្រាប់ធ្វើបាតុកម្ម ហើយអ្នកធ្វើបាតុកម្មនោះ គឺជាក្រុមមនុស្សដដែលៗដែលយកការធ្វើបាតុកម្មជាអាជីវកម្ម។ ប៉ុន្តែអង្គការសង្គមស៊ីវិលលើកឡើងថា មូលហេតុនៃការធ្វើបាតុកម្មនោះ ដោយសារតែមានរឿងអយុត្តិធម៌កើនឡើងក្នុងសង្គមច្រើន។ អ្នកដឹកនាំជាន់ខ្ពស់គណបក្សប្រជាជនកម្ពុជា ដែលកាន់តំណែងក្នុងរដ្ឋាភិបាល បានលើកឡើងថា ការធ្វើបាតុកម្មកន្លងទៅដោយសារតែមានមនុស្សមួយក្រុមស្ដាប់តាមការញុះញង់របស់អង្គការសង្គមស៊ីវិលមួយចំនួន ដើម្បីបង្ហាញការមិនពេញចិត្តចំពោះការដឹកនាំរបស់រាជរដ្ឋាភិបាលកម្ពុជា។
-
ក្រុមគរុនិស្សិតជំរុញជាថ្មីទៀតឲ្យក្រសួងអប់រំបើកប្រាក់អាហារូបករណ៍ចំនួន៨ខែ
គរុនិស្សិតជាមន្ត្រីរាជការប្រមាណជាង១០០នាក់ ដែលទទួលការបណ្តុះបណ្តាលនៅវិទ្យាស្ថានជាតិអប់រំ(NIE) នៅព្រឹកថ្ងៃចន្ទនេះបាននាំគ្នាទៅតវ៉ានៅក្រសួងអប់រំជាថ្មីទៀត ដើម្បីទាមទារឲ្យពន្លឿនផ្តល់ប្រាក់អារូបករណ៍ ដែលពួកគេអះអាងថាក្រសួងសេដ្ឋកិច្ចបានធ្វើខុសនឹងអនុក្រឹត្យរបស់រដ្ឋាភិបាល ។ គរុនិស្សិតម្នាក់ លោក ប៊ុត កុសល្យ ឲ្យ VOD ដឹងនៅរសៀលថ្ងៃទី២៣ ខែមីនានេះថា គរុនិស្សិតជាង១០០នាក់ ដែលតំណាងឲ្យជាង៤០០នាក់ បាននាំគ្នាទៅក្រសួងអប់រំជាលើកទី២ នៅថ្ងៃនេះហើយនៅម៉ោង១១ព្រឹក រដ្ឋមន្ត្រីក្រសួងអប់រំ បានសម្រេចឲ្យគរុនិស្សិតទាំងនោះ ចូលជួបប្រជុំនៅក្នុងវិទ្យាសា្ថនជាតិអប់រំ ។ លោកបន្តថាក្នុងកិច្ចប្រជុំនោះរដ្ឋមន្ត្រីក្រសួងអប់រំ លោក ហង្ស ជួនណារ៉ុន សន្យាថាផ្តល់ប្រាក់៨ម៉ឺនរៀលក្នុងមួយខែដល់ពួកគេសម្រាប់រយៈពេល៨ខែ ។
គាំទ្រដោយ
