កំពុងស្វែងរកទិន្នន័យ
រកឃើញ: 13.209
-
ពលរដ្ឋរងគ្រោះដីធ្លីមកពីខេត្តព្រះវិហារ ជំរុញរដ្ឋសភាពន្លឿនកិច្ចអន្តរាគមន៍ទៅរដ្ឋាភិបាល
ពលរដ្ឋរងគ្រោះដោយសារដីធ្លីមកពីខេត្តព្រះវិហារប្រមាណ ១០០នាក់ នៅថ្ងៃចន្ទនេះ ស្វែងរកអន្តរាគមន៍ជាថ្មីទៀត នៅមុខរដ្ឋសភាដើម្បីឲ្យស្ថាប័ននេះ ជំរុញទៅរដ្ឋាភិបាលពន្លឿនដោះស្រាយទំនាស់ដីធ្លីជាមួយអាជ្ញាធរខេត្តដែលអូសបន្លាយជិត៣ឆ្នាំមកហើយ។ បន្ទាប់ពីតំណាងប្រជាពលរដ្ឋចូលជួបជាមួយគណៈកម្មការទី១ នៃរដ្ឋសភាជាង៣ម៉ោង លោក ផាន់ ធឿន ថ្លែងថា ប្រធានគណៈកម្មការ លោក អេង ឆៃអ៊ាង នឹងជំរុញឲ្យសមាជិករបស់ខ្លួនចុះពិនិត្យលើដីមានជម្លោះដោយផ្ទាល់ក្នុងពេលឆាប់ៗនេះ។ លោកបន្តថា គណៈកម្មការនេះ នឹងកោះហៅអភិបាលខេត្ត ប្រធានអាជ្ញាធរជាតិព្រះវិហារ និងអង្គការយូនីស្កូ ដើម្បីឆ្លើយបំភ្លឺលើករណីនេះ តាមសំណើរបស់ពលរដ្ឋ។ ទោះជាយ៉ាងណាលោកបញ្ជាក់ថា ប្រសិនបើនៅតែមិនមានដំណោះស្រាយទេ ពួកគេនឹងបន្តស្វែងរកអន្តរាគមន៍តាមស្ថាប័ននានា ជាពិសេសខុទ្ទការល័យនាយករដ្ឋមន្ត្រីជាដើម។ លោកថា «ការជឿមិនជឿ វាសំខាន់លើ បើមានអ្នកដឹកនាំល្អត្រឹមត្រូវ ខ្ញុំនឹងជឿប្រសិនជាមិនមានជំនឿនិងការដោះស្រាយទេ ខ្ញុំនឹងហែញត្តិតទៅទៀត រហូតដល់បានសម្រេច បានជោគជ័យ បានខ្ញុំត្រឡប់ទៅផ្ទះវិញ។ ពួកខ្ញុំនេះមិនទាន់ត្រឡ់បទៅវិញទេ គាត់ស្នាក់នៅវត្តសាមគ្គីរង្សី បានព្រះគុណព្រះអង្គដែលឲ្យកន្លែងស្នាក់នៅ ពួកខ្ញុំនៅបន្តទៀត ព្រោះទៅវិញក៏គ្មានអីហូប ហើយក៏គ្មានកន្លែងនៅអីដែរ ព្រោះអត់មានអីទាំងអស់នៅភូមិរបស់គាត់»។
-
លោក កឹម សុខា ចង់ឲ្យមានការសម្របសម្រួលដោះលែងលោក មាជ សុវណ្ណារ៉ា
ប្រធានស្ដីទីគណបក្សសង្គ្រោះជាតិលោក កឹម សុខា លើកឡើងថា គណបក្សលោកចង់ឲ្យមានការសម្របសម្រួលមួយ ដូចដែលធ្លាប់បានធ្វើកន្លងមក ដើម្បីឲ្យលោក មាជ សុវណ្ណារ៉ា បាននៅក្រៅឃុំ ។ ថ្លែងប្រាប់អ្នកសារព័ត៌មានក្រោយពេលលោកបានជួបសួរសុខទុក្ខលោក មាជ សុវណ្ណារ៉ា នៅឯពន្ធនាគារព្រៃសនៅរសៀលថ្ងៃចន្ទនេះ លោក កឹម សុខា លើកឡើងថា «យើងចង់ឲ្យមានការដោះស្រាយ សម្របសម្រួល ដូចដែលយើងធ្លាប់ធ្វើពីមុនមកអញ្ចឹង យើងធ្លាប់ធ្វើពីមុនមក គឺយើងសម្របសម្រួលរកនីតិវិធីយ៉ាងណា ដើម្បីឲ្យលោក មាជ សុវណ្ណារ៉ា នៅក្រៅឃុំ» ។
-
បក្សប្រឆាំងសុំឱ្យបញ្ចប់នីតិវិធីតុលាការនិងដោះលែងមន្ត្រីជាន់ខ្ពស់
ថ្នាក់ដឹកនាំគណបក្សសង្គ្រោះជាតិបានសរសេរលិខិតមួយច្បាប់ទៅក្រសួងមហាផ្ទៃកម្ពុជាដើម្បីស្នើសុំឱ្យដោះលែងមន្ត្រីជាន់ខ្ពស់គណបក្សសង្គ្រោះជាតិគឺលោក មាជ សុវណ្ណារ៉ាដែលកំពុងជាប់ឃុំឃាំងទាក់ទឹននឹងការធ្វើបាតុកម្មទាមទារសុំឱ្យដោះលែងទីលានប្រជាធិបតេយ្យកាលពីខែកក្កដា។ មន្ត្រីជាន់ខ្ពស់គណបក្សប្រឆាំងបានបញ្ជាក់ថាលិខិតដែលសរសេរដោយលោក សម រង្ស៊ីប្រធានគណបក្សទៅលោកស ខេងរដ្ឋមន្ត្រីក្រសួងមហាផ្ទៃមិនបានស្នើសុំឱ្យដោះលែងសកម្មជនគណបក្សដទៃទៀតនិងសកម្មជនដីធ្លីព្រមទាំងព្រះសង្ឃដែលកំពុងជាប់ឃុំដូចគ្នានេះទេ។
-
កម្មករជាង២ពាន់នាក់ក្នុងខណ្ឌពោធិ៍សែនជ័យបាតុកម្មទាមទារលក្ខខណ្ឌការងារ៨ចំណុច
កម្មករប្រមាណជាង២០០០នាក់ នៅរោងចក្រជីម លី ក្នុងភូមិត្រពាំងទួល សង្កាត់កន្ទោក ខណ្ឌពោធិ៍សែនជ័យ នៅព្រឹកថ្ងៃចន្ទនេះ បាតុកម្មតវ៉ានៅមុខរោងចក្រ ដើម្បីទាមទារលក្ខខណ្ឌការងារ៨ចំណុច ។ ប្រធានសហជីពចលនាកម្មករ លោក ប៉ាវ ស៊ីណា ឲ្យVODដឹងថា ការតវ៉ានេះកើតឡើងដោយសារតែរោងចក្របានដកជាងម៉ាស៊ីនម្នាក់ដោយគ្មានមូលហេតុមុនបុណ្យអុំទូក ហើយក្រុមតំណាងសហជីពបានព្យាយាមធ្វើការដោះស្រាយជាមួយនឹងនិយោជក ប៉ុន្តែភាគីខាងនយោជកមិនព្រមទទួលយកជាងម៉ាស៊ីននោះឲ្យចូលធ្វើការវិញទេ ។
-
កម្មកររោងចក្រជីមលី កូដកម្ម ទាមទារ លក្ខខណ្ឌការងារចំនួន៨ចំណុច
នៅព្រឹកថ្ងៃទី១៧ ខែវិច្ឆិកា ឆ្នាំ២០១៤នេះ មានក្រុមកម្មករ-កម្មការិនី ប្រមាណជិត ២០០០នាក់ ដែលបម្រើការងារ នៅក្នុងរោងចក្រកាត់ដេរ ជីមលី ស្ថិតនៅភូមិត្រពាំងទួល សង្កាត់ កំបូល ខណ្ឌពោធិ៍សែនជ័យ បាននាំគ្នាធ្វើកូដកម្ម ទាមទារលក្ខខណ្ឌការងារចំនួន ៨ចំណុច ពីថៅកែ។
-
សាលាឧទ្ធរណ៍យល់ព្រមបិទបណ្ដឹងសុំនៅក្រៅឃុំដើម្បីព្យាបាលជំងឺរបស់លោកវន់ពៅ
មេធាវីការពារក្ដីជូនលោក វន់ ពៅ និង លោក សុគន្ធ សម្បត្តិពិសិទ្ធ ស្នើសុំសាលាឧទ្ធរណ៍ ដកពាក្យបណ្ដឹងសុំនៅក្រៅឃុំ របស់លោក វន់ ពៅ និង លោក សុគន្ធ សម្បត្តិពិសិទ្ធ។ ការស្នើសុំដកពាក្យបណ្ដឹងនេះ បានធ្វើឡើង ក្រោយពេលដែលតុលាការ បានដោះលែងអ្នកទាំង២រួចហើយ កាលពីចុង ខែឧសភា ឆ្នាំ២០១៤។ ប្រធានជំនុំជម្រះសាលាឧទ្ធរណ៍ លោក ញូង ធុល បានធ្វើការបិទបណ្ដឹងសុំនៅក្រៅឃុំ របស់មេធាវីការពារក្ដីឲ្យលោក វន់ ពៅ និងលោក សុគន្ធ សម្បត្តិពិសិទ្ធ តាមការស្នើសុំ របស់មេធាវីនោះហើយ កាលពីព្រឹក ថ្ងៃ១៧ ខែវិច្ឆិកា ឆ្នាំ២០១៤។
-
ពុំទាន់មានភាពច្បាស់លាស់ចំពោះយុទ្ធនាការទាមទារប្រាក់ឈ្នួលកម្មករ
ការធ្វើយុទ្ធនាការតវ៉ាប្រាក់ឈ្នួលពីសំណាក់ថ្នាក់ដឹកនាំសហជីពដែលមិនពេញចិត្តនឹងការតដំឡើងប្រាក់ឈ្នួលថ្មីដែលត្រូវបានរាជរដ្ឋាភិបាលសម្រេចផ្តល់ជូនកម្មករចំនួន ១២៨ ដុល្លារក្នុងមួយខែមិនទាន់មានភាពច្បាស់លាស់នៅឡើយទេថា តើអាចនឹងកើតមានឡើង ឬត្រូវបានបំភ្លេចចោល ខណៈពេលដែលកម្មករភាគច្រើនព្រមទទួលយកនូវចំនួននេះ។ លោក ប៉ាវ ស៊ីណា ប្រធានសម្ព័ន្ធសហជីពចលនាកម្មករដែលបានចុះជួបជាមួយថ្នាក់ដឹកនាំសហជីព និងសមាជិកខ្លួនតាមបណ្តារោងចក្របានឲ្យដឹងកាលពីថ្ងៃអាទិត្យម្សិលមិញថា កម្មករមិនបានជំទាស់នូវចំនួនប្រាក់ឈ្នួលនេះទេ ប៉ុន្តែក្រុមកម្មករបានស្នើសុំឲ្យខាងក្រសួងការងារធ្វើការទប់ស្កាត់ការដំឡើងថ្លៃបន្ទប់ជួល ទឹកភ្លើងជាដើម។ លោកថ្លែងថា៖ «តាមការសាកសួរ ពួកគេភាគច្រើនមិនបានជំទាស់អ្វីទេទៅនឹងប្រាក់ឈ្នួល ១២៨ ដុល្លារនេះ ទោះបីជាពួកគាត់មិនទទួលបានតាមការចង់បានរបស់ពួកគាត់ ប៉ុន្តែពួកគេទទួលស្គាល់ថា ប្រាក់ឈ្នួល ឆ្នាំ២០១៥ នេះដំឡើងបានច្រើនជាង ឆ្នាំ២០១៤»។
-
គណៈកម្មការទី១នៃរដ្ឋសភាកោះហៅលោក ប៉ា សុជាតិវង្ស ចូលបំភ្លឺនៅសប្ដាហ៍ក្រោយ
គណៈកម្មាការទី១នៃរដ្ឋសភា ឲ្យដឹងថា ខ្លួនកំពុងរៀបចំលិខិតកោះហៅអភិបាលរាជធានីភ្នំពេញលោក ប៉ា សុជាតិវង្ស តាមរយៈក្រសួងមហាផ្ទៃ ឲ្យលោកចូលបំភ្លឺនៅរដ្ឋសភានៅសប្ដាហ៍ក្រោយ ទាក់ទងនឹងរឿងទឹកលិចផ្ទះអ្នកភូមិបឹងកក់ និងការចាប់ខ្លួនសកម្មជនដីធ្លី ។ ការកោះហៅនេះ ធ្វើឡើងបន្ទាប់ពីអ្នកមានជម្លោះដីធ្លី១០នាក់ ត្រូវបានតុលាការកាត់ទោសដាក់ពន្ធនាគារម្នាក់១ឆ្នាំ បន្ទាប់ពីពួកគេតវ៉ាបិទផ្លូវព្រះមុនីវង្ស រកអន្តរាគមន៍រំដោះទឹកស្អុយដែលជន់លិចផ្ទះនៅបឹងកក់ ។ ប្រធានគណៈកម្មការទី១នៃរដ្ឋសភា លោក អេង ឆៃអ៊ាង ឲ្យVODដឹង នៅព្រឹកថ្ងៃចន្ទនេះថា គណៈកម្មការទី១ នៃរដ្ឋសភាកំពុងរៀបចំលិខិតដាក់ទៅកាន់ក្រសួងមហាផ្ទៃ តាមរយៈប្រធានរដ្ឋសភាលោក ហេង សំរិន ដើម្បីស្នើ ឲ្យក្រសួងមហាផ្ទៃរៀបចំឲ្យលោក ប៉ា សុជាតិវង្ស ចូលបំភ្លឺនៅរដ្ឋសភានៅថ្ងៃទី២៧ ខែវិច្ឆិកា វេលាម៉ោង ២រសៀល ទាក់ទងនឹងការចាប់ខ្លួនសកម្មជនដីធ្លី និងរឿងទឹកលិចផ្ទះអ្នកភូមិបឹងកក់។
-
ក្រុមអ្នកតវ៉ាចំនួនពីរក្រុម ទាមទារសុំឱ្យរដ្ឋសភាជួយដោះស្រាយ បញ្ហារបស់ពួកគេ
នៅព្រឹកថ្ងៃទី១៧ ខែវិច្ឆិកា ឆ្នាំ២០១៤ នេះ នៅមុខរដ្ឋសភាមានប្រជាពលរដ្ឋ ប្រមាណជា ៤០០នាក់ ដែលជាអ្នកតវ៉ាចំនួនពីរក្រុម ដោយមួយក្រុមជាកម្មករ-កម្មការិនីរោងចក្រ និងមួយក្រុមទៀត ជាប្រជាពលរដ្ឋមកពីខេត្តព្រះវិហារ ដោយពួកគាត់ សុំឱ្យសភាជួយពន្លឿនក្នុងការទាមទារ ដោះស្រាយនូវបញ្ហារបស់ពួកគេ។ ប្រភពបានបន្តថា មួយក្រុមដែលជាកម្មករ-កម្មការិនីរោងចក្រ ហ៊ុយជៀន មានចំនួនជាង ៣០០នាក់ ស្ថិតក្នុងភូមិក្បាលកោះ ខណ្ឌច្បារអំពៅ មកផ្តុំគ្នានៅមុខរដ្ឋសភា សុំឱ្យជួយដោះស្រាយនូវប្រាក់គុណរបស់ពួកគេ ដែលខាងរោងចក្របានប្តូរឈ្មោះ និងថៅកែ មកជារោងចក្រ «ធៀន ឡឹ» វិញ។
-
ពលរដ្ឋស្ទឹងហាវ តវ៉ារឿងអ្នកមានលុយរំលោភយកដីរបស់ពួកគាត់
ពលរដ្ឋ ១៤៩ គ្រួសារដែលរស់នៅ ស្រុកស្ទឹងហាវ ខេត្តព្រះសីហនុ បានធ្វើការតវ៉ា និងប្តឹងទៅអាជ្ញាធរខេត្តបន្ទាប់ពីស្រ្តីម្នាក់ បានបញ្ជាឲ្យគេកាប់ឆ្ការចម្ការរបស់អ្នកភូមិដោយចោទប្រកាន់ថា ពួកគេរស់នៅលើដីរបស់គាត់។ លោក ង៉ែត ចន្ធូ អនុប្រធានសហគមន៍អូរដំរី បាននិយាយថា ស្ត្រីរូបនោះឈ្មោះ ហែម សុវណ្ណារី បានចោទប្រកាន់ពលរដ្ឋ ១៤៩ គ្រួសារថា បានរស់នៅលើដីរបស់គាត់ជិត ១០០ ហិកតា ហើយគាត់ បានបញ្ជាកម្លាំងឲ្យ កាប់ឆ្ការចម្ការរបស់អ្នកភូមិ។ លោកថា៖ «ពេលនេះពួកគេ បានកាប់ឆ្ការចម្ការអ្នកភូមិបាន ១ ហិកតាហើយពួកគេប្រើរណារអារឈើ និងបានដុត។ ពេលនេះពួកគេកំពុងតែធ្វើសកម្មភាព។ ប្រសិនបើមិនមានអន្តរាគមន៍ពីអាជ្ញាធរទេ គេនឹងកាប់ឆ្ការដីច្រើនហិកតាទៀត»។ លោកប្រធានភូមិ កែវ ឡេង បាននិយាយថា អ្នកស្រុកមានជម្លោះជាមួយអ្នកស្រី ហែម សុវណ្ណារី ជាយូរមកហើយ។ លោកមេភូមិ បានបន្តថា អ្នកស្រី បាននិយាយថា គាត់មានដីជាង ១០០ ហិកតា ប៉ុន្តែអ្នកភូមិបានរស់នៅលើដីនោះចាប់តាំងពី ឆ្នាំ១៩៨៦ មកម៉្លេះ។
-
កម្ពុជានៅតែរក្សាជំហរដដែល ក្នុងការទទួលយកជនអន្តោប្រវេសន៍ពីអូស្ត្រាលី
លោក កុយ គួង អ្នកនាំពាក្យក្រសួងការបរទេស បានបញ្ជាក់ជាថ្មី នៅព្រឹកថ្ងៃទី១៧ ខែវិច្ឆិកានេះថា រាជរដ្ឋាភិបាលកម្ពុជា នៅតែរក្សាជំហរដដែល នៅក្នុងការទទួលយកជនអន្តោប្រវេសន៍ពីប្រទេសអូស្ត្រាលី មកកម្ពុជា ក្នុងនាមមនុស្សធម៌។ លោក កុយ គួង ថ្លែងបែបនេះ ក្រោយពិធីចុះហត្ថលេខាលើលិខិត ប្តូរសារ ផ្តល់ជំនួយ ឥតសំណង របស់ជប៉ុន កាលពីព្រឹកថ្ងៃទី១៧ ខែវិច្ឆិកា រវាងលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេសកម្ពុជា និងលោក យូយូជី គូម៉ាម៉ារ៉ូ ឯកអគ្គរាជទូតជប៉ុនប្រចាំកម្ពុជា នៅទីស្តីការក្រសួងក្រសួងការបរទេស។
-
កម្មកររោងចក្រហ៊ុយ ចៀន ទាមទារឲ្យប្រើប្រាស់ប្រាក់បុរេប្រទានទូទាត់ប្រាក់អតីតភាពរបស់ខ្លួន
កម្មកររោងចក្រហ៊ុយ ចៀន ឬចៀន ឡឹ ប្រមាណ៤០០នាក់ប្រមូលផ្ដុំមុខរដ្ឋសភាជាថ្មី នៅព្រឹកថ្ងៃចន្ទនេះ ដើម្បីធ្វើការតវ៉ាទាមទារឲ្យរដ្ឋសភាស្នើទៅរដ្ឋាភិបាលផ្ដល់ប្រាក់បុរេប្រទានសម្រាប់ទូទាត់ប្រាក់អតីតភាពជូនកម្មករ ។ ប្រធានសម្ព័ន្ធសហជីពជាតិ លោក ហ្វា សាលី ប្រាប់VODថា ការឡើងមកតវ៉ារបស់កម្មករនៅព្រឹកនេះ គឺដើម្បីដាក់ញត្តិទៅកាន់រដ្ឋសភា ស្នើឲ្យជួយពន្លឿនការដោះស្រាយ និងស្នើសុំប្រាក់បុរេប្រទាន ដើម្បីទូទាត់ប្រាក់អតីតភាពការងារជូនកម្មករ និងប្រាក់បំណាច់ផ្សេងៗ ។ ក្នុងញត្តិដែលកម្មករត្រៀមដាក់ទៅកាន់រដ្ឋសភារៀបរាប់ថា អស់រយៈពេលជាង២ខែហើយដែលកម្មករនិយោជិតនៃរោងចក្រហ៊ុយ ចៀន ឬចៀន ឡឹ គ្នានប្រាក់សម្រាប់ទិញអង្ករ ម្ហូបអាហារ បង់ថ្លៃផ្ទះជួល ទឹក ឡាន និងកូនទៅសាលារៀនជាដើម ។ ម្យ៉ាងវិញទៀត កម្មការនីម្នាក់ឈ្មោះ ពាង សុខណេ បានស្លាប់បាត់បង់ជីវិត ពេលសម្រាលកូនក្នុងបន្ទប់ជួល ដោយសារគ្មានប្រាក់សម្រាប់ទៅមន្ទីរពេទ្យ កាលពីថ្ងៃទី២៧ ខែតុលា ឆ្នាំ២០១៤ ។
-
ព្រះសង្ឃកម្ពុជាក្រោមបារម្ភក្រោយមានការចាប់ផ្សឹកនិងឃុំឃាំងព្រះសង្ឃ
នៅក្រោមដើមពោធិ៍មួយនៃវត្តស្ទឹងមានជ័យ មានព្រះសង្ឃប្រមាណ៤ទៅ៥អង្គបានអង្គុយដើម្បីពិភាក្សាគ្នា ក្រោយពីព្រះសង្ឃខ្មែរកម្ពុជាក្រោមចំនួនបីអង្គត្រូវបានអាជ្ញាធររដ្ឋាភិបាលរបស់លោកនាយករដ្ឋមន្ត្រីហ៊ុន សែនបានចាប់យកមកដាក់មន្ទីរឃុំឃាំងនៅក្នុងពន្ធនាគារព្រៃស។ ព្រះសង្ឃដែលកំពុងពិភាក្សាគ្នានេះសុទ្ធសឹងជាព្រះសង្ឃ និមន្តមកពីទឹកដីខ្មែរកម្ពុជាក្រោម ដែលបានមកគង់នៅក្នុងវត្តស្ទឹងមានជ័យ វត្តសាមគ្គីរង្សី ក្រុងភ្នំពេញ។
-
លោក កឹម សុខា នឹងទៅសួរសុខអ្នកជាប់ឃុំនៅពន្ធនាគារព្រៃសនៅរសៀលនេះ
អនុប្រធានគណបក្សសង្រ្គោះជាតិ និងជាអនុប្រធានរដ្ឋសភា លោក កឹម សុខា នឹងទៅសួរសុខទុក្ខ សកម្មជនគណបក្សរបស់ខ្លួន និងសកម្មជនដីធ្លីនៅពន្ធនាគារព្រៃស នៅវេលាម៉ោង២រសៀល ថ្ងៃទី១៧វិច្ឆិកា។ លោក កឹម សុខា បានអះអាងនៅពេលចុះជួបសុខទុក្ខប្រជាពលរដ្ឋនៅខេត្តកំពង់ចាម កាលពីថ្ងៃទី១៥ វិច្ឆិកា ថាលោកនឹងរកវិធីដោះស្រាយឲ្យអ្នកជាប់ឃុំទាំងនោះ នៅក្រៅឃុំវិញ ដោយលោកចាត់ទុកថា ការចាប់ខ្លួនមនុស្សទាំងនេះ ជារឿងនយោបាយ។ បច្ចុប្បន្នមានសកម្មជនដីធ្លី សមាជិកគណបក្សនយោបាយ និងអតីតព្រះសង្ឃជួយតវ៉ាបញ្ហាសង្គម សរុបចំនួន ១៧ នាក់ ជាប់ឃុំនៅពន្ធនាគារព្រៃស៕
-
សង្គមស៊ីវិលយល់ថាតុលាការនៅតែជាឧបករណ៍បម្រើឲ្យបក្សកាន់អំណាច
សង្គមស៊ីវិលក្នុងស្រុកមួយចំនួន បង្ហាញការយល់ឃើញថា រដ្ឋាភិបាលនៅតែបន្តយកប្រព័ន្ធតុលាការធ្វើជាឧបករណ៍នយោបាយ ដើម្បីពង្រឹងអំណាចរបស់ខ្លួន ផ្ទុយទៅនឹងច្បាប់រដ្ឋធម្មនុញ្ញ ។ ប្រតិកម្មរបស់អង្គការសង្គមស៊ីវិលនេះ ស្របពេលដែលកម្លាំងរដ្ឋាភិបាល ចាប់ឃុំខ្លួនស្ត្រីសកម្មជនដីធ្លីនៅតំបន់បឹងកក់និងបុរីកីឡា១០នាក់ ចាប់ផ្សឹកព្រះសង្ឃនៅវត្តស្ទឹងមានជ័យក្នុងរាជធានីភ្នំពេញ៣អង្គយកទៅឃុំព្រះកាយភ្លាមៗ និងចាប់សកម្មជនបក្សប្រឆាំង៤នាក់ឃុំខ្លួននៅពន្ធនាគរព្រៃស ខណៈគណបក្សប្រជាជនកម្ពុជា និងគណបក្សសង្គ្រោះជាតិកំពុងខ្វែងគំនិតគ្នាលើចំណុចខ្លះនៃកំណែទម្រង់ គជប។
-
អង្គការសិទ្ធិមនុស្សស្នើឲ្យទម្លាក់ការចោទប្រកាន់លើ វន់ ពៅ និងសកម្មជនមួយចំនួនទៀត
មជ្ឈមណ្ឌលសិទ្ធិមនុស្សកម្ពុជា (CCHR) អំពាវនាវឲ្យលើកលែងការចោទប្រកាន់ទៅលើ សកម្មជនសិទ្ធិមនុស្ស៤នាក់ពិសេសលោក វន់ ពៅ និងមនុស្ស៦នាក់ផ្សេងទៀត ដោយសារអង្គការរកឃើញថា ការផ្តន្ទាទោសដោយសាលាដំបូងនោះ មិនមានភស្តុតាងគ្រប់គ្រាន់ និងបានរំលោភសិទ្ធិទទួលបានការជំនុំជម្រះក្តីដោយយុត្តិធម៌។ ការស្នើនេះធ្វើស្របពេលដែលសាលាឧទ្ធរណ៍ យកសំណុំរឿងនេះមកសើរើឡើងវិញនៅថ្ងៃចន្ទនេះ ទៅតាមពាក្យបណ្តឹងរបស់មេធាវីជនជាប់ចោទ ដែលទាមទារឲ្យមោឃៈលើបណ្តឹងសុំនៅក្រៅឃុំរបស់លោក វន់ ពៅ និងលោក សម្បត្តិ ពិសិដ្ឋ ខណៈជនទាំងនោះត្រូវបានដោះលែងភ្លាមៗ ក្រោយពីមានការសម្របសម្រួលផ្នែកនយោបាយ។
-
ព្រះសង្ឃការពារសិទ្ធិមនុស្ស អំពាវនាវសហគមន៍អន្តរជាតិ តាមដានសវនាការកាត់ទោសលើព្រះអង្គ
ព្រះតេជគុណ លួន សុវ៉ាត ជាព្រះសង្ឃ ការពារសិទ្ធិមនុស្សដ៏លេចធ្លោ បានអំពាវនាវដល់សហគមន៍អន្តរជាតិ ចូលរួមតាមដានសវនាការ ដែលតុលាការ សាលាដំបូងរាជធានីភ្នំពេញ នឹងកាត់ទោសព្រះតេជគុណ នៅព្រឹកថ្ងៃទី២៥ ខែវិច្ឆិកា។ ព្រះតេជគុណ លួន សុវ៉ាត ត្រូវបានចៅក្រម ចោទប្រកាន់ជាច្រើនករណី ដូចជា បទញុះញង់ឲ្យប្រព្រឹត្តបទឧក្រិដ្ឋ ព្រមទាំងបទក្បត់ជាតិ ជាដើម។
-
ប្រជាពលរដ្ឋមានជម្លោះដីធ្លីចាប់ធ្វើពិធីសាសនារាល់ថ្ងៃអាទិត្យ ដើម្បីឲ្យអាជ្ញាធរដោះលែងតំណាងពីពន្ធនាគារ
ក្រុមសកម្មជនដីធ្លីក្នុងសហគមន៍បឹងកក់ និងសហគមន៍មួយចំនួនទៀត នៅទូទាំងរាជធានីភ្នំពេញ រួមទាំងព្រះសង្ឃ ប្រមាណ ៣០០ អង្គ/នាក់ កាលពីម្សិលមិញ បានប្រមូលផ្តុំគ្នានៅមុខពន្ធនាគារព្រៃស (ម១ និងម២) ដើម្បីទាមទារឲ្យមានការដោះលែងតំណាងរបស់ពួកគេ រួមទាំងអតីតព្រះសង្ឃ សរុប ១១ អង្គ/នាក់ ផងដែរ។ អ្នកស្រី យ៉ោម បុប្ផា សកម្មជនការពារសិទ្ធិមនុស្សនៃសហគមន៍បឹងកក់ ដែលជាមេដឹកនាំចលនាការតវ៉ាទាមទារសិទ្ធិសេរីភាព និងយុត្តិធម៌ សម្រាប់សហគមន៍រងគ្រោះដោយសារវិវាទដីធ្លីនៅក្នុងតំបន់បឹងកក់ បាននិយាយថា សិទ្ធិរស់រានមានជីវិតរបស់ពលរដ្ឋ ប្រកបដោយភាពថ្លៃថ្នូរ ត្រូវបានលុបបំបាត់ចោលសារជាថ្មីដោយអាជ្ញាធររដ្ឋាភិបាល ចាប់តាំងពីក្រុមស្ត្រីបឹងកក់ ៧នាក់ ត្រូវបានចាប់ដាក់ពន្ធនាគារដោយចោទប្រកាន់ពីបទធ្វើឲ្យរាំងស្ទះចរាចរណ៍ផ្លូវសាធារណៈ ខណៈដែលពួកគាត់និងអ្នកភូមិជាច្រើននាក់ទៀត បាននាំគ្នាប្រមូលផ្ដុំតវ៉ាទាមទារឲ្យអាជ្ញាធររាជធានីភ្នំពេញ ជួយអន្តរាគមន៍រៀបចំប្រព័ន្ធលូបង្ហូរទឹក ដើម្បីរំដោះភាពលិចលង់ចេញពីភូមិរបស់ពួកគាត់។
-
ភាគហ៊ុននៃក្រុមហ៊ុនសំលៀកបំពាក់ឈ្មោះជីធីអាយបន្តធ្លាក់ថ្លៃដោយសារបាតុកម្មរបស់កម្មករ
ការតវ៉ារបស់កម្មករ នៅក្នុងវិស័យរោងចក្រកាត់ដេរសំលៀកបំពាក់ ជាការដាក់សម្ពាធមួយធ្វើឲ្យតម្លៃហ៊ុននៅក្នុងផ្សារមូលប័ត្រកម្ពុជាធ្លាក់ថ្លៃ។ អ្នកវិភាគលើវិស័យមូលប័ត្របានអះអាងថា អំពើហិង្សាដែលកើតឡើងពីការទាមទារប្រាក់ឈ្នួល និងទាមទារលក្ខខណ្ឌការងារសមរម្យ ពិតជាឧបសគ្គសម្រាប់ក្រុមហ៊ុនដែលចង់ចុះបញ្ជី វិនិយោគលក់ភាគហ៊ុន នៅក្នុងផ្សារមូលប័ត្រ។ ភាគហ៊ុនរបស់រោងចក្រសំលៀកបំពាក់ ឈ្មោះជីធីអាយ (Grand Twin International) ដែលបានបោះពុម្ពផ្សាយលក់ហ៊ុនរបស់ខ្លួននៅ ក្នុងផ្សារមូលប័ត្រកម្ពុជាបានបន្តធ្លាក់ថ្លៃជាលំដាប់ ដោយគិតចាប់តាំងពីក្រុមហ៊ុននេះ បានចូលលក់ហ៊ុនរបស់ខ្លួន កាលពីខែឧសភាឆ្នាំ២០១៤កន្លងមក។ ការធ្លាក់ថ្លៃ គឺជាការបង្ហាញថាវិស័យមូលប័ត្រកម្ពុជា កំពុងរងផលប៉ះពាល់ពីកត្តាខាងក្រៅដូចជា ការយល់ដឹងរបស់អ្នកទិញហ៊ុន និងការផ្សព្វផ្សាយ អំពីសកម្មភាពអាជីវកម្មនៅក្នុងផ្សារមូលប័ត្រហាក់នៅមានកម្រិតទាប។
-
បង្ខំរំលោភប្អូនថ្លៃ បានសម្រេចជាញឹកញយ ដល់ពេលបែករឿង បានចូលទ្រុងដែក
ខេត្តកណ្តាល ៖ យុវជនម្នាក់ ត្រូវនគរបាល ស្រុកខ្សាច់កណ្តាល ធ្វើការឃាត់ខ្លួន តាមពាក្យបណ្តឹង របស់ឪពុកម្តាយ ក្មេងស្រីរងគ្រោះ កាលពីវេលាម៉ោង ៣រសៀល ថ្ងៃទី១៤ ខែវិច្ឆិកា ឆ្នាំ២០១៤ ចំណុចភូមិវិហារសួគ៌ត្បូងឃុំវិហារសួគ៌ ស្រុកខ្សាច់កណ្តាល ខេត្តកណ្តាល បន្ទាប់ពីជនសង្ស័យ ធ្វើសកម្មភាពរំលោភសេពសន្ថវៈ លើក្មេងស្រីអាយុ ១៥ឆ្នាំ។
គាំទ្រដោយ
