កំពុងស្វែងរកទិន្នន័យ
រកឃើញ: 13.209
-
ពលរដ្ឋ៦០០គ្រួសាររកអន្តរាគមន៍ពីនាយករដ្ឋមន្ត្រីម្តងទៀត ទប់ស្កាត់ការបណ្តេញចេញ
តំណាងអ្នកភូមិរស់នៅជាប់ព្រលានយន្តហោះអន្តរជាតិភ្នំពេញ រកកិច្ចអន្តរាគមន៍ជាថ្មីម្ដងទៀត ពីនាយករដ្ឋមន្ត្រី ដើម្បីការពារពួកគេ៦០០គ្រួសារ កុំឲ្យមានការបណ្តេញចេញទាំងបង្ខំ ខណៈអាជ្ញាធរជូនដំណឹងពី គម្រោងអភិវឌ្ឍន៍នៅតំបន់នោះ ដោយមិនប្រាប់ពីការផ្តល់សំណងជាមុន។ តំណាងអ្នកភូមិ អ្នកស្រី ច្រាយ នីម ប្រាប់អ្នកសារព័ត៌មានមុនដាក់ញត្តិ ទៅខុទ្ទកាល័យនាយករដ្ឋមន្ត្រី នៅក្រោមដើមពោធិ៍ នាថ្ងៃទី២៧ ខែតុលា ឆ្នាំ២០១៤ នេះថា ច្រើនឆ្នាំមកនេះ អាជ្ញាធរបានប្រកាសពីការពង្រីកព្រលានយន្តហោះអន្តរជាតិភ្នំពេញ ប៉ុន្តែស្ត្រីរូបនោះអះអាងថា អាជ្ញាធរមិនប្រាប់ពីការផ្តល់សំណងទេ ដូចនេះហើយអ្នកភូមិបារម្ភថាពួកគេ៦០០គ្រួសារ ដែលរស់នៅក្នុងគម្រោងអភិវឌ្ឍន៍នោះ អាចនឹងត្រូវបណ្តេញចេញពីលំនៅដ្ឋានទាំងបង្ខំ ដូចសហគមន៍នានាក្នុងរាជធានីភ្នំពេញដែរ។
-
តុលាការកោះហៅមេដឹកនាំសហជីព២រូបទៀតចូលបំភ្លឺ
សាលាដំបូងរាជធានីភ្នំពេញ កោះហៅមេដឹកនាំសហជីពចំនួន២រូប គឺលោក រ៉ុង ឈុន ប្រធានសហភាពសហជីពកម្ពុជា និងលោកស្រី យ៉ាង សោភ័ណ្ឌ ប្រធានសហព័ន្ធសហជីពកម្ពុជា ឲ្យចូលបំភ្លឺនៅចុងខែតុលានេះ ពីបញ្ហាហិង្សានៅផ្លូវវ៉េងស្រេង ដែលកើតឡើងកាលពីដើមខែមករា។ ដីកាបង្គាប់ឲ្យចូលខ្លួនបំភ្លឺចំនួន២ដែលមានអត្ថន័យដូចគ្នា ចេញផ្សាយនៅថ្ងៃទី០៩ខែតុលា ឲ្យដឹងថាតុលាការបង្គាប់ឲ្យលោក រ៉ុង ឈុន ចូលបំភ្លឺនៅថ្ងៃទី៣១ខែតុលា ឆ្នាំ២០១៤ វេលាម៉ោង ៨ និង៣០នាទីព្រឹក និងលោកស្រី យ៉ាង សោភ័ណ្ឌ នៅម៉ោង២ និង៣០នាទីរសៀល។
-
តុលាការសម្រេចឃុំខ្លួនលោកអ៊ុក ពេជ្រសំណាង ជាសកម្មជនគណបក្សសង្ក្រោះជាតិ
រាជធានីភ្នំពេញ៖ មន្ត្រីតុលាការសាលាដំបូងរាជធានីភ្នំពេញ នៅថ្ងៃអាទិត្យនេះឲ្យដឹងថា កាលពីម្សិលមិញ តុលាការសាលាដំបូងរាជធានីភ្នំពេញ បានសម្រេចចេញដីកាឃុំខ្លួន បុរសជាសកម្មជនគណបក្សសង្គ្រោះជាតិ ដែលតែងតែដឹកនាំក្រុមបាតុករចេញតវ៉ា។ លោក ហេង កេសរោ ចៅក្រមស៊ើបសួរសាលាដំបូងរាជធានីភ្នំពេញ ប្រាប់អោយដឹងនៅថ្ងៃទី២៦ ខែតុលានេះថា កាលពីរសៀលម្សិលមិញ សាលាដំបូងរាជធានីភ្នំពេញ បានសម្រេចចេញដីកាឃុំខ្លួន ដាក់ពន្ធនាគារជាបណ្តោះអាសន្ន ឈ្មោះ អ៊ុក ពេជ្រសំណាង ភេទប្រុស អាយុ៥១ឆ្នាំ មុខរបរជាងកាត់សក់ និងរត់ម៉ូតូរ៉ឺម៉ក នឹងជាសកម្មជនគណបក្សសង្គ្រោះជាតិ ពីបទចូលរួមធ្វើកុបកម្មប្រឆាំង និង អ្នករាជការសាធារណៈមានស្ថាន ទម្ងន់ទោស និងហិង្សាដោយចេតនាមានស្ថានទម្ងន់ទោស ប្រព្រឹត្តនៅចំណុចទីលានប្រជាធិបតេយ្យ សង្កាត់វត្តភ្នំ ខណ្ឌដូនពេញ កាលពីថ្ងៃទី ១៥ខែកក្កដា ឆ្នាំ២០១៤ បទល្មើសព្រហ្មទណ្ឌដែលមានចែងផ្តន្ទាទោសតាមបញ្ញត្តិមាត្រា ៤៥៦, ៤៥៧, ៥០៤ និងមាត្រាក្រមព្រហ្មទណ្ឌនៃព្រះរាជាណាចក្រកម្ពុជា៕
-
តំណាងសហជីពទាមទារឲ្យក្រសួងការងារលុបចោលលក្ខខណ្ឌស្មុគស្មាញពេលចុះបញ្ជិកា
តំណាងសហជីពកម្មករ និងសមាគមចំនួន ៩ ដែលមានគ្នាជាង ២០០ នាក់ យកញត្តិទៅដាក់ជូនរដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ នៅព្រឹកថ្ងៃអាទិត្យ ទី ២៦ តុលា។ ពួកគាត់ទាមទារឱ្យក្រសួងការងារ និងបណ្ដុះបណ្ដាលវិជ្ជាជីវៈ លុបចោលលក្ខខណ្ឌស្មុគស្មាញក្នុងការចុះបញ្ជិការបស់អង្គការវិជ្ជាជីវៈ ឬសហជីព។ តំណាងសហជីពកម្មករ និងសមាគមមិនមែនរដ្ឋាភិបាលទាំង ៩ ដែលប្រមូលផ្ដុំគ្នាដាក់ញត្តិ នៅព្រឹកថ្ងៃអាទិត្យ ទី ២៦ តុលា គឺជាការប្រឆាំងនឹងការរឹតត្បិតរបស់ក្រសួងការងារ និងបណ្ដុះបណ្ដាលវិជ្ជាជីវៈ ដែលតម្រូវឱ្យថ្នាក់ដឹកនាំសហជីពថ្មីមានលិខិតថ្កោលទោស ពេលចុះបញ្ជិកា។
-
បាតុកររោងចក្រស្បែកជើងជីហួយព្រមានធ្វើការតវ៉ាបន្តទៀតនៅព្រឹកថ្ងៃទី២៧ តុលា
ខេត្តកំពង់ចាម ៖ ទោះបីជាបាតុករចំនួន១០នាក់ត្រូវបានកម្លាំងសមត្ថកិច្ចចាប់ខ្លួនក្នុងព្រឹត្តិការណ៍ផ្ទុះហិង្សាវាយកំទេច និងដុតបំផ្លាញសំភាររោងចក្រយ៉ាងណាក្តី ក្រុមដដែលនេះ បានព្រមានថា ពួកគេនឹងមកប្រមូលផ្តុំគ្នាធ្វើការតវ៉ាទាមទារលក្ខខណ្ឌការងារបន្តទៀត នៅព្រឹកថ្ងៃទី២៧ តុលា ២០១៤ នៅរោងចក្រស្បែកជើងជីហួយ ស្ថិតនៅឃុំខ្នុរដំបង ស្រុកជើងព្រៃ ។ នេះជាការលើកឡើងរបស់លោកឧត្តមសេនីយ៍ត្រីជឹម សេងហុង ស្នងការរងនគរបាលខេត្តទទួលផែនយុត្តិធម៌ដែលបានប្រាប់អ្នកយកព័ត៌មានកាលពីព្រឹកថ្ងៃទី២៦ តុលា ។ លោកឧត្តមសេនីយ៍បានមានប្រសាសន៍ឱ្យដឹងទៀតថា ទោះជាបែបណាក្តីកម្លាំងសមត្ថកិច្ច មាននគរបាល អាវុធហត្ថ និងស្ថាប័នពាក់ព័ន្ធផ្សេងទៀតរាប់រយនាក់នឹងត្រៀមលក្ខណៈបង្ការទប់ស្កាត់គ្រប់បែបយ៉ាង ។
-
មជ្ឈមណ្ឌលសិទ្ធិមនុស្សកម្ពុជាព្រួយបារម្ភពីស្ថានភាពកុមារនៅក្នុងប្រព័ន្ធយុត្តិធម៌ព្រហ្មទណ្ឌកម្ពុជា
ជ្ឈមណ្ឌលសិទ្ធិមនុស្សកម្ពុជា (CCHR) នៅថ្ងៃទី២៦ ខែតុលា ចេញផ្សាយកំណត់ត្រាសង្ខេប ស្ដីពីកុមារ នៅក្នុងប្រព័ន្ធយុត្តិធម៌ព្រហ្មទណ្ឌកម្ពុជា។ កំណត់ត្រាសង្ខេបនេះ សន្និដ្ឋានជារួមថា បើទោះជាកម្ពុជាមានក្របខ័ណ្ឌច្បាប់ ចែងពីអនីតិជនក្នុងប្រព័ន្ធ យុត្តិធម៌ព្រហ្មទណ្ឌក្ដី ប៉ុន្តែនីតិវិធីសម្រាប់អនុវត្តទៅលើអនីតិជន នៅតែមានការព្រួយបារម្ភនៅឡើយ។ មជ្ឈមណ្ឌលសិទ្ធិមនុស្សកម្ពុជា បានអំពាវនាវឲ្យអាជ្ញាធរកម្ពុជា ផ្ដល់ការយកចិត្តជា ពិសេសចំពោះ ជនសង្ស័យជា អនីតិជននិងកុមារ បើទោះបីជា ច្បាប់និងក្រមព្រហ្មទណ្ឌ បានចែងអំពី មាត្រាមួយចំនួន ពិសេស អំពីកុមារហើយក៏ដោយ។ នៅក្នុងកំណត់ត្រាសង្ខេប កម្រាស់១៤ទំព័ររបស់ខ្លួន មជ្ឈមណ្ឌលសិទ្ធិមនុស្សកម្ពុជា បានធ្វើការវាយតម្លៃទៅលើស្ថានភាពបច្ចុប្បន្ន នៃប្រព័ន្ធយុត្តិធម៌អនីតិជននៅកម្ពុជា ដែលស្ថាប័នមួយនេះ អះអាងថា មានលក្ខណៈផ្ទុយទៅនឹងបទដ្ឋានអន្តរជាតិ។
-
សង្គមស៊ីវិលនិងអ្នកជំនាញជំរុញរដ្ឋាភិបាលដាក់បញ្ចូលច្បាប់ការពារពលរដ្ឋអ្នកសារព័ត៌មាន
អ្នកជំនាញ និងសង្គមស៊ីវិលដែលធ្វើការលើប្រព័ន្ធផ្សព្វផ្សាយ ជំរុញឲ្យរដ្ឋាភិបាល ដាក់បញ្ចូលច្បាប់ការពារអ្នកសារព័ត៌មានជាប្រជាពលរដ្ឋ និងកម្មករកាត់ដេរ ដើម្បីការពារសិទ្ធិសេរីភាពនៅពេលរាយការណ៍ព័ត៌មាន។ ការជំរុញនេះ ធ្វើឡើងក្នុងសិក្ខាសាលាស្តីពី ការភ្ជាប់ទំនាក់ទំនងរវាងពលរដ្ឋអ្នកសារព័ត៌មាន និងប្រព័ន្ធផ្សព្វផ្សាយវិជ្ជាជីវៈ នៅព្រឹកថ្ងៃទី ២៦ ខែតុលា ឆ្នាំ ២០១៤ រៀបចំដោយ មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ។ នាយកប្រតិបត្តិនៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យលោក ប៉ា ងួនទៀង មានប្រសាសន៍ក្នុងសិក្ខាសាលាថា ការផ្តល់ និងបើកចំហព័ត៌មានពីរដ្ឋាភិបាលមានសារៈសំខាន់ ដើម្បីឲ្យពលរដ្ឋរបស់ខ្លួនទទួលបានព័ត៌មានពីការអភិវឌ្ឍន៍សង្គមជាក់ស្តែង។
-
ឃាត់ខ្លួនកម្មកររោងចក្រជូហួយនៅស្រុកជើងព្រៃចំនួន ១០នាក់
កំពង់ចាម៖ កម្មករ កម្មការិនី ចំនួន១០នាក់ ដែលបំរើការងារនៅរោងចក្រ ជូហួយ ដែលមានទីតាំងស្ថិតនៅភូមិរវៀង ឃុំខ្នុរដំបង ស្រុកជើងព្រៃ ខេត្ដកំពង់ចាម ត្រូវបានកម្លាំងអាជ្ញាធរមានសមត្ថកិច្ចខេត្តកំពង់ចាម ចាប់ខ្លួនបញ្ជួនទៅសាលាដំបូងខេត្តកំពង់ចាម កាលពីរសៀលថ្ងៃទី២៥ ខែតុលា ដោយជាប់សង្ស័យពីបទញុះញង់កម្មករប្រើអំពើហិង្សា និងបំផ្លិចបំផ្លាញទ្រព្យសម្បត្តិរោងចក្រ។ សូមបញ្ជាក់ថា កាលពីព្រឹកម្សិលមិញនេះ កម្មករ កម្មការិនី ប្រមាណ ជិត ២០០នាក់ បានធ្វើបាតុកម្មតវ៉ាទាមទារឲ្យថៅកែរោងចក្រ ជូហួយ គោរពកិច្ចច្បាប់ការងារ និងទាមទារអត្ថប្រយោជន៍ផ្សេងៗ ដោយបានធ្វើការតវ៉ាស្រែមទាមទារនៅមុខរោងចក្រ។ ប៉ុន្តែនៅពេលតវ៉ានោះ ក៏មានការប៉ះទង្គិចជាមួយកម្លាំងអាជ្ញាធរមានសមត្ថកិច្ច រហូតឈានដល់មានការប្រើអំពើហិង្សាដាក់គ្នាទៅវិញទៅមក រហូតដល់សមត្ថកិច្ចផ្ទុះអាវុធ ដើម្បីបំបែកក្រុមអ្នកតវា់។
-
សហជីពនិងសមាគមស្នើក្រសួងការងារបញ្ឈប់ការបង្កភាពស្មុគស្មាញអង្គការវិជ្ជាជីវៈ
សហជីព និងសមាគមចំនួន៨ ស្នើឲ្យក្រសួងការងារនិងបណ្តុះបណ្តាលវិជ្ជាជីរៈ បញ្ឈប់ការបង្កភាពស្មុគស្មាញ ដល់ការចុះបញ្ជីរបស់អង្គការវិជ្ជាជីវៈ ដែលនាំឲ្យខាតបង់ពេលវេលា និងថវិកា។ ក្នុងញត្តិរបស់សហជីព និងសមាគមទាំង៨ដែលផ្ញើជូនរដ្ឋមន្ត្រីក្រសួងការងារនៅព្រឹកថ្ងៃអាទិត្យនេះ បានលើកឡើងថា ចាប់ពីចុងឆ្នាំ២០១៣មកក្រសួងការងារបានរឹតបន្តឹងការចុះបញ្ជីការបស់អង្គការវិជ្ចាជីវៈ ដែលត្រូវឲ្យមានភ្ជាប់លិខិតថ្កោលទោសពីក្រសួងយុត្តិធម៌។ សហជីព និងសមាគមចាត់ទុកថា ការតម្រូវរបស់ក្រសួងនេះគឺជាការបង្កភាពស្មុគស្មាញនិងនាំឲ្យខាតថវិកា។
-
ក្រុមកម្មកររោងចក្រ ជូ ហ៊ួយ ប៉ះទង្គិចជាមួយសមត្ថកិច្ច រហូតឈានដល់ការផ្ទុះអាវុធ ចាប់មនុស្ស ១០ នាក់
កម្មករ កម្មការិនី នៃរោងចក្រ ជូ ហ៊ួយ (Ju Hui) ចំនួន ១០ នាក់ ត្រូវបានកម្លាំងអាជ្ញាធរមានសមត្ថកិច្ចខេត្តកំពង់ចាម ចាប់ខ្លួនបញ្ជួនទៅសាលាដំបូងខេត្តកំពង់ចាម កាលពីរសៀលថ្ងៃទី២៥ ខែតុលា ឆ្នាំ២០១៤ ដោយជាប់សង្ស័យពីបទញុះញង់កម្មករប្រើអំពើហិង្សា និងបំផ្លិចបំផ្លាញទ្រព្យសម្បត្តិរោងចក្រ។
-
អំពើហិង្សាលើស្ដ្រីភេទនិងកេ្មងស្រីនៅតែបន្ដកើតមានគួរឲ្យព្រួយបារម្ភនៅកម្ពុជា
មន្ដ្រីរដ្ឋសភា ព្រឹទ្ធសភាកម្ពុជា ព្រួយបារម្ភពីការប្រើហិង្សាប្រឆាំងស្ដ្រី និងកុមារី ដែលជាឫសគល់ នៃវិសមភាពយេនឌ័រ និងការរើសអើង ដែលជាការរំលោភសិទ្ធិមនុស្សធ្ងន់ធ្ងរ ធ្វើឲ្យរារាំងការចូលរួមសកម្មភាពរបស់ស្ដ្រីក្នុងសង្គមនិងការអភិវឌ្ឍន៍។ រដ្ឋមន្ដ្រីក្រសួងទំនាក់ទំនងរដ្ឋសភា ព្រឹទ្ធសភា និងជាអធិការកិច្ច និងជាប្រធានសមាគមសមាជិកសភាកម្ពុជា លោកស្រី ម៉ែន សំអន ថ្លែងនៅក្នុងកិច្ចប្រជុំស្ដីពីការបង្ការហិង្សា ប្រឆាំងស្ដ្រី និងកុមារី ថា ការប្រើហឹង្សាប្រឆាំងស្ដ្រីនិងកុមារី មិនត្រឹមតែមានផលប៉ះពាល់ដល់រាងកាយ ផ្លូវភេទ ផ្លូវចិត្ដឬខាងសេដ្ឋកិច្ចចំពោះស្ដ្រីប៉ុណ្ណោះទេ វាបានជះឥទ្ធិពលអាក្រក់ដល់គ្រួសារ សហគមន៍ទាំងមូល និងជាឧបសគ្គដល់ការអភិវឌ្ឍន៍ផងដែរ។ លោកស្រីបញ្ជាក់ថា បើទោះបីមានការរីកចំរើន ក្នុងការលើកកម្ពស់សមភាពយេនឌ័រ និងការផ្ដល់សិទ្ធិអំណាចដល់ស្ដ្រីក៍ដោយ ប៉ុន្ដែអំពើហឹង្សាលើស្ដ្រីភេទ នៅតែបន្ដកើតមាននៅកម្ពុជានៅឡើយ។
-
ក្លឹបអ្នកកាសែតបារម្ភពីសុវត្ថិភាពរបស់អ្នកសារព័ត៌មាននៅកម្ពុជា
ក្លឹបអ្នកកាសែតកម្ពុជា សម្ដែងការបារម្ភពីសុវត្ថិភាពរបស់អ្នកសារព័ត៌មាននៅកម្ពុជា ខណៈដែលអ្នកសារព័ត៌មានមួយចំនួន ត្រូវបានក្រុមអ្នករកស៊ីឈើខុសច្បាប់ និងក្រុមបទល្មើសនេសាទសម្លាប់។ លើសពីនេះ អ្នកសារព័ត៌មានមួយចំនួន ក៏ត្រូវបានសមត្ថកិច្ចចាប់ខ្លួនជាបន្តបន្ទាប់ ដោយចោទប្រកាន់ពាក់ព័ន្ធពីបទកំហែងយកប្រាក់។ ក្លឹបអ្នកកាសែតកម្ពុជា ទទូចឲ្យស្ថាប័នមានសមត្ថកិច្ច បង្ហាញនូវតម្លាភាពក្នុងការអនុវត្តច្បាប់ ជៀសវាងធ្វើឲ្យប៉ះពាល់ដល់អាជីពរបស់អ្នកសារព័ត៌មាន។ ការព្រួយបារម្ភនេះ បន្ទាប់ពីក្លឹបអ្នកកាសែតកម្ពុជា សង្កេតឃើញថា មួយរយៈពេលចុងក្រោយនេះ ក្រុមអ្នកសារព័ត៌មាន កំពុងប្រឈមមុខយ៉ាងស្រួចស្រាល់ជាមួយក្រុមឈ្មួញរកស៊ីឈើខុសច្បាប់ និងក្រុមបទល្មើសនេសាទ។ សេចក្តីថ្លែងការណ៍របស់ក្លឹបអ្នកកាសែតកម្ពុជា ដែលបានចេញផ្សាយជាសាធារណៈ កាលពីថ្ងៃទី២៤ តុលា កត់សម្គាល់ថា កន្លងទៅនេះមានអ្នកសារព័ត៌មានជាបន្តបន្ទាប់ ត្រូវបានក្រុមរកស៊ីឈើបាញ់សម្លាប់ និងត្រូវបានសមត្ថកិច្ចចាប់ខ្លួន ក្រោមលេសពាក់ព័ន្ធបទកំហែងយក។
-
ពលរដ្ឋរងគ្រោះបញ្ហាដីធ្លីខេត្តបាត់ដំបងនឹងស្វែងរកកិច្ចអន្តរាគមន៍ពីលោកហ៊ុនសែននៅថ្ងៃស្អែក
តំណាងប្រជាពលរដ្ឋរងគ្រោះដោយសារបញ្ហាដីធ្លីចំនួន១៩២ គ្រួសារនៅឃុំបឹងប្រាំ ស្រុបវេល ខេត្តបាត់ដំបង នឹងឡើងមករាជធានីភ្នំពេញនៅថ្ងៃអាទិត្យស្អែកនេះ ដើម្បីស្វែងរកអន្តរាគមន៍ពីលោកនាយករដ្ឋមន្ត្រីហ៊ុន សែន និងស្ថាប័នពាក់ព័ន្ធផ្សេងទៀត។ លោក ឆាន់ មុន្នី ដែលអះអាងជាតំណាងពលររដ្ឋស្រុកបវេល ប្រាប់ VOD ថ្ងៃទី ២៥ ខែតុលានេះថា អ្នករងគ្រោះដីធ្លីជាង ១០០នាក់ ក្នុងចំណោម១៩២គ្រួសារ នឹងស្វែងរកអន្តរាគមន៍ជាថ្មីនៅរាជធានីភ្នំពេញ បន្ទាប់មិនមានដំណោះស្រាយជូនពួកគាត់។ លោក បន្តថា ដោយខ្លាចមានការរាំងស្ទាក់ពីអាជ្ញាធរ ពលរដ្ឋទាំងនោះនឹងធ្វើដំណើរដាច់ដោយឡែកពីគ្នា ហើយនឹងធ្វើការប្រមូលផ្តុំនៅភ្នំពេញ។ លោក បន្ថែម ការតវ៉ាលើកនេះ ពួកគេ នឹងហែញត្តិទៅ វិមានរដ្ឋសភា ខុទ្ទកាល័យលោកនាយករដ្ឋមន្ត្រី និងទីស្តីការគណៈរដ្ឋមន្ត្រី ដើម្បីសុំឲ្យជួយអន្តរាគមន៍ទារដីឲ្យពួកគាត់មកវិញ។ តំណាងរូបនេះបន្តថា កន្លងមកពួកគាត់ធ្លាប់ទៅរកអន្តរាគមន៍ពីសាលាខេត្តដែរ ប៉ុន្តែនៅតែមិនមានដំណោះស្រាយ។
-
អ្នកមានជម្លោះដីធ្លីនៅស្រុកស្រែអំបិលខេត្តកោះកុងបដិសេធទទួលសំណងពីភាគីក្រុមហ៊ុន
ប្រជាពលរដ្ឋរងគ្រោះដីធ្លីប្រមាណជា២០០គ្រួសារមកពី៣សហគមន៍ នៅស្រុកស្រែអំបិល ខេត្តកោះកុង បដិសេធទទួលសំណងពីភាគីក្រុមហ៊ុនស្ករអំពៅ KSI ដោយសំអាងថា តម្លៃដែលក្រុមហ៊ុនផ្តល់ឲ្យមិនសមនឹងទំហំដីដែលបាត់បង់។ តំណាងសហគមន៍ជម្លោះដីធ្លីនៅឃុំជីខលើ លោក តេញ កៅ ប្រាប់ VOD នៅថ្ងៃសៅរ៍នេះថា ប្រជាពលរដ្ឋរងគ្រោះដីធ្លីមិនអាចទទួលយកសំណងពីភាគីក្រុមហ៊ុនបានទេ ព្រោះវាតិចតួចសម្រាប់ពួកគាត់ មិនអាចបង្កបង្កើនជីវភាពបានឡើយ។ លោក បន្តថា ខណៈពេលនេះ ប្រជាពលរដ្ឋជិត ២០០នាក់ តំណាងឲ្យ២០០គ្រួសារបានប្រមូលផ្តុំនៅមុខសាលាឃុំជីខលើ ទាមទារឲ្យអាជ្ញាធរជួយដោះស្រាយ។ លោក បញ្ជាក់ថា ពួកគាត់ចង់បានតែដីស្រែមកវិញប៉ុណ្ណោះ នឹងទាមទារឲ្យភាគីក្រុមហ៊ុនផ្តល់សំណងចំពោះដំណាំរបស់ពួកគាត់ដែលត្រូវបានក្រុមហ៊ុនឈូសឆាយកន្លងមក។ តំណាងរូបនេះ ព្រមានថា ប្រសិនបើនៅតែមិនមានដំណោះស្រាយ ពួកគេនឹងហែញត្តិមករាជធានីភ្នំពេញ ដើម្បីស្វែងរកអន្តរាគមន៍ក្នុងពេលឆាប់ៗខាងមុខនេះ។
-
សកម្មជនគណបក្សសង្គ្រោះជាតិ ត្រូវបានសមត្ថកិច្ចចាប់ខ្លួន តាមដីកាបង្គាប់សាលាដំបូងរាធានីភ្នំពេញ
ស្នងការរងនគរបាលរាជធានីភ្នំពេញ នៅថ្ងៃសៅរ៍នេះឲ្យដឹងថា កាលពីម្សិលមិញ សមត្ថកិច្ចបានចុះចាប់ខ្លួនសកម្មជនគណបក្សសង្គ្រោះជាតិដែលតែងតែចេញតវ៉ា តាមដីកាចាស់របស់សាលាដំបូងរាជធានីភ្នំពេញ។ ស្នងការរងនគរបាលរាជធានីភ្នំពេញលោក ជួន ណារិន ប្រាប់ VOD នៅថ្ងៃទី ២៥ ខែ តុលានេះថា កាលពីរសៀលម្សិលមិញ លោកបានចាប់ខ្លួនឈ្មោះ អ៊ុក ពេជ្រសំណាង ដែលតែងចូលរួមតវ៉ាជាមួយគណបក្សសង្គ្រោះជាតិ។ ទោះជាយ៉ាងណា លោកមិនបញ្ជាក់ពីមូលហេតុនៃការចាប់ខ្លួននេះ គ្រាន់តែប្រាប់ថា ធ្វើតាមដីការបស់តុលាការ។
-
សមត្ថកិច្ចខេត្តកំពង់ចាមឃាត់ខ្លួនកម្មករ១០នាក់បន្ទាប់ពីមានហិង្សាកើតឡើងនៅរោងចក្រ ជូ ហ៊ុយហ្វតវែ
សមត្ថកិច្ចខេត្តកំពង់ចាមនៅថ្ងៃសៅរ៍នេះ ឃាត់ខ្លួនកម្មករ និងសមាជិកសហជីពស៊ីខៅឌូចំនួន១០នាក់ បន្ទាប់ពីមានករណីផ្ទុះហិង្សារវាងសមត្ថកិច្ច និងកម្មករ ខណៈពួកគេទាមទារលក្ខខណ្ឌការងារពីភាគីរោងចក្រ ជូ ហ៊ុយហ្វតវែ ។ នាយរងការិយាល័យអន្តោប្រវេសន៍ប្រចាំខេត្តកំពង់ចាមលោក ហៀង ឡុងឌី ប្រាប់ VOD នៅថ្ងៃទី ២៥ ខែ តុលានេះថា នៅព្រឹកមិញនេះ សមត្ថកិច្ចខេត្តបានចុះឃាត់ខ្លួនកម្មករ និងតំណាងសហជីព ១០នាក់។ លោក បន្តថា ក្នុងនោះ៣នាក់បញ្ជូនទៅការិយាល័យព្រហ្មទណ្ឌកម្រិតធ្ងន់ និង ៧នាក់ផ្សេងទៀតនៅអធិការដ្ឋានគរបាលស្រុកជើងព្រៃ។ លោកបញ្ជាក់ថា ការឃាត់ខ្លួននេះបន្ទាប់ពីមានការផ្ទុះហិង្សារវាងសមត្ថកិច្ច និងកម្មករមួយប្រាវនៅមុខរោងចក្រ ជូ ហ៊ុយហ្វតវែ ខណៈពួកគេទាមឲ្យថៅកែគោរពលក្ខខណ្ឌការងារ ហើយសមត្ថកិច្ចរងរបួសប្រមាណ ៣ នាក់ និងកម្មកររងរបួសដូចគ្នា។
-
គណៈកម្មការទី១រដ្ឋសភាសុំអន្តរាគមន៍ពីនាយករដ្ឋមន្ត្រីឲ្យក្រុមហ៊ុនOCICផ្អាកការបូមខ្សាច់នៅជ្រោយចង្វារ
គណៈកម្មការទី១នៃរដ្ឋសភាសរសេរលិខិតសុំអន្តរាគមន៍ពីលោកនាយករដ្ឋមន្ត្រី ហ៊ុន សែន ឲ្យក្រុមហ៊ុនសាជីវកម្មវិនិយោគទុនកម្ពុជាក្រៅប្រទេសហៅកាត់ថា OCIC ផ្អាកការបូមខ្សាច់លើដីទំនាស់នៅខណ្ឌជ្រោយចង្វារ ។ លិខិតចុះថ្ងៃទី១៦ ខែតុលា របស់គណៈកម្មការសិទ្ធិមនុស្ស ទទួលពាក្យបណ្ដឹង អង្កេត និងទំនាក់ទំនងរដ្ឋសភា ព្រឹទ្ធសភា ផ្ញើជូនលោកនាយករដ្ឋមន្ត្រី ហ៊ុន សែន បានស្នើឲ្យលោកនាយករដ្ឋមន្ត្រី ចាត់វិធានការឲ្យក្រុមហ៊ុនOCIC ដែលកំពុងអភិវឌ្ឍន៍ទីក្រុងរណបជ្រោយចង្វារ ផ្អាកសកម្មភាពបូមខ្សាច់ជាបណ្ដោះអាសន្ន ហើយជំរុញឲ្យអាជ្ញាធរមានសមត្ថកិច្ចធ្វើការដោះស្រាយឲ្យបានឆាប់រហ័សតាមច្បាប់រដ្ឋធម្មនុញ្ញ លិខិតបទដ្ឋាននានា និងគោលការណ៍របស់រាជរដ្ឋាភិបាល ។
-
សកម្មជនរណសិរ្សរំដោះជាតិខ្មែរ១០នាក់ត្រូវបានបញ្ជួនទៅឃុំខ្លួននៅពន្ធធនាគារព្រៃស
សកម្មជនរណសិរ្សរំដោះជាតិខ្មែរ១០នាក់ ដែលសន្តិសុខផ្ទៃក្នុងរបស់ក្រសួងមហាផ្ទៃ ចាប់ខ្លួន ករណីចោទពីបទចង់ផ្តួលរំលំរដ្ឋាភិបាលនោះ ត្រូវបានបញ្ជូនទៅពន្ធនាគារព្រៃស ដើម្បីឃុំខ្លួនបណ្តោះអាសន្ន ។ សមត្ថកិច្ចបានចាប់ខ្លួន ក្រោមបទចោទពីគម្រោងផ្តួលរំលំរដ្ឋាភិបាលលោកនាយករដ្ឋមន្ត្រី ហ៊ុន សែន ខណៈពួកគេប្រមូលផ្តុំគ្នាធ្វើបាតុកម្មនៅមុខស្ថានទូតវៀតណាម ទាមទារឲ្យគោរពកិច្ចព្រមព្រៀងទីក្រុងប៉ារីស ២៣ តុលា ឆ្នាំ១៩៩១។ អនុប្រធានផ្នែកស៊ើបអង្កេត នៃសមាគមការពារសិទ្ធិមនុស្សអាដហុក លោក ចាន់ សុវេត ឲ្យVOD ដឹងនៅព្រឹកថ្ងៃសុក្រ ទី២៤ នេះថា សន្តិសុខផ្ទៃក្នុងរបស់ក្រសួងមហាផ្ទៃ បានចាប់ខ្លួនសកម្មជន១០នាក់ យកទៅឃុំខ្លួននៅពន្ធនាគារ ខណៈនេះអង្គការរបស់លោកកំពុងស្រាវជ្រាវដើម្បីផ្តល់មេធាវីការពារដល់ជនទាំងនោះ ។
-
ពលរដ្ឋជិត២០០គ្រួសារនៅកំពង់ឆ្នាំងរង់ចាំដំណោះស្រាយបញ្ចប់ជម្លោះដីធ្លី
ប្រជាពលរដ្ឋជិត ២០០គ្រួសារ ដែលភាគច្រើនមិនមែនជាអ្នកស្រុកភូមិរស់នៅលើទីតាំងដីគម្រោងដាំឈើម្សៅក្រដាស ហ៊ុន សែន មានក របស់ក្រុមហ៊ុន អូជេអាយ (OJI) ស្ថិតនៅស្រុកសាមគ្គីមានជ័យ ខេត្តកំពង់ឆ្នាំង ទន្ទឹងរង់ចាំការដោះស្រាយបញ្ចប់រឿងដីធ្លីរបស់ពួកគាត់។ បច្ចុប្បន្ន មានប្រជាពលរដ្ឋចំនួន ៥គ្រួសារ ចេញមុខតវ៉ាយ៉ាងសកម្ម និងបានដាក់លិខិតស្នើសុំកិច្ចអន្តរាគមន៍ទៅស្ថាប័នជាតិមួយចំនួនទៀតផង ប៉ុន្តែគ្មានដំណោះស្រាយ។ តើអាជ្ញាធរមូលដ្ឋាន និងរាជរដ្ឋាភិបាល មានជំហរបែបណាក្នុងការដោះស្រាយបញ្ចប់បញ្ហានេះ? ក្រុមហ៊ុនរបស់ជប៉ុន ឈ្មោះ អូជេអាយ ទទួលបានដីវិនិយោគទំហំ ១ម៉ឺនហិកតារពីរដ្ឋាភិបាលកម្ពុជា ដើម្បីដាំដើមអាកាស្យា ឬប្រភេទឈើម្សៅក្រដាស កាលពីអំឡុងឆ្នាំ១៩៩៣។
-
កម្មកររោងចក្រGrand Twinsក្នុងខណ្ឌពោធិ៍សែនជ័យបន្តបាតុកម្មឈានដល់បិទផ្លូវមួយភ្លែត
កម្មកររោងចក្រGrand Twins នៅព្រឹកថ្ងៃសុក្រនេះ បន្តតវ៉ានៅមុខរោងចក្រ និងឈានដល់ការបិទផ្លូវជាតិលេខ៤មួយភ្លែត ដើម្បីទាមទារឲ្យរោងចក្រផ្ដល់ប្រាក់អតីតភាពការងារ និងលក្ខខណ្ឌការងារសមរម្យមួយចំនួន។ កម្មករដែលចូលរួមតវ៉ាកញ្ញា វណ្ណេត ប្រាប់VODឲ្យដឹងថា កម្មករជិត៥ពាន់នាក់បានបន្តធ្វើការប្រមូលផ្ដុំ និងបានបិទផ្លូវជាតិលេខ៤ប្រមាណ៥នាទី កាលពីម៉ោង៨ព្រឹកនេះ ។ ទោះយ៉ាងណា កញ្ញាថាកម្មករបានបើកផ្លូវវិញហើយ បន្ទាប់ពីមន្ត្រីពីក្រសួងការងារមួយរូបបានមកប្រាប់ពួកគេថា រដ្ឋមន្ត្រីក្រសួងការងារកំពុងធ្វើដំណើរទៅកាន់រោងចក្រដើម្បីដោះស្រាយឲ្យកម្មករ ។
គាំទ្រដោយ
