កំពុងស្វែងរកទិន្នន័យ
រកឃើញ: 12.457
-
"យុវជនជាភ្នាក់ងារសំខាន់ទប់ស្កាត់អំពើហិង្សាលើស្ត្រីនៅកម្ពុជា"
មន្ត្រីរដ្ឋាភិបាល និងសង្គមស៊ីវិល លើកឡើងថា អ្នកដែលប្រព្រឹត្តអំពើហិង្សានៅកម្ពុជា ភាគច្រើនលើសលប់ជាបុរសដែលមានវ័យក្មេង ជាពិសេសអំពើហិង្សាទៅលើស្ត្រី។ កត្តានេះជាផ្នែកមួយ ដែលរាំងស្ទះដល់ការទប់ស្កាត់អំពើហិង្សានៅកម្ពុជា។ ទាំងមន្ត្រីរដ្ឋាភិបាល និងសង្គមស៊ីវិល យល់ថា ដើម្បីទប់ស្កាត់បញ្ហានេះ យុវជនគឺជាចលករសំខាន់ក្នុងការចូលរួមបញ្ឈប់អំពើហិង្សាលើស្ត្រី។ ក្នុងវេទិកាជជែកពិភាក្សាយុវជនស្ដីពី "ទស្សនៈយេនឌ័រ និងការចូលរួមរបស់យុវជនជាបុរស ដើម្បីទប់ស្កាត់អំពើហិង្សាលើស្ត្រី និងក្មេងស្រី" នាព្រឹកថ្ងៃទី១២ ខែមិថុនា ចាត់ទុកថា អំពើហិង្សាលើស្ត្រី និងក្មេងស្រីនៅកម្ពុជា នៅតែជាបញ្ហាក្តៅ ជាបញ្ហាអាទិភាព តម្រូវឲ្យមានដំណោះស្រាយប្រកបដោយប្រសិទ្ធភាព ដើម្បីពន្លឿនការអភិវឌ្ឍសង្គម និងប្រទេសជាតិប្រកបដោយសមធម៌។
-
អតីតបុគ្គលិកវិទ្យុសំបុកឃ្មុំបិទច្រកចូលវិទ្យុទាមទារឲ្យពន្លឿនបើកប្រាក់អតីតភាពការងារ
អតីតបុគ្គលិកវិទ្យុសំបុកឃ្មុំ បានបិទច្រកចេញចូលរបស់វិទ្យុនោះ ដើម្បីទាមទារឲ្យ លោក ម៉ម សូណង់ដូ ពន្លឿនការដោះស្រាយបើកប្រាក់អតីតភាពការងារដល់ពួកគេ។ ប៉ុន្តែការបិទច្រកចេញចូលនោះ ប៉ះពាល់ដល់ការងារបុគ្គលិកផ្សេងទៀតដែលកំពុងធ្វើការ បណ្ដាលឲ្យមានការប៉ះទង្គិចពាក្យសម្ដីគ្នាខ្លះ។ អតីតបុគ្គលិកវិទ្យុសំបុកឃ្មុំ ១០នាក់ បន្តលើកបដា និងស្រែកដាក់មេក្រូរិះគន់ លោក ម៉ម សូណង់ដូ នៅពីមុខស្ថានីយវិទ្យុនោះក្រោយពី លោក ម៉ម សូណង់ដូ នាយកវិទ្យុនេះមិនព្រមបើកប្រាក់អតីតភាពការងារឲ្យពួកគេ។ ឈានដល់ថ្ងៃទី៤ នៃការតវ៉ារបស់អតីតបុគ្គលិកវិទ្យុសំបុកឃ្មុំ ពួកគេបានបិទច្រកចេញចូលរបស់វិទ្យុ និងបានគរពោះវៀនកង់ជាច្រើន ត្រៀមដុតទាមទារឲ្យ លោក ម៉ម សូណង់ដូ ពន្លឿនការដោះស្រាយបើកប្រាក់អតីតភាពការងារ។ ប៉ុន្តែការបិទច្រកចេញចូលមិនឲ្យបុគ្គលិកដទៃចេញ និងចូលធ្វើការនេះ បានប៉ះទង្គិចពាក្យសម្ដីរវាងអ្នកឈប់ និងអ្នកបន្តធ្វើការ។
-
ក្រសួងនឹងពិភាក្សានៅខែក្រោយនេះពីការដំឡើងប្រាក់ឈ្នួលកម្មករបន្ថែម
ក្រសួងការងារនិងបណ្តុះបណ្តាលវិជ្ជាជីវៈ អះអាងថា ការពិភាក្សាដំឡើងប្រាក់ឈ្នួលបន្ថែមដល់កម្មករ នៅខែក្រោយនេះ នឹងប្រព្រឹត្តទៅដោយតម្លាភាព ខណៈការសម្រេចដំឡើងកាលពីឆ្នាំទៅ បង្កឲ្យផ្ទុះការតវ៉ា និងឈានទៅសម្លាប់កម្មករ ដើម្បីទប់ស្កាត់ស្ថានការណ៍ ។ កាលពីឆ្នាំទៅក្រសួងការងារនិងបណ្តុះបណ្តាលវិជ្ជាជីវៈបានដំឡើងប្រាក់ឈ្នួលកម្មករ អប្បបរមាដល់១២៨ដុល្លារ បន្ទាប់ពីក្រុមអ្នកតវ៉ា យ៉ាងតិច៥នាក់ត្រូវគេបាញ់សម្លាប់ និងជិត៤០នាក់ផ្សេងទៀតត្រូវបាញ់ឲ្យរងរបួស តាមបណ្តោយផ្លូវវ៉េងស្រេង រាជធានីភ្នំពេញ កាលពីថ្ងៃទី៣ ខែមករា ឆ្នាំ២០១៤ ។
-
ក្រសួងមហាផ្ទៃប្រតិកម្មនឹងអត្ថបទរបស់លោក Brad Adams អំពីលោកជា ស៊ីម
ភ្នំពេញ—លោកនាយឧត្តមសេនីយ៍ឯក ខៀវ សុភ័គ អ្នកនាំពាក្យក្រសួងមហាផ្ទៃ គ្រោងនឹងដាក់លិខិតមួយច្បាប់ទៅលោក ប្រេដ អាដាម៍ (Brad Adams) នាយកអង្គការឃ្លាំមើលសិទ្ធិមនុស្សប្រចាំតំបន់អាស៊ី ដើម្បីទាមទារឱ្យធ្វើការ«សុំទោស»ដល់សពលោក ជា ស៊ីម អតីតប្រធានគណបក្សប្រជាជនកម្ពុជា ទាក់ទងនិងអត្ថបទរបស់លោក ដែលនិយាយអំពីតួនាទីរបស់លោក ជា ស៊ីម នៅក្នុងរបបខ្មែរក្រហម។
-
កម្មករប្រមាណ២ពាន់នាក់នៅរោងចក្រគ័នថេកខេត្តតាកែវទាមទារប្រាក់ខែគោល១២៨ដុល្លារ
កម្មករកម្មការិនីប្រមាណ ២ពាន់នាក់នៅរោងចក្រផលិតគ្រឿងអេឡិចត្រូនិក គ័នថេក កម្ពុជា (KUAN TECH) ក្នុងស្រុកត្រាំកក់ ខេត្តតាកែវ ធ្វើបាតុកម្ម ៣ថ្ងៃជាប់គ្នា ទាមទារប្រាក់ខែគោលឲ្យបាន ១២៨ដុល្លារតាមរដ្ឋាភិបាលប្រកាស។ កម្មការិនីឈ្មោះ ជុំ ស្រីអូន ឲ្យដឹងថា រដ្ឋាភិបាលប្រកាសថា កម្មករម្នាក់ត្រូវបានប្រាក់ខែគោល ១២៨ដុល្លារក្នុង ១ខែ ប៉ុន្តែថៅកែបើកឲ្យពួកគាត់តែ ១២៣ដុល្លារ ទើបកម្មករដែលធ្វើការ ៥ខែឡើង ទៅនាំគ្នាសាកសួរ។ នៅរសៀលថ្ងៃទី១១ ខែមិថុនា ថៅកែជនជាតិចិន រកទះកំផ្លៀងគាត់នៅពេលគាត់ហៅកម្មករដទៃឲ្យចូលរួមតវ៉ា ព្រោះថៅកែមិនគោរពច្បាប់ក្នុងប្រទេស។ កម្មករដទៃឃើញដូច្នេះ ក៏លើកគ្នាតវ៉ាចាប់ពីថ្ងៃទី១១ ខែមិថុនា មក ទាមទារឲ្យថៅកែបំពេញសិទ្ធិកម្មករទាំងអស់ និងដំឡើងប្រាក់ខែឲ្យបាន ១២៨ដុល្លារ តាមរដ្ឋាភិបាលប្រកាសផង៖ «អ្នកដែលចូលខែ២ ថ្ងៃទី៦ ក៏គេអត់ទាន់ឲ្យពេញសិទ្ធិដែរ គេថាឲ្យផាត់ខែ២ ចោល គេគិតយកខែ៣ បានគេថាគ្រប់បីខែ ព្រោះដល់ខែហ្នឹងគេអត់គិតឲ្យបានតែ ១២៣ ហ្នឹង បានបងៗកម្មករនាំគ្នាតវ៉ា»។
-
ពលរដ្ឋប្ដឹងមេបញ្ជាការកងរាជអាវុធហត្ថស្រុកកែវសីមាថាប្រើហិង្សានិងគំរាមកំហែង
ប្រជាពលរដ្ឋរស់នៅភូមិស្រែអំពិល ឃុំស្រែខ្ទុំ ស្រុកកែវសីមា ខេត្តមណ្ឌលគិរី ប្ដឹងមេបញ្ជាការកងរាជអាវុធហត្ថស្រុក ពីបទដឹកនាំកងកម្លាំងចាប់អ្នកភូមិដាក់ខ្នោះ និងវាយដំរាងកាយ ទាក់ទិនជម្លោះទាមទារដីស្រែ ៧១ហិកតារ។ ចំណែកមេបញ្ជាការកងរាជអាវុធហត្ថខេត្តបដិសេធថា មន្ត្រីកងរាជអាវុធហត្ថមិនបានប្រើអំពើហិង្សាដូចការចោទនោះទេ។ មន្ត្រីឃ្លាំមើលសិទ្ធិមនុស្ស នៅថ្ងៃទី១៣ ខែមិថុនា អំពាវនាវសុំឲ្យមន្ត្រីអយ្យការតុលាការខេត្តមណ្ឌលគិរី ស៊ើបអង្កេតពាក្យប្ដឹងចោទប្រកាន់របស់ប្រជាពលរដ្ឋ ដើម្បីរកឲ្យឃើញថា តើមន្ត្រីកងរាជអាវុធហត្ថ ពិតជាបានប្រព្រឹត្តអំពើផ្ទុយនឹងវិន័យកងទ័ព រំលោភច្បាប់ និងសិទ្ធិមនុស្ស ឬយ៉ាងណា?
-
របាយការណ៍៖ ចំនួនជនរងគ្រោះនៃការជួញដូរផ្លូវភេទជាកុមារកំពុងថយចុះ
វ៉ាស៊ីនតោន—កាលពីថ្ងៃច័ន្ទ ទី៨ ខែមិថុនាកន្លងទៅនេះ ការស្រាវជ្រាវជាទូទៅមួយអំពីការជួញដូរផ្លូវភេទលើកុមារនៅកម្ពុជា បានរកឃើញថា ចំនួនជនរងគ្រោះនៃការជួញដូរផ្លូវភេទជាកុមារនៅកម្ពុជាកំពុងថយចុះ។ ការស្រាវជ្រាវជាទូទៅរបស់អង្គការបេសកកម្មយុត្តិធម៌អន្តរជាតិ ឬ International Justice Mission (IJM) ដែលជាអង្គការមួយដែលស៊ើបអង្កេតអំពីស្ថានភាពការជួញដូរផ្លូវភេទលើកុមារនៅកម្ពុជា បានរកឃើញថា ចំនួនកុមារកម្ពុជា អាយុចាប់ពី១៧ឆ្នាំចុះក្រោម ដែលជាជនរងគ្រោះនៃការជួញដូរផ្លូវភេទបានថយចុះគួរឲ្យកត់សម្គាល់ពី៨,៦ភាគរយនៅឆ្នាំ២០១២ មកត្រឹម២,២ភាគរយមកត្រឹមខែមិនា ឆ្នាំ២០១៥នេះ។
-
តុលាការ ចេញដីការ ឃុំខ្លួនតាអាយុ៧៧ឆ្នាំ ពីបទចាប់រំលោភ ចៅស្រី អាយុ១៦ឆ្នាំ ដាក់ពន្ធនាគារ
លោក នៅ យ៉ារ័ត្ន ចៅក្រមសើបសួរសាលាដំបូង ខេត្តកំពង់ចាម នៅថ្ងៃទី១១ ខែមិថុនា ឆ្នាំ២០១៥នេះ បានចេញដីកាឃុំខ្លួន បុរសវ័យ៧៧ឆ្នាំម្នាក់ ដាក់ពន្ធនាគារជាបណ្តោះអាសន្ន ក្រោយ ចាប់រំលោភលើចៅស្រី បង្កើតរបស់ខ្លួន អាយុ១៦ឆ្នាំ។ សូមបញ្ជាក់ថា លោកតាអាយុ ៧៧ឆ្នាំ បានចាប់រំលោភចៅ ស្រីបង្កើតអាយុ១៦ឆ្នាំ រហូតមានផ្ទៃពោះ៦ខែ តាំងពីមុនចូលឆ្នាំខ្មែរ មកម៉្លេះ ទើបតែបែកការណ៍នៅពេល នេះ ក៏ត្រូវបាននគរបាលឃាត់ខ្លួន កាលពីវេលាម៉ោង៩និង៣០នាទី ព្រឹកថ្ងៃទី៧ ខែមិថុនា ឆ្នាំ២០១៥ ស្ថិតនៅភូមិទន្លេស ឃុំត្រពាំងព្រះ ស្រុកព្រៃឈរ ខេត្តកំពង់ចាម ។
-
សហរដ្ឋអាមេរិកបន្តជំរុញឲ្យកម្ពុជាមានតម្លាភាពក្នុងដំណើរការបង្កើតច្បាប់
រដ្ឋាភិបាលសហរដ្ឋអាមេរិក លើកឡើងថា ខ្លួននៅតែបន្តជំរុញឲ្យមានការសន្ទនា និងអំពាវនាវឲ្យកម្ពុជាមានតម្លាភាពក្នុងដំណើការនៃការបង្កើតច្បាប់ ខណៈរដ្ឋាភិបាលបាន និងកំពុងរៀបចំសេចក្តីព្រាងច្បាប់មួយចំនួន ដែលសង្គមស៊ីវិលអះអាងថានឹងរឹតត្បិតដល់សេរីភាពក្នុងការធ្វើប្រតិបត្តិការ និងការបញ្ចញមតិរបស់ខ្លួន និងប្រជាពលរដ្ឋ ។
-
ប្រើល្បិច ចាប់រំលោភនារី ម្នាក់រួចគេចទៅថៃ តែជាប់កណ្តាប់ ដៃប៉ូលិសដដែល
ជនសង្ស័យម្នាក់ ត្រូវសមត្ថកិច្ចឃាត់ខ្លួន កាលពីវេលាម៉ោង១ និង៣០នាទីរសៀលថ្ងៃទី១១ មិថុនា ២០១៥ នេះ ស្ថិតនៅចំណុចផ្ទះរបស់ ខ្លួនក្នុងភូមិអូរ ឃុំពេជ្រចិន្តា ស្រុកភ្នំព្រឹក បន្ទាប់ពីធ្វើសកម្មភាព ចាប់រំលោភនារីម្នាក់ ក្នុងផ្ទះសំណាក់ កាលពី ថ្ងៃទី៣១ ឧសភា កន្លងមក រួចហើយបានគេចខ្លួន ទៅប្រទេសថៃ ។
អានបន្ត -
យូមែនរ៉ៃត៍វ៉ច្ឆ៖ សេចក្ដីព្រាងច្បាប់ស្ដីពីអង្គការ-សមាគមមានផលប៉ះពាល់ខ្លាំង
អង្គការសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) ដែលឃ្លាំមើលបញ្ហាសិទ្ធិមនុស្សនៅលើពិភពលោកនេះនិយាយថា ប្រសិនបើរដ្ឋសភាកម្ពុជា អនុម័តសេចក្តីព្រាងច្បាប់សមាគម និងអង្គការក្រៅរដ្ឋាភិបាល ដែលគណៈរដ្ឋមន្ត្រីទើបអនុម័តនោះ នឹងមានផលប៉ះពាល់យ៉ាងខ្លាំងដល់ដំណើរការងាររបស់អង្គការសមាគមជាតិ និងអន្តរជាតិ។
-
ព្រះមហាក្សត្រប្រកាសឲ្យប្រើប្រាស់ច្បាប់ស្តីពីការត្រួតពិនិត្យផលិតផលថ្នាំជក់
ព្រះមហាក្សត្រ ព្រះបាទនរោត្តមសីហមុនី បានប្រកាសឲ្យប្រើប្រាស់ច្បាប់ស្តីពីការត្រួតពិនិត្យផលិតផលថ្នាំជក់ ដែលច្បាប់នេះនឹងដាក់ទោសទណ្ឌជាប់ពន្ធនាគារ និងការពិន័យជាប្រាក់ចំពោះអ្នកលក់ និងអ្នកចែកចាយផលិតផលថ្នាំជក់ ដែលប្រព្រឹត្តខុសតាមការកំណត់។
-
ផ្ទះពីរខ្នងរបស់ពលរដ្ឋនៅខណ្ឌឫស្សីកែវត្រូវអាជ្ញាធររុះរើ
យ៉ាងហោចណាស់ផ្ទះពីរខ្នងរបស់ពលរដ្ឋ នៅខណ្ឌឬស្សីកែវ ត្រូវបានកម្លាំងសមត្ថកិច្ចប្រមាណជាង១០០ នាក់ចុះរុះរើ នៅថ្ងៃសុក្រនេះ ដោយម្ចាស់ផ្ទះអះអាងថា អាជ្ញាធរមិនបានជូនដំណឹងជាមុនឡើយ ។
-
រដ្ឋាភិបាលចុះបញ្ជីឲ្យតែអង្គការអព្យាក្រឹត
ក្រោមសេចក្តីព្រាងច្បាប់ដ៏ចម្រូងចម្រាសដែលបានអនុម័តដោយទីស្តីការគណៈរដ្ឋមន្រ្តី កាលពីថ្ងៃសុក្រ អង្គការក្រៅរដ្ឋាភិបាល ដែលរដ្ឋាភិបាល ចាត់ទុកថា «ធ្វើឲ្យប៉ះពាល់ដល់សន្តិសុខជាតិ» នឹងមិនចុះបញ្ជីឲ្យទេ ខណៈអង្គការដែលទទួលបានការចុះបញ្ជីត្រូវតែ «អព្យាក្រឹតចំពោះរាល់គណបក្សនយោបាយទាំងអស់»។ នេះបើតាមច្បាប់ចម្លងនៃសេចក្តីព្រាងច្បាប់ដែលភ្នំពេញប៉ុស្តិ៍ទទួលបានកាលពីថ្ងៃអង្គារ។
-
ប្រជាពលរដ្ឋ៥០គ្រួសារក្នុងក្រុងប៉ោយប៉ែតផ្ទុះការតវ៉ាពាក់ព័ន្ធរឿងដីធ្លីនៅផ្លូវរថភ្លើង
សេចក្តីរាយការណ៍បានឱ្យដឹងថា នៅវេលាម៉ោងព្រឹកនេះថ្ងៃទី១១ មិថុនា ២០១៥ នេះថា មានប្រជាពលរដ្ឋចំនួន៥០គ្រួសារក្នុងក្រុងប៉ោយប៉ែត បានផ្ទុះការតវ៉ានៅមុខសាលាក្រុងប៉ោយប៉ែត ដោយអ្នកខ្លះលើកបដាពាក្យស្លោក និងអ្នកខ្លះពាក់.ក ពាក់ព័ន្ធនឹងការទាមទារឱ្យជួយដោះស្រាយរឿងដីធ្លី ដែលរងផលប៉ះពាល់លើដីផ្លូវរថភ្លើង ។
-
មេសហជីពគ្រោងជួបប្រជុំនិយាយពីប្រាក់ខែកម្មករឆ្នាំក្រោយ
ភ្នំពេញៈ ការចរចាសម្រាប់ប្រាក់ឈ្នួលអប្បបរមាឆ្នាំក្រោយក្នុងវិស័យកាត់ដេរសម្លៀកបំពាក់ និងស្បែកជើងក្នុងប្រទេសកម្ពុជានឹងធ្វើឡើងចន្លោះពីខែកក្កដាដល់ខែតុលា ហើយមេដឹកនាំសហជីពនឹងជួបប្រជុំគ្នានាខែនេះ ដើម្បីពិភាក្សាថាតើប្រាក់ខែចំនួនប៉ុន្មានដែលពួកគេនឹងទាមទារ។
-
ទីបំផុត កម្មករររាប់ពាន់នាក់នៅរោងចក្រ M&V ព្រមចូលធ្វើការវិញហើយ
កូដកម្មមួយដែលបានធ្វើឡើងរយៈពេលជាច្រើនសប្តាហ៍ដោយកម្មករជាង ២.០០០ នាក់មកពីរោងចក្រមួយក្នុងរាជធានីភ្នំពេញ ដែលផ្គត់ផ្គង់ សម្លៀកបំពាក់ដល់ក្រុមហ៊ុនលក់សម្លៀកបំពាក់លំដាប់ថ្នាក់ពិភពលោក H&M បានបញ្ចប់ហើយកាលពីម្សិលមិញ បន្ទាប់ពីសហជីពបានបន្ថយការទាមទាររបស់ខ្លួន ហើយគាំទ្រលក្ខខណ្ឌមួយដែលកម្មករត្រូវទទួលបានប្រាក់ខែពេញសម្រាប់រយៈពេលធ្វើកូដកម្ម នេះបើយោងតាមតំណាងសហជីពបានលើកឡើង។
-
តុលាការកោះកុងជំនុំជម្រះក្តីក្រុមហ៊ុនប្តឹងពលរដ្ឋ
កោះកុងៈ សាលាដំបូងខេត្តកោះកុង កាលពីថ្ងៃម្សិលមិញ បានបើកសវនាការជំនុំជម្រះលើបណ្តឹងរបស់ក្រុមហ៊ុនហេងហ៊ុយ ដែលបានប្តឹងតំណាងប្រជាពលរដ្ឋម្នាក់ជាគូភាគីទំនាស់រឿងដីធ្លី ពីបទធ្វើឲ្យខូចខាតដោយចេតនា ទាក់ទងនឹងការបំពុលគោឲ្យងាប់២ក្បាល។
-
អតីតបុគ្គលិកវិទ្យុសំបុកឃ្មុំប្រមូលផ្តុំគ្នាតវ៉ាទាមទារប្រាក់អតីតការងារជាលើកទី២
ជាការពិតណាស់ ដូចដែលបានគ្រោងទុកជាមុន របស់អតីតក្រុមបុគ្គលិកបម្រើការនៅក្នុងវិទ្យុសំបុកឃ្មុំ(FM105) ដែលបានយកថ្ងៃទី១០ មិថុនា ២០១៥ នេះ ជាថ្ងៃប្រមូលផ្តុំគ្នាជាលើកទី២ ដើម្បីធ្វើការតវ៉ាទាមទារប្រាក់អតីតភាពការងាររបស់ពួកគេ បន្ទាប់ពីក្រុមហ៊ុនសូណង់ដូ ខូអិលធីឌី បញ្ឈប់បុគ្គលិកបម្រើការងារចំនួន១០នាក់ ហើយមិនបើកប្រាក់បៀវត្សដល់បុគ្គលិក ។