កំពុងស្វែងរកទិន្នន័យ
រកឃើញ: 12.457
-
ច្បាប់ស្ដីពី”សមាគមនិងអង្គការមិនមែនរដ្ឋាភិបាលជិតអនុម័តជាផ្លូវការហើយ
រាជរដ្ឋាភិបាលកម្ពុជាបានបញ្ជូនសេចក្ដីព្រាងច្បាប់ស្ដីពី”សមាគម និងអង្គការមិនមែនរដ្ឋាភិបាល” ទៅកាន់រដ្ឋសភាជាតិហើយ កាលពីថ្ងៃទី១៥ មិថុនា។ មានរយៈពេល១០ថ្ងៃហើយ ដែលទីស្ដីការគណៈរដ្ឋមន្ដ្រី បានអនុម័ត លើសេចក្ដីព្រាងច្បាប់នេះ។ អ្នកនាំពាក្យទីស្ដីការគណៈរដ្ឋមន្ដ្រីលោកផៃ ស៊ីផាន បានឲ្យដឹង តាមរយៈហ្វេសប៊ុកលោក ថា បន្ទាប់ពីបានផ្ទៀងផ្ទាត់សេចក្ដីព្រាងច្បាប់ស្ដីពី”សមាគម និងអង្គការមិនមែនរដ្ឋាភិបាល”រួចរាល់ រាជរដ្ឋាភិបាលបានបញ្ជូនសេចក្ដីព្រាងច្បាប់ផ្លូវការនេះ ទៅកាន់រដ្ឋសភារួចហើយ ដើម្បីឲ្យរដ្ឋសភាពិភាក្សា និងអនុម័តបន្ដ។តាមនីតិវិធីក្រោយពី រដ្ឋសភា ពិនិត្យ និងអនុម័តសេចក្តីព្រាងច្បាប់ស្ដីពី”សមាគម និងអង្គការមិនមែនរដ្ឋាភិបាលនឹងចេញដាក់ឲ្យប្រើប្រាស់ និងអនុវត្តជាផ្លូវការក្នុងពេលឆាប់ៗខាងមុខនេះ។
-
ក្រុមគ្រូបង្រៀនវិទ្យាល័យមួយនៅខេត្ដព្រះវិហារ គ្រោងធ្វើកូដកម្មទាមទារដកនាយក
គ្រូបង្រៀនជិត៣០នាក់ នៅវិទ្យាល័យមួយនៃខេត្ដព្រះវិហារ គ្រោងធ្វើកូដកម្មជាថ្មីទៀតដោយមិនបង្រៀនសិស្ស ដើម្បីទាមទារដកនាយក និងលេខា ដោយចោទថាអសមត្ថភាពក្នុងការដឹកនាំ និងខ្វះការទទួលខុសត្រូវ ។ គម្រោងនេះកើតឡើង បន្ទាប់ពីគ្រូវិទ្យាល័យគូលេន ស្រុកគូលេន ខេត្តព្រះវិហារ ចំនួន២៦នាក់ ក្នុងចំណោមគ្រូទាំងអស់៣២នាក់ បានប្រមូលផ្ដុំគ្នាធ្វើកូដកម្មក្នុងសាលានេះ ដោយមិនបង្រៀនសិស្សរយៈពេល២ថ្ងៃ ករណីពួកគាត់បង្រៀនលើសម៉ោងជិត១ឆ្នាំ តែមិនទទួលបានកម្រៃ ខណៈគ្រូវិទ្យាល័យផ្សេងទៀតក្នុងខេត្ដជាមួយគ្នានេះ ទទួលបានប្រាក់ម៉ោងត្រឹមត្រូវ ។
-
ពលរដ្ឋ១៨គ្រួសារនៅខេត្តកោះកុងសុំឆ្វៀលដីរបស់ខ្លួនចេញពីដីសម្បទាន
ពលរដ្ឋរងគ្រោះដោយសារទំនាស់ដីធ្លីនៅខេត្តកោះកុង បានសុំឱ្យសាលាខេត្តកោះកុងសម្រេចឱ្យពួកគេបានស្នាក់នៅលើដីទំនាស់ដែលនឹងត្រូវយកទៅអភិវឌ្ឍជាទីក្រុងទំនើប។ ពលរដ្ឋរងគ្រោះ១៨គ្រួសារនេះបានដាក់ពាក្យបណ្តឹងទៅសាលាខេត្តកោះកុងដើម្បីសុំសិទ្ធិរស់នៅជាកម្មសិទ្ធិលើដីដែលក្រុមហ៊ុនចិនឈ្មោះ Union Development Group គ្រោងនឹងធ្វើអាងស្តុកទឹកនិងទំនប់វារីអគ្គិសនី។ នេះបើយោងទៅតាមពាក្យបណ្តឹងដែល VOA ទទួលបាននៅថ្ងៃច័ន្ទនេះ និងតាមការបញ្ជាក់ពីមន្រ្តីសិទ្ធិមនុស្សលីកាដូ ប្រចាំខេត្តកោះកុង។
-
GMAC ថា សហជីពប្រើកូដកម្មបាតុកម្មទាមទារអត្ថប្រយោជន៍លើសពីច្បាប់កំណត់
សមាគមរោងចក្រកាត់ដេរនៅកម្ពុជា (GMAC) បានលើកឡើងនៅថ្ងៃនេះថា សហជីពមួយចំនួនបន្តសកម្មភាពទាមទារអត្ថប្រយោជន៍បនែ្ថមលើសពីច្បាប់កំណត់តាមរយ:ការធ្វើកូដកម្មបាតុកម្មខុសនិតិវិធីច្បាប់ជាសំពាធលើអ្នកវិនិយោគ បើទោះបីជាមានយន្តការតំឡើងប្រាក់ឈ្នួលអប្បបរមាប្រចាំឆ្នាំច្បាស់លាស់ក្តី។ បើតាម GMAC ការទាមទារភាគច្រើនមិនបានអនុវត្តទៅតាមនីតិវិធីច្បាប់ជាធរមាននោះទេ ដែលអាចចាត់ទុកថាជាការដាក់សម្ពាធលើរោងចក្រ និងប្រៀបបាននឹងការជំរិតពីថៅកែរោងចក្រដូច្នោះដែរ ហើយ បើថៅកែរោងចក្រមិនបានបំពេញតាមសំណើរបស់សហជីពទេនោះ សហជីពនឹងដឹកនាំកម្មករធ្វើកូដកម្ម បាតុកម្មហិង្សាបិទទ្វាររោងចក្រ បិទផ្លួវសាធារណៈជាដើម។
-
អាជ្ញាធរនិងសង្គមស៊ីវិលខេត្តព្រះសីហនុស្នើអាណាព្យាបាលឈប់រំលោភកម្លាំងពលកម្មកុមារ
មន្ត្រីរដ្ឋាភិបាល និងមន្ត្រីសង្គមស៊ីវិលខេត្តព្រះសីហនុ ថ្លែងថា បញ្ហារំលោភបំពានកម្លាំងពលកម្មកុមារ នៅតែជាបញ្ហាចោទ ដែលភាគីពាក់ព័ន្ធ ពិសេសអាណាព្យាបាលកុមារ ត្រូវចូលរួមដោះស្រាយ។ សារអំពាវនាវនេះ ធ្វើឡើងនៅក្នុងឱកាសប្រារព្ធទិវាពិភពលោក ប្រឆាំងនឹងពលកម្មកុមារលើកទី១៤ លើប្រធានបទ «គ្មានពលកម្មកុមារ ផ្តល់ការអប់រំដែលមានគុណភាព» កាលពីថ្ងៃទី១២ ខែមិថុនា។ ការប្រារព្ធទិវានេះ ក៏មានការដើរហែក្បួនមានលើកបដារបស់កុមារតូចៗ ដោយមានអាណាព្យាបាល មន្ត្រីរាជការ និងមន្ត្រីសង្គមស៊ីវិល រាប់រយនាក់ នាមូលដ្ឋានភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះសីហនុ។
-
ខណ្ឌដូនពេញបើកយុទ្ធនាការប្រមូលជនអនាថា
គណៈបញ្ជាការឯកភាពខណ្ឌដូនពេញពីម្សិលមិញបានបើកយុទ្ធនាការទ្រង់ទ្រាយធំប្រមូលជនអនាថា ស្រ្តីរកស៊ីផ្លូវភេទ និងអ្នកញៀនថ្នាំចំនួន ៨០ នាក់ក្នុងគោលបំណងរៀបចំសណ្តាប់ធ្នាប់ក្នុងក្រុង។ យុទ្ធនាការនោះធ្វើឡើងចាប់តាំងពីម៉ោង ៣ និង ២០ នាទី រសៀល ដោយប្រមូលបានជនអនាថាចំនួន ៤៩ នាក់ក្នុងនោះមានស្រ្តីរកស៊ីផ្លូវភេទចំនួន ១២ នាក់យកទៅអប់រំ។
-
អង្គការសិទ្ធិមនុស្សបង្ហាញចំណុចអាក្រក់នៃសេចក្ដីព្រាងច្បាប់អង្គការសមាគម
មជ្ឈមណ្ឌលសិទ្ធិមនុស្សកម្ពុជា ចេញផ្សាយការវិភាគរបស់ខ្លួនទៅលើសេចក្ដីព្រាងច្បាប់ស្ដីពីអង្គការសមាគម ដែលសេចក្ដីព្រាងចុងក្រោយអនុម័តដោយគណៈរដ្ឋមន្ត្រី។ ការវិភាគនោះរកឃើញថា នៅមានចំណុចបារម្ភជាច្រើន ដែលអង្គការសិទ្ធិមនុស្សមួយនេះចាត់ទុកថា ជាការរឹតត្បិតដល់សិទ្ធិសេរីភាពខាងសមាគម និងសិទ្ធិចូលរួមក្នុងជីវភាពសាធារណៈ ដែលផ្ទុយពីច្បាប់ជាតិ និងអន្តរជាតិ។ ការលើកឡើងរបស់អង្គការសិទ្ធិមនុស្សនេះ ស្របពេលដែលសេចក្ដីព្រាងច្បាប់អង្គការសមាគម ត្រូវមន្ត្រីអះអាងថាត្រូវបញ្ជូនចេញពីស្ដីការគណៈរដ្ឋមន្ត្រីទៅកាន់រដ្ឋសភា។
-
គ.ជ.ប បង្កើតគណៈកម្មការដើម្បីទំនាក់ទំនងជាមួយភាគីពាក់ព័ន្ធនឹងការបោះឆ្នោត
គណៈកម្មាធិការជាតិរៀបចំការបោះឆ្នោត (គ.ជ.ប) បានបង្កើតគណៈកម្មការទំនាក់ទំនងការងារមួយ ដែលក្នុងនោះមានក្រុមតូចៗចំនួន៤ ដើម្បីទាក់ទងធ្វើការជាមួយភាគីពាក់ព័ន្ធនឹងការបោះឆ្នោត ។ យោងសេចក្ដីសម្រេចរបស់ គ.ជ.ប ចុះថ្ងៃទី១៥ ខែមិថុនា ម្សិលមិញឲ្យដឹងថា លោក ស៊ិក ប៊ុនហុក ដែលជាប្រធាន គ.ជ.ប ត្រូវបានតែងតាំងជាប្រធានគណៈកម្មការនេះ ឯសមាជិក គ.ជ.ប ទាំង៨រូប ត្រូវបែងចែកជា៤ក្រុម ក៏ជាសមាជិកគណៈកម្មការនេះផងដែរ ។
-
សេចក្តីព្រាងច្បាប់ស្តីពីអង្គការមិនមែនរដ្ឋាភិបាលបានបញ្ជូនដល់រដ្ឋសភា
ភ្នំពេញ—សេចក្តីព្រាងច្បាប់ដ៏ចម្រូងចម្រាសស្តីពីសមាគម និងអង្គការមិនមែនរដ្ឋាភិបាលបានបញ្ជូនដល់រដ្ឋសភាជាតិកាលពីព្រឹកថ្ងៃអង្គារនេះដើម្បីពិភាក្សាបន្ត និងអនុម័ត។ អ្នកនាំពាក្យរដ្ឋសភាបានអះអាងថា សិក្ខាសាលាជាសាធារណៈមួយនឹងត្រូវធ្វើឡើងដើម្បីទទួលមតិយោបល់បន្ថែម។ លោក ឈាង វុន អ្នកនាំពាក្យរដ្ឋសភា និងជាតំណាងរាស្ត្រគណបក្សកាន់អំណាច បានឲ្យដឹងថា សេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាលនេះត្រូវបានបញ្ជូនដល់រដ្ឋសភានាព្រឹកថ្ងៃអង្គារនេះ ហើយគណៈកម្មការអចិន្ត្រៃយ៍នៃសភាជាតិ នឹងបញ្ជូនទៅគណៈកម្មាធិការជំនាញរបស់រដ្ឋសភាជាតិដើម្បីពិនិត្យ មុនពេលដាក់ឲ្យមានការពិភាក្សានោះ។
-
សហគមន៍ជនជាតិដើមភាគតិចព្នងនៅស្ទឹងត្រែងឃាត់គ្រឿងចក្រក្រុមហ៊ុនចិន
សហគមន៍ជនជាតិដើមភាគតិចព្នង នៅឃុំក្បាលរមាស ស្រុកសេសាន ខេត្តស្ទឹងត្រែង ឃាត់គ្រឿងចក្រ ២គ្រឿងរបស់ក្រុមហ៊ុនចិន ស៊ីវ ហ្គិច (Saiv Hkech) កាលពីល្ងាចថ្ងៃទី១៤ មិថុនា។ សហគមន៍អះអាងថា ក្រុមហ៊ុនបានត្រៀមឈូសឆាយដីព្រៃអភិរក្សសហគមន៍ក្បាលរមាស។ ចំណែកតំណាងក្រុមហ៊ុនបដិសេធថា ក្រុមហ៊ុនត្រៀមឈូសឆាយព្រំដីលិចទឹកសម្រាប់ដាំដុះប៉ុណ្ណោះ។ ពលរដ្ឋជនជាតិដើមព្នង ឃុំក្បាលរមាស ជាង ៥០នាក់ នៅថ្ងៃទី១៥ មិថុនា ជួបជុំគ្នានៅទីតាំងស្រែគាស់ ភូមិក្បាលរមាស ឃុំក្បាលរមាស ស្រុកសេសាន ដើម្បីរង់ចាំតំណាងក្រុមហ៊ុន ស៊ីវ ហ្គិច ដោះស្រាយ។ សហគមន៍អះអាងថា តំណាងក្រុមហ៊ុនត្រូវធ្វើកិច្ចសន្យាជាលាយលក្ខណ៍អក្សរ និងមានស្នាមមេដៃជាមួយសហគមន៍ច្បាស់លាស់ ទើបអ្នកភូមិសម្រេចប្រគល់គ្រឿងចក្រជូនក្រុមហ៊ុនវិញ។
-
ពលរដ្ឋមានជម្លោះដីធ្លីជាមួយក្រុមហ៊ុន SKD រកអន្តរាគមន៍ពីលោកនាយករដ្ឋមន្ត្រី
ប្រជាពលរដ្ឋជាង ៧០ នាក់តំណាងឲ្យ ៧១ គ្រួសារនៅក្នុងស្រុកពញាឮ ខេត្តកណ្តាល ដែលមានជម្លោះដីធ្លីជាមួយក្រុមហ៊ុនសុរាគារខ្មែរ (SKD) បាននាំគ្នាដាក់ញត្តិទៅរដ្ឋសភា និងខុទ្ទកាល័យនាយករដ្ឋមន្ត្រីជាថ្មីកាលពីថ្ងៃម្សិលមិញស្នើសុំឲ្យជួយអន្តរាគមន៍ដោះស្រាយប្រគល់ដីជូនពលរដ្ឋវិញ បន្ទាប់ពីការសម្របសម្រួលផ្តល់សំណងបន្ថែមនៅសាលាខេត្តពុំបានលទ្ធផល។
-
កម្មកររោងចក្រនៅស្ទឹងមានជ័យជាង១ពាន់នាក់តវ៉ាឲ្យថៅកែគោរពច្បាប់ការងារ
កម្មកររោងចក្រ ដាប់ប៊ែលយូ អេន ឌី ខេមបូឌា (W&D Cambodia) ជាង ១.០០០នាក់ ប្រមូលផ្តុំគ្នាតវ៉ានៅមុខរោងចក្រស្ថិតនៅភូមិឫស្សី សង្កាត់ស្ទឹងមានជ័យ រាជធានីភ្នំពេញ ដើម្បីទាមទារលក្ខខណ្ឌការងារ ១២ចំណុច។ ប៉ុន្តែរយៈពេល ៥ថ្ងៃនៃការតវ៉ាទាំងនៅក្នុងរោងចក្រ រហូតចេញក្រៅរោងចក្រ នៅមិនទាន់មានការឆ្លើយតបពីតំណាងរោងចក្រនៅឡើយទេ។ កម្មករ កម្មការិនី រោងចក្រ ដាប់ប៊ែលយូ អេន ឌី ខេមបូឌា ធ្វើកូដកម្មមិនធ្វើការងារនៅក្នុងរោងចក្រឈានដល់នាំគ្នាចេញមកខាងក្រៅ ឈរស្រែកតវ៉ានៅមុខរោងចក្រ និងព្រមានបិទផ្លូវ ប្រសិនថៅកែរោងចក្រនៅតែមិនអើពើការទាមទារនេះ។
-
ក្រសួងមហាផ្ទៃ៖ នាយកអង្គការឃ្លាំមើលសិទ្ធិមនុស្ស អាចត្រូវចូលបញ្ជីខ្មៅបើបន្តរិះគន់ថ្នាក់នាំកម្ពុជា
ក្រសួងមហាផ្ទៃថា នាយកអង្គការឃ្លាំមើលសិទ្ធិមនុស្ស (Human Right Watch ) អាចនឹងត្រូវដាក់ចូលបញ្ជីខ្មៅ បើនៅតែបន្តរិះគន់មេដឹកនាំកម្ពុជា ជាពិសេសការរិះគន់លើសពលោក ជា ស៊ីម ដោយប្រៀបប្រដូចទៅនឹងមេដឹកនាំក្នុងរបបខ្មែរក្រហម ។ យោងសេចក្ដីថ្លែងការណ៍របស់ក្រសួងមហាផ្ទៃ ចេញថ្ងៃទី១៤ ខែមិថុនា ឆ្នាំ២០១៥ បានហៅការចោទប្រកាន់របស់ប្រធានអង្គការឃ្លាំមើលសិទ្ធិមនុស្សកម្ពុជា គឺលោក ប្រ៊ែដ អាដាម (Brad Adams) ថាមានចេតនាមួលបង្កាច់ និងបង្កប់នូវគំនុំគុំកួនបុគ្គល មកលើថ្នាក់ដឹកនាំកំពូលនៃព្រះរាជាណាចក្រកម្ពុជា គឺលោក ជា ស៊ីម ។
-
ឯកអគ្គរដ្ឋទូតអាមេរិកលើកឡើងថារដ្ឋសភាកម្ពុជាមិនគួរយកច្បាប់អង្គការជាអាទិភាពចម្បងនោះទេ
ឯកអគ្គរដ្ឋទូតអាមេរិក លោក វាលៀម ថដ(William E. Todd) បានលើកឡើងថារដ្ឋសភាកម្ពុជាមិនគួរយកសេចក្តីព្រាងច្បាប់អង្គការមិនមែនរដ្ឋាភិបាល និងសមាគម ជាអាទិភាពចម្បងនោះទេ ដោយលោកបានស្នើឲ្យរដ្ឋសភាគិតគូពីបញ្ហាភាពក្រីក្ររបស់ប្រជាពលរដ្ឋ ការថែទាំសុខភាព និងការការពារបរិស្ថានជាដើម។ សេចក្តីព្រាងច្បាប់អង្គការក្រៅរដ្ឋាភិបាល និងសមាគម នឹងត្រូវបញ្ជូនទៅរដ្ឋសភា ដើម្បីពិនិត្យ និងអនុម័ត។ លោក វាលៀម ថដ ធ្លាប់ត្រូវបានក្រសួងការបរទេសកម្ពុជាក្រើនរំឭកឯកអគ្គរដ្ឋទូតអាមេរិក ពីការជ្រៀតជ្រែកកិច្ចការកម្ពុជា ពាក់ព័ន្ធនឹងករណីលោករិះគន់សេចក្តីព្រាងច្បាប់នេះ។
-
ប៉ូលិស ឃាត់ខ្លួនយុវជនម្នាក់ ពីបទរំលោភសេពសន្ថវៈលើក្មេងស្រីអាយុ ៧ឆ្នាំ
បាត់ដំបង: សមត្ថកិច្ចនគរបាល ស្រុកភ្នំព្រឹក កាលពីល្ងាចថ្ងៃទី១៤ ខែមិថុនា ឆ្នាំ២០១៥ បានឃាត់ខ្លួនយុវជនម្នាក់ ពីបទរំលោភ សេពសន្ថវៈលើក្មេងស្រី អាយុ ៧ឆ្នាំ កាលពីវេលាម៉ោង ៦ និង ៣០ នាទី ល្ងាចថ្ងៃដដែល នៅលើផ្ទះជនរងគ្រោះ ក្នុងក្រុមទី៧ ភូមិថ្នល់បត់ ឃុំអូររំដួល ស្រុកភ្នំព្រឹក រួចគេចខ្លួនបាត់។ លោក សារ៉េត វិសេដ្ឋ អធិការរង នគរបាលស្រុកភ្នំព្រឹក បានឲ្យដឹងថា ជនសង្ស័យមានឈ្មោះ ពត វុធថា ហៅ កាស ភេទប្រុស អាយុ ១៩ឆ្នាំរស់នៅភូមិ ឃុំខាងលើ។ ចំណែកក្មេងស្រីរងគ្រោះ មានអាយុ ៧ឆ្នាំ រស់នៅភូមិជាមួយគ្នាខាងលើ។
-
កម្មកររោងចក្រនៅស្ទឹងមានជ័យជាង១ពាន់នាក់តវ៉ាឲ្យថៅកែគោរពច្បាប់ការងារ
កម្មកររោងចក្រ ដាប់ប៊ែលយូ អេន ឌី ខេមបូឌា (W&D Cambodia) ជាង ១.០០០នាក់ ប្រមូលផ្តុំគ្នាតវ៉ានៅមុខរោងចក្រស្ថិតនៅភូមិឫស្សី សង្កាត់ស្ទឹងមានជ័យ រាជធានីភ្នំពេញ ដើម្បីទាមទារលក្ខខណ្ឌការងារ ១២ចំណុច។ ប៉ុន្តែរយៈពេល ៥ថ្ងៃនៃការតវ៉ាទាំងនៅក្នុងរោងចក្រ រហូតចេញក្រៅរោងចក្រ នៅមិនទាន់មានការឆ្លើយតបពីតំណាងរោងចក្រនៅឡើយទេ។ កម្មករ កម្មការិនី រោងចក្រ ដាប់ប៊ែលយូ អេន ឌី ខេមបូឌា ធ្វើកូដកម្មមិនធ្វើការងារនៅក្នុងរោងចក្រឈានដល់នាំគ្នាចេញមកខាងក្រៅ ឈរស្រែកតវ៉ានៅមុខរោងចក្រ និងព្រមានបិទផ្លូវ ប្រសិនថៅកែរោងចក្រនៅតែមិនអើពើការទាមទារនេះ។
-
ពលរដ្ឋ៥នាក់ត្រូវតុលាការហៅសួររឿងវិវាទដីធ្លី
តំណាងជនជាតិដើមភាគតិច ៥ នាក់ ក្នុងស្រុកលំផាត់ ត្រូវបានតុលាការកោះហៅទៅសួរនាំ បន្ទាប់ពីក្រុមហ៊ុនវៀតណាម បានប្តឹងពួកគាត់រឿងបោះរបងរំលោភយកដីទំហំ ២០០ហិកតា ដើម្បីបម្រុងទុកធ្វើទីទួលសុវត្ថិភាពពេលមានទឹកជំនន់។ ជនជាតិដើមភាគតិចឡាវ ទំពួន និងខ្មែរប្រមាណ ៣០០នាក់នៅក្នុងភូមិថ្មី ឃុំជ័យឧត្តម ស្រុកលំផាត់បាននាំគ្នាទៅបោះបង្គោលលើដី ២០០ ហិកតាពីក្រុមហ៊ុនវៀតណាមឈ្មោះហ័ងអាញលំផាត់ កាលពីចុងខែមេសាកន្លងមក បន្ទាប់ពីក្រុមហ៊ុនបានឈូសឆាយ ដើម្បីដាំដូងប្រេងលើដីនោះ។
-
យុវជនស្នើឲ្យមានការផ្សព្វផ្សាយទូលំទូលាយអំពីបញ្ហាចំណាកស្រុកប្រកបដោយសុវត្ថិភាព
ភ្នំពេញ—ការធ្វើចំណាកស្រុកប្រកបដោយសុវត្ថិភាពគឺជាប្រធានបទដែលកំពុងត្រូវបានយកមកពិភាក្សានៅក្នុងប្រទេសកម្ពុជា។ ក្រុមយុវជនបានស្នើឲ្យមានការផ្សព្វផ្សាយព័ត៌មានឲ្យបានទូលំទូលាយអំពីបញ្ហានេះ។ ការផ្សព្វផ្សាយព័ត៌មានឲ្យទូលំទូលាយអំពីបញ្ហាចំណាកស្រុកប្រកបដោយសុវត្ថិភាព និងការបង្ការអំពើជួញដូរមនុស្សត្រូវបានស្នើឡើងជាដំណោះស្រាយតាមរយៈក្រុមបណ្តាញយុវជនសហគមន៍ នៅក្នុងសិក្ខាសាលាមួយក្នុងរាជធានីភ្នំពេញ កាលពីថ្ងៃសុក្រ ទី១២កន្លងទៅ។
-
ពលរដ្ឋរងគ្រោះដីធ្លីប្តឹងអភិបាលស្រុកឲ្យសងផ្ទះវិញ
មណ្ឌលគិរីៈ ប្រជាពលរដ្ឋប្រមាណជា ១០០ នាក់ រស់នៅក្នុងភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី ដែលរងគ្រោះព្រោះការបណ្តេញចេញដោយបង្ខំពីសំណាក់អាជ្ញាធរដោយដុតផ្ទះ និងផ្តួលរំលំផ្ទះកាលពីថ្ងៃទី ១១ ខែមិថុនា បានស្នើសុំឲ្យជួយអន្តរាគមន៍ពីសមាគមអាដហុក
-
TI ដាក់ឲ្យប្រើប្រាស់កាតប្រឆាំងអំពើពុករលួយនៅថ្ងៃទី២៤មិថុនា
អង្គការតម្លាភាពកម្ពុជា TI នឹងសម្ពោធការដាក់ឲ្យប្រើប្រាស់ជាផ្លូវការកាតប្រឆាំងអំពើពុករលួយ នៅរសៀលថ្ងៃទី២៤ខែមិថុនាខាងមុខនេះ នៅមជ្ឈមណ្ឌលសហប្រតិបត្តិការកម្ពុជា-ជប៉ុនCJCC។ កាតប្រឆាំងអំពើពុករលួយ នឹងចែកជូនដល់អ្នកចូលរួមដោយឥតគិតថ្លៃ។ នៅលើកាតនេះ ក៏មានលេខទូរសព្ទ ដើម្បីរាយការណ៍អំពើពុករលួយទៅអង្គភាពប្រឆាំងអំពើពុករលួយACU ឬអង្គការតម្លាភាពកម្ពុជាTI ។ លោកអ្នកដែលទទួលបានកាតប្រឆាំងអំពើពុករលួយ នឹងទទួលបានការបញ្ចុះតម្លៃពីក្រុមហ៊ុន នានានៅរាជធានីភ្នំពេញ និងតាមបណ្តាខេត្ត ដែលជាដៃគូរបស់អង្គការតម្លាភាពកម្ពុជា។