កំពុងស្វែងរកទិន្នន័យ
រកឃើញ: 12.457
-
អ្នកមានជម្លោះដីធ្លីនៅព្រះវិហារបន្តប្រមូលផ្ដុំមុខសាលាខេត្តទាមទាររកដំណោះស្រាយ
អ្នកមានជម្លោះដីធ្លីប្រមាណជាង៣០០ មកពីស្រុកទាំង៧នៃខេត្តព្រះវិហារ ប្រមូលផ្ដុំគ្នាមុខសាលាខេត្តជាថ្មី នៅព្រឹកថ្ងៃពុធនេះ ដើម្បីទាមទារឲ្យមានដំណោះស្រាយជម្លោះដីធ្លីជាមួយអ្នកមានលុយ មានអំណាចនៅក្នុងខេត្តនេះ ដែលអូសបន្លាយជាច្រើនឆ្នាំមកហើយ ។ ក្រុមអ្នកមានទំនាស់ដីធ្លី ទាំងជនជាតិដើមភាគតិច និងមិនមែនជនជាតិដើមភាគតិច ដែលបាននាំគ្នាឡើងទៅតវ៉ាតាំងពីម្សិលមិញនោះ បានចាប់ផ្ដើមនាំគ្នាដើរដង្ហែក្បួនដោយមានលើកបដាផង ចាប់ពីម៉ោងប្រមាណ៦ព្រឹក ឆ្ពោះទៅកាន់សាលាខេត្តព្រះវិហារដើម្បីបន្តធ្វើការទាមទារឲ្យអាជ្ញាធររកដំណោះស្រាយឲ្យខ្លួន ។
-
អង្គការអន្តរជាតិជាង២០០បារម្ភពីការរំលោភសិទ្ធិមនុស្សលើអ្នកបឹងកក់
អង្គការអន្តរជាតិស្ដីពីសិទ្ធិសេដ្ឋកិច្ច សង្គម និងវប្បធម៌ ចំនួន២២០ នៅប្រទេសចំនួន៧០ ចេញសេចក្ដីអំពាវនាវដល់រដ្ឋាភិបាល ឲ្យធានាការគោរពសិទ្ធិមនុស្សតាមបទដ្ឋានអន្តរជាតិ នៅពេលធ្វើការអភិវឌ្ឍ។ ក្នុងលិខិតរបស់បណ្ដាញអង្គការអន្តរជាតិ ដែលផ្ញើជូននាយករដ្ឋមន្ត្រីកម្ពុជា បង្ហាញការបារម្ភយ៉ាងខ្លាំងចំពោះលក្ខខណ្ឌរស់នៅរបស់អ្នកបឹងកក់ រាប់ពាន់គ្រួសារ ដែលកំពុងរស់នៅ និងធ្លាប់រស់នៅទីនោះមុនពេលបណ្ដេញចេញ។
-
លោក ហ៊ុន សែន អះអាងថាការពិគ្រោះយោបល់លើសេចក្តីព្រាងច្បាប់អង្គការច្រើនពេកហើយ
លោកនាយករដ្ឋមន្រ្តី ហ៊ុន សែន បានអះអាងថារដ្ឋាភិបាលនឹងអនុម័តសេចក្តីព្រាងច្បាប់ស្តីពីសមាគម និងអង្គការក្រៅ នៅពេលខាងមុខនេះ ដោយលោកថាសេចក្តីព្រាងច្បាប់នេះត្រូវបានដាក់ឲ្យពិគ្រោះយោបល់ច្រើនលើករួចមកហើយ។
-
អង្គការអន្តរជាតិជំរុញឲ្យប្រទេសម្ចាស់ជំនួយដាក់សម្ពាធលើរដ្ឋាភិបាលកម្ពុជាករណីច្បាប់អង្គការ
អង្គការសិទ្ធិមនុស្សអន្តរជាតិចំនួន១១ជំរុញឲ្យប្រទេសម្ចាស់ជំនួយរបស់កម្ពុជា និងរដ្ឋាភិបាលដទៃទៀត ដាក់សម្ពាធលើរដ្ឋាភិបាលកម្ពុជាឲ្យទម្លាក់ចោលសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ដោយលើកឡើងថា ច្បាប់នេះនឹងគំរាមកំហែងដល់សេរីភាពរបស់អង្គការសមាគម ។ សេចក្ដីប្រកាសព័ត៌មានរបស់អង្គការឃ្លាំមើលសិទ្ធិមនុស្ស (Human Rights Watch) ចេញផ្សាយនៅថ្ងៃទី០១ ខែមិថុនា ឲ្យដឹងថា កាលពីថ្ងៃទី២៩ ខែឧសភា អង្គការនេះ និងអង្គការសិទ្ធិមនុស្សចំនួន១០ផ្សេងទៀតបានផ្ញើលិខិតទៅកាន់សហភាពអ៊ឺរ៉ុប និងរដ្ឋាភិបាល៤៤ប្រទេសផ្សេងទៀត ដោយជំរុញឲ្យអ្នកផ្ដល់ជំនួយ និងរដ្ឋាភិបាលទាំងនោះដាក់សម្ពាធទៅរដ្ឋាភិបាលកម្ពុជាឲ្យបញ្ឈប់ការធ្វើសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាលនេះ ។ អង្គការទាំងនោះក៏បានលើកឡើងដែរថា ច្បាប់ថ្មីនេះមិនមានភាពចាំបាច់នោះទេ ព្រោះថាច្បាប់ដែលមានសព្វថ្ងៃបានដោះស្រាយពីកង្វល់របស់រដ្ឋាភិបាលពាក់ព័ន្ធនឹងប្រតិបត្តិការរបស់អង្គការ សមាគមទាំងនោះរួចស្រេចទៅហើយ ។
-
លោកហ៊ុន សែន រំឭកពលរដ្ឋអំពីបក្សផ្សេងយកពន្ធ
កំពង់ស្ពឺៈលោកនាយករដ្ឋមន្ត្រី ហ៊ុន សែន បានរំឭកប្រជាពលរដ្ឋជាថ្មី ចំពោះគណបក្សនយោបាយ ជាគូប្រជែងរបស់លោក ដែលនឹងយកពន្ធលើដីធ្លីដើម្បីបង្កើនប្រាក់បៀវត្សរ៍ឲ្យមន្ត្រីរាជការ នៅពេលគណបក្សនោះឈ្នះឆ្នោត ដឹកនាំប្រទេស ខណៈដែលគណបក្សប្រឆាំងបានគូសបញ្ជាក់ថា ខ្លួនមានបំណងយកពន្ធដីតែពីក្រុមហ៊ុនដែលមានដីរាប់ពាន់ រាប់ម៉ឺនហិកតាតែប៉ុណ្ណោះ។ ក្នុងពិធីសម្ពោធផ្លូវជាតិលេខ៤១ ក្នុងខេត្តកំពង់ស្ពឺ កាលពីម្សិលមិញ លោកហ៊ុន សែនបានលើកឡើងថា ក្នុងតួនាទីរបស់លោកជានាយករដ្ឋមន្ត្រី លោកមិនដែលយកពន្ធដីធ្លីពីប្រជាពលរដ្ឋទេ។
-
ច្បាប់ស្តីពីអង្គការអាចត្រូវសភាអនុម័តដោយគ្មានការពិភាក្សា
លោកនាយករដ្ឋមន្រ្តី ហ៊ុន សែន បានថ្លែងកាលពីម្សិលមិញថា សេចក្តីព្រាងច្បាប់ដ៏ចម្រូងចម្រាស ស្តីពីអង្គការមិនមែនរដ្ឋាភិបាលរបស់កម្ពុជា អាចនឹងត្រូវអនុម័ត ដោយរដ្ឋសភា ដោយគ្មានការពិភាក្សាបន្ថែមទៀត បើទោះបីជាមានការអំពាវនាវម្តងហើយម្តងទៀតពីសង្គមស៊ីវិល និងនាពេលថ្មីៗបំផុតនេះ ពីបេសកជនពិសេសរបស់អាមេរិកលោក Scott Busby ដែលអំពាវនាវឲ្យរាជរដ្ឋាភិបាល រៀបចំការពិគ្រោះយោបល់ជាសាធារណៈដើម្បីពិនិត្យលើខ្លឹមសារនៃសេចក្តីព្រាងច្បាប់នេះក្តី។
-
អ្នកខេត្តព្រះវិហារទាមទារឲ្យដកតំណែងព្រះរាជអាជ្ញារងខេត្តនេះមួយរូប
ប្រជាពលរដ្ឋជាង២០០នាក់ មកពី៧ស្រុកនៃខេត្ដព្រះវិហារ ប្រមូលផ្ដុំគ្នាតវ៉ានៅមុខផ្ទះព្រះរាជអាជ្ញារងអមសាលាដំបូងខេត្ដ ដើម្បីទាមទារឲ្យស្ថាប័នពាក់ព័ន្ធដកមន្ដ្រីតុលាការរូបនេះពីតំណែង ដោយពួកគេលើកឡើងថា អនុវត្ដច្បាប់មិនមានតម្លាភាព ។ ការតវ៉ាធ្វើឡើងចាប់ពីម៉ោង៤រសៀល ដល់ម៉ោង៦និង៣០ព្រលប់ ថ្ងៃទី០២ ខែមិថុនា ។ ក្រុមអ្នកតវ៉ាទាំងនោះអះអាងថា ពួកគេជាអ្នកបាត់បង់ដីធ្លី បាត់បង់ព្រៃឈើ ។ ក្នុងការតវ៉ានោះមានលើកបដាពាក្យស្លោកមានអត្ដន័យផ្សេងៗគ្នា ដូចជា “ទាមទារដកតំណែងលោកឡុង ស៊ីថា” “លោកឡុង ស៊ីថា ធ្វើការមិនយុត្ដិធម៌ចំពោះពលរដ្ឋ” “ដើមឈើជាជីវិតរបស់ពួកយើង” ជាដើម ។
-
បទយកការណ៍៖ អ្នកភូមិទាមទារឲ្យតុលាការខេត្ដសៀមរាប ដោះលែងពលរដ្ឋពីរនាក់ពីពន្ធនាគារ
កាលពីដើមឆ្នាំ២០១៥កន្លងមកនេះ មន្ដ្រីតុលាការខេត្ដសៀមរាប គឺលោក សុក កែវបណ្ឌិត ជាព្រះរាជអាជ្ញារង និង លោក គី ឬទ្ធី ជាចៅក្រមស៊ើបសួរ បានសម្រេចចាប់ខ្លួនតំណាងប្រជាពលរដ្ឋភូមិជប់រំដេង ឃុំកន្ទួត ស្រុកស្វាយលើ ខេត្តសៀមរាប ឃុំនៅពន្ធនាគារខេត្តចំនួនពីរនាក់ គឺលោក បឿន សុខ និងលោក វ៉ែន ឡន ដោយចោទថា បានកាប់បំផ្លាញដំណាំកសិកម្មរបស់សហគមន៍តាខ្មៅ អភិវឌ្ឍន៍កសិកម្ម និងឧហ្សាហកម្ម ដែលគ្រប់គ្រងដោយជនជាតិវៀតណាម លី គឹមឃុន ។ ក្រៅពីការចាប់ខ្លួនបុរសពីរនាក់នេះ ប្រជាពលរដ្ឋចំនួន១០នាក់ផ្សេងទៀត ក៏កំពុងរត់គេចខ្លួនផងដែរ ដោយសារតុលាការខេត្តនេះបានចេញដីកាតាមចាប់ខ្លួនជាបន្តបន្ទាប់ ។
-
ឯកអគ្គរដ្ឋទូតអាមេរិកថាដំណើរទស្សនកិច្ចរបស់ឧបការីបង្ហាញពីការប្តេជ្ញាលើបញ្ហាសិទ្ធិមនុស្សនៅកម្ពុជា
ឯកអគ្គរដ្ឋទូតអាមេរិក លោក វាលៀម ថដ(William E. Todd) បានគូសបញ្ជាក់ថាដំណើរទស្សនកិច្ចរបស់ឧបការីរងក្រសួងការបរទេសសហរដ្ឋអាមេរិកដែលទទួលបន្ទុកផ្នែកលទ្ធិប្រជាធិបតេយ្យ សិទ្ធិមនុស្ស និងការងារ លោកScott Busby បង្ហាញពីការប្តេជ្ញារបស់សហរដ្ឋអាមេរិកលើបញ្ហាសិទ្ធិមនុស្សនៅកម្ពុជា។
-
ពលរដ្ឋខ្មែររងគ្រោះលើទូកនេសាទ៣៨នាក់ត្រូវបញ្ជូនមកកម្ពុជាវិញនៅថ្ងៃនេះ
ក្រសួងការបរទេសកម្ពុជាឲ្យដឹងថាពលករខ្មែររងគ្រោះលើទូកនេសាទក្រៅប្រទេសចំនួន៣៨នាក់ នឹងត្រូវបានបញ្ជូនពីប្រទេសឥណ្ឌូនេស៊ីមកកម្ពុជាវិញ នៅព្រឹកថ្ងៃអង្គារនេះ ក្រោយពីពួកគេត្រូវបានជួយសង្រ្គោះពីការធ្វើបាបលើទូកនេសាទ។
-
ឧបការីអាមេរិកអះអាងថាច្បាប់អង្គការមិនទាន់ចាំបាច់សម្រាប់កម្ពុជានោះទេ
ឧបការីរងក្រសួងការបរទេសសហរដ្ឋអាមេរិកដែលទទួលបន្ទុកផ្នែកលទ្ធិប្រជាធិបតេយ្យ សិទ្ធិមនុស្ស និងការងារ លោកScott Busby បានអះអាងថាច្បាប់សមាគម និងអង្គការក្រៅរដ្ឋាភិបាល មិនទាន់ចាំបាច់មានសម្រាប់កម្ពុជានៅពេលនេះនោះទេ។
-
អាជ្ញាធរអប្សរាច្រានចោលការអះអាងដែលថា ខ្លួនមិនអើពើនឹងបទបញ្ជារបស់លោក ហ៊ុន សែន នៅក្នុងវិវាទដីធ្លី
កាលពីថ្ងៃអាទិត្យអាជ្ញាធរអប្សរាបាននិយាយការពារខ្លួនឯងទប់ទល់នឹងការចោទប្រកាន់ដែលលើកឡើងថា ខ្លួនមិនបានរាប់បញ្ចូលប្រជាពលរដ្ឋជាង៥០គ្រួសារទៅក្នុងកិច្ចព្រមព្រៀងទទួលដីមួយចំណែកនៃដីរបស់អាជ្ញាធរអប្សរាក្នុងសង្កាត់អំពិល ក្រុងសៀមរាប
-
សមាជិកសភាគណបក្សប្រជាជនកម្ពុជាសន្យាពិភាក្សាដេញដោលស្តីពីច្បាប់អង្គការមិនមែនរដ្ឋាភិបាល តែគណបក្សប្រឆាំងចង់បានលើសពីនេះ
លោក ឈាង វុន សមាជិកសភាគណបក្សប្រជាជនកម្ពុជាបានមានប្រសាសន៍កាលពីម្សិលមិញថា លោកនឹងរៀបចំសិក្ខាសាលាមួយស្តីពីសេចក្តីព្រាងច្បាប់ដ៏ចម្រូងចម្រាសក្នុងគោលបំណងធ្វើនិយតកម្មផ្នែកអង្គការមិនមែនរដ្ឋាភិបាល
-
អាមេរិកមកពិភាក្សាពីច្បាប់អង្គការដែលចម្រូងចម្រាស
ភ្នំពេញៈ ឧបការីរងរដ្ឋមន្រ្តីការបរទេសអាមេរិក ទទួលបន្ទុកផ្នែកប្រជាធិបតេយ្យ សិទ្ធិមនុស្ស និងការងារ លោក Scott Busby បានធ្វើដំណើរទស្សនកិច្ចមកកម្ពុជារយៈពេលពីរថ្ងៃ ដើម្បីពិភាក្សាជាមួយមន្រ្តីរដ្ឋាភិបាល និងសង្គមស៊ីវិលលើបញ្ហាក្តីបារម្ភអំពីសេចក្តីព្រាងច្បាប់ស្តីពីសមាគម និងអង្គការក្រៅរដ្ឋាភិបាល ដែលកំពុងមានភាពចម្រូងចម្រាស។
-
ជនជាតិកួយ ទៅតវ៉ាមុខសាលាខេត្តព្រះវិហារ ក្នុងទំនាស់ដីធ្លីជាមួយ ក្រុមហ៊ុនសម្បទានសេដ្ឋកិច្ច
តាមការគ្រោងទុក នៅព្រឹកថ្ងៃទី២ ខែមិថុនា ឆ្នាំ២០១៥ សហគមន៍ជនជាតិដើមភាគតិចកួយ បានយកញត្តិទៅឲ្យអាជ្ញាធរខេត្តព្រះវិហារ ដោយទាមទារឲ្យដោះស្រាយ ទំនាស់ដីធ្លីដ៏រ៉ាំរ៉ៃ យូរឆ្នាំមកហើយ ជាមួយក្រុមហ៊ុនសម្បទានសេដ្ឋកិច្ច ជាង ៤០ នៅខេត្តព្រះវិហារ ប៉ុន្តែត្រូវសមត្ថកិច្ចចម្រុះ និងអាជ្ញាធរខេត្តព្រះវិហារ បានមករារាំងតាមផ្លូវ មិនឲ្យប្រជាពលរដ្ឋ ធ្វើដំណើរចូលដល់កន្លែងតវ៉ា នៅមុខសាលាខេត្តព្រះវិហារ នោះឡើយ។
-
កងរាជអាវុធហត្ថខេត្តកំពតគំរាមចាប់ខ្លួនមេដឹកនាំការតវ៉ា
កាលពីម្សិលមិញ កងរាជអាវុធហត្ថខេត្តកំពតបានលើកឡើងថា ពួកគេនឹងចាប់ខ្លួនសមាជិកសហគមន៍ស្រុកឈូកនិយាយឥតសំចៃម្នាក់ដែលជាប់ពាក់ព័ន្ធក្នុងវិវាទដីធ្លីមួយជាមួយអាជ្ញាធរខេត្ត ប្រសិនបើគាត់មិនបង្ហាញប័ណ្ណកម្មសិទ្ធិដីសម្រាប់ក្រុមអ្នកភូមិរាប់រយគ្រួសារ ដោយអះអាងកាន់កាប់ដីមួយផ្នែកដែលមានវិវាទទេនោះ។
-
កម្មកររោងចក្រអឹមវ៉េចាក់អង្រែក្រោមបន្តតវ៉ាទាមទារលក្ខខណ្ឌការងារនៅសេសសល់
កម្មករជាង១០០នាក់ ដែលធ្វើការនៅរោងចក្រM&V1 និងM&V3 ក្នុងសង្កាត់ចាក់អង្រែក្រោម រាជធានីភ្នំពេញ នៅព្រឹកថ្ងៃអង្គារនេះ បានបន្តតវ៉ា ដោយទាមទារលក្ខខណ្ឌការងារ៦ចំណុចនៅសេសល់ពីក្រុមហ៊ុន។
-
អាជ្ញាធរអប្សរាបដិសេធការចោទប្រកាន់
សៀមរាបៈ អាជ្ញាធរជាតិអប្សរាបានច្រានចោលការចោទប្រកាន់ដែលថា ខ្លួនមិនបានអនុវត្តតាមអនុក្រឹត្យរបស់រាជរដ្ឋាភិបាលស្តីពីការកាត់ដីទំហំជាង ២២០ ហិកតាជូនប្រជាពលរដ្ឋ។
-
អ្នកខេត្តព្រះវិហារជំរុញអាជ្ញាធរខេត្តឲ្យដោះស្រាយជម្លោះដីធ្លីតាមគោលការណ៍ច្បាប់
ប្រជាពលរដ្ឋជាង១០០នាក់ ប្រមូលផ្ដុំគ្នានៅមុខសាលាខេត្តព្រះវិហារ នៅព្រឹកថ្ងៃអង្គារនេះ ដើម្បីទាមទារឲ្យមានដំណោះស្រាយជម្លោះដីធ្លីជាមួយអ្នកមានលុយ មានអំណាចនៅក្នុងខេត្តនេះ ដែលអូសបន្លាយជាច្រើនឆ្នាំ ។ តាមគម្រោង ប្រជាពលរដ្ឋជាង២០០០នាក់មកពីបណ្ដាស្រុកទាំង៧ នៃខេត្តព្រះវិហារនឹងជួបជុំគ្នារយៈពេលពីរថ្ងៃ គឺនៅថ្ងៃទី២ និងទី៣ ខែមិថុនានេះ ដើម្បីទាមទារឲ្យអាជ្ញាធរខេត្តដោះស្រាយផលប៉ះពាល់ដីធ្លី ស្រែ ចម្ការ និងដីលំនៅដ្ឋានឲ្យប្រជាពលរដ្ឋនៅទូទាំងខេត្ត ។ ប៉ុន្តែតាមប្រភពពីអង្គការនានា ដែលតាមឃ្លាំមើលការប្រមូលផ្ដុំនេះឲ្យដឹងថា ប្រជាពលរដ្ឋមួយចំនួនមកពីបណ្ដាស្រុកផ្សេងៗក្នុងខេត្តនេះ ត្រូវបានសមត្ថកិច្ចមូលដ្ឋានរារាំងមិនឲ្យធ្វើដំណើរទៅកាន់ទីរួមខេត្តព្រះវិហារ ដើម្បីចូលរួមកម្មវិធីជួបជុំគ្នានាព្រឹកនេះទេ ។
-
លោក ហោ ណាំហុង ប្រាប់ឧបការីរងអាមេរិកថា ច្បាប់អង្គការមិនមែនដើម្បីរឹតត្បិតសេរីភាពទេ
រដ្ឋមន្ត្រីក្រសួងការបរទេសកម្ពុជា លោក ហោ ណាំហុង ថ្លែងប្រាប់ឧបការីរងក្រសួងការបរទេសសហរដ្ឋអាមេរិកថា ច្បាប់សមាគម និងអង្គការមិនមែនរដ្ឋាភិបាលមិនមានទិសដៅប្រឆាំង ឬកម្រិតសកម្មភាពរបស់អង្គការសង្គមស៊ីវិលនោះទេ ។
គាំទ្រដោយ
