កំពុងស្វែងរកទិន្នន័យ
រកឃើញ: 12.457
-
UNស្នើទៅរដ្ឋាភិបាលបើកការពិភាក្សាឲ្យបានទូលាយលើច្បាប់អង្គការមិនមែនរដ្ឋាភិបាល
អង្គការសហប្រជាជាតិ(UN)អំពាវនាវទៅរដ្ឋាភិបាលកម្ពុជាអនុញាតឲ្យសង្គមស៊ីវិលចូលរួមតាក់តែង សេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល ដើម្បីឲ្យច្បាប់នោះមាន “តម្លាភាព និងគណនេយ្យភាព” ស្របតាមសង្គមប្រជាធិបតេយ្យ ។
-
ក្រុមយុវជនថាខ្លាចអាជ្ញាធរបង្ក្រាបពេលប្រមូលផ្តុំគ្នានិយាយរឿងរស៊ើបរបស់រដ្ឋាភិបាល
ក្រុមយុវជននៅថ្ងៃអាទិត្យនេះ លើកឡើងថា ពួកគេភាគច្រើនព្រួយបារម្ភពីសុវត្ថិភាព ខណៈប្រមូលផ្តុំគ្នាសម្តែងមតិរិះគន់ចំណុចខ្វះខាតរបស់រដ្ឋាភិបាលនៅកន្លែងបាតុកម្ម ឬទីសាធារណៈផ្សេងៗ ព្រោះខ្លាចអាជ្ញាធរបង្ក្រាប និងប្រើហិង្សា ។
-
អ្នកនាំពាក្យរដ្ឋាភិបាលស្នើសុំក្រសួងពីរឲ្យអន្តរាគមន៍លើអ្នកប្រើពាក្យអសុរោះតាមបណ្តាញសង្គម
តាមរយៈលិខិតពីររបស់ទីស្តីការគណៈរដ្ឋមន្ត្រី កាលពីថ្ងៃទី២១ ខែឧសភា ឆ្នាំ២០១៥ បានស្នើសុំការជួយអន្តរាគមន៍ពីក្រសួងប្រៃសណីយ៍ និងក្រសួងមហាផ្ទៃ ដើម្បីចាត់វិធានការតាមផ្លូវច្បាប់ចំពោះជនណា ដែលប្រមាថ និងបរិហារកេរ្តិ៍ ដល់មន្ត្រីរាជការ។ ការស្នើសុំឲ្យមានការជួយអន្តរាគមន៍ពីក្រសួងទាំងពីរនេះ បានកើតឡើងភ្លាមៗ ក្រោយពីមានការរឹះគន់ និងការប្រើប្រាស់ពាក្យអសុរោះតាមបណ្តាញសង្គមពីបញ្ហាទឹកដីកម្ពុជា។
-
លោក ផៃ ស៊ីផាន ស្នើក្រសួង២ចាត់វិធានការលើអ្នកប្រើពាក្យប្រមាថ និងវាយបរិហាកេរ្តិ៍មន្រ្តីរដ្ឋាភិបាល
អ្នកនាំពាក្យទីស្តីការគណៈរដ្ឋមន្រ្តី លោក ផៃ ស៊ីផាន បានដាក់ទៅលិខិតទៅក្រសួងចំនួន២ គឺក្រសួងមហាផ្ទៃ និងក្រសួងប្រៃសណីយ៍ និងទូរគមនាគមន៍ ដើម្បីឲ្យចាត់វិធានការតាមផ្លូវច្បាប់ និងផ្លូវបច្ចេកទេសលើអ្នកលេងហ្វេសប៊ុកមួយចំនួន ដែលលោកហៅថាជា«ជនអគតិ និងអសីលធម៌» ករណីប្រមាថ និងវាយប្រហារបរិហារកេរ្តិ៍ទៅលើមន្រ្តីរាជការ និងថ្នាក់ដឹកនាំរដ្ឋាភិបាល។
-
គ.ជ.ប រវល់ធ្វើការងារអាទិភាព មិនទាន់មានពេលជ្រើសរើសអគ្គលេខាធិការថ្មី
គណៈកម្មាធិការជាតិរៀបចំការបោះឆ្នោត(គ.ជ.ប) មិនទាន់គិតគូរដល់ការជ្រើសរើសអគ្គលេខាធិការថ្មី សម្រាប់ស្ថាប័ននេះនៅឡើយទេ ដោយត្រូវរង់ចាំពេលវេលាមួយសមស្រប ព្រោះបច្ចុប្បន្ន គ.ជ.ប កំពុងមមាញឹកនឹងកិច្ចការអាទិភាពជាមុនសិន ។
-
ហោ ណាំហុង រិះគន់ទីភ្នាក់ងារអង្គការសហប្រជាជាតិ ៤
ភ្នំពេញៈលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស បានរិះគន់យ៉ាងខ្លាំងលើទីភ្នាក់ងារអង្គការសហប្រជាជាតិចំនួន៤ ដែលបានធ្វើសេចក្តីថ្លែងការណ៍ អំពីសេចក្តីព្រាងច្បាប់ស្តីពីអង្គការមិនមែនរដ្ឋាភិបាលដ៏ចម្រូងចម្រាស។
-
សកម្មជនសុំឱ្យរដ្ឋាភិបាលធ្វើច្បាប់ដែលចាំបាច់ជាជាងច្បាប់គ្រប់គ្រងសង្គមស៊ីវិល
ក្រុមអង្គការសង្គមស៊ីវិល កម្ពុជា បានបន្តសុំឲ្យរដ្ឋាភិបាលបញ្ឈប់ការធ្វើសេចក្តីព្រៀងច្បាប់ស្តីពី សមាគម និងអង្គការមិនមែនរដ្ឋាភិបាល ហើយងាកមកមើលសេចក្តីព្រាងច្បាប់ផ្សេងៗទៀត ដែលមានភាពចាំបាច់ដល់ជីវភាពរស់នៅរបស់ពលរដ្ឋកម្ពុជា។
-
ស្ថាប័នការពារសិទ្ធិកម្មករជំរុញឲ្យកែប្រែប្រព័ន្ធដឹកជញ្ជូនកម្មករ
ស្វាយរៀងៈ ស្ថាប័នការពារសិទ្ធិកម្មករចំនួន ១០ បានចេញសេចក្តីថ្លែងការណ៍រួមមួយដោយបានជំរុញឲ្យមានការកែប្រែប្រព័ន្ធដឹកជញ្ជូនកម្មករកម្មការិនីរោងចក្រនៅកម្ពុជា និងពង្រឹងការអនុវត្តច្បាប់ចរាចរណ៍ឲ្យបានម៉ឺងមាត់ បន្ទាប់ពីគ្រោះថ្នាក់ចរាចរណ៍ដ៏អាក្រក់នៅខេត្តស្វាយរៀងកាលពីថ្មីៗនេះ។
-
ឲ្យលុយក្មេងស្រី២ម៉ឺន រួចល្បួងយកទៅរំលោភបានសម្រេច
បាត់ដំបង ៖ កុមារីអាយុ១២ឆ្នាំម្នាក់ ត្រូវបានបុរសវ័យចំណាស់ចាប់រំលោភរហូតបានសម្រេច តាំងពីថ្ងៃទី៤ ខែឧសភា ឆ្នាំ២០១៥ វេលាម៉ោង៤ល្ងាច ត្រង់ចំណុចក្បែរចម្ការស្អំ ស្ថិតក្នុងភូមិបួរុន ឃុំត្រែង ស្រុករតនៈមណ្ឌល ខេត្តបាត់ដំបង បន្ទាប់ពីបុរសវ័យ៦០ឆ្នាំរូបនេះប្រើវិធីល្បួងនូវទឹកប្រាក់ចំនួន២ម៉ឺនរៀលធ្វើជាធ្នាក់ក្នុងការទាក់ទាញទឹកចិត្តក្មេងឲ្យព្រមព្រៀងដេកជាមួយខ្លួនទាំងការឈឺចាប់។
-
ក្រសួងការបរទេសព្រមានទីភ្នាក់ងារអ.ស.បរឿងសេចក្ដីព្រាងច្បាប់អង្គការ-សមាគម
រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជា ដាស់តឿនតំណាងទីភ្នាក់ងារអង្គការសហប្រជាជាតិប្រចាំកម្ពុជា ចំនួន ៤រូប ឲ្យបញ្ឈប់ការរិះគន់ទៅលើរដ្ឋាភិបាលទាក់ទងនឹងការធ្វើសេចក្ដីព្រាង ច្បាប់ស្ដីពីសមាគម និងអង្គការក្រៅរដ្ឋាភិបាល។
-
អាជ្ញាធរខេត្តដោះស្រាយចំពោះការតវ៉ារបស់ប្រជាពលរដ្ឋចំនួន៧ស្រុកនៅម៉ោង២រសៀលនេះ
អាជ្ញាធរខេត្តបានសម្រេចកំណត់ពេលប្រជុំរកដំណោះស្រាយជាមួយប្រជាពលរដ្ឋមានបញ្ហាវិវាទដីធ្លីចំនួន៧ស្រុក នៅវេលាម៉ោង២រសៀល ថ្ងៃទី២២ ខែឧសភា ឆ្នាំ២០១៥នេះ។ សេចក្ដីរាយការណ៍បានឲ្យដឹងថា ប្រជាពលរដ្ឋប្រមាណជិត១ពាន់នាក់ មកពី១៥សហគមន៍តាមបណ្ដាស្រុកទាំង៧ក្នុងខេត្តសៀមរាប មានដូចជាស្រុកស្វាយលើ, វ៉ារិន, អង្គរធំ, ប្រាសាទបាគង, ពួក, បន្ទាយស្រី និងក្រុងសៀមរាប បាននាំគ្នាដាក់ញត្តិតវ៉ានៅមុខសាលាខេត្ត ដើម្បីស្នើសុំឲ្យអភិបាលខេត្តជួយរកវិធានការដោះស្រាយបញ្ហាដីធ្លីដល់ពួកគាត់ផង។
-
កម្លាំងប្រដាប់អាវុធ និងពលរដ្ឋនៅកំពង់ឆ្នាំងហែក្បួនផ្សព្វផ្សាយពីការទប់ស្កាត់អំពើហិង្សាលើស្ត្រី
កងកម្លាំងប្រដាប់អាវុធរួមមាន នគរបាល កងរាជអាវុធហត្ថ និងកងយោធពលខេមរភូមិន្ទ ព្រមទាំងគ្រូបង្រៀន សិស្សានុស្សិ និងប្រជាពលរដ្ឋនៅក្នុងខេត្តកំពង់ឆ្នាំងប្រមាណ៣៥០នាក់ នៅព្រឹកថ្ងៃសុក្រនេះ ហែក្បួន “បុរសល្អ” ដើម្បីផ្សព្វផ្សាយពីការទប់ស្កាត់អំពើហិង្សាលើស្ត្រី និងក្មេងស្រី ។
-
សមត្ថកិច្ចចម្រុះខេត្តសៀមរាបរារាំងពលរដ្ឋជាង១ពាន់នាក់មិនឲ្យហែញត្តិទៅដាក់នៅសាលាខេត្ត
សមត្ថកិច្ចចម្រុះខេត្តសៀមរាបរាប់រយនាក់ បានដាក់ពង្រាយនៅតាមដងផ្លូវពីបរិវេណអង្គរឃ្យុងយូ ទៅសាលាខេត្ត ខណៈប្រជាពលរដ្ឋជាង១ពាន់នាក់ បានប្រមូលផ្ដុំគ្នាហែញត្តិទៅដាក់នៅសាលាខេត្ត ជំរុញឲ្យមានដំណោះស្រាយបញ្ហាជម្លោះដីធ្លីរ៉ាំរ៉ៃរបស់ពួកគេ ។
-
រដ្ឋមន្ត្រីក្រសួងការបរទេសរិះគន់អង្គការសហប្រជាជាតិជុំវិញសេចក្ដីព្រាងច្បាប់ស្ដីពីអង្គការមិនមែនរដ្ឋាភិបាល
កាលពីម្សិលមិញ លោក ហោ ណាំហុង រដ្ឋមន្ត្រីក្រសួងការបរទេសបានកោះហៅតំណាងភ្នាក់ងារអង្គការសហប្រជាជាតិមកពិភាក្សាជុំវិញលិខិតមួយក្នុងពេលថ្មីៗនេះ ដែលមន្ត្រីជាន់ខ្ពស់ប្រចាំប្រទេសរបស់ខ្លួនចំនួនបួនរូបបានសរសេររិះគន់សេចក្ដីព្រាងច្បាប់ដ៏ចម្រូងចម្រាសរបស់រដ្ឋាភិបាលស្ដីពីអង្គការមិនមែនរដ្ឋាភិបាល មួយថ្ងៃបន្ទាប់ពីក្រសួងការបរទេសបានចាត់ទុកពាក្យសម្ដីរបស់ឯកអគ្គរដ្ឋទូតសហរដ្ឋអាមេរិកពាក់ព័ន្ធបញ្ហាដដែលថា “ព្រហើន”។ ទាំងអង្គការមិនមែនរដ្ឋាភិបាលក្នុងស្រុក និងអន្តរជាតិសុទ្ធតែបានជំទាស់យ៉ាងខ្លាំងចំពោះសេចក្ដីព្រាងច្បាប់ថ្មីបំផុតនេះដែលនឹងតម្រូវឲ្យពួកគេចុះបញ្ជី និងដាក់របាយការណ៍ប្រចាំឆ្នាំស្ដីពីហិរញ្ញវត្ថុ និងសកម្មភាពរបស់ខ្លួនជូនរដ្ឋាភិបាល។
-
សង្គមស៊ីវិលស្នើនាយករដ្ឋមន្រ្តីចរចាជាមួយវៀតណាមលុបចោលសន្ធិសញ្ញាបំពេញបន្ថែម
ក្រុមប្រឹក្សាឃ្លាំមើលកម្ពុជាស្នើលោកនាយករដ្ឋមន្រ្តីហ៊ុន សែន ចរចាជាមួយវៀតណាម ដើម្បីលុបចោលនូវសន្ធិសញ្ញាបំពេញបន្ថែមឆ្នាំ២០០៥ ដោយចាត់ទុកថាសន្ធិសញ្ញានេះធ្វើឲ្យបាត់បង់ទឹកដីកម្ពុជាទៅវៀតណាម។ ការស្នើនេះធ្វើឡើងក្នុងសន្និសីទព័ត៌មានស្តីពីបញ្ហាព្រំដែនកម្ពុជា-វៀតណាម នៅព្រឹកថ្ងៃទី២២ ខែឧសនេះ បន្ទាប់ក្រុមប្រឹក្សាឃ្លាំមើលកម្ពុជាបានចុះពិនិត្យព្រំដែន និងបានរកឃើញភាពមិនប្រក្រតីមួយចំនួននៅខេត្តត្បូងឃ្មុំ។
-
ជប៉ុនត្រៀមខ្លួនជាស្រេចក្នុងការជួយលើកិច្ចការបោះឆ្នោតដល់កម្ពុជា
ភ្នំពេញៈ ក្រុមជំនាញកិច្ចការបោះឆ្នោតជប៉ុន កាលពីម្សិលមិញនេះអះអាងថា ត្រៀមខ្លួនជាស្រេចសម្រាប់ការផ្តល់ជំនួយលើកិច្ចការបោះឆ្នោតដល់កម្ពុជា ពាក់ព័ន្ធនឹងដំណើរការរៀបចំចុះឈ្មោះអ្នកបោះឆ្នោត ការកែលម្អនីតិវិធីនៃការចុះឈ្មោះបោះឆ្នោត និងកិច្ចការងារអប់រំដល់ពលរដ្ឋតាមមូលដ្ឋានពីសិទ្ធិបោះឆ្នោត។
-
អាដហុកស្នើឲ្យក្រសួងការងារជួយអន្តរាគមន៍រកដំណោះស្រាយឲ្យពលករ
សមាគមការពារសិទ្ធិមនុស្សអាដហុក បានស្នើក្រសួងការងារ និងបណ្តុះបណ្តាលវិជ្ជាជីវៈជាថ្មី ជួយអន្តរាគមន៍ទៅក្រុមហ៊ុនជ្រើសរើសពលករ Rice Natural និង Century manpower ឲ្យសងប្រាក់ទៅឲ្យពលករវិញ និងសំណងខូចខាត ព្រមទាំងចាត់វិធានការផ្លូវច្បាប់ចំពោះជនឆបោក ខណៈដែលចំនួនជនរងគ្រោះដែលបានដាក់ពាក្យបណ្តឹងនៅសមាគមនេះបានកើនឡើងដល់ ២៣០ នាក់។
-
អាដហុកប្តឹងមន្ត្រីតុលាការខេត្តសៀមរាប ២ រូប
ភ្នំពេញៈ សមាគមការពារសិទ្ធិមនុស្សអាដហុកកាលពីថ្ងៃពុធ បានដាក់ពាក្យបណ្ដឹងប្រឆាំងមន្ត្រីតុលាការខេត្តសៀមរាបពីររូប ទៅកាន់តុលាការកំពូល និងក្រសួងយុត្តិធម៌ ហើយគ្រោងដាក់បន្តទៅស្ថាប័នក្រុមប្រឹក្សាវិន័យនៃឧត្តមក្រុមប្រឹក្សានៃអង្គចៅក្រម អគ្គព្រះរាជអាជ្ញាសាលាឧទ្ធរណ៍បន្ថែមទៀតនៅថ្ងៃនេះ
-
ក្រសួងការបរទេសព្រមានឯកអគ្គរដ្ឋទូតសហរដ្ឋអាមរិក
ភ្នំពេញៈ រដ្ឋមន្រ្តីការបរទេសកម្ពុជា លោក ហោ ណាំហុង បានឆ្លើយតបខ្លាំងៗទៅឯកអគ្គរដ្ឋទូតសហរដ្ឋអាមេរិកប្រចាំកម្ពុជា ចំពោះការរិះគន់របស់គាត់ទៅលើសេចក្តីព្រាងច្បាប់របស់កម្ពុជាស្តីពីសមាគម និងអង្គការក្រៅរដ្ឋាភិបាលដែលកំពុងមានភាពចម្រូងចម្រាស។
-
រដ្ឋាភិបាលកម្ពុជាបញ្ចេញប្រតិកម្មថា ពាក្យសម្ដីរបស់ឯកអគ្គរដ្ឋទូតអាមេរិក “ព្រហើន”
កាលពីម្សិលមិញ ក្រសួងការបរទេសកម្ពុជា បានវាយបកខ្លាំងៗទៅលើលោក វីលៀម ថូដ ឯកអគ្គរដ្ឋទូតសហរដ្ឋអាមេរិក ជុំវិញការអត្ថាធិប្បាយរបស់លោកកាលពីពេលថ្មីៗនេះអំពីសេចក្ដីព្រាងច្បាប់ដ៏ចម្រូងចម្រាសមួយដែលមានបំណងគ្រប់គ្រងវិស័យអង្គការមិនមែនរដ្ឋាភិបាលដែលមានទំហំទឹកប្រាក់ជាច្រើនលានដុល្លារនៅក្នុងប្រទេសកម្ពុជា ដោយចាត់ទុកពាក្យសម្ដីរបស់លោកថា “ព្រហើនខ្លាំង”។