កំពុងស្វែងរកទិន្នន័យ
រកឃើញ: 12.457
-
សង្គមស៊ីវិលខកចិត្តចំពោះលោក ហ៊ុន សែន ដែលជំរុញឲ្យមានច្បាប់គ្រប់គ្រងអង្គការ
ក្រុមអង្គការមិនមែនរដ្ឋាភិបាលបង្ហាញការសោកស្ដាយចំពោះបំណងរបស់លោកនាយករដ្ឋមន្ត្រី ហ៊ុន សែន ដែលទាមទារឲ្យច្បាប់គ្រប់គ្រងអង្គការមិនមែនរដ្ឋាភិបាល សមាគម ចេញឲ្យបានឆាប់។ ក្រុមអង្គការសង្គមស៊ីវិលចាត់ទុកថា ហេតុផលដែលប្រមុខរដ្ឋាភិបាលជំរុញឲ្យមានច្បាប់គ្រប់គ្រងអង្គការ-សមាគមនេះ គឺទំនងជាចង់ការពារខ្លួនពីការរិះគន់រូបគាត់ និងព្យាយាមបិទបាំងភាពខុសឆ្គងក្នុងការអនុវត្តគោលនយោបាយហើយមើលទៅ។ ក្រុមអង្គការមិនមែនរដ្ឋាភិបាលចាត់ទុកថា ប្រសិនបើខ្លឹមសារនៃច្បាប់ថ្មីដែលរដ្ឋាភិបាលប្រាថ្នាឲ្យចេញដ៏ឆាប់ខាងមុខនេះ ផ្ទុយពីខ្លឹមសារនៃរដ្ឋធម្មនុញ្ញ និងបទដ្ឋានគតិយុត្តិជាអន្តរជាតិស្ដីពីសិទ្ធិពលរដ្ឋ និងសិទ្ធិនយោបាយ ពេលនោះសង្គមស៊ីវិលនឹងនៅតែបំពេញភារកិច្ចរបស់ខ្លួនទៅតាមអ្វីដែលមានចែងនៅក្នុងរដ្ឋធម្មនុញ្ញ។
-
ក្រុមអ្នកប្ដូរភេទទាមទារអោយមានច្បាប់ការពារសិទ្ធិដើម្បីបញ្ឈប់ការរើសអើង
ក្រុមអ្នកស្រឡាញ់ភេទដូចគ្នា អ្នកស្រឡាញ់ទាំង ២ភេទ និងអ្នកប្ដូរភេទ ហៅកាត់ជាភាសាអង់គ្លេសថា អិល.ជី.ប៊ី.ធី (LGBT) នៅតែរងការរើសអើង ដែលជំរុញអោយពួកគេជួបការលំបាកទាំងនៅក្នុងការរស់នៅ និងប្រកបរបរចិញ្ចឹមជីវិត។ ការរើសអើងទាំងឡាយទៅក្រុមមនុស្សដែលស្រឡាញ់ភេទដូចគ្នា អិល.ជី.ប៊ី.ធី ត្រូវចាត់ទុកថា ជាការរំលោភបំពានលើសិទ្ធិជាមូលដ្ឋានក្នុងការរស់នៅរបស់ពួកគេ។ ករណីនេះក្រុមអង្គការមិនមែនរដ្ឋាភិបាល អ្នកស្រឡាញ់ភេទដូចគ្នា រួមទាំងអង្គការសហប្រជាជាតិផង ជំរុញអោយរដ្ឋាភិបាលកម្ពុជា ធានាសិទ្ធិសេរីភាពពួកគេអោយបានពេញលេញ។
-
ក្រសួងការបរទេសកម្ពុជាសង្គ្រោះនិស្សិតខ្មែរឥស្លាម៨នាក់ចេញពីប្រទេសយ៉េមែន
ក្រសួងការបរទេសកម្ពុជា បានជួយសង្គ្រោះនិស្សិតខ្មែរឥស្លាម៨នាក់ ចេញពីប្រទេសយ៉េមែន ក្រោយពេលប្រទេសនោះធ្លាក់ចូលក្នុងភ្នក់ភ្លើងសង្គ្រាម ។ យោងលិខិតមួយច្បាប់របស់អ្នកនាំពាក្យក្រសួងការបរទេសកម្ពុជា លោក កុយ គួង ចុះថ្ងៃទី០៤ខែមេសាឆ្នាំ២០១៥នេះឲ្យដឹងថា ដោយមានការណែនាំពីរដ្ឋមន្ត្រីការបរទេសកម្ពុជាលោកហោ ណាំហុង ស្ថានទូតកម្ពុជាប្រចាំប្រទេសគុយវ៉ែត បានសហការយ៉ាងជិតស្និទ្ធជាមួយស្ថានទូតម៉ាឡេស៊ីប្រចាំប្រទេសយ៉េមែន (Yemen) ដើម្បីជួយបញ្ជូននិស្សិតខ្មែរឥស្លាមចំនួន៨នាក់ ចេញពីប្រទេសយ៉េមែន ដោយសារស្ថានការណ៍បច្ចុប្បន្ននៅក្នុងប្រទេសនេះ មិនអាចធានាសន្តិសុខដល់ពលរដ្ឋខ្មែរបាន ។
-
សមាជិកគ.ជ.បថ្មីទាំង៩នាក់ស្បថចូលបំពេញការងារ
សមាជិក គ.ជ.បថ្មី ៩រូបដែលត្រូវបានរដ្ឋសភាបោះឆ្នោតផ្តល់សេចក្តីទុកចិត្តកាលពីពេលថ្មីៗនេះ នាំគ្នាស្បថចូលកាន់តំណែងនៅក្នុងព្រះបរមរាជវាំង នៅរសៀលថ្ងៃទី១១ មេសា។ ពិធីសម្បថនេះ ធ្វើឡើងពីរថ្ងៃមុនពេលពិធីផ្ទេរតំណែងពីប្រធាន គ.ជ.បចាស់ ដែលគ្រោងប្រព្រឹត្តទៅនៅថ្ងៃទី១៣ ខែមេសា ខាងមុខ។ ក្នុងសម្លៀកបំពាក់ជាមន្ត្រីដែលមានអាវកត្រង់ពណ៌ស សំពត់ចងក្បិនពណ៌គ្រាប់អំពិល ស្របទៅតាមបែបផែនសម្លៀកបំពាក់ទាំង ៧ពណ៌តាមប្រពៃណីខ្មែរសម្រាប់ថ្ងៃសៅរ៍ សមាជិក គ.ជ.បថ្មីទាំង ៩រូប ត្រូវបានរថយន្តដឹកចេញពីមន្ទីររដ្ឋសភា នៅម៉ោងប្រមាណ ៤រសៀល ឆ្ពោះទៅកាន់ព្រះបរមរាជវាំង ទីដែលពួកគេត្រូវធ្វើការស្បថស្បែមុននឹងចូលកាន់តួនាទីនៅក្នុង គ.ជ.បថ្មី។
-
អាជ្ញាធរស្វែងរកដំណោះស្រាយជូនពលរដ្ឋរងផលប៉ះពាល់ពីទំនប់សេសានក្រោម២
ប្រជាពលរដ្ឋជាង ៤០គ្រួសារនៅភូមិស្រែគរ១ និងស្រែគរ២ នៅតែបន្តលើកបដាតាមលំនៅឋាន ប្ដេជ្ញាមិនរុះរើលំនៅឋាន និងមិនទទួលយកសំណងផលប៉ះពាល់ពីការសាងសង់ទំនប់សេសានក្រោម២ នៅខេត្តស្ទឹងត្រែង។ ចំណែកក្រុមអាជ្ញាធរ និងក្រុមហ៊ុន នៅតែព្យាយាមស្វែងរកដំណោះស្រាយឲ្យប្រជាពលរដ្ឋទទួលយកផែនការអភិវឌ្ឍន៍វិស័យថាមពលអគ្គិសនីរបស់រាជរដ្ឋាភិបាល។
-
ម្ចាស់ហាងកាហ្វេមួយកន្លែងនៅសៀមរាបរងការចោទថាបិទសិទ្ធិកម្មករ
ហាងកាហ្វេមួយកន្លែង ស្ថិតនៅក្រុងសៀមរាប ខេត្ដសៀមរាប រងការចោទថា គាបសង្កត់លើស្ត្រីកម្មករបម្រើការក្នុងហាង និងគំរាមសម្លាប់ បើសិនពួកគេទៅធ្វើការកន្លែងផ្សេង ។ បុគ្គលិកមួយរូបសុំមិនបញ្ចេញឈ្មោះ ប្រាប់VODថា ហាងកាហ្វេដែលគាត់បម្រើការ មានឈ្មោះ កាហ្វេណូគារ ស្ថិតនៅភូមិវត្ដបូព៌ សង្កាត់សាលាកំរើក មានថៅកែឈ្មោះ ញឹក ជាជនជាតិវៀតណាម ។ ស្ត្រីដដែលបន្តថា ថៅកែរូបនោះ បានគាបសង្កត់លើកម្លាំងពលកម្ម និងបំបិទសិទ្ធិសេរីភាពកម្មករជនជាតិខ្មែរ ដូចជាហាមមិនឲ្យប្រើទូរស័ព្ទដៃ ដោយលើកហេតុផលថា ខ្លាចទាក់ទងទៅសង្សារ ឬទៅក្រុមគ្រួសារ ហាមមិនឲ្យស្នាក់នៅខាងក្រៅកន្លែងធ្វើការ និងដើរលេងកម្សាន្ដយប់ព្រលប់ជាដើម ។ នាងបញ្ជាក់ថា ម្ចាស់ហាងកាហ្វេរូបនោះ គំរាមថា នឹងតាមសម្លាប់ពួកគេចោល បើសិនពួកគេផ្លាស់ប្ដូរទៅធ្វើការកន្លែងផ្សេង ។ ស្ដ្រីដដែលបន្ថែមថា បើបុគ្គលិកជនជាតិវៀតណាមវិញ ថៅកែរូបនោះមិនហាមឃាត់រារាំងអ្វីឡើយ ។
-
សង្គមស៊ីវិលស្នើឲ្យស៊ើបអង្កេតករណីស្ត្រីបឹងកក់៣នាក់បោកក្បាលក្នុងពន្ធនាគារព្រៃស
សង្គមស៊ីវិល ចាត់ទុកការឌឺដងរបស់មន្ត្រីឆ្មាំពន្ធនាគារព្រៃស (ម២) ដែលធ្វើឲ្យស្ត្រីបឹងកក់កំពុងជាប់ឃុំ បោកក្បាលខ្លួនឯងឲ្យរងរបួស គឺជាករណីរំលោភសិទ្ធិ និងជាកត្តាជំរុញឲ្យមានការធ្វើអត្តឃាត។ មន្ត្រីសង្គមស៊ីវិល នៅថ្ងៃទី៤ មេសា បានទាមទារឲ្យបង្កើតគណៈកម្មការស៊ើបអង្កេតឯករាជ្យជាបន្ទាន់មួយ ដើម្បីស្រាវជ្រាវជុំវិញករណីស្ត្រីកំពុងជាប់ឃុំក្នុងពន្ធនាគារព្រៃស ៣នាក់ រងរបួសក្បាលក្នុងពេលប៉ះទង្គិចពាក្យសម្ដីជាមួយមន្ត្រីឆ្មាំពន្ធនាគារ ដែលពួកគេសុំចេញក្រៅបន្ទប់យកខ្យល់អាកាស។ អ្នកគ្រប់គ្រងបច្ចេកទេសនៃអង្គការលីកាដូ (Licadho) លោក អំ សំអាត មានប្រសាសន៍ថា អង្គការលីកាដូ នឹងធ្វើការស្រាវជ្រាវ និងពិនិត្យមើលករណីនេះ ប៉ុន្តែលោកស្នើឲ្យមានគណៈកម្មការស៊ើបអង្កេតចំពោះឆ្មាំពន្ធនាគារនេះយកទៅផ្ដន្ទាទោស ដែលជាដើមហេតុនៃការជំរុញ និងលើកទឹកចិត្តឲ្យមានការធ្វើអត្តឃាត ឬធ្វើឲ្យប៉ះពាល់ដល់សុខភាពទណ្ឌិត។ លោកថា បើសិនជារកឃើញថា មន្ត្រីឆ្មាំពន្ធនាគារបានប្រព្រឹត្តអំពើដែលជំរុញឲ្យមានការធ្វើអត្តឃាត មន្ត្រីរូបនេះត្រូវទទួលខុសត្រូវចំពោះមុខច្បាប់៖ «ករណីទាំងអស់នេះទាមទារឲ្យមានការស្រាវជ្រាវ និងស៊ើបអង្កេតជាបន្ទាន់។ នៅក្នុងច្បាប់ពន្ធនាគារបានកំណត់ហើយ បើមានឧប្បត្តិហេតុកើតឡើងក្នុងពន្ធនាគារត្រូវចាត់ទុកថាជាករណីត្រូវតែមានគណៈកម្មការឯករាជ្យស៊ើបអង្កេតឲ្យបានច្បាស់លាស់»។
-
ក្រសួងអប់រំអំពាវនាវឲ្យសាធារណជនក្នុងនិងក្រៅប្រទេសជួយឧបត្ថម្ភថវិកាឬសម្ភារៈដល់សិស្សពូកែ
ក្រសួងអប់រំយុវជននិងកីឡាអំពាវនាវដល់សាធារណជនក្នុង និងក្រៅប្រទេស ឲ្យជួយឧបត្ថម្ភថវិកាក៏ដូចជាសម្ភារៈ ដើម្បីផ្តល់ជារង្វាន់ដល់សិស្សពូកែទូទាំងប្រទេសផ្នែកអក្សរសិល្ប៍ខ្មែរ គណិតវិទ្យា និងរូបវិទ្យា ។ សេចក្តីអំពាវនាវរបស់ក្រសួងអប់រំយុវជននិងកីឡា ចេញថ្ងៃទី០១ ខែមេសា ឆ្នាំ២០១៥ ចុះហត្ថលេខាដោយលោកហង់ ជួនណារ៉ុន ឲ្យដឹងថា ដើម្បីលើកកម្ពស់គុណភាពអប់រំ សំដៅអភិវឌ្ឍន៍ធនធានមនុស្សប្រកបដោយសីលធម៌ និងចំណេះដឹងខ្ពស់ ក្រសួងអប់រំបានរៀបចំការប្រឡងជ្រើសរើសសិស្សពូកែទូទាំងប្រទេសផ្នែក អក្សរសិល្ប៍ខ្មែរ គណិតវិទ្យា និងរូបវិទ្យា សម្រាប់សិស្សថ្នាក់ទី៩និងទី១២ ដែលនឹងប្រព្រឹត្តិទៅនៅថ្ងៃទី២៤ ខែមេសា ឆ្នាំ២០១៥ នៅអនុវិទ្យាល័យមិត្តភាពកម្ពុជាជប៉ុន ក្រុងកំពត ខេត្តកំពត ។
-
គណៈកម្មាធិការសិទ្ធិមនុស្សUN ស្នើកម្ពុជាស៊ើបអង្កេតការបាញ់សម្លាប់មនុស្សក្រោយការបោះឆ្នោត
គណៈកម្មាធិការសិទ្ធិមនុស្សរបស់អង្គការសហប្រជាជាតិ ដែលមានទីតាំងនៅទីក្រុងហ្សឺណែវ ប្រទេសស្វ៊ីស បានដាក់អនុសាសន៍ដល់រដ្ឋាភិបាលកម្ពុជា ឲ្យបើកការស៊ើបអង្កេតទៅលើករណីបាញ់សម្លាប់កម្មករនៅផ្លូវវ៉េងស្រេង និងករណីផ្សេងៗទៀតដែលបានកើតឡើងក្រោយការបោះឆ្នោត ខែកក្កដា ឆ្នាំ២០១៣ ។ យោងតាមរបាយការណ៍របស់គណៈកម្មាធិការសិទ្ធិមនុស្សរបស់អង្គការសហប្រជាជាតិ ដែល VOD ទទួលកាលពីថ្ងៃព្រហស្បតិ៍ម្សិលមិញឲ្យដឹងថា ប្រទេសកម្ពុជាមានកាតព្វកិច្ចក្នុងការស៊ើបអង្កេត ករណីទាំងអស់នៃការំលោភសិទ្ធិមនុស្ស ហើយចាប់ជនដៃដល់មកកាត់ទោស និងផ្តល់សំណងជូនដល់ក្រុមគ្រួសារជនរងគ្រោះ ។ ប៉ុន្តែគណៈកម្មាធិការនេះ បារម្ភពីកង្វះនៃព័ត៌មានជាក់លាក់ទៅលើការស៊ើបអង្កេតលើករណីទាំងនេះ នាំឲ្យមាននិទណ្ឌភាពបន្តកើតមាន ។
-
ពលរដ្ឋនៅជ្រោយចង្វាដែលមានជម្លោះជាមួយក្រុមហ៊ុន OCIC តវ៉ាឲ្យផ្អាកការឈូសដី
ប្រជាសហគមន៍ប្រមាណ២០នាក់ ក្នុងចំណោម១០០គ្រួសារនៅក្នុងខណ្ឌជ្រោយចង្វា រាជធានីភ្នំពេញដែលមានជម្លោះដីជាមួយក្រុមហ៊ុន OCIC បានផ្ទុះការតវ៉ាដោយដុតកង់រថយន្តនៅថ្ងៃនេះ ដោយទាមទារសំណងមុននឹងចាប់ផ្តើមឈូសឆាយបន្ត ។ តំណាងអ្នកតវ៉ា លោក យឹម សាន ឲ្យដឹងនៅកន្លែងតវ៉ានោះថា ក្រុមហ៊ុន OCIC បានឈូសឆាយដីធ្វើថ្នល់ ប៉ះពាល់ដីពួកគេដោយមិនបានជូនដំណឹង និងផ្តល់សំណង ។ លោកបន្តថា ពួកគាត់តវ៉ានេះ គឺសុំឲ្យ អាជ្ញាធរមូលដ្ឋាន និងសាលារាជធានីជំរុញទៅក្រុមហ៊ុន OCIC ចេញមុខចចាររឿងសំណងសិន មុននឹងបន្តការឈូសឆាយ ។
-
UNស្នើឲ្យរដ្ឋាភិបាលរៀបចំផែនការជាតិប្រឆាំងការរើសអើងជាតិសាសន៍
គណៈកម្មាធិការសិទ្ធិមនុស្សរបស់អង្គការសហប្រជាជាតិដែលមានទីតាំងនៅទីក្រុងហ្សឺណែវ ប្រទេសស្វ៊ីស ស្នើឲ្យរដ្ឋាភិបាលកម្ពុជាពិចារណាក្នុងការរៀបចំជាផែនការសកម្មភាពថ្នាក់ជាតិប្រឆាំងនឹងការរើសអើងជាតិសាសន៍ ។ ក្រោយពេលដែលគណៈកម្មាធិការសិទ្ធិមនុស្សរបស់អង្គការសហប្រជាជាតិបានត្រួតពិនិត្យលើកទី២ ស្តីពីរបាយការណ៍សិទ្ធិមនុស្សនៅកម្ពុជានៅក្នុងសម័យប្រជុំប្រចាំឆ្នាំរបស់ខ្លួន កាលពីថ្ងៃទី១៧ និង១៨ ខែមីនា គណៈកម្មាធិការនេះបានចេញផ្សាយរបាយការណ៍មួយកាលពីថ្ងៃម្សិលមិញ ស្ដីពីស្ថានភាពសិទ្ធិមនុស្សនៅក្នុងប្រទេសកម្ពុជា ។ នៅក្នុងរបាយការណ៍នោះ គណៈកម្មាធិការបានលើកឡើងថា បើទោះបីជាភាគីកម្ពុជាបានអះអាងថា កម្ពុជាពុំមានការរើសអើងប្រឆាំងអ្នកណាម្នាក់ក៏ដោយ ក៏របាយការណ៍ស្ដីពីការរើសអើង និងអំពើហិង្សាប្រឆាំងនឹងជនជាតិវៀតណាមនៅតែជាកង្វល់ ។
-
សកម្មជនអារ៉ែងប្រមូលផ្តុំគ្នាមុខសាលាដំបូងខេត្តកោះកុង ដើម្បីលើកទឹកចិត្តតំណាងពួកគេ
សកម្មជនព្រៃឈើជាជនជាតិដើមភាគតិចនៅតំបន់អារ៉ែង និងក្រុមយុវជនពីភ្នំពេញជិត១០០នាក់នៅថ្ងៃសុក្រនេះ នាំគ្នាប្រមូលផ្តុំនៅមុខសាលាដំបូងខេត្តកោះកុង ដើម្បីលើកទឹកចិត្តតំណាងពួកគេ ដែលតុលាការសាកសួរតាមពាក្យបណ្តឹងរបស់រដ្ឋបាលព្រៃឈើស្រុកថ្មបាំង ។ កាលពីដើមខែមីនាតុលាការខេត្តកោះកុងបានចេញដីកាកោះហៅតំណាងសហគមន៍ម្នាក់ ដែលតែងតែចូលរួមយ៉ាងសកម្មការពារធនធានធម្មជាតិនៅតំបន់អារ៉ែង បន្ទាប់ពីលោក អាឡិច ត្រូវបានអាជ្ញាធរបណ្តេញចេញពីកម្ពុជាកាលពីថ្ងៃទី២៣ ខែកុម្ភៈ ។
-
នគរបាលដោះលែងអ្នកកាប់ឈើខុសច្បាប់ដែលជាប់ពាក់ព័ន្ធ ជាមួយមន្ត្រីម្នាក់
កាលពីថ្ងៃអង្គារ អ្នកភូមិខេត្តមណ្ឌលគិរីបានឃាត់ខ្លួនបុរសជនជាតិវៀតណាមម្នាក់ប្រគល់ឲ្យអាជ្ញាធរដែលបុរសរូបនេះបានប្រាប់នគរបាលថា លោក សុះ ម៉ាឡែន ជាមន្ត្រីបរិស្ថានម្នាក់បានអនុញ្ញាតឲ្យគាត់ចូលក្នុងប្រទេសកម្ពុជាដើម្បីកាប់ឈើខុសច្បាប់។ ទោះយ៉ាងណា នគរបាលអន្តោប្រវេសន៍បានដោះលែងបុរសរូបនេះវិញ ដោយអះអាងថា មិនមានភ័ស្តុតាងគ្រប់គ្រាន់ក្នុងការឃុំខ្លួនគាត់ឡើយ។ លោក ឃុត ចាន់រ៉ា បានមានប្រសាសន៍ថា លោកនិងអ្នកភូមិប្រហែល៤០នាក់ទៀតបានល្បាតនៅក្នុងដែនជម្រកសត្វព្រៃណាំលៀ ក្នុងស្រុកពេជ្រាដា ដើម្បីឃ្លាំមើលអ្នកកាប់ឈើខុសច្បាប់កាលពីយប់ថ្ងៃអង្គារ ស្រាប់តែពួកគាត់បានប្រទះឃើញជនជាតិវៀតណាមប្រាំមួយនាក់ហៀបនឹងបើករថយន្តពីរគ្រឿងដឹកឈើគគីរឆ្លងព្រំដែនចូលក្នុងប្រទេសវៀតណាមទៅហើយ។
-
សកម្មជនសហគមន៍ប្រមាណ ៤០០ នាក់កំពុងធ្វើយុទ្ធនាការដើរល្បាតពាសពេញព្រៃឡង់
កាលពីម្សិលមិញ សកម្មជនសហគមន៍ប្រហែល៤០០នាក់បានចេញដើរល្បាតរយៈពេលប្រាំថ្ងៃនៅតាមព្រៃឡង់ ដើម្បីចាត់ការជនកាប់ឈើខុសច្បាប់ និងការកាប់ឆ្ការព្រៃខុសច្បាប់ពីសំណាក់ចម្ការធំៗនៅក្នុងតំបន់នោះ ហើយនេះគឺជាការដើរល្បាតធំបំផុតរបស់បណ្ដាញសហគមន៍ព្រៃឡង់ ក្នុងរយៈពេលជាងមួយឆ្នាំមកនេះ។ បណ្តាញដែលប្រសូត្រចេញពីការប្រមូលចងក្រងសហគមន៍នៅទូទាំងខេត្តចំនួនបួននេះ បានធ្វើយុទ្ធនាការដើរល្បាតព្រៃឡង់ ទំហំ៦៥០.០០០ ហិកតាអស់រយៈពេលប៉ុន្មានឆ្នាំមកហើយដើម្បីប្រយុទ្ធប្រឆាំងនឹងអ្វីដែលពួកគាត់ជឿថា ជាការព្រងើយកន្តើយ ឬការសមគំនិតរបស់អាជ្ញាធរនៅក្នុងសកម្មភាពកាប់ឆ្ការព្រៃឡង់ យ៉ាងរាលដាល ដែលជាព្រៃបៃតងវាលទំនាបដ៏ធំបំផុតមួយនៅក្នុងតំបន់។
-
បេក្ខភាពសមាជិកគ.ជ.ប ថ្មី នៅមិនទាន់បើកគ្របអស់នៅឡើយ
ទោះជាកាលកំណត់នៃការទទួលពាក្យសម្រាប់តំណែងសមាជិក គ.ជ.ប ថ្មី ដែលបាន កំណត់ ៤នាក់ម្ខាងពីគណបក្សជាប់ឆ្នោតទាំងពីរជិតដល់ទីបញ្ចប់ទៅហើយក៏ដោយ ក៏គេនៅមិនទាន់អាចដឹងបានពីឥស្សរជនណាខ្លះនៅឡើយ ក្រៅពីលោកហង្ស ពុទ្ធា និងលោក គួយ ប៊ុនរឿន។នៅថ្ងៃនេះដែរ ក្រុមអង្គការសង្គមស៊ីវិល មួយចំនួនកំពុងមានការចាប់អារម្មណ៍ហើយបានទៅដាក់ពាក្យជាបន្តបន្ទាប់ចាប់តាំងពីម្សិលមិញនៅរដ្ឋសភាតាមរយៈកូតាគណបក្សសង្គ្រោះជាតិ។
-
សាលារាជធានីស្នើឲ្យអាជ្ញាធរទប់ស្កាត់ការនាំចូលអាវុធជាតិផ្ទុះក្នុងពិធីបុណ្យចូលឆ្នាំខ្មែរ
សាលារាជធានីភ្នំពេញ ស្នើឲ្យអាជ្ញាធរមានសមត្ថកិច្ចទប់ស្កាត់ការនាំចូលអាវុធជាតិផ្ទុះ និងកាំភ្លើងបាញ់ទឹកក្នុងអំឡុងពេលពិធីបុណ្យចូលឆ្នាំប្រពៃណីខ្មែរ ដើម្បីធានាឲ្យបាននូវសន្ដិសុខ សុវត្ថិភាពជូនប្រជាពលរដ្ឋ ចៀសវាងគ្រោះថ្នាក់ជាយថាហេតុ ។ សេចក្ដីណែនាំរបស់សាលារាជធានីភ្នំពេញចេញផ្សាយថ្ងៃទី២៤ ខែមីនា បានស្នើដល់គ្រប់អង្គភាព ក្រសួងស្ថាប័នរដ្ឋ និងឯកជនត្រូវយកចិត្ដទុកដាក់ការពារសន្ដិសុខ សណ្ដាប់ធ្នាប់ របៀបរៀបរយ និងសុវត្ថិភាពតាមមូលដ្ឋានរបស់ខ្លួន ។ សេចក្តីណែនាំ ក៏ស្នើដល់អាជ្ញាធរមានសមត្ថកិច្ចទប់ស្កាត់ការនាំចូលអាវុធជាតិផ្ទុះ និងកាំភ្លើងបាញ់ទឹក ចៀសវាងបង្កគ្រោះថ្នាក់ជាយថាហេតុ ។ សេចក្តីជូនដំណឹងក៏បានរំឭក ឲ្យប្រជាពលរដ្ឋត្រូវប្រុងប្រយ័ត្នក្នុងការដុតទៀនធូប ភ្លើងចង្កៀង ភ្លើងចង្ក្រាន ចរន្ដអគ្គិសនី ឬប្រើប្រាស់គ្រឿងឆេះផ្សេងៗដែលអាចនាំឲ្យកើតគ្រោះអគ្គិភ័យ ។
-
ស្ត្រីបឹងកក់ដែលជាប់ពន្ធនាគារព្រៃសបីនាក់រងរបួស ខណៈប៉ះទង្គិចសម្ដីជាមួយឆ្មាំគុក
ស្វាមីរបស់សកម្មជនដីធ្លីម្នាក់នៅតំបន់បឹងកក់ បានឲ្យដឹងថា ប្រពន្ធរបស់ខ្លួន និងស្ត្រីពីរនាក់ទៀតបានរងរបួស ដោយសារបោកក្បាលនឹងជញ្ជាំង ខណៈដែលពួកគេមានជម្លោះពាក្យសម្តីជាមួយនឹងឆ្មាំយាមពន្ធនាគារ ។ ស្វាមីរបស់អ្នកស្រី ទេព វន្នី គឺលោក អ៊ូ គង់ជា ប្រាប់VODថា នៅវេលាម៉ោងប្រមាណ៣រសៀលថ្ងៃសុក្រនេះ ប្រពន្ធរបស់គាត់ និងស្ត្រីផ្សេងៗទៀតចង់ចេញទៅក្រៅ ដើម្បីស្រូបយកខ្យល់អាកាស ។ លោកបន្តថា តែក្រោយមកឆ្មាំយាមគុកបដិសេធ ហើយក៏ផ្ទុះពាក្យសម្តីដាក់គ្នា ។
-
អ្នកបឹងកក់១៣គ្រួសារដាក់ញត្តិទាមទារសាលាក្រុងផ្ដល់កម្មសិទ្ធិដីទំហំ៧០%នៃដីពីមុន
នកភូមិបឹងកក់១ ដាក់ញត្តិទៅស្ថាប័នជាតិ និងអន្តរជាតិជាច្រើន ស្នើសុំឲ្យជួយជ្រោមជ្រែង និងជំរុញឲ្យរដ្ឋាភិបាលផ្តល់កម្មសិទ្ធិដីដល់ពួកគាត់ ១៣គ្រួសារ នៅថ្ងៃទី២ ខែមេសា។ ក្នុងញត្តិនោះ ពួកគាត់មានភ្ជាប់សៀវភៅស្នាក់នៅបញ្ជាក់ពីលំនៅក្នុងតំបន់បឹងកក់ នាទសវត្សឆ្នាំ១៩៨០ និងទំហំវាស់វែងដីមុនក្រុមហ៊ុនស៊ូកាគូ (Shukaku) បូមខ្សាច់ពន្លិចដី និងផ្ទះ។ អ្នកភូមិបឹងកក់១ បានដាក់ញត្តិនោះទៅសាលារាជធានីភ្នំពេញ ១ច្បាប់ ធនាគារពិភពលោក (World Bank) ១ច្បាប់ ទីស្ដីការគណៈរដ្ឋមន្ត្រី ១ច្បាប់ និងសហគមន៍អឺរ៉ុប ១ច្បាប់។
-
លោកស្រី មូរ សុខហួរ៖ កូនអ្នកក្រធ្វើចំណាកស្រុកនិងទទួលរងការរំលោភសិទ្ធិ
វ៉ាស៊ីនតោន—ពលរដ្ឋកម្ពុជាពេញកម្លាំងពលកម្មដែលបានធ្វើចំណាកស្រុកទៅធ្វើការនៅប្រទេសជិតខាងនិងក្នុងតំបន់បាននាំមកនូវទឹកប្រាក់ដែលរកបានមួយចំនួនដើម្បីចូលរួមចំណែកដល់សេដ្ឋកិច្ចកម្ពុជាប៉ុន្តែក៏មានផលប៉ះពាល់ដល់ការធ្វើកសិកម្មក្នុងស្រុកផងដែរ។ នេះបើតាមការបញ្ជាក់របស់អ្នកតំណាងរាស្រ្តនៃគណបក្សសង្គ្រោះជាតិ។
-
ពលរដ្ឋសហគមន៍បឹងឈូក ធ្វើការតវ៉ា និងការពន្យារសវនាការរបស់តុលាការ
ប្រជាពលរដ្ឋនៃសហគមន៍បឹងឈូក នៃខណ្ឌឫស្សីកែវ បាននាំគ្នាឈរស្រែកតវ៉ា លើកបដានៅមុខសាលាដំបូង រាជធានីភ្នំពេញ កាលពីព្រឹកមិ្សលមិញ ក្រោយពេលសវនាការត្រូវបានពន្យារជាលើកទី ២ លើករណីដីធ្លីដែលនាំឲ្យមានពាក្យបណ្តឹងប្តឹងចោទប្រកាន់ថាពួកគេ ប្រើហិង្សាលើអ្នកកាន់កាប់អចលនវត្ថុដោយសុចរិត កាលពីឆ្នាំ ២០០៨ និង ២០០៩។ អ្នកស្រី ខៀវ ចិន្តា អាយុ ៤២ ឆ្នាំ តំណាងពលរដ្ឋ ៤៣ គ្រួសារ នៃសហគមន៍បឹងឈូក សង្កាត់គីឡូម៉ែត្រលេខ ៦ ប្រាប់ឲ្យដឹងនៅមុខតុលាការថា អ្នកស្រី និងតំណាងបីរូបទៀតត្រូវឡើងតុលាការ ដើម្បីកាត់ក្តី ប៉ុន្តែការខំធ្វើដំណើរពីឆ្ងាយមកជាមួយពលរដ្ឋក្នុងសហគមន៍ឯទៀត ដែលជាអ្នកគាំទ្រ ពួកគាត់ បែរជាទទួលដំណឹងថា តុលាការបានសម្រេចពន្យារសវនាការនេះទៅវិញ។