កំពុងស្វែងរកទិន្នន័យ
រកឃើញ: 12.457
-
ជំទប់ទី២ឃុំរកាជាមនុស្សទី៧ដែលស្លាប់ដោយសារជំងឺអេដស៍
ជំទប់ទី២ ឃុំរកា ជាមនុស្សទី៧ ដែលស្លាប់ដោយសារជំងឺអេដស៍នៅក្នុងឃុំនេះ បន្ទាប់ពីមានការផ្ទុះអ្នកផ្ទុកមេរោគអេដស៍ជាង២០០នាក់ តាំងពីខែធ្នូ ឆ្នាំ២០១៤មក។ លោក សឿម ឆម អាយុ ៦៤ឆ្នាំ ជាជំទប់២ មកពីគណបក្សសង្គ្រោះជាតិ រស់នៅភូមិរកា ឃុំរកា ស្រុកសង្កែ ខេត្តបាត់ដំបង បានស្លាប់កាលពីម្សិលមិញ។ រហូតមកទល់ពេលនេះ អ្នកផ្ទុកមេរោគអេដស៍នៅរកា បានស្លាប់កើនឡើងដល់៧នាក់ហើយ ក្នុងនោះ ៦នាក់ជាមនុស្សចាស់ និងទារកអាយុ៧ខែម្នាក់។
-
សហព័ន្ធសិទ្ធិមនុស្សមួយប្រកាសគាំទ្រឲ្យមានច្បាប់គ្រប់គ្រងសមាគម-អង្គការ
សហព័ន្ធសិទ្ធិមនុស្ស និងអភិវឌ្ឍន៍កម្ពុជា ប្រកាសគាំទ្រឲ្យរដ្ឋាភិបាលកម្ពុជាក្នុងការអនុម័តច្បាប់គ្រងគ្រងអង្គការក្រៅរដ្ឋាភិបាល ដោយចាត់ទុកថាច្បាប់នេះស្របតាមរដ្ឋធម្មនុញ្ញកម្ពុជា និងជួយលើកកិត្តិយសសង្គមស៊ីវិលស្អាតស្អំ។ សេចក្តីថ្លែងការណ៍របស់សហព័ន្ធសិទ្ធិមនុស្ស និងអភិវឌ្ឍន៍កម្ពុជា ចេញផ្សាយនៅថ្ងៃទី០៧ ខែមេសា ឲ្យដឹងថាសហព័ន្ធតំណាងឲ្យ១៥សមាគម-អង្គការ ប្រកាសគំាទ្រប្រសាសន៍លោកនាយករដ្ឋមន្រ្តី ហ៊ុន សែន ចំពោះការអនុម័តច្បាប់គ្រប់គ្រងអង្គការមិនមែនរដ្ឋាភិបាល។ សេចក្តីថ្លែងការណ៍បន្តថាយោងតាមមាត្រា៤២នៃរដ្ឋធម្មនុញ្ញកម្ពុជាចែងថាប្រជាពលរដ្ឋខ្មែរមានសិទ្ធិបង្កើតសមាគម និងគណបក្សនយោបាយ ដែលសិទ្ធិនេះត្រូវកំណត់ក្នុងច្បាប់ ដូច្នេះកម្ពុជាត្រូវតែមានច្បាប់ស្តីពីការគ្រប់គ្រងសមាគម-អង្គការមិនមែនរដ្ឋាភិបាល។
-
កម្មកររោងចក្រវ៉ាយស្រេងវេនៅខេត្តកណ្ដាលតវ៉ាទាមទារបើកប្រាក់ខែ
កម្មកររោងចក្រវ៉ាយស្រេងវេ នៅភូមិក្បាលអូ ឃុំទំនប់ធំ ស្រុកពញាឮ ខេត្ដកណ្ដាលមានគ្នាជាង១០០នាក់ នៅព្រឹកថ្ងៃអង្គារនេះ នាំគ្នាឈប់ធ្វើការ ហើយប្រមូលផ្ដុំមុខរោងចក្រទាមទារឲ្យភាគីរោងចក្របើកប្រាក់ខែឲ្យខ្លួន ។ តំណាងកម្មករម្នាក់លោក សាន់ លត ឲ្យVODដឹងថា រោងចក្រមិនបានបើកប្រាក់ឲ្យកម្មករពីរខែមកហើយ ហើយពេលនេះ ថៅកែរោងចក្របានរត់បាត់ នៅសល់តែសម្ភារ និងឃ្លាំងនៅក្នុងរោងចក្រប៉ុណ្ណោះ ។
-
បក្សជាប់ឆ្នោតបន្តលាក់បាំងបេក្ខជនដែលនឹងត្រូវធ្វើជាប្រធាន គ.ជ.ប ថ្មី
មេដឹកនាំតំណាងសំឡេងភាគច្រើន និងសំឡេងភាគតិច នៅតែបន្ដបិទបាំង មិនទាន់ប្រាប់ឲ្យដឹងថាតើនរណានឹងធ្វើជាប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ថ្មី និងនីតិវិធី ក្នុងការបោះឆ្នោតជ្រើសរើសថ្នាក់ដឹកនាំស្ថាប័នជាតិកំពូលមួយនេះនៅឡើយ ខណៈគណបក្សប្រជាជន ដែលកំពុងមានប្រៀបលើគណបក្សសង្គ្រោះជាតិ ត្រូវបានគេមើលឃើញថា អាចនឹងនៅតែបន្តធ្វើជាប្រធាន គ.ជ.ប ថ្មីនេះទៀត។ ក្នុងសន្និសីទសារព័ត៌មានប្រហែល ១០ នាទីបន្ទាប់ពីកិច្ចប្រជុំប្រហែល ១ ម៉ោងនៅរដ្ឋសភា កាលពីល្ងាចម្សិលមិញ ទាំងលោក សម រង្ស៊ី ប្រធានគណបក្សសង្គ្រោះជាតិ ដែលជាមេដឹកនាំតំណាងសំឡេងភាគតិច និងលោកឧបនាយករដ្ឋមន្រ្តី ស ខេង នៃគណបក្សប្រជាជន ដែលជាមេដឹកនាំតំណាងសំឡេងភាគច្រើន បានបដិសេធមិនធ្វើការអត្ថាធិប្បាយ ទាក់ទងនឹងសំណួរ អំពីសមាសភាពរបស់ គ.ជ.ប ទេ ដោយប្រាប់អ្នកសារព័ត៌មានឲ្យរង់ចាំសម័យប្រជុំរបស់រដ្ឋសភា ដែលបោះឆ្នោតជ្រើសរើសសមាជិក គ.ជ.ប ថ្មី នៅថ្ងៃចន្ទទី ១៣ ខែមេសា។
-
កម្មកររោងចក្រវ៉ាយស្រេងវេនៅខេត្តកណ្ដាលតវ៉ាទាមទារបើកប្រាក់ខែ
កម្មកររោងចក្រវ៉ាយស្រេងវេ នៅភូមិក្បាលអូ ឃុំទំនប់ធំ ស្រុកពញាឮ ខេត្ដកណ្ដាលមានគ្នាជាង១០០នាក់ នៅព្រឹកថ្ងៃអង្គារនេះ នាំគ្នាឈប់ធ្វើការ ហើយប្រមូលផ្ដុំមុខរោងចក្រទាមទារឲ្យភាគីរោងចក្របើកប្រាក់ខែឲ្យខ្លួន ។ តំណាងកម្មករម្នាក់លោក សាន់ លត ឲ្យVODដឹងថា រោងចក្រមិនបានបើកប្រាក់ឲ្យកម្មករពីរខែមកហើយ ហើយពេលនេះ ថៅកែរោងចក្របានរត់បាត់ នៅសល់តែសម្ភារ និងឃ្លាំងនៅក្នុងរោងចក្រប៉ុណ្ណោះ ។ លោក សាន់ លត ឲ្យដឹងដែរថា កាលពីម្សិលមិញ តំណាងរោងចក្របានប្រាប់កម្មករថា កម្មករកម្មកានីរោងចក្រទាំងអស់ដែលធ្វើការរយៈពីរខែដោយមិនទាន់បើកប្រាក់ខែ ត្រូវទទួលបានប្រាក់ខែតែមួយខែប៉ុណ្ណោះ ហើយទទួលបានតែប្រាក់ខែគោលគឺ១៦០ ដុល្លារ ដោយគ្មានប្រាក់ថែមម៉ោង ប្រាក់ព្រីម និងថ្លៃធ្វើដំណើរនោះទេ ។ លោកថា កម្មករមួយចំនួនបានសុខចិត្តទទួលយកប្រាក់នោះ ដោយសារពួកគេត្រូវការថវិកានោះសម្រាប់ធ្វើដំណើរទៅស្រុកកំណើតចូលឆ្នាំប្រពៃណីខែ្មរ តែមួយចំនួនទៀតរួមទាំងរូបលោកមិនព្រមទទួលទេ គឺទាមទារឲ្យរោងចក្របើកប្រាក់ឲ្យពួកគេឲ្យគ្រប់ ។
-
អាជ្ញាធរខេត្តក្រចេះផ្ដល់ដីដែលពលរដ្ឋកំពុងរស់នៅទៅឲ្យមនុស្ស១ក្រុមទៀត
អាជ្ញាធរខេត្តក្រចេះ ដែលដឹកនាំលោក ខ័ណ្ឌ ចំណាន អភិបាលរងខេត្តនេះ បាននាំក្រុមពលរដ្ឋ ៧២គ្រួសារទៅឲ្យស្គាល់ទីតាំងដី និងផ្ដល់ប័ណ្ណកម្មសិទ្ធិ ក្នុងពេលដែលដីនោះកំពុងតែមានក្រុមពលរដ្ឋ ៣១គ្រួសាររស់នៅ។ ការចុះបង្ហាញទីតាំងដីកាលថ្ងៃទី៦ មេសា ធ្វើឲ្យពលរដ្ឋទាំងពីរក្រុមមើលមុខគ្នាមិនចំ និយាយសំឡេងខ្លាំងៗរៀងៗខ្លួននៅមុខអាជ្ញាធរខេត្ត។ ការចុះអន្តរាគមន៍របស់អាជ្ញាធរខេត្តនេះ អមដោយកម្លាំងចម្រុះរាប់សិបនាក់ ប្រដាប់ដោយអាវុធក្នុងដៃ និងបានដកហូតកាំបិត ពូថៅ ចេញពីផ្ទះរបស់ពលរដ្ឋ និងប្រាប់ឲ្យរើឥវ៉ាន់ចេញពីផ្ទះជាបន្ទាន់។ មន្ត្រីសិទ្ធិមនុស្សយល់ថា ទង្វើរបស់សមត្ថកិច្ច គឺបំពានច្បាប់ភូមិបាល និងអនុសាសន៍របស់នាយករដ្ឋមន្ត្រីដែលនិយាយថា មិនបណ្ដេញពលរដ្ឋចេញពីដីបង្កបង្កើនផល។
-
សហគមន៍ស្រុកលំផាត់ខេត្ដរតនគិរីចោទប្រធានបរិស្ថានស្រុកថាដោះលែងរថយន្តដឹកឈើខុសច្បាប់
ប្រជាសហគមន៍នៅភូមិថ្មី ឃុំជ័យឧត្ដម ស្រុកលំផាត់ ខេត្ដរតនគិរីចោទប្រធានការិយាល័យបរិស្ថានស្រុកលំផាត់ថា បានដោះលែងរថយន្តដឹកឈើដឹកឈើខុសច្បាប់ពីរគ្រឿងដែលប្រជាសហគមន៍ចាប់បាន ដោយមិនបានបញ្ជាក់ប្រាប់ពីមូលហេតុនៃការដោះលែង ។ ប្រធានសហគមន៍ស្រុកលំផាត់លោក ដាំ លៀន បានឲ្យVODដឹងថា កាលពីយប់ថ្ងៃទី០៥ ខែមេសា វេលាម៉ោង១០និង៣០នាទីយប់ ប្រជាសហគមន៍បានឃាត់រថយន្តដឹកឈើខុសច្បាប់ខុសច្បាប់ពីរគ្រឿង រួចបញ្ជូនទៅស្នាក់ការបរិស្ថានស្រុកលំផាត់ ដើម្បីដាក់ទោសទៅតាមផ្លូវច្បាប់ ។
-
ប៉ូលិស រារាំងសកម្មជនស្ត្រី ដាក់ញត្តិស្នើឲ្យមានសមភាពរវាងស្ត្រី និងបុរសក្នុងគ.ជ.ប
អាជ្ញាធរ និងប៉ូលិស បានរារាំងសកម្មជនស្ត្រី មកពីអង្គការសង្គមស៊ីវិលជាច្រើន មិនឲ្យហែក្បួន ដាក់ញត្តិនៅរដ្ឋសភា គណបក្សប្រជាជនកម្ពុជា និងគណបក្សសង្គ្រោះជាតិ នាព្រឹកថ្ងៃអង្គារ ទី៧ ខែមេសា។ ក្រុមស្ត្រីអង្គការសង្គមស៊ីវិល ស្នើឲ្យមានសមភាពរវាងស្ត្រី និងបុរស ក្នុងគជបថ្មី។ នោះគឺគណបក្សទាំងពីរ ត្រូវដាក់បេក្ខជនយ៉ាងហោចណាស់ជាស្ត្រីម្នាក់ ក្នុងមួយគណបក្ស ហើយប្រធាន និងអនុប្រធានគជបថ្មី ត្រូវមានភេទផ្ទុយគ្នា។
-
លោកកឹមសុខានឹងចូលបំភ្លឺ នៅតុលាការ នាថ្ងៃស្អែក
នៅទីបំផុតទៅលោកកឹម សុខា អនុប្រធានទី១រដ្ឋសភា និងជាអនុប្រធានគណបក្សសង្គ្រោះជាតិ បានសម្រេច ថា នឹងចូលបំភ្លឺនៅសាលាដំបូងរាជធានីភ្នំពេញ វេលាម៉ោង៨ និង៣០នាទី ព្រឹកថ្ងៃទី០៨ ខែមេសា ឆ្នាំ២០១៥។ នេះបើតាម ការបង្ហោះនៅលើទំព័រហ្វេសប៊ុក របស់លោកកឹម សុខា នៅរសៀលថ្ងៃនេះ។
-
មន្ត្រីសិទ្ធិមនុស្ស៖ ជនជាតិម៉ុងតាញ៉ា១១នាក់ទៀតរត់គេចពីវៀតណាមចូលមកកម្ពុជា
មន្ត្រីសិទ្ធិប្រចាំតំបន់ឲ្យដឹងថា ជនស្វែងរកសិទ្ធិជ្រកកោនម៉ុងតាញ៉ា១១នាក់បន្ថែមទៀត បានភៀសខ្លួនពីប្រទេសវៀតណាមចូលមកប្រទេសកម្ពុជា តាមព្រំដែនខេត្តរតនគិរី កាលពីយប់ថ្ងៃអាទិត្យ ទី៥ ខែ មេសានេះ ។ មន្ត្រីសម្របសម្រួលរបស់សមាគមអាដហុកប្រចាំខេត្តរតនគីរី លោក ឆាយ ធី ឲ្យដឹងនៅថ្ងៃនេះថា ជនជាតិម៉ុងតាញ៉ា១១នាក់បន្ថែមទៀត បានភៀសខ្លួនពីប្រទេសវៀតណាម ចូលមកខេត្តរតនគិរីដើម្បីស្វែងរកសិទ្ធិជ្រកកោន ។ លោកថា «ខ្ញុំបានរាយការណ៍ទៅអង្គការសហប្រជាជាតិរួចហើយ អំពីការមកដល់របស់អ្នកទាំង១១នាក់នេះ ហើយបច្ចុប្បន្នជនជាតិម៉ុងតាញ៉ាទាំងនោះកំពុងលាក់ខ្លួន និងរស់នៅជាគ្រួសារជនជាតិភាគតិចចារ៉ាយ ក្នុងស្រុកអណ្តូងមាសខេត្តរតនគីរី» ។
-
តើមានមូលហេតុអ្វី បានជារដ្ឋាភិបាលរៀបចំបង្កើតច្បាប់គ្រប់គ្រងសង្គមស៊ីវិល?
សម្រាប់នាទីស្វែងយល់ពីច្បាប់នៅថ្ងៃនេះ ឃួន សុភ័ក្រ បានជួបសម្ភាសន៍តាមទូរស័ព្ទ ជាមួយលោកផៃ ស៊ីផាន មន្ដ្រីជាន់ខ្ពស់រាជរដ្ឋាភិបាលកម្ពុជាដើម្បីចង់ដឹង ថា តើមានមូលហេតុអ្វីខ្លះ បានជារដ្ឋាភិបាលរៀបចំបង្កើតច្បាប់ ស្ដីពីការគ្រប់គ្រងអង្គការសង្គមស៊ីវិល។ សេចក្តីព្រាងច្បាប់ស្តីពីការគ្រប់គ្រងអង្គការសង្គមស៊ីវិល នឹងត្រូវបញ្ជូនទៅទីស្តីការគណៈរដ្ឋមន្ត្រីដើម្បីអនុម័តនៅខែឧសភា ឆ្នាំ ២០១៥ ខាងមុខនេះ។
-
អ្នកភូមិឃើញសាកសព៨នាក់អណ្ដែតទឹកនិងម៉ុងតាញ៉ា១១នាក់ថ្មីលាក់ខ្លួនក្នុងព្រៃខេត្តរតនគិរី
ប្រជាពលរដ្ឋជនជាតិដើមភាគតិចចារ៉ាយ-ខ្មែរ រស់នៅស្រុកអណ្ដូងមាស ខេត្តរតនគិរី អះអាងថា អ្នកភូមិប្រទះឃើញសាកសព ៨នាក់អណ្ដែតក្នុងទន្លេតូចមួយ ជាប់បន្ទាត់ខណ្ឌព្រំដែនស្រុកអណ្ដូងមាស និងប្រទេសវៀតណាម ហើយបន្ទាប់ពីមានហេតុការណ៍នេះប៉ុន្មានថ្ងៃ អ្នកភូមិអះអាងថា មានក្រុមម៉ុងតាញ៉ា-វៀតណាម ១១នាក់ថ្មីទៀត បានភៀសខ្លួនមកលាក់ខ្លួនក្នុងព្រៃនៅតំបន់នោះ។
-
សហគមន៍ព្រៃឡង់ខេត្តកំពង់ធំចោទមន្ត្រីប៉ូលិសថាពាក់ព័ន្ធការកាប់ព្រៃឈើខុសច្បាប់
ប្រជាសហគមន៍ព្រៃឡង់ខេត្តកំពង់ធំ បានចុះល្បាតព្រៃឡង់ ៤ថ្ងៃ ហើយរកឃើញបទល្មើសកាប់បំផ្លាញព្រៃឈើ រួមនឹងឧបករណ៍មួយចំនួនផង។ ប្រជាសហគមន៍អះអាងថា បទល្មើសព្រៃឈើទាំងនោះជារបស់មន្ត្រីមានសមត្ថកិច្ចនៅស្រុកសណ្ដាន់ ដោយមានមន្ត្រីអធិការស្រុកនៅពីក្រោយ។ យ៉ាងណា អធិការស្រុកបានបដិសេធការចោទប្រកាន់នេះ។ ប្រជាសហគមន៍នៅក្នុងឃុំសណ្ដាន់ ស្រុកសណ្ដាន់ កាន់តែបារម្ភនៅពេលពួកគេដឹងកាន់តែច្បាស់ថា អ្នករកស៊ីឈើខុសច្បាប់នៅក្នុងតំបន់ព្រៃឡង់ គឺជាមន្ត្រីមានសមត្ថកិច្ច ដោយអ្នកខ្លះជាទាហាន ខ្លះជាមន្ត្រីប៉ូលិសប៉ុស្តិ៍ ខ្លះជាកូនចៅរបស់អធិការស្រុកថែមទៀត។
-
ព្រះមហាក្សត្រនឹងប្រទានការលើកលែងទោសទណ្ឌិតស្ត្រី៣៧នាក់បន្ថែមទៀត
ក្រសួងយុត្តិធម៌បានកំពុងរៀបចំឯកសារថ្វាយព្រះមហាក្សត្រ ដើម្បីសុំព្រះរាជទានលើកលែងទោសដល់ទណ្ឌិតស្ត្រី៣៧នាក់ មានគភ៌ និងមានកូនតូច ដែលកំពុងជាប់ឃុំនៅក្នុងពន្ធនាគារទូទាំងប្រទេស នាឱកាសបុណ្យចូលឆ្នាំថ្មី ។ អ្នកនាំពាក្យក្រសួងយុត្តិធម៌ លោក ជិន ម៉ាលីន ប្រាប់VOD ថ្ងៃអង្គារទី៧ មេសានេះថាស្ត្រីទណ្ឌិតចំនួន៣៧នាក់ មានគភ៌ និងមានកូនតូចៗនៅជាមួយ នឹងត្រូវទទួលបានការលើកលែងទោសពីព្រះមហាក្សត្រ មុនបុណ្យចូលឆ្នាំថ្មីប្រពៃណីជាតិខាងមុខ ។
-
អ្នកភូមិតវ៉ាប្រឆាំងការដាក់របាំងពុះចែកផ្លូវ
ប្រជាពលរដ្ឋ ៤៥ នាក់នៅភូមិកៀនឃ្លាំង និងភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ កាលពីព្រឹកម្សិលមិញបានធ្វើការតវ៉ាទាមទារឲ្យមន្ទីរសាធារណៈការ នឹងដឹកជញ្ជូនរាជធានី ដកចេញនូវរបាំងសួនច្បារពុះចែកទ្រូងផ្លូវជាតិលេខ ៦ ប្រវែង ២០ ម៉ែត្រដើម្បីបើកផ្លូវ ចូលទៅកាន់ភូមិរបស់ពួកគាត់។ លោក រិទ្ធិ ឌីណា តំណាងប្រជាពលរដ្ឋ នៅភូមិកៀនឃ្លាំង បាននិយាយថា ពួកគាត់មិនជំទាស់ទៅនឹងគម្រោងនៃការរៀបចំរបាំងសួនច្បារពុះចែកទ្រូងផ្លូវជាតិ លេខ ៦ នេះទេ ព្រោះគម្រោងនេះ វាមានសារៈសំខាន់ក្នុងការបញ្ចៀសភាពកកស្ទះចរាចរណ៍។ ប៉ុន្តែពួកគាត់ចង់ឲ្យមានការកាត់ចេញនូវចន្លោះប្រមាណ ២០ ម៉ែត្រ ដើម្បីបើកច្រកផ្លូវចេញចូលទៅក្នុងភូមិរបស់ពួកគាត់។
-
លោក អ៊ឹម សួស្តី អះអាងថាលោកមិនចង់ធ្វើប្រធានគជប ដោយសារវ័យចាស់ជរា
ប្រធានគណៈកម្មាធិការជាតិរៀបចំការបោះឆ្នោត(គជប)បច្ចុប្បន្ន លោក អ៊ឹម សួស្តី អះអាងថាលោកមិនបានដាក់ពាក្យធ្វើជាសមាជិកគជបនោះទេ ដោយសារតែលោកមានវ័យចាស់ជរា។ តាមបញ្ជីរាយនាមបេក្ខជនដែលបានដាក់ពាក្យសុំឈរឈ្មោះជាសមាជិកគជប ឲ្យដឹងថាបេក្ខជនជាសមាជិកគជបដែលមានគ្រប់លក្ខខណ្ឌមានចំនួន២៤រូប ដែលក្នុងនោះយ៉ាងតិច៣រូបមកពីគណបក្សប្រជាជនកម្ពុជា រួមមាន លោក មាន សទិ លោក ឯម សុផាត និងលោក ស៊ិក ប៊ុនហុក។ គណបក្សសង្គ្រោះជាតិ រួមមាន លោក គួយ ប៊ុនរឿន លោក មុត ចន្ថា និងលោក ជូង ជូងី និងលោក ម៉ៅ សុភារិទ្ធ ជាដើម។ ក្នុងបញ្ជីឈ្មោះនោះមិនមានឈ្មោះលោក អ៊ឹម សួស្តី នោះទេ។
-
សមាគម-អង្គការចំនួន១៥គាំទ្រឲ្យរដ្ឋាភិបាលបង្កើតច្បាប់គ្រប់គ្រងNGOs
សហព័ន្ធសិទ្ធមនុស្ស និងអភិវឌ្ឍន៍កម្ពុជា ដែលមាន១៥ សមាគម-អង្គការ បានចេញសេចក្តីថ្លែងការណ៍ គាំទ្រប្រសាសន៍លោកនាយករដ្ឋមន្ត្រីហ៊ុន សេន កាលពីថ្ងៃទី០៥ មេសា ទាក់ទងនឹងការបង្កើតច្បាប់ស្តីពីការគ្រប់គ្រងសមាគម-អង្គការមិនមែនរដ្ឋាភិបាល។ ក្នុងសេចក្តីថ្លែងការណ៍ចុះថ្ងៃទី០៧ មេសា សហព័ន្ធសិទ្ធមនុស្ស និងអភិវឌ្ឍន៍កម្ពុជា បានលើកឡើងពីផលវិជ្ជមានជាច្រើន នៅពេលដែលកម្ពុជាបង្កើតច្បាប់ស្តីពីការគ្រប់គ្រងអង្គការសង្គមស៊ីវិលនេះ ដូចជាបានលើកកម្ពស់គោលការណ៍គណនេយ្យភាព តម្លាភាព និងការពារផលប្រយោជន៍ស្របច្បាប់ក្នុងស្ថាប័ន NGOsនិងរួមចំណែកបានសន្តិសុខជាតិ សណ្តាប់ធ្នាប់សាធារណៈ៕
-
សង្គមស៊ីវិលថា ច្បាប់ NGOs នឹងកំហិតសេរីភាពពួកគេក្នុងការជួយពលរដ្ឋឲ្យចេះប្រើសិទ្ធិ
អង្គការសង្គមស៊ីវិលរិះគន់ថា ការបង្កើតច្បាប់គ្រប់គ្រងពួកគេ ដោយសាររដ្ឋាភិបាលមិនចង់ឲ្យពលរដ្ឋចេះប្រើសិទ្ធិរបស់ខ្លួន និងមានសិទ្ធិទទួលបានព័ត៌មានផ្សេងៗ ។ ការរិះគន់នេះគឺបន្ទាប់ពីលោកនាយករដ្ឋមន្ត្រី ហ៊ុន សែន ប្រកាសថា យ៉ាងយូរត្រឹមត្រឹម ខែឧសភា ឆ្នាំ២០១៥នេះ ច្បាប់គ្រប់គ្រងអង្គការសង្គមស៊ីវិល នឹងត្រូវបញ្ជូនទៅរដ្ឋសភា អនុម័តដោយមតិ៥០% បូក ១ ។
-
សង្គមស៊ីវិលថា ច្បាប់ NGOs នឹងកំហិតសេរីភាពពួកគេក្នុងការជួយពលរដ្ឋឲ្យចេះប្រើសិទ្ធិ
អង្គការសង្គមស៊ីវិលរិះគន់ថា ការបង្កើតច្បាប់គ្រប់គ្រងពួកគេ ដោយសាររដ្ឋាភិបាលមិនចង់ឲ្យពលរដ្ឋចេះប្រើសិទ្ធិរបស់ខ្លួន និងមានសិទ្ធិទទួលបានព័ត៌មានផ្សេងៗ ។ ការរិះគន់នេះគឺបន្ទាប់ពីលោកនាយករដ្ឋមន្ត្រី ហ៊ុន សែន ប្រកាសថា យ៉ាងយូរត្រឹមត្រឹម ខែឧសភា ឆ្នាំ២០១៥នេះ ច្បាប់គ្រប់គ្រងអង្គការសង្គមស៊ីវិល នឹងត្រូវបញ្ជូនទៅរដ្ឋសភា អនុម័តដោយមតិ៥០% បូក ១ ។ ប្រធានផ្នែកស៊ើបអង្កេតនៃសមាគមអាដហុក លោក នី ចរិយា មានប្រសាសន៍ថា ប្រមុខរាជរដ្ឋាភិបាល លោក ហ៊ុន សែន មិនបានដឹងគុណអង្គការសង្គមស៊ីវិល ដែលបានខិតខំផ្តល់ការអប់រំច្បាប់ និងបង្រៀនពលរដ្ឋឲ្យចេះប្រាស់សិទ្ធិរបស់ពួកគេនោះទេ ទើបបង្កើតច្បាប់រិតបន្តឹងអង្គការសង្គមស៊ីវិល ។ លោកបន្តទៀតថា ច្បាប់ថ្មីនេះ នឹងរឹតត្បិតសេរីភាពសង្គមស៊ីវិលក្នុងការជួយឲ្យពលរដ្ឋឲ្យចេះដឹងពីច្បាប់ និងដឹងពីសិទ្ធិទទួលបានព័ត៌មានផ្សេងៗ ។
-
សាលារាជធានីហាមឃាត់ការតវ៉ាប្រឆាំងការទទួលទានសាច់ឆ្កែ
ផែនការតវ៉ាប្រឆាំងនឹងការទទួលទានសាច់ឆ្កែត្រូវបានហាមឃាត់ មុនពេលការតវ៉ានេះចាប់ផ្ដើមនៅក្នុងរាជធានីភ្នំពេញកាលពីម្សិលមិញ បន្ទាប់ពីអាជ្ញាធររាជធានីបានលើកឡើងថា ក្រុមអ្នកតវ៉ាគ្មានការអនុញ្ញាតឲ្យជួបជុំគ្នា។ស្សជាង៣០នាក់ និងសត្វសុនខក្នុងចំនួនប្រហែល៣០ក្បាលដែរបានមកជួបជុំគ្នាក្បែរវិមានឯករាជ្យនៅក្នុងសួននាគបាញ់ទឹក ដើម្បីចូលរួមនៅក្នុងព្រឹត្តិការណ៍ទូទាំងពិភពលោក។ អ្នកតវ៉ាម្នាក់ឈ្មោះ Mary Velasco អាយុ២៩ឆ្នាំ ជាគ្រូបង្រៀនមកពីប្រទេសហ្វីលីពីន និងជាអ្នករៀបចំម្នាក់ក្នុងចំណោមអ្នករៀបចំការតវ៉ាផ្សេងៗទៀតបាននិយាយថា ”គោលដៅនៃព្រឹត្តិការណ៍នេះ ដំបូងគឺដើម្បីលើកកម្ពស់ការយល់ដឹងប្រឆាំងនឹងការជួញដូរសាច់សត្វចិញ្ចឹម”។