កំពុងស្វែងរកទិន្នន័យ
រកឃើញ: 12.457
-
លោកហ៊ុន សែន និងសម រង្ស៊ីសម្របសម្រួលគ្នាដោះលែងអ្នកបឹងកក់និងសកម្មជនបក្សប្រឆាំង
នៅទីបំផុត ការដោះលែងសកម្មជនបឹងកក់ និងការសុំនៅក្រៅឃុំរបស់សកម្មជនគណបក្សសង្គ្រោះជាតិ សរុបចំនួន១៨នាក់មានពន្លឺលេចឡើងហើយ។ លោកអេង ឆៃអ៊ាង មន្ត្រីជាន់ខ្ពស់គណបក្សសង្គ្រោះជាតិបានគូសបញ្ជាក់ថាលោកនាយករដ្ឋមន្ត្រីហ៊ុន សែន និងលោក សម រង្ស៊ី បានពិភាក្សាសម្របសម្រួលឱ្យមានការដោះលែងសកម្មជនបឹងកក់ ចំនួន១៣ដែលរួមមានអ្នកស្រីទេព វន្នី និងអតីតព្រះសង្ឃចំនួន៣អង្គ។ បើតាមលោកអេង ឆៃ អ៊ាងដដែល សកម្មជនបឹងកក់ទាំង១៣នាក់នឹងត្រូវលោកនាយករដ្ឋមន្ត្រីហ៊ុន សែនស្វែងរកកិច្ចអន្តរាគមន៍ទៅកាន់ព្រះមហាក្សត្រដើម្បីដោះលែង។
-
បទយកការណ៍៖ ប្រជាសហគមន៍ព្រៃឡង់បារម្ភពីការបាត់បង់មុខរបរដងជ័រ
ស្ថិតនៅភាគខាងជើងនៃប្រទេសកម្ពុជា ត្រើយខាងលិចទន្លេមេគង្គ ព្រៃឡង់ស្ថិតនៅក្នុងខេត្តចំនួន៤គឺខេត្តកំពង់ធំ ក្រចេះ ស្ទឹងត្រែង និងព្រះវិហារ ។ លាតសន្ធឹងលើផ្ទៃដីប្រមាណ ៣៦០ ០០០ ហិកតា ព្រៃឡង់គឺជាព្រៃឈើធំជាងគេដែលនៅសេសសល់ក្នុងប្រទេសកម្ពុជា និងឧបទ្វីបឥណ្ឌូចិន ។ បើយោងតាមប្រជាសហគមន៍រស់នៅតំបន់ព្រៃឡង់ឲ្យដឹងថា ប្រភពចំណូលដ៏សំខាន់របស់ពួកគេគឺបានមកពីដើមឈើទាល ឬដើមច្បោះ ព្រោះព្រៃឡង់មានដើមជ័រច្បោះនេះពី៧០ទៅ៧៥ភាគរយ ដែលសហគមន៍អាចអាស្រ័យផលសម្រាប់ទ្រទ្រង់សេដ្ឋកិច្ចគ្រួសារគ្រប់រដូវកាល ។ ជាមួយនឹងការអះអាងថាបទល្មើសព្រៃឈើនៅក្នុងសហគមន៍នៅតែកើតមានជាបន្តបន្ទាប់ ហើយក្រុមហ៊ុនដែលទទួលបានដីសម្បទានធ្វើការឈូសឆាយ ប្រជាសហគមន៍ព្រៃឡង់បង្ហាញពីការព្រួយបារម្ភពីការបាត់បង់មុខរបរដើម្បី ផ្គត់ផ្គង់ជីវភាព ។
-
លោក មាជ សុវណ្ណរ៉ា និង អ្នកភូមិបឹងកក់ជាង១០នាក់ នឹងត្រូវមានសេរីភាពនៅមុនចូលឆ្នាំខ្មែរ
រាជធានីភ្នំពេញ ៖ ទីបំផុតទៅលោក មាជ សុវណ្ណរ៉ា ប្រធាននាយកដ្ឋានព័ត៌មានរបស់គណបក្សសង្គ្រោះជាតិ និង អ្នកភូមិបឹងកក់ជាង១០នាក់រួមទំាងអ្នកស្រី ទេព វណ្ណី ដែលកំពុងជាប់ឃុំក្នុងពន្ឋនាគារព្រៃស នឹងត្រូវដោះលែងឲ្យនៅក្រៅឃុំនិងដោះលែងឲ្យមានសេរីភាពឡើងវិញនៅមុនពិធីបុណ្យចូលឆ្នាំប្រពៃណីខ្មែរខាងមុខ ។ នេះបើយោងតាមលោក ជួង ជូងី មេធាវីការពារក្តីឲ្យមេបក្សប្រឆាំង ដែលបា្រប់ក្រុមអ្នករាយការណ៍ព័ត៌មាននៅវិមានរដ្ឋសភា នាព្រឹកថ្ងៃទី១០ មេសា ២០១៥ ។ បើតាមលោកមេធាវីដដែល នៅថ្ងៃទី១៣ មេសា សាលាដំបូងរាជធានីភ្នំពេញ នឹងបើកសវនាការជំនុំជម្រះសំណុំរឿងមនុស្សខាងលើនេះ ហើយថាតាមការសម្របសម្រួលរវាងសម្តេចតេជោ ហ៊ុន សែន និង លោក សម រង្ស៊ី គឺមេដឹកនំាទំាងពីរនឹងធ្វើលិខិតដាក់ថ្វាយព្រះមហាក្សត្រដើម្បីសុំឲ្យមានការលើកលែងទោស។
-
អ្នកនេសាទខ្មែរដែលបានក្លាយជាទាសករលើទូកនេសាទត្រៀមខ្លួនត្រឡប់មកប្រទេសកំណើតវិញ
នៅពេល រឿន ហែន ចង់ឈប់សម្រាកបន្ទាប់ពីចុះនេសាទនៅក្នុងដែនទឹកឥណ្ឌូណេស៊ីអស់រយៈពេល២០ម៉ោងក្នុងវេនរបស់ខ្លួន ម្ចាស់ទូកនេសាទថៃបានវាយដំទាត់ធាក់រហូតទាល់តែអ្នកនេសាទអាយុ២៩ឆ្នាំរូបនេះត្រឡប់ទៅធ្វើការវិញ។ បន្ទាប់ពីរងការធ្វើបាបអស់រយៈពេល២ឆ្នាំ និងមិនបានទទួលប្រាក់ខែតាមអ្វីដែលគេសន្យាផ្ដល់ឲ្យ រឿន ហែន បានលួចរត់ដើម្បីសេរីភាពនៅពេលទូកនេសាទចូលចតនៅកោះបេនជីណា (Benjina) ដែលជាកោះដាច់ស្រយាលមួយរបស់ប្រទេសឥណ្ឌូណេស៊ី។
-
ក្រុមសិទ្ធិមនុស្សជំទាស់នឹងរបាយការណ៍ប៉ូលិសអំពីការចាប់ខ្លួនទាក់ទិននឹងការដុតខ្លោងទ្វារ
នគរបាលនៅក្រុងសៀមរាបបាននិយាយកាលពីថ្ងៃព្រហស្បតិ៍ថា ពួកគេបានចាប់មនុស្ស៦នាក់កាលពីថ្ងៃពុធមកសាកសួរទាក់ទិននឹងការលួចដុតខ្លោងទ្វារ ដែលសង់សម្រាប់ពិធីបុណ្យអង្គរសង្ក្រាន្ត។ ខ្លោងទ្វារនេះ ដែលសង់និងរចនាតុបតែងដោយសហភាពសហព័ន្ធយុវជនកម្ពុជា ជាក្រុមយុវជនដែលដឹកនាំដោយកូនប្រុសរបស់លោកនាយករដ្ឋមន្ត្រី ហ៊ុន សែន បានទទួលរងការរិះគន់ខឹងពីអ្នកប្រើហ្វេសប៊ុកខ្មែរជាច្រើននាក់ ដែលតវ៉ាថា ខ្លោងទ្វារនោះមិនបានសង់តាមរចនាប័ទ្មខ្មែរឲ្យបានត្រឹមត្រូវ។
-
រដ្ឋសភាអនុម័តការបោះឆ្នោតជ្រើសរើសសមាសភាព គ.ជ.ប.ថ្មី
សមាជិកទាំង៩រូបនៃគណៈកម្មាធិការជាតិរៀបចំការបោះឆ្នោត (គ.ជ.ប.) ថ្មី ត្រូវបានអនុម័តដោយការបោះឆ្នោតជាកញ្ចប់នៅរដ្ឋសភាកាលពីម្សិលមិញ ដោយលោក សិុក ប៊ុនហុក តំណាងរាស្ត្រមកពីគណបក្សប្រជាជនកម្ពុជា ត្រូវបានតែងតាំងជាប្រធានគ.ជ.ប.ដែលនឹងរៀបចំការបោះឆ្នោតជាតិឆ្នាំ២០១៨។ ក្នុងចំណោមតំណាងរាស្ត្រ១១៧រូបដែលមានវត្តមាននៅក្នុងសម័យប្រជុំសភា មាន១១៣រូបបានបោះឆ្នោតគាំទ្រសមាសភាពគ.ជ.ប.ថ្មី ពីររូបបោះឆ្នោតអនុប្បវាទ មួយរូបបោះឆ្នោតជំទាស់ ហើយសន្លឹកឆ្នោតមួួយទៀតត្រូវបានចាត់ទុកជាមោឃៈ។
-
ADB បរាជ័យមិនបានបំពេញតាមការប្តេជ្ញារបស់ខ្លួន
ការពិនិត្យសកម្មភាពរបស់ធនាគារអភិវឌ្ឍន៍អាស៊ី (ADB) ដើម្បីកែតម្រូវការបរាជ័យដ៏ធំក្នុងការផ្តល់សំណង និងការផ្តល់លំនៅឋានថ្មីទៅពលរដ្ឋរាប់ពាន់គ្រួសារដែលបានបណ្តាលឲ្យពួកគេកាន់តែក្រទៅៗ ដោយសារគម្រោងផ្លូវដែកតម្លៃ ១៤៣ លានដុល្លារដែលខ្លួនផ្តល់ថវិកា បានរកឃើញថា ធនាគារនេះ បរាជ័យមិនបានបំពេញតាមការប្តេជ្ញាមួយចំនួនរបស់ខ្លួន។ សវនកម្មផ្ទៃក្នុងរបស់ (ADB) ទៅលើគម្រោងនេះដោយគណៈកម្មាធិការពិនិត្យអនុលោមភាព ដែលចាប់ផ្តើមក្នុងឆ្នាំ ២០១២ កាលពីឆ្នាំមុនបានផ្តល់អនុសាសន៍ឲ្យ ADB គិតឡើងវិញចំពោះវិធីសាស្រ្តទាំងមូលរបស់ខ្លួនលើការដោះស្រាយជាមួយពលរដ្ឋរងគ្រោះ ៤០០០ គ្រួសារ ដែល ADB ក្រោយមកទទួលស្គាល់ថា ខ្លួនបានធ្វើឲ្យប្រជាជនទាំងនោះកាន់តែក្រទៅៗដោយ
-
សកម្មជនបក្សប្រឆាំង និងសកម្មជនដីធ្លីទាំង១៩នាក់នឹងត្រូវដោះលែងមុនចូលឆ្នាំខ្មែរ
សកម្មជនគណបក្សសង្គ្រោះជាតិ ព្រះសង្ឃ និងសកម្មជនដីធ្លី សរុប១៩អង្គនាក់ នឹងបាននៅក្រៅឃុំនាដើមសប្តាហ៍ក្រោយនេះ តាមរយៈការចរចានយោបាយ ។ មេធាវីការពារសកម្មជនគណបក្សសង្គ្រោះជាតិ លោក ជូង ជូងី ឲ្យដឹងថា រូបលោក និងមេធាវីការពារក្តីមួយចំនួនទៀត បានបំពេញបែបបទតាមនីតិវិធីរួចរាល់ហើយ កាលពីថ្ងៃទី៩ ខែមេសាម្សិលមិញ ដើម្បីអ្នកទាំងនោះរួចផុតពីការឃុំខ្លួននៅថ្ងៃចន្ទដើមសប្តាហ៍ក្រោយនេះ ។ អ្នកជាប់ឃុំទាំងនោះមានព្រះសង្ឃ ព្រះនាម ស៊ឺន ហាយ លោក មាជ សុវណ្ណារ៉ា រួមទាំងអ្នកស្រី ទេព វន្នី ផងដែរ ។
-
ក្រសួងដែនដី បដិសេធរបាយការណ៍រួមរបស់អង្គការក្រៅរដ្ឋាភិបាលចំនួនពីរ
ក្រសួងដែនដីនគរូបនីយកម្ម និងសំណង់បដិសេធចំពោះរបាយការណ៍របស់អង្គការទស្សនៈពិភពលោក និងអង្គការ NGO Forum ដែលបានបង្ហាញថា ការវិវត្តដ៏យឺតយ៉ាវនៃការចុះបញ្ជីដីធ្លីភាគច្រើន បណ្តាលមកពីមានការវៀលចេញដ៏សម្បើមពីដំណើរការផ្តល់ប័ណ្ណកម្មសិទ្ធិនៅក្នុងទីប្រជុំជន ខណៈដែលអចលនទ្រព្យមានតម្លៃខ្ពស់ និងទំនងជាបង្កឲ្យមានជម្លោះកើតឡើង ថាមិនឆ្លុះបញ្ចាំងពីការពិត និងមិនមានលក្ខណៈគ្រប់ជ្រុងជ្រោយ។ យោងទៅតាមសេចក្តីប្រកាសព័ត៌មានរបស់ក្រសួងដែនដីដែលបានចេញផ្សាយកាលពីថ្ងៃទី ៨ ខែមេសាបានឲ្យដឹងថា របាយការណ៍របស់អង្គការទស្សនៈពិភពលោក និងអង្គការ NGO Forum ស្តីពី“ការវៀលសហគមន៍ក្រីក្រនៅទីក្រុងចេញពីការចុះបញ្ជីដីធ្លីមានលក្ខណៈជាប្រព័ន្ធនៅរាជធានីភ្នំពេញ” មិនឆ្លុះបញ្ចាំងពីការពិត ពីព្រោះរបាយការណ៍នេះបានរកឃើញថាសហគមន៍បានរស់នៅលើដីសាធារណៈរបស់រដ្ឋ ដែលជាកត្តាមិនអាចចុះបញ្ជីជូនបាន ដូចនេះមិនមែនជាការវៀលចេញនោះទេ។ នៅក្នុងសេចក្តីប្រកាសព័ត៌មានថា ៖«វិធីសាស្ត្រ ការជ្រើសរើសសំណាកផ្តោតតែសហគមន៍ក្រីក្រដែលរស់នៅលើដីសាធារណៈរបស់រដ្ឋតែប៉ុណ្ណោះ។ ផ្អែកលើទិដ្ឋភាពច្បាប់ ដោយរបាយការណ៍រកឃើញថា សហគមន៍ក្រីក្រនោះរស់នៅលើដីសាធារណៈរបស់រដ្ឋនោះសហគមន៍ទាំងនោះពុំអាចក្លាយជាកម្មសិទ្ធិករបានទេ»។
-
គ្រួសារអ្នកភូមិតំបន់បឹងកក់ទទួលយកការដោះដូរដីដើម្បីបញ្ចប់វិវាទដីធ្លី
យ៉ាងហោចណាស់អ្នកភូមិ១៦គ្រួសារទៀតដែលបានជាប់ពាក់ព័ន្ធក្នុងវិវាទដីធ្លីដ៏ល្វីងជូរចត់ និងអូសបន្លាយជាមួយអាជ្ញាធររាជធានីជុំវិញដីស្ថិតក្នុងតំបន់បឹងកក់នោះ បានទទួលយកការដោះដូរដីរបស់លោក ប៉ា សុជាតិវង្ស អភិបាលរាជធានីភ្នំពេញកាលពីព្រឹកម្សិលមិញ។ អ្នកភូមិតំបន់បឹងកក់ប្រហែល៦៥០គ្រួសារ ត្រូវបានផ្តល់ប័ណ្ណកម្មសិទ្ធិដីធ្លីកាលពីឆ្នាំ២០១២ បន្ទាប់ពីលោកនាយករដ្ឋមន្ត្រី ហ៊ុន សែន បានអន្តរាគមន៍នៅក្នុងវិវាទដីធ្លីនោះ ដោយកាត់ដីទំហំ១២,៤៤ហិកតាចេញពីតំបន់ទំហំប្រហែល១៣០ហិកតាដែលសាលារាជធានីបានផ្តល់ទៅឲ្យលោក ឡាវ ម៉េងឃិន សមាជិកព្រឹទ្ធសភាគណបក្សប្រជាជនកម្ពុជា សម្រាប់គម្រោងអចនលទ្រព្យ ដែលមានតម្លៃថ្លៃ។
-
មន្ត្រីកងរាជអាវុធហត្ថ៦នាក់ត្រូវបញ្ជូនទៅតុលាការពាក់ព័ន្ធហិង្សាលើអ្នកបើករថយន្តដឹកស្រូវ
មន្ត្រីកងរាជអាវុធហត្ថ៦នាក់ ត្រូវមេបញ្ជាការកងរាជអាវុធហត្ថលើផ្ទៃប្រទេសសម្រេចផ្អាកមុខងារបណ្តោះអាសន្ន និងបញ្ជូនទៅតុលាការខេត្តព្រៃវែង នៅព្រឹកថ្ងៃសុក្រនេះ ពាក់ព័ន្ធហិង្សាលើអ្នកបើករថយន្តដឹកស្រូវ កាលពីជិតមួយខែមុន ។ មេបញ្ជាការរងនៃស្នងការដ្ឋានស្រាវជ្រាវ និងយុត្តិធម៌របស់កងរាជអាវុធហត្ថលេខផ្ទៃប្រទេស ស៊ិន សូផាន្នី ថ្លែងក្នុងសន្និសីទព័ត៌មាននៅព្រឹកថ្ងៃសុក្រ ទី១០ ខែមេសា នេះថា តាមការសិក្សាស្រាវជ្រាវកន្លងមករកឃើញថា មានមន្ត្រីកងរាជអាវុធហត្ថ១២នាក់ ពាក់ព័ន្ធនឹងហិង្សាលើម្ចាស់រថយន្តដឹកស្រូវ ក្នុងនោះ៧នាក់ជាកងរាជអាវុធហត្ថខេត្តត្បូងឃ្មុំ និង៥នាក់ជាកងរាជអាវុធហត្ថខេត្តព្រៃវែង ។
-
១៦ គ្រួសារនៅបឹងកក់ទទួលយកដំណោះស្រាយពីសាលារាជធានី
ពលរដ្ឋ ១៦ គ្រួសារនៃសហគមន៍បឹងកក់ ដែលរស់នៅតាមផ្លូវរថភ្លើងក្នុងភូមិ ១ សង្កាត់ស្រះចក ខណ្ឌដូនពេញ ពីម្សិលមិញបានឯកភាពទទួលយកដំណោះស្រាយបញ្ចប់វិវាទដីធ្លី ពីសាលារាជធានីភ្នំពេញហើយ ខណៈពលរដ្ឋ ៥ គ្រួសារទៀត កំពុងស្ថិតក្នុងការចរចា។ លោក ឡុង ឌីម៉ង់ មន្ត្រីនាំពាក្យសាលារាជធានីឲ្យដឹងថា នៅព្រឹកថ្ងៃម្សិលមិញនេះពលរដ្ឋមានជម្លោះដីធ្លីនៅបឹងកក់ជាង ២០ គ្រួសារ សម្រេចទទួលយកដំណោះស្រាយបញ្ចប់ជម្លោះពីសាលារាជធានីហើយ។ ក្នុងនោះ ១៦ គ្រួសារដឹកនាំដោយលោក ច័ន្ទ ពុទ្ធិស័ក្ដិ បានទទួលយកដីទំហំ ៦៤ ម៉ែត្រការ៉េ ខណៈមាន ៥ គ្រួសារដឹកនាំដោយអ្នកស្រី លី ណារី ទទួលចាប់ពី ៧២ ម៉ែត្រការ៉េទៅដល់ ២១៦ ម៉ែត្រការ៉េ។
-
ស្ត្រីបឹងកក់ ព្រះសង្ឃកម្ពុជាក្រោម និងមន្ត្រីបក្សសង្រ្គោះជាតិនឹងត្រូវដោះលែងទាំងអស់
សកម្មជនតវ៉ាដីធ្លីបឹងកក់ចំនួន១០នាក់ ព្រះសង្ឃខ្មែរកម្ពុជាក្រោមចំនួន ៣នាក់ និងលោកមាជ សុវណ្ណារ៉ា រួមទាំងមន្ត្រីគណបក្សសង្រ្គោះជាតិ ៤នាក់ទៀតនឹងត្រូវដោះលែងឲ្យមានសេរីភាព និងនៅក្រៅឃុំ នៅមុនពិធីបុណ្យចូលឆ្នាំខ្មែរខាងមុខនេះ។ នេះបើយោងតាមការបញ្ជាក់របស់លោក ជូង ជូងី មេធាវីការពារក្តីរបស់គណបក្សសង្រ្គោះជាតិបានប្រាប់ឲ្យដឹងនៅថ្ងៃសុក្រនេះ។ លោក មេធាវី បានថ្លែងថា ការដោះលែងនេះ ក៏ជាផ្នែកមួយនៃការសម្របសម្រួលផ្នែកនយោបាយនៃគណបក្សទាំងពីរ។ អ្នកទាំង ១៨ នាក់ ដែលត្រូវបានអង្គការសង្គមស៊ីវិល និងសហគមន៍អន្តរជាតិ រិះគន់និងមើលឃើញថា ជារឿងជាប់ពាក់ពន្ធនឹងនយោបាយនោះ ត្រូវបានតុលាការកាត់ទោសឲ្យជាប់ពន្ធនាគារលើករណីដាច់ឡែកពីគ្នា។
-
សកម្មជនអង្គការមាតាធម្មជាតិ និងសហគមន៍នេសាទ នៅកោះស្រឡៅ ធើ្វការតវ៉ាតាមទូកបណ្តេញសាឡង់បូមខ្សាច់
លោក សាន់ ម៉ាឡា សកម្មជនអង្គការមាតាធម្មជាតិ បានប្រាប់គេហទំព័រ CEN នៅរសៀលថ្ងៃទី១០ ខែមេសា ឆ្នាំ២០១៥ នេះថា រូបលោក រួមនឹងប្រជានេសាទនៅសហគមន៍កោះស្រឡៅ ជាង ៥០នាក់ កំពុងធើ្វការតវ៉ាតាមទូកបណ្តេញសាឡង់បូមខ្សាច់របស់ក្រុមហ៊ុនវៀតណាម និងចិន ឲ្យចេញពីតបន់នោះ។ លោក ម៉ាឡា បាននិយាយថា ការបូមខ្សាច់នេះ កន្លងមកក៏ដូចជាបច្ចុប្បន្នបានបង្កឲ្យមានការបាក់ដី រលំផ្ទះ ជាពិសេសធើ្វឲ្យមានការប៉ះពាល់យ៉ាងខ្លាំងដល់មុខរបរនេសាទរបស់ប្រជាពលរដ្ឋ រួចអាជ្ញាធរពុំដែលរកដំណោះស្រាយជូនទេ ដូចនេះ ពួកគាត់បានសម្រេចចិត្តនាំគ្នាចេញមកមកតវ៉ា ដើម្បីបណ្តេញសាឡង់បូមខ្សាច់ទាំងនោះ ឲ្យចេញឆ្ងាយពីភូមិឃុំរបស់ពួកគាត់។
-
លោក សម រង្ស៊ី អំពាវនាវឲ្យសមាជិកគជបថ្មីធ្វើការងារមិនក្រោមឥទ្ធិពលគណបក្សនយោបាយ
ប្រធានគណបក្សសង្រ្គោះជាតិ លោក សម រង្ស៊ី បានអំពាវនាវឲ្យសមាជិកគណៈកម្មាធិការជាតិរៀបចំការបោះឆ្នោត(គជប)ថ្មី ដែលគណបក្សសង្រ្គោះជាតិបានជ្រើសរើសដាក់ទៅរដ្ឋសភាបោះឆ្នោតផ្តល់សេចក្តីទុកចិត្ត ត្រូវធ្វើការឈរលើគោលការណ៍អព្យាក្រឹតភាព ឯករាជ្យ ដោយមិនស្ថិតនៅក្រោមឥទ្ធិពលគណបក្សនយោបាយណាមួយ។ នៅព្រឹកថ្ងៃព្រហស្បតិ៍នេះ រដ្ឋសភានឹងបើកសម័យប្រជុំពេញអង្គមួយ ដើម្បីបោះឆ្នោតផ្តល់សេចក្តីទុកចិត្តដល់សមាជិកគណៈកម្មាធិការជាតិរៀបចំការបោះឆ្នោត(គជប)ថ្មី ដែលគណបក្សនយោបាយទាំងពីរបានដាក់ទៅគណៈកម្មាធិការអចិន្រ្តៃយ៍។ សមាសភាពបេក្ខជន គ.ជ.ប ដែលគណបក្សប្រជាជនកម្ពុជាដាក់ទៅរដ្ឋសភា រួមមាន លោក ស៊ិក ប៊ុនហុក ជាប្រធាន លោក មាន សទិ លោក ឌុច សុន និង លោក ឯម សូផាត ជាសមាជិក។ ចំណែកលិខិតរបស់គណបក្សសង្គ្រោះជាតិ មិនបានបង្ហាញពីបេក្ខភាពប្រធានគជបថ្មីនេះទេ ដោយគ្រាន់ឲ្យដឹងថា សមាសភាព គជប ថ្មី រួមមាន លោក គួយ ប៊ុនរឿន លោក រ៉ុង ឈុន លោក ហ៊ីង ធីឫទ្ធិ និង លោកស្រី តែ ម៉ានីរ៉ុង។
-
រដ្ឋសភាអនុម័តគាំទ្រសមាសភាពបេក្ខជន គ.ជ.ប ៩រូប
រដ្ឋសភា នៅព្រឹកថ្ងៃទី៩ មេសា អនុម័តគាំទ្រសមាសភាពបេក្ខជន គ.ជ.ប ៩រូប ដោយសំឡេង ១១៣ លើ ១១៧សំឡេង ២សំឡេងអនុបវាទ ១សំឡេងមិនគាំទ្រ និង១សំឡេងមោឃៈ។ បេក្ខជនមកពីគណបក្សប្រជាជនកម្ពុជា លោក ស៊ិក ប៊ុនហុក ត្រូវបានជ្រើសរើសធ្វើជាប្រធាន គ.ជ.ប និងលោក គួយ ប៊ុនរឿន មកពីគណបក្សសង្គ្រោះជាតិ ជាអនុប្រធាន។ ចំណែកឯអ្នក ៧នាក់អ្នកផ្សេងទៀត គឺជាសមាជិក។
-
តំណាងពលរដ្ឋស្រុកឆ្លូង២នាក់ដែលតវ៉ារឿងអាជ្ញាធរដុតឈូសឆាយផ្ទះត្រូវនាំខ្លួនទៅតុលាការ
ពលរដ្ឋ២នាក់ តំណាងពលរដ្ឋ៣១គ្រួសារ ដែលត្រូវកម្លាំងចម្រុះខេត្តក្រចេះចុះដុតផ្ទះ និងឈូសឆាយដីដំណាំកាលពីម្សិលមិញ នឹងត្រូវបញ្ជូនទៅតុលាការដើម្បីសាកសួរនៅល្ងាចថ្ងៃទី៩ មេសា។ ទាក់ទងនឹងការបញ្ជូនអ្នកទាំងពីរនាក់ ទៅតុលាការនៅពេលនេះ មិនមានមន្ត្រីប៉ូលិសអធិការដ្ឋានកម្រិតស្រាលស្រុកធ្លូងណា ផ្ដល់ពីមូលហេតុដែលអាជ្ញាធរចាប់ខ្លួនអ្នកទាំងពីរឃុំខ្លួន និងបញ្ជូនទៅសាកសួរនៅតុលាការឡើយ។
-
សមត្ថកិច្ចបង្ក្រាបវៀតណាមចូលមកតាំងសមាធិ
កងកម្លាំងចម្រុះ កាលពីម្សិលមិញបានចុះបង្ក្រាបបណ្តេញលោកសង្ឃជនជាតិវៀតណាម ៧ អង្គ និងឧបាសក បី នាក់ ព្រមទាំងធ្វើការដុតបំផ្លាញចោលអាស្រម ដែលធ្វើដើម្បីតាំងសមាធិខុសច្បាប់ នៅលើកោះកុងក្រៅ ស្ថិតត្រង់ចំណុចចម្ការដូងទី ៤ ក្នុងឃុំកាពិ ស្រុកកោះកុងដែលមានចម្ងាយប្រមាណជា ២០ គីឡូម៉ែត្រពីទីរួមខេត្ដកោះកុង។ លោក សំឃិត វៀន ស្នងការនគរបាលខេត្តកោះកុង បានឲ្យដឹងថា កងកម្លាំងចម្រុះ ដែលចុះទៅបង្ក្រាប ដឹកនាំដោយលោកនាយឧត្ដមនាវី ទៀ វិញ អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងទឹក សហការ ជាមួយកម្លាំងនគរបាល និងមន្ត្រីធម្មការ និងសាសនាមន្ត្រីបរិស្ថាន កាលពីរសៀលថ្ងៃម្សិលមិញបានចុះទៅដុតបំផ្លាញចោលអាស្រមរបស់ជនជាតិវៀតណាម មានដូចជា រូបសំណាកព្រះនាងគង់ស៊ីអ៊ីម កម្ពស់ ៨ ម៉ែត្រ និងកន្លែងបោះតង់ស្នាក់នៅ។
-
សភាបោះឆ្នោតហើយ ឲ្យលោកស៊ិក ប៊ុនហុក ធ្វើប្រធាននិងគួយប៊ុនរឿន ធ្វើអនុប្រធានគណៈកម្មាធិការជាតិរៀបចំការបោះឆ្នោត
ទីបំផុត លោក ស៊ិក ប៊ុនហុក ដែលមានជំនាញច្បាប់និងការបោះឆ្នោត ត្រូវបានជ្រើស រើសជាប្រធាននៃគណៈកម្មាធិការជាតិរៀបចំការបោះឆ្នោត។ ចំណែក លោក គួយ ប៊ុនរឿន ត្រូវបានបោះឆ្នោតជាអនុប្រធានគណៈកម្មាធិការជាតិរៀបចំការបោះឆ្នោត។ លោក ស៊ិក ប៊ុនហុក ត្រូវបានគេដឹងថា ធ្លាប់ធ្វើជាទីប្រឹក្សារបស់លោកតា ឆេង ផុន អតីតប្រធានគណៈកម្មាធិការជាតិរៀបចំការបោះឆ្នោត។ ដូច្នេះ លោកមានបទពិសោធន៍ច្រើនស្រាប់លើការងាររៀបចំការបោះឆ្នោតនេះ។ - See more at: http://www.cen.com.kh/local/01974632#sthash.Mb6xmMKw.gGUD1hXL.dpuf
-
រដ្ឋសភាបោះឆ្នោតឲ្យប្រធាន គ.ជ.ប ទៅCPP និងអនុប្រធានទៅCNRP
រដ្ឋសភា នៅព្រឹកថ្ងៃព្រហស្បតិ៍នេះ បានបោះឆ្នោតផ្តល់សេចក្តីទុកចិត្តដល់លោក ស៊ិក ប៊ុនហុក មកពីគណបក្សប្រជាជនកម្ពុជាឲ្យក្លាយជាប្រធានគណៈកម្មាធិការជាតិរៀបចំការបោះឆ្នោត(គ.ជ.ប)ថ្មី និងលោក គួយ ប៊ុនរឿន មកពីគណបក្សសង្រ្គោះជាតិ ជាអនុប្រធាន គ.ជ.ប តាមការរៀបចំរបស់គណបក្សទាំងពីរ ។ នៅព្រឹកថ្ងៃព្រហស្បតិ៍នេះ រដ្ឋសភាបានបើកសម័យប្រជុំពេញអង្គមួយ ដើម្បីបោះឆ្នោតផ្តល់សេចក្តីទុកចិត្តដល់សមាជិកគណៈកម្មាធិការជាតិរៀបចំការបោះឆ្នោត(គ.ជ.ប)ថ្មី ដែលគណបក្សនយោបាយទាំងពីរបានដាក់ទៅគណៈកម្មាធិការអចិន្រ្តៃយ៍ ។ សមាសភាពបេក្ខជន គ.ជ.ប ដែលគណបក្សប្រជាជនកម្ពុជាដាក់ទៅរដ្ឋសភា រួមមាន លោក ស៊ិក ប៊ុនហុក លោក មាន សទិ លោក ឌុច សុន និង លោក ឯម សូផាត ជាសមាជិក ។ ចំណែកបេក្ខភាពពីគណបក្សសង្រ្គោះជាតិ រួមមាន លោក គួយ ប៊ុនរឿន លោក រ៉ុង ឈុន លោក ហ៊ីង ធីឫទ្ធិ និង លោកស្រី តែ ម៉ានីរ៉ុង ។ គណបក្សទាំងពីរបានយល់ព្រមថាបេក្ខជនទី៩ គឺលោក ហង្ស ពុទ្ធា៕
គាំទ្រដោយ
