កំពុងស្វែងរកទិន្នន័យ
រកឃើញ: 12.457
-
ពលរដ្ឋមានបញ្ហាដីធ្លីនៅខេត្តកោះកុងសុំអន្តរាគមន៍ពីក្រសួងយុត្តិធម៌
អ្នកមានជម្លោះដីធ្លីមកពីខេត្តកោះកុង នៅព្រឹកថ្ងៃសុក្រនេះ ស្រែកយំអង្វរករសុំអន្តរាគមន៍នៅមុខក្រសួងយុត្តិធម៌ជាថ្មីទៀត ឲ្យការពារប្រជាពលរដ្ឋស្លូតត្រង់តាមរដ្ឋធម្មនុញ្ញ ។ ប្រជាពលរដ្ឋចំនួន១៥គ្រួសារមកពីឃុំជីខក្រោម ស្រុកស្រែអំបិល និងឃុំកណ្ដោល ស្រុកបទុមសាគរ ខេត្តកោះកុង ដោយមានវេចបាយកញ្ចប់ និងអំបិលបុកមកជាមួយផងនៅថ្ងៃទី២០ ខែមីនានេះ បានប្រមូលផ្ដុំគ្នាជាថ្មីទៀតនៅមុខក្រសួងយុត្តិធម៌ បន្ទាប់ពីពួកគេរកអន្តរាគមន៍ជាច្រើនដង តែមិនបានលទ្ធផល ករណីដែលពួកគេអះអាងថា មានជម្លោះដីធ្លីជាមួយក្រុមហ៊ុនហេង ហ៊ុយ ។
-
ប្រជាពលរដ្ឋ សហគមន៍បុរីកីឡា ២៥ គ្រួសារ ចុងក្រោយ ទទួលបានផ្ទះនៅបុរីកីឡា
ប្រជាពលរដ្ឋ សហគមន៍បុរីកីឡា ចំនួនជាង ១៥៤ គ្រួសារ ដែលនៅសេសសល់ចុង ក្រោយ បានទទួលការដោះស្រាយ ដោយទទួលបានសំណងសមរម្យ ក្នុងនោះ ២៥ គ្រួសារទទួលបានផ្ទះ នៅបុរីកីឡា រីឯ ៨៩ គ្រួសារ ទទួលបានផ្ទះនៅកន្លែងសមរម្យមួយ ក្នុងរាជធានីភ្នំពេញ និង ៤០ គ្រួសារទៀត នឹងទទួលការដោះស្រាយ របៀបគោល នយោបាយពីរដ្ឋ។ - See more at: http://www.cen.com.kh/local/13573839#sthash.4iESr4et.rAEVvMag.dpuf
-
ក្មេងស្រីដែលលក់ដូរនៅអង្គរវត្តនៅតែមានការលំបាកក្នុងការសិក្សា
ប៉ុន្មានម៉ោងមុនពេលលោកស្រី Michelle Obama អញ្ចើញមកដល់ខេត្តសៀមរាបដែលជាខេត្តទេសចរណ៍ដ៏សំខាន់របស់ប្រទេសកម្ពុជា កម្ពុជាមានការមមាញឹកក្នុងការចាប់ផ្តើមប្រកបការងារផ្ទាល់ខ្លួនរៀងៗខ្លួនជាធម្មតា។ ព្រះសង្ឃនៅតាមវត្តអារាមមានការសូត្រមន្តប្រតិបត្តិ កសិករចេញធ្វើស្រែចម្ការ និងសិស្សានុសិស្សធ្វើដំណើរទៅកាន់សាលារៀនរៀងៗខ្លួន។
-
ពលរដ្ឋតវ៉ាប្រឆាំងនឹងការអនុញ្ញាតឲ្យឈ្មួញកាប់ឈើ
ពលរដ្ឋជាង ១០០ នាក់បានធ្វើការតវ៉ា និងដាក់ញតិ្តទៅរដ្ឋបាលព្រៃឈើ ខេត្តព្រះវិហារ ដើម្បីទាមទារឲ្យបញ្ឈប់សិប្បកម្មឈើ ដែលកំពុងទិញ និងជួលកម្មករឲ្យកាប់ឈើខុសច្បាប់ក្នុងព្រៃព្រះរកា ប្រមាណជា ៥ឆ្នាំ មកហើយ។ ប្រជាពលរដ្ឋទាំងនេះមកពី ភូមិពោធិ៍ទាប ១៤២ គ្រួសារ ក្នុង ឃុំម្លូព្រៃ ១ ស្រុកឆែប បាននាំគ្នាជិះគោយន្តជាង ១០ គ្រឿងធ្វើដំណើរសំដៅទៅខណ្ឌរដ្ឋបាលព្រៃឈើ ខេត្តព្រះវិហារ កាលពីព្រឹកម្សិលមិញ ដើម្បីទាមទារឲ្យលុបបំបាត់សិប្បកម្មឈើមួយរបស់លោក ស គិប និងបង្ក្រាបបទល្មើសព្រៃឈើក្នុងព្រៃព្រះរកា។ នេះបើតាមលោក ឡោ ចាន់ អ្នកសម្របសម្រួលអង្គការអាដហុកខេត្តព្រះវិហារ ដែលបានតាមដានការតវ៉ានេះ។
-
សភាកម្ពុជាបានអនុម័តច្បាប់បោះឆ្នោតដ៏ចម្រូងចម្រាស
សភាកម្ពុជាបានអនុម័តជាឯកច្ឆន្ទនូវច្បាប់បោះឆ្នោតដ៏ចម្រូងចម្រាសចំនួន២បន្ទាប់ពីការចរចាអស់រយៈពេលជាច្រើនខែរវាងគណបក្សកាន់អំណាចនិងគណបក្សប្រឆាំង។ គណបក្សប្រជាជនកម្ពុជាដែលជាគណបក្សកាន់អំណាចហើយនឹងគណបក្សសង្គ្រោះជាតិដែលជាគណបក្សប្រឆាំង បានសាទរច្បាប់ទាំង២ថា ជាលទ្ធផលប្រកបដោយជោគជ័យបន្ទាប់ពីការចរចាដែលជារឿយៗមានការតឹងតែងអស់រយៈពេលជាច្រើនខែក្រោយការបោះឆ្នោតជាតិឆ្នាំ២០១៣ ដែលជាការបោះឆ្នោតមួយដែលគណបក្សប្រឆាំងបានខិតជិតជ័យជម្នះហើយដែលគណបក្សប្រឆាំងបានអះអាងថា ការបោះឆ្នោតនោះមានការលួចបន្លំ។
-
ធនាគារពិភពលោករងការរិះគន់ក្នុងរបាយការណ៍សិទ្ធិមនុស្ស
បន្ទាប់ពីទទួលស្គាល់ថាមាន «បញ្ហាធំ» ជាមួយគម្រោងផ្តល់ការតាំងលំនៅឋានថ្មី កាលដើមខែនេះ ធនាគារពិភពលោក បានទទួលរងការរិះគន់ ពីប្រជាជនតំបន់បឹងកក់ នៅក្នុងរបាយការណ៍ថ្មីមួយពីក្រុមសិទ្ធិមនុស្ស។ របាយការណ៍របស់គម្រោងគណនេយ្យភាពអន្តរជាតិ (IAP) ដែលមានចំណងជើងថា «ត្រឡប់ទៅរកការអភិវឌ្ឍ» រួមបញ្ចូលលទ្ធផលនៃការសម្ភាសជាមួយប្រជាជនបឹងកក់ ១០០ នាក់ដែលត្រូវបានបណ្តេញចេញពីលំនៅឋាន ដែលពួកគេភាគច្រើនបំផុត មិនពេញចិត្តយ៉ាងខ្លាំងចំពោះទស្សនៈនៃការអភិវឌ្ឍរបស់ធនាគារនេះ។
-
គោលនយោបាយសម្បទានដីសេដ្ឋកិច្ចរបស់រដ្ឋាភិបាលធ្វើឲ្យបាត់បង់ដីធ្លីជនជាតិដើមភាគតិច
ខេត្តរតនគីរី—ទោះបីជាធ្លាប់បានឆ្លងកាត់សង្រ្គាមអស់ជាច្រើនជំនាន់ក៏ដោយ ក៏លោកសឿង សារ៉ាត់មិនដែលរងគ្រោះរហូតដល់ពិការអវយវៈណាមួយឡើយ។ ទើបតែមកដល់ពេលស្រុកអស់សង្គ្រាម លោកបែរជាក្លាយខ្លួនជាជនពិការដោយសារគ្រាប់កាំភ្លើងទៅវិញ។ បុរសជនជាតិទំពួន ដែលបច្ចុប្បន្នរស់នៅក្នុងតំបន់ព្រៃនៃស្រុកអណ្តូងមាស ខេត្តរតនគីរីរូបនេះ អះអាងថា លោកដាច់ជើងម្ខាងនេះនៅឆ្នាំ២០០៩ ដោយសារជម្លោះដីធ្លីជាមួយក្រុមហ៊ុនដីសម្បទានសេដ្ឋកិច្ចមួយនៅក្នុងខេត្តនេះ។
-
អង្គការតម្លាភាពកម្ពុជា៖ យុវជនមិនសូវយល់ដឹង ឬយល់ដឹងតិចតួច ពីច្បាប់និងបទបញ្ញត្តិក្នុងការប្រឆាំងអំពើពុករលួយ
របាយការណ៍របស់អង្គការតម្លាភាពកម្ពុជា ដែលទើបតែចេញផ្សាយក្នុងសប្ដាហ៍នេះ បានបង្ហាញថា ៩៩ភាគរយនៃយុវជនដែលត្រូវបានស្ទង់មតិ ឯកភាពថា អំពើពុករលួយជាឧបសគ្គដ៏ធំមួយ ដល់ការអភិវឌ្ឍជាតិ។ ប៉ុន្តែជាមួយគ្នានេះដែរ យុវជនម្នាក់ក្នុងចំណោម២នាក់ គឺធ្លាប់បានឆ្លងកាត់អំពើពុករលួយនៅក្នុងការសុំឯកសារ និងនៅក្នុងសាលា។ បើផ្អែកតាមរបាយការណ៍ដដែល យុវជនខ្មែរមិនសូវយល់ដឹង ឬយល់ដឹងតិចតួចបំផុត អំពីច្បាប់និងបទបញ្ញត្តិរបស់រដ្ឋាភិបាល ក្នុងការលើកស្ទួយសុចរិតភាព និងបង្ការអំពើពុករលួយ។
-
អាជ្ញាធរក្រុងព្រះសីហនុចុះរុះរើផ្ទះពលរដ្ឋជិត៥០គ្រួសារ
កម្លាំងអាជ្ញាធរចម្រុះជាង ១០០នាក់ កាលពីថ្ងៃម្សិលមិញ បានបន្តរុះរើលំនៅដ្ឋានពលរដ្ឋជិត ៥០ គ្រួសារដែលនៅសេសសល់ ក្នុងចំណោមផ្ទះ ១៤៩ គ្រួសារនៅសហគមន៍អូរដំរី ស្រុកស្ទឹងហាវ ទៅតាមសាលដីការបស់សាលាដំបូងខេត្ត ដែលការអនុវត្តនេះ ត្រូវបានប្រជាពលរដ្ឋអះអាងថា ធ្វើខុសទីតាំងដី។ តំណាងពលរដ្ឋសហគមន៍អូរដំរី លោក ម៉ន ស៊ីណា បានឲ្យដឹងថា ការចុះអនុវត្តសាលក្រមរបស់តុលាការ ពីសំណាក់អាជ្ញាធរនេះ គឺពុំបានជូនដំណឹងដល់ប្រជាពលរដ្ឋជាមុនទេ ព្រមទាំងបានធ្វើខុសទីតាំងដីដែលមានជម្លោះ។
-
ពលរដ្ឋប៉ះពាល់ពីទំបន់វារីអគ្គិសនីសេសានក្រោម២ អំពាវនាវជាថ្មីឲ្យផ្អាកគម្រោងនោះ
ប្រជាសហគមន៍ដែលរងផលប៉ះពាល់ពីគម្រោងអភិវឌ្ឍន៍វារីអគ្គិសនីសេសានក្រោម២ នៅខេត្តស្ទឹងត្រែង អំពាវនាវជាថ្មីទៀតឲ្យរដ្ឋាភិបាលផ្អាកការសង់ទំនប់វារីអគ្គិសនីនេះ ខណៈគម្រោងនោះធ្វើឲ្យប៉ះពាល់ដល់ប្រជាពលរដ្ឋចំននួន៣ឃុំ ។ ឃុំដែលរងការប៉ះពាល់ទាំងនោះរួមមាន ឃុំស្រែគរ ឃុំភ្លុក និងឃុំក្បាលរមាស ។ ការអំពាវនាវនេះធ្វើឡើងនៅថ្ងៃសុក្រនេះ ដែលផ្សព្វផ្សាយភាពយន្តឯកសារចំនួន២០នាទីស្តីពី ”ទំបន់វារីអគ្គិសនីនៅកម្ពុជា និងបញ្ហាប្រឈមនាពេលបច្ចុប្បន្ន និងទំបន់វារីអគ្គិសនីសេសានក្រោមពីរ” ។ ភាពយន្តនោះបង្ហាញពីភាពឈឺចាប់ របៀបតស៊ូមតិរបស់ប្រជាពលរដ្ឋ និងឆ្លុះបញ្ចាំងផលប៉ះពាល់របស់ក្រុមហ៊ុនចិន ដែលសង់ទំបន់វារីអគ្គិសនីនៅតំបន់នោះជាដើម ។
-
សហគមន៍ដីធ្លីគ្រោងជួបជុំមុខទូតអាមេរិកស្នើលោកស្រី មីហ្សែល អន្តរាគមន៍រដោះលែងស្រី្ត១១នាក់
ប្រជាសហគមន៍មានជម្លោះដីធ្លីគ្រោងប្រមូលផ្តុំគ្នាមុខស្ថានទូតអាមេរិក នៅព្រឹកស្អែក ដើម្បីស្វែងរកអន្តរាគមន៍ពីភរិយាប្រធានាធិបតីសហរដ្ឋអាមេរិក លោកស្រី មីហ្សែល អូបាម៉ា ជំរុញឲ្យមានការដោះលែងស្ត្រីសកម្មជនដីធ្លី១១នាក់ ដែលកំពុងជាប់ឃុំនៅពន្ធនាគារព្រៃស ។ តំណាងសហគមន៍បឹងកក់អ្នកស្រី បូវ សោភា បានឲ្យដឹងថា នៅម៉ោង៨ព្រឹកស្អែក ប្រជាពលរដ្ឋពី១០០ទៅ២០០នាក់ មកពីសហគមន៍បឹងកក់ សហគមន៍SOS បុរីកីឡា និងផ្លូងរទេះភ្លើង នឹងប្រមូលផ្តុំគ្នានៅមុខស្ថានទូតអាមេរិក ដើម្បីសាកសួរពីលទ្ធផលនៃការដាក់ញត្តិកន្លងមក បានដល់ដៃលោកស្រី មីហ្សែល អូបាម៉ា ដែរឬទេ ។ អ្នកស្រីអះអាងថា មន្ត្រីស្ថានទូតអាមេរិកដែលចេញមកទទួលយកញត្តិ បានសន្យាថានឹងបញ្ជូនញត្តិនោះទៅលោកស្រី មីហ្សែល អូបាម៉ា ឲ្យបានដឹងពីបញ្ហានេះ ។
-
ប្រជាសហគមន៍បុរីកីឡាមិនពេញចិត្តដំណោះស្រាយបឋមរបស់សាលារាជធានី
ប្រជាពលរដ្ឋមានទំនាស់ដីធ្លីក្នុងសហគមន៍បុរីឡា ដែលបានធ្វើការតវ៉ាអស់រយៈពេលជាង៣ឆ្នាំមកហើយនោះ បានបង្ហាញការមិនពេញចិត្តទៅនឹងដំណោះស្រាយបឋមរបស់សាលារាជធានីភ្នំពេញ ដោយពួកគេយល់ថា ដំណោះស្រាយនេះនៅមិនទាន់ស្មើភាព និងយុត្តិធម៌គ្រប់គ្រាន់សម្រាប់ប្រជាពលរដ្ឋគ្រប់គ្នា ។ នៅព្រឹកថ្ងៃសុក្រនេះ សាលារាជធានីភ្នំពេញ បានប្រកាសពីលទ្ធផលនៃដំណោះស្រាយសម្រាប់ប្រជាពលរដ្ឋដែលនៅសេសសល់ក្នុងសហគមន៍បុរីកីឡា ដោយបានបិទផ្សាយបញ្ជីឈ្មោះប្រជាពលរដ្ឋ១៥៤គ្រួសារ ដែលត្រូវទទួលបានសំណង ។
-
កម្មកររោងចក្រនៅខណ្ឌដង្កោបាតុកម្មទាមទារឲ្យរោងចក្រគោរពតាមកិច្ចព្រមព្រៀងជាមួយកម្មករ
កម្មករនៅរោងចក្រកាត់ដេរសម្លៀកបំពាក់ GRCA ក្នុងខណ្ឌដង្កោ នៅព្រឹកថ្ងៃសុក្រនេះបាតុកម្មទាមទារឲ្យរោងចក្រគោរពតាមកិច្ចព្រមព្រៀងដែលបានភាគីរោងចក្របានយល់ព្រមជាមួយកម្មករកាលពីចុងឆ្នាំ២០១៤ ពាក់ព័ន្ធនឹងការសុំច្បាប់ និងទាមទារលក្ខខណ្ឌការងារមួយចំនួន ។ ប្រធានសហជីពមូលដ្ឋាននៃសហព័ន្ធសហជីពការពារសិទ្ធិកម្មលោក ពេន សាវីត បានឲ្យVODដឹងថា កាលពីថ្ងៃទី១០ ខែកក្កដា ឆ្នាំ២០១៤ ភាគីរោងចក្របានព្រមព្រៀងជាមួយកម្មករលើចំណុចមួយចំនួនដែលក្នុងនោះ បានអនុញ្ញាតឲ្យកម្មករណាដែលមិនបានមកធ្វើការ អាចផ្ដល់ព័ត៌មានតាមមិត្តរួមក្រុមរបស់គេទៅផ្នែករដ្ឋបាលដឹងឮ ហើយពេលកម្មករធ្វើបាតុកម្ម មិនត្រូវកាត់លុយកម្មករ ។ លោកថា ក្នុងការអនុវត្តជាក់ស្ដែង រោងចក្រទាមទារឲ្យកម្មករត្រូវមកសុំច្បាប់ដោយផ្ទាល់ ហើយពេលខ្លះភាគីរោងចក្រហាក់មិនចង់អនុញ្ញាតច្បាប់ឲ្យ ដោយត្រូវឆ្លងកាត់តាមបែបបទរដ្ឋបាលស្មុគស្មាញច្រើន ។
-
រដ្ឋមន្ត្រីការបរទេស សំណូមពរ យូនីសេហ្វ ឲ្យជួយកុមារមានផ្ទុក មេរោគអេដស៍នៅភូមិរកាf
ខណៈជួបពិភាក្សាការងារនៅថ្ងៃទី២០ ខែមីនា ឆ្នាំ២០១៥នេះ នៅទីស្តីការក្រសួងការ បរទេស ជាមួយលោក ស្រីរ៉ាណា ហ្វ្ល័វើស៍ (Rana Flowers) តំណាងអង្គការយូនីសេហ្វ (UNICEF) ប្រចាំនៅកម្ពុជា លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួង ការបរទេស និងសហប្រតិបត្តិការអន្តរជាតិ បានសំណូមពរចំពោះ អង្គការយូនីសេហ្វ ឲ្យជួយកុមារ ដែលមានផ្ទុកមេរោគអេដស៍ នៅភូមិរកា។
-
សភាខ្មែរអនុម័តសេចក្តីព្រាងច្បាប់រៀបចំការបោះឆ្នោត
រដ្ឋសភានៃគណបក្សប្រជាជនកម្ពុជា និងគណបក្សសង្គ្រោះជាតិបានអនុម័តជាឯកឆន្ទនូវសេចក្តីស្នើច្បាប់ដ៏ចម្រូងចម្រាស់ចំនួនពីរនៅថ្ងៃព្រហស្បតិ៍នេះ ដែលមន្ត្រីនៃគណបក្សទាំងពីររំពឹងថា សេចក្តីព្រាងច្បាប់នេះនឹងជួយសម្រួលដល់ការរៀបចំការបោះឆ្នោតនាពេលខាងមុខ។
-
សាលារាជធានី ភ្នំពេញបង្ហាញ លទ្ធផលនៃដំណោះ ស្រាយជូនសហគមន៍ បុរីកីឡាចំនួន ១៥៤គ្រួសារ
តំណាងសាលារាជធានីភ្នំពេញ ដែលបានទទួលស្គាល់ បញ្ហាដីធ្លី របស់សហគមន៍ បុរីកីឡា ជាជំងឺរាំរ៉ៃនោះនៅថ្ងៃសុក្រទី២០ ខែមីនា ឆ្នាំ២០១៥នេះបាន បង្ហាញលទ្ធផល នៃដំណោះស្រាយ សម្រាប់ សហគមន៍ បុរីកីឡា១៥៤គ្រួសារ។ នៅក្នុងសន្និសីទកាសែត នៅព្រឹកថ្ងៃសុក្រនេះ ស្ដីពីស្ថានការវិវត្តន៍ ចុងក្រោយ នៃដំណោះស្រាយ សម្រាប់ប្រជាពលរដ្ឋ ដែលនៅសេសសល់ ក្នុងសហគមន៍បុរីកីឡា១៥៤គ្រួសារ លោក មាន ចាន់យ៉ាដា នាយក រដ្ឋបាលសាលា រាជធានីភ្នំពេញលើកឡើងថា នៅឆ្នាំ២០០៣សហគមន៍ ចំនួន៨របស់អ្នក បុរីកីឡាមាន ប្រជាពលរដ្ឋរស់ នៅចំនួន១៧៧៦គ្រួសារ។
-
Human Rights Watch ជម្រុញឲ្យរដ្ឋាភិបាលពង្រឹងការអនុវត្តច្បាប់ស្តីពីសិទ្ធិការងារ
អង្គការឃ្លាំមើលសិទ្ធិមនុស្សអន្តរជាតិ (Human Rights Watch) ជំរុញឲ្យរដ្ឋាភិបាលពង្រឹងការអនុវត្តច្បាប់ស្តីពីសិទ្ធិការងារ ដើម្បីទប់ស្តាត់ការរំលោភបំពានសិទ្ធិកម្មករនៅក្នុងវិស័យឧស្សាហកម្មកាត់ដេរ ។ សេចក្តីប្រកាសព័ត៌មានរបស់អង្គការឃ្លាំមើលសិទ្ធិមនុស្សចេញផ្សាយពីទីក្រុងញូយ៉កនៅថ្ងៃនេះ ឲ្យដឹងថាកាលពីថ្ងៃទី១៧ ខែមីនា អង្គការអន្តរជាតិមួយនេះបានផ្ញើលិខិតមួយច្បាប់ទៅលោកនាយករដ្ឋមន្ត្រី ហ៊ុន សែន ជាការឆ្លើយតបនឹងលិខិតរបស់ក្រសួងការងារដែលបានច្រានចោលរបាយការណ៍របស់អង្គការឃ្លាំមើលសិទ្ធិមនុស្សស្ដីពីការរំលោភសិទ្ធិការងារ ។ នៅក្នុងខែមីនានេះ អង្គការឃ្លាំមើលសិទ្ធិមនុស្សបានចេញរបាយការណ៍ស្ដីពីការរំលោភសិទ្ធិការងារ ដែលមានចំណងជើងថា Work Faster or Get Out ។ របាយការណ៍កម្រាស់១៤៦ទំព័រនេះបានសរសេរថា រោងចក្រកាត់ដេរនៅកម្ពុជាជារឿយៗបានរើសអើង និងកេងប្រវ័ញ្ចចំពោះលក្ខខណ្ឌការងាររបស់កម្មរ ។ កម្មករភាគច្រើនបានទទួលកិច្ចសន្យាការងារមានថិរវេលាកំណត់ ដែលជាហេតុធ្វើឲ្យពួគាត់ងាយរងគ្រោះពីការបណ្តេញចេញ ។
-
សង្គមស៊ីវិលសុំឱ្យលុបចោលមាត្រាដែលរិតត្បិតសិទ្ធិនិងសេរីភាព
រយៈពេលមួយថ្ងៃមុនពេលដែលសមាជិកសភាទាំង១២៣រូបមកពីគណបក្សសង្គ្រោះជាតិ និង គណបក្សប្រជាជនកម្ពុជាគ្រោងនឹងយកសេចក្តីព្រាងច្បាប់ចំនួនពីរ គឺសេចក្តីព្រាងច្បាប់ស្តីពីការបោះឆ្នោតជ្រើសតាំងតំណាងរាស្ត្រនិងសេចក្តីព្រាងច្បាប់ស្តីការរៀបចំការប្រព្រឹត្តិទៅនៃគណៈកម្មាធិការជាតិ រៀបចំការបោះឆ្នោតយកមកអនុម័តនោះអង្គការសង្គមស៊ីវិលដែលតាមដានឃ្លាំមើលដំណើរការបោះឆ្នោតនៅកម្ពុជាបានទាមទារឱ្យគណបក្សទាំងពីរលុបចោលបទប្បញ្ញត្តិមួយចំនួននៃមាត្រា ៨៤ ១៣៧ ១៤៨ ១៥៩ និង ១៦០ នៃសេចក្តីព្រាងច្បាប់ស្តីពីវិសោធនកម្មច្បាប់ស្តីពីការបោះឆ្នោតជ្រើសតាំងតំណាងរាស្ត្រ លើប្បញ្ញត្តិដែលចែងពីការដាក់ទោសពិន័យទៅលើសិទ្ធិចូលរួមសកម្មក្នុងជីវភាពនយោបាយនិងសេរីភាពបញ្ចេញមតិរបស់ សមាគម និង អង្គការសង្គមស៊ីវិលមិនមែនរដ្ឋាភិបាល។
-
ជម្លោះដីធ្លីនៅសហគមន៍បុរីកីឡាក្រុងភ្នំពេញអាចនឹងបិទបញ្ចប់
ថ្ងៃនេះ ប្រជាសហគមន៍បុរីកីឡាក្រុងភ្នំពេញ និងក្រុមការងារពិសេសសិទ្ធិលំនៅដ្ឋាន ប្រជុំគ្នាដើម្បីត្រៀមធ្វើសន្និសីទសារព័ត៌មាននៅថ្ងៃស្អែក ជាមួយសាលារាជធានីភ្នំពេញ ទាក់ទងនឹងដំណោះស្រាយជម្លោះដីធ្លីរបស់ពួកគេ។ លទ្ធផលបឋមនៃដំណោះស្រាយដែលនឹងត្រូវបទផ្សាយនៅថ្ងៃស្អែកដែរនោះ ទំនងអាចបិទបញ្ចប់ជម្លោះដីធ្លីរ៉ាំរ៉ៃរបស់សហគមន៍បុរីកីឡានៅកណ្តាលរាជធានីភ្នំពេញ។
-
កម្លាំងចម្រុះខេត្តព្រះសីហនុចុះរុះរើផ្ទះពលរដ្ឋជិត១៥០គ្រួសារក្នុងសហគមន៍អូដំរី
កងកម្លាំងចម្រុះជាង១០០នាក់ បានចុះរុះរើផ្ទះសម្បែងប្រជាពលរដ្ឋចំនួន១៤៩គ្រួសារនៅសហគមន៍អូដំរី ស្រុកស្ទឹងហាវ ខេត្តព្រះសីហនុ នៅព្រឹកថ្ងៃទី១៩ មីនា តាមសាលដីកាអនុវត្តរបស់តុលាការ។ បន្ទាប់ពីសមត្ថកិច្ចរុះរើផ្ទះសម្បែងរបស់ពលរដ្ឋសហគមន៍អូដំរីរួចហើយ តំណាងរបស់ពលរដ្ឋទាំងនោះ បាននាំគ្នាឡើងមកសុំអន្តរាគមន៍ តវ៉ាផ្នែកច្បាប់ពីអង្គការសង្គមស៊ីវិលការពារសិទ្ធិមនុស្ស មានអង្គការលីកាដូ និងអាដហុកជាដើម។
គាំទ្រដោយ
