កំពុងស្វែងរកទិន្នន័យ
រកឃើញ: 12.457
-
សង្គមស៊ីវិលទាមទារលុបមាត្រាច្បាប់បោះឆ្នោតថ្មីដែលរារាំងការបញ្ចេញមតិ
អង្គការសង្គមស៊ីវិលចំនួន ៩ នៅថ្ងៃទី៤ កុម្ភៈ នេះ បានចេញសេចក្ដីថ្លែងការណ៍រួមគ្នាសម្ដែងពីក្ដីព្រួយបារម្ភចំពោះច្បាប់បោះឆ្នោតថ្មី ថាច្បាប់នេះនឹងមានការរឹតត្បិតសិទ្ធិសេរីភាពក្នុងការបញ្ចេញមតិរបស់អង្គការសង្គមស៊ីវិល។ ក្រុមអង្គការសង្គមស៊ីវិលស្នើឲ្យរដ្ឋាភិបាល និងគណបក្សនយោបាយគោរពសេរីភាពខាងការបញ្ចេញមតិ ដើម្បីឲ្យកំណែទម្រង់ច្បាប់បោះឆ្នោតនោះ មានលក្ខណៈល្អប្រសើរឈរលើគោលការណ៍ប្រជាធិបតេយ្យ។
-
អ្នកការពារធនធានធម្មជាតិប្រឈមនឹងការប្ដឹងផ្ដល់ពីឈ្មួញនិងមន្ត្រីមានអំណាច
អ្នកការពារធនធានធម្មជាតិមួយចំនួនកំពុងប្រឈមនឹងការប្ដឹងផ្ដល់ពីសំណាក់ឈ្មួញរកស៊ីឈើនិងអ្នកមានអំណាច ដែលយកប្រព័ន្ធតុលាការមកចោទប្រកាន់ដើម្បីចាប់ចងពួកគេ។ ពួកគេថា ក្រៅពីឈមនឹងតុលាការ អ្នកខ្លះរងការគំរាមសម្លាប់ប្រសិនបើមិនបញ្ឈប់សកម្មភាព។ អ្នកការពារធនធានធម្មជាតិមួយចំនួនកំពុងបង្ហាញការព្រួយបារម្ភខណៈដែលពួកគេកំពុងតែមានបណ្ដឹងនៅតុលាការ។ ក្តីបារម្ភនេះបង្ហាញឡើងនៅក្នុងសន្និសីទកាសែតមួយ នៅព្រឹកថ្ងៃទី៤ ខែកុម្ភៈ នៅភ្នំពេញ ដោយមានវត្តមានតំណាងពលរដ្ឋមានបញ្ហាដីធ្លីនៅភ្នំពេញ និងតាមបណ្ដាខេត្ត និងសកម្មជនការពារធនធានធម្មជាតិ។ តំណាងសកម្មជនការពារធនធានធម្មជាតិ លោក គុជ វ៉េង ឲ្យដឹងថា លោកត្រូវជាប់ពន្ធនាគារអស់ជាងបីខែដោយសមត្ថកិច្ចតាមចាប់ខ្លួនលោកចេញពីក្នុងព្រៃ ក្នុងពេលដែលលោកកំពុងការពារព្រៃឈើ។ លោកឲ្យដឹងទៀតថា អ្នកដែលប្ដឹងលោកគឺជាឈ្មួញរកស៊ីឈើដែលធ្លាប់ព្រមានឲ្យលោកបញ្ឈប់ធ្វើសកម្មភាពការពារព្រៃឈើ៖ «និយាយទៅបញ្ហាខ្លាំងគឺខ្ញុំកំពុងប្រឈមនឹងផ្លូវច្បាប់»។
-
អាជ្ញាធរចាប់ប្រធានសហជីពកម្មករមួយរូបបញ្ជូនទៅតុលាការចោទប៉ុនប៉ងប្រើអំពើហិង្សា
អាជ្ញាធរចាប់ប្រធានសហជីពមួយរូបពីបទប៉ុនប៉ងប្រើអំពើហិង្សា និងបញ្ជូនទៅតុលាការសាកសួរ។ ប៉ុន្តែ សមាជិកក្រុមសហជីពបដិសេធថា ពួកគេមិនបានប្រើអំពើហិង្សាអ្វីទេ គឺគ្រាន់តែទៅជួយតវ៉ាកម្មករទាមទារឲ្យមានលក្ខខណ្ឌការងារល្អជាងមុន និងឡើងប្រាក់ខែ។ ប៉ូលិសរាជធានីភ្នំពេញ បានចាប់ខ្លួន លោក សៀង ឬទ្ធី ប្រធានសហព័ន្ធសហជីពសាមគ្គីការងារ បញ្ជូនទៅតុលាការដើម្បីសាកសួរ នៅថ្ងៃទី៤ កុម្ភៈ។ ការចាប់ខ្លួននេះ ដោយសារតំណាងរោងចក្របានប្ដឹងចោទប្រកាន់គាត់ពីបទញុះញង់កម្មករ ឲ្យតវ៉ាបិទផ្លូវ និងយកដំបងវាយកម្មករ។ លោក សៀង ឬទ្ធី ត្រូវប៉ូលិសចាប់ខ្លួនកាលពីថ្ងៃទី៣ កុម្ភៈ នៅមុខរោងចក្រកាត់ដេរអប្សរា ឋិតក្នុងខណ្ឌពោធិ៍សែនជ័យ។ ប៉ូលិសបានចោទប្រកាន់ លោក សៀង ឬទ្ធី ថាដឹកនាំកូដកម្មខុសច្បាប់ និងជាសហជីពអនាធិបតេយ្យ ហើយប្រធានសហជីពរូបនេះ បានដឹកដំបងឈើទៅឲ្យកម្មករ ដើម្បីបង្កអំពើហិង្សាប្រឆាំងរោងចក្រ ហើយប៉ូលិសបានរកឃើញដំបងឈើ ៥១កំណាត់នៅក្នុងរថយន្ត។
-
អង្គការសង្គមស៊ីវិលសូមអំពាវនាវឲ្យរដ្ឋាភិបាល និងគណបក្សនយោបាយគោរពសេរីភាពខាងការបញ្ចេញមតិ
ថ្ងៃទី០៤ ខែកុម្ភៈ ឆ្នាំ២០១៥ យើងខ្ញុំជាក្រុមអង្គការសង្គមស៊ីវិលដែលមានរាយនាមដូចខាងក្រោម មានការព្រួយបារម្ភយ៉ាងខ្លាំងចំពោះការលើកឡើងវិធានការថ្មីដែលហាមឃាត់បុគ្គលិកអង្គការសង្គមស៊ីវិលក្នុងការផ្តល់បទសម្ភាសន៍ជាមួយប្រព័ន្ធផ្សព្វផ្សាយ ឬថ្លែងការណ៍ផ្សេងៗដែលអាច "ជេរប្រមាថ" ដល់គណបក្សនយោបាយក្នុងអំឡុងពេលបោះឆ្នោត។ ការរឹតបន្តឹងបែបនេះស្មើនឹងការរំលោភបំពានសេរីភាពខាងបញ្ចេញមតិ។
អានបន្ត -
សង្គមស៊ីវិលសំខាន់ៗស្នើឲ្យរដ្ឋាភិបាលនិងបក្សនយោបាយគោរពសិទ្ធិបញ្ចេញមតិ
អង្គការសង្គមស៊ីវិលចំនួន៩ នៅថ្ងៃពុធនេះអំពាវនាវឲ្យរដ្ឋាភិបាល និងគណបក្សនយោបាយ គោរពសេរីភាពក្នុងការបញ្ចេញមតិ ខណៈក្រុមការងារនៃគណបក្សទាំងពីរកំពុងដាក់បន្ថែមមាត្រាខ្លះនៃច្បាប់ថ្មីស្តីពីការបោះឆ្នោត ហើយដែលហាមសង្គមស៊ីវិល មិនឲ្យរិះគន់ក្នុងន័យ ”ជេប្រមាថ” ដល់គណបក្សនយោបាយ ។
-
វិភាគ៖ តើច្បាប់រក្សាការសម្ងាត់របស់រដ្ឋនឹងប៉ះពាល់ដល់សិទ្ធិទទួលបានព័ត៌មានទេ?
ថ្មីៗនេះអគ្គស្នងការដ្ឋាននគរបាលជាតិ បានចុះផ្សាយលើគេហទំព័ររបស់ខ្លួនថា ក្រសួងមហាផ្ទៃបានសម្រេចធ្វើសេចក្ដីព្រាងច្បាប់ ការពារការសម្ងាត់របស់រដ្ឋ ហើយក្រសួងនឹងដាក់ច្បាប់នេះឆ្លងទៅគណៈរដ្ឋមន្ត្រីដើម្បីធ្វើការពិនិត្យ និងពិភាក្សានៅពេលខាងមុខ ។ ការសម្រេចធ្វើច្បាប់ការពារការសម្ងាត់របស់រដ្ឋនេះ ធ្វើឡើងស្របពេលដែលក្រសួងព័ត៌មាន ដោយមានជំនួយពីអង្គការយូណេស្កូ បានកំពុងធ្វើសេចក្ដីព្រាងច្បាប់ស្ដីពីសិទ្ធិទទួលបានព័ត៌មាន ។ តាមប្រសាសន៍រដ្ឋមន្ត្រីក្រសួងព័ត៌មាន លោកខៀវ កាញារីទ្ធ កាលពីខែឧសភា ឆ្នាំ២០១៤ កន្លងទៅថា ការធ្វើសេចក្ដីព្រាងច្បាប់នោះនឹងប្រើរយៈពេល៣ឆ្នាំ ។ ខណៈច្បាប់ស្ដីពីសិទ្ធិទទួលបានព័ត៌មានមិនទាន់លេចជារូបរាងផង រដ្ឋាភិបាលបែរជាប្រកាសពីការធ្វើច្បាប់រក្សាការសម្ងាត់របស់រដ្ឋបែបនេះ តើវានឹងប៉ះពាល់យ៉ាងណាទៅដល់សិទ្ធិទទួលបានព័ត៌មាន?
-
វិភាគ៖ តើច្បាប់រក្សាការសម្ងាត់របស់រដ្ឋនឹងប៉ះពាល់ដល់សិទ្ធិទទួលបានព័ត៌មានទេ?
ថ្មីៗនេះអគ្គស្នងការដ្ឋាននគរបាលជាតិ បានចុះផ្សាយលើគេហទំព័ររបស់ខ្លួនថា ក្រសួងមហាផ្ទៃបានសម្រេចធ្វើសេចក្ដីព្រាងច្បាប់ ការពារការសម្ងាត់របស់រដ្ឋ ហើយក្រសួងនឹងដាក់ច្បាប់នេះឆ្លងទៅគណៈរដ្ឋមន្ត្រីដើម្បីធ្វើការពិនិត្យ និងពិភាក្សានៅពេលខាងមុខ ។ ការសម្រេចធ្វើច្បាប់ការពារការសម្ងាត់របស់រដ្ឋនេះ ធ្វើឡើងស្របពេលដែលក្រសួងព័ត៌មាន ដោយមានជំនួយពីអង្គការយូណេស្កូ បានកំពុងធ្វើសេចក្ដីព្រាងច្បាប់ស្ដីពីសិទ្ធិទទួលបានព័ត៌មាន ។ តាមប្រសាសន៍រដ្ឋមន្ត្រីក្រសួងព័ត៌មាន លោកខៀវ កាញារីទ្ធ កាលពីខែឧសភា ឆ្នាំ២០១៤ កន្លងទៅថា ការធ្វើសេចក្ដីព្រាងច្បាប់នោះនឹងប្រើរយៈពេល៣ឆ្នាំ ។
-
អ្នកវិភាគ៖ ច្បាប់ទូរគមនាគមន៍ថ្មីបង្កការភ័យខ្លាចនិងព្រួយបារម្ភ
វ៉ាស៊ីនតោន—សេចក្តីព្រាងច្បាប់ទូរគមនាគមន៍ថ្មីកំពុងតែបង្កការព្រួយបារម្ភនៅក្នុងមជ្ឈដ្ឋានសង្គមស៊ីវិលនិងអ្នកប្រើប្រាស់ថានឹងកាន់តែធ្វើឱ្យលំហរសេរីភាពដែលតូចចង្អៀតស្រាប់និងមានតែបន្តិចបន្តួចនៅពេលបច្ចុប្បន្នកាន់តែរួមតូចទៀត។
-
សង្គមស៊ីវិលចង់ឲ្យមានសមភាពយេនឌ័រសម្រាប់បេក្ខជនឈរឈ្មោះបោះឆ្នោតតំណាងរាស្ត្រ
សង្គមស៊ីវិលធ្វើការផ្តោតលើស្ត្រី ស្នើគណបក្សឈ្នះឆ្នោតទាំងពីរ ដាក់ប្រព័ន្ធឆ្លាស់ឈ្មោះបេក្ខជនឈរឈ្មោះតំណាងរាស្ត្របុរស និងស្ត្រីក្នុងច្បាប់បោះឆ្នោត ដើម្បីឲ្យមានសមភាពយេនឌ័រ និងលើកកម្ពស់ស្ត្រីក្នុងវិស័យនយោបាយ ។ ការស្នើនេះធ្វើឡើងក្នុង សិក្ខាសាលាស្តីពី ការលើកកម្ពស់ការចូលរួមរបស់ស្ត្រីក្នុងវិស័យនយោបាយ នៅថ្ងៃទី ២៨ ខែ មករា ឆ្នាំ ២០១៥ ដែលរៀបចំដោយអង្គការសីលិការ។ នាយិកាអង្គការសីលិការលោកស្រី ធីដា ឃឹះ ថ្លែងក្នុងសិក្ខានេះថា បច្ចុប្បន្នស្រី្តជាតំណាងរាស្ត្រក្នុងវិស័យនយោបាននៅមានកម្រិតនៅឡើយ ហើយគណបក្សឈ្នះឆ្នោតមិនទាន់មានគោលនយោបាយច្បាស់លាស់ សម្រាប់លើកកម្ពស់ស្រី្តឡើយ។ លោកស្រី បន្តថា ក្នុងនាមសង្គមស៊ីវិល ស្នើបក្សទាំងពីរ ដាក់ប្រព័ន្ធឆ្លាស់ឈ្មោះបេក្ខជនឈរឈ្មោះបោះឆ្នោតតំណាងរាស្ត្រនៅក្នុងច្បាប់បោះឆ្នោត ដើម្បីបង្កើនឱកាសដល់ស្រី្ត ក្នុងវិស័យនយោបាយ និងវិស័យមុខងារសារធារណៈជាដើម។ លោកស្រីលើកឡើងថា «មានន័យថាយើងជាប្រព័ន្ធសមាមាត្រពេលគណបក្សនយោបាយដាក់បញ្ជីឈ្មោះបេក្ខជនទៅហ្នឹង គឺថាសុំឲឆ្លាស់បើថា ស្រីប្រុសៗ ឬមួយក៏ប្រុសស្រីៗ មិនមែនដាក់ឈ្មោះប្រុសនៅខាងលើហើយស្រីនៅជួរខាងក្រោមទេ ដល់ពេលហើយទៅវាអត់ជាប់» ។
-
អ្នកការទូតស.រ.អា.បារម្ភចំពោះស្ថានការណ៍កែទម្រង់ប្រជាធិបតេយ្យនៅកម្ពុជា
ឧបការីរដ្ឋមន្ត្រីការបរទេសស.រ.អា.ដែលបានបំពេញទស្សនកិច្ចក្នុងប្រទេសកម្ពុជាថ្លែងថា ការចាប់ឃុំ ខ្លួនសកម្មជនដីធ្លីនិងសកម្មជននយោបាយជារឿងប៉ះទង្គិចដល់មុខមាត់កម្ពុជា ដោយជំរុញឲ្យមន្ត្រី កម្ពុជាគិតគូរពីការកែទម្រង់សម្រាប់ផលប្រយោជន៍រយៈពេលវែងដែលស.រ.អា.និងកម្ពុជាបានបញ្ជាក់ពីផលប្រយោជន៍នេះដល់ទំនាក់ទំនងនៃប្រទេសទាំងពីរ។ លោក Daniel Russel ឧបការីរដ្ឋមន្ត្រីការបរទេសស.រ.អា.ទទួលបន្ទុកកិច្ចការអាស៊ីបាស៊ីហ្វ៊ិក បានជួបជាមួយក្រុមមន្ត្រីរដ្ឋាភិបាលកម្ពុជាកាលពីថ្ងៃអង្គារ គឺលោកអ៊ុច បូរិទ្ធ រដ្ឋមន្ត្រីស្តីទីនៃក្រសួងការបរទេសកម្ពុជា ដើម្បីពិភាក្សាបញ្ហាមួយចំនួន រួមទាំងបញ្ហាដែលកម្ពុជានិងស.រ.អា. ជួបប្រទះក្នុងតំបន់ បញ្ហាពិភពលោក បញ្ហាទាក់ទងនឹងការរំលោភបំពានដីធ្លី និងបញ្ហាក្រុមបាតុករបឹងកក់ជាដើម។
អានបន្ត -
បទយកការណ៍៖ ការបណ្តេញអ្នកក្រីក្រចេញពីលំនៅដ្ឋាន ស្ថិតក្រោមការឃ្លាំមើលរបស់អង្គការសហប្រជាជាតិ
«…ខ្ញុំចង់ដាស់តឿនអ្នកដឹកនាំឲ្យគាត់បើកភ្នែកមើល ថាតើប្រជាជនលំបាករបៀបម៉េច គាត់ត្រូវដោះស្រាយម៉េចចំពោះអ្នកដែលគេឈូសយកទៅនេះ ដែលប្លន់យកដីគេទាំងរស់នេះ…» សម្រែកឈឺចាប់របស់ពលរដ្ឋ ដែលអាជ្ញាធរបណ្តេញចេញពីទីក្រុងនៅតែរំឭករាជរដ្ឋាភិបាលស្ទើររាល់ថ្ងៃ ឲ្យពិចារណាឡើងវិញ នូវការផ្តល់សំណងសមរម្យ ពីការអភិវឌ្ឍមួយត្រូវធានាថា សហគមន៍ក្រីក្រក៏អាចរស់នៅក្នុងទីក្រុងដូចអ្នកមានអំណាច និងមានទ្រព្យសម្បត្តិស្តុកស្តម្ភដែរ ។ នៅសប្តាហ៍មុននេះ អ្នកមានជម្លោះដីធ្លីប្រមាណ១០០នាក់ បានប្រមូលផ្តុំគ្នាលើចញ្ចើមផ្លូវមុខអតីតសហគមន៍ដីក្រហម ក្នុងខណ្ឌចំការមន រាជធានីភ្នំពេញ ដែលទីនោះកាលពី៦ឆ្នាំមុន អ្នកភូមិប្រមាណ១៧០គ្រួសារ ត្រូវបានបណ្តេញចេញទាំងបង្ខំ ឲ្យទៅរស់នៅភ្នំបាត ស្រុកពញាឮ ខេត្តកណ្តាល ដែលមានចម្ងាយជាង៥០គីឡូម៉ែត្រពីទីក្រុង ដើម្បីយកដីឲ្យក្រុមហ៊ុន7NG ។
-
នគរបាលជាតិបដិសេធថាមិនមានគោលការណ៍បណ្ដេញជនភៀសខ្លួនសុំសិទ្ធិជ្រកកោន
ខណៈជនជាតិដើមភាគតិចរស់នៅភាគកណ្ដាលប្រទេសវៀតណាម ១៤នាក់កំពុងលាក់ខ្លួនក្នុងព្រៃខេត្តរតនគិរី រង់ចាំសុំសិទ្ធិជ្រកកោនជាជនភៀសខ្លួនផ្នែកនយោបាយនៅកម្ពុជា មន្ត្រីជាន់ខ្ពស់នៃអគ្គស្នងការដ្ឋាននគរបាលជាតិ បានថ្លែងថា ប្រទេសកម្ពុជា មិនមានគោលការណ៍បណ្ដេញជនភៀសខ្លួន ឬអ្នកសុំសិទ្ធិជ្រកកោននោះទេ។ មន្ត្រីឃ្លាំមើលសិទ្ធិមនុស្សនៅកម្ពុជា ថ្លែងរិះគន់ការអះអាងនេះ ហើយស្នើឲ្យកម្ពុជា អនុវត្តកតិកាសញ្ញាស្ដីពីជនភៀសខ្លួន ដែលប្រទេសកម្ពុជា ជាម្ចាស់ហត្ថលេខី។ គេហទំព័រអគ្គស្នងការនគរបាលជាតិ បានដកស្រង់ប្រសាសន៍របស់អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ លោក គៀត ច័ន្ទថារិទ្ធ កាលពីថ្ងៃទី២៧ ខែមករា បានថ្លែងថា កម្ពុជា មិនបានអនុវត្តសកម្មភាពណាមួយបណ្ដេញជនភៀសខ្លួន ឬជនសុំសិទ្ធិជ្រកកោន ចេញពីកម្ពុជា ដូចការលើកឡើងរបស់បណ្ដាញព័ត៌មានមួយចំនួននោះទេ។
-
សហភាពអឺរ៉ុបប្រចាំកម្ពុជាខកចិត្តនឹងសាលដីកាសាលាឧទ្ធរណ៍ប្រឆាំងនឹងអ្នកបឹងកក់
សហភាពអឺរ៉ុបប្រចាំកម្ពុជា នៅថ្ងៃពុធនេះបានចេញសេចក្តីថ្លែងការណ៍មួយ ដោយបង្ហាញការខកចិត្តនឹងសាលដីការបស់សាលាឧទ្ធរណ៍ក្នុងការសម្រេចបន្តឃុំខ្លួនសកម្មជនដីធ្លី ដែលសាលាដំបូងរាជធានីភ្នំពេញបានកាត់ឲ្យជាប់ពន្ធនាគារ១ឆ្នាំ ពាក់ព័ន្ធនឹងបទចោទធ្វើឲ្យរាំងស្ទះដល់ចរាចរណ៍។ កាលពីថ្ងៃទី២៦ ខែមករា សាលាឧទ្ធរណ៍បានប្រកាសសាលដីកាឲ្យសកម្មជនដីធ្លីតំបន់បឹងកក់ រួមមានទាំងអ្នកស្រី ទេព វន្នី និងព្រះសង្ឃខ្មែរកម្ពុជាក្រោមមួយអង្គ បន្តជាប់ឃុំតាមអំណាចសាលក្រមសាលាដំបូងរាជធានីភ្នំពេញ គឺដាក់ទោស១ឆ្នាំ និងពិន័យជាប្រាក់២០០០០០០រៀល។ ប៉ុន្តែសម្រាប់អ្នកស្រី ង៉ែត ឃុន អាយុជាង៧០ឆ្នាំ ត្រូវបន្ថយទោសមកនៅត្រឹម៦ខែ និងពិន័យជាប្រាក់ពី២លានមកនៅត្រឹម១លានរៀលវិញ។ ចំណែកអ្នកស្រីផាន់ ឈុនរ៉េត ដែលមានជំងឺខ្សោយបេះដូង និងស្ត្រីចំនួន៧នាក់ត្រូវបន្ថយទោសពី១២ខែមកនៅ១០ខែវិញ ហើយបន្ថយការពិន័យប្រាក់ពី២០០០ ០០០រៀល មកនៅ១ ៥០០ ០០០រៀលវិញ។
-
អង្គការមិនមែនរដ្ឋាភិបាលបារម្ភថាអនុស្សរណៈយោគយល់គ្នាមិនអាចការពារពលករ
សមាគមការពារសិទ្ធិមនុស្សអាដហុក (ADHOC) រកឃើញថា មានបញ្ហាសេសសល់មួយចំនួនបន្តកើតឡើងចាប់តាំងពីពេលដែលរដ្ឋាភិបាលកម្ពុជា ប្រកាសផ្អាកការជ្រើសរើស បណ្ដុះបណ្ដាល និងបញ្ជូនពលករជាជំនួយការមេផ្ទះទៅធ្វើការនៅប្រទេសម៉ាឡេស៊ី កាលពីឆ្នាំ២០១១។ បញ្ហាទាំងនោះរួមមានករណីពលករបាត់ខ្លួន ទារុណកម្ម ថៅកែមិនផ្ដល់ប្រាក់បៀវត្សរ៍ ការបង្ខំអោយបន្តអាណត្តិ និងបាត់ដំណឹងជាដើម។ ការបង្ហាញរបស់សមាគមអាដហុក គឺស្របពេលនឹងរដ្ឋាភិបាលកម្ពុជា និងម៉ាឡេស៊ី ត្រៀមបញ្ចប់សេចក្ដីព្រាងអនុស្សរណៈយោគយល់គ្នារវាងប្រទេសទាំង២ ស្ដីពីការជួលពលករដើម្បីបើកផ្លូវអោយនាំពលករពីកម្ពុជា ទៅធ្វើការតាមផ្ទះឡើងវិញ។ អង្គការមិនមែនរដ្ឋាភិបាលស្នើអោយរដ្ឋាភិបាលពិចារណាអោយបានគ្រប់ជ្រុងជ្រោយមុនពេលព្រមព្រៀងចុះហត្ថលេខា លើអនុស្សរណៈយោគយល់គ្នា បញ្ជូនពលករធ្វើការងារតាមផ្ទះទៅប្រទេសម៉ាឡេស៊ី។
អានបន្ត -
បទយកការណ៍៖ ការបណ្តេញអ្នកក្រីក្រចេញពីលំនៅដ្ឋាន ស្ថិតក្រោមការឃ្លាំមើលរបស់អង្គការសហប្រជាជាតិ
«…ខ្ញុំចង់ដាស់តឿនអ្នកដឹកនាំឲ្យគាត់បើកភ្នែកមើល ថាតើប្រជាជនលំបាករបៀបម៉េច គាត់ត្រូវដោះស្រាយម៉េចចំពោះអ្នកដែលគេឈូសយកទៅនេះ ដែលប្លន់យកដីគេទាំងរស់នេះ…» សម្រែកឈឺចាប់របស់ពលរដ្ឋ ដែលអាជ្ញាធរបណ្តេញចេញពីទីក្រុងនៅតែរំឭករាជរដ្ឋាភិបាលស្ទើររាល់ថ្ងៃ ឲ្យពិចារណាឡើងវិញ នូវការផ្តល់សំណងសមរម្យ ពីការអភិវឌ្ឍមួយត្រូវធានាថា សហគមន៍ក្រីក្រក៏អាចរស់នៅក្នុងទីក្រុងដូចអ្នកមានអំណាច និងមានទ្រព្យសម្បត្តិស្តុកស្តម្ភដែរ ។
-
ខុមហ្វ្រែល៖ សភាបរាជ័យលើបញ្ហាដីធ្លី ការសម្លាប់កម្មករនិងរំលោភសិទ្ធិមនុស្ស
រដ្ឋសភាមិនបានជួយដោះស្រាយទំនាស់ដីធ្លីរបស់ប្រជាពលរដ្ឋ ការបាញ់សម្លាប់ប្រជាពលរដ្ឋនៅលើផ្លូវវ៉េងស្រេង និងការរំលោភសិទ្ធិមនុស្សនោះទេ។ នេះគឺជាការកត់សម្គាល់របស់អង្គការឃ្លាំមើលការបោះឆ្នោតមួយដែលហៅថាខុមហ្វ្រែល នៅក្នុងរបាយការណ៍អង្កេតដំណើរការរដ្ឋសភាដែលចេញផ្សាយជាសាធារណៈនៅថ្ងៃអង្គារនេះ។ នេះគឺជារបាយការណ៍លើកដំបូងរបស់អង្គការដដែលនេះក្រោយពីរដ្ឋសភាដែលដឹកនាំដោយគណបក្សប្រជាជនកម្ពុជានិងគណបក្សសង្គ្រោះជាតិបានដំណើររួមគ្នាកាលពីចុងឆ្នាំមុនបន្ទាប់ពីបញ្ចប់វិបត្តិនយោបាយរយៈពេលមួយឆ្នាំក្រោយពីការបោះឆ្នោតខែកក្កដាឆ្នាំ២០១៣។ របាយការណ៍ដដែលសង្កត់ធ្ងន់ថាបញ្ហាខាងលើគឺជាបញ្ហាប្រឈមរបស់ប្រជាពលរដ្ឋកម្ពុជា។
-
ពលរដ្ឋ៣១គ្រួសារនៅក្រចេះអះអាងថាស៊ូស្លាប់មិនចាកចេញពីដីមានជម្លោះ
អាជ្ញាធរខេត្តក្រចេះ ដោះស្រាយជម្លោះដីធ្លីរវាងពលរដ្ឋពីរក្រុម ដោយឲ្យពលរដ្ឋមួយក្រុមចាកចេញពីដីមានជម្លោះ។ ប៉ុន្តែក្រុមពលរដ្ឋដែលអាជ្ញាធរគ្រោងបញ្ជូនចេញ បដិសេធដំណោះស្រាយនេះ និងថាស៊ូស្លាប់លើដីរបស់ខ្លួន។ ប្រតិកម្មភ្លាមៗនឹងដំណោះស្រាយរបស់អាជ្ញាធរខេត្តក្រចេះ ក្រុមពលរដ្ឋ ៣១គ្រួសារ ដែលអាជ្ញាធរគ្រោងបញ្ជូនពួកគេចេញទៅទីតាំងថ្មី មិនព្រមទទួលយកដំណោះស្រាយនេះទេ។ ទោះមានការបដិសេធយ៉ាងនេះក៏ដោយ អាជ្ញាធរខេត្តអះអាងថា ពួកគេគ្មានជម្រើសអ្វីដែលល្អជាងនេះឡើយ។ តំណាងពលរដ្ឋ ៣១គ្រួសារ លោកស្រី យស សាអែម ឲ្យដឹងថា ក្រុមប្រជាពលរដ្ឋទាំងអស់មិនព្រមទទួលយកដំណោះស្រាយរបស់អាជ្ញាធរខេត្តក្រចេះ ទេ។ លោកស្រី យស សាអែម បន្តទៀតថា ក្រុមពលរដ្ឋ ៧២គ្រួសារចូលមករស់នៅក្រោយក្រុមលោកស្រី ប៉ុន្តែក្រុមការងារខេត្តបែរជាសម្រេចឲ្យក្រុមលោកស្រីចាកចេញទៅវិញ៖ «ពួកខ្ញុំមិនមែនជាមនុស្សទេអី បានជាយកក្រុម ៧២គ្រួសារដាក់ពីលើ ហើយពេលនេះបណ្ដេញពួកខ្ញុំចេញទៀត»។
-
ពលរដ្ឋ៣៧ គ្រួសារនៅខេត្ដព្រះវិហារសុំឲ្យអាជ្ញាធរដាក់ដីពួកគេដែលមានទំនាស់ជាដីសមូហភាព
ប្រជាពលរដ្ឋ៣៧គ្រួសារ នៅស្រុកជ័យសែន ខេត្ដព្រះវិហារ ស្នើឲ្យអាជ្ញាធរ កាត់ដីធ្លីរបស់ពួកគេ ដែលមានជម្លោះជាមួយក្រុមចិននោះ ទុកធ្វើជាដីសមូហភាពវិញ ដើម្បីបំរើផលប្រយោជន៍រួម បន្ទាប់ពីមន្ដ្រីជំនាញថាដីនេះមិនអាចផ្តល់ជាកម្មសិទ្ធិឯកជនឲ្យពួកគេ។ តំណាងអ្នកភូមិនៅឃុំតស៊ូ អ្នកស្រី ហួត ម៉ាលី ប្រាប់VODនៅថ្ងៃនេះថា ដីស្រែចំការរបស់ពលរដ្ឋ ជាង១៧០ហិកតា ដែលក្រុមនិស្សិតស្ម័គ្រចិត្ដចេញសាលកបត្រជូននោះ ត្រូវក្រុុមហ៊ុនចិនហេងណុង និងហេងរ៉ូយ បានឈូសឆាយយកទៅដាំអំពៅតាំងពីចុងឆ្នាំ២០១៤។ អ្នកស្រីបន្ថែមថា ពួកគាត់ដាក់ពាក្យណ្តឹងតាំងពីដើមខែមករា ដើម្បីទាមទារឲ្យអាជ្ញាធរប្រគល់ដីនោះធ្វើជាកម្មសិទ្ធិពួកគេវិញ ប៉ុន្ដែមិនមានដំណោះស្រាយទើបអ្នកភូមិសម្រេចចិត្ដប្រគល់ដីនោះជាដីសមូហភាពវិញ។ តំណាងពលរដ្ឋមួយរូបទៀត អ្នកស្រី ម៉ន សឿន ឲ្យដឹងថា ដីស្រែចំការពួកគេ បានបង្កបង្កើនផលជារៀងរាល់ឆ្នាំ ប៉ុន្ដែក្រុមហ៊ុនហេងណុង និងហេងរ៉ូយ បានឈូសឆាយចូលជាបន្ដបន្ទាប់ ហើយអាជ្ញាធរបានត្រឹមតែទៅអើតមើលនិងសន្យាដោះស្រាយប៉ុណ្ណោះ ដែលពួកគាត់យល់ថា មន្ដ្រីជំនាញមានចេតនាពន្យាពេលដោះស្រាយ។
-
ឧបការីរដ្ឋមន្ត្រីការបរទេសអាមេរិកថាការឃុំខ្លួនអ្នកទាំង១៩នាក់ ជារូបភាពមិនល្អសម្រាប់កម្ពុជា
ឧបការីរដ្ឋមន្ត្រីការបរទេសអាមេរិក ទទួលបន្ទុកកិច្ចការអាស៊ីបូព៌ានិងប៉ាស៊ីហ្វិក លើកឡើងថា ការបន្តឃុំខ្លួនសកម្មជនគណបក្សសង្គ្រោះជាតិ និងសកម្មដីធ្លីនៅតំបន់បឹងកក់ ជារូបភាពមិនល្អសម្រាប់សិទ្ធិមនុស្សនៅកម្ពុជា។ ការលើកឡើងនេះ បានធ្វើឡើងក្នុងជំនួបរវាង ឧបការីរដ្ឋមន្ត្រីការបរទេសអាមេរិក ទទួលបន្ទុកកិច្ចការអាស៊ីបូព៌ានិងប៉ាស៊ីហ្វិកលោក Daniel Russel ជាមួយរដ្ឋលេខាធិការក្រសួងការបរទេសកម្ពុជា លោក អ៊ុច បូរិទ្ធិ នៅព្រឹកថ្ងៃទី២៧ ខែមករា ឆ្នាំ២០១៥។ លោក អ៊ុច បូរិទ្ធិ ឲ្យដឹងថា លោក Daniel Russel បានចោទសួរលោកថា តើជាការពិតទេ ដែលសកម្មជនគណបក្សប្រឆាំងទាមទារសិទ្ធិសេរីភាព ហើយសកម្មជនដីធ្លីបឹងកក់ទាមទាររកដំណោះស្រាយត្រូវបានតុលាការចាប់ដាក់ពន្ធនាគារនោះ?ហើយថាបើជាការពិតមែន ករណីនេះ គឺជារូបភាពមួយមិនល្អសម្រាប់កម្ពុជា។