កំពុងស្វែងរកទិន្នន័យ
រកឃើញ: 12.457
-
កម្ពុជាចូលរួមរំលែកទុក្ខករណីបាញ់អ្នកកាសែតនៅប្រទេសបារាំង
មន្ត្រីជាន់ខ្ពស់កម្ពុជានៅថ្ងៃចន្ទនេះ ចូលរួមចែករំលែកទុក្ខករណីបាញ់សម្លាប់អ្នកសារព័ត៌មាននៅទីក្រុងប៉ារីស ប្រទេសបារាំង ដោយចាត់ទុកទង្វើនោះថា ជាការគំរាមកំហែងធ្ងន់ធ្ងរ ទៅលើលទ្ធិប្រជាធិបតេយ្យ និងសេរីភាពសារព័ត៌មាន ។ រដ្ឋមន្ត្រីក្រសួងការបរទេសកម្ពុជា លោក ហោ ណាំហុង ចុះហត្ថលេខាលើបញ្ជីឈ្មោះអ្នកចូលរួមមរណៈទុក្ខ ដែលរៀបចំដោយស្ថានទូតបារាំងប្រចាំកម្ពុជា ។ ប្រមុខការទូតកម្ពុជាចាត់ទុកឃាតកម្មនោះថា ជាការគំរាមកំហែងសិទ្ធិសេរីភាពសារព័ត៌មានយ៉ាងធ្ងន់ធ្ងរ ។
-
សហគមន៍ និងសមាគមដីធ្លី៤ ស្នើសាលារាជធានីសុំធ្វើបាតុកម្ម១ខែ ទាមទារដោះលែងអ្នកជាប់ឃុំ១៩នាក់
សហគមន៍ និងសមាគមដីធ្លីចំនួន៤ នៅព្រឹកថ្ងៃចន្ទនេះ ជូនដំណឹងជាផ្លូវការទៅសាលារាជធានីភ្នំពេញ គំរាមធ្វើបាតុកម្មរយៈពេល១ខែពេញ នៅទីលានប្រជាធិបតេយ្យ ដើម្បីស្វែងរកការដោះលែងអ្នកជាប់ពន្ធនាគារនៅព្រៃសទាំង១៩នាក់ឲ្យមានសេរីភាពវិញ ។ សហគមន៍ និងសមាគមនោះរួមមាន សហគមន៍បូរីកីឡា៣មករា សហគមន៍ព្រលានយន្តហោះអន្តរជាតិភ្នំពេញ (SOS) សមាគមបឹងកក់ និងបណ្តាញអតីតស្ត្រីបឹងកក់ ។
-
ក្រុមសិទ្ធិមនុស្សជំរុញឲ្យកម្ពុជាប្តឹងទៅUNករណីថៃបន្តបាញ់សម្លាប់ខ្មែរនៅតាមព្រំដែន
ក្រុមមន្ត្រីសិទ្ធិមនុស្សជំរុញឲ្យប្រមុខរដ្ឋាភិបាលកម្ពុជាដាក់ពាក្យបណ្តឹងទៅអង្គការសហប្រជាជាតិផ្នែកសិទ្ធិមនុស្ស ឲ្យជួយអន្តរាគមន៍លើករណីដែលភាគីថៃនៅតែបន្តបាញ់សម្លាប់ពលរដ្ឋខ្មែរជាបន្តបន្ទាប់ ដែលឆ្លងដែនទៅប្រទេសជិតខាងមួយនេះ ។ នគរបាលកម្ពុជាកាលពីថ្ងៃទី០៧ ខែមករា ឆ្នាំ២០១៥នេះឲ្យដឹងថា ពលរដ្ឋខ្មែរ២នាក់ក្នុងចំណោម៤នាក់ ត្រូវបានទាហានឈុតខ្មៅថៃប្រើកាំភ្លើងបាញ់រះបណ្ដាលឲ្យស្លាប់ និងដុតបំផ្លាញសាកសពចោលស្ថិតនៅត្រង់ចំណុចស្រុកខ្លងហាត ខេត្ដស្រះកែវ ប្រទេសថៃ ដែលជាប់នឹងស្រុកសំពៅលូន ខេត្ដបាត់ដំបង ។
-
សកម្មជនដីធ្លីម្នាក់មានសុខភាពទ្រុឌទ្រោម ព្រោះមន្ត្រីពន្ធនាគារមិនឲ្យយកទៅព្យាបាលនៅពេទ្យឯកជន
សកម្មជនដីធ្លីមកពីសហគមន៍បឹងកក់ ឲ្យដឹងនៅថ្ងៃអាទិត្យនេះថា សកម្មជនរបស់ខ្លួនម្នាក់ដែលកំពុងជាប់ពន្ធនាគារព្រៃសមានសុខភាពទ្រុឌទ្រោម ដោយសារមន្ត្រីពន្ធនាគារមិនអនុញ្ញាតឲ្យសាច់ញាតិយកទៅសម្រាកព្យាបាលនៅពេទ្យឯកជន ។ តំណាងប្រជាសគមន៍បឹងកក់ អ្នកស្រី បូវ សោភា ប្រាប់ VOD ថា ស្ត្រីសកម្មជនដីធ្លីមកពីសហគមន៍បឹងកក់ម្នាក់ដែលកំពុងជាប់ឃុំនៅពន្ធនាគារព្រៃស អ្នកស្រី ផាន់ ឈុនរ៉េត មានជំងឺបេះដូងធ្ងន់ធ្ងរ ដោយសារចង្វាក់បេះដូងរបស់គាត់បានត្រឹម២៩ទៅ៣២តែប៉ុណ្ណោះ ខណៈចង្វាក់បេះដូងមនុស្សធម្មតាចាប់ពី៦០ឡើងទៅ ។ អ្នកស្រីថាសាច់ញាតិរបស់អ្នកជំងឺស្នើទៅប្រធានពន្ធនាគារ យកអ្នកស្រី ផាន់ ឈុនរ៉េត ទៅសម្រាកព្យាបាលនៅពេទ្យឯកជនមួយយប់ដែរ តែមន្ត្រីនោះមិនព្រមទេដោយអះអាងថា មានពេទ្យក្នុងពន្ធនាគារជួយថែទាំជាប្រចាំហើយ ។
-
កម្ពុជាព្រមានប្ដឹងអាជ្ញាធរថៃករណីបាញ់សម្លាប់ជនជាតិខ្មែរ
កម្ពុជាព្រមានដាក់ពាក្យបណ្ដឹងតាមផ្លូវច្បាប់ ករណីប្រើកាំភ្លើងបាញ់សម្លាប់ប្រជាជនខ្មែរនៅលើទឹកដីថៃ កាលពីថ្ងៃទី០៧ ខែមករា ឆ្នាំ២០១៥ រួចដុតសាកសពចោលបំបិទភស្តុតាង ។ តាមគេហទំព័ររបស់អគ្គស្នងការដ្ឋាននគរបាលជាតិដកស្រង់សម្តី មន្ដ្រីអ្នកនាំពាក្យក្រសួងការបរទេសកម្ពុជាលោក កុយ គួង ចុះផ្សាយកាលពីថ្ងៃទី០៩ ខែមករា ឆ្នាំ២០១៥អំពីករណីឃាតកម្មនៅព្រំដែនកម្ពុជាថៃ ។ លោក កុយ គួង បញ្ជាក់ថា ក្រសួងការបរទេសបាន ទាក់ទងទៅកាន់ការិយាល័យទំនាក់ទំនងព្រំដែនកម្ពុជា-ថៃ និងអាជ្ញាធរខេត្ដស្រះកែវ ដើម្បីបើកការស៊ើបអង្កេតលើសំណុំរឿងមនុស្ស២នាក់ក្នុងចំណោម៤នាក់ ដែលត្រូវទាហានឈុតខ្មៅថៃប្រើកាំភ្លើងបាញ់រះបណ្ដាលឲ្យស្លាប់ និងដុតបំផ្លាញសាកសពស្ថិតនៅត្រង់ចំណុចស្រុកខ្លងហាត ខេត្ដស្រះកែវ ប្រទេសថៃ ដែលជាប់នឹងស្រុកសំពៅលូន ខេត្ដបាត់ដំបង ។
-
ទំនាស់ដីរវាងមេទាហាននិងពលរដ្ឋនៅខេត្តតាកែវឡើងដល់តុលាការ
ប្រជាពលរដ្ឋប្រមាណ ៥០គ្រួសារ នៅភូមិត្រពាំងក្រឡាញ់ ឃុំអូរសារាយ ស្រុកត្រាំកក់ ខេត្តតាកែវ នៅថ្ងៃទី១១ មករា អំពាវនាវឲ្យថ្នាក់ដឹកនាំរដ្ឋាភិបាលជួយអន្តរាគមន៍រឿងទំនាស់ដីស្រែចម្ការរបស់ពួកគាត់ទំហំប្រមាណ ៥០ហិកតារ ជាមួយមន្ត្រីយោធាម្នាក់ ដែលមកដណ្ដើមយក ហើយ អះអាងថា គាត់មានប័ណ្ណកម្មសិទ្ធិកាន់កាប់ដីទាំងនោះទៀត។
-
យោធានៅស្រុកស្វាយលើខេត្តសៀមរាប ព័ទ្ធបិទផ្លូវប្រជាពលរដ្ឋនៅក្នុងភូមិមានជម្លោះដីធ្លី
យោធាជាង១០០នាក់មកពីភូមិភាគ៤ ព័ទ្ធបិទផ្លូវប្រជាពលរដ្ឋនៅក្នុងភូមិសែន ឃុំកន្ទួត ស្រុកស្វាយលើខេត្តសៀមរាប មិនឲ្យចេញចូលភូមិនៅព្រឹកថ្ងៃអាទិត្យនេះ ដោយចោទថា ប្រជាពលរដ្ឋទាំងនោះរស់នៅលើទឹកដីជាកម្មសិទ្ធិរបស់យោធា ។ យោធាបិទផ្លូវនៅព្រឹកនេះ មិនអនុញ្ញាតឲ្យប្រជាពលរដ្ឋចេញចូលក្នុងភូមិ ហើយសូម្បីតែអ្នកសារព័ត៌មាន និងអ្នកឃ្លាំមើលសិទ្ធិមនុស្សផ្សេងៗក៏មិនឲ្យឆ្លងកាត់ដែរ ។ លុះដល់រសៀលនេះទើបមេបញ្ជាការភូមិភាគ៤ លោក ទេព រួន ទៅជួបជាមួយប្រជាពលរដ្ឋដើម្បីស្វែងរកដំណោះស្រាយ ហើយក៏អនុញ្ញាតឲ្យមានការចេញចូលក្នុងភូមិជាធម្មតាវិញ ។
-
សហភាពអឺរ៉ុបសន្យាយកបញ្ហាដីធ្លី និងធនធានធម្មជាតិខេត្តបាត់ដំបងដាក់ទៅរដ្ឋាភិបាលដោះស្រាយ
សហភាពអឺរ៉ុបសន្យាយកបញ្ហាដីធ្លី និងធនធានធម្មជាតិ នៅខេត្តបាត់ដំបង ដាក់ទៅរដ្ឋាភិបាលឲ្យពិចារណា និងរកដំណោះស្រាយជូនប្រជាពលរដ្ឋឲ្យបានឆាប់។ ការសន្យានេះ ធ្វើឡើងបន្ទាប់ពីប្រជាសហគមន៍ដីធ្លី ស្រុកបវេល ខេត្តបាត់ដំបង និងសហគមន៍ធនធានធម្មជាតិស្ថិតនៅឃុំព្រែកលួង ឃុំណារិន ស្រុកឯកភ្នំ ខេត្តបាត់ដំបង បានជួបតំណាងសហភាពអឺរ៉ុប នៅសមាគមការពារសិទ្ធិមនុស្សអាដហុកក្នុងខេត្តនេះ កាលពីថ្ងៃសុក្រម្សិលមិញ ដោយស្នើឲ្យសហភាពអន្តរជាតិនេះជួយរកដំណោះស្រាយជូនពួកគេឲ្យបានឆាប់ ព្រោះបញ្ហាប្រឈមនៅនៅតែបន្តកើតមាន ហើយមិនមានដំណោះស្រាយ។
-
បទសម្ភាសន៍៖ អ្នកជំនាញថា ច្បាប់អ៊ិនធើណែតគួរត្រូវបានរៀបចំឡើងដោយបើកចំហរ
សង្គមស៊ីវិលអះអាងថា រដ្ឋាភិបាលកម្ពុជាកំពុងរៀបចំសេចក្តីព្រាងច្បាប់មួយស្តីពីការគ្រប់គ្រងប្រព័ន្ធបច្ចេកវិទ្យានៅកម្ពុជា ដែលធ្វើឡើងដោយសម្ងាត់ ។ កាលពីដើមឆ្នាំ២០១៤ សេចក្ដីព្រាងច្បាប់មួយស្តីពីការគ្រប់គ្រងប្រព័ន្ធបច្ចេកវិទ្យាបានបែកធ្លាយ ប៉ុន្តែមន្ត្រីរដ្ឋាភិបាលតែងបដិសេធថា ខ្លួនមិនបានបង្កើតច្បាប់នេះទេ ។ ទោះជាយ៉ាងណា មេធាវីអន្តរជាតិម្នាក់ដែលបានអានសេចក្តីព្រាងច្បាប់នេះ បានលើកឡើងថា ច្បាប់នេះបង្កើតឲ្យមានកង្វល់ធ្ងន់ធ្ងរដល់អ្នកប្រើប្រាស់អ៊ិនធើណែតនៅកម្ពុជា ដូចជាការបញ្ចេញមតិតាមហ្វេសប៊ុក ឬការចែករំលែកព័ត៌មានតៗគ្នាជាដើម ។
-
អង្គការតម្លាភាពកម្ពុជាអំពាវដល់មេដឹកនាំលើពិភពលោកលុបបំបាត់អំពើពុករលួយដើម្បីសង្គមមានយុត្ដិធម៌
នាយកប្រតិបត្ដិនៃអង្គការតម្លាភាពកម្ពុជា អំពាវនាវដល់ថ្នាក់ដឹកនាំប្រទេស និងអ្នកនយោបាយ នៅលើពិភពលោក រួមគ្នាលុបបំបាត់អំពើពុករលួយ ហើយវិលមកអនុវត្ដគោលនយោបាយ អភិបាលកិច្ចល្អ ដើម្បីសង្គមមានយុត្ដិធម៌ និងមាននីនិរដ្ឋ។
-
ADHOCថ្កោលទោសសាលាឧទ្ធរណ៍ករណីសម្រេចបន្តឃុំខ្លួនអតីតព្រះសង្ឃកម្ពុជាក្រោមបីអង្គ
សមាគមការពារសិទ្ធិមនុស្សអាដហុកថ្កោលទោសសាលាឧទ្ធរណ៍ ដែលសម្រេចបន្តឃុំខ្លួនអតីតព្រះសង្ឃ៣អង្គ តាមសេចក្ដីសំរេចរបស់តុលាការសាលាដំបូងរាជធានីភ្នំពេញ គឺជាការរំលោភទៅលើព្រះពុទ្ធសាសនា និងជាការគំរាមកំហែង បំបាក់ស្មារតីអ្នកការរពារសិទ្ធិមនុស្ស។ ការថ្កោលទោសនេះ ធ្វើឡើងបន្ទាប់ពីតុលាការសាលាឧទ្ធរណ៍ បានបើកសវនាការលើការស្នើសុំនៅក្រៅឃុំរបស់ព្រះសង្ឃទាំង៣អង្គ កាលពីព្រឹកថ្ងៃសុក្រម្សិលមិញ។
-
មេធាវីការពារក្តីដើរចេញ បន្ទាប់ពីចៅក្រមបណ្តេញតំណាងរាស្ត្របក្សប្រឆាំងពីសវនាការ
មេធាវី១០រូប សម្រេចដើរចេញពីបន្ទប់សវនាការភ្លាមៗ បន្ទាប់ពីប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ បណ្តេញតំណាងរាស្ត្របក្សសង្គ្រោះជាតិ៣រូប មិនឲ្យអង្គុយស្តាប់សវនាការជាសាធារណៈ ទៅលើសកម្មជនបក្សប្រឆាំង១១នាក់ នៅព្រឹកថ្ងៃព្រហស្បតិ៍នេះ។
-
សាលាឧទ្ធរណ៍សម្រេចបន្តឃុំខ្លួនអតីតព្រះសង្ឃខ្មែរកម្ពុជាក្រោមបីអង្គ
សាលាឧទ្ធរណ៍ នៅព្រឹកថ្ងៃសុក្រនេះ សម្រេចបន្តឃុំខ្លួនអតីតព្រះសង្ឃខ្មែរកម្ពុជាក្រោមបីអង្គដែលសកម្មតវ៉ាជាមួយអ្នកមានជម្លោះដីធ្លី និងទាមទារឲ្យវៀតណាមសុំទោសពីការបំភ្លៃប្រវត្តិសាស្ត្រនៃ ការបាត់បង់ទឹកដីកម្ពុជាក្រោម ។ ក្រោយពីសភាសាកសួរនៃសាលាឧទ្ធរណ៍ បើកសវនាការសួរជនត្រូវចោទ នៅព្រឹកថ្ងៃនេះ ប្រធានក្រុមប្រឹក្សាជំនុំជម្រះ បានសម្រេចបន្តឃុំខ្លួនអតីតព្រះសង្ឃបីអង្គព្រះនាម ឃិត វណ្ណៈ និងសាន កុសល តាមការសម្រេចរបស់សាលាដំបូងដែលឃុំខ្លួនតាំងពីថ្ងៃទី១២ ខែវិច្ឆិកា ឆ្នាំ២០១៤ ។
-
អាជ្ញាធរអប្សរារុះរើផ្ទះប្រជាពលរដ្ឋជិត២០គ្រួសារចោទថាជាសំណង់ខុសច្បាប់
អាជ្ញាធរអប្សរា និងសមត្ថកិច្ចក្រុងសៀមរាប នៅព្រឹកថ្ងៃសុក្រនេះ ចុះរុះរើលំនៅដ្ឋានប្រជាពលរដ្ឋជិត២០គ្រួសារ នៅភូមិព្រៃគុយ សង្កាត់អំពិល ក្រុងសៀមរាប ដោយមិនបានជូនដំណឹងជាមុនក្រោមលេសថាជាសំណង់ខុសច្បាប់ ។ ការចុះរុះរើលំនៅដ្ឋានប្រជាពលរដ្ឋទាំងនោះធ្វើឡើងក្នុងថ្ងៃតែមួយ ជាមួយការចេញលិខិតជូនដំណឹងរបស់អាជ្ញាធរអប្សរា ចុះថ្ងៃទី០៩ ខែមករានេះ ដោយខ្លឹមសារលិខិតជូនដំណឹងសរសេរថា ម្ចាស់សំណង់ដែលសង់ខុសច្បាប់នៅខាងជើងផ្លូវ៦០ ចំណុចT5ទាំងអស់ ត្រូវរុះរើសំណង់របស់ខ្លួនពីដីរដ្ឋដោយស្ម័គ្រចិត្ដយ៉ាងយូរត្រឹមថ្ងៃទី១៦ ខែមករានេះជាកំហិត ។ លិខិតបន្ដថា បើសិនពលរដ្ឋមិនអនុវត្ដតាមសេចក្ដីជូនដំណឹងទេនោះ អាជ្ញាធរអប្សរា នឹងចាត់វិធានការតាមនីតិវិធី ហើយរាល់ការបាត់បង់សម្ភារ ស្ថាប័ននេះមិនទទួលខុសត្រូវឡើយ ។
-
ក្រុមនិស្សិតពេទ្យនៃសាលកវិទ្យាល័យវិទ្យាសាស្ត្រសុខាភិបាលប្រមូលផ្តុំគ្នាតវ៉ាជាថ្មីនៅព្រឹកនេះ
ក្រុមនិស្សិតពេទ្យជាង៣០នាក់នៅព្រឹកថ្ងៃសុក្រននេះ ប្រមូលផ្តុំគ្នាតវ៉ាជាថ្មីទៀត ដើម្បីស្វែងរកកិច្ចអន្តរាគមន៍ពីនាយករដ្ឋមន្ត្រី ក្នុងការបញ្ចុះតម្លៃពាក្យប្រឡង និងពន្យាអាយុក្នុងការប្រឡងក្រមខណ្ឌបន្ទាប់ពីការចរចាកាលពីរសៀលម្សិលមិញមិនបានលទ្ធផល ។ និស្សិតពេទ្យផ្នែកវេជ្ជសាស្ត្រម្នាក់ដែលសុំមិនបញ្ចេញឈ្មោះ ប្រាប់VOD នៅព្រឹកនេះថា ពួកលោកប្រហែលជា៣០នាក់ធ្វើការប្រមូលផ្តុំគ្នាតវ៉ាជាថ្មី ដែលពេលនេះមាននិស្សិតមកចូលរួមប្រហែលជា៣០នាក់ហើយ ។ លោកឲ្យដឹងទៀតថា មាននិស្សិតប្រហែលជា៤០នាក់ផ្សេងទៀតមិនអាចចេញពីអគារមកចូលរួមតវ៉ាបាន ព្រោះសន្តិសុខរបស់សាលា បានចាក់សោរទ្វារអគារ ជាហេតុធ្វើឲ្យពួកគេចេញមកក្រៅមិនបាន។
អានបន្ត -
សេចក្ដីថ្លែងការណ៍: ការសំរេចបន្តឃុំព្រះកាយព្រះសង្ឃ ៣អង្គ ដោយសាលាឧទ្ធរណ៍ ជាការចូលរួមរំលោភព្រះពុទ្ធសាសនា និងគំរាមកំហែងសកម្មជនសិទ្ធិមនុស្ស
សមាគមការពារសិទ្ធិមនុស្សអាដហុក ចាត់ទុកការបដិសេធការសុំនៅក្រៅឃុំព្រះសង្ឃ ៣អង្គ តាមសេចក្ដីសំរេចរបស់តុលាការសាលាដំបូងរាជធានីភ្នំពេញ គឺជាការរំលោភទៅលើព្រះពុទ្ធសាសនា និងជាការគំរាមកំហែង និងបំបាក់ស្មារតីអ្នកការរពារសិទ្ធិមនុស្ស។ សមាគមអាដហុក បានអង្កេត និងតាមដាន យ៉ាងដិតដល់ ទៅលើករណី តុលាការសាលាដំបូងរាជធានីភ្នំពេញ ដែលបានធ្វើការចោទប្រកាន់ និងផ្តន្ទាទោសព្រះតេជគុណ សឺន ហាយ និងឃុំព្រះកាយព្រះតេជគុណ ឃិត វណ្ណៈ និងព្រះតេជគុណ សាង កុសល ឬ ថាច់សាង ។ នៅព្រឹកថ្ងៃទី៩ ខែមករា ឆ្នាំ២០១៥ តុលាការសាលាឧទ្ធរណ៍ បានបើកសវនាការលើការស្នើសុំនៅក្រៅឃុំ របស់របស់ព្រះសង្ឃទាំង ៣អង្គ គឺជាការចូលរួមចំណែកក្នុងការរំលោភបំពានទៅលើព្រពុទ្ធសាសនា និងគំរាមកំហែងដល់អ្នកការពារសិទ្ធិមនុស្ស។
-
អាជ្ញាធរចូលឆែកឆេររកជនភៀសខ្លួនម៉ុងតាញ៉ាក្នុងផ្ទះពលរដ្ឋនៅខេត្តរតនៈគិរី
មន្ត្រីអង្គការសិទ្ធិមនុស្ស និងពលរដ្ឋនៅភូមិឡំ ស្រុកអូរយ៉ាដាវ ខេត្តរតនៈគិរី ឲ្យដឹងថា នៅរសៀលថ្ងៃសុក្រនេះ សមត្ថកិច្ចបានចុះឆែកឆេរផ្ទះប្រជាពលរដ្ឋក្នុងភូមិ ដោយសង្ស័យថា មានជនភៀសខ្លួនម៉ុងតាញ៉ាចូលទៅសម្ងំលាក់ខ្លួន ។ មន្ត្រីឃ្លាំមើលការរំលោភសិទ្ធិមនុស្សនៃសមាគមអាដហុកប្រចាំខេត្តរតនគិរី លោក ឆាយ ធី បានឲ្យVODដឹងថា នៅម៉ោង៤រលៀលថ្ងៃសុក្រនេះ កម្លាំងនគរបាលប្រហែលជាង៤០នាក់ប្រដាប់ដោយអាវុធ៦ដើម ព្រមទាំងព្រះរាជអាជ្ញាខេត្ត បានចុះទៅឆែកឆេផ្ទះប្រជាពលរដ្ឋ៣ផ្ទះ ក្នុងភូមិឡំ ឃុំប៉ក់ញ៉ែ ស្រុកអូរយ៉ាដាវ ខេត្តរតនៈគិរី ។ លោកថា ក្នុងការឆែកឆេរនៅថ្ងៃនេះមិនបានរកឃើញជនជាតិម៉ុងតាញ៉ានៅក្នុងផ្ទះរបស់ប្រជាពលរដ្ឋដូចការសង្ស័យរបស់អាជ្ញាធរទេ ។
-
កម្ពុជា-ថៃមិនទាន់អនុវត្តសាលដីកាតុលាការយុត្តិធម៌អន្តរជាតិករណីប្រាសាទព្រះវិហារ
មន្ត្រីរដ្ឋាភិបាលកម្ពុជា ឲ្យដឹងថា កម្ពុជា កំពុងរង់ចាំដោះស្រាយដោយសន្តិវិធីជាមួយភាគីថៃ ទាក់ទិននឹងសាលដីការបស់តុលាការយុត្តិធម៌អន្តរជាតិ (ICJ) ដែលបានកាត់ក្តីឲ្យកម្ពុជា ឈ្នះក្តីករណីប្រាសាទព្រះវិហារ និងដីជុំវិញតំបន់ប្រាសាទព្រះវិហារ នៅពេលនយោបាយរបស់ប្រទេសថៃ បកទៅរកភាពប្រសើរឡើងវិញនាពេលខាងមុខ។
-
លោក មាជ សុវណ្ណារ៉ា សង្ឃឹមថាតុលាការដោះលែងលោកនៅថ្ងៃនេះ
មន្ត្រីជាន់ខ្ពស់គណបក្សសង្គ្រោះជាតិដែលសាលាដំបូងរាជធានីភ្នំពេញ បើកសវនាការនៅព្រឹកនេះ ពាក់ព័ន្ធហិង្សានៅទីលានប្រជាធិបតេយ្យ បង្ហាញក្តីសង្ឃឹមថា លោកនឹងបានរួចផុតពីការចោទប្រកាន់ ។ នៅពេលដែលឆ្មាំពន្ធនាគារនាំខ្លួនចូលក្នុងបរិវេណតុលាការនៅព្រឹកនេះ លោក មាជ សុវណ្ណារ៉ា ថ្លែងប្រាប់អ្នកសារព័ត៌មានថា លោកនឹងអាចរួចផុតពីការចោទប្រកាន់ដោយសារលោកមិនមានកំហុស។ លោកបញ្ជាក់ថា បើតុលាការមិនព្រមដោះលែងរូបលោកនោះទេ នឹងបញ្ជាក់ថា ការថ្លែងរបស់លោក ហេង សំរិន ប្រធានកិត្តិយសគណបក្សប្រជាជនកម្ពុជាកាលពីម្សិលមិញថា ប្តេជ្ញាអនុវត្តន៍កិច្ចព្រមព្រៀងនយោបាយ២២កក្កដានោះ នឹងមិនមានតម្លៃទេ ។
-
នាយករដ្ឋមន្ត្រីនឹងដឹកនាំកិច្ចប្រជុំពេញអង្គគណៈរដ្ឋមន្ត្រីដើម្បីពិនិត្យសេចក្ដីព្រាងច្បាប់ពីរនៅថ្ងៃស្អែក
អ្នកនាំពាក្យទីស្ដីការគណៈរដ្ឋមន្ត្រី ឲ្យដឹងថា លោកនាយករដ្ឋមន្ត្រី ហ៊ុន សែន នឹងដឹកនាំកិច្ចប្រជុំពេញអង្គគណៈរដ្ឋមន្ត្រីដើម្បីត្រួតពិនិត្យសេចក្ដីព្រាងច្បាប់ពីរ និងពិភាក្សាលើបញ្ហាមួយចំនួន នៅព្រឹកថ្ងៃសុក្រ ទី០៩ ខែមករា ឆ្នាំ២០១៥ ម៉ោង៨កន្លះ ។
គាំទ្រដោយ
