កំពុងស្វែងរកទិន្នន័យ
រកឃើញ: 12.457
-
និស្សិតពេទ្យតវ៉ាសុំអន្តរាគមន៍ពីនាយករដ្ឋមន្រ្តីឲ្យជួយបញ្ចុះតម្លៃការប្រឡងថ្នាក់ជាតិ
និស្សិតពេទ្យប្រមាណ៥០នាក់នៃសាកលវិទ្យាល័យវិទ្យាសាស្រ្តសុខាភិបាល នៅព្រឹកថ្ងៃព្រហស្បតិ៍នេះ តវ៉ានៅខាងមុខសាលា ដើម្បីទាមទារឲ្យមានការបញ្ចុះតម្លៃនៃការលក់ពាក្យប្រឡងថា្នក់ជាតិ ដែលមានតម្លៃទៅដល់១២៥ដុល្លារ។
-
អ្នកស្រីចក់ សុភាព សោកស្តាយចំពោះការចាកចេញរបស់លោក អ៊ូ វីរៈ
នាយិកាប្រតិបត្តិនៃមជ្ឈមណ្ឌលសិទ្ធិមនុស្សកម្ពុជា CCHRអ្នកស្រី ចក់ សុភាព បានសម្ដែងការសោកស្ដាយយ៉ាងខ្លាំង ចំពោះការលាលែងពីតំណែងរបស់លោក អ៊ូ វីរៈ ប្រធានក្រុមប្រឹក្សាភិបាលមជ្ឈមណ្ឌលសិទ្ធិមនុស្សកម្ពុជា។ ថ្លែងប្រាប់សារព័ត៌មានថ្មីៗនៅល្ងាចនេះអ្នកស្រីចក់ សុភាព អះអាងថា លោក អ៊ូ វីរៈគឺជាមនុស្សមានសមត្ថភាពខ្ពស់ មានបទពិសោធន៍ច្រើន ដែលបានជួយជ្រោមជ្រែងកិច្ចការងារបានយ៉ាងល្អនៅក្នុងមជ្ឈមណ្ឌលCCHRកន្លងមកនេះ។
-
ជនជាតិដើមភាគតិចមកពីព្រះវិហារនិងមណ្ឌលគិរី ស្នើជាថ្មីឲ្យរដ្ឋាភិបាលដកដីសម្បទានពីក្រុមហ៊ុន
ជនជាតិដើមភាគតិចនៅស្រុកត្បែងមានជ័យ ខេត្តព្រះវិហារ និងស្រុកកែវសីមា ខេត្តមណ្ឌលគិរី ស្នើជាថ្មីម្ដងទៀតឲ្យរដ្ឋាភិបាលដកដីដែលបានធ្វើសម្បទានទៅឲ្យក្រុមហ៊ុនឡានហ្វេង ក្រុមហ៊ុនរូយហ្វេង និងក្រុមហ៊ុនប៊ិញភឿក១ មកវិញ ដោយចោទថាក្រុមហ៊ុនទាំងនោះធ្វើការអភិវឌ្ឍន៍មិនគោរពច្បាប់ភូមិបាល ឈូសឆាយកម្ទេចចម្ការដំណាំវិលជុំរបស់ពួកគេ ។
-
ប្រជាពលរដ្ឋ១១គ្រួសារដែលបានបណ្ដេញចេញនឹងរកយុត្តិធម៌ពីរដ្ឋសភា
ប្រជាពលរដ្ឋ១១គ្រួសារនៅខណ្ឌដង្កោ រាជធានីភ្នំពេញ ដែលអាជ្ញាធរបានរុះរើផ្ទះឲ្យចាកចេញទាំងបង្ខំកាលពីដើមសប្តាហ៍នេះអះអាងថា ពួកគេនឹងតវ៉ានៅមុខរដ្ឋសភានៅថ្ងៃព្រហស្បតិ៍ស្អែកនេះ ដើម្បីស្វែងរកកិច្ចអន្តរាគមន៍ពីតំណាងរាស្ត្រសុំរស់នៅកន្លែងដើមវិញ ។
-
ពលរដ្ឋឃុំកោះស្ដេចអះអាងថាសន្តិសុខក្រុមហ៊ុនចិនប៉ុនប៉ងដុតផ្ទះបង្ខំបណ្ដេញចេញ
ប្រជាពលរដ្ឋឃុំកោះស្ដេច បានអះអាងថា នៅល្ងាចថ្ងៃពុធ ទី៧ ខែមករា កម្លាំងសន្តិសុខក្រុមហ៊ុនចិន ឈ្មោះ យូញៀន ឌីវីឡុបមែន គ្រុប (Union Development Group Co., Ltd) បានប៉ុនប៉ងធ្វើសកម្មភាពដុតផ្ទះ និងរុះរើលំនៅឋានរបស់ប្រជាពលរដ្ឋនៅចំណុចពយជប៉ុន ជាទីដែលក្រុមហ៊ុននេះបានចាក់ដីបិទផ្លូវចូលភូមិអ្នកស្រុកជាងមួយសប្ដាហ៍មកហើយ។
-
អ.ស.បនឹងត្រួតពិនិត្យរបាយការណ៍សិទ្ធិកុមារនៅកម្ពុជាពីថ្ងៃ១២-១៣ មករា
គណៈកម្មាធិការអង្គការសហប្រជាជាតិ (អ.ស.ប) ទទួលបន្ទុកសិទ្ធិកុមារ នឹងត្រួតពិនិត្យរបាយការណ៍ស្ដីពីស្ថានភាពសិទ្ធិកុមារនៅកម្ពុជា នៅថ្ងៃទី១២ ដល់ទី១៣ ខែមករា ឆ្នាំ២០១៥ ខាងមុខ។ សេចក្ដីប្រកាសព័ត៌មានរបស់ការិយាល័យឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅទីក្រុងហ្សឺណែវ (Geneva) ប្រទេសស្វីស (Switzerland) ចុះផ្សាយកាលថ្ងៃទី៦ មករា ឲ្យដឹងថា ក្រៅពីត្រួតពិនិត្យទៅលើរបាយការណ៍កម្ពុជា ស្ដីពីការបង្ការការលក់កុមារ ការធ្វើពេស្យាកម្មកុមារ និងរូបភាព ឬសម្ភារៈអាសអាភាសកុមារ គណៈកម្មាធិការអង្គការសហប្រជាជាតិទទួលបន្ទុកសិទ្ធិកុមារ ក៏នឹងត្រួតពិនិត្យទៅលើរបាយការណ៍នៃការចូលរួមរបស់កុមារក្នុងជម្លោះប្រដាប់អាវុធផងដែរ។
-
តំណាងរាស្ត្រ និងសកម្មជនបក្សប្រឆាំងចូលសួរសុខទុក្ខអ្នកជាប់ឃុំ១៨នាក់នៅថ្ងៃបុណ្យកំណើតទី២
តំណាងរាស្ត្រ និងសកម្មជនគណបក្សសង្គ្រោះជាតិប្រមាណជាង៣០នាក់ នៅព្រឹកថ្ងៃពុធនេះជួបជុំគ្នានៅពន្ធនាគារព្រៃស ដើម្បីចូលសួរសុខទុក្ខអ្នកជាប់ឃុំ១៨នាក់ ក្នុងនោះមានសកម្មជនដីធ្លី អតីតព្រះសង្ឃ និងសកម្មជនគណបក្សនេះផងដែរ ។ យោងលិខិតរបស់គណៈកម្មាធិការប្រតិបត្តិគណបក្សសង្គ្រោះជាតិរាជធានីភ្នំពេញ ចុះហត្ថលេខាថ្ងៃទី៥ ខែមករា ឆ្នាំ២០១៥ ដោយលោក ម៉ន ផល្លា ស្នើព្រះរាជអាជ្ញាអមសាលាដំបូងរាជធានីភ្នំពេញ សុំអនុញ្ញាតឲ្យរូបលោក និងតំណាងរាស្ត្រពីររូបទៀតមានលោក ហូរ វ៉ាន់ លោក គី វណ្ណដារ៉ា ព្រមទាំងមនុស្ស៦នាក់ផ្សេងទៀត បានចូលសួរសុខទុក្ខអ្នកជាប់ឃុំ១៨នាក់ ក្នុងនោះមានស្ត្រីសកម្មជនដីធ្លីនៅបឹងកក់១០នាក់ អតីតព្រះសង្ឃ៣អង្គ និងសកម្មជនគណបក្សសង្គ្រោះជាតិ៥នាក់ ។
-
ពលរដ្ឋខេត្តព្រះសីហនុបន្តស្នើអាជ្ញាធរចាត់វិធានការចំពោះសកម្មភាពចាក់ដីឆ្នេរធ្វើកម្មសិទ្ធិ
ប្រជាពលរដ្ឋ និងសង្គមស៊ីវិលខេត្តព្រះសីហនុ បានបន្តជំរុញដល់ថ្នាក់ដឹកនាំខេត្តជាប់មាត់សមុទ្រមួយនេះ បន្តឃ្លាំមើល និងមានវិធានការទប់ស្កាត់សកម្មភាពរបស់ឈ្មួញ និងមន្ត្រីមានអំណាច រំលោភយកដីតំបន់ឆ្នេរធ្វើកម្មសិទ្ធិ ប៉ុន្តែបានសំណូមពរថាមិនត្រូវហាមឃាត់ពលរដ្ឋមានលំនៅឋានជាប់មាត់សមុទ្រ មិនឲ្យជួសជុលលំនៅឋានធ្លាប់រស់នៅយូរឆ្នាំនោះទេ។
-
សម្តេចក្រុមព្រះថាតុលាការមិនឯករាជ្យធ្លាប់ឲ្យព្រះអង្គទទួលទោសទាំងគ្មានកំហុស
ព្រះអង្គម្ចាស់នរោត្តម រណឫទ្ធិ ដែលទើបប្រកាសវិលត្រឡប់ទៅធ្វើប្រធានគណបក្សហ្វ៊ុនស៊ិនប៉ិចឡើងវិញ បានបង្ហើបរឿងអតីកាលថាព្រះអង្គក៏ធ្លាប់រងគ្រោះពីប្រព័ន្ធតុលាការមិនឯករាជ្យនៅកម្ពុជាដែរ ហើយទ្រង់ប្រាថ្នាចង់ឃើញការដឹកនាំមួយដោយគោរពទៅតាមស្មារតីរដ្ឋធម្មនុញ្ញ ដែលចែកអំណាចទាំង៣នោះដាច់ពីគ្នា ។
-
ឆ្មាំពន្ធនាគារព្រៃសរារាំងតំណាងរាស្ត្រចូលសួរសុខទុក្ខសកម្មជនបក្សប្រឆាំង
តំណាងរាស្ត្រគណបក្សសង្គ្រោះជាតិនៅព្រឹកថ្ងៃពុធនេះ ចោទមន្ត្រីពន្ធនាគារព្រៃស(ម១) ថា រំលោភលើសេចក្តីសម្រេចរបស់តុលាការ ដោយសារមន្ត្រីទំាងនោះមិនអនុញ្ញាតឲ្យចូលសួរសុខទុកសកម្មជនបក្ស៥នាក់ និងអតីតព្រះសង្ឃ៣អង្គ ។
-
ពលករខ្មែរធ្វើការនៅឥណ្ឌូនេស៊ីអំពាវនាវឲ្យជួយរំដោះមកស្រុកកំណើតវិញ
ពលករចំណាកស្រុកខុសច្បាប់ម្នាក់ ដែលកំពុងធ្វើជាកម្មករទូកនេសាទនៅប្រទេសឥណ្ឌូនេស៊ី អំពាវនាវរកអ្នកជួយនាំគាត់ត្រឡប់មកប្រទេសកំណើតវិញ។ ការអំពាវនាវនេះ បន្ទាប់ពីគាត់បានចេញពីស្រុកកំណើតប្រហែល ៧ឆ្នាំ ដោយត្រូវឈ្មួញលក់កម្លាំងពលកម្មបន្តពីទូកមួយទៅទូកនេសាទមួយទៀត។
-
តំណាងជនជាតិព្នងខេត្តមណ្ឌលគិរីគ្រោងបកអាក្រាតក្រុមហ៊ុនវៀតណាមពីការរំលោភដីធ្លី
សហគមន៍ជនជាតិដើមភាគតិចព្នង ខេត្តមណ្ឌលគិរី ចាត់តំណាង ៩នាក់ ធ្វើដំណើរទៅទីក្រុងភ្នំពេញ នៅថ្ងៃទី៧ ខែមករា ដើម្បីធ្វើសន្និសីទកាសែតស្ដីពីផលប៉ះពាល់ និងអំពើរំលោភសិទ្ធិជនជាតិដើមភាគតិច។ ចំណែកមន្ត្រីអាជ្ញាធរខេត្តអះអាងថា នឹងស្វែងរកដំណោះស្រាយបញ្ហាជូនប្រជាពលរដ្ឋ ក៏ប៉ុន្តែសំណូមពរឲ្យអ្នកភូមិគោរពច្បាប់។
-
បទយកការណ៍៖ គ្រួសារជនរងគ្រោះនៅផ្លូវវ៉េងស្រេងនៅតែជំរុញឲ្យរដ្ឋាភិបាលវែកមុខឃាតករ
«… បងប្អូនទាំងអស់គ្នា មើលរូបថតកូនខ្ញុំចុះ តើរយៈពេលកន្លងមកមួយឆ្នាំដល់ពេលបុណ្យខួបហើយ ខ្ញុំជាម្តាយកាត់ចិត្តបានឬអត់បងប្អូន?...» គ្រួសារដែលមានសាច់ញាត្តិស្លាប់ ក្នុងព្រឹត្តិការណ៍បាញ់បង្រាបដោយអាវុធនៅផ្លូវវ៉េងស្រេង កាលពីជាងមួយឆ្នាំមុន នៅតែទទូចឲ្យរដ្ឋាភិបាលរកយុត្តិធ៌មជូនក្រុមគ្រួសារដែលបានស្លាប់ បើទោះបីមន្ត្រីជំនាញបានបិទការស៊ើបអង្កេតករណីនេះទៅហើយក៏ដោយ «…បាញ់សម្លាប់កូនខ្ញុំយ៉ាងឃោរឃៅ ស្លាប់ក្នុងថ្លុកឈាម គួរឲ្យអាណោចអាធ័មណាស់បងប្អូនទាំងអស់គ្នា ពេលនេះខ្ញុំខំតាំងស្មារតីដើម្បីរកយុត្តិធម៌ដល់កូនខ្ញុំ ខ្ញុំមិនសុខចិត្តទេ…» ។
-
ពលរដ្ឋ៥៣គ្រួសារចោទមេឃុំមួយនៅខេត្តសៀមរាប បង្ខំឲ្យពួកគាត់ផ្ដិតមេដៃលក់ដីរួម
ពលរដ្ឋឃុំកណ្ដែក ស្រុកប្រាសាទបាគង ខេត្តសៀមរាប ចោទមេឃុំរបស់ខ្លួនថា បង្ខំឲ្យពលរដ្ឋ៥៣គ្រួសារ ផ្ដិតមេដៃលក់អាងស្ដុកទឹកធ្វើស្រែប្រាំងមួយកន្លែងឲ្យក្រុមហ៊ុនឯកជន ក្រោមហេតុផលជីកអាចម៍ដី និងអភិវឌ្ឍន៍អាងទឹក ។
-
អ្នកភូមិនៅសៀមរាបចោទក្រុមហ៊ុនវៀតណាមថាដុតបំផ្លាញទីជម្រកពួកគេ
ក្រុមហ៊ុនចម្ការដំឡូងមីរបស់វៀតណាម មួយឈ្មោះថា "សហគមន៍ទឹកខ្មៅ" កំពុងមានទំនាស់ជាមួយប្រជាពលរដ្ឋខ្មែរខ្លះនៅភូមិជប់រំដេង ឃុំកន្ទួត ស្រុកស្វាយលើ។ ទំនាស់នេះនាំឱ្យក្រុមហ៊ុនវៀតណាម ប្ដឹងទៅតុលាការខេត្តសៀមរាប រហូតដល់មានការដឹកនាំកម្លាំងប៉ូលិសប៉េអិមទៅចាប់ខ្លួនអ្នកភូមិ ២នាក់ ហើយអ្នកភូមិប្រុសៗមួយចំនួនទៀតនាំគ្នារត់គេចខ្លួនដោយសារភ័យខ្លាច។
-
សាលាដំបូងខេត្ដក្រចេះឃាត់ខ្លួនសមកម្មជនដីធ្លីដែលពិការជើង និងភ្នែក
ប្រជាពលរដ្ឋប្រមាណ២០គ្រួសារ ប្រមូលផ្ដុំគ្នានៅក្នុងសាលាដំបូងខេត្ដក្រចេះនៅព្រឹកថ្ងៃអង្គារម្សិលមិញ ដើម្បីស្នើសុំឲ្យតុលាការដោះលែងបុរសពិការជើង និងពិការភ្នែកម្នាក់ដែលតុលាការចោទថាទន្ទ្រានយកដីរដ្ឋ ។
-
តុលាការកោះហៅលោក កែវ ភារម្យ ចូលបំភ្លឺថ្ងៃ១៨ ខែមករា
រាជធានីភ្នំពេញ៖ អគ្គព្រះរាជអាជ្ញា នៃមហាអយ្យាការអកតុលាការកំពូល បានកោះហៅលោក កែវ ភារម្យ មន្ត្រីជាន់ខ្ពស់គណបក្សសង្គ្រោះជាតិ អោយខ្លួនបំភ្លឺ នៅថ្ងៃទី១៨ ខែមករា ឆ្នាំ២០១៥ វេលាម៉ោង០៨ព្រឹក ជាប់ពាក់ព័ន្ឋនិងករណីដឹកនាំកុបកម្ម ញុះញង់កាលពីថ្ងៃទី១៥ ខែកក្កដា ឆ្នាំ២០១៤ នៅទីលានប្រជាធិតេយ្យ។
-
ILO អំពាវនាវឲ្យក្រុមហ៊ុនបញ្ជាទិញចូលរួមក្នុងគម្រោងដំឡើងប្រាក់ឈ្នួលដល់កម្មករ
អង្គការអន្តរជាតិខាងការងារហៅកាត់ថា អាយឡូ (ILO) ដែលជាអង្គការជំនាញផ្នែកការងាររបស់អង្គការសហប្រជាជាតិបានចេញលិខិតចំហមួយទៅក្រុមហ៊ុនអ្នកបញ្ជាទិញ ឬក្រុមហ៊ុនលក់ទំនិញម៉ាកល្បីៗ អោយចូលរួមទទួលខុសត្រូវចំពោះប្រាក់ខែកម្មករនៅកម្ពុជា ដើម្បីធានាថា ពួកគេអាចទទួលបានប្រាក់ខែថ្មីនៅដើមឆ្នាំ២០១៥នេះ។ តាមប្រកាសរបស់រដ្ឋាភិបាលកាលពីខែវិច្ឆិកា ប្រាក់ខែកម្មករក្នុងវិស័យកាត់ដេរ និងផលិតស្បែកជើងនឹងត្រូវដំឡើងដល់ ១២៨ដុល្លារក្នុងមួយខែ ដោយចាប់ផ្ដើមអនុវត្តពីខែមករា នេះតទៅ។
-
អ្នកភូមិបឹងឈូក៤នាក់ត្រូវតុលាការហៅមកសាកសួរជាលើកទី៣
អ្នកភូមិបឹងឈូក ក្នុងសង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ ៤នាក់ ត្រូវបានសាលាដំបូងរាជធានីភ្នំពេញ កោះហៅមកសាកសួរជុំវិញបទចោទថា ប្រើអំពើហិង្សាទៅលើអ្នកកាន់កាប់អចលនទ្រព្យដោយសុចរិតជាលើកទី៣។ មន្ត្រីសិទ្ធិមនុស្សថា ករណីនេះចម្លែក។ សវនាការសាកសួរអ្នកភូមិបឹងឈូក ៤នាក់ របស់សាលាដំបូងរាជធានីភ្នំពេញ បានប្រព្រឹត្តទៅពេញមួយព្រឹក ចាប់តាំងពីម៉ោង ៨ រហូតដល់ម៉ោង ១២ថ្ងៃត្រង់ ថ្ងៃទី៥ មករា។
-
អ្នកមានជម្លោះដីធ្លីនៅមេមត់ស្កាត់ជួបនាយករដ្ឋមន្ត្រី ពេលសម្ពោធបើកការដ្ឋានសាលាខេត្តត្បូងឃ្មុំ
កម្លាំងចម្រុះស្រុកពញាក្រែក ខេត្តត្បូងឃ្មុំ នៅព្រឹកថ្ងៃចន្ទនេះរារាំងប្រជាពលរដ្ឋជាង៥២៤គ្រួសារមិនឲ្យជួបនាយករដ្ឋមន្ត្រី ដើម្បីស្វែងរកដំណោះស្រាយរឿងជម្លោះដីធ្លី ដែលបានអូសបន្លាយជាង៦ឆ្នាំ ដោយសមត្ថកិច្ចអះអាងថាដើម្បីត្រួតពិនិត្យចរាចរណ៍ ។ អ្នកតវ៉ាម្នាក់អ្នកស្រី អ៊ុន ស៊ូចេង រស់នៅភូមិខ្នងក្រពើខាងលិច ឃុំត្រមោង ស្រុកមេមត់ ខេត្តត្បូងឃ្មុំ ឲ្យ VOD ដឹងនៅព្រឹកថ្ងៃទី៥ ខែមករា ឆ្នាំ២០១៥នេះថា ពួកគាត់ជាង៥២៤គ្រួសារ រស់នៅទីតាំងនោះតាំងពីឆ្នាំ១៩៧៩មក ដល់ឆ្នាំ២០០៨ ទើបក្រុមហ៊ុនឯកជនមួយមកអះអាងថា ដីនោះជាកម្មសិទ្ធិរបស់ក្រុមហ៊ុនដែលរដ្ឋាភិបាលប្រគល់ឲ្យ ។