កំពុងស្វែងរកទិន្នន័យ
រកឃើញ: 12.457
-
អ្នកមានទំនាស់ដីធ្លីខកចិត្តនឹងតុលាការដែលចាត់ការតែលើជនរងគ្រោះ
អ្នកមានទំនាស់ដីធ្លីនៅសហគមន៍បឹងឈូក នៅថ្ងៃចន្ទនេះ ខកចិត្តនឹងតុលាការដែលមិនបានចាត់ការទៅលើអ្នករំលោភដី បែរជាកោះហៅតំណាងពួកគេឲ្យចូលបំភ្លឺនៅតុលាការ ដោយចោទពីបទប្រើអំពើហិង្សាលើអ្នកកាន់កាប់អចលនវត្ថុដោយសុចរិត ។ តំណាងសហគមន៍បឹងឈូក អ្នកស្រី ខៀវ ចិន្តា ដែលជាប់ចោទដែរនោះ ថ្លែងថាប្រជាពលរដ្ឋដែលរស់នៅបឹងឈូករងនូវភាពអយុត្តិធម៌ពីតុលាការ ក៏ដូចជាអាជ្ញាធរដែលចោទប្រកាន់តំណាងបួននាក់ថាបង្ករហិង្សាខណៈពួកគេគ្មានកំហុសសោះ ។ អ្នកស្រីបន្តថាពួកគេរងគ្រោះពីរជាន់ គឺទាំងការបណ្តេញចេញជាច្រើនដងពីដីដែលពួកគេរស់នៅច្រើនឆ្នាំមកហើយ និងរងគ្រោះដោយសារតែតុលាការមិនឯករាជ្យ ។
-
ពលរដ្ឋរស់នៅលើដីសម្បទានខេត្តកំពតថាពូកគាត់ត្រូវក្រុមហ៊ុនគំរាមឲ្យលក់ដីថោកៗ
ប្រជាពលរដ្ឋមួយចំនួនរស់នៅលើដីអភិវឌ្ឍន៍ដំរីផុង ក្នុងភូមិព្រៃទាយ ឃុំត្រពាំងភ្លាំង ស្រុកឈូក ខេត្តកំពត បានតវ៉ានៅថ្ងៃអាទិត្យទី៤ មករា ថា ពួកគាត់ត្រូវបានមនុស្សមួយក្រុមដែលអះអាងថា ស្គាល់មន្ត្រីថ្នាក់កំពូល ចុះមកបង្ខំពួកគាត់ឲ្យលក់ដីទៅឲ្យពួកគេថោកៗ ហើយថែមទាំងគំរាមរឹបអូសយកដីទទេ បើប្រជាពលរដ្ឋណាហ៊ានតវ៉ា ឬជំទាស់មិនព្រមលក់។ ប្រជាពលរដ្ឋសម្ដែងការព្រួយបារម្ភយ៉ាងខ្លាំងខ្លាចបាត់បង់ដីផ្ទះនិងដីកសិកម្មដែលរដ្ឋាភិបាលបានចែកជូនពួកគាត់ ជាដីសម្បទានសង្គមកិច្ច ដើម្បីរស់នៅសាងជីវភាពថ្មីលើដីនេះ។
-
តុលាការបើកសវនាការសាកសួរសកម្មជនដីធ្លី៤នាក់មកពីសហគមន៍បឹងឈូក
សាលាដំបូងរាជធានីភ្នំពេញនៅព្រឹកថ្ងៃចន្ទនេះ បើកសវនាការសាកសួរសកម្មជនដីធ្លី៤នាក់មកពីសហគមន៍បឹងឈូក ដោយចោទពីបទ ប្រើអំពើហិង្សាលើអ្នកកាន់កាប់អចលនវត្ថុដោយសុចរិត តែអ្នកទាំង៤ថាជារឿងអយុត្តិធម៌ និងជាការចោទដោយគ្មានមូលដ្ឋាន ។ ពលរដ្ឋមកពីសហគមន៍បឹងឈូកទាំង៤នាក់ដែលត្រូវតុលាការកោះហៅរួមមាន អ្នកស្រី ខៀវ ចិន្តា ប្រធានសហគមន៍បឹងឈូក លោក កុល សោភា អ្នកស្រី កាំង ណារ៉េន និងអ្នកស្រី ប៊ូ ម៉េង ។
-
សមត្ថកិច្ចរារាំងពលរដ្ឋខេត្តត្បូងឃ្មុំដែលមានជម្លោះដីមិនឲ្យជួបនាយករដ្ឋមន្ត្រី ហ៊ុន សែន
ពលរដ្ឋជាង៣០០នាក់ តំណាងឲ្យ៥២៤ គ្រួសារ ដែលមានជម្លោះដីជាមួយក្រុមហ៊ុនចម្ការកៅស៊ូមេមត់ មកពីឃុំត្រមូង ស្រុកមេមត់ ខេត្តត្បូងឃ្មុំ ត្រូវបានសមត្ថកិច្ចដាក់បារាសរារាំង មិនឲ្យជួបនាយករដ្ឋមន្ត្រី ហ៊ុន សែន ដែលសម្ពោធដាក់ឲ្យប្រើប្រាស់ សាលាខេត្តត្បូងឃ្មុំ នៅព្រឹកថ្ងៃទី ០៥ មករា។ នៅចម្ងាយជាង៣គីឡូម៉ែត្រ ពីកន្លែងសម្ពោធសាលាខេត្តត្បូងឃ្មុំ មានសមត្ថកិច្ចដាក់បារាស រហូតដល់៣ចំណុច ម្ដុំផ្លូវជាតិលេខ៧៣ ភូមិនិគមលើ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។
-
កម្លាំងចម្រុះជាច្រើននាក់ត្រូវបានដាក់ពង្រាយនៅទីលានប្រជាធិបតេយ្យ
ក្នុងពេលគណបក្សសង្គ្រោះជាតិ រៀបចំធ្វើបុណ្យបង្សុកូលរំលឹកខួបកម្មករ ៥នាក់ស្លាប់ដោយសារកងទាហានបាញ់ស្លាប់នៅផ្លូវវ៉េងស្រង កងកម្លាំងមានសមត្ថកិច្ចចម្រុះរបស់រដ្ឋាភិបាលត្រូវបានគេដាក់ពង្រាយនៅទីលានប្រជាធិបតេយ្យជាច្រើនរយនាក់។ ការបង្ហាញវត្តមាននៃកងកម្លាំងដ៏ស្អេកស្កះនៅពេលនេះ ត្រូវបានអង្គការសង្គមស៊ីវិល និងគណបក្សនយោបាយក្រៅរដ្ឋាភិបាល ចាត់ទុកថា អាជ្ញាធរចង់បង្ហាញសាច់ដុំជាថ្មីទៀតប្រឆាំងក្រុមអ្នកតវ៉ា។
-
សង្គមស៊ីវិលលើកឡើងថា ក្នុងរយៈពេល៥ឆ្នាំអង្គភាពប្រឆាំងអំពើពុករលួយចាប់បានតែត្រីល្អិត
សង្គមស៊ីវិលមើលឃើញថា ការកម្ចាត់អំពើពុករលួយនៅកម្ពុជានៅមានកម្រិត ខណៈអ្នកប្រព្រឹត្តអំពើពុករលួយមានឋានៈធំៗមិនត្រូវបានចាត់ការនៅឡើយ ដោយពួកគេជំរុញឲ្យស្ថាប័នអង្គភាពប្រឆាំងអំពើពុករលួយ បង្កើនការចាត់វិធានការដោយស្មើភាពគ្នា ដើម្បីធានាបានយុត្តិធម៌សង្គម។
-
កម្លាំងចម្រុះជាច្រើននាក់ត្រូវបានដាក់ពង្រាយនៅទីលានប្រជាធិបតេយ្យ
ក្នុងពេលគណបក្សសង្គ្រោះជាតិ រៀបចំធ្វើបុណ្យបង្សុកូលរំលឹកខួបកម្មករ ៥នាក់ស្លាប់ដោយសារកងទាហានបាញ់ស្លាប់នៅផ្លូវវ៉េងស្រង កងកម្លាំងមានសមត្ថកិច្ចចម្រុះរបស់រដ្ឋាភិបាលត្រូវបានគេដាក់ពង្រាយនៅទីលានប្រជាធិបតេយ្យជាច្រើនរយនាក់។ ការបង្ហាញវត្តមាននៃកងកម្លាំងដ៏ស្អេកស្កះនៅពេលនេះ ត្រូវបានអង្គការសង្គមស៊ីវិល និងគណបក្សនយោបាយក្រៅរដ្ឋាភិបាល ចាត់ទុកថា អាជ្ញាធរចង់បង្ហាញសាច់ដុំជាថ្មីទៀតប្រឆាំងក្រុមអ្នកតវ៉ា។
-
ក្រុមគ្រួសារទណ្ឌិតសម្លាប់អ្នកកាសែតនៅកំពង់ឆ្នាំងប្ដឹងសើរើសំណុំរឿង
សាលាដំបូងខេត្តកំពង់ឆ្នាំង នឹងបើកសវនាការជំនុំជម្រះសំណុំរឿងសម្លាប់អ្នកកាសែតមាគ៌ាកម្ពុជា ឡើងវិញ។ ការលើកសំណុំរឿងមកជម្រះឡើងវិញនេះ គឺបន្ទាប់ពីគ្រួសារទណ្ឌិតម្នាក់ក្នុងចំណោម ៦នាក់ ប្ដឹងទាស់សេចក្ដីសម្រេចរបស់តុលាការផ្ដន្ទាទោសដាក់ពន្ធនាគារក្នុងម្នាក់ៗ ១៣ឆ្នាំ និងពិន័យជាប្រាក់ ៥លានរៀល ពីបទមនុស្សឃាតលើអ្នកកាសែតកាលពីដើមឆ្នាំ២០១៤។
-
អភិបាលស្រុកកែវសីមានាំកម្លាំងចម្រុះដណ្តើមគ្រឿងចក្រពីជនជាតិដើមភាគតិច
អភិបាលស្រុកកែវសីមា ខេត្តមណ្ឌលគិរី នៅព្រឹកថ្ងៃសៅរ៍នេះ ដឹកនាំសមត្ថកិច្ចចម្រុះរាប់សិបនាក់ទៅដណ្តើមយកគ្រឿងចក្រ និងរថយន្តរបស់ក្រុមហ៊ុនប៊ិញភឿក១ ដែលប្រជាសហគមន៍ជនជាតិដើមភាគតិចព្នង ឃាត់ទុកអស់ជាច្រើនថ្ងៃ ។ កាលពីថ្ងៃទី២៩ ខែធ្នូឆ្នាំ២០១៤ ប្រជាសហគមន៍ជនជាតិដើមភាគតិចព្នង នៅក្នុងភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី និងកំពុងមានទំនាស់ជាមួយក្រុមហ៊ុនវៀតណាមប៊ិញភឿក១ បានឃាត់ទុកគ្រឿងចក្រ១គ្រឿង និងរថយន្តមួយបាំងកន្លះរបស់ក្រុមហ៊ុនវៀតណាម ដោយចោទថាបានឈូសឆាយដីរបស់ពួកគេ ។
-
សមត្ថកិច្ចចម្រុះរារាំង និងព្រមានបង្ក្រាបក្រុមអ្នកហែក្បួន
សមត្ថកិច្ចចម្រុះរាជធានីភ្នំពេញ រារាំងការហែក្បួនរបស់ប្រជាពលរដ្ឋ កម្មករ និងព្រះសង្ឃ ដែលធ្វើដំណើរពីផ្លូវវ៉េងស្រេងសំដៅទៅបុរីកីឡា ដោយដាក់កំហិតឲ្យពួកគេបំបែកជួរក្នុងរយៈពេល១០នាទី មិនដូច្នោះនឹងចាត់វិធានការ ។ កម្លាំងប្រដាប់អាវុធជាង១០០នាក់ ប្រដាប់ដោយខែល និងអាវុធស្វ័យប្រវត្តិគ្រប់ដៃ ដឹកនាំដោយលោក រ័ត្ន ស្រ៊ាង នៅព្រឹកថ្ងៃសៅរ៍នេះបានរារាំងក្បួនដំណើររបស់ជនរងគ្រោះ២៣នាក់ ព្រះសង្ឃ និងអ្នកមានជម្លោះដីធ្លីនៅកន្លែងថ្លឹងរថយន្តតាមដងផ្លូវវ៉េងស្រេង ដោយបង្ខំឲ្យពួកគេបំបែកការដើរហែក្បួននោះ ។
-
សាលាក្រុងមិនអនុញ្ញាតឲ្យបក្សសង្គ្រោះជាតិធ្វើពិធីបង្សុកូលនៅទីលានប្រជាធិបតេយ្យ
សាលារាជធានីភ្នំពេញ ប្រកាសនៅថ្ងៃទី៣ មករា ថា ខ្លួនមិនអនុញ្ញាតឲ្យគណបក្សសង្គ្រោះជាតិ ជួបជុំនៅទីលានប្រជាធិបតេយ្យនៅព្រឹកថ្ងៃទី៤ ខែមករា ដើម្បីសម្ដែងមតិ និងរៀបចំធ្វើពិធីបង្សុកូលឧទ្ទិសកុសលដល់វិញ្ញាណក្ខន្ឋអ្នកបាត់បង់ជីវិតគម្រប់ខួប១ឆ្នាំនោះឡើយ។ អ្នកនាំពាក្យសាលារាជធានីភ្នំពេញ លោក ឡុង ឌីម៉ង់ មានប្រសាសន៍ថា ការជួបជុំរបស់គណបក្សប្រឆាំង គឺមានចេតនាក្នុងការធ្វើអាជីវកម្មនយោបាយលើអ្នកស្លាប់កាលពីឆ្នាំទៅ។ លោកថា ការជួបជុំរបស់គណបក្សសង្គ្រោះជាតិ គឺមានចរិតញុះញង់ និងបង្កឲ្យប៉ះពាល់ដល់សណ្ដាប់ធ្នាប់សន្តិសុខសង្គម ក្នុងពេលដែលកម្ពុជា កំពុងតែមានស្ថិរភាពល្អហើយនោះ។
-
សមត្ថកិច្ចចម្រុះបន្តឡោមព័ទ្ធពលរដ្ឋបុរីកីឡា
សមត្ថកិច្ចចម្រុះរាជធានីភ្នំពេញ បន្តតាមទៅឡោមព័ទ្ធប្រជាពលរដ្ឋបុរីកីឡា មិនឲ្យហែញត្តិពីទីនោះទៅកាន់រដ្ឋសភាជាតិ ដើម្បីជំរុញឲ្យរដ្ឋាភិបាលរកដំណោះស្រាយករណីអាជ្ញាធរ និងក្រុមហ៊ុនផានអ៊ីម៉ិចបណ្ដេញពួកគេចេញពីលំនៅដ្ឋានទាំងបង្ខំអស់រយៈពេលបីឆ្នាំមកហើយ ។ កងកម្លាំងប្រដាប់អាវុធចម្រុះរាប់សិបនាក់ ដឹកនាំដោយមេបញ្ជាការកងរាជអាវុធហត្ថរាជធានីភ្នំពេញ លោក រ័ត្ន ស្រ៊ាង នៅថ្ងៃត្រង់ ថ្ងៃសៅរ៍ ទី៣ ខែមករា នេះ ដាក់ពង្រាយគ្រប់ច្រកចេញចូលទៅកាន់សហគមន៍បុរីកីឡា ដើម្បីរារាំងយុទ្ធនាការរបស់ពួកគេ ដែលគ្រោងយកញត្តិទៅកាន់រដ្ឋសភាជាតិ ក្នុងទិវាប្រារព្ធខួបបីឆ្នាំនៃការបណ្ដេញចេញពីលំនៅដ្ឋានទាំងបង្ខំ។
-
ពលរដ្ឋនិងព្រះសង្ឃជាង៣០០អង្គ/នាក់ប្រារព្ធខួបមួយឆ្នាំនៃការបង្ក្រាបដោយហិង្សានៅផ្លូវវ៉េងស្រេង
កម្មករ ព្រះសង្ឃ អ្នកមានជម្លោះដីធ្លី និងអង្គការសង្គមស៊ីវិល នៅព្រឹកថ្ងៃសៅរ៍នេះ ធ្វើពិធីបង្សុកូលរំឭកវិញ្ញាណក្ខន្ធជនរងគ្រោះដោយការបង្ក្រាបដោយហិង្សានៅផ្លូវវ៉េងស្រេង កាលពីមួយឆ្នាំកន្លងទៅ ដើម្បីជំរុញឲ្យរដ្ឋាភិបាលទទួលខុសត្រូវ និងរកយុត្តិធម៌ជូនអ្នកស្លាប់ ។ ក្រុមអ្នកចូលរួមក្នុងពិធីបង្សុកូល ដែលមានគ្នាជាង៣០០នាក់ ដៃកាន់ផ្កាឈូក និងធូបទាន លើក្បាលមានពាក់បូពណ៌ខ្មៅ ចំណែកឯព្រះសង្ឃសូត្រធម៌ទ្រហឹង តាមបណ្ដោយផ្លូវវ៉េងស្រេង ជិតសួនឧស្សាហកម្មកាណាឌីយ៉ា ដើម្បីឧទ្ទិសកុសលដល់ជនរងគ្រោះ ដែលស្លាប់ដោយការបង្ក្រាបកាលពី១ឆ្នាំកន្លងទៅ ។
-
សង្គ្រោះជាតិប្ដូរទីតាំងប្រារព្ធខួប១ឆ្នាំនៃអ្នកស្លាប់នៅផ្លូវវ៉េងស្រេងទៅស្នាក់ការកណ្ដាលបក្សវិញ
គណបក្សសង្គ្រោះជាតិ សម្រេចផ្លាស់ប្ដូរទីតាំងប្រារព្ធពិធីរំឮកខួបមួយឆ្នាំ នៃព្រឹត្តិការណ៍បាញ់សម្លាប់បាតុករ នៅផ្លូវវេងស្រេង ទៅទីស្នាក់ការកណ្ដាលរបស់បក្សនេះវិញ បន្ទាប់ពីសាលារាជធានីបានបដិសេធសំណើរបស់បក្សនេះចំនួនពីរលើក ។ សាលារាជធានីភ្នំពេញបានបដិសេធសំណើរបស់គណបក្សសង្គ្រោះជាតិចំនួនពីរលើក ដែលលើកទី១ស្នើសុំទីតាំងមុខសួនកាណាឌីយ៉ា ដើម្បីប្រារព្ធពិធីបង្សុកុលគម្រប់ខួប១ឆ្នាំឧទិ្ទកុសលជូនដល់វិញ្ញាណក្ខន្ធអ្នកបាត់បង់ជីវិតនៅលើផ្លូវវ៉េងស្រេង និងលើកទីពីរស្នើសុំយកទីលានប្រជាធិបតេយ្យដើម្បីសម្ដែងមតិ និងរៀបចំពិធីបង្សុកូល ។
-
ជនរងគ្រោះដោយការបង្ក្រាបនៅផ្លូវវ៉េងស្រេង ទទូចឲ្យរដ្ឋសភាកោះហៅរដ្ឋមន្ត្រីពីររូបសាកសួរ
ជនរងគ្រោះដោយការបង្ក្រាបនៅផ្លូវវ៉េងស្រេង នៅថ្ងៃសៅរ៍នេះជួបជុំគ្នានៅជិតសួនឧស្សាហកម្មកាណាឌីយ៉ា តាមបណ្ដោយផ្លូវវ៉េងស្រេង ធ្វើពិធីបង្សុកូល និងរំឭកខួបមួយឆ្នាំនៃការបង្ក្រាបលើពួកគេ ដើម្បីជំរុញឲ្យរដ្ឋសភាកោះហៅរដ្ឋមន្ត្រីពីររូបឲ្យចូលបំភ្លឺ ករណីបង្ក្រាបដោយហិង្សាបណ្ដាលឲ្យមនុស្សស្លាប់ និងរងរបួសរាប់សិបនាក់ ដែលរហូតមកដល់ពេលនេះមិនទាន់រកអ្នកទទួលខុសត្រូវឃើញ ។
-
ពលរដ្ឋឃុំកោះស្ដេចខេត្តកោះកុងបន្តតវ៉ាសុំអន្តរាគមន៍បើកផ្លូវចូលភូមិដែលក្រុមហ៊ុនចិនបិទ
តំណាងប្រជាពលរដ្ឋប្រមាណ ៣០គ្រួសារ រស់នៅឃុំកោះស្ដេច ស្រុកគីរីសាគរ ខេត្តកោះកុង បន្តស្វែងរកអន្តរាគមន៍ពីលោកនាយករដ្ឋមន្ត្រី ហ៊ុន សែន និងស្ថាប័នពាក់ព័ន្ធ ឲ្យជួយដោះស្រាយកង្វល់ដែលក្រុមហ៊ុនចិន យូញៀន ឌីវីឡុបមែន គ្រុប (Union Development Group Co., Ltd) បានដឹកដីចាក់បិទផ្លូវមិនឲ្យពលរដ្ឋធ្វើដំណើរចេញចូលភូមិជាង ១សប្ដាហ៍កន្លងទៅនេះ។
-
អាជ្ញាធរបដិសេធសំណើបក្សសង្គ្រោះជាតិធ្វើពិធីបង្សុកុលនៅទីលានប្រជាធិបតេយ្យនៅថ្ងៃស្អែក
សាលារាជធានីភ្នំពេញបដិសេធសំណើរបស់គណបក្សសង្គ្រោះជាតិ សុំទីលានប្រជាធិបតេយ្យដើម្បីសម្ដែងមតិ និងរៀបចំពិធីបង្សុកុលគម្រប់ខួប១ឆ្នាំ ដើម្បីឧទិ្ទកុសលជូនដល់វិញ្ញាណក្ខន្ធអ្នកបាត់បង់ជីវិតនៅលើផ្លូវវ៉េងស្រេង ។ កាលពីថ្ងៃទី០២ ខែមករា ឆ្នាំ២០១៥ គណបក្សសង្គ្រោះជាតិ បានស្នើសុំគណៈកម្មាធិការប្រតិបត្តិរាជធានីភ្នំពេញ ដើម្បីធ្វើពិធីបង្សុកូលនៅថ្ងៃ៤ ខែមករា ឆ្នាំ២០១៥ វេលាម៉ោង៨ព្រឹក ដើម្បីឧទ្ទិកុសលជូនវិញ្ញាណក្ខន្ធអ្នកដែលស្លាប់នៅបណ្តោយផ្លូវវ៉េងស្រេង ដោយមានវត្តមានប្រធានគណបក្សសង្គ្រោះជាតិលោក សម រង្ស៊ី និងអនុប្រធានគណបក្សលោក កឹម សុខា រួមទាំងអ្នកចូលរួមផ្សេងទៀតប្រមាណ១០០នាក់ ។
-
កម្លាំងចម្រុះទទួលជោគជ័យក្នុងការរារាំងពលរដ្ឋបុរីកីឡាមិនឲ្យហែក្បួនទៅកាន់រដ្ឋសភា
ប្រជាសហគមន៍បុរីកីឡា នៅល្ងាចថ្ងៃសៅរ៍នេះ សម្រេចផ្អាកការដើរហែក្បួនយកញត្តិទៅកាន់រដ្ឋសភា ក្រោយពេលសមត្ថកិច្ចចម្រុះរាជធានីភ្នំពេញរាប់សិបនាក់ ដាក់ពង្រាយបិទច្រកចេញចូលសហគមន៍នេះ ។ តំណាងសហគមន៍បុរីកីឡាម្នាក់ អ្នកស្រី ឆាយ គឹមហ៊ន មានប្រសាសន៍ថា ប្រជាពលរដ្ឋសម្រេចផ្អាកការដើរហែក្បួនយកញត្តិទៅដាក់នៅរដ្ឋសភា ដោយសារកម្លាំងសមត្ថកិច្ចចម្រុះពង្រាយព័ទ្ធច្រកចេញចូលបុរីកីឡា ហើយប្រជាពលរដ្ឋមិនចង់ឲ្យមានការប៉ះទង្គិចជាមួយកម្លាំងចម្រុះទាំងនោះ ។ អ្នកស្រីសម្ដែងការសោកស្ដាយ និងអន់ចិត្តដែលកម្លាំងចម្រុះទាំងនោះរារាំងពួកគេមិនឲ្យយកញត្តិទៅដាក់នៅរដ្ឋសភាជាតិកម្ពុជា ដើម្បីឲ្យតំណាងរាស្ត្របានដឹងឮពីទុក្ខលំបាករបស់ពួកគេ រស់វេទនាអស់រយៈពេលបីឆ្នាំលើគំនរសំរាម និងជាពិសេសរងនូវការធ្វើទុក្ខបុកម្នេញពីសំណាក់អាជ្ញាធរមូលដ្ឋាន អាជ្ញធររាជធានីភ្នំពេញ និងភាគីក្រុមហ៊ុនផានអ៊ីម៉ិច។
-
ប្រជាសហគមន៍បុរីកីឡាប្រារព្ធខួបបីឆ្នាំនៃទុក្ខវេទនារបស់ខ្លួនជំរុញរកដំណោះស្រាយ
អ្នកមានជម្លោះដីធ្លីនៅសហគមន៍បុរីកីឡា នៅព្រឹកថ្ងៃសៅរ៍នេះ ប្រារព្វខួបបីឆ្នាំនៃការបណ្ដេញចេញទាំងបង្ខំ ដោយមានសំណងតិចតួច ដើម្បីរំឭកពីទុក្ខសោករបស់ខ្លួន ព្រមទាំងនឹងហែញត្តិទៅដាក់នៅរដ្ឋសភាជាតិ រកអន្តរាគមន៍ជំរុញល្បឿនរកដំណោះស្រាយ ។ អ្នកស្រី ឆាយ គឹមហ៊ន ឲ្យ VOD ដឹងនៅព្រឹកថ្ងៃសៅរ៍ ទី៣ ខែមករា ឆ្នាំ២០១៥នេះថា ការដែលប្រជាសហគមន៍បុរីកីឡាប្រារព្ធទិវាបីឆ្នាំនៃការបណ្ដេញចេញនេះ ដើម្បីឲ្យរដ្ឋាភិបាលបានដឹងពីទុក្ខវេទនារបស់ពួកគាត់ ដែលរស់នៅដោយគ្មានលំនៅដ្ឋានពិតប្រាកដ រស់នៅលើគំនរសំរាមដោយគ្មានអនាម័យ ជាពិសេសគឺការធ្វើទុក្ខបុកម្នេញពីសំណាក់អាជ្ញាធរមូលដ្ឋាន និងរាជធានីភ្នំពេញ។
-
ពលរដ្ឋជិត៨០គ្រួសារនៅសៀមរាបបារម្ភបាត់ផ្ទះ ដោយសារគម្រោងសង់អាងស្តុកទឹក
ប្រជាពលរដ្ឋ៧៥គ្រួសារ នៅស្រុកស្វាយលើ ខេត្ដសៀមរាប ស្វែងរកអន្ដរាគមន៍ពីតំណាងរាស្ដ្រ និងអភិបាលខេត្ដនេះឲ្យជួយទប់ស្កាត់ គម្រោងលើកទំនប់ទឹកកាត់ទទឹងអូរ ដើម្បីធ្វើអាងទឹកសម្រាប់ផ្គត់ផ្គង់ដល់កងទ័ព ដែលពួកគេអះអាងថា អាចបណ្ដាលឲ្យទឹកលិចលំនៅដ្ឋាន និងដំណាំពួកគាត់ដែលនៅពីខាងលើ ។