កំពុងស្វែងរកទិន្នន័យ
រកឃើញ: 13.137
-
អានបន្ត ទិវាសត្វផ្សោតទន្លេមេគង្គ ត្រូវបានប្រារព្ឋឡើង ដើម្បីលើកកម្ពស់ការយល់ដឹងពីសារៈសំខាន់សត្វផ្សោត
ប្រជាសហគមន៍ ព្រះសង្ឃ មន្រ្តីអាជ្ញាធរ និងអង្គការសង្គមស៊ីវិលជាង ២០០នាក់បានរួមគ្នាប្រារព្ឋទិវាសត្វផ្សោតទន្លេមេគង្គក្នុងទឹកដីខេត្តក្រចេះ នាថ្ងៃព្រហស្បតិ៍ ទី៣១ ខែតុលានេះ ដើម្បីលើកកម្ពស់ការយល់ដឹងពីសារៈសំខាន់សត្វផ្សោត ខណៈពេលដែលប្រភេទសត្វនេះកំពុងតែគំរាមកំហែងពីការនេសាទខុសច្បាប់។ ទិវាដ៏មានសារៈសំខាន់នេះ ត្រូវបានរៀបចំសម្រាប់សត្វផ្សោតទន្លេមេគង្គជារៀងរាល់ឆ្នាំ។ ក្នុងឆ្នាំ២០២៤នេះ ទិវានេះ ត្រូវបានប្រារព្ឋឡើងរួមគ្នារវាងអង្គការ WWF រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ និងអាជ្ញាធរខេត្តក្រចេះ នៅប៉ុស្តិ៍ឆ្មាំទន្លេកាំពី ស្ថិតក្នុងភូមិកាំពី ឃុំសំបុក ស្រុកចិត្របុរី។ អង្គការ WWF បានឱ្យដឹងថា ទិវានេះប្រារព្ឋឡើងក្នុងគោលបំណង«លើកកម្ពស់ការយល់ដឹងរបស់សាធារណជនទូទៅអំពីសារៈសំខាន់សត្វផ្សោត និងលិខិតបទដ្ឋាន គតិយុត្តិពាក់ព័ន្ធ ជាពិសេសច្បាប់ស្តីពីជលផល»។
អានបន្ត -
អានបន្ត ក្រុមតស៊ូមតិចង់ឱ្យតុលាការខ្មែរសួរអ្នកដឹកនាំទាំងឪ ទាំងកូន រឿងអ្នកកាសែតសុំទោសបាននៅក្រៅឃុំ
ក្រុមអ្នកតស៊ូមតិកម្ពុជា (CAT) ជំរុញឱ្យចៅក្រមស៊ើបសួរ កោះហៅប្រធានព្រឹទ្ធសភា លោក ហ៊ុន សែន និងនាយករដ្ឋមន្ត្រី លោក ហ៊ុន ម៉ាណែត ទៅសាកសួរក្នុងសំណុំរឿងអ្នកសារព័ត៌មានឯករាជ្យ លោក ម៉ិច ដារ៉ា ដើម្បីស៊ើបអង្កេតរកការពិតអំពីមូលហេតុឲ្យនៅក្រៅឃុំ។
អានបន្ត -
អានបន្ត យុវជនចោទរដ្ឋាភិបាលគប់គិតជាមួយលោក លី យ៉ុងផាត់ បំផ្លាញបរិស្ថាន ខណៈអ្នកការពារត្រូវជាប់ទោស
សកម្មជនចលនាមាតាធម្មជាតិចោទរដ្ឋាភិបាលថា គប់គិតគ្នាជាមួយលោកអ្នកឧកញ៉ា លី យ៉ុងផាត់ លក់កោះកុងក្រៅដែលជាទ្រព្យសម្បត្តិរួមរបស់ជាតិ ដើម្បីផលប្រយោជន៍បុគ្គល។ ពួកគាត់អះអាងបែបនេះគឺដោយសារក្រុមហ៊ុនកោះកុង អេស អ៊ី ហ្សិត (SEZ) និងសម្ព័ន្ធអាជីវកម្មជាច្រើនរបស់លោក លី យ៉ុងផាត់ មានជាប់ពាក់ព័ន្ធនឹងអំពើឧក្រិដ្ឋកម្មថ្នាក់ជាតិ និងការរំលោភសិទ្ធិមនុស្សធ្ងន់ធ្ងរ ប៉ុន្តែរដ្ឋាភិបាលនៅតែបន្តផ្ដល់អាជ្ញាប័ណ្ណស្របច្បាប់ឱ្យក្រុមហ៊ុនលោក លី យ៉ុងផាត់ បំផ្លិចបំផ្លាញធម្មជាតិ។ ក្រោយពេលដែលសកម្មជនចលនាមាតាធម្មជាតិត្រូវបានរដ្ឋាភិបាលចាប់ដាក់ពន្ធនាគារទាំងអយុត្តិធម៌ពាក់ព័ន្ធនឹងការការពារធនធានធម្មជាតិ ពេលនេះយុវជនចលនាមាតាធម្មជាតិផ្សេងទៀតបានចេញវីដេអូតស៊ូមតិអំពីកោះកុងក្រៅសាជាថ្មីទៀត។
អានបន្ត -
អានបន្ត អង្គការសិទ្ធិមនុស្សខ្មែរក្រោមស្នើអ.ស.បអន្តរាគមន៍ទៅវៀតណាមដោះលែងសកម្មជន២រូបជាបន្ទាន់
អង្គការសិទ្ធិមនុស្សដែលមានមូលដ្ឋាននៅសហរដ្ឋអាមេរិកបានដាក់ញត្តិទៅក្រុមការងារអង្គការសហប្រជាជាតិស្ដីពីការឃុំខ្លួនដោយបំពាន (The United Nations Working Group on Arbitrary Detention) ជំនួសឲ្យសកម្មជនសិទ្ធិមនុស្សខ្មែរក្រោមពីរនាក់ ដែលតុលាការវៀតណាមបានកាត់ឲ្យជាប់ពន្ធនាគារជាច្រើនឆ្នាំ ដោយសារតែពួកគេទាមទារសិទ្ធិជនជាតិដើម។ អង្គការទាំងពីរនេះមានភស្តុតាងបង្ហាញថា អាជ្ញាធរវៀតណាមបានបន្តឃុំខ្លួនជនជាតិដើមខ្មែរក្រោមតាមទំនើងចិត្ត និងស្នើឲ្យវៀតណាមដោះលែងសកម្មជនទាំងពីរជាបន្ទាន់។ មូលនិធិសិទ្ធិមនុស្ស (Human Rights Foundation) និងសហព័ន្ធខ្មែរកម្ពុជាក្រោមបានស្នើឲ្យក្រុមការងារអង្គការសហប្រជាជាតិស្ដីពីការឃុំខ្លួនដោយបំពាន ស៊ើបអង្កេតករណីសកម្មជនសិទ្ធិមនុស្សឈានមុខខ្មែរក្រោមពីរនាក់ ដោយសារតែពួកគេត្រូវបានអាជ្ញាធរវៀតណាមចាប់ឃុំខ្លួនតាមទំនើងចិត្តរំលោភច្បាប់អន្តរជាតិ។
អានបន្ត -
អានបន្ត អ្នកកាសែត ដែលរងអំពើហិង្សាមិនទាន់ទទួលបានយុត្តិធម៌ ថែមទាំងរងការប្ដឹងផ្ដល់ទៅតុលាការទៀត
អ្នកកាសែតអនឡាញ (online) របស់គេហទំព័រសំអ៊ាងហតញូស៍ លោក លួន ភារិន និងក្រុមការងារ ដែលត្រូវបានបក្ខពួករបស់ម្ចាស់កន្លែងទូហ្គេមបាញ់ត្រីមួយកន្លែងនៅប៉ោយប៉ែត វាយដំលើរាងកាយតាំងពីខែមីនា រហូតដល់ពេលនេះ មិនត្រឹមតែមិនទទួលបានយុត្តិធម៌នោះទេ ថែមទាំងត្រូវបានម្ចាស់ផ្ទះល្បែងទូហ្គេម ប្ដឹងផ្ដល់ទៅតុលាការទៀត។ សម្ព័ន្ធអ្នកសារព័ត៌មាននៅកម្ពុជាបង្ហាញកង្វល់អំពីអំពើហិង្សា និងការបំភិតបំភ័យតាមផ្លូវច្បាប់ និងតុលាការ ទៅលើអ្នកសារព័ត៌មាន ដែលព្យាយាមធ្វើសេចក្ដីការណ៍អំពីបញ្ហារសើបនៅក្នុងប្រទេសកម្ពុជា។
អានបន្ត -
អានបន្ត អ្នកសារព័ត៌មានមួយចំនួនស្នើរដ្ឋាភិបាលសម្រួលឱ្យពួកគេទទួលបានបណ្ណសារព័ត៌មាន
ស្ត្រីជាអ្នកសារព័ត៌មានឯករាជ្យ ឬអ្នកសារព័ត៌មានគ្មានអង្គភាព បន្តទទូចសុំឱ្យក្រសួងព័ត៌មានសម្រួលក្នុងការធ្វើបណ្ណ តាមប្រព័ន្ធអនឡាញ សម្រាប់សម្គាល់អ្នកយកព័ត៌មាន ដើម្បីឲ្យពួកគេអាចចុះយកព័ត៌មានស្របតាមច្បាប់។ ថ្លែងក្នុងបទសម្ភាសន៍ជាមួយសំឡេងសហរដ្ឋអាមេរិក នៅក្រៅសិក្ខាសាលាមួយក្នុងទីក្រុងភ្នំពេញ នាថ្ងៃពុធ អ្នកស្រី ហង្ស សម្ផស្ស ប្រធានក្រុមអ្នកសារព័ត៌មានស្ត្រីកម្ពុជា ហៅកាត់ថា CFJ បានឱ្យដឹងថា អ្នកសារព័ត៌មានជាស្ត្រីមួយចំនួនដែលធ្វើការដោយគ្មានស្ថាប័ន បានព្យាយាមស្នើបណ្ណសារព័ត៌មានចេញដោយក្រសួងព័ត៌មានតាមប្រព័ន្ធអនឡាញ តែរាល់ពាក្យស្នើសុំត្រូវបានច្រានត្រឡប់មកវិញដោយមិនផ្តល់ហេតុផលជាក់លាក់។
អានបន្ត -
អានបន្ត សហគមន៍ព្រៃឡង់ស្នើឲ្យអាជ្ញាធរបង្ហាញព័ត៌មានជាក់លាក់អំពីកាត់ដីព្រៃក្នុងតំបន់ការពារឲ្យឯកជន
សហគមន៍ការពារព្រៃឡង់ស្នើឲ្យអាជ្ញាធរពាក់ព័ន្ធបង្ហាញព័ត៌មានជាក់លាក់អំពីកាត់ដីព្រៃក្នុងតំបន់ការពារព្រៃឡង់ ឲ្យទៅឯកជនធ្វើជាកម្មសិទ្ធិ ដើម្បីបង្ហាញអំពីតម្លាភាព និងយុត្តិធម៌ ពីព្រោះព្រៃឡង់ជាព្រៃរបស់ពលរដ្ឋទាំងអស់គ្នា។ កាលលើកឡើងនេះ ធ្វើឡើងបន្ទាប់ពីមន្ត្រីបរិស្ថានខេត្តកំពង់ធំ អះអាងថា ការកាត់ដីព្រៃនៅក្នុងតំបន់ការពារព្រៃឡង់ជិត ៦ពាន់ហិកតារ គឺធ្វើឡើងតាមអនុក្រឹត្យរបស់រដ្ឋាភិបាល។ បណ្ដាញសហគមន៍ការពារព្រៃឡង់អះអាងថា រហូតមកដល់បច្ចុប្បន្ននេះ ប្រជាពលរដ្ឋ និងអ្នកធ្វើការងារការពារតំបន់ព្រៃឡង់ មិនដែលទទួលបានព័ត៌មានលម្អិតអំពីការកាត់ឆ្វៀលដីព្រៃនៅក្នុងដែនជម្រកសត្វព្រៃ ព្រៃឡង់ឲ្យទៅឯកជនធ្វើជាកម្មសិទ្ធិម្ដងណាឡើយ។ សហគមន៍ថា អាជ្ញាធរគួររឹបអូសយកដីដែលមិនមានការអភិវឌ្ឍន៍ពីក្រុមហ៊ុនឯកជនឲ្យទៅប្រជាពលរដ្ឋវិញ។
អានបន្ត -
អានបន្ត កម្ពុជាបេ្តជ្ញាពង្រីកគម្របព្រៃឈើដើម្បីសម្រេចគោលដៅអព្យាក្រឹតកាបូននៅឆ្នាំ២០៥០
ក្រសួងបរិស្ថានកម្ពុជាបានអះអាងពីការប្តេជា្ញចិត្តរបស់ខ្លួនក្នុងការពង្រីកគម្របព្រៃឈើក្នុងប្រទេសកម្ពុជាដើម្បីរួមចំណែកសម្រេចឲ្យបាននូវអព្យាក្រឹតភាពកាបូននៅឆ្នាំ២០៥០។ ការប្តេជ្ញាយ៉ាងដូចនេះត្រូវបានធ្វើឡើងដោយលោកអ៊ាង សុផល្លែត រដ្ឋមន្ត្រីក្រសួងបរិស្ថាននៅក្នុងសន្និសីទស្តីពីជីវចម្រុះរបស់អង្គការសហប្រជាជាតិលើកទី១៦ ឬហៅថា COP16 កាលពីថ្ងៃទី២៩ តុលានៅក្នុងប្រទេសកូឡុំប៊ី។
អានបន្ត -
អានបន្ត សមាគមគ្រូបង្រៀនចាត់ទុកការពិន័យប្រាក់ជា«ការចាប់បង្ខំ»ដើម្បីបិទសំឡេងស្ថាប័ន
សមាគមគ្រូបង្រៀនកម្ពុជាឯករាជ្យបានចាត់ទុកការផាកពិន័យសមាគម និងបដិសេធការស្នើសុំលើកលែងការផាកពិន័យជា «ការចាប់បង្ខំ» មួយ ក្នុងគោលបំណងបំបិទសំឡេងរបស់ស្ថាប័នដែលធ្វើការលើកកម្ពស់វិស័យអប់រំក្នុងប្រទេស។ សមាគមគ្រូបង្រៀនកម្ពុជាឯករាជ្យដែលធ្លាប់ត្រូវបានដឹកនាំដោយលោក រ៉ុង ឈុន រងការពិន័យអន្តរការណ៍ដែលនិយ័តករគណនេយ្យ និងសវនកម្ម បានតម្រូវឱ្យសមាគមមួយនេះបង់ប្រាក់ជាង ១៨ លានរៀល ឬប្រមាណ ៤.៥០០ ដុល្លារអាមេរិក ចំពោះបទល្មើសនឹងច្បាប់ស្តីពីគណនេយ្យនិងសវនកម្មសម្រាប់«ការិយបរិច្ឆេទ» គណនេយ្យ២០២១។ សមាគមនេះរងការព្រមានចំណាត់ការតាមផ្លូវច្បាប់ បើសិនមិនបានបង់ប្រាក់ពិន័យ ក្នុងរយៈពេលយ៉ាងយូរ៩០ថ្ងៃ។
អានបន្ត -
អានបន្ត រាជរដ្ឋាភិបាលកាន់តែឯកាពីប្រជាជាតិប្រជាធិបតេយ្យ ល្គឹកណាហ៊ុមព័ទ្ធដោយអាជីវករជាឧក្រិដ្ឋជន
ប្រធានអង្គការសង្គមស៊ីវិលដែលមានមូលដ្ឋាននៅប្រទេសអូស្ត្រាលី លើកឡើងថា រដ្ឋាភិបាលប្រទេសកម្ពុជាដែលផ្តុំទៅដោយឧក្រិដ្ឋជនបោកប្រាស់តាមអនឡាញ លាងលុយកខ្វក់ និងការចាប់ជំរិត នឹងប្រឈមនូវការផ្តាច់ទំនាក់ទំនងពីរដ្ឋាភិបាលប្រទេសដែលប្រកាន់របបប្រជាធិបតេយ្យ។
អានបន្ត -
អានបន្ត តុលាការស្ទឹងត្រែងកោះហៅសកម្មជនព្រៃឡង់ លោក អ៊ុក ម៉ៅ តាមបណ្តឹងឈ្មួញរំលោភដីព្រៃ
តុលាការខេត្តស្ទឹងត្រែងបានកោះហៅសកម្មជនការពារព្រៃឈើ លោក អ៊ុក ម៉ៅ ឱ្យបង្ហាញខ្លួនក្នុងសវនាការជាថ្មីទៀត ដើម្បីជំនុំជម្រះក្តី នៅថ្ងៃទី៧ ខែវិច្ឆិកា ខាងមុខនេះ តាមបណ្តឹងរបស់ឈ្មួញមានអំណាច ដែលរំលោភយកដីព្រៃសហគមន៍ជាង ៣ពាន់ហិកតារ ដើម្បីធ្វើជាកម្មសិទ្ធិបុគ្គល។ សកម្មជនការពារព្រៃឈើរស់នៅស្រុកថាឡាបរិវ៉ាត់ ខេត្តស្ទឹងត្រែង លោក អ៊ុក ម៉ៅ អំពាវនាវឱ្យតុលាការផ្តល់យុត្តិធម៌ក្នុងរឿងនេះ ព្រោះលោកថា មិនបានប្រព្រឹត្តកំហុសដូចការចោទប្រកាន់ឡើយ។
អានបន្ត -
អានបន្ត សមាជិកព្រឹទ្ធសភាអាមេរិកអំពាវនាវឱ្យទម្លាក់ចោលបទចោទលើ លោក ម៉ិច ដារ៉ា និងដោះលែងកញ្ញា សេង ធារី
សមាជិកព្រឹទ្ធសភាអាមេរិក លោក ឌិក ឌើប៊ិន (Dick Durbin) មកពីខាងគណបក្សប្រជាធិបតេយ្យសាទរការដោះលែងអ្នកសារព័ត៌មានឯករាជ្យ លោក ម៉ិច ដារ៉ា ឱ្យបាននៅក្រៅឃុំ និងរំពឹងថា នឹងមានការទម្លាក់ចោលបទចោទប្រកាន់លើអ្នកសារព័ត៌មានរូបនេះ។ សមាជិកព្រឹទ្ធសភាមកពីរដ្ឋ អ៊ីល្លីណយស៍ (Illinois) លោក ឌិក ឌើប៊ិន បានសរសេរសារអំពាវនាវនេះនៅលើបណ្ដាញសង្គម អ៊ិច (X) កាលពីថ្ងៃទី២៨ ខែកញ្ញា។ លោកសរសេរបញ្ជាក់ថាបទចោទប្រកាន់ដែលមិនសមផលលើលោក ម៉ិច ដារ៉ា គួរត្រូវបានគេទម្លាក់ចោល។
អានបន្ត -
អានបន្ត ពលរដ្ឋខេត្តព្រះវិហារចោទក្រុមហ៊ុនសីលាដាម៉ិចថា រំលោភយកដីស្រែ និងហាមមិនឲ្យប្រមូលផលស្រូវ
ពលរដ្ឋរងគ្រោះដីធ្លី នៅស្រុកគូលេន ខេត្តព្រះវិហារ ចោទក្រុមហ៊ុនសីលាដាម៉ិច ខូអិលធីឌី (Seladamex Co.,Ltd) ថា បានរំលោភយកដីស្រែ និងហាមឃាត់ពួកគាត់មិនឲ្យប្រមូលផលស្រូវថែមទៀត។ ពលរដ្ឋ និងមន្ត្រីសង្គមស៊ីវិលស្នើឲ្យអាជ្ញាធរខេត្ត និងរដ្ឋាភិបាលជួយរកដំណោះស្រាយលើបញ្ហានេះ។
អានបន្ត -
អានបន្ត ក្រុមអ្នកតស៊ូមតិថាគណបក្សប្រជាជនកម្ពុជាជាអ្នកបំផ្លាញកិច្ចព្រមព្រៀងសន្តិភាពទីក្រុងប៉ារីស
ក្រុមអ្នកតស៊ូមតិកម្ពុជា (CAT) លើកឡើងថា គណបក្សប្រជាជនកម្ពុជា គឺជាតួអង្គតែមួយគត់ដែលកំពុងបំផ្លាញកិច្ចព្រមព្រៀងសន្តិភាពទីក្រុងប៉ារីស ជាហេតុធ្វើឱ្យបែកបាក់ជាតិខ្មែរកាន់តែធ្ងន់ធ្ងរ។ ក្រុមអ្នកតស៊ូមតិកម្ពុជា (Cambodian Advocacy Team) បានចេញសេចក្តីថ្លែងការណ៍វិភាគមួយនៅថ្ងៃទី២៨ តុលា នេះថា ជារឿងអកុសលបំផុតដែលគណបក្សប្រជាជនកម្ពុជា ព្យាយាមបំភ្លេចចោលនូវគោលបំណងនៃកិច្ចព្រមព្រៀងសន្តិភាពទីក្រុងប៉ារីស ដោយចាប់យកការដឹកនាំតាមបែបបំពានសិទ្ធិមនុស្ស បំពានរដ្ឋធម្មនុញ្ញ គ្មានការបោះឆ្នោតត្រឹមត្រូវ និងសេរីសម្រាប់ការដឹកនាំរបស់ខ្លួន។
អានបន្ត -
អានបន្ត គ្រួសាររំពឹងថា តុលាការខេត្តតាកែវជំនុំជម្រះក្ដីដោយយុត្តិធម៌ និងដោះលែងលោក ភុន យុទ្ធ នៅថ្ងៃសវនាការ
ប្រពន្ធរបស់ជនពិការដែលនិយាយរិះគន់មេដឹកនាំក្រុងភ្នំពេញរំពឹងថាតុលាការខេត្តតាកែវ នឹងកាត់ក្តីប្តីលោកស្រីប្រកបដោយយុត្តិធម៌ ព្រមទាំងទម្លាក់ចោលការចោទប្រកាន់ និងដោះលែងឱ្យលោក ភុន យុទ្ធ មានសេរីភាពឡើងវិញ។ សំណើនេះធ្វើឡើង ស្របពេលដែលតុលាការថ្នាក់ក្រោមមួយនេះគ្រោងបើកសវនាការជំនុំជម្រះក្ដីសំណុំរឿង លោក ភុន យុទ្ធ នៅថ្ងៃទី៣១ ខែ តុលាខាងមុខ។
អានបន្ត -
អានបន្ត មជ្ឈមណ្ឌលសិទ្ធិមនុស្សកម្ពុជាធ្វើយុទ្ធនាការអប់រំសាធារណជនពីអំពើនិទ្ទណ្ឌភាពករណីឃាតកម្មលើអ្នកសារព័ត៌មាន
មជ្ឈមណ្ឌលសិទ្ធិមនុស្សកម្ពុជានៅថ្ងៃទី២៩ ខែតុលានេះ បញ្ជាក់ជាថ្មីទៀតថា មកដល់ពេលនេះអាជ្ញាធររដ្ឋាភិបាលខកខានមិនបានស៊ើបអង្កេតប្រកបដោយប្រសិទ្ធភាព ឯករាជ្យ និងតម្លាភាព ដើម្បីនាំជនល្មើសមកជំនុំជម្រះ ដែលបណ្ដាលឱ្យករណីទាំងនេះមិនអាចដោះស្រាយ ហើយជនរងគ្រោះនៅតែមិនទទួលបានយុត្តិធម៌ ខណៈជនល្មើសនៅតែបន្តរួចខ្លួនពីការផ្ដន្ទាទោសចំពោះអំពើឧក្រិដ្ឋរបស់ពួកគេ។ ទាក់ទងនឹងបញ្ហានេះមជ្ឈមណ្ឌលសិទ្ធិមនុស្សកម្ពុជា ចាប់ផ្ដើមយុទ្ធនាការរយៈពេលជិត១ខែ ដើម្បីប្រារព្ធទិវាអន្តរជាតិ ដើម្បីបញ្ចប់អំពើនិទ្ទណ្ឌភាពនៃបទឧក្រិដ្ឋលើអ្នកសារព័ត៌មាន ដោយចាប់ផ្ដើមពីថ្ងៃទី ២៩នេះ បន្តរហូតដល់ថ្ងៃទី២៦ ខែវិច្ឆិកា។ យុទ្ធនាការនេះមានគោលបំណងលើកកម្ពស់ការយល់ដឹងពីតួនាទីអ្នកសារព័ត៌មានក្នុងសង្គមប្រជាធិបតេយ្យ និងអំពើនិទ្ទណ្ឌភាព ដែលកំពុងបន្តញាំញីក្នុងប្រទេសកម្ពុជា រួមទាំងឧក្រិដ្ឋកម្មលើអ្នកសារព័ត៌មានផង
អានបន្ត -
អានបន្ត អ្នកឃ្លាំមើលថា ព្រះមហាក្សត្រមានព្រះទ័យត្រជាក់ តែព្រះអង្គមិនទាន់បានព្យាយាមសម្របសម្រួលដោះស្រាយវិបត្តិនយោបាយ
អតីតមន្ត្រីជាន់ខ្ពស់ នៃគណបក្សហ៊្វុនស៊ិនប៉ិច និងក៏ជាមនុស្សស្និទ្ធនឹងសម្ដេច ក្រុមព្រះ នរោត្តម រណឫទ្ធិ គឺលោក ប៉ែន សង្ហា លើកឡើងថា ព្រះករុណា ព្រះបាទ សម្ដេច ព្រះបរមនាថ នរោត្តម សីហមុនី មានគុណសម្បត្តិជាច្រើន ដោយព្រះអង្គបានព្យាយាមបំពេញតួនាទីតាមរដ្ឋធម្មនុញ្ញ គឺព្រះមហាក្សត្រដែលគ្រងរាជ្យ តែមិនកាន់អំណាច ហើយព្រះអង្គក៏ជាព្រះមហាក្សត្រដែលមានព្រះទ័យត្រជាក់ និងតែងបង្ហាញស្នាមញញឹមទៅកាន់ប្រជារាស្ត្ររបស់ព្រះអង្គ។ ការកត់សម្គាល់របស់លោក ប៉ែន សង្ហា ដូចនេះធ្វើឡើងក្នុងខួប ២០ឆ្នាំ នៃការឡើងគ្រងរាជសម្បត្តិរបស់ព្រះមហាក្សត្រនៅថ្ងៃទី២០ តុលា។ ទោះជាយ៉ាងណា លោក ប៉ែន សង្ហា ថា ព្រះករុណា ព្រះបាទ សម្ដេច ព្រះបរមនាថ នរោត្តម សីហមុនី នៅមិនទាន់ព្យាយាមសម្របសម្រួលវិបត្តិនយោបាយដូចបិតាព្រះអង្គ គឺព្រះបាទសម្តេច ព្រះនរោត្តម សីហនុ ព្រះបរមរតនកោដ្ឋនៅឡើយ ក្នុងពេលប្រទេសកម្ពុជាកំពុងមានវិបត្តិនយោបាយ។
អានបន្ត -
អានបន្ត បក្សក្រៅរដ្ឋាភិបាល និងសង្គមស៊ីវិល ស្នើដល់រដ្ឋាភិបាលឱ្យបង្ហាញគម្រោងលម្អិតអំពីចំណាយថវិកាជាតិឆ្នាំ២០២៥
បក្សក្រៅរដ្ឋាភិបាលសម្ដែងការបារម្ភអំពីតម្លាភាព នៃគម្រោងចំណាយថវិកាជាតិឆ្នាំ២០២៥ និងស្នើឱ្យបង្ហាញគម្រោងលម្អិត។ ការបារម្ភនេះ ធ្វើឡើងបន្ទាប់ពីអង្គប្រជុំគណៈរដ្ឋមន្ត្រីកាលពីថ្ងៃទី២៥ ខែតុលា បានអនុម័តថវិកាជាតិជាង ៩ពាន់លានដុល្លារ សម្រាប់ចំណាយនៅឆ្នាំ២០២៥ ខាងមុខនេះ ហើយក្រសួងហិរញ្ញវត្ថុថា នឹងផ្សព្វផ្សាយសេចក្ដីព្រាងច្បាប់ ១សប្ដាហ៍ក្រោយ ក្រោយទៅដល់រដ្ឋសភា។ មន្ត្រីជាន់ខ្ពស់គណបក្សឆន្ទៈខ្មែរស្នើរដ្ឋាភិបាលត្រូវផ្ដល់ឯកសារព័ត៌មាននៃគម្រោងចំណាយ នៅមុនពេលដាក់ជូនរដ្ឋសភាអនុម័ត ដើម្បីផ្ដល់ឱកាសដល់មជ្ឈដ្ឋានពាក់ព័ន្ធនឹងថវិកា លើកមតិយោបល់ជាមូលដ្ឋាន សម្រាប់ឱ្យសមាជិកសភាតវ៉ា ក្នុងគោលដៅកែលម្អការចំណាយរបស់រដ្ឋឱ្យត្រឹមត្រូវតាមសេចក្ដីត្រូវការ។
អានបន្ត -
អានបន្ត សកម្មជនចលនាមាតាធម្មជាតិកំពុងជាប់ឃុំលើកទឹកចិត្តយុវជនឱ្យក្លាហាន និងតស៊ូដើម្បីការពារធនធានធម្មជាតិ
សកម្មជនចលនាមាតាធម្មជាតិដែលកំពុងជាប់ឃុំនៅពន្ធនាគារផ្ញើសារលើកទឹកចិត្តយុវជនឱ្យក្លាហាន និងហ៊ានប្រឆាំងចំពោះភាពអយុត្តិធម៌ ដើម្បីទាមទារសិទ្ធិសេរីភាព ទោះជារដ្ឋាភិបាលប្រើវិធីសាស្ត្របំបាក់ស្មារតីយុវជនយ៉ាងណាក្ដី។ ពួកគាត់អះអាងថា ការជាប់ពន្ធនាគារគឺមិនគួរឱ្យខ្លាចដូចកម្ពុជាត្រូវបាត់បង់ធនធានធម្មជាតិ និងបាត់បង់លទ្ធិប្រជាធិបតេយ្យនោះទេ។ បើទោះជាបាត់បង់សិទ្ធិសេរីភាពដោយសារជាប់ឃុំក្នុងពន្ធនាគារក្ដី ក៏យុវជនចលនាមាតាធម្មជាតិនៅតែមានឆន្ទៈមោះមុត និងពេញចិត្តក្នុងការធ្វើការងារជាអ្នកការពារបរិស្ថាន ហើយចង់ឃើញយុវជនជំនាន់ក្រោយចេះរួបរួមគ្នាដើម្បីប្រយោជន៍ជាតិ។
អានបន្ត -
អានបន្ត សកម្មជនបរិស្ថានបារម្ភពីកំណើនបទល្មើសព្រៃឈើដោយសារខ្វះកិច្ចសហការពីភាគីពាក់ព័ន្ធ
កិច្ចប្រជុំស្តីពីជីវៈចម្រុះលើកទី១៦ (COP16) កំពុងបន្តធ្វើនៅក្នុងប្រទេសកូឡុំប៊ីតាំងពីថ្ងៃទី២១ តុលា និងគ្រោងបិទបញ្ចប់នៅថ្ងៃទី១ វិច្ឆិកា ឆ្នាំ ២០២៤។ នៅក្នុងឱកាសនេះ អង្គការសង្គមស៊ីវិលចំនួន ៤ស្ថាប័នស្នើឱ្យរដ្ឋាភិបាលកម្ពុជាចូលរួមជាមួយយុវជន ព្រះសង្ឃ ជនជាតិដើមភាគតិច និងសហគមន៍មូលដ្ឋានដើម្បីការពារ អភិរក្សព្រៃឈើ និងរក្សាជីវចម្រុះនៅកម្ពុជា។ ក្រុមសកម្មជនរបស់អង្គការសង្គមស៊ីវិលទាំងនេះអះអាងថាកន្លងមក ក្រសួងបរិស្ថានបានបដិសេធមិនទទួលស្គាល់អង្គការបរិស្ថានមួយចំនួនក្នុងការចូលរួមត្បាតព្រៃជាមួយក្រុមមន្ត្រីបរិស្ថាន។ ការបដិសេធនេះបានធ្វើឲ្យសកម្មជនបរិស្ថានបារម្ភពីកំណើនបទល្មើសព្រៃឈើដោយសារខ្វះកិច្ចសហការពីភាគីពាក់ព័ន្ធ៕
អានបន្ត
គាំទ្រដោយ
