-
សវនាការរបស់តុលាការឧទ្ធរណ៍ត្រូវតែនាំយុត្តិធម៌ឲ្យដល់ ប៊ន សំណាង និង សុខ សំអឿន
គណកម្មាធិការប្រព្រឹត្តិកម្មនៃអង្គការសមាគមន៍ការពារសិទ្ធិមនុស្សនៅកម្ពុជា(CHRAC) ជាអង្គការចម្រុះមួយ ដែលមានសមាជិកចំនួន២១ដាក់ញត្តិទៅតុលាការឧទ្ធរណ៍សុំឲ្យដោះលែង ប៊ន សំណាងនិង សុខ សំអឿន នៅក្នុងសវនាការតុលាការឧទ្ធរណ៍នាថ្ងៃទី៦ ខែតុលា ឆ្នាំ២០០៦ ខាងមុខនេះ។ CHRAC បានធ្វើការស៊ើបអង្កេតចំពោះការធ្វើឃាតលោក ជា វិជ្ជា ដែលកើតឡើងនៅថ្ងៃទី២២ ខែមករា ឆ្នាំ២០០៤ និងបន្តមានជំនឿថា ប៊ន សំណាង និង សុខ សំអឿន មិនបានធ្វើបទឃាតកម្មនោះទេ។ CHRAC ចាត់ទុកសាលក្រមរបស់តុលាការឧទ្ធរណ៍គឺត្រូវបានធ្វើឡើងព្រោះតែហេតុផលនយោបាយ។ បន្ថែមលើសនេះ វាទំនងដែលថា ការស៊ើបអង្កេតរបស់នគរបាលចំពោះករណីឃាតកម្មនេះគឺពាក់ព័ន្ធនឹងមន្ត្រីនគរបាល ដែលមានកេរ្តិ៍ឈ្មោះមិនល្អជាច្រើននាក់ ដែលអ្នកខ្លះត្រូវបានចាប់ខ្លួនពីបទប្រព្រឹត្តបទល្មើស។
អានបន្ត -
កម្ពុជា៖ ដោះលែងអ្នករងកំហុសឯទៀតពីបទឃាតកម្មលើមេដឹកនាំកម្មករ
(ញូវ យ៉ក) អង្គការឃ្លាំមើលសិទ្ធិមនុស្សបានឲ្យដឹងនៅថ្ងៃនេះថា នៅក្នុងសវនាការតុលាការឧទ្ធរណ៍នាថ្ងៃសុក្រ អង្គចៅក្រមតុលាការកម្ពុជាដោយសារតែខ្វះភស្តុតាងនោះគួរតែដោះលែងបុរសពីរនាក់ដែលកាត់ឲ្យជាប់ទោសដោយមិនត្រឹមត្រូវពីបទសម្លាប់លោក ជា វិជ្ជា ជាមេដឹកនាំកម្មករ។ ប៊ន សំណាង និង សុខ សំអឿន ដែលបច្ចុប្បន្នកំពុងជាប់ក្នុងពន្ធនាគាររយៈពេល២០ឆ្នាំត្រូវបានកាត់ឲ្យជាប់ទោសនៅក្នុងខែសីហា ឆ្នាំ២០០៥ បន្ទាប់ពីការកាត់ក្តីដ៏ចម្រូងចម្រាស់មួយ ដែលមិនបានគោរពតាមបទដ្ឋានអន្តរជាតិនៃនីតិវិធីចំណាត់ការច្បាប់ និងយុត្តិធម៌ត្រឹមត្រូវ។ លោក ជា វិជ្ជា ដែលជាស្ថាបនិក និងជាប្រធានសហព័ន្ធសហជីពសេរីកម្មករនៃព្រះរាជាណាចក្រកម្ពុជាគឺជាមេដឹកនាំកម្មករដ៏លេចធ្លោបំផុតម្នាក់នៅក្នុងប្រទេសកម្ពុជារហូតដល់អំពើឃាតកម្មលើរូបលោកនៅខែមករា ឆ្នាំ២០០៤។
អានបន្ត -
សិទ្ធិមនុស្ស និងព្រឹត្តិការណ៍ទាក់ទិននឹងសេរីភាព ក្នុងការបញ្ចេញមតិ៖ រៀនសូត្រពីបទពិសោធន៍
ព្រឹត្តិការណ៍ទាំងឡាយ ដែលកើតឡើងក្រោយពេលចាប់ខ្លួននៅចុងឆ្នាំ ២០០៥ បាននាំមកនូវការវិវឌ្ឍជាវិជ្ជមានជាច្រើន នៅក្នុងសង្គមស៊ីវិល។ ជនជាតិខ្មែរ បានធ្វើការងារតាមវិធីថ្មី ជាមួយសហគមន៍អន្តរជាតិហើយបណ្តាញជាប្រពៃណីត្រូវបានពង្រីក។ សេរីភាពក្នុងការបញ្ចេញមតិ និងការជួបប្រជុំគ្នានៅប្រឈមនឹងគ្រោះថ្នាក់នៅឡើយ នៅប្រទេសកម្ពុជា។ ក្នុងឆ្នាំ២០០៥ អាជ្ញាធរបានចាប់ផ្តើមប្រើច្បាប់បរិហារកេរ្តិ៍តាំងពីសម័យអ៊ុនតាក់ ដើម្បីចាប់ខ្លួនឥស្សរជនល្បីល្បាញមួយចំនួនដាក់ពន្ធនាគារ ដោយសារអ្នកទាំងនោះបានសម្តែងទស្សនៈរបស់ខ្លួន និងដោយសារបានអនុញ្ញាតឲ្យអ្នកដទៃទៀតបានបញ្ចេញទស្សនៈរបស់ពួកគេ។ លើសពីនេះទៀត សកម្មជនដែលគេមិនស្គាល់ឈ្មោះ និងគ្មានឥទ្ធិពលជាច្រើននាក់នៅតាមខេត្ត ក៏ត្រូវបានគេចោទប្រកាន់ពីបទបរិហារកេរ្តិ៍ផងដែរ។ ទោះបីជារដ្ឋាភិបាលបានសន្យាពិនិត្យកែច្បាប់នោះក្តី ក៏បទបរិហារកេរ្តិ៍ នៅតែជាបទល្មើសព្រហ្មទណ្ឌនៅឡើយ។ នៅក្នុងសេចក្តីព្រាងច្បាប់ថ្មី ស្តីពីការជួបប្រជុំជាសាធារណៈ ការតវ៉ា និងបាតុកម្ម ដែលគ្មានការគ្រោងទុក ត្រូវតែធ្វើឡើងនៅក្នុងទីកន្លែងកំណត់ដោយរដ្ឋាភិបាល ដោយមិនត្រូវមានអ្នកចូលរួមលើសពី២០០នាក់ និងមិនត្រូវមានរយៈពេលលើសពីបួនម៉ោងឡើយ។
អានបន្ត -
-
ម.ស.ម.ក គាំទ្រការរិះគន់ចំពោះការរំលោភសិទ្ធិមនុស្សនៅកម្ពុជា ដែលធ្វើឡើងដោយអ្នកតំណាងពិសេសរបស់អង្គការសហប្រជាជាតិលោក យ៉ាស ហ្គាយ(Yash Ghai)
មជ្ឈមណ្ឌលសិទ្ធិមនុស្សកម្ពុជា(ម.ស.ម.ក) ស្វាគមន៍ចំពោះរបាយការណ៍ ដែលធ្វើឡើងដោយអ្នកតំណាងពិសេសរបស់អង្គការសហប្រជាជាតិសម្រាប់សិទ្ធិមនុស្សនៅកម្ពុជាលោក យ៉ាស ហ្គាយ(Yash Ghai)។ អ្នកជំនាញឯករាជ្យរូបនេះបានបង្ហាញនូវការរកឃើញ និងអនុសាសន៍របស់គាត់ចំពោះក្រុមប្រឹក្សាសិទ្ធិមនុស្សរបស់អង្គការសហប្រជាជាតិនៅទីក្រុងហ្សឺណេវនាថ្ងៃពុធ ទី២៦ ខែកញ្ញា។
អានបន្ត -
អង្គការក្រៅរដ្ឋាភិបាលប្រាប់ក្រុមប្រឹក្សាសិទ្ធិមនុស្សអង្គការសហប្រជាជាតិឲ្យដឹងអំពីស្ថានភាពសិទ្ធិមនុស្សដ៏តឹងតែងនៅក្នុងប្រទេសកម្ពុជា
យោងតាមអង្គការក្រៅរដ្ឋាភិបាលផ្នែកសិទ្ធិមនុស្សចំនួនបីបានឲ្យដឹងថា ស្ថានភាពសិទ្ធិមនុស្ស ដែលកាន់តែយ៉ាប់យ៉ឺនទៅនៅកម្ពុជាទាមទារឲ្យមានការចាត់វិធានការខ្លាំងជាងមុនពីអង្គការសហប្រជាជាតិ និងប្រទេសម្ចាស់ជំនួយធំៗបំផុត។ សមាគមន៍ការពារសិទ្ធិមនុស្ស និងអភិវឌ្ឍនៅកម្ពុជា(អាដហុក) និងអង្គការសម្ព័ន្ធខ្មែរជំរឿន និងការពារសិទ្ធិមនុស្ស(លីកាដូ) និងវេទកាសិទ្ធិមនុស្ស និងអភិវឌ្ឍន៍អាស៊ី(FORUM-ASIA) នៅក្នុងការដាក់បញ្ជូនទៅកាន់អគ្គអង្គភាពសិទ្ធិនៃក្រុមប្រឹក្សាសិទ្ធិមនុស្សរបស់អង្គការសហប្រជាជាតិបានលើកឡើងថា រដ្ឋាភិបាលកម្ពុជាខកខានមិនបានបំពេញកាតព្វកិច្ចសិទ្ធិមនុស្សរបស់ខ្លួន។ ក្រុមប្រឹក្សាគឺកំពុងប្រារព្ធកិច្ចប្រជុំលើកទីពីររបស់ខ្លួននៅក្នុងទីក្រុងហ្សឺណេវចាប់ពីថ្ងៃទី១៨ ខែកញ្ញា រហូតដល់ថ្ងៃទី៦ ខែតុលា ឆ្នាំ២០០៦។
អានបន្ត -
សកម្មជនសិទ្ធិមនុស្សនឹងធ្វើពិធីបង្ហោះប៉េងប៉ោងនៅមុខពន្ឋនាគារព្រៃសរ នៅថ្ងៃពុធទី ០៦ ខែកញ្ញា ដើម្បីទាមទារឲ្យមានការដោះលែងអ្នកភូមិបីរូបដែលត្រូវបានគេចាប់ខ្លួន
សម្ព័ន្ឋភាពដើម្បីសេរីភាពបញ្ចេញមតិនៅកម្ពុជា () សូមគោរពអញ្ជើញដល់ប្រព័ន្ឋផ្សព្វផ្សាយព័ត៌មានទាំងអស់ ដើម្បីធ្វើការរាយការណ៍អំពីពិធីបង្ហោះប៉េងប៉ោងនៅពីមុខពន្ឋនាគារព្រៃសរ នៅថ្ងៃទី០៦ ខែកញ្ញា ឆ្នាំ២០០៦ វេលាម៉ោង ១១ព្រឹក ដើម្បីទាមទារឲ្យមានការដោះលែងជាបន្ទាន់និងដោយគ្មានលក្ខខណ្ឌ ដល់អ្នកភូមិសំបុកចាបបីរូបដែលត្រូវបានគេឃុំឃាំងអស់រយៈពេលបីខែមកហើយ ។
អានបន្ត -
ថ្ងៃទី១ ខែកញ្ញា ឆ្នាំ២០០៦ ការធ្លាក់ចុះនៃសេរីភាពបញ្ចេញមតិ និងប្រមូលផ្តុំ
មជ្ឈមណ្ឌលសិទ្ធិមនុស្សកម្ពុជា មានការរន្ធត់នៅពេលដែលឮដំណឹងថា "ច្បាប់ស្តីពីលក្ខន្តិកៈតំណាងរាស្ត្រ" បានអនុញ្ញាតឲ្យចាប់ខ្លួន និងចោទប្រកាន់សមាជិករដ្ឋសភា មុនពេលលើកអភ័យឯកសិទ្ធិរបស់ពួកគេ ។ នេះជាលក្ខន្តិកៈដែលបានអនុម័តដោយរដ្ឋសភា នៅថ្ងៃពុធ ទី៣០ ខែសីហា ឆ្នាំ២០០៦ ។
អានបន្ត -
-
-
-
គាំទ្រដោយ
