-
នៅក្នុងឱកាសទិវាពលកម្មនេះ ម.ស.ម.ក សូមអំពាវនាវឲ្យមានកិច្ចខិតខំប្រឹងប្រែងជាថ្មីបន្ថែមទៀត ដើម្បីការពារសិទ្ធិរបស់កម្មករ
- កាលបរិច្ឆេទចេញផ្សាយ: ១-ឧសភា-២០១៤
- ការចេញផ្សាយ: សេចក្តីថ្លែងការណ៍
នៅក្នុងឱកាសទិវាពលកម្ម ថ្ងៃទី១ ខែឧសភា ឆ្នាំ២០១៤ នេះ មជ្ឈមណ្ឌលសិទ្ធិមនុស្សកម្ពុជា“ម.ស.ម.ក”) សូម អំពាវនាវឲ្យរាជរដ្ឋាភិបាលកម្ពុជា (“រដ្ឋាភិបាល”) ប្តេជ្ញាគោរព និងលើកកម្ពស់សិទ្ធិការងារ និងសិទ្ធិរបស់ កម្មករនៅក្នុងព្រះរាជាណាចក្រកម្ពុជា (“កម្ពុជា”)។ ទោះបីជាការរំលោភបំពានសិទ្ធិមនុស្សមានការរីករាលដាល ច្រើនយ៉ាងណាក្តី ក៏រដ្ឋាភិបាលបានអនុវត្តតិចតួចក្នុងការដោះស្រាយបញ្ហានានាឲ្យបានជាក់លាក់ ថ្វីបើខ្លួនមាន កាតព្វកិច្ចត្រូវបំពេញតាមផ្លូវច្បាប់ក៏ដោយ។
ទាញយកអានបន្ត -
លិខិតរបស់អង្គការឃ្លាំមើលសិទ្ធិមនុស្សជូនចំពោះរដ្ឋមន្ត្រីក្រសួងការងារស្តីពីការធ្លាក់ចុះការចុះបញ្ជីសហជីព និងស្នើឲ្យកែប្រែប្រកាសលេខ ២១ (ចេញដោយ អង្គការឃ្លាំមើ
- កាលបរិច្ឆេទចេញផ្សាយ: ២៩-មេសា-២០១៤
- ការចេញផ្សាយ: ផ្សេងៗ
ខ្ញុំសរសេរលិខិតនេះក្នុងនាមអង្គការឃ្លាំមើលសិទ្ធិមនុស្ស ដើម្បីលើកឡើងពីកង្វល់មួយចំនួនទាក់ទងនឹងបញ្ហាដែល ថាហាក់ដូចជាមានការធ្លាក់យ៉ាងខ្លាំងនូវការចុះបញ្ជីសហជីព រួមទាំងនៅក្នុងរោងចក្រកាត់ដេរសម្លៀកបំពាក់ និង ដេរស្បែកជើង ហើយយើងខ្ញុំសូមជំរុញឱ្យឯកឧត្តមានមេត្តាអន្តរាគមន៍ជាបន្ទាប់ព្រមទាំងធានាថា មន្ត្រីទទួលបន្ទុក បន្តផ្តល់អាជ្ញាប័ណ្ណឲ្យសហជីពថែមទៀត។
ទាញយកអានបន្ត -
ម.ស.ម.ក បង្ហាញក្តីបារម្ភចំពោះសេចក្តីសម្រេចចាត់វិធានការរបស់តុលាការចំពោះមេដឹកនាំសហជីព លោក អាត់ ធន់
- កាលបរិច្ឆេទចេញផ្សាយ: ២៤-មេសា-២០១៤
- ការចេញផ្សាយ: សេចក្តីថ្លែងការណ៍
មជ្ឈមណ្ឌលសិទ្ធិមនុស្សកម្ពុជា ("ម.ស.ម.ក”) សូមបង្ហាញនូវក្តីបារម្ភជាខ្លាំងចំពោះវិធានការដ៏តឹងតែងរបស់សាលា ដំបូងរាជធានីភ្នំពេញកាលពីថ្ងៃអង្គារ ទី២២ ខែមេសា ឆ្នាំ២០១៤ ក្នុងការរឹតត្បិតសិទ្ធិសហជីពរបស់លោក អាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា (“ស៊ីខាវឌូ”)។ លោក អាត់ ធន់ ត្រូវបានចោទប្រកាន់ពី ដំបូងនៅក្នុងខែមីនា ឆ្នាំ២០១៤ ហើយនៅថ្ងៃអង្គារ សាលាដំបូងរាជធានីភ្នំពេញបានបង្គាប់ឲ្យលោក អាត់ ធន់ ត្រូវ នៅឲ្យឆ្ងាយពីរោងចក្រកាត់ដេរ អែស អិល ដែលស្ថិតក្នុងរាជធានីភ្នំពេញ និងកម្មកររបស់ខ្លួន ព្រមទាំងត្រូវជៀសវាងការជួបប្រជុំជា សាធារណៈផ្សេងៗ ដែលអាច “ប៉ះពាល់ដល់សណ្តាប់ធ្នាប់សាធារណៈ” ឬប្រឈមនឹងការឃុំខ្លួនបណ្តោះអាសន្ន។
ទាញយកអានបន្ត -
កំណត់ត្រាសង្ខេបរបស់ ម.ស.ម.ក សេរីភាពក្នុងការបង្កើតសមាគមរបស់សហជីព
- កាលបរិច្ឆេទចេញផ្សាយ: ១៧-មេសា-២០១៤
- ការចេញផ្សាយ: របាយការណ៍
កំណត់ត្រាសង្ខេបនេះផ្តោតលើសិទ្ធិសេរីភាពក្នុងការបង្កើតសមាគមនៅក្នុងព្រះរាជាណាចក្រកម្ពុជា ដោយពិនិត្យ មើលទៅលើស្ថានភាពនាពេលបច្ចុប្បន្នជុំវិញសេរីភាពក្នុងការបង្កើតសមាគមនៅកម្ពុជា ពិចារណាទៅលើសេចក្តី ព្រាងច្បាប់ស្តីពីសហជីព ដែលរាជរដ្ឋាភិបាលកម្ពុជា សន្យាថានឹងអនុម័តនៅមុនដំណាច់ឆ្នាំ២០១៤ ព្រមទាំងផ្តល់ អនុសាសន៍ជាក់លាក់មួយចំនួនស្តីពីសេចក្តីព្រាងច្បាប់ជូនរដ្ឋាភិបាល ដើម្បីធានាថាច្បាប់នេះនឹងប្រព្រឹត្តទៅស្រប តាមបទដ្ឋានសិទ្ធិមនុស្សអន្តរជាតិ និងធានាដល់សិទ្ធិសេរីភាពក្នុងការបង្កើតសមាគម។
ទាញយកអានបន្ត -
ការបង្ក្រាបនៅកម្ពុជា៖ កម្មករទាមទារការតំឡើងប្រាក់ឈ្នួលជួបប្រទះនឹងការបង្ក្រាបយ៉ាងហិង្សា (បោះពុម្ពផ្សាយដោយក្រុមការងារសិទ្ធិកម្មករ)
- កាលបរិច្ឆេទចេញផ្សាយ: ២៤-មីនា-២០១៤
- ការចេញផ្សាយ: របាយការណ៍
កាលពីថ្ងៃទី២ និងទី៣ ខែមករា ឆ្នាំ២០១៤ កងកម្លាំងសន្តិសុខកម្ពុជាបានជាប់ពាក់ព័ន្ធនឹងការវាយប្រហារបណ្តាល ឲ្យស្លាប់លើកម្មកររោងចក្រកាត់ដេរ ដែលធ្វើការតវ៉ានៅក្នុងរាជធានីភ្នំពេញ។ មន្ត្រីកងរាជអាវុធហត្ថរបស់ ប្រទេសកម្ពុជាបានសម្លាប់មនុស្សយ៉ាងហោចចំនួន ៤ នាក់ និងបណ្តាលឲ្យរងរបួស យ៉ាងហោចចំនួន ៣៨ នាក់ ដោយ ការបាញ់គ្រាប់កាំភ្លើងទៅលើកម្មកររាប់រយនាក់ ដែលកំពុងតែធ្វើការតវ៉ានៅខាងក្រៅរោងចក្រ កាត់ដេរនានា ដើម្បីទាមទារការតំឡើងប្រាក់ឈ្នួល។ (របាយការណ៍នេះអាចរកបានតែជាភាសាអង់គ្លេស)
ទាញយកអានបន្ត -
របាយការណ៍ទិន្នន័យនៃកម្មវិធីតម្លាភាពរបស់គម្រោងរោងចក្រកាន់តែប្រសើរនៅកម្ពុជា (បោះពុម្ពដោយ គម្រោងរោងចក្រកាន់តែប្រសើររបស់អាយឡូ)
- កាលបរិច្ឆេទចេញផ្សាយ: ១៧-មីនា-២០១៤
- ការចេញផ្សាយ: របាយការណ៍
គំរោងរោងចក្រកាន់តែប្រសើរនៅកម្ពុជា បានត្រលប់ទៅកាន់ការអនុវត្តន៍របស់ខ្លួនកាលពីមុន ដោយមាន ការបង្ហាញជាសាធារណៈពីពត៌មាននៃការអនុលោមតាមច្បាប់របស់រោងចក្រកាត់ដេរនីមួយៗ តាមរយៈការបើក ដំណើរការទិន្នន័យនៃកម្មវិធីតម្លាភាពលើប្រព័ន្ធអ៊ីនធើណិតរបស់គំរោងរោងចក្រកាន់តែប្រសើរនៅកម្ពុជា។
ទាញយកអានបន្ត -
ម.ស.ម.ក ដាក់ឲ្យដំណើរការគេហទំព័រថ្មីមួយផ្តោតលើបញ្ហាធុរកិច្ចនិងសិទ្ធិមនុស្ស និងចេញផ្សាយទិន្នន័យបច្ចុប្បន្នភាពអំពី រោងចក្រកាត់ដេរ និងចង្វាក់ផលិតកម្មនៅកម្ពុជា
- កាលបរិច្ឆេទចេញផ្សាយ: ២៨-កុម្ភៈ-២០១៤
- ការចេញផ្សាយ: សេចក្តីថ្លែងការណ៍
នៅថ្ងៃទី២៨ ខែកុម្ភៈ ឆ្នាំ២០១៣នេះ មជ្ឈមណ្ឌលសិទ្ធិមនុស្សកម្ពុជា ("ម.ស.ម.ក”) ដាក់ឲ្យដំណើរការគេហទំព័រថ្មី មួយផ្ដោតលើបញ្ហាធុរកិច្ច និង សិទ្ធិមនុស្ស ព្រមទាំង ចេញផ្សាយទិន្នន័យបច្ចុប្បន្នភាពអំពីរោងចក្រ កាត់ដេរ និងចង្វាក់ផលិតកម្ម នៅព្រះរាជាណាចក្រកម្ពុជា (“កម្ពុជា”)។ គេហទំព័រធុរកិច្ច និងសិទ្ធិមនុស្ស និងទិន្នន័យ បច្ចុប្បន្នភាព អំពីរោងចក្រកាត់ដេរនៅកម្ពុជា អាចស្វែងរកបាននៅលើគេហទំព័រសិទ្ធិមនុស្សកម្ពុជា ដែលទទួល បានជ័យលាភី www.sithi.org។
ទាញយកអានបន្ត -
សលាកប័ត្រព័ត៌មាន៖ ការតវ៉ារបស់កម្មករប្រមូលសំរាមក្រុមហ៊ុនស៊ីនទ្រី
- កាលបរិច្ឆេទចេញផ្សាយ: ២៤-កុម្ភៈ-២០១៤
- ការចេញផ្សាយ: សលាកបត្រព័ត៌មាន
ការតវ៉ារបស់កម្មករប្រមូលសំរាមនាពេលថ្មីៗ និងការចរចារជាបន្តបន្ទាប់ជាមួយនឹងក្រុមហ៊ុន ស៊ីនទ្រី បានបង្ហាញ ពីភាពអត់ធ្មត់របស់រាជរដ្ឋាភិបាល កម្ពុជា (“រដ្ឋាភិបាល”) និងគូសបញ្ជាក់សកម្មភាពនៃការធ្វើកូដកម្មដោយសមូហវិធី អាចត្រូវបានដោះស្រាយដោយសន្តិវិធីនៅក្នុងព្រះរាជាណាចក្រកម្ពុជា (“កម្ពុជា”) តាមរយៈកិច្ចសន្ទនា និងការ សម្រុះសម្រួលរវាងភាគីទាំងអស់។
ទាញយកអានបន្ត -
សប្ហាហ៍ដែលបានធ្វើឲ្យរន្ធត់នៅកម្ពុជា (បោះពុម្ពដោយមជ្ឍមណ្ឌលធនធានឃ្លាំមើលនៅអាស៊ី)
- កាលបរិច្ឆេទចេញផ្សាយ: ២២-កុម្ភៈ-២០១៤
- ការចេញផ្សាយ: របាយការណ៍
របាយការណ៍នេះ ត្រូវបានចងក្រង និងបោះពុម្ពដោយមជ្ឍមណ្ឌលធនធានឃ្លាំមើលនៅអាស៊ី បន្ទាប់ពី ការសិក្សាស្រាវជ្រាវក្រោយការធ្វើកូដកម្មជាទូទៅ និងការបង្ក្រាបយ៉ាងហិង្សា ក្នុងអំឡុងខែធ្នូ ឆ្នាំ២០១៣ និងខែមករា ឆ្នាំ២០១៤។ របាយការណ៍នេះបានរកឃើញថា ការទាមទាររបស់កម្មករខ្មែរ ក្នុងការតំឡើងប្រាក់ឈ្នួល អប្បបរមាឲ្យដល់ចំនួន ១៦០ ដុល្លារក្នុងមួយខែ គឺត្រឹមត្រូវ និង សមហេតុផល ដោយសារតែប្រាក់ឈ្នួល ពិតប្រាកដ របស់ពួកគេនៅទ្រឹង ថ្វីបើមានការរួមចំណែក យ៉ាងសន្ធឹក សន្ធាប់ដល់កំណើនសេដ្ឋកិច្ចជាតិ។ ការឆ្លើយតប ដោយពុំមានប្រសិទ្ធភាព របស់គណៈកម្មាធិការ ប្រឹក្សាការងារ ចំពោះការទាមទារនេះក្នុងកិច្ចប្រជុំបានបង្ខំឲ្យកម្មករ ភាគច្រើនធ្វើកូដកម្ម និងការតវ៉ា ផ្សេងៗ។ ការប្រើប្រាស់កម្លាំង ដោយពុំសមាមាត្ររបស់រដ្ឋាភិបាល ក្នុងការបង្ក្រាប លើការតវ៉ាត្រឹមត្រូវ តាមផ្លូវច្បាប់ បង្ហាញថា រដ្ឋាភិបាលយកចិត្តទុកដាក់ច្រើន លើការការពារផលប្រយោជន៍ និងចំណូលរបស់ និយោជកនៃសមាគមថៅកែ រោងចក្រកាត់ ដេរនៅកម្ពុជា ជាជាងការពារសិទ្ធិរបស់កម្មករ ក្នុងការទទួលបាននូវប្រាក់ឈ្នួល សមរម្យ សម្រាប់ការរស់នៅ សេរីភាពខាងការ បង្កើតសមាគម និងសិទ្ធិមនុស្សជាមូលដ្ឋានផ្សេងទៀត។
ទាញយកអានបន្ត -
សលាកប័ត្រព័ត៌មាន៖ កម្រងឯកសារសិទ្ធិជាមូលដ្ឋាន៖ ការចូលជាសមាជិកសហជីព
- កាលបរិច្ឆេទចេញផ្សាយ: ៣១-មករា-២០១៤
- ការចេញផ្សាយ: សលាកបត្រព័ត៌មាន
សិទ្ធិសេរីភាពខាងការបង្កើតសមាគម ត្រូវបានការពារដោយបទប្បញ្ញតិ្តមួយចំនួននៃច្បាប់ជាតិ និងច្បាប់អន្តរជាតិ។ ទោះជាយ៉ាងដូចនេះក្តី ការរំលោភបំពានជាច្រើនលើសេរីភាពខាងការបង្កើតសមាគម ជារឿយៗតែងកើត មានឡើងនៅក្នុងព្រះរាជាណាចក្រកម្ពុជា (“កម្ពុជា”) ដែលត្រូវបានមើលឃើញថា ជាប្រទេសដ៏គ្រោះថ្នាក់ មួយនៅពេលចូលជាសមាជិកសហជីព។ នៅខែតុលា ឆ្នាំ២០១៣ អង្គការពលកម្មអន្តរជាតិ (“អាយឡូ”)បានដាក់ ប្រទេសកម្ពុជា ជាប្រទេសមួយក្នុងចំណោមករណីប្រទេសចំនួន ៣ ថាជា ប្រទេសដែលមានគ្រោះថ្នាក់ និងចាំបាច់បំផុត ត្រូវដោះស្រាយ ពាក់ព័ន្ធនឹងសេរីភាពខាងការបង្កើតសមាគម។
ទាញយកអានបន្ត -
គោលនយោបាយសង្ខេប៖ ឧស្សាហកម្មកាត់ដេរនៅកម្ពុជា៖ “សិទ្ធិរបស់កម្មករ ជាសិទ្ធិមនុស្ស”
- កាលបរិច្ឆេទចេញផ្សាយ: ១៩-មករា-២០១៤
- ការចេញផ្សាយ: របាយការណ៍
អស់រយៈពេលជាង ២ ទសវត្សរ៍មកនេះ ឧស្សាហកម្មកាត់ដេរនៅកម្ពុជាបានរីកលូតលាស់យ៉ាងខ្លាំង ហើយក្លាយជា ឧស្សាហកម្មដ៏សំខាន់បំផុតមួយនៅកម្ពុជា ដែលតំណាងឲ្យមួយភាគធំដល់ផលិតផលក្នុងស្រុកសរុប (ផ.ស.ស) និងបានផ្តល់ការងារដល់កម្មករប្រមាណជា ៤៧៥.០០០ នាក់។ ថ្វីបើការគោរពសិទ្ធិការងារ និងលក្ខខណ្ឌ ការងារក្នុងរោងចក្រ ត្រូវបានកត់សម្គាល់ថាមានលក្ខណៈល្អប្រសើរ ក្នុងប៉ុន្មានឆ្នាំដំបូងនៃការកកើតឡើង នៃឧស្សាហកម្មនេះក្តី ដែលបានធ្វើឲ្យកម្ពុជា ក្លាយជាប្រទេសឈានមុខក្នុងឧស្សាហកម្មកម្មន្តសាល កាត់ដេរនោះ របត់នេះហាក់ត្រូវបានប្រែប្រួលក្នុងប៉ុន្មានឆ្នាំចុងក្រោយ ហើយស្ថានភាពសិទ្ធិ មនុស្ស ក្នុងឧស្សាហកម្មនេះ ទៀតសោត ត្រូវបានធ្លាក់ចុះ។ គោលនយោបាយសង្ខេបនេះ មានគោលបំណងឆ្លុះបញ្ចាំងឲ្យឃើញពីស្ថានភាពសិទ្ធិមនុស្ស ក្នុងឧស្សាហកម្មកាត់ដេរនៅកម្ពុជា ព្រមទាំងផ្តល់ជាអនុសាសន៍ ដើម្បីឲ្យមានកំណែទម្រង់ ដែលអាចធ្វើឲ្យ ស្ថានភាពនេះមាន លក្ខណៈល្អប្រសើរវិញ។
ទាញយកអានបន្ត -
កំណត់ត្រាសង្ខេបរបស់ ម.ស.ម.ក ស្តីពីការប្រើប្រាស់កម្លាំងហួសហេតុទៅលើបាតុករ ក្នុងឆ្នាំ២០១៣ នៅកម្ពុជា
- កាលបរិច្ឆេទចេញផ្សាយ: ៣-មករា-២០១៤
- ការចេញផ្សាយ: របាយការណ៍
សម្រាប់ឆ្នាំ២០១៣ មានករណីបាតុកម្មកើតឡើងជាច្រើននៅក្នុងព្រះរាជាណាចក្រកម្ពុជា ដោយមានប្រជាពលរដ្ឋ រាប់ម៉ឹននាក់ត្អូញត្អែរបញ្ហា របស់ខ្លួនណៅក្នុងវេទិកាសាធារណៈ។ រាប់ចាប់ពីការតវ៉ារបស់កម្មករកាត់ដេរ និង ប្រជាពលរដ្ឋរងគ្រោះដោយសារការបណ្តេញចេញ រហូតដល់ការជួបប្រជុំគ្នារបស់គណបក្សនយោបាយ ប្រឆាំងជាដើម ហើយនៅចុងឆ្នាំ២០១៣ គេឃើញ មានសារព័ត៌មានជាច្រើនចេញជាប្រចាំថ្ងៃ ទាក់ទិននឹងបាតុ កម្មនានា។
ទាញយកអានបន្ត