-
សលាកប័ត្រព័ត៌មាន៖ កម្រងស្ថាប័ន៖ ក្រុមប្រឹក្សាអាជ្ញាកណ្តាល
- កាលបរិច្ឆេទចេញផ្សាយ: ២៦-ធ្នូ-២០១៣
- ការចេញផ្សាយ: សលាកបត្រព័ត៌មាន
ក្រុមប្រឹក្សាអាជ្ញាកណ្តាល ត្រូវបានបង្កើតឡើងនៅក្នុងខែឧសភា ឆ្នាំ២០០៣ ជាស្ថាប័នជាតិឯករាជ្យ ដែលមានអំណាចផ្លូវច្បាប់ទទួល ខុសត្រូវក្នុងការ ដោះស្រាយវិវាទការងាររួម តាមរយៈការផ្សះផ្សា និងមជ្ឈត្តកម្ម។
ទាញយកអានបន្ត -
ម.ស.ម.ក សម្តែងក្តីបារម្ភចំពោះការអំពាវនាវរបស់សមាគមរោងចក្រកាត់ដេរនៅកម្ពុជា ដើម្បីឲ្យរដ្ឋាភិបាលអនុវត្តនូវវិធានការ មិនត្រូវអត់ឱនដល់កូដកម្មខុសច្បាប់
- កាលបរិច្ឆេទចេញផ្សាយ: ២៤-ធ្នូ-២០១៣
- ការចេញផ្សាយ: សេចក្តីថ្លែងការណ៍
មជ្ឈមណ្ឌលសិទ្ធិមនុស្សកម្ពុជា (“ម.ស.ម.ក”) ព្រួយបារម្ភជាខ្លាំងចំពោះសេចក្តីថ្លែងការណ៍របស់សមាគម រោងចក្រកាត់ដេរនៅកម្ពុជា (“GMAC”) ដែលបានចេញផ្សាយ នៅថ្ងៃទី១៨ ខែធ្នូ ឆ្នាំ២០១៣ ដោយបានលើកឡើង ថា រាជរដ្ឋាភិបាលកម្ពុជា (“រដ្ឋាភិបាល”) មានភាពអត់ធ្មត់ខ្លាំងពេក ក្នុងការចាត់ វិធានការចំពោះ សហជីព។ សមាគម រោងចក្រកាត់ដេរនៅកម្ពុជា តំណាងឲ្យសមាជិកជារោងចក្រកាត់ដេរ សម្លៀកបំពាក់ និងស្បែកជើងជាង ៤០០ រោងចក្រ នៅក្នុងប្រទេសកម្ពុជា ហើយបានអះអាងនៅក្នុងសេចក្តីថ្លែងការណ៍ របស់ខ្លួនថា សហជីព “ខិលខូច” តែងតែប្រើ ប្រាស់កូដកម្ម និងបាតុកម្ម ហិង្សា និងមិនស្របតាមនីតិវិធីដើម្បីទាមទារផលប្រយោជន៍នានាពីនិយោជក។
ទាញយកអានបន្ត -
កម្ពុជា៖ ទិដ្ឋភាពនៃស្ថានភាពដីធ្លី ដីមានជម្លោះ
- កាលបរិច្ឆេទចេញផ្សាយ: ១២-ធ្នូ-២០១៣
- ការចេញផ្សាយ: ផ្សេងៗ
ដូចដែលអ្នករាយការណ៍ពិសេសរបស់អង្គការសហប្រជាជាតិ ស្តីពីស្ថានភាពសិទ្ធិមនុស្សនៅកម្ពុជា(អ្នករាយការណ៍ពិសេសអ.ស.ប) បានធ្វើការកត់សម្គាល់ នៅចំពោះមុខក្រុមប្រឹក្សាសិទ្ធិមនុស្សរបស់ អ.ស. កាលពីខែសីហា គឺថា<<សិទ្ធិដីធ្លីបន្តជាដ៏ធំនៅក្នុងប្រទេសនេះ>>។១ ជម្លោះដីធ្លីធ្ងន់ធ្ងរមួយដែលពលរដ្ឋកម្ពុជាទូទាំងប្រទេសបានប្រឈម ហើយឫសគល់មួយដែលងអាចកត់សម្លាល់បាននោះ គឺការលុបបំបាត់ចោលនូវភាពជាម្ចាស់កម្មសិទ្ធិឯកជន នៅពេលដែលខ្មែរក្រហមបានឡើងកាន់អំណាចនៅឆ្នាំ១៩៧៥។
ទាញយកអានបន្ត -
សលាក័ត្រព័ត៌មាន៖ ការប្រើកម្លាំងហួសហេតុទៅលើបាតុកម្មរបស់កម្មករ
- កាលបរិច្ឆេទចេញផ្សាយ: ២២-វិច្ឆិកា-២០១៣
- ការចេញផ្សាយ: សលាកបត្រព័ត៌មាន
ការប៉ុនប៉ងដ៏ហិង្សាយ៉ាងខ្លាំងរបស់អជ្ញាធរថ្មីៗនេះក្នុងការបំបែកបាតុកម្មដែលកម្មករធ្វើឡើង គឺជាគំរូមួយទៀត ដែលបង្ហាញឲ្យឃើញពីការមិនគោរពសិទ្ធិសេរីភាព ក្នុងការបញ្ចេញមតិ និងការជួបជុំដោយសន្តិវិធី នៅក្នុងព្រះរាជាណាចក្រកម្ពុជា ("កម្ពុជា")។
ទាញយកអានបន្ត -
សលាកប័ត្រព័ត៌មាន៖ ច្បាប់ស្តីពីការងារ ឆ្នាំ១៩៩៧
- កាលបរិច្ឆេទចេញផ្សាយ: ២២-វិច្ឆិកា-២០១៣
- ការចេញផ្សាយ: សលាកបត្រព័ត៌មាន
មជ្ឈមណ្ឌលសិទ្ធិមនុស្សកម្ពុជា (“ម.ស.ម.ក”) បានធ្វើចំណាត់ថ្នាក់ច្បាប់ស្តីពីការងារស្ថិតក្នុងពណ៌លឿងដោយសារ បើទោះជាមានបទប្បញ្ញត្តិវិជ្ជមានទាំងអស់ បានបង្ហាញដោយច្បាប់នេះយ៉ាងណាក្តីក៏មានបទប្បញ្ញត្តិមួយចំនួនបង្កឲ្យ មានអសុវត្ថិភាពការងារ។ ម្យ៉ាងទៀត ច្បាប់ស្តីពីការងារ ខកខានពុំបានចែងពីប្រព័ន្ធបង្ខំ ដែលដាក់កាតព្វកិច្ចដល់បណ្តារោងចក្រ និងអាជ្ញាធរ ឲ្យអនុវត្តនូវរាល់ បទប្បញ្ញត្តិនានាក្នុងច្បាប់ស្តីពីការងារ។
ទាញយកអានបន្ត -
ម.ស.ម.ក ថ្កោលទោសចំពោះការប្រើប្រាស់គ្រាប់រំសេវគ្រោះថ្នាក់ដល់អាយុជីវិតដោយកងកម្លាំងសន្តិសុខ ស្របពេល ដែលការ តវ៉ានៅរោងចក្រកាត់ដេរ អេស អិល កើតមានអំពើហិង្សានៅថ្ងៃនេះ
- កាលបរិច្ឆេទចេញផ្សាយ: ១២-វិច្ឆិកា-២០១៣
- ការចេញផ្សាយ: សេចក្តីថ្លែងការណ៍
មជ្ឈមណ្ឌលសិទ្ធិមនុស្សកម្ពុជា ("ម.ស.ម.ក”) សូមធ្វើការថ្កោលទោសយ៉ាងខ្លាំងចំពោះការប្រែក្លាយ ព្រឹត្តិការណ៍តវ៉ាទៅជាហិង្សា នៅថ្ងៃទី១២ ខែវិច្ឆិកា ឆ្នាំ២០១៣នេះ ដែលបាតុកម្មនោះធ្វើឡើងដោយកម្មករ រាប់រយនាក់ មកពីរោងចក្រកាត់ដេរ អេស អិល ដែលផលិតសម្លៀកបំពាក់ឲ្យក្រុមហ៊ុនធំពីរ គឺ The Gap និង H&M។ កូដកម្ម និងការតវ៉ានៅរោងចក្រកាត់ដេរ អេស អិល បានកើតមានឡើងជាបន្តបន្ទាប់ចាប់តាំងពីដើមខែសីហា មក ម្លេះ ដោយកម្មករទាមទារ សុំឡើងប្រាក់កម្រៃប្រចាំខែ អនុវត្តដូចដើមវិញចំពោះការឈប់សម្រាកញាំ និងស្នើឲ្យដកមន្ត្រី កងរាជអាវុធហត្ថ ដែលរោងចក្រជួលឲ្យធ្វើជាសន្តិសុខការពារ ហើយដែលការទាមទារទាំងនេះ នៅតែពុំទាន់ទទួលបានចម្លើយ ពីគណៈគ្រប់គ្រងរោងចក្រ នៅឡើយទេ។ នៅថ្ងៃនេះ បាតុករជាច្រើនប៉ុនប៉ងដើរក្បួនដង្ហែ ឆ្ពោះទៅកាន់គេហដ្ឋានរបស់ លោកនាយករដ្ឋមន្ត្រី ហ៊ុន សែន ដែលស្ថិតនៅជិតវិមានឯករាជ្យ កណ្តាលរាជធានីភ្នំពេញ ក៏ប៉ុន្តែត្រូវបានរារាំង ដោយកងកម្លាំង សន្តិសុខជាច្រើននាក់នៅខណ្ឌមានជ័យ ជាទីដែលរោងចក្រស្ថិតនៅ។
ទាញយកអានបន្ត -
កម្មករឆ្នើម៖ របកគំហើញរបស់កម្មវិធី ចាប់ពីថ្ងៃទី១ ខែកញ្ញា ដល់ថ្ងៃទី២៨ ខែតុលា ឆ្នាំ២០១៣ (បោះពុម្ពផ្សាយដោយកម្មវិធីរោងចក្រកាន់តែប្រសើររបស់អង្គការអាយឡូ)
- កាលបរិច្ឆេទចេញផ្សាយ: ៣០-តុលា-២០១៣
- ការចេញផ្សាយ: របាយការណ៍
របាយការណ៍នេះត្រូវចងក្រង និងបោះពុម្ពផ្សាយដោយកម្មវិធីរោងចក្រកាន់តែប្រសើររបស់អង្គការពលកម្មអន្តរជាតិ បានដាក់ឲ្យដំណើរការ នូវកម្មវិធីកម្មករឆ្នើម (កម្មករ ដែលលេចធ្លោ) កាលពីថ្ងៃទី១ ខែកញ្ញា ឆ្នាំ២០១៣។ ប្រព័ន្ធ នេះអាចប្រើប្រាស់ដោយឥតគិតថ្លៃសម្រាប់កម្មករ ដែលហៅទូរសព្ទចូលតាមប្រព័ន្ធពីរ៖ ស្មាត និង សែលខាត។ មិត្តហ្វូន នឹងចូលរួមជាមួយកម្មវិធីនេះក្នុងពេលឆាប់ៗ។ គម្រោងនេះប្រើប្រាស់នូវប្រព័ន្ធនៃការឆ្លើយតប ជាសំឡេង ដើម្បីអប់រំកម្មកររោងចក្រកាត់ដេរសម្លៀកបំពាក់ និងដេរស្បែកជើង អំពីបញ្ហាសំខាន់ៗមួយចំនួនដល់ពួកគេ។
ទាញយកអានបន្ត -
របកគំហើញពីកិច្ចពិភាក្សាតុមូល និងវេទិកាគោលនយោបាយ
- កាលបរិច្ឆេទចេញផ្សាយ: ២៦-កក្កដា-២០១៣
- ការចេញផ្សាយ: ផ្សេងៗ
ការផ្សព្វផ្សាយគោលនយោបាយដែលច្បាស់លាស់របស់គណបក្សនយោបាយ មុនពេលការបោះឆ្នោតគឺចាំបាច់ ដើម្បីឲ្យប្រជាពលរដ្ឋអាចប្រើឆន្ទៈនយោបាយរបស់ខ្លួនបានយ៉ាងមានប្រសិទ្ធភាព។ នៅក្នុងព្រះរាជាណាចក្រកម្ពុជា ("កម្ពុជា") ដែលប្រជាពលរដ្ឋមួយចំនួនធំ បានក្លាយជាជនរងគ្រោះដោយការបណ្តេញចេញដោយបង្ខំ និងអសន្តិសុខនៃកម្មសិទ្ធិដីធ្លី ទាំងដោយសារតែរដ្ឋ និងស្ថាប័នឯកជន នោះគឺរឹតតែមានសារៈសំខាន់យ៉ាងខ្លាំង ដើម្បីឲ្យគណបក្សនយោបាយឆ្លុះបញ្ចាំង និងដោះស្រាយវិបត្តិដីធ្លីក្នុងពេលបច្ចុប្បន្ន។
ទាញយកអានបន្ត -
ម.ស.ម.ក ចេញផ្សាយផែនទីរោងចក្រកាត់ដេរនៅប្រទេសកម្ពុជា
- កាលបរិច្ឆេទចេញផ្សាយ: ៣០-មិថុនា-២០១៣
- ការចេញផ្សាយ: សេចក្តីថ្លែងការណ៍
មជ្ឈមណ្ឌលសិទ្ធិមនុស្សកម្ពុជា (“ម.ស.ម.ក”) នៅថ្ងៃទី៣០ ខែមិថុនា ឆ្នាំ២០១៣ ចេញផ្សាយផែនទីអំពីរោងចក្រ កាត់ដេរ ដែលដំណើរការនៅ ប្រទេសកម្ពុជា និង ចង្វាក់ផ្គត់ផ្គង់របស់រោងចក្រ (“ផែនទីរោងចក្រ កាត់ដេរ”)។ ផែនទីរោងចក្រកាត់ដេរនេះផ្តល់នូវព័ត៌មានពិស្តារ របស់រោងចក្រនីមួយៗ រួមមាន ទីតាំងរបស់រោងចក្រ សញ្ជាតិរបស់ថៅកែ ប្រភេទផលិតផលដែលផលិត ចំនួនកម្មករ កម្មការិនី និងម៉ាកជាក់លាក់ ដែលផ្គត់ផ្គង់ ប្រសិនជា អាចរកបាន។ ព័ត៌មានទាំងនេះត្រូវបានប្រមូលពីកំណត់ត្រាផ្លូវការរបស់សមាគមរោងចក្រកាត់ដេរ កម្ពុជា (“ស.រ.ក.ក”) ព្រមទាំងប្រភពសារព័ត៌មាន និងការបោះពុម្ពផ្សាយ ដែលពាក់ព័ន្ធនានាជាខេមរភាសា និងភាសាអង់គ្លេស។
ទាញយកអានបន្ត -
របាយការណ៍សំយោគលើកទី៣0ស្តីពីលក្ខខណ្ឌការងារនៅក្នុងវិស័យកាត់ដេរកម្ពុជា (ចេញផ្សាយដោយកម្មវិធីរោងចក្រកាន់តែប្រសើរនៅកម្ពុជា)
- កាលបរិច្ឆេទចេញផ្សាយ: ១៨-មិថុនា-២០១៣
- ការចេញផ្សាយ: របាយការណ៍
គោលបំណងសំខាន់បំផុតនៃរបាយការណ៍សំយោគរបស់កម្មវិធីរោងចក្រកាន់តែប្រសើរនៅកម្ពុជា គឺដើម្បីផ្តល់នូវ ទិដ្ឋភាពទូទៅនៃស្ថានភាពលក្ខខណ្ឌការងារនៅក្នុងឧស្សាហកម្មកាត់ដេរ និងស្បែកជើងនៅកម្ពុជា ហើយអាច ឲ្យដៃគូដែលពាក់ព័ន្ធយកទៅប្រើប្រាស់ដើម្បីធ្វើឲ្យកាន់តែប្រសើរឡើងនូវស្ថានភាពទាំងនោះ។’’របាយការណ៍នេះបង្ហាញថា មិនមានការកែលម្អនៅក្នុងផ្នែកជាច្រើនដូចជា សុវត្ថិភាពអគ្គិភ័យ ពលកម្មកុមារ និងសុវត្ថិភាព ព្រមទាំងសុខភាពរបស់កម្មករនិយោជិតជាដើម។
ទាញយកអានបន្ត -
របាយការណ៍សង្ខេបនៃកិច្ចពិភាក្សាតុមូលស្តីពី គម្រោងវិនិយោគ និងដីសម្បទាន
- កាលបរិច្ឆេទចេញផ្សាយ: ១២-មេសា-២០១៣
- ការចេញផ្សាយ: របាយការណ៍
គោលបំណងនៃរបាយការណ៍សង្ខេបនេះគឺដើម្បីផ្តល់នូវព័ត៌មានដល់ ភាគីពាក់ព័ន្ធ ស្ថាប័នពាក់ព័ន្ធ អង្គការសង្គមស៊ីវិល ចំពោះបញ្ហាដែលបានលើកឡើងនៅក្នុងកិច្ចពិភាក្សាតុមូល ដែលពិភាក្សាលើប្រធានបទ ៉គម្រោងវិនិយោគ និងដីសម្បទាន ៉ ដែលរៀបចំឡើងនៅសណ្ឋាគារខេត្តកោះកុង ក្រុងខេមរភូមិន្ទ ខេត្តកោះកុង កាលពីថ្ងៃទី២៩ មិនា ឆ្នាំ២០១៣។
ទាញយកអានបន្ត -
ការឃ្លាំមើលក្នុងភាពងងឹត (បោះពុម្ពផ្សាយដោយក្រុមការងារសិទ្ធិកម្មករ)
- កាលបរិច្ឆេទចេញផ្សាយ: ១៨-កុម្ភៈ-២០១៣
- ការចេញផ្សាយ: របាយការណ៍
របាយការណ៍នេះពិនិត្យមើលកម្មវិធីរោងចក្រកាន់តែប្រសើរក្នុងរយៈពេល ១០ ឆ្នាំ។ គម្រោងរោងចក្រកាន់តែប្រសើរ នៅកម្ពូជាបានចាប់ផ្តើមដំណើរការរបស់ខ្លួនក្នុងខែមករា ឆ្នាំ២០០១ បន្ទាប់ពីមានកិច្ចព្រមព្រៀងពាណិជ្ជកម្ម រយៈពេល ៣ ឆ្នាំ ស្តីពីវិស័យកាត់ដេរ និងវាយនភ័ណ្ឌ រវាងរាជរដ្ឋាភិបាលកម្ពុជា និងសហរដ្ឋអាមេរិក ដែលបានចុះ ហត្ថលេខានៅថ្ងៃទី២០ ខែមករា ឆ្នាំ១៩៩៩។ (របាយការណ៍នេះមានតែជាភាសាអង់គ្លេស)
ទាញយកអានបន្ត