កំពុងស្វែងរកទិន្នន័យ
រកឃើញ: 12.457
-
អ្នកស្រឡាញ់ភេទដូចគ្នានៅកម្ពុជា នៅតែត្រូវប្រឈមនឹងការរើសអើង
ដ្ឋមន្ដ្រីក្រសួងព័ត៌មាន លោក ខៀវ កាញារិទ្ធិ កាលពីដើមសប្ដាហ៍នេះ បានចេញលិខិតណែនាំម្ចាស់ស្ថានីយប្រព័ន្ធផ្សព្វផ្សាយទាំងអស់ ឲ្យបញ្ឈប់ការអត្ថាធិប្បាយនិងការសម្ដែង ដែលបង្អាប់បន្ថោកដល់អ្នកស្រឡាញ់ភេទដូចគ្នា។ មែនទែនទៅ ការធ្វើអត្ថាធិប្បាយបង្អាប់បន្ថោកដល់អ្នកស្រឡាញ់ភេទដូចគ្នានៅកម្ពុជា មិនមែនជារឿងថ្មីអ្វីនោះទេ។ របាយការណ៍ស្ទង់មតិមួយ រកឃើញថា អ្នកស្រឡាញ់ភេទដូចគ្នានៅកម្ពុជា នៅតែត្រូវសង្គមរើសអើង មិនផ្ដល់តម្លៃ។ នៅកម្ពុជា កន្លងមក សំឡេងរបស់អ្នកស្រឡាញ់ភេទដូចគ្នាត្រូវបានបំបិទតាមរយៈការគាបសង្កត់និងការមាក់ងាយ។ ប៉ុន្តែសព្វថ្ងៃនេះ សហគមន៍អ្នកស្រឡាញ់ភេទដូចគ្នានៅកម្ពុជា មានលក្ខណៈរឹងមាំជាងមុន។ ពួកគេហ៊ានបង្ហាញជាសាធារណៈអំពីអត្តសញ្ញាណពិតប្រាកដរបស់ខ្លួន ព្រមទាំងហ៊ានធ្វើសកម្មភាពផ្សេងៗ ដើម្បីជាប្រយោជន៍របស់ក្រុមខ្លួន និងសង្គមជាតិ។ ប៉ុន្តែយ៉ាងណាក៏ដោយ គេនៅតែសង្កេតឃើញថា ការរើសអើង ការមាក់ងាយ ក៏ដូចជាការរំលោភសិទ្ធិមនុស្ស នៅតែជាបញ្ហាប្រឈមសម្រាប់ក្រុមអ្នកស្រឡាញ់ភេទដូចគ្នានៅកម្ពុជា។
-
ដោះលែងអ្នកដឹកនាំបាតុកម្មដោយនៅជាប់បទចោទពីរ
បន្ទាយមានជ័យៈ អ្នករៀបចំបាតុកម្មតវ៉ាទារសំណងពីការប៉ះពាល់ដោយការជួសជុសផ្លូវរថភ្លើងនៅក្រុងប៉ោយប៉ែតវ័យ ៣៧ ឆ្នាំលោក ឆេង ប៊ុនហាក់ ដែលត្រូវបានសមត្ថកិច្ចចាប់ឃុំខ្លួនពីរថ្ងៃនិងទើបបញ្ជូនទៅសាលាដំបូងកាលពីម្សិលមិញត្រូវបានតុលាការសម្រេចដោះលែងវិញហើយនៅពេលរសៀលថ្ងៃដដែលប៉ុន្តែបានដាក់ឲ្យស្ថិតក្រោមការត្រូវពិនិត្យតាមតុលាការ។ លោក ឆេង ប៊ុនហាក់ ត្រូវបានឃាត់ខ្លួនកាលពីថ្ងៃចន្ទបន្ទាប់ពីលោកបានដឹកនាំបាតុកម្មអស់រយៈពេល ១២ លើកដើម្បីទាមទារដំណោះស្រាយពីការបណ្តេញចេញពីលំនៅឋានដើម្បីអភិវឌ្ឍគម្រោងផ្លូវរថភ្លើងដែលអាជ្ញាធរថាជាសកម្មភាពខុសច្បាប់។ បាតុកម្មនោះបានរៀបចំរូបទីងមោងតំណាងមន្ត្រីពុករលួយ និងអូសរូបនោះនៅតាមផ្លូវខណៈសហគមន៍របស់ពួកគេប្រឈមនឹងការបណ្តេញចេញពីផ្ទះដោយសារគម្រោងផ្លូវរថភ្លើង។
-
ពលរដ្ឋជំរុញជាថ្មីទៀតឲ្យអាជ្ញាធរប្រគល់ដីជូនពួកគេតាមបញ្ជានាយករដ្ឋមន្ត្រី
អ្នកមានជម្លោះដីធ្លីនៅតំបន់បឹងកក់មួយចំនួនបានចេញតវ៉ាជាថ្មីទៀតនៅថ្ងៃព្រហស្បតិ៍នេះ ជំរុញឲ្យសាលារាជធានីភ្នំពេញ ពន្លឿនយន្តការកាត់ដីឲ្យពួកគេតាមបញ្ជារបស់នាយករដ្ឋមន្ត្រីខណៈជម្លោះដីធ្លីនៅតំបន់នោះបានអូសបន្លាយជិត១០ឆ្នាំ។ កាលពីឆ្នាំ២០១១ លោកនាយករដ្ឋមន្ត្រីបានចេញអនុក្រឹត្យកាត់ដីនៅតំបន់បឹងកក់ទំហំជាង១២ហិកតាប្រគល់ឲ្យអ្នកភូមិជិត១០០០គ្រួសារវិញ ក្រោយពីពួកគេតវ៉ាប្រឆាំងនឹងការបណ្តេញចេញឲ្យទៅនៅក្រៅក្រុងជាថ្នូរនឹងកាផ្តល់សំណងត្រឹម៨ពាន់ដុល្លារនិងលុយខ្មែរ២លានរៀលក្នុងមួយគ្រួសារ។
-
CCHR ជំរុញឲ្យរដ្ឋាភិបាលដាក់ចេញនូវច្បាប់ប្រឆាំងការរើសអើងយេនឌ័រ
មជ្ឈមណ្ឌលសិទ្ធិមនុស្សកម្ពុជា(CCHR) នៅថ្ងៃទី១៦ខែធ្នូ បានជំរុញឲ្យរាជរដ្ឋាភិបាលកម្ពុជា ចាត់វិធានការជាបន្ទាន់ និងដាក់ចេញនូវច្បាប់ប្រឆាំងនឹងការរើសអើងយេនឌ័រ ។ ការជំរុញនេះ បានធ្វើឡើងនៅពេលដែលCCHR ដាក់សម្ពោធនូវរបាយការណ៍ស្រាវជ្រាវមួយ មានចំណងជើងថា៖«ការសម្លុតអ្នកស្រឡាញ់ភេទដូចគ្នា នៅតាមសាលារៀននៅក្នុងប្រទេសកម្ពុជា» នៅសកលវិទ្យាល័យបញ្ហាសាស្ត្រកម្ពុជា។ របាយការណ៍នេះត្រូវបានរៀបចំឡើង ក្រោយពីរកឃើញនូវចំណុចខ្វះខាតដ៏ធំមួយ ពាក់ព័ន្ធ នឹងអ្វីដែលគេដឹង ពីបទពិសោធន៍របស់សិស្សជាអ្នកស្រឡាញ់ភេទដូចគ្នា នៅតាមសាលារៀននៅក្នុងប្រទេសកម្ពុជា ដោយគម្រោងនិន្នាការភេទ និងអត្តសញ្ញាណយេនឌ័ររបស់CCHR ។
-
CCHR៖អ្នកស្រលាញ់ភេទដូចគ្នា ត្រូវបានរើសអើងតាមគ្រឹះស្ថានអប់រំនៅកម្ពុជា
មជ្ឈមណ្ឌលសិទ្ធមនុស្សកម្ពុជាបានចេញសេចក្តីប្រកាសព័ត៌មាន នៅថ្ងៃទី១៦ ខែធ្នូ ឆ្នាំ២០១៥ ស្តីពីរបាយការណ៍ស្រាវជ្រាវក្រោមចំណងជើងថា ការសម្លុតអ្នកស្រលាញ់ភេទដូចគ្នានៅតាមសាលារៀនក្នុងប្រទេសកម្ពុជា។ លទ្ធផលនៃការស្រាវជ្រាវទូទាំងប្រទេសមួយអំពីការសម្លុត ដែលស្ត្រីស្រលាញ់ស្ត្រី បុរសស្រលាញ់បុរស អ្នកស្រលាញ់ទាំងពីរភេទ និងអ្នកប្តូរភេទ (អ្នកស្រលាញ់ភេទដូចគ្នា) ជួបប្រទះក្នុងអំឡុងពេលដែលពួកគេសិក្សាតាមសាលារៀននៅក្នុងប្រទេសកម្ពុជា និងផលប៉ះពាល់រយះពេលវែងនៃការសម្លុតបែបនេះ។
-
រដ្ឋសភាអនុម័តសេចក្តីព្រាងច្បាប់ចំនួន៣ ដោយគ្មានការតវ៉ាពីតំណាងរាស្ត្របក្សប្រឆាំង
តំណាងរាស្ត្រភាគតិចរបស់គណបក្សប្រឆាំង៣៤រូបបានលើកដៃយល់ព្រមអនុម័តសេចក្តីព្រាងច្បាប់ចំនួន៣ នៅព្រឹកថ្ងៃពុធនេះ ដោយគ្មានអ្នកឡើងបញ្ចេញមតិជំទាស់នឹងខ្លឹមសារនៃសេចក្តីព្រាងច្បាប់ទាំងនេះ។ ការបង្ហាញភាពស្ងៀមស្ងាត់របស់តំណាងរាស្ត្រគណបក្សសង្គ្រោះជាតិនៅពេលនេះធ្វើឡើងបន្ទាប់ពីតំណាងរាស្ត្រភាគតិចនេះ សម្រេចព្រមចូលប្រជុំសភាវិញ ក្រោយពីធ្វើពហិការជិត២ខែក្រោយពី មេដឹកនាំបក្សប្រឆាំង លោក កឹម សុខា ត្រូវដកចេញពីអនុប្រធានទី១នៃរដ្ឋសភា លោក សម រង្ស៊ី ត្រូវប្រធានរដ្ឋសភាប្រកាសថាអស់ភ័យឯកសិទ្ធិជាតំណាងរាស្ត្រនិងតុលាការចេញដីការឲ្យតាមចាប់ខ្លួន។ ការចូលប្រជុំសភានេះធ្វើឡើងក្រោយពីមានកិច្ចព្រមព្រៀង៤ចំណុចនាថ្ងៃ១០ ខែធ្នូនេះ ដោយគណបក្សកាន់អំណាចព្រមសន្យា ដោះស្រាយបញ្ហាដែលនៅសេសសល់ តាមស្មារតីបង្រួបបង្រួមជាតិ ឈរលើគោលការណ៍ប្រជាធិបតេយ្យ។
-
រដ្ឋមន្រ្តីក្រសួងព័ត៌មានណែនាំឲ្យបញ្ឈប់ការអត្ថាធិប្បាយឬសម្តែងបង្អាប់បន្ថោកអ្នកស្រលាញ់ភេទដូចគ្នា
រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានចេញលិខិតណែនាំទៅម្ចាស់ស្ថានីយប្រព័ន្ធផ្សព្វផ្សាយទាំងអស់និងពីធីករ សិល្បករ បញ្ឈប់ធ្វើការអត្ថាធិប្បាយឬសម្តែងនៅក្នុងកម្មវិធីនានា ដែលមានន័យបង្អាប់បន្ថោកដល់អ្នកស្រលាញ់ភេទដូចគ្នា។ លិខិតចុះផ្សាយនៅថ្ងៃទី១៥ ខែធ្នូនេះមានខ្លឹមសារថាក្រសួងព័ត៌មានស្នើទៅម្ចាស់ស្ថានីយវិទ្យុ ទូរទស្សន៍មួយចំនួន ពិធីករ-ពិធីការិនី និងសិល្បករ-សិល្បការិនី បញ្ឈប់ធ្វើការអត្ថាធិប្បាយនិងសម្តែងក្នុងកម្មវិធីនានា បង្អាប់បន្ថោកដល់អ្នកស្រលាញ់ភេទដូចគ្នា ដែលនាំឲ្យប៉ះពាល់ដល់កិត្តយសនិងសិទ្ធិសេរីភាពរបស់បុគ្គល ដែលត្រូវបានការពារដោយរដ្ឋធម្មនុញ្ញ។ លិខិតបញ្ជាក់ថា៖ “រយៈពេលកន្លងមក នៅតាមអង្គភាពផ្សព្វផ្សាយមួយចំនួនមានពិធីករ ពិធីការិនី និងសិល្បករ សិល្បការិនី មួយចំនួនបានធ្វើអត្ថាធិប្បាយនិងសម្តែងនិយាយចំអន់ បង្អាប់បន្ថោកចំពោះអ្នកស្រលាញ់ភេទដូចគ្នា ក្នុងគោលដៅធ្វើឲ្យទស្សនិកជនសប្បាយរីករាយនិងធ្វើឲ្យកម្មវិធីនោះមានប្រជាប្រិយភាពថែមទៀត ប៉ុន្តែធ្វើឲ្យប៉ះពាល់ដល់កិត្តិយស សេចក្តីថ្លៃថ្នូរនិងសិទ្ធិសេរីភាពរបស់បុគ្គលដែលត្រូវបានការពារដោយច្បាប់នៃព្រះរាជាណាចក្រកម្ពុជា”។
-
អ្នកបុរីកីឡាដាក់បណ្ដាសាអ្នកឃុបឃិតឲ្យសង់អគារទី ៩
ភ្នំពេញៈ ប្រជាពលរដ្ឋនៅក្នុងសហគមន៍បុរីកីឡាកាលពីព្រឹកម្សិលមិញបានរៀបចំពិធីដាក់បណ្ដាសាដល់បុគ្គលមានអំណាចមួយចំនួនដែលបានឃុបឃិតគ្នាជាមួយម្ចាស់ក្រុមហ៊ុនអភិវឌ្ឍន៍តំបន់បុរីកីឡាក្នុងការលួចបន្តការសាងសង់អគារទី ៩ ដើម្បីជួល ឬលក់ឲ្យអ្នកដទៃគ្រាដែលដំណោះស្រាយដីធ្លី និងលំនៅឋានរបស់ពួកគាត់ត្រូវបានពន្យារពីមួយឆ្នាំទៅមួយឆ្នាំរហូតមកទល់ពេលនេះអស់ពេលជិតមួយទសវត្សរ៍។
-
កម្ពុជា៖ អ្នកប្រើប្រាស់អ៊ីនធឺណិតមានជាង៦លាននាក់ ភាគច្រើនប្រើក្នុងទូរសព្ទចល័ត
ភ្នំពេញ៖ មកទល់ខែកញ្ញាឆ្នាំ២០១៥នេះ ទិន្នន័យអ្នកប្រើប្រាស់ប្រព័ន្ធអ៊ីនធឺណេតនៅកម្ពុជាមានចំនួន៦លាន២សែននាក់ ដែលក្នុងនោះភាគច្រើនប្រើប្រាស់ក្នុងទូរសព្ទចល័ត។ នេះបើតាមអត្ថបទចុះផ្សាយរបស់ទីភ្នាក់ងារសាព័ត៌មាន AKP។ តាម AKP កម្ពុជាមានការប្រើប្រាស់ស៊ីមទូរសព្ទជាង២១លានស៊ីម ជាប់ចំណាត់ថ្នាក់ទី២នៅតំបន់អាស៊ាន។ តាមការអះអាងរបស់លោក កាន ច័ន្ទមេតា្ត រដ្ឋលេខាធិការក្រសួងប្រៃសណីយ៍និងទូរគមនាគមន៍ មកដល់ខែកញ្ញាឆ្នាំ២០១៥នេះ កម្ពុជាមានអ្នកប្រើប្រាស់ប្រព័ន្ធអ៊ីនធឺណេតចំនួន៦លាន២សែននាក់ ដែលក្នុងនោះអ្នកប្រើប្រាស់អ៊ីនធឺណិតតាមប្រព័ន្ធទូរសព្ទចល័តស្ទើរតែ៩៨ភាគរយទៅហើយ។
-
ប្រធាន UNHCR បង្ហាញទស្សនៈគួរឲ្យចាប់អារម្មណ៍ ក្នុងទិវាសិទ្ធិមនុស្សអន្តរជាតិ
ក្នុងឱកាស នៃពិធីប្រារព្ធខួបលើកទី៦៧ នៃទិវាសិទ្ធិមនុស្សអន្តរជាតិ អ្នកស្រី Wan Hea Lee ប្រធានការិយាល័យឧត្តមស្នងការសិទ្ធិមនុស្ស របស់អង្គការសហប្រជាតិប្រចាំកម្ពុជា(UNHCR) ត្រូវបានផ្តល់ឱកាសថ្លែងសុន្ទរកថាដ៏មានខ្លឹមសារគួរឲ្យចាប់អារម្មណ៍ នៅចំពោះមុខ មន្ត្រីរដ្ឋាភិបាលគ្រប់លំដាប់ថ្នាក់ សិស្សនិស្សិត យុវជនកាកបាទក្រហម យុវជនកាយរិទ្ធ និងព្រះសង្ឃប្រមាណជិត៣ពាន់អង្គនាក់។
-
ទិវា សិទ្ធិមនុស្ស មានការស្នើឲ្យគិតគូរភេទទី ៣
ភ្នំពេញៈ សិទ្ធិរបស់ក្រុមស្រីស្រឡាញ់ស្រី បុរសស្រឡាញ់បុរស មនុស្សស្រឡាញ់ទាំងបុរសទាំងស្ត្រី និងមនុស្សប្តូរភេទ (LGBTI) គឺជាចំណុចផ្តោតសំខាន់នៅក្នុងកម្មវិធីប្រារព្ធទិវាសិទ្ធិមនុស្សនៅរាជធានីភ្នំពេញកាលពីម្សិលមិញ។ ព្រឹត្តិការណ៍នេះរៀបចំឡើងដោយអង្គការ CamAsean ជាអង្គការតស៊ូមតិតំណាងឲ្យក្រុមប្រជាជនដែលគេគិតថាទិវានេះរួមមានការសម្ដែងផ្សេងៗដោយក្រុមមនុស្សស្រីស្រឡាញ់ស្រីមនុស្សប្តូរភេទ និងរូបថត និងខ្សែភាពយន្តដែលបង្ហាញពីជីវិត និងការតស៊ូនៃក្រុម LGBTI។ លោក គង់ យ៉ារ៉ា អ្នកសម្របសម្រួលអង្គការ CamAsean បានថ្លែងថា៖ «ថ្ងៃនេះអ្វីៗគឺនិយាយពីអ្នកដែលរងភាពអយុត្តិធម៌។ យើងជាតំណាងពីសហគមន៍ LGBTI នារីរកស៊ីផ្លូវភេទអ្នកប្រើគ្រឿងញៀន និងអ្នកមានផ្ទុកមេរោគអេដស៍»។
-
បទយកការណ៍៖ ការប្រារព្ធទិវាសិទ្ធិមនុស្សធ្វើឡើងព្រមគ្នាទាំងរដ្ឋាភិបាលនិងសង្គមស៊ីវិល
មនុស្សរាប់ពាន់មកពីក្រុមផ្សេងៗដែលមាននិន្នាការខុសគ្នាបានប្រារព្ធទិវាសិទ្ធិមនុស្សនៅទីតាំងធំៗចំនួន៤នៅរាជធានីភ្នំពេញ។ ក្រុមទី១រៀបចំដោយគណបក្សប្រជាជនកម្ពុជាដែលដឹកនាំរដ្ឋាភិបាលគឺនៅមជ្ឈមណ្ឌលកោះពេជ្រក្រោមប្រធានបទ«សិទ្ធិយើង សេរីភាពយើង គ្រប់ពេលវេលា»ដែលមានមនុស្សចូលរួមប្រហែល២០០០នាក់។ ដោយឡែកក្រុមអង្គការសង្គមស៊ីវិលបានចែកជាពីរក្រុមទៀតគឺក្រុមទី១ជាបណ្តុំអង្គការសង្គមស៊ីវិលមានអ្នកចូលរួមប្រមាណ៣០០០នាក់រៀបចំនៅទីលានប្រជាធិបតេយ្យក្រោមប្រធានបទគឺសេរីភាពបញ្ចេញមតិ។
-
បទយកការណ៍៖ អ្នកដើរក្បួនសិទ្ធិមនុស្សទាមទារឲ្យរដ្ឋាភិបាលប្រគល់ដីឲ្យកសិករវិញ
អ្នកបាត់បង់ដីធ្លីនៅស្រុកមួយក្នុងខេត្តកំពង់ស្ពឺបានធ្វើយុទ្ធនាការដើរហែក្បូនក្នុងទិវាសិទ្ធិមនុស្សអន្តរជាតិ១០ធ្នូឆ្នាំ២០១៥នេះ ដែលពួកគេថាដើម្បីជំរុញឲ្យរដ្ឋាភិបាលពន្លឿនដកហូតដីជាង៤ពាន់ហិកតាពីក្រុមហ៊ុនប្រគល់ឲ្យពួកគេជិត១០០០គ្រួសារវិញ។ អ្នកចូលរួមដើរហែក្បូនបានចេញដំណើរពីតំបន់មានជម្លោះដីធ្លីក្នុងស្រុកឱរ៉ាល់ឆ្ពោះទៅទីរួមខេត្តកំពង់ស្ពឺក្នុងចម្ងាយផ្លូវប្រហែល១០០គីឡូម៉ែត្រដោយឆ្លងកាត់មុខស្នាក់ការក្រុមហ៊ុនធំៗ២ដែលពួកគេថាបានរំលោភយកដីអ្នកភូមិ។ អ្នកដើរហែក្បូនមានសម្លៀកបំពាក់ចម្រុះពណ៌ពាក់មួកស្លឹកត្នោតបង់កក្រមាភាគច្រើនប្រើស្បែកជើងផ្ទាត់ធ្វើដំណើរក្នុងស្ថានភាពស្ងាត់ស្ងៀមតែទឹកមុខហាក់បង្កប់នូវភាពឈឺចាប់។
-
ពលរដ្ឋរាប់រយនាក់ជំរុញឲ្យអាជ្ញាធរខេត្តសៀមរាបពន្លឿនដោះស្រាយជម្លោះដីធ្លី
ប្រជាពលរដ្ឋប្រមាណ៧០០នាក់មកពី៦សហគមន៍ក្នុងខេត្ដសៀមរាប ជំរុញឲ្យអាជ្ញាធរនិងស្ថាប័នពាក់ព័ន្ធ ពន្លឿនដោះស្រាយវិវាទដីធ្លីនិងផ្ដល់ប័ណ្ណកម្មសិទ្ធិកាន់កាប់ដី ដើម្បីឲ្យពួកគេរស់នៅស្របច្បាប់។ ការទាមទារនេះធ្វើឡើងដោយប្រជាសហគមន៍មកពីស្រុកបន្ទាយស្រី ស្រុកស្វាយលើ ស្រុកអង្គធំ ក្រុងសៀមរាប ស្រុកប្រាសាទបាគងនិងស្រុកជីក្រែង ក្នុងការប្រារព្ធសិទ្ធិមនុស្សអន្ដរអន្ដរជាតិ១០ធ្នូដែលមានការចូលរួមពីសហព័ន្ធសហជីពផងដែរ។ ពិធីអបអរសាទរទិវាសិទ្ធិមនុស្សអន្ដរជាតិលើកទី៦៧ ក្រោមប្រធានបទ«យុត្ដិធម៌»ធ្វើឡើងក្នុងខេត្ដសៀមរាប នាព្រឹកថ្ងៃទី៨ខែធ្នូឆ្នាំ២០១៥នេះ រៀបចំដោយអង្គការការពារសិទ្ធិមនុស្សលីកាដូខេត្ដសៀមរាប។
-
រដ្ឋាភិបាលនឹងអបអរសាទរទិវាសិទ្ធិមនុស្ស ក្រោមប្រធានបទ”សិទ្ធិយើង សេរីភាពយើងជានិរន្តរ៍”
គណៈកម្មាធិការសិទ្ធិមនុស្សរបស់រដ្ឋាភិបាលនឹងសហការជាមួយសាលារាជធានីភ្នំពេញ ដើម្បីប្រារព្ធទិវាសិទ្ធិមនុស្សអន្តរជាតិ១០ធ្នូ ឆ្នាំ២០១៥ ក្រោមប្រធានបទ”សិទ្ធិយើង សេរីភាពយើងជានិរន្តរ៍”។ លោក ម៉ក់ សម្បត្តិ ប្រធានគណៈកម្មាធិការសិទ្ធិមនុស្សកម្ពុជា ប្រាប់វីអូឌី(VOD)នៅថ្ងៃចន្ទនេះថានៅឆ្នាំនេះក៏ដូចជាឆ្នាំមុនៗដែរ គណៈកម្មាធិការសិទ្ធិមនុស្សកម្ពុជាសហការជាមួយសាលារាជធានីភ្នំពេញប្រារព្ធទិវាសិទ្ធិមនុស្សអន្តរជាតិ១០ធ្នូ។ លោកបន្តថាឆ្នាំនេះ គណៈកម្មាធិការនឹងរៀបចំព្រឹត្តិការណ៍អបអរសាទរនេះ នៅសាលមហោស្រពកោះពេជ្រ ចាប់ពីម៉ោង៧ព្រឹកដល់ម៉ោង១១ ដោយមានការចូលរួមជាគណៈអធិបតីពីលោក សុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី។
-
ក្រុមសិទ្ធិមនុស្សគ្រោងហែក្បួននៅភ្នំពេញខណៈអាជ្ញាធរហាមឃាត់
ក្រុមអង្គការសង្គមស៊ីវិលថាពួកគេនឹងធ្វើការហែរក្បួនពីគោលដៅមួយចំនួននៅរាជធានីភ្នំពេញទៅកាន់រដ្ឋសភា ក្រសួងយុត្តិធម៌ និងជួបជុំគ្នានៅទីលានប្រជាធិបតេយ្យនៅថ្ងៃទិវាសិទ្ធិមនុស្សអន្តរជាតិនៅថ្ងៃទី១០ខែធ្នូខណៈអាជ្ញាធរថាមិនអនុញ្ញាតិឲ្យដើរក្បួន។ ប្រភពព័ត៌មានឲ្យដឹងថាបណ្ដុំអង្គការសង្គមស៊ីវិលជាង២០រួមមានសមាគមអាហុក វេទិកានៃអង្គការមិនមែនរដ្ឋាភិបាលស្ដីពីកម្ពុជា អង្គការខុមហ្វ្រែល អង្គការនិចហ្វិច និងអង្គការក្រៅរដ្ឋាភិបាលមួយចំនួនប្រារព្ធទិវានេះនឹងមានការសម្របសម្រួលដោយគណៈកម្មាធិការប្រតិកម្មហៅកាត់ថាCHRAC។ ចំណែកសកម្មជនសិទ្ធិមនុស្សនិងអង្គការសមាគមមួយក្រុមទៀត ដែលហៅថាជាក្រុមមិត្ត១០ធ្នូបានដើរក្បួនតាំងពីថ្ងៃ៦នឹងមកជួបជុំគ្នានៅភ្នំពេញនៅថ្ងៃទី១០ខែធ្នូ។
-
ខ្មែរក្រោមបង្ហាញពីការរំលោភសិទ្ធិមនុស្សនៅដែនដីខ្មែរកម្ពុជាក្រោម
អង្គការ-សមាគមខ្មែរកម្ពុជាក្រោម នៅថ្ងៃទី៦ ខែធ្នូ បានជួបជុំគ្នាប្រារព្ធខួបលើកទី៦៧ នៃទិវាសិទ្ធិមនុស្សអន្តរជាតិ។ ការប្រារព្ធពិធីនេះ គឺក្នុងបំណងដើម្បីចូលរួមអបអរសាទរខួបលើកទី៦៧ នៃទិវាសិទ្ធិមនុស្សអន្តរជាតិ ដែលនឹងប្រព្រឹត្តទៅជាផ្លូវការនៅថ្ងៃទី១០ ខែធ្នូ ផង និងដើម្បីលើកឡើងពីការរំលោភសិទ្ធិមនុស្សនៅដែនដីកម្ពុជាក្រោម ពីសំណាក់អាជ្ញាធរវៀតណាម ផង។ ពិធីជួបជុំនេះ បានធ្វើឡើងនៅទីស្នាក់ការសមាគមខ្មែរកម្ពុជាក្រោមដើម្បីសិទ្ធិមនុស្ស និងអភិវឌ្ឍន៍ ដែលឋិតនៅបុរីសហគមន៍ព្រៃនគរ ក្នុងភូមិគោកឃ្លាំង សង្កាត់ភ្នំពេញថ្មី ខណ្ឌសែនសុខ ដែលមានពលរដ្ឋខ្មែរក្រោមជិត ២០០នាក់ចូលរួម រួមទាំងព្រះសង្ឃផងដែរ។
-
អង្គការលីកាដូផ្អាកការប្រារព្ធទិវាសិទ្ធិមនុស្សតាមពន្ធនាគារជាលើកដំបូងនៅឆ្នាំនេះ
អង្គការការពារសិទ្ធិមនុស្សលីកាដូ សម្រេចផ្អាកការរៀបចំទិវាសិទ្ធិមនុស្សនៅតាម ពន្ធនាគារជាលើកដំបូងនៅឆ្នាំនេះ ដោយអង្គការនេះចោទថា អាជ្ញាធរមានការរឹតត្បិតសេរីភាពក្នុងការរៀបចំខ្លាំងពេក។ រយៈពេល២០ឆ្នាំកន្លងទៅនេះ អង្គការលីកាដូ តែងរៀបចំទិវាសិទ្ធិមនុស្ស នៅតាមពន្ធនាគារនានានៅថ្ងៃទិវាសិទ្ធិមនុស្សអន្តរជាតិ១០ឆ្នូ។ ការរៀបចំបារព្ធទិវា១០ធ្នូ តាមពន្ធនាគារគោលដៅនោះ អង្គការលីកាដូ មានរៀបចំការផ្តល់ម្អូបអាហារ សម្ភារប្រើប្រាស់ និង ការនាំអ្នកជាប់ឃុំលេងល្បែងកំសាន្ត ដើម្បីបង្កបរិយាកាសរីករាយជាដើម។
-
ពលរដ្ឋនៅពោធិ៍សាត់សុំឲ្យពន្លឿនដោះស្រាយជម្លោះដីធ្លីនិងបញ្ឈប់ការប្រើហិង្សា
ប្រជាពលរដ្ឋជាសកម្មជនដីធ្លីប្រមាណ៥00នាក់នៅស្រុកក្រគរ ខេត្ដពោធិ៍សាត់ អំពាវនាវឲ្យអាជ្ញាធរខេត្ដ ពន្លឿនដោះស្រាយជម្លោះដីធ្លីឲ្យបានឆាប់ និងបញ្ឈប់ការប្រើហិង្សាមកលើពួកគាត់ក្នុងពេលតវ៉ារក យុត្ដិធម៌និងប្រមូលផ្ដុំសម្ដែងមតិ។ ការអំពាវនាវនេះ ធ្វើឡើងក្នុងពេលហែក្បួនអបអរទិវាសិទ្ធិមនុស្សអន្ដរជាតិលើកទី៦៧ នៅព្រឹកថ្ងៃទី៦ ខែធ្នូ ឆ្នាំ២០១៥នេះ។ ប្រជាពលរដ្ឋប្រមាណ៥០០នាក់នោះ មួយចំនួនអ្នកមានជម្លោះដីធ្លី និងខ្លះ ទៀតសកម្មជនធនធានធម្មជាតិ បានហែក្បួនចេញពីតាមបណ្ដាឃុំមួយចំនួន ក្នុងស្រុកក្រគរ ឆ្ពោះទៅកាន់ទី រួមខេត្ដពោធិសាត់ និងតំបន់ផ្សារមួយចំនួន។ ពួកគេបានស្រែកតាមឧបករណ៍បំពងសម្លេងទាមទារឲ្យ អាជ្ញាធរបញ្ឈប់ប្រើហិង្សាមកលើប្រជាពលរដ្ឋ និងពន្លឿនដោះស្រាយជម្លោះដីធ្លីប្រជាពលរដ្ឋផងដែរ។
-
បទសម្ភាសន៍អំពីគោលការណ៍ណែនាំស្ដីពីធុរកិច្ចនិងសិទ្ធិមនុស្សរបស់អង្គការសហប្រជាជាតិ
ការធ្វើវិនិយោគដោយក្រុមហ៊ុនសាជីវកម្ម ឬសហគ្រាសខ្នាតតូច និងមធ្យម ទាំងជាតិ និងអន្តរជាតិ ជាកម្លាំងចលករសំខាន់ ដើម្បីរុញច្រានក្បាលម៉ាស៊ីនសេដ្ឋកិច្ចជាតិឲ្យដើរទៅមុខ។ ទោះជាយ៉ាងណា នៅប្រទេសកម្ពុជា ព័ត៌មានស្ដីពីការរំលោភសិទ្ធិមនុស្ស ឬការបំផ្លាញធនធានធម្មជាតិ តាមរយៈគម្រោងវិនិយោគក្នុងវិស័យធុរកិច្ច តែងកើតមានឡើងជាញឹកញយ។ ទាក់ទងបញ្ហានេះ អង្គការសហប្រជាជាតិ បានអនុម័តនូវ «គោលការណ៍ណែនាំស្ដីពីធុរកិច្ច និងសិទ្ធិមនុស្ស» កាលពីខែមិថុនា ឆ្នាំ២០១១ ដើម្បីធានាថា ការវិនិយោគក្នុងវិស័យធុរកិច្ច អាចផ្ដល់នូវការអភិវឌ្ឍប្រកបដោយចីរភាពសម្រាប់សង្គមជាតិទាំងមូល។ នាយិកាប្រតិបត្តិនៃមជ្ឈមណ្ឌលសិទ្ធិមនុស្សកម្ពុជា អ្នកស្រី ចក់ សុភាព បានផ្ដល់បទសម្ភាសន៍ដល់វិទ្យុអាស៊ីសេរី ដើម្បីពន្យល់លម្អិតអំពីគោលការណ៍ណែនាំនេះ។
គាំទ្រដោយ
