កំពុងស្វែងរកទិន្នន័យ
រកឃើញ: 12.457
-
លោក ជា មុនី គ្មានជំនឿលើគណៈកម្មការអន្តរក្រសួងអង្កេតឃាតកម្មមេសហជីព
លោកនាយករដ្ឋមន្ត្រី ហ៊ុន សែន បានបង្កើតគណៈកម្មការមួយដើម្បីស្រាវជ្រាវករណីឃាតកម្មលើមេដឹកនាំសហជីពសេរីកម្មករចំនួន ៣នាក់ ដែលត្រូវឃាតកបាញ់សម្លាប់។ ក្រុមសាច់ញាតិសព និងអង្គការសង្គមស៊ីវិល គ្មានជំនឿលើការស៊ើបអង្កេតឡើងទេ ដោយសារភស្តុតាង និងសាក្សីសំខាន់ៗមួយចំនួនបានបាត់បង់អស់ហើយ។
-
សកម្មជននិងបុគ្គលិកសិទ្ធិមនុស្សត្រូវបានឃាត់ខ្លួនអំឡុងការប៉ុនប៉ងហែក្បួន
សកម្មជនបីនាក់មកពី អង្គការមាតាធម្មជាតិជាអង្គការមិនមែនរដ្ឋាភិបាលការពារបរិស្ថាន និងអ្នកឃ្លាំមើលសិទ្ធិមនុស្សម្នាក់ត្រូវបានឃាត់ខ្លួននៅក្នុងខណ្ឌចំការមនរាជធានីភ្នំពេញរយៈពេលប្រហែល៣ម៉ោង កាលពីម្សិលមិញ បន្ទាប់ពីសាលារាជធានីចាត់ទុកថា ជាការហែក្បួនតាមការគ្រោងទុកទៅកាន់រដ្ឋសភាដោយខុសច្បាប់។ សកម្មជនទាំងនេះបាននិយាយថា មនុស្សប្រហែល១០ទៅ១៥នាក់មានគម្រោងហែក្បួនពីមជ្ឈមណ្ឌលភ្នំពេញតាមមហាវិថីសុធារស ទៅកាន់រដ្ឋសភាដើម្បីដាក់ញត្តិស្នើឲ្យរដ្ឋាភិបាលធ្វើអន្តរាគមន៍ក្នុងវិវាទមួយរវាងអ្នកភូមិខេត្តកោះកុង និងក្រុមហ៊ុនបូមខ្សាច់។
-
តំណាងអ្នកភូមិមានទំនាស់ដីនៅឃុំបឹងប្រាំ៤នាក់ចូលបំភ្លឺតាមដីការបស់តុលាការខេត្តបាត់ដំបង
ប្រជាពលរដ្ឋប្រមាណ ១៥០នាក់ ដែលមានទំនាស់ដីធ្លីនៅឃុំបឹងប្រាំ ស្រុកបវេល ខេត្តបាត់ដំបង កាលពីរសៀលថ្ងៃទី២៥ ខែមិថុនា នាំគ្នាទៅការពារតំណាងអ្នកភូមិចំនួន ៤នាក់ ដែលបានចូលទៅបំភ្លឺតាមដីកាកោះហៅរបស់តុលាការខេត្តបាត់ដំបង។ អ្នកភូមិអះអាងថា មូលហេតុដែលពួកគេលើកគ្នាទៅតុលាការនេះ ដើម្បីផ្ដល់កម្លាំងចិត្ត និងការពារសកម្មជនដីធ្លី ក្រែងមានការចាប់ខ្លួនណាមួយពីសំណាក់អាជ្ញាធរ។
-
រដ្ឋាភិបាលបញ្ជាឲ្យធ្វើការស៊ើបអង្កេតករណីសម្លាប់មេដឹកនាំសហជីពឡើងវិញ
យោងតាមអនុក្រឹត្យរបស់រដ្ឋាភិបាលដែលទទួលបានកាលពីម្សិលមិញបានឲ្យដឹងថា គណៈកម្មការអន្តរក្រសួងត្រូវបានបង្កើតឡើងជាថ្មីម្ដងទៀត ដើម្បីស៊ើបអង្កេតការធ្វើឃាតលោក ជា វិជ្ជា លោក ហ៊ី វុទ្ធី និងលោក រស់ សុវណ្ណារ៉េត មេដឹកនាំសហជីពសេរីកម្មករពីឆ្នាំ២០០៤ដល់ឆ្នាំ២០០៧។
-
បេក្ខជនឯកអគ្គរដ្ឋទូតថ្មីរបស់សហរដ្ឋអាមេរិក ប្រចាំកម្ពុជាបញ្ជាក់ថា ការបោះឆ្នោតជាកិច្ចការអាទិភាពរបស់លោក
បេក្ខជនឯកអគ្គរដ្ឋទូតថ្មីរបស់សហរដ្ឋអាមេរិកប្រចាំកម្ពុជា បានថ្លែងទៅកាន់គណៈកម្មាធិការទំនាក់ទំនងកិច្ចការបរទេសនៃព្រឹទ្ធសភាសហរដ្ឋអាមេរិកនៅសប្ដាហ៍នេះថា ការបោះឆ្នោតដោយយុត្តិធម៌គឺជាកិច្ចការអាទិភាពរបស់លោក
-
អាជ្ញាធរខណ្ឌចំការមន ដោះលែងយុវជន ៤ នាក់ ដែលប្រមូលផ្តុំ តវ៉ាប្រឆាំងការបូមខ្សាច់ នៅតំបន់អារ៉ែង ខេត្តកោះកុង
រហូតដល់ម៉ោងជាង ១១ ព្រឹក ថ្ងៃទី២៥មិថុនានេះ អាជ្ញាធរខណ្ឌចំការមន បានដោះលែងយុវជន ៤ នាក់ ដែលត្រូវបានចាប់ខ្លួន ពេលប្រមូលផ្តុំ នៅជិតរដ្ឋសភា ដើម្បីតវ៉ាប្រឆាំងការបូមខ្សាច់ នៅតំបន់អារ៉ែង ខេត្តកោះកុង។ យុវជនទាំង ៤ នាក់ ដែលមានសកម្មជនអង្គការចលនាមាតាធម្មជាតិ ៣ នាក់ និងម្នាក់ជាសកម្មជនអង្គការអាដហុក ត្រូវបានចាប់ខ្លួន កាលពីម៉ោងប្រមាណ ៨ និង ៤០ នាទី ព្រឹកថ្ងៃទី២៥មិថុនានេះ។
-
ពលរដ្ឋមួយក្រុមតវ៉ាប្រឆាំងនឹងការបណ្តេញចេញ
តំណាងប្រជាពលរដ្ឋ ១៨ គ្រួសារនៅឃុំកោះស្តេច ស្រុកគិរីសាគរ ខេត្តកោះកុង ដែលប្រឈមនឹងការបណ្តេញចេញពីលំនៅឋាននាពេលខាងមុខឆាប់ៗនេះបានមកដាក់ញត្តិស្វែងរកកិច្ចអន្តរាគមន៍ពីរដ្ឋសភា និងក្រសួងបរិស្ថានស្នើសុំវៀលដីទំហំ ៥០ ហិកតារបស់ពួកគេចេញពីដីអាងស្តុកទឹក និងវារីអគ្គិសនីរបស់ក្រុមហ៊ុនចិនយូញៀន ដើម្បីឲ្យពួកគេប្រកបរបរកសិកម្មចិញ្ចឹមជីវិតដូចធម្មតា។
-
លីកាដូអំពាវនាវឲ្យបើកទូលាយឡើងវិញលើព័ត៌មាននៃការចុះបញ្ជីក្រុមហ៊ុន
សេចក្តីថ្លែងការណ៍របស់អង្គការលីកាដូ នៅថ្ងៃទី២៥ខែមិថុនានេះ បានលើកឡើងថាការធ្វើបច្ចុប្បន្នភាពគេហទំព័រនៃក្រសួងពាណិជ្ជកម្ម កាលពីខែមេសាឆ្នាំ២០១៥នេះ បានកាត់បន្ថយតម្លាភាពនៃព័ត៌មានរបស់ក្រុមហ៊ុនដែលបានចុះបញ្ជី។ លីកាដូបន្តថាគេហទំព័រនេះបានកាត់បន្ថយទំហំព័ត៌មានដោយនៅសល់ត្រឹមតែឈ្មោះក្រុមហ៊ុន ឈ្មោះប្រធាន និងលេខទូរស័ព្ទ ដែលបញ្ហានេះធ្វើឲ្យបាត់តម្លាភាពព័ត៌មានដែលមានតិចស្រាប់។
-
កម្មករបារម្ភថាច្បាប់គ្រប់គ្រងសហជីពប៉ះពាល់ដល់ជីវភាពកម្មករ
កម្មកររោងចក្រ អ្នកបម្រើការផ្នែកសេវាកម្សាន្ត និងអ្នកធ្វើការផ្នែកសេដ្ឋកិច្ចក្រៅប្រព័ន្ធ រិះគន់ថា ច្បាប់ស្ដីពីការគ្រប់គ្រងសហជីពដែលកំពុងឋិតក្នុងសេចក្ដីព្រាងនៅឡើយនោះ នឹងប៉ះពាល់ដល់សេរីភាពរបស់សហជីព។ ក្រុមកម្មករបារម្ភថា ច្បាប់សហជីពនឹងជះឥទ្ធិពលដល់ជីវភាពរស់នៅរបស់ពួកគេ ប្រសិនបើរដ្ឋាភិបាលកម្ពុជា សម្រេចអនុម័ត សេចក្ដីព្រាងច្បាប់នេះ។
-
GMACថាប្រាក់ឈ្នួលអប្បបរមា១៧៧ដុល្លារ រោងចក្រមិនអាចដំឡើងរួចទេ
សមាគមរោងចក្រកាត់ដេរនៅកម្ពុជា(GMAC) បានស្នើឲ្យក្រុមសហជីពមួយចំនួនពិចារណាឡើងវិញចំពោះការសម្រេចស្នើកំណត់ប្រាក់ឈ្នួលអប្បបរមាថ្មីចំនួន១៧៧ដុល្លាររបស់កម្មករសម្រាប់ឆ្នាំ២០១៦ ដោយអះអាងថាភាគីរោងចក្រមិនអាចផ្តល់ប្រាក់ឈ្នួលអប្បបរមា១៧៧ដុល្លារបាននោះទេ។
-
សមត្ថកិច្ចចាប់ខ្លួនក្រុមយុវជនដែលតវ៉ាប្រឆាំងក្រុមហ៊ុនបូមខ្សាច់នៅខេត្តកោះកុង
យ៉ាងហោចណាស់យុវជន៣នាក់ និងមន្ត្រីឃ្លាំមើលសិទ្ធិមនុស្សម្នាក់ទៀត ត្រូវកម្លាំងចម្រុះចាប់ខ្លួន នៅព្រឹកថ្ងៃហស្បតិ៍នេះ ខណៈពួកគេប្រមាណជា១០នាក់ ព្យាយាមដាក់ញត្តិ ជំរុញឲ្យរដ្ឋសភាបញ្ឈប់ហ៊ុនបូមខ្សាច់មួយនៅខេត្តកោះកុង ដែលក្រុមអ្នកតវ៉ាអះអាងថាសកម្មភាពបូមខ្សាច់នោះបង្កផលប៉ះពាល់ដល់បរិស្ថាន និងមុខរបនេសាទរបស់ពលរដ្ឋជិត៣០០គ្រួសារ។
-
បទយកការណ៍៖ សហគមន៍មួយដែលក្រុមហ៊ុនបណ្តេញចេញពីភ្នំពេញចាប់ផ្តើមចាកចេញពីទីតាំងថ្មី
«ជិត១ឆ្នាំហើយ ខ្ញុំចាំមើលគាត់ដោះស្រាយរបៀបម៉េច ។ ខ្ញុំអត់ទៅសួរទេ នៅស្ងៀមយូរទៅបាត់ឈឹង បាត់ឈឹងចឹងទៅ ។ ឡើងទៅតវ៉ាទៅអី ដល់ទៅតវ៉ាជាប់គុក វាធ្វើអីមិនចេញរាល់ថ្ងៃហ្នឹង» ។ នេះជាការអះអាងពីការមិនទទួលបានព័ត៌មាន របស់អតីតសហគមន៍បុរីកីឡា ដែលពេលនេះ ពួកគេកំពុងតាំងលំនៅថ្មី ចម្ងាយជិត៦០គីឡូម៉ែត្រពីទីតាំងចាស់ ក្រោយពីមានព្រឹត្តិការណ៍បណ្តេញចេញទាំងបង្ខំពីសំណាក់ក្រុមហ៊ុនផានអ៊ីម៉ិច កាលពីជិត៤ឆ្នាំមុន ។
-
អង្គការតម្លាភាពកម្ពុជាដាក់ឲ្យប្រើប្រាស់កាតប្រឆាំងអំពើពុករលួយជាផ្លូវការ
ភ្នំពេញៈ អង្គការតម្លាភាពកម្ពុជាបានដាក់ឲ្យប្រើប្រាស់កាតប្រឆាំងអំពើពុករលួយជាផ្លូវការកាលពីម្សិលមិញបន្ទាប់ពីកាតជាង ៧ ពាន់ត្រូវបានចែកចាយក្នុងរយៈពេលជាង ១ ឆ្នាំមកនេះដើម្បីប្រយុទ្ធប្រឆាំងទៅនឹងអំពើពុករលួយនៅកម្ពុជា។
-
សមត្ថកិច្ចចាប់ខ្លួនយុវជន៣នាក់របស់ចលនាមាតាធម្មជាតិដែលចេញមុខតវ៉ា
កម្លាំងសមត្ថកិច្ច នៅព្រឹកថ្ងៃព្រហស្បតិ៍នេះ បានចាប់ខ្លួនយុវជន៣នាក់របស់ចលនាមាតាធម្មជាតិ ខណៈពួកគេចេញមុខតវ៉ាប្រឆាំងនឹងក្រុមហ៊ុនបូមខ្សាច់មួយ។ កម្លាំងសមត្ថកិច្ចបានដាក់របាំងការពារ បិទផ្លូវខាងមុខរដ្ឋសភា ដើម្បីរារាំងការតវ៉ារបស់សមាជិកអង្គការមាតាធម្មជាតិ។ តាមគម្រោង នៅព្រឹកថ្ងៃនេះ ក្រុមចលនាមាតាធម្មជាតិមួយចំនួនគ្រោងតវ៉ាសុំរដ្ឋសភា ឲ្យជួយអន្តរាគមន៍បញ្ឈប់ការបូមខ្សាច់របស់ក្រុមហ៊ុនInternational Renbow Co.Ltd ។
-
ប្រធានអង្គការផ្ទះក្មេងច្រានចោលការចោទពីម្ចាស់ជំនួយ
ប្រធានអង្គការផ្ទះរបស់ក្មេងៗនៃកម្ពុជាបានច្រានចោលការចោទប្រកាន់ថាបានវាយដំលើកុមារបង្អត់អាហារកុមារ និងរួមភេទជាមួយសង្សារនៅមុខកុមារ និងបានចោទបកទៅម្ចាស់ជំនួយបរទេសវិញថាជាអ្នកបង្កហេតុប្រើហិង្សាលើរូបគាត់។ ស្ត្រីឈ្មោះ សយ ស្រីអន អាយុ ២៣ ឆ្នាំ ប្រធានអង្គការផ្ទះរបស់ក្មេងៗនៃកម្ពុជាបានប្រាប់ភ្នំពេញប៉ុស្តិ៍តាមទូរស័ព្ទម្សិលមិញដោយបដិសេធនូវបណ្តឹងទាំងនោះខណៈរូបនាងកំពុងត្រូវបានឃុំខ្លួននៅអធិការដ្ឋាននគរបាលខណ្ឌច្បារអំពៅដើម្បីសាកសួរជុំវិញបណ្តឹងរបស់ម្ចាស់ជំនួយលោកស្រី Chloe Flanagan។
-
អ្នកភូមិខ្លះដែលរងផលប៉ះពាល់ពីទំនប់វារីអគ្គិសនីសេសានមិនព្រមចាកចេញពីភូមិកំណើត
ទំនប់វារីអគ្គិសនីសេសានក្រោមពីរ នៅខេត្តស្ទឹងត្រែង កំពុងសាងសង់សម្រេចបានប្រមាណ ៤០% ហើយ ក៏ប៉ុន្តែមានប្រជាពលរដ្ឋប្រមាណ ៣០% នៃអ្នករងផលប៉ះពាល់នៅតែបដិសេធមិនព្រមចាកចេញពីលំនៅឋានភូមិកំណើតពួកគាត់ធ្លាប់រស់នៅ។ អ្នកភូមិខ្លះអះអាងថា ពួកគាត់ស៊ូស្លាប់មិនចាកចេញនោះទេ។ តើមានមូលហេតុអ្វីខ្លះបានជាប្រជាពលរដ្ឋទាំងនោះបដិសេធមិនទទួលយកសំណងផលប៉ះពាល់ ទាក់ទិនគម្រោងវិនិយោគមួយនេះ? តើក្រុមសមត្ថកិច្ចពាក់ព័ន្ធនឹងក្រុមហ៊ុនសាងសង់ បន្តដោះស្រាយបញ្ហាដោយរបៀបណាទៀត?
-
គ្រួសារពលករនៅម៉ាឡេស៊ីរកអន្តរាគមន៍ជួយកូនស្រី
ក្រុមគ្រួសារពលការិនី ៥ នាក់នៅស្រុកសៀមប៉ាងខេត្តស្ទឹងត្រែងកំពុងស្វែងរកអន្តរាគមន៍ពីសមាគមអាហុកប្រចាំខេត្តស្ទឹងត្រែង និងអាជ្ញាធរក្នុងករណីកូនរបស់ពួកគេកំពុងរងគ្រោះនៅប្រទេសម៉ាឡេស៊ីតាមរយៈក្រុមហ៊ុន Master Cam Human Resources។
-
កម្មករនាំគ្នាបិទផ្លូវជាតិក្នុងខេត្តតាកែវ ជុំវិញវិវាទប្រាក់ខែ
ក្រុមមន្ត្រីបានឲ្យដឹងថា កម្មកររាប់រយនាក់នៅរោងចក្រផលិតគ្រឿងអេឡិចត្រូនិកដែលបានធ្វើកូដកម្មអស់រយៈពេលជិតពីរសប្តាហ៍មកហើយដើម្បីទាមទារឲ្យមានការដំឡើងប្រាក់ខែស្មើកម្មករផ្សេងៗទៀតក្នុងវិស័យកាត់ដេរនោះបាននាំគ្នាបិទផ្លូវជាតិលេខ៣ក្នុងខេត្តតាកែវកាលពីម្សិលមិញ បន្ទាប់ពីសាលាដំបូងខេត្តនេះបានបង្គាប់ឲ្យពួកគេចូលធ្វើការវិញ។
-
អង្គការអន្តរជាតិចំនួន៣២ ផ្ញើលិខិតជូនលោកហេង សំរិន រឿងច្បាប់អង្គការ
អង្គការអន្តរជាតិចំនួន៣២នៅក្នុងសប្តាហ៍នេះ បានផ្ញើលិខិតចំហរមួយទៅកាន់លោកហេង សំរិនប្រធានរដ្ឋសភាកម្ពុជា។ ជាលិខិតដែលបានរិះគន់សេចក្តីព្រាងច្បាប់ដែលរដ្ឋសភាកំពុងពិនិត្យ និងពិភាក្សា។ អង្គការអន្តរជាតិបានបញ្ជាក់ថា ច្បាប់នេះគឺរំលោភសន្ធិសញ្ញាអន្តរជាតិ។
-
អង្គការលីកាដូ៖ ដីសម្បទានសង្គមកិច្ចដែលចែកដោយអាជ្ញាធរកម្ពុជា មិនអាចបង្កបង្កើនផលបាន
ដីសម្បទានសង្គមកិច្ចដែលបានបែងចែកដោយអាជ្ញាធរកម្ពុជា មានមួយផ្នែក គឺមិនសមរម្យសម្រាប់ការធ្វើស្រែចម្ការនោះឡើយ។ ពោលគឺមិនអាចបង្កបង្កើនផលបានតែម្ដង។ នេះបើផ្អែកតាមរបាយការណ៍ ស្ដីពីការពិនិត្យទៅលើសម្បទានដីសង្គមកិច្ច ដែលអង្គការលីកាដូ ទើបតែចេញផ្សាយនៅថ្ងៃពុធនេះ។ តាមរយៈរបាយការណ៍កម្រាស់២០ទំព័រនេះ លីកាដូបានអំពាវនាវឲ្យម្ចាស់ជំនួយ ទទួលស្គាល់នូវការពិតអស់ទាំងនេះ។ និងជាពិសេស ត្រូវតាមដានការអនុវត្តគម្រោងរបស់អាជ្ញាធរ ប្រកបដោយការទទួលខុសត្រូវព្រមទាំងការខិតខំប្រឹងប្រែងពិតប្រាកដ។
គាំទ្រដោយ
