កំពុងស្វែងរកទិន្នន័យ
រកឃើញ: 12.457
-
សមាជិកព្រឹទ្ធសភាគណបក្ស សម រង្ស៊ី បានស្នើឲ្យបង្កើតច្បាប់ សមាគម និងអង្គការក្រៅរដ្ឋាភិបាល
សមាជិកព្រឹទ្ធសភាគណបក្សសមរង្ស៊ី ចំនួន ៧ រូប បានតាក់តែងសេចក្តីស្នើច្បាប់ សមាគម និងអង្គការក្រៅរដ្ឋាភិបាល នៅកម្ពុជា។ សេចក្តីស្នើច្បាប់ សមាគម និងអង្គការក្រៅរដ្ឋាភិបាល ដែលគេផ្សព្វផ្សាយនៅពេលនេះ ត្រូវបានសមាជិកព្រឹទ្ធសភាគណបក្សសមរង្ស៊ី ធ្វើឡើង កាលពីខែធ្នូ ឆ្នាំ១៩៩៩។
-
សង្គមស៊ីវិលថា ជំនួយបរទេសសម្រាប់ គ.ជ.ប មិនទាន់អាចធានាការបោះឆ្នោតឲ្យត្រឹមត្រូវ១០០ភាគរយ
សង្គមស៊ីវិលដែលឃ្លាំមើលការបោះឆ្នោតនៅកម្ពុជា លើកឡើងថា ជំនួយបរទេសលើកំណែទម្រង់ការបោះឆ្នោតនៅកម្ពុជា គ្រាន់តែជាចំណុចចាប់ផ្តើមថ្មីមួយទៀត តែមិនទាន់អាចធានាការបោះឆ្នោតនៅថ្ងៃខាងមុខប្រព្រឹត្តទៅដោយរលូន និងភាពត្រឹមត្រូវនោះទេ ។ កាលពីម្សិលមិញមន្ត្រីសហភាពអឺរ៉ុបសន្យាផ្តល់ជំនួយហិរញ្ញវត្ថុប្រមាណ១០លានអ៊ឺរូ (ប្រមាណ១១,៣លានដុល្លារ) ចំណែកជប៉ុនសន្យាផ្តល់ជំនួយខាងបច្ចេកវិទ្យា និងឧបករណ៍ផ្សេងៗ តែមិនទាន់បញ្ចេញតួលេខទឹកប្រាក់ដែលនឹងផ្តល់ជំនួយនោះទេសម្រាប់គណៈកម្មាធិការជាតិរៀបចំករបោះឆ្នោត (គ.ជ.ប) ។
-
សហគមន៍ជម្លោះដីធ្លីនៅភ្នំពេញរិះគន់តុលាការក្រុងថាកាត់ទោសពួកគាត់ដោយអយុត្តិធម៌
ក្រុមសហគមន៍មានជម្លោះដីធ្លីនៅទីក្រុងភ្នំពេញ ចេញមុខបរិហាររិះគន់សាលាដំបូងរាជធានីភ្នំពេញ នៅព្រឹកថ្ងៃទី២២ មិថុនា។ ការជួបជុំរិះគន់នេះ ធ្វើឡើងនៅបន្ទាប់ពីស្ត្រីសកម្មជនដីធ្លី ១០រូប ត្រូវបានតុលាការមួយនេះកាត់ទោសឲ្យជាប់ពន្ធនាគារមួយឆ្នាំ កាលពីឆ្នាំ២០១៤ កន្លងទៅ ដែលពួកគាត់មិនសុខចិត្តនោះទេចំពោះការចាប់ខ្លួនពួកគាត់ដាក់ ពន្ធនាគារនេះ នៅពេលតវ៉ាសុំឲ្យអាជ្ញាធររាជធានីភ្នំពេញ ដោះស្រាយបញ្ហាទឹកភ្លៀងជន់លិចផ្ទះរបស់ពួកគាត់។
-
កម្មកររោងចក្រមួយនៅតាកែវថាថៅកែបើកប្រាក់ខែឲ្យពួកគេតិចជាងច្បាប់កំណត់
កម្មកររោងចក្រផលិតកាសទូរសព្ទ នៅភូមិចមពល ស្រុកត្រាំកក់ ខេត្តតាកែវ ប្រមាណ៤០០នាក់ នៅថ្ងៃអង្គារនេះបានឡើងមករកអន្តរាគមន៍ពីក្រសួងការងារ និងស្ថាប័នពាក់ព័ន្ធផ្សេងទៀត ដោយអះអាងថា ថៅកែរោងចក្របានផ្តល់ប្រាក់ខែគោលឲ្យពួកគេតិចជាងច្បាប់កំណត់ដែលថាចំនួន១២៨ដុល្លារនោះ ។
-
គណបក្សប្រឆាំងប្រាប់សង្គមស៊ីវិលថា មិនចង់ឲ្យមានសេចក្តីព្រាងច្បាប់អង្គការទេ
ភ្នំពេញ—ប្រធានគណបក្សជំទាស់ដែលមានសំឡេងភាគតិចនៅរដ្ឋសភាគឺលោក សម រង្ស៊ី បានថ្លែងថា ក្រុមការងារ និងតំណាងគណបក្សសង្គ្រោះជាតិនឹងរិះរកយុទ្ធវិធី ដើម្បីទប់ស្កាត់សេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល មិនឲ្យមានការអនុម័តក្នុងសម័យប្រជុំពេញអង្គសភានាពេលខាងមុខនេះ។
-
អង្គការឃ្លាំមើលសិទ្ធិមនុស្សជំរុញឲ្យធនាគារពិភពលោកជួយអ្នកតវ៉ាដែលរងការរំលោភបំពាន
អង្គការឃ្លាំមើលសិទ្ធិមនុស្ស (Human Right Watch) និយាយថា ធនាគារពិភពលោកមិនកំពុងចាត់វិធានការឲ្យបានគ្រប់គ្រាន់ដើម្បីជួយប្រជាពលរដ្ឋនៅក្នុងប្រទេសកម្ពុជា និងនៅក្នុងប្រទេសផ្សេងទៀត
-
អង្គការអន្តរជាតិរិះគន់ធនាគារពិភពលោកថាមិនទប់ស្កាត់រដ្ឋាភិបាលគំរាមអ្នករិះគន់
អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) អះអាងថា ធនាគារពិភពលោក (World Bank) បានធ្វើការងារតិចតួចបំផុតដើម្បីទប់ស្កាត់រដ្ឋាភិបាលមួយចំនួន រួមមានកម្ពុជា ផងដែរនោះ កុំឲ្យគំរាមកំហែងដល់អ្នករិះគន់ចំពោះគម្រោងមួយចំនួនដែលធនាគារនេះបានជួយឧបត្ថម្ភ។ ក្នុងរបាយការណ៍របស់អង្គការ យូមែន រ៉ៃត៍ វ៉ច្ឆ មានកម្រាស់ ១៤១ទំព័រ ដែលមានចំណងជើងថា ផ្សងគ្រោះថ្នាក់ដោយខ្លួនឯង៖ ការផ្ចាលតបចំពោះអ្នករិះគន់គម្រោងធនាគារពិភពលោក បានបង្ហាញពីព័ត៌មានពិស្ដារអំពីរបៀបនៃរដ្ឋាភិបាល និងក្រុមហ៊ុនមានអំណាចមួយចំនួន បានគំរាមកំហែង និងប្រើប្រាស់ច្បាប់ព្រហ្មទណ្ឌប្រឆាំងនឹងសហគមន៍ដែលហ៊ានចេញមុខតវ៉ា។
-
ក្រុមអង្គការសង្គមស៊ីវិលចេញមុខហែក្បួនប្រឆាំងសេចក្ដីព្រាងច្បាប់អង្គការ
ក្រុមអង្គការសង្គមស៊ីវិលមួយចំនួននៅព្រឹកថ្ងៃអង្គារនេះ ជួបជុំគ្នាលើកបដាតវ៉ានៅមុខរដ្ឋសភា រួចនាំគ្នាហែក្បួនដើម្បីបង្ហាញការមិនពេញចិត្ត និងស្នើឲ្យសភា ពន្យារពេលអនុម័តសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល ។ មន្ត្រី និងសកម្មជនមកអង្គការសង្គមស៊ីវិលទាំងនោះមានគ្នាប្រមាណ៥០០នាក់បាននាំគ្នាលើកបដាស្នើឲ្យរដ្ឋ សភាពន្យារពេលពិភាក្សា និងអនុម័តសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល ដោយពួកគេទាមទារឲ្យមានការបើកទូលាយក្នុងការពិភាក្សាលើសេចក្ដីព្រាងច្បាប់នេះ ។
-
សកម្មជនអង្គការសង្គមស៊ីវិល ដើរហែក្បួន បន្ទាប់ពីជួបជុំ លើកបដា នៅមុខរដ្ឋសភា
បន្ទាប់ពីជួបជុំលើកបដាតវ៉ា ជំទាស់នឹងសេចក្តីព្រាងច្បាប់ ស្តីពី សមាគម និងអង្គការមិនមែនរដ្ឋាភិបាល ឬហៅថា ច្បាប់អង្គការ NGO នៅមុខរដ្ឋសភា នាព្រឹកថ្ងៃទី២៣មិថុនានេះរួចមក ក្រុមសកម្មជនអង្គការសង្គមស៊ីវិលជាច្រើននាក់ បានដើរហែក្បួន ស្រែកតវ៉ាតាមផ្លូវ ចេញពីមុខរដ្ឋសភា។ សកម្មភាព ដើរហែក្បួនតវ៉ា នៅម៉ោងជាង ៩ ព្រឹកនេះ មិនទាន់មានការរារាំង និងមិនមានគោលដៅថាត្រូវហែក្បួនទៅណានៅឡើយទេ។
-
មានការជំទាស់កើនឡើងជុំវិញសេចក្តីព្រាងច្បាប់អង្គការមិនមែនរដ្ឋាភិបាល
ការជំទាស់ទៅនឹងសំណៅថ្មីបំផុតនៃសេចក្ដីព្រាងច្បាប់ ដែលសំដៅដាក់កម្រិតលើអង្គការមិនមែនរដ្ឋាភិបាលរាប់រយនៅក្នុងប្រទេសបន្តរង់ចាំការបោះឆ្នោត ដោយក្រុមអង្គការសិទ្ធិមនុស្សអន្តរជាតិចំនួន១០ ជំរុញឲ្យរដ្ឋាភិបាលពិចារណានូវអ្វីដែលគេហៅថា “សេចក្តីព្រាងច្បាប់មានគុណវិបត្តិធ្ងន់ធ្ងរ”។
-
គ.ជ.បនឹងជួបពិភាក្សាជាមួយតំណាងសហភាពអឺរ៉ុបនិងជប៉ុននៅរសៀលនេះ
គណៈកម្មាធិការជាតិរៀបចំការបោះឆ្នោត (គ.ជ.ប) នឹងជួបពិភាក្សាជាមួយតំណាងសហភាពអឺរ៉ុបប្រចាំកម្ពុជា និងឯកអគ្គរាជទូតជប៉ុនប្រចាំកម្ពុជា ស្ដីពីការកំណែទម្រង់ការបោះឆ្នោត នៅរសៀលម៉ោង២ថ្ងៃទី២២ មិថុនា។ លោក ហង្ស ពុទ្ធា មន្ត្រីនាំពាក្យរបស់ គ.ជ.ប ឲ្យដឹងនៅថ្ងៃទី២២ មិថុនា ថា កិច្ចពិភាក្សានេះ នឹងជជែកអំពីស្ថានភាពថវិការបស់សហភាពអឺរ៉ុប និងភាគីជប៉ុន ដើម្បីជួយដល់គ.ជ.ប ធ្វើកំណែទម្រង់ការបោះឆ្នោតថ្មី។
-
អាជ្ញាធរខេត្តត្បូងឃ្មុំរងការចោទថាតាមដានតំណាងពលរដ្ឋដែលតវ៉ាបញ្ហាដីធ្លី
តំណាងពលរដ្ឋតវ៉ារឿងដីធ្លីនៅឃុំត្រពាំងព្រីង ស្រុកតំបែរ ខេត្តត្បូងឃ្មុំ ចោទអាជ្ញាធរភូមិថា ចេះតែបន្តតាមដានសកម្មភាពរបស់ពួកគាត់ ពិសេសតំណាងអ្នកភូមិតែម្តង។ ការតាមដាននេះ កើតឡើងបន្ទាប់ពីពលរដ្ឋនាំគ្នាតវ៉ាដីធ្លីជាមួយក្រុមហ៊ុនចិន មួយកាលពីពេលកន្លងមក។ ឆ្លើយតបការចោទប្រកាន់នេះ មេភូមិបានបដិសេធថាជារឿងមិនពិត។ តំណាងពលរដ្ឋម្នាក់ក្នុងចំណោមតំណាងពលរដ្ឋជាង ១០នាក់ សម្ដែងក្តីបារម្ភចំពោះសុវត្ថិភាពរបស់ខ្លួន ក្រោយពេលគាត់ដឹងថា អាជ្ញាធរភូមិចេះតែបន្តតាមដានសកម្មភាពរបស់ពួកគេ ពិសេសនៅពេលមានកិច្ចប្រជុំជាមួយប្រជាពលរដ្ឋនៅក្នុងភូមិម្តងៗ ដើម្បីស្វែងរកដំណោះស្រាយដីធ្លីជាមួយក្រុមហ៊ុនចិន មួយនៅទីនោះ គឺព័ត៌មានតែងតែបែកធ្លាយលេចឮទៅដល់អាជ្ញាធរជានិច្ច។
-
កម្មកររោងចក្រW&Dត្រៀមខ្លួនជាស្រេចដើម្បីធ្វើការតវ៉ាបន្តទៀត បើការដោះស្រាយគ្មានលទ្ធផល
នៅព្រឹកថ្ងៃទី២២ ខែមិថុនា ឆ្នាំ២០១៥នេះ កម្មកររោងចក្រប្រមាណ១៧០០នាក់ ដែលបម្រើការនៅរោងចក្រW&D មានទីតាំងស្ថិតនៅភូមិ៣ ឃុំឫស្សី១ សង្កាត់ស្ទឹងមានជ័យ ខណ្ឌមានជ័យមិនទាន់មានការតវ៉ាអ្វីទេរង់ចាំដំណោះស្រាយនៅម៉ោង៩ព្រឹករវាងតំណាងកម្មករ តំណាងក្រុមហ៊ុន រួមនឹងក្រសួងការងារចំពោះលក្ខខណ្ឌចំនួន៧ចំណុច ដែលនៅសេសល់នោះ។
-
ពលរដ្ឋដែលប៉ះពាល់ដោយគម្រោងផ្លូវរថភ្លើងទារសំណង៨០០០ដុល្លារបន្ថែមពីADB
ពលរដ្ឋប៉ះពាល់ដោយគម្រោងអភិវឌ្ឍន៍ផ្លូវរថភ្លើងចេញតវ៉ាជាថ្មីទៀតនៅថ្ងៃចន្ទនេះ សុំឲ្យធនាគារអភិវឌ្ឍន៍អាស៊ី(ADB) ផ្តល់សំណង ៨០០០ដុល្លារបន្ថែមទៀតក្នុងមួយគ្រួសារ ។ ក្រុមអ្នកតវ៉ាប្រមាណ២៥នាក់ រស់នៅភូមិត្រពាំងអញ្ចាញ សង្កាត់ត្រពាំងក្រសាំង ខណ្ឌពោធិ៍សែនជ័យ បានជំរុញឲ្យធានាគារខ្នាតអន្តរជាតិនេះ គោរពកិច្ចសន្យា ដែលថានឹងធ្វើឲ្យជីវភាពពួកគេ ល្អប្រសើរ ពេលពួកគេព្រមទៅរស់នៅទីតាំងថ្មី ដើម្បីទុកដីនោះ ឲ្យធនាគារពង្រីកផ្លូវដែកកាលពីឆ្នាំ២០១១ ។
-
ពលរដ្ឋមកពីភូមិប្រម៉ាខេត្តក្រចេះដាក់ញត្តិទៅរដ្ឋសភាជាថ្មីឲ្យអន្តរាគមន៍រឿងជម្លោះដីធ្លី
ពលរដ្ឋជាង៤០នាក់ តំណាងឲ្យប្រជាពលរដ្ឋ៦៥គ្រួសារនៅភូមិប្រម៉ា ឃុំកំពង់ដំរី ក្នុងស្រុកឆ្លូង ខេត្តក្រចេះ នាំគ្នាមកតវ៉ា និងដាក់ញត្តិនៅរដ្ឋសភាជាថ្មីនៅព្រឹកនេះ ដើម្បីឲ្យជួយរកដំណោះស្រាយបញ្ហាជម្លោះដីធ្លីរបស់ពួកគេជាមួយនឹងអាជ្ញាធរខេត្តនេះ ។ តំណាងពលរដ្ឋម្នាក់មកពីភូមិប្រម៉ា លោក អ៊ុក ផល្លី មានប្រសាសន៍ថា ជម្លោះដីធ្លីរវាងប្រជាពលរដ្ឋ និងអាជ្ញាធរខេត្តក្រចេះនេះ កើតឡើងកាលពីថ្ងៃទី២៥ ខែឧសភា ឆ្នាំ២០១៥ នៅពេលដែលអាជ្ញាធរបានប្រើគ្រឿងចក្រមកឈូសឆាយផលដំណាំរបស់ពួកគេ ។ លោកថា អាជ្ញាធរមិនបានផ្តល់ដំណឹងដល់ប្រជាពលរដ្ឋជាមុននោះទេ មុននឹងធ្វើការឈូសឆាយដី ដែលលោកអះអាងថា ពលរដ្ឋបានរស់នៅតាំងពីឆ្នាំ២០០៦មកម្លេះ ។
-
Internal rule of the NA (Last updated 2015)
Internal rule of the NA (Last updated 2015)
-
កម្មកររោងចក្រW&Dផ្ទុះកូដកម្មបិទផ្លូវ ព្រោះខឹងថៅកែក្រុមហ៊ុន
នៅវេលាម៉ោង២និង១០នាទីរសៀលថ្ងៃទី២២ ខែមិថុនា ឆ្នាំ២០១៥នេះ កម្មកររោងចក្រW&D ដែលមានទីតាំងក្រុមទី៣ ភូមិឫស្សី១ សង្កាត់ស្ទឹងមានជ័យ ខណ្ឌមានជ័យ បានធ្វើកូដកម្មបិទផ្លូវព្រោះខឹងនឹងក្រុមហ៊ុនមិនព្រមដកពាក្យបណ្ដឹងពីតុលាការ៕
-
សហភាពអឺរ៉ុប និងជប៉ុនជួបជាមួយ គ.ជ.ប នៅរសៀលនេះពិភាក្សាពីការផ្ដល់ជំនួយហិរញ្ញវត្ថុ
ឯកអគ្គរដ្ឋទូតសហភាពអឺរ៉ុប និងឯកអគ្គរដ្ឋទូតជប៉ុននឹងជួបពិភាក្សាជាមួយគណៈកម្មាធិការជាតិរៀបចំការបោះឆ្នោត (គ.ជ.ប) នៅរសៀលថ្ងៃចន្ទនេះ ដើម្បីពិភាក្សាពីការផ្ដល់ជំនួយហិរញ្ញវត្ថុ ក៏ដូចជាការវិវត្តនៃដំណើរកំណែទម្រង់បោះឆ្នោតនៅកម្ពុជា ។ កិច្ចប្រជុំនេះធ្វើឡើងនៅម៉ោង២រសៀល នៅទីស្ដីការ គ.ជ.ប តាមការស្នើសុំរបស់ឯកអគ្គរដ្ឋទូតសហភាពអឺរ៉ុប លោក ហ្សង់ហ្វ្រង់ស័រ កូតាំង ដែលបានផ្ញើលិខិតទៅកាន់ប្រធាន គ.ជ.ប លោក ស៊ិក ប៊ុនហុក កាលពីថ្ងៃទី១៥ ខែមិថុនា ។
-
គណបក្សសង្គ្រោះជាតិដឹកនាំដំណើរចុះទៅពិនិត្យតំបន់ព្រំដែនវៀតណាមមួយទៀតដែលមានវិវាទ
លោក អ៊ុំ សំអាន សមាជិកសភាគណបក្សប្រឆាំងកាលពីថ្ងៃសៅរ៍ បានដឹកនាំសកម្មជនអ្នកជាតិនិយមប្រហែល២០០នាក់ចុះទៅពិនិត្យមើលដីដែលមិនទាន់បោះបង្គោលព្រំដែនស្ថិតនៅតាមបណ្ដោយព្រំដែនខេត្តកណ្ដាលដែលមានវិវាទជាមួយប្រទេសវៀតណាម ដែលរដ្ឋាភិបាលវៀតណាមកំពុងសាងសង់ប៉ុស្តិ៍យោធា។
-
ប្រជាពលរដ្ឋបឹងកក់ និងបុរីកីឡាប្រមាណ២០០កំពុងស្រែកទាមទាររកយុត្តិធម៌នៅមុខតុលាការ
ភ្នំពេញ ៖ នៅវេលាម៉ោង៨និង៤៥នាទីព្រឹកថ្ងៃទី២២ ខែមិថុនា ឆ្នាំ២០១៥នេះ មានប្រជាពលរដ្ឋពីសហគមន៍បឹងកក់ និងបុរីកីឡាប្រមាណ២០០នាក់បានលើកគ្នាដង្ហែជាក្បួន ដោយមានទង់សាសនា ទង់ជាតិកម្ពុជា និងបដាផ្សេងៗធ្វើដំណើរមកកាន់តុលាការស្រែកទាមទារឲ្យតុលាការផ្ដល់យុត្តិធម៌ឲ្យពួកគាត់។ ពួកគាត់លើកឡើងថា កន្លងមកអាជ្ញាធរក្រុងភ្នំពេញបានធ្វើការបំផ្លិចបំផ្លាញផ្ទះរបស់ពួកគាត់ក្នុងតំបន់កក់ តំបន់បុរីកីឡា យកដីទៅឲ្យក្រុមហ៊ុនឯកជន ហើយថែមទាំងចាប់ពួកគាត់ដាក់គុកទៀតផង។ ពួកគាត់ថែមទាំងចាត់ទុកថា តុលាការគឺឈ្នាន់បម្រើឲ្យឈ្មួញខិលខូច និងអ្នកកាន់អំណាច ដោយពុំបានយកចិត្តទុកដាក់ជាមួយនឹងការរស់នៅរបស់ប្រជាពលរដ្ឋ។