កំពុងស្វែងរកទិន្នន័យ
រកឃើញ: 12.457
-
ប្រជាពលរដ្ឋក្នុងសហគមន៍បឹងតាអឿឡើងតវ៉ានៅមុខសាលាខេត្ត
បាត់ដំបង ៖ នៅវេលាម៉ោង៨និង៣០នាទីព្រឹកថ្ងៃទី១១ ខែឧសភា ឆ្នាំ២០១៥នេះ មានប្រជាពលរដ្ឋប្រមាណជាង៦០នាក់ ដែលធ្វើដំណើរមកពីភូមិក្បាលថ្នល់ ឃុំកំពង់ព្រៀង ស្រុកសង្កែ បានឡើងមកជួបជុំគ្នានៅខាងមុខសាលាខេត្តបាត់ដំបងក្នុងគោលបំណងទាមទារដីបឹងតាអឿ ដែលជាដីរដ្ឋ ទុកជាសម្បត្តិរដ្ឋវិញដើម្បីបានទឹកប្រើប្រាស់នៅក្នុងសហគមន៍ទាំងមូល បន្ទាប់ពីដីបឹងនេះមានបុគ្គលមួយចំនួនបានឃុបឃិតគ្នាជាមួយស្ថាប័នពាក់ព័ន្ធពុះក្បាលដីបឹងបុរាណនេះយកធ្វើជាដីលំនៅដ្ឋាន និងជារបស់កម្មសិទ្ធិឯកជនរួចមក។
-
កាសែតនគរបាលជាតិនឹងចាប់ផ្តើមចេញផ្សាយនៅថ្ងៃសៅរ៍សប្តាហ៍នេះ
នគរបាលជាតិនឹងចាប់ផ្តើមចេញផ្សាយកាសែតប្រចាំថ្ងៃពណ៌ធម្មជាតិរបស់ខ្លួនដែលមាន១២ទំព័រ នៅថ្ងៃសៅរ៍ ដោយច្បាប់ដំបូងរំឭកដល់ខួប៧០ឆ្នាំ ចាប់តាំងពីកងកម្លាំងនគរបាលជាតិត្រូវបានបង្កើតឡើងក្រោមការកាន់កាប់របស់ជប៉ុន នេះបើតាមនិពន្ធនាយកកាសែតនេះបានលើកឡើងកាលពីម្សិលមិញ។ លោក អាត ប៊ុន្នី អតីតអ្នកយកព័ត៌មានទូរទស្សន៍បាយ័ន ដែលនឹងធ្វើជានិពន្ធនាយកកាសែតនេះបានមានប្រសាសន៍ថា “កាសែតនគរបាលជាតិ” នឹងចាប់ផ្តើមចេញផ្សាយលេខពិសេសរំឭកខួបមុនពេលចេញផ្សាយព័ត៌មានជាទៀងទាត់អំពីបទល្មើស សន្តិសុខ និងសណ្តាប់ធ្នាប់សាធារណៈ។
-
"បញ្ហាទំនាស់ដីធ្លីភាគច្រើនបង្កឡើងដោយឈ្មួញមានប្រាក់និងមន្ត្រីមានអំណាច"
នៅព្រឹកថ្ងៃទី១១ ខែឧសភា ក្រុមអង្គការសង្គមស៊ីវិលមួយចំនួន និងតំណាងសហគមន៍មានទំនាស់ដីធ្លីជាង ១០សហគមន៍ នៅខេត្តព្រះសីហនុ លើកពីបញ្ហារំលោភដីធ្លីនានា ដែលបានកើតមានរ៉ាំរ៉ៃ ហើយអាជ្ញាធរមិនទាន់បានដោះស្រាយ។ ថ្លែងក្នុងកម្មវិធីដែលរៀបចំនៅឆ្នេរអូរឈើទាល (អតីតដីក្រុមហ៊ុនអារីស្តុន) ខេត្តព្រះសីហនុ នៅព្រឹកនេះ លោក ប៊ួន ណារិទ្ធ មន្ត្រីសម្របសម្រួលអង្គការលីកាដូ (Licadho) ខេត្តព្រះសីហនុ មានប្រសាសន៍ថា ពលរដ្ឋនៅប្រឈមនឹងបញ្ហាទំនាស់ដីធ្លី ហើយពលរដ្ឋក្រីក្របានបន្តប្រឈមការរំលោភបំពានដីធ្លីពីសំណាក់មន្ត្រីមានអំណាច និងអ្នកមានទ្រព្យធន ដោយប្រើប្រព័ន្ធតុលាការដើម្បីគំរាមកំហែងពលរដ្ឋ។
-
ឣាជ្ញាធរគំរាមចុះរុះរើផ្ទះដើម្បីដំណើរការគម្រោងសាងសង់ស្តារកំណាត់ផ្លូវជាតិលេខ១ឡើងវិញ
អាជ្ញាធរខណ្ឌច្បារអំពៅ គំរាមចុះរុះរើផ្ទះពលរដ្ឋនៅអមផ្លូវជាតិលេខ១ ចាប់ពីក្បាលស្ពានមុនីវង្ស រហូតដល់ភូមិក្តីតាកុយ សង្កាត់វាលស្បូវ ដើម្បីបើកផ្លូវឲ្យដំណើរការគម្រោងសាងសង់កំណាត់ផ្លូវជាតិនេះឡើងវិញដោយអះអាងថា ពលរដ្ឋទាំងនោះបានឯកភាពទទួលសំណងតែមិនព្រមចាកចេញ ។
-
CCHRអំពាវនាវជាថ្មីទៀតឲ្យមានកិច្ចពិភាក្សាពិគ្រោះយោបល់លើសេចក្ដីច្បាប់អង្គការ
មជ្ឈមណ្ឌលសិទ្ធិមនុស្សកម្ពុជា ហៅកាត់ថា CCHR អំពាវនាវជាថ្មីម្ដងទៀត ឲ្យមានកិច្ចពិភាក្សា ពិគ្រោះយោបល់ លើសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល។ ការ អំពាវនាវជាថ្មីរបស់CCHRនេះបន្ទាប់ពីទទួលព័ត៌មាន ថា ច្បាប់នេះបានផ្ញើរមកដល់ទីស្ដីការ គណៈរដ្ឋមន្ដ្រី ដែលជាសញ្ញាបញ្ជាក់ ថា នឹងមិនមានការរៀបចំកិច្ចពិគ្រោះយោបល់ណាមួយ រវាងសង្គមស៊ីវិល និងអង្គការនីតិប្រតិបត្ដិនោះឡើយ។
-
សង្គមស៊ីវិលមួយក្រុមចាត់ទុកការបង្កើតច្បាប់គ្រប់គ្រងអង្គការសមាគមជាការទប់ស្កាត់ភេរវកម្ម
សមាគម និងនិស្សិតមួយក្រុម ជំរុញឲ្យរដ្ឋសភា អនុម័តច្បាប់ គ្រប់គ្រងអង្គការមិនមែនរដ្ឋាភិបាល ដើម្បីទប់ស្កាត់ភេរវកម្មនៅកម្ពុជា ខណៈសង្គមស៊ិវិលមួយមួយក្រុមទៀត រិះគន់រដ្ឋាភិបាលដែលកំពុងពន្លឿនច្បាប់នោះ ថានឹងធ្វើឲ្យវិសាលភាពនៃការពង្រីកលទ្ធិប្រជាធិបតេយ្យថយចុះ ។ សេចក្តីថ្លែងការណ៍រួមរបស់សហព័ន្ធសិទ្ធិមនុស្ស និងអភិវឌ្ឍន៍កម្ពុជា និងសមាគមនិស្សិតខ្មែរ ដែលអះអាងថា តំណាងឲ្យអង្គការសង្គស៊ីវិលចំនួន៣០ ចុះថ្ងៃទី៧ ខែឧសភា ឆ្នាំ២០១៥ បានប្រកាសស្វាគមទៅនឹងវិធានការ របស់រដ្ឋាភិបាល ដែលកំពុងពន្លឿងសេចក្តីព្រាងច្បាប់ ស្តីពីសមាគម និងអង្គការមិនមែនរដ្ឋាភិបាល ទៅស្ថាប័នពាក់ព័ន្ធ មុននឹងបញ្ជូនទៅឲ្យរដ្ឋសភា ដើម្បីអនុម័ត ។
-
សមាគមអង្គការមិនមែនរដ្ឋាភិបាលខ្វែងគំនិតគ្នា លើច្បាប់ស្តីពីសមាគមអង្គការ
អង្គការសង្គមស៊ីវិលភាគតិចបានសម្តែងការពេញចិត្តចំពោះច្បាប់ស្តីពីសមាគមអង្គការមិនមែនរដ្ឋាភិបាល។ ចំណែកឯអង្គកាសង្គមស៊ីវិលមួយភាគច្រើន បានសម្តែងការមិនពេញចិត្តចំពោះការបញ្ជូនច្បាប់នេះ ទៅកាន់គណៈរដ្ឋមន្ត្រី ដោយពួកគេលើកឡើងថាច្បាប់នេះ ខ្វះតម្លាភាពក្នុងដំណើរការអនុមតិ និងអំពាវនាវឲ្យមានការពិគ្រោះយោបល់ជាសាធារណៈ។
-
CCHR ខកចិត្តនឹងរដ្ឋាភិបាលពន្លឿនធ្វើច្បាប់គ្រប់គ្រងសង្គមស៊ីវិល
មជ្ឈមណ្ឌលសិទ្ធិមនុស្សកម្ពុជា(CCHR)បង្ហាញការខកចិត្ត នឹងរដ្ឋាភិបាលក្នុងការពន្លឿនធ្វើច្បាប់ គ្រប់គ្រងសង្គមស៊ីវិល មិនទទួលយកការព្រួយបារម្ភរបស់អង្គការមិនមែនរដ្ឋាភិបាលមួយចំនួនខណៈកម្ពុជាប្រកាសគោរពលទ្ធិប្រជាធិបតេយ្យ ។ វិចារណកថា របស់មជ្ឈមណ្ឌលសិទ្ធិមនុស្សកម្ពុជា ចុះថ្ងៃទី៨ខែឧសភាឆ្នាំ២០១៥បង្ហាញថា មជ្ឈមណ្ឌលនេះ សោកស្តាយយ៉ាងខ្លាំងចំពោះការសម្រេចរបស់រដ្ឋាភិបាលដែលបញ្ជូនសេចក្តីព្រាងច្បាប់ ស្តីពីសមាគម និងអង្គការមិនមែនរដ្ឋាភិបាល ទៅគណៈរដ្ឋមន្ត្រី បើទោះបីជាមានអង្គការសង្គមស៊ីវិលជាង៣០០ស្ថាប័ន បានបង្ហាញពីការព្រួយបារម្ភពីការខ្វះតម្លាភាពក្នុងដំណើរការអនុមតិច្បាប់ និងអំពាវនាវជាថ្មីម្តងទៀតឲ្យមានកិច្ចពិគ្រោះយោបល់ជាសាធារណក៏ដោយ ។
-
សមត្ថកិច្ចឃាត់ខ្លួន ជនសង្ស័យ ម្នាក់ ក្រោយធ្វើ សកម្មភាព រំលោភ ក្មេងប្រុស មិនទាន់ គ្រប់អាយុ
ភ្នំពេញៈ ជនសង្ស័យម្នាក់ ត្រូវបានកម្លាំងសមត្ថកិច្ច ធ្វើការឃាត់ខ្លួន បន្ទាប់ពីបានធ្វើសកម្មភាព ចាប់រំលោភ សេពសន្ធវៈ ទៅលើក្មេងប្រុសវ័យ អនីតិជនម្នាក់ កាលពីវេលាម៉ោង ១៧ និង ១០នាទី ថ្ងៃទី០៦ ខែឧសភា ឆ្នាំ២០១៥ នៅចំណុចលើភ្នំធនមន់ ស្ថិតនៅក្នុងភូមិទួលសុភី ឃុំព្រែកគយ ស្រុកស្អាង ខេត្តកណ្តាល។ ជនសង្ស័យដែលកម្លាំងសមត្ថកិច្ចធ្វើការឃាត់ខ្លួនខាងលើនេះមានឈ្មោះ ស៊ុន រីរ៉េត ភេទប្រុស អាយុ៣៦ឆ្នាំ មានទីលំនៅ ភូមិព្រែកស្នាយ ឃុំព្រែកគយ ស្រុកស្អាង ខេត្តកណ្តាល ។ ចំណែកជន រងគ្រោះមានឈ្មោះ ន-ឆ-ង ភេទប្រុស អាយុ១០ឆ្នាំ រស់នៅ ក្នុងបន្ទុកគ្រួសារ ជាសិស្ស ថ្នាក់ទី៤។
-
CCHR ខកចិត្តនឹងរដ្ឋាភិបាលពន្លឿនធ្វើច្បាប់គ្រប់គ្រងសង្គមស៊ីវិល
មជ្ឈមណ្ឌលសិទ្ធិមនុស្សកម្ពុជា(CCHR)បង្ហាញការខកចិត្ត នឹងរដ្ឋាភិបាលក្នុងការពន្លឿនធ្វើច្បាប់ គ្រប់គ្រងសង្គមស៊ីវិល មិនទទួលយកការព្រួយបារម្ភរបស់អង្គការមិនមែនរដ្ឋាភិបាលមួយចំនួនខណៈកម្ពុជាប្រកាសគោរពលទ្ធិប្រជាធិបតេយ្យ ។
-
សហជីពសេរីកម្មកររកអន្តរាគមន៍ពី GMAC ករណីរោងចក្របញ្ឈប់បុគ្គលិកដោយគ្មានសំណងតាមច្បាប់
សហជីពសេរីកម្មករស្នើឲ្យសមាគមរោងចក្រកាត់ដេរនៅកម្ពុជា (GMAC) ជួយអន្តរាគមន៍ទៅកាន់រោងចក្រមេនហាតធេន ក្នុងខេត្តកំពង់ចាម ដោយអះអាងថា រោងចក្របានបញ្ឈប់ប្រធានសហជីពប្រចាំរោងចក្រ ដោយពុំបានផ្ដល់សំណងទៅតាមផ្លូវច្បាប់ ។ លិខិតរបស់សហជីពសេរីកម្មករចុះថ្ងៃទី៧ ខែឧសភា ផ្ញើជូនប្រធានសមាគមរោងចក្រកាត់ដេរនៅកម្ពុជាឲ្យដឹងថា កាលពី៤ខែមុន ប្រធានសហជីពសេរីកម្មករប្រចាំរោងចក្រមេនហាតធេន គឺលោក យ៉េត សុឃាង ត្រូវបានរោងចក្របញ្ឈប់ ហើយរហូតមកដល់ពេលនេះមិនទាន់ទទួលបានការទូទាត់ប្រាក់សំណង និងប្រាក់ខែទៅតាមច្បាប់ស្តីពីការងារនោះទេ ។
-
អង្គការសង្គមស៊ីវិលចំនួន ៣០ គាំទ្រចំពោះសេចក្តីព្រាងច្បាប់ ស្តីពីសមាគម អង្គការមិនមែនរដ្ឋាភិបាល
សហព័ន្ធសិទ្ធិមនុស្ស និងអភិវឌ្ឍន៍ និងសមាគមនិស្សិតខ្មែរ តំណាងឲ្យអង្គការសង្គមស៊ីវិលចំនួន៣០ បានគាំទ្រចំពោះសេចក្តីព្រាងច្បាប់ ស្តីពីសមាគម អង្គការមិនមែនរដ្ឋាភិបាល ដែលក្រសួងមហាផ្ទៃ ត្រៀមបញ្ជូនដាក់ទៅ ទីស្តីការគណៈរដ្ឋមន្ត្រី ដើម្បីប្រជុំ ពិភាក្សា មុននឹងបញ្ជូនទៅរដ្ឋសភា សុំការអនុម័ត។
-
សេចក្តីព្រាងយ៉ាងអាថ៌កំបាំងនៃច្បាប់ស្តីពីអង្គការមិនមែនរដ្ឋាភិបាល ធ្លាក់ដល់ដៃទីស្តីការគណៈរដ្ឋមន្ត្រីហើយ
សេចក្តីព្រាងចុងក្រោយនៃច្បាប់ដ៏ចម្រូងចម្រាសមួយដើម្បីគ្រប់គ្រងការងារក្នុងវិស័យអង្គការមិនមែនរដ្ឋាភិបាលដ៏រឹងមាំនៅក្នុងប្រទេសកម្ពុជា បានធ្លាក់ដល់ដៃទីស្តីការគណៈរដ្ឋមន្ត្រីហើយ ដោយរារាំងមិនឲ្យមានកិច្ចប្រជុំជាសាធារណៈណាមួយបន្ថែមទៀតលើសេចក្តីព្រាងច្បាប់នេះឡើយ យ៉ាងហោចណាស់រហូតដល់វាធ្លាក់ដល់ដៃរដ្ឋសភា។
អានបន្ត -
ជនជាតិដើមភាគតិចសួយនៅកំពង់ស្ពឺបារម្ភអត់ដីធ្វើស្រែដោយសារជម្លោះដីនឹងក្រុមហ៊ុនHLH
ជនជាតិភាគតិចសួយ នៅក្នុងខេត្តកំពង់ស្ពឺ បានដាក់ញត្តិសុំឲ្យគណៈកម្មការទី១នៃរដ្ឋសភា ក្រសួងមហាផ្ទៃ និងសាលាខេត្តកំពង់ស្ពឺ ជួយដោះស្រាយផ្តល់ដីដាំដុះមកឲ្យពួកគាត់វិញ ឲ្យទាន់ដើមរដូវវស្សាឆ្នាំនេះ។ ផ្ទៃដីដាំដុះដែលអ្នកភូមិទាមទារនោះ បច្ចុប្បន្នកំពុងមានជម្លោះនឹងក្រុមហ៊ុនចិន អេច្ឆ.អិល.អេច្ឆ (HLH) ដែលទទួលបានសិទ្ធិវិនិយោគពីរដ្ឋាភិបាលកាលពីឆ្នាំ២០០៨។ ពលរដ្ឋអះអាងថា ក្រុមហ៊ុននេះបានរារាំងមិនឲ្យពួកគាត់ជាម្ចាស់ដីធ្លាប់ដាំដំណាំ និងអាស្រ័យផលផ្សេងៗយូរឆ្នាំមកហើយនោះ បានដាំដុះដូចសព្វដងនោះទេ។
-
ពលរដ្ឋទប់ក្រុមហ៊ុនវៀតណាមមិនឲ្យរំលោភដីនិស្សិតវាស់ឲ្យ
ជនជាតិភាគតិចឡាវ និងសន្តិសុខភូមិ ក្នុងឃុំជ័យឧត្តម បានទប់ស្កាត់កម្មករក្រុមហ៊ុនវៀតណាម ៣០ នាក់មិនឲ្យដាំដូងប្រេង លើដីរបស់ពួកគាត់ដែលក្រុមនិស្សិតរបស់លោកនាយករដ្ឋមន្ត្រី ហ៊ុន សែន បានវាស់វែងឲ្យពួកគាត់កាលពីឆ្នាំ ២០១៣ និងបានចេញប្លង់ស្របច្បាប់ក្នុងឆ្នាំ ២០១៤ ។
-
ពលរដ្ឋជាង២០០នាក់ ចោទក្រុមហ៊ុនពីរថាឆបោកពួកគេនាំទៅធ្វើការក្រៅប្រទេស
ពលរដ្ឋជាង២០០នាក់ អះអាងថាជាជនរងគ្រោះ នៅថ្ងៃព្រហស្បតិ៍នេះ ចោទក្រុមហ៊ុនឯកជនចំនួនពីរ ថាឆបោកប្រាក់ពួកគេ ជាថ្នូរនាំទៅធ្វើការនៅប្រទេសជប៉ុន ខណៈបច្ចុប្បន្នក្រុមហ៊ុនបានបិទទ្វារ និងម្ចាស់រត់គេចខ្លួន។
-
របាយការណ៍បង្ហាញថា ដំណោះស្រាយរវាងក្រុមហ៊ុនចិន និងពលរដ្ឋកោះកុងពុករលួយ
ដំណើរការដោះស្រាយផលប៉ះពាល់រវាងពលរដ្ឋ ជាមួយក្រុមហ៊ុនចិនយូញៀន ស្ថិតនៅខេត្តកោះកុង បានបង្ហាញថា មិនមានភាពយុត្តិធម៌ និងពុករលួយ ដោយមន្ត្រីឆ្លៀតឱកាសប្រមូលយកចំណេញពីការដោះស្រាយ បណ្តាលឲ្យពលរដ្ឋបាត់បង់មុខរបរប្រចាំថ្ងៃអស់រយៈពេល ៧ ឆ្នាំ។ នេះបើយោងទៅតាមរបាយការណ៍របស់ក្រុមកិច្ចការពិសេសសិទ្ធិមនុស្សកម្ពុជា។
-
មន្ត្រីគ.ជ.បទាំងអស់នឹងត្រូវបញ្ចូលជាមន្ត្រីរាជការស៊ីវិលក្របខ័ណ្ឌពេញសិទ្ធិ
មន្ត្រីគណៈកម្មាធិការជាតិរៀបចំការបោះឆ្នោត (គ.ជ.ប) ទូទាំងរាជធានីខេត្តទាំងអស់ នឹងត្រូវបញ្ចូលជាមន្ត្រីរាជការស៊ីវិលក្របខ័ណ្ឌពេញសិទ្ធិ បើយោងតាមប្រសាសន៍អនុប្រធានគ.ជ.ប លោក គុយ ប៊ុនរឿន បានថ្លែងនៅថ្ងៃទី៧ ឧសភា ក្នុងកម្មវិធីបណ្ដុះបណ្ដាលមន្ត្រីគ.ជ.ប។
-
ប្រជាពលរដ្ឋចោទឧកញ៉ាឃុន សៀ ថាចាក់ដីរំលោភយកដីប្រឡាយ នៅតាមបណ្តោយផ្លូវ៣៧១
លោកឧកញ៉ា ឃុន សៀ ត្រូវបានប្រជាពលរដ្ឋរិះគន់ ក្នុងការចាក់ដី លុបប្រឡាយទឹក មួយកន្លែង ដែលស្ថិតនៅតាមបណ្តោយផ្លូវ ៣៧១ ក្នុងភូមិអូរបែកក្អម សង្កាត់ទឹកថ្លា ខណ្ឌសែនសុខ យកធ្វើជាកម្មសិទ្ធិរបស់ខ្លួន។ ប្រជាពលរដ្ឋបន្តថាការចាក់ដីរំលោភ លើប្រឡាយទឹកនេះ គឺមិនមានតែលោកឧកញ៉ា ឃុន សៀ អាងឥទ្ធិពល និងយកឈ្មោះ អ្នកមានអំណាច ធ្វើជាខែលនោះទេ គឺមានមនុស្សមួយចំនួនទៀតផងងដែរ។
-
អាជ្ញាធរខេត្តស្វាយរៀងរារាំងរថយន្តសហជីពដែលគ្រោងមកតវ៉ានៅភ្នំពេញ
រថយន្តដែលដឹកមន្រ្តីសហជីពសម្ព័ន្ធសហជីពចលនាកម្មករខេត្តស្វាយរៀងចំនួន៩នាក់ ត្រូវបានកម្លាំងនគរបាលខេត្តស្វាយរៀងឃាត់ទុក នៅព្រឹកថ្ងៃព្រហស្បតិ៍នេះ ដោយមន្រ្តីសហជីពអះអាងថាជាការរារាំងពួកគាត់មិនឲ្យមករាជធានីភ្នំពេញដើម្បីតវ៉ា។
គាំទ្រដោយ
