កំពុងស្វែងរកទិន្នន័យ
រកឃើញ: 12.457
-
អាដហុកថាស៊ុយ សែម ប្រើអំណាចបំពានដី
សមាគមការពារសិទ្ធិមនុស្សអាដហុកបានច្រានចោលសម្ដីលោក ស៊ុយ សែម រដ្ឋមន្ត្រីក្រសួងរ៉ែ និងថាមពល ដែលបានចោទសមាគមនេះស្ថិតនៅពីក្រោយខ្នងករណីទំនាស់ដីធ្លីដ៏រ៉ាំរ៉ៃរវាងក្រុមហ៊ុនភរិយាលោក និងអ្នកភូមិឡពាងជិត ១០ ឆ្នាំមកនេះ ហើយថា រដ្ឋមន្ត្រីកំពុង «ប្រើអំណាច» រំលោភបំពានដីធ្លីពលរដ្ឋផងដែរ។
-
អាជ្ញាធររារាំងដំណើរទស្សនកិច្ចនិស្សិត
ក្រុមនិស្សិត និងព្រះសង្ឃប្រមាណ ៥០ អង្គ-នាក់កាលពីព្រឹកម្សិលមិញបានសម្រេចបោះបង់ការជួបប្រជុំមួយជាមួយក្រុមសកម្មជនការពារព្រៃឡង់ក្នុងស្រុកថាឡាបរិវ៉ាត់ ខេត្តស្ទឹងត្រែង។
-
អាដហុកគ្រោងប្តឹងមន្ត្រីតុលាការពីបទឃុំខ្លួនខុសនីតិវិធីច្បាប់
សមាគមការពារសិទ្ធិមនុស្សអាដហុកគ្រោងដាក់ពាក្យប្ដឹងមន្ត្រីតុលាការខេត្តសៀមរាបមួយចំនួនទៅឧត្តមក្រុមប្រឹក្សានៃអង្គចៅក្រម និងក្រសួងយុត្តិធម៌ពាក់ព័ន្ធនឹងសំណុំរឿងនៃការចាប់ឃុំខ្លួនប្រជាពលរដ្ឋខុសនីតិវិធី។
-
ជនជាតិភាគតិចសុំសភាជួយរឿងអាជ្ញាធរលួចលក់ដីសហគមន៍
រតនគិរីៈ ជនជាតិដើមភាគតិចជាង ១០០ គ្រួសារ ក្នុងស្រុកអណ្តូងមាស បានផ្តិតមេដៃដាក់ញតិ្តមករដ្ឋសភា ដើម្បីសុំអន្តរាគមន៍ ទាមទារដីសហគមន៍ ១០៧ ហិកតា មកវិញ បន្ទាប់ពីអាជ្ញាធរភូមិ-ឃុំឃុបឃិតគ្នាលួចលក់ឲ្យអ្នកមាននៅក្រុងភ្នំពេញ។
-
គ.ជ.ប បង្កើតគណៈកម្មការចំពោះកិច្ចសហការជាមួយម្ចាស់ជំនួយ
ភ្នំពេញៈ គណៈកម្មាធិការជាតិរៀបចំការបោះឆ្នោត គ.ជ.ប បានសម្រេចបង្កើតគណៈកម្មការចំពោះកិច្ចមួយទទួលបន្ទុកសហការជាមួយសហភាពអឺរ៉ុប និងប្រទេសជប៉ុន លើការងាររៀបចំការចុះឈ្មោះបោះឆ្នោត និងបញ្ជីបោះឆ្នោតថ្មី ព្រមទាំងត្រួតពិនិត្យ និងសម្រេចលើរបាយការណ៍ការងាររបស់គណៈកម្មការបច្ចេកទេសកិច្ចការបោះឆ្នោតថ្នាក់អគ្គលេខាធិការដ្ឋាន។
-
ជនជាប់ចោទពីបទរំលោភបំពានផ្លូវភេទកុមារត្រូវបានគេចាប់ទាញចេញពីបន្ទប់សវនាការ
ជនជាប់ចោទពីបទរំលោភបំពានផ្លូវភេទកុមារត្រូវបានគេចាប់ទាញចេញពីបន្ទប់សវនាការនៅសាលាដំបូងរាជធានីភ្នំពេញកាលពីម្សិលមិញ បន្ទាប់ពីបដិសេធមិនព្រមធ្វើតាមការបង្គាប់របស់ចៅក្រមឲ្យអង្គុយចុះ និងរង់ចាំដល់វេនរបស់ខ្លួននិយាយ។
-
ស៊ុយ សែម ចេញមុខការពារភរិយារឿងជម្លោះដីនៅឡពាង
ភ្នំពេញៈ រដ្ឋមន្ត្រីក្រសួងរ៉ែ និងថាមពល លោក ស៊ុយ សែម បានចេញមុខជាសាធារណៈ ការពារក្រុមហ៊ុនភរិយារបស់លោក ដែលមានជម្លោះដីធ្លីដ៏រ៉ាំរ៉ៃ ជាមួយប្រជាពលរដ្ឋ នៅសហគមន៍ឡពាង ក្នុងខេត្តកំពង់ឆ្នាំង ដោយបានបន្ទោសអង្គការការពារសិទ្ធិមនុស្សអាដហុក និងអ្នកនយោបាយថា នៅពីក្រោយធ្វើការញុះញង់ទើបបញ្ហាជម្លោះដីធ្លីនេះ មានការពិបាកក្នុងការដោះស្រាយ។
-
ពលរដ្ឋនៅខេត្តព្រះវិហារឡើងមករកកិច្ចអន្តរាគមន៍ពីរដ្ឋសភា
ពលរដ្ឋរស់នៅក្នុងស្រុកឆែបចំនួន ១០ នាក់តំណាងឲ្យ ៤៨ គ្រួសារបានឡើងមកទីក្រុងភ្នំពេញដើម្បីដាក់ញត្តិទៅរដ្ឋសភា ខុទ្ទកាល័យលោកនាយករដ្ឋមន្ត្រី ហ៊ុន សែន និងក្រសួងបរិស្ថាន ដើម្បីសុំអន្តរាគមន៍រឿងក្រុមហ៊ុនចិនឈូសឆាយដីស្រែចម្ការពួកគាត់ ១១០ ហិកតា។
-
ពលករខ្មែរ ៥៩ នាក់ត្រូវសង្គ្រោះឲ្យត្រឡប់មកវិញ
អ្នកនេសាទកម្ពុជាក្រុមទី ១ ដែលទើបតែត្រូវបានសង្គ្រោះនាពេលថ្មីៗនេះ ពីប្រទេសឥណ្ឌូនេស៊ីបានមកដល់ប្រទេសកំណើតប្រកបដោយសុវត្ថិភាព កាលពីម្សិលមិញបន្ទាប់ពីទទួលរងការបង្ខំឲ្យធ្វើការងារដូចទាសករនៅលើទូកនេសាទ។
-
សាលាដំបូងខេត្តកំពង់ចាមចោទប្រកាន់ស្ត្រីម្នាក់ពីបទជួញដូរមនុស្ស
ក្រុមមន្ត្រីបានឲ្យដឹងថា កាលពីមិ្សលមិញសាលាដំបូងខេត្តកំពង់ចាមបានចោទប្រកាន់ស្ត្រីអាយុ៣៩ឆ្នាំម្នាក់ពីបទជួញដូរមនុស្ស បន្ទាប់ពីតាមចោទថាស្ត្រីរូបនេះបានបោកប្រាស់មនុស្សជាង១២នាក់ឲ្យទៅធ្វើការនៅប្រទេសម៉ាឡេស៊ីក្រោមការសន្យាក្លែងក្លាយ។
-
វិវាទដីធ្លីដ៏ជូរចត់រវាងគ្រួសារមួយ និងឧកញ៉ា ឃុន សៀ ជិតឈានដល់ទីបញ្ចប់ហើយ
នៅឯផ្ទះខ្ទមរបស់ខ្លួននៅកាច់ជ្រុងនៃចំណុចផ្លូវប្រសព្វដ៏មមាញឹកមួយក្នុងខណ្ឌទួលគោក រាជធានីភ្នំពេញកាលពីម្សិលមិញ លោក លី ស្រា៊ងខេង វ័យ៥៨ឆ្នាំ បានយកដុំថ្មគប់ជើងរបស់ខ្លួន ហើយគ្រវីក្បាល នៅពេលគិតដល់ខុនដូមួយដែលគេសាងសង់នៅលើដីដែលគាត់បានតស៊ូការពារអស់រយៈពេលជាច្រើនឆ្នាំមកហើយ។
-
ពលរដ្ឋថាអ្នកមានអំណាចប្រើឈ្មោះលោកនាយករដ្ឋមន្ត្រីទៅរំលោភយកដី
ប្រជាពលរដ្ឋ ១០៩ គ្រួសារក្នុងស្រុកខ្សាច់កណ្តាល បានអំពាវនាវរកយុត្តិធម៌បន្ទាប់ពីអ្នកមានអំណាច ដែលមានងារជាឯកឧត្តម បានប្រើឈ្មោះលោកនាយករដ្ឋមន្ត្រី ហ៊ុន សែន និងភរិយាទៅឈូសយកដីស្រែចម្ការពួកគាត់ជាង ៣០០ ហិកតា និងប្តឹងចាប់ពលរដ្ឋពីរនាក់ដាក់ពន្ធនាគារជាបន្តបន្ទាប់។
-
មន្ត្រីអាដហុក ប្រកាសប្តឹងអនុប្រធានមន្ទីរសុរិយោដី រាជធានីភ្នំពេញ
មន្ត្រីបុគ្គលិកសមាគមអាដហុកម្នាក់ បានប្រកាសប្តឹងលោក សូ សុវណ្ណារី អនុប្រធានមន្ទីរសុរិយោដី រាជធានីភ្នំពេញ និងអ្នកស្រី មាស តុន្នី ធ្វើការនៅទីស្តីការគណៈរដ្ឋមន្ត្រី ទៅអង្គភាពប្រឆាំងអំពើពុករលួយ ពាក់ព័ន្ធករណីសាងសង់ផ្ទះ ធ្វើអោយបាក់ស្រុត ប្រេះស្រាំ។
-
អ្នកនេសាទទាសករវិលត្រឡប់មកកម្ពុជាវិញ បន្ទាប់ពីជួបទុក្ខវេទនាជាច្រើនឆ្នាំ
អ្នកនេសាទខ្មែរចំនួន៥៩នាក់ដែលធ្លាក់ខ្លួនក្លាយជាទាសករនៅលើទូកនេសាទថៃ អស់ជាច្រើនឆ្នាំបានវិលត្រឡប់មកប្រទេសកំណើតវិញកាលពីម្សិលមិញ ដោយសាច់ញាតិរបស់ពួកគេបានមកទទួលនៅអាកាសយានដ្ឋានអន្តរជាតិភ្នំពេញ។ រដ្ឋាភិបាលឥណ្ឌូណេស៊ីបានជួួយសង្គ្រោះអ្នកនេសាទទាំងនេះជាមួយអ្នកនេសាទដែលត្រូវបានគេជួញដូររាប់រយនាក់ផ្សេងទៀតចេញពីកោះដាច់ស្រយាលមួយឈ្មោះថា បេនជីណា កាលពីដើមខែមេសា ក្រោយពេលមានការស៊ើបអង្កេតដោយទីភ្នាក់ងារព័ត៌មានAP ដែលលាតត្រដាងថា កោះនេះត្រូវបានប្រើប្រាស់ជាកន្លែងសម្រាប់បង្ខំកម្មករឲ្យធ្វើការ។
-
ស្ថានភាពរស់នៅជនជាតិដើមភាគតិចស្ទៀងនៅស្រុកមេមត់បន្ទាប់ពីបាត់បង់ដីចម្ការវិលជុំ
ប្រជាពលរដ្ឋមួយចំនួនជាជនជាតិដើមភាគតិច នៅឃុំទន្លូង ស្រុកមេមត់ ខេត្តត្បូងឃ្មុំ កាន់តែមានជីវភាពលំបាកនាពេលបច្ចុប្បន្ន ក្រោយពេលដីចម្ការវិលជុំរបស់ពួកគេត្រូវបានរាជរដ្ឋាភិបាល ផ្ដល់ដីសម្បទានទៅឲ្យក្រុមហ៊ុនឯកជន។ ពលរដ្ឋត្រូវនាំគ្នាស៊ីឈ្នួលឲ្យពលរដ្ឋវៀតណាម ឬក្រុមហ៊ុនមួយចំនួននៅទីនោះ និងខ្លះត្រូវចំណាកស្រុកស្វែងរកការងារកន្លែងផ្សេងសម្រាប់ធ្វើ ជាដើម។
-
អង្គការសិទ្ធិមនុស្សជាតិ និងអន្តរជាតិទាមទារឲ្យរដ្ឋាភិបាលមានតម្លាភាពក្នុងការធ្វើច្បាប់NGO
អង្គការសិទ្ធិមនុស្សជាតិ និងអន្តរជាតិទាមទារឲ្យរដ្ឋាភិបាល ដកចេញសេចក្ដីព្រាងសេចក្ដីស្នើច្បាប់សមាគមនិងអង្គការមិនមែនរដ្ឋាភិបាល (LANGO) និងធ្វើឲ្យដំណើរការនៃការព្រាងច្បាប់នៅក្នុងប្រទេសកម្ពុជាមានតម្លាភាព ។
-
ប្រជាពលរដ្ឋ២ភូមិប្រើអំពើហិង្សាដាក់គ្នា រហូតផ្ទុះការតវ៉ានៅមុខសាលាខេត្ត
នៅព្រឹកថ្ងៃទី១២ ខែឧសភា ឆ្នាំ២០១៥នេះ ប្រជាពលរដ្ឋនៅភូមិថ្នល់បត់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យបានលើកគ្នាចំនួន៩០នាក់ តំណាងឲ្យ២៤៦គ្រួសារ ដោយជិះម៉ូតូជាច្រើនគ្រឿងមកតវ៉ានៅមុខសាលាខេត្ត សុំឲ្យលោកអភិបាលខេត្តជួយរកយុត្តិធម៌អំពីរឿងទំនាស់ដីធ្លី និងប្រើអំពើហិង្សាមកលើអ្នកភូមិថ្នល់បត់បណ្ដាលឲ្យរងរបួសជាទម្ងន់ម្នាក់។ ប្រជាពលរដ្ឋបាននិយាយថា ទំនាស់ដីធ្លីឈានដល់ប្រើអំពើហិង្សានោះ គឺកើតឡើងនៅម៉ោង៤ល្ងាច ថ្ងៃ១០ ខែឧសភា ឆ្នាំ២០១៥នៅចំណុចឃុំអូរបីជាន់ស្រុក អូរជ្រៅ ខេត្តបន្ទាយមានជ័យ។
-
កម្ពុជា-ថៃធ្វើយុទ្ធនាការលុបបំបាត់ក្មេងសុំទាន និងការជួញដូរមនុស្ស
អាជ្ញាធរកម្ពុជា-ថៃ បានធ្វើយុទ្ធនាការរួមគ្នាបង្កើតជាផ្ទាំងរូបភាពផ្សេងៗទាក់ទងនឹងការលុបបំបាត់ក្មេងសុំទាន និងការជួញដូរមនុស្ស ដោយបិទតាមជញ្ជាំងសាធារណៈ និងរទេះរុញរបស់កម្មករអូសរទេះនៅច្រកអន្តរជាតិប៉ោយប៉ែត ដើម្បីរក្សាសន្តិសុខ សណ្តាប់ធ្នាប់ និងប្រយុទ្ធប្រឆាំងការជួញដូរមនុស្ស។
-
ពលរដ្ឋបញ្ឈប់ក្រុមហ៊ុនវៀតណាមឈូសដីព្រៃ
ជនជាតិដើមភាគតិច ៨០ នាក់មកពី ៣៨៤ គ្រួសារ ក្នុងស្រុកអណ្តូងមាស បាននាំគ្នាបញ្ឈប់គ្រឿងចក្រក្រុមហ៊ុនវៀតណាម និងបោះបង្គោលសង្គ្រោះព្រៃការពារជាង ៣០០ ហិកតាដែលកំពុងត្រូវបានគេកាប់បំផ្លាញ និងឈូសឆាយ។ ជនជាតិដើមភាគតិចទំពួន និងចារ៉ាយចំនួន ៨០ នាក់ដែលរួមមានទាំងអាជ្ញាធរភូមិកាហល់ ឃុំម៉ាលិកមួយចំនួនផងនោះបាននាំគ្នាទៅទប់ស្កាត់សកម្មភាពឈូសឆាយដីព្រៃរបស់ក្រុមហ៊ុនជីងលី (Jing Ly Investment Col.Ltd) ហើយបាននាំគ្នាបោះរបងលើដីព្រៃការពារចំនួន ៣៦០ ហិកតាកាលពីព្រឹកថ្ងៃអាទិត្យម្សិលមិញ។ នេះបើយោងតាមគណៈកម្មការភូមិ លោក សល់ យ៉ន់ អាយុ ៤១ ឆ្នាំ និងអង្គការអាដហុកខេត្តរតនគិរី។
-
គណៈកម្មការសិទ្ធិមនុស្សរដ្ឋាភិបាល បង្ហាញលទ្ធផល ស្តីពីសិទ្ធិមនុស្សដល់មន្ត្រី អគ្គលេខាធិការដ្ឋានព្រឹទ្ធសភា
នាព្រឹកថ្ងៃទី១១ ខែឧសភា នេះ នៅវិមានព្រឹទ្ធសភា មានការធ្វើបទបង្ហាញលទ្ធផល ស្តីពីសិទ្ធិមនុស្ស នៃនៅក្នុងសម័យប្រជុំ ក្រុមប្រឹក្សាសិទ្ធិមនុស្ស អង្គការសហប្រជាជាតិ នៅទីក្រុងហ្សឺណែវ ប្រទេសស្វីស កាលពីខែមិថុនា ឆ្នាំ២០១៤ កន្លងទៅ ដល់មន្ត្រីអគ្គលេខា ធិការដ្ឋានព្រឹទ្ធសភា ចំនួនជាង១០០នាក់ ក្រោមវត្តមានលោក ឡោក ឆាយ អគ្គលេខាធិការរងព្រឹទ្ធសភា។