កំពុងស្វែងរកទិន្នន័យ
រកឃើញ: 12.457
-
អាជ្ញាធរថៃដោះលែងពលរដ្ឋខ្មែរ ៤ នាក់ដែលកាន់លិខិតឆ្លងដែនមិនស្របច្បាប់
ពលករខ្មែរ ៤ នាក់ ដែលអាជ្ញាធរថៃតាមព្រំដែនបានឃាត់ខ្លួនកាលពីថ្ងៃទី ០៤ ខែមេសាកន្លងមកពីបទ «ស្នាក់នៅប្រទេសថៃ ដោយកាន់លិខិតឆ្លងដែនមិនស្របច្បាប់» ត្រូវបានដោះលែងឲ្យមានសេរីភាពឡើងវិញហើយ បន្ទាប់ពីតុលាការខេត្តស្រះកែវ ប្រទេសថៃ បានបើកសវនាការ និងបញ្ចប់ការសួរដេញដោលកាលពីល្ងាចថ្ងៃអង្គារ ដោយរកពុំឃើញមានមូលហេតុដូចការចោទប្រកាន់របស់អាជ្ញាធរ។ នេះបើយោងតាមការប្រាប់ឲ្យដឹងពីសំណាក់ លោក អ៊ុំ រាត្រី អភិបាលរងខេត្តបន្ទាយមានជ័យ។ លោក អ៊ុំ រាត្រី ដែលជាអ្នកនាំពាក្យសាលាខេត្តបន្ទាយមានជ័យផងនោះ បានប្រាប់ឲ្យដឹងតាមទូរស័ព្ទកាលពីម្សិលមិញថា បុរសដែលជាពលករខ្មែរទាំងបួននាក់ រួមមានទី ១- ឈ្មោះ ម៉ៅ វ៉ាន់ឌី អាយុ ២៧ ឆ្នាំ ទី ២-នេត្រ ចិន អាយុ ៣១ ឆ្នាំ ទី ៣-ឈ្មោះ ណាត់ សំនៀង អាយុ ២៤ ឆ្នាំ និង ទី ៤- ឈ្មោះ ណាន ស៊ីណាក់ អាយុ ២៣ ឆ្នាំ ត្រូវបានតុលាការថៃ ប្រចាំខេត្តស្រះកែវ បានធ្វើការសម្រេច «លើកលែងការចោទប្រកាន់» និង ត្រូវបានបញ្ជូនមកដល់កម្ពុជាវិញនៅរសៀលថ្ងៃពុធ ម្សិលមិញនេះ តាមច្រកអន្តរជាតិ ប៉ោយប៉ែត។
-
សហជីព៥ស្នើសុំទីលានប្រជាធិបតេយ្យប្រារព្ធទិវាពលកម្មអន្តរជាតិ
សហព័ន្ធសហជីពចំនួន៥ ស្នើសុំសាលារាជធានីភ្នំពេញក្នុងការអនុញ្ញាតឲ្យប្រើប្រាស់ទីលានប្រជាធិបតេយ្យ ដើមអបអរទីវាពលកម្មអន្តរជាតិ១ឧសភា។ សហព័ន្ធសហជីពទាំង៥នោះ រួមមានសម្ព័នសហជីពជាតិ(NTUC) សហព័ន្ធសហជីពដើម្បីកម្មករ(TUFW) សហព័ន្ធសហជីពយុវជនឯករាជ្យ(IDYTU) សហព័ន្ធសហជីពមិត្តភាពកម្មករ(WFUF) និងសហព័ន្ធសហជីពជាតិនៃឧស្សាហកម្មវាយនភ័ណ្ឌកាត់ដេរកម្ពុជា(NIFTUC)
-
សាលារាជធានីនឹងកោះហៅសហជីពមកពិភាក្សាពីការជួបជុំកម្មករនៅថ្ងៃទិវាពលកម្មអន្តរជាតិ
សាលារាជធានីភ្នំពេញ នឹងអញ្ជើញតំណាងសម្ព័ន្ធសហជីពចលនាកម្មករ មកជួបប្រជុំក្នុងសប្តាហ៍នេះ ក្រោយការដាក់លិខិតប្រាប់ពីការគ្រោងជួបជុំកម្មករកម្មការិនីចំនួន ៣០០០ នាក់ រៀបចំទិវាពលកម្មអន្តរជាតិ លើកទី ១២៩ នាថ្ងៃ១ ខែឧសភាខាងមុខនេះ នៅទីលានប្រជាធិបតេយ្យ។ លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានឲ្យដឹងថា សាលារាជធានីនឹងជួបពិភាក្សាលម្អិតពីផែនការនៃការជួបជុំមនុស្សរាប់ពាន់នាក់នេះ ដែលសាលារាជធានី អាចអនុញ្ញាតបានត្រឹមតែក្រោម ២០០ នាក់ប៉ុណ្ណោះ តែយ៉ាងណា សាលាក្រុងនឹងសុំគោលការណ៍ ទៅកាន់ថ្នាក់លើទៀត។
-
អ្នកវិភាគ៖ សេចក្តីព្រាងច្បាប់គ្រប់គ្រងសង្គមស៊ីវិលមិនគួរឱ្យបារម្ភដូចចេតនានយោបាយ
វ៉ាស៊ីនតោន—អ្នកជំនាញមើលឃើញថា សេចក្តីព្រាងច្បាប់ស្តីពីអង្គការសង្គមស៊ីវិលដែលបានចែកផ្សាយកន្លងមកមិនជាអាក្រក់ខ្លាំងពេកទេ ប៉ុន្តែអ្វីដែលជាការគួរឱ្យព្រួយបារម្ភគឺចេតនានយោបាយក្នុងការយកច្បាប់ដ៏ចម្រូងចម្រាងនេះមកប្រើដើម្បីដាក់ការគាបសង្កត់មកលើក្រុមអង្គការសង្គមស៊ីវិលទេ។
-
លោកសម រង្ស៊ី អំពាវនាវឲ្យអ្នកគាំទ្រជឿជាក់លើ គ.ជ.ប ថ្មី
មេដឹកនាំគណបក្សប្រឆាំង លោក សម រង្ស៊ី បានអំពាវនាវឲ្យសកម្មជន និងអ្នកគាំទ្ររបស់ខ្លួនកុំជឿការចោទប្រកាន់ដែលថា គណៈកម្មាធិការជាតិរៀបចំការបោះឆ្នោតថ្មី (គ.ជ.ប) មិនឯករាជ្យនិងមិនអព្យាក្រឹត ហើយជំរុញឲ្យអ្នកទាំងនោះទុកចិត្តស្ថាប័នថ្មីនេះ។ ថ្លែងទៅកាន់សកម្មជន និងអ្នកគាំទ្ររាប់រយអ្នកក្នុងខេត្តកំពង់ឆ្នាំងកាលថ្ងៃចន្ទ លោក សម រង្ស៊ី បានសម្តែងទំនុកចិត្តរបស់លោកលើ គ.ជ.ប ថ្មីដែលបង្កើតឡើងតាមរយៈវប្បធម៌សន្ទនារវាងលោកនាយករដ្ឋមន្រ្តី ហ៊ុន សែន និងរូបលោក។ ចំពោះវប្បធម៌សន្ទនានេះ លោក សម រង្ស៊ី បានជំរុញអ្នកគាំទ្ររបស់ខ្លួនឲ្យជឿ គ.ជ.ប ថ្មីនៅក្នុងដំណើរការរៀបចំការបោះឆ្នោតនាពេលខាងមុខ ដោយថ្លែងថា គ.ជ.ប ថ្មីអាចទុកចិត្តបានដោយសារក្នុងចំណោមសមាជិក ៩ នាក់របស់ គ.ជ.ប គឺមាន ៤ នាក់មកពីគណបក្សសង្គ្រោះជាតិ ៤ នាក់មកពីគណបក្សប្រជាជនកម្ពុជា និង ១ នាក់ទៀតគឺជាសមាជិកទី ៩ ដែលចាត់ទុកថាជាសមាជិកឯករាជ្យ និងអព្យាក្រឹតពីអង្គការសង្គមស៊ីវិល។
-
រដ្ឋមន្ដ្រីក្រសួងការពារជាតិបដិសេធដោះស្រាយជម្លោះដីធ្លីនៅស្រុកស្វាយលើខេត្ដសៀមរាប
ក្រសួងការពារជាតិ បដិសេធដោះស្រាយដីធ្លីរបស់ប្រជាពលរដ្ឋនៅស្រុកស្វាយលើ ខេត្ដសៀមរាប ដែលមានជម្លោះជាមួយយោធាយោធភូមិភាគទី៤ដោយអះអាងថា ការចោទប្រកាន់របស់ប្រជាពលរដ្ឋជារឿងមិនត្រឹមត្រូវ ។ ការបដិសេធនេះ បន្ទាប់ពីតំណាងមណ្ឌលសៀមរាបមកពីគណបក្សសង្គ្រោះជាតិ លោកស្រី កែ សុវណ្ណរតន៍ ស្នើទៅប្រធានរដ្ឋសភា លោក ហេង សំរិន អន្ដរាគមន៍ទៅក្រសួងការពារជាតិ ឲ្យបញ្ឈប់គ្រឿងចក្រធ្វើទំនប់ទឹកកាត់អូរទី៤ ដែលពលរដ្ឋ៧៥គ្រួសារអះអាងថា ការធ្វើទំបន់ទឹកនេះបណ្ដាលឲ្យទឹកជន់លិចលំនៅឋាន និងដំណាំកសិផលរបស់ពួកគេ កាលពីដើមឆ្នាំ២០១៥នេះ ។
-
អ្នកបុរីកីឡាខកចិត្តនឹងដំណោះស្រាយរបស់អាជ្ញាធរ
ពលរដ្ឋក្នុងតំបន់បុរីកីឡាដែលនៅមិនទាន់ទទួលបានចំណែកអគារផ្ទះល្វែង បានសម្តែងការខកចិត្តជាខ្លាំង បន្ទាប់កិច្ចប្រជុំពិភាក្សាស្វែងរកដំណោះស្រាយកាលពីម្សិលមិញដែលអាជ្ញាធររាជធានីនៅតែមិនទាន់អាចផ្ដល់ផ្ទះល្វែងជូនពលរដ្ឋ ដែលមានឯកសារគ្រប់គ្រាន់តែបែរជាតម្រូវឲ្យពលរដ្ឋរកសាក្សីបួននាក់មកធានាបន្ថែមលើឯកសារផ្លូវច្បាប់ទាំងនោះថែមទៀត។ អ្នកស្រី សោម សុម៉ាលី ដែលបានទៅចូលរួមក្នុងកិច្ចប្រជុំនោះ កាលពីព្រឹកម្សិលមិញ នៅឯសាលាខណ្ឌ៧មករា បានថ្លែងថា៖ «ក្នុងកាលៈទេសៈបន្ទាន់នេះ វាពិតជាលំបាកណាស់ក្នុងការរកសាក្សី ៤ នាក់មកបញ្ជាក់ ព្រោះយើងមិនទាន់បានត្រៀមលក្ខណៈជាមុននោះទេ ដោយហេតុថា អាជ្ញាធរជូនដំណឹងត្រឹមតែអំពីកិច្ចប្រជុំពិភាក្សា ស្វែងរកដំណោះស្រាយប៉ុណ្ណោះ មិនបញ្ជាក់អំពីសំអាងរបស់សាក្សីនោះទេ»។
-
សង្គមស៊ីវិលស្នើថ្នាក់ដឹកនាំនៃប្រទេសអាស៊ានចូលរួមពង្រឹងសិទ្ធិមនុស្សនៅកម្ពុជា
តំណាងសង្គមស៊ីវិលកម្ពុជា ស្នើដល់ប្រទេសថ្នាក់ដឹកនាំនៃបណ្ដាប្រទេសសមាជិកអាស៊ាន ចូលរួមពង្រឹងផ្នែកសិទ្ធិមនុស្សនៅប្រទេសកម្ពុជា ដើម្បីធានាបាននូវការអភិវឌ្ឍផ្នែកសេដ្ឋកិច្ច ប្រកបដោយកិត្យានុភាព និងរីកចម្រើនស្របគ្នាទៅបានទាំងអស់គ្នា។ វេទិកាប្រជាពលរដ្ឋអាស៊ាន ធ្វើឡើងជារៀងរាល់ឆ្នាំចាប់តាំងពីឆ្នាំ២០០៥មក។ នៅឆ្នាំនេះវេទិកាប្រជាពលរដ្ឋអាស៊ាន ធ្វើឡើងនៅទីក្រុងកូឡាឡាំពួរ (Kuala Lumpur) ប្រទេសម៉ាឡេស៊ី (Malaysia) ដែលមានតំណាងសង្គមស៊ីវិលពីកម្ពុជាជាង១០០នាក់ និងបណ្ដាប្រទេស២៦ផ្សេងទៀត សរុប១៤០០នាក់។
-
អាជ្ញាធរថៃដោះលែងពលរដ្ឋខ្មែរ ២៥ នាក់ពីពន្ធនាគាររឿងកាប់ឈើ
ពលរដ្ឋខ្មែរសរុប ២៥ នាក់ ដែលសុទ្ធសឹងជាបុរស ត្រូវបានអាជ្ញាធរថៃដោះលែង និងបញ្ជូនត្រឡប់មកកម្ពុជាវិញជាបន្តបន្ទាប់ចំនួន ៥ លើក ក្នុងខែមេសានេះ ក្រោយពីជាប់ពន្ធនាគារអស់ពេលជាច្រើនខែឆ្នាំក្នុងប្រទេសថៃ ពាក់ព័ន្ធនឹងការកាប់ឈើ និងឆ្លងដែនខុសច្បាប់។ ប្រធានក្រុមការងារទំនាក់ទំនងព្រំដែនកម្ពុជា-ថៃ ប្រចាំច្រកអន្តរជាតិ ជាំសាង៉ាំ លោក តូច រ៉ា បានឲ្យដឹងថា តាមការសាកសួរ អ្នកទាំង ២៥ នាក់នេះ មួយចំនួនបានជាប់ឃុំក្នុងពន្ធនាគារស្រុកខាន់តាឡាក់ ខេត្តស៊ីសាកេត និងខ្លះទៀតនៅពន្ធនាគារ ខេត្តអ៊ូប៊ុន ប្រទេសថៃ។ អ្នកទាំងនេះ ត្រូវបានអាជ្ញាធរថៃ បញ្ជូនមកប្រគល់ឲ្យអាជ្ញាធរកម្ពុជាវិញតាមច្រកទ្វារអន្តរជាតិជាំសាង៉ាំ ក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែងខេត្តឧត្តរមានជ័យ តាមកាលបរិច្ឆេទខុសៗគ្នា
-
ក្រុមកម្មករគ្រោងធ្វើយុទ្ធនាការរកយុត្តិធម៌ឲ្យជនរងគ្រោះដែលបាញ់សម្លាប់ពេលតវ៉ាប្រាក់ឈ្នួល
មេដឹកនាំសហជីពមួយចំនួន ប្រកាសធ្វើយុទ្ធនាការនៅដើមខែក្រោយនេះ ជំរុញឲ្យរដ្ឋាភិបាលចាប់អ្នកបាញ់សម្លាប់កម្មករនៅផ្លូវវ៉េងស្រេងមកផ្តន្ទាទោស ដើម្បីធានាសេរីភាពបញ្ចេញមតិក្នុងវិស័យកាត់ដេរ ។ កាលពីថ្ងៃទី៣ ខែមករា ឆ្នាំ២០១៤ កម្មករយ៉ាងតិច៥នាក់ ត្រូវគេបាញ់ឲ្យស្លាប់ភ្លាមៗ នៅផ្លូវវ៉េងស្រេង ក្នុងរាជធានីភ្នំពេញ ក្រោយមកក៏មានការស្លាប់បន្តបន្ទាប់ទៀត ខណៈជិត៤០នាក់ ផ្សេងទៀតបាញ់ឲ្យរបួស ។ ការបាញ់បង្ក្រាបដោយហិង្សានោះ ខណៈកម្មករតវ៉ាទាមទារឲ្យដំឡើងប្រាក់ឈ្នួលដល់១៦០ដុល្លារ ។
-
មេដឹកនាំយុវជនអាស៊ានចូលរួមសិក្ខាសាលាអំពីបរិសា្ថនគាំទ្រដោយស្ថានទូតអាមេរិក
ភ្នំពេញ—នាថ្ងៃពុធនេះ មេដឹកនាំយុវជន៧២រូប មកពីប្រទេសសហគមន៍ប្រជាជាតិ អាស៊ីអាគ្នេយ៍ហៅកាត់ថា ASEAN ទាំង១០ប្រទេស បានមកជួបជុំគ្នានៅខេត្តសៀមរាបដើម្បីពិភាក្សាប្តូរយោបល់ និងរិះរកមធ្យោបាយសម្រាប់ការពារបរិស្ថាន និងការប្រែប្រួលអាកាសធាតុក្នុងតំបន់។
-
អាជ្ញាធរឃុំកោះកាពិកៀរគរពលរដ្ឋបណ្តេញបុគ្គលិកអង្គការមាតាធម្មជាតិចេញ
អាជ្ញាធរគ្រប់លំដាប់ថ្នាក់នៅក្នុងឃុំកោះកាពិ ស្រុកកោះកុង ខេត្តកោះកុង បានកៀរគរពលរដ្ឋឲ្យធ្វើការតវ៉ាដើម្បីស្នើសុំទៅថ្នាក់លើអន្តរាគមន៍បណ្តេញបុគ្គលិកអង្គការមាតាធម្មជាតិចេញពីភូមិ ដោយចោទថា តែងតែញុះញង់ឲ្យប្រជាពលរដ្ឋនៅក្នុងភូមិឲ្យតវ៉ា រាំងស្ទះការអភិវឌ្ឍនៅក្នុងភូមិ ស្របពេលដែលពលរដ្ឋបាននិងកំពុងនាំគ្នាតវ៉ាមិនឲ្យក្រុមហ៊ុនឯកជនដែលធ្វើការបូបខ្សាច់ពេលផុតអាជ្ញាប័ណ្ណ។ យោងទៅតាមលិខិតរបស់អាជ្ញាធរភូមិកោះស្រឡៅ ដែលភ្នំពេញប៉ុស្តិ៍ទទួលបានកាលពីម្សិលមិញបានឲ្យដឹងថា ក្នុងនាមជា មេភូមិ-សមាជិកភូមិ និងប្រជាពលរដ្ឋក្នុងភូមិកោះស្រឡៅ ស្នើឲ្យសមត្ថកិច្ចឃុំកោះកាពិ សមត្ថកិច្ចស្រុកកោះកុង សមត្ថកិច្ចខេត្តកោះកុងបណ្តេញបុគ្គលិកអង្គការមាតាធម្មជាតិឲ្យចេញពីភូមិកោះស្រឡៅ។
-
អាជ្ញាធរនិងពលរដ្ឋប្តឹងប្តល់គ្នារឿងលក់ដីសហគន៍
ព្រះវិហារៈ ប្រជាសហគមន៍ និងមន្រ្តីអាជ្ញាធរក្នុងឃុំរមណី ស្រុករវៀង កំពុងប្តឹងប្តល់គ្នាទៅវិញទៅមក រឿងទន្រ្ទានដីខុសច្បាប់ និងឈូសឆាយដីសហគមន៍ជាង ១៥ ហិកតាលក់ឲ្យឈ្មួញ។ សមាជិកសហគមន៍អូរពោធិ៍បឹងទន្លេម្រេចបីនាក់បានប្តឹងមន្រ្តីអាជ្ញាធរភូមិឃុំនិងឈ្មួញដីម្នាក់ទៅសាលាឧទ្ធរណ៍កាលពីម្សិលមិញ រឿងឈូសឆាយ និងលក់ដីសហគមន៍ជាង ១៥ហិកតា បន្ទាប់ពីតុលាការខេត្តព្រះវិហារ បានតម្កល់បណ្តឹងពួកគាត់មិនចាត់ការ។ ការដាក់បណ្តឹងទៅសាលាឧទ្ធរណ៍នេះ ត្រូវបានធ្វើឡើងបន្ទាប់ពីសមាជិកសហគមន៍មួយក្រុមផ្សេងទៀត បានឯកភាពគ្នាជាមួយនឹងអាជ្ញាធរភូមិឃុំ និងមន្ដ្រីបរិស្ថាន ដើម្បីប្តឹងសមាជិកសហគមន៍ទាំងបីនាក់នោះ កាលពីខែមីនាកន្លងមកពីរឿងទន្រ្ទានកាន់កាប់ដីរដ្ឋដោយខុសច្បាប់។
-
ដីជាង១០០ហិកតាបន្ថែមទៀតត្រូវកាត់ចេញពីអប្សរាឲ្យពលរដ្ឋកាន់កាប់ស្របច្បាប់
សៀមរាប៖ ដីទំហំសរុបចំនួន ១១១,៤៩ហិកតា ត្រូវបានកាត់ចេញពីផ្ទៃដីបុរីសណ្ឋាគារអង្គរសៀមរាប ដែលគ្រប់គ្រងដោយអាជ្ញាធរអប្សរា ប្រគល់ឲ្យពលរដ្ឋចំនួន២ភូមិ ក្នុងសង្កាត់អំពិល ខេត្តសៀមរាប។ ប្រជាពលរដ្ឋដែលទទួលបានសិទ្ធិកាន់កាប់ស្របច្បាប់នៅពេលនេះ មានចំនួនជាង២០០គ្រួសារ ក្នុងភូមិព្រៃគុយ និងភូមិគោកចាន់។
-
ក្រុមសហជីពគាំទ្រឲ្យមានតុលាការការងារ តែបដិសេធច្បាប់ស្តីពីសហជីព
ក្រុមមេដឹកនាំសហជីព នៅថ្ងៃអង្គារនេះសម្តែងការគាំទ្រឲ្យរដ្ឋាភិបាលបង្កើតតុលាការការងារ តែពួកគេមិនគាំទ្រឲ្យបង្កើតច្បាប់ស្តីពីសហជីពនោះទេ ដោយអះអាងថាច្បាប់នោះ មានចរិតរឹតត្បិតសិទ្ធិសេរីភាពរបស់សហជីព ។ ប្រតិកម្មនេះ ធ្វើឡើងបន្ទាប់ពីលោកនាយរដ្ឋមន្ត្រី ហ៊ុន សែន បានចេញលិខិតអបអរខួបទី១២៩ នៃទិវាពលកម្មអន្តរជាតិថ្ងៃទី១ ឧសភា ឆ្នាំ២០១៥ ដោយមានខ្លឹមសារ អំពាវនាវឲ្យស្ថាប័នពាក់ព័ន្ធពន្លឿនបង្កើតតុលាការការងារ និងអនុម័តច្បាប់ស្តីពីសហជីពឲ្យបានឆាប់ ដើម្បីទប់ស្កាត់សហជីពដែលធ្វើសកម្មភាពដែលលោកចាត់ទុកថា ខុសច្បាប់ដោយមិនបានបម្រើប្រយោជន៍ពិតជូនកម្មករ ។
-
ក្រសួងមហាផ្ទៃបើកឲ្យមានការប្តឹងតវ៉ាលើភាពមិនប្រក្រតីក្នុងការប្រមូលសេវារដ្ឋបាល
ក្រសួងមហាផ្ទៃដែលត្រូវបានផ្តល់សិទ្ធិក្នុងការប្រមូលសេវារដ្ឋបាល ចាប់ផ្តើមរឹតបន្តឹងការប្រមូលថវិកាដែលបានមកពីពីសេវារដ្ឋបាល ដោយពង្រឹងការដាក់ពាក្យបណ្តឹងតវ៉ារបស់ប្រជាពលរដ្ឋ នៅពេលមានភាពមិនប្រក្រតីណាមួយកើតឡើង។ ប្រកាសអន្តរក្រសួងស្តីពីការផ្តល់សេវារដ្ឋបាលរបស់ក្រសួងមហាផ្ទៃ ដែលត្រូវបានចុះហត្ថលេខាដោយរដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងរដ្ឋមន្រ្តីក្រសួងមហាផ្ទៃ ឲ្យដឹងថារដ្ឋាភិបាលអនុញ្ញាតឲ្យក្រសួងមហាផ្ទៃ អនុវត្តការប្រមូលចំណូលពីកម្រៃសេវារដ្ឋបាល ដើម្បីជាគុណប្រយោជន៍ថវិកាជាតិ។ ប្រកាសបន្តថាសេវារដ្ឋបាលដែលផ្តល់ដោយក្រសួងមហាផ្ទៃ ត្រូវបានរៀបចំជាកម្រងសេវារដ្ឋបាលដែលមានរាយលម្អិតអំពីតម្លៃសេវា រយៈពេលនៃការផ្តល់សេវា និងសុពលភាពទៅតាមប្រភេទសេវារដ្ឋបាលនីមួយៗ។
-
អាជ្ញាធរ ជួបពលរដ្ឋម្តងទៀត ដើម្បីដោះស្រាយបញ្ចប់បញ្ហានៅបុរីកីឡា
អាជ្ញាធររាជធានីភ្នំពេញ បានជួបជាមួយក្រុមប្រជាពលរដ្ឋបុរីកីឡា ជាលើកចុងក្រោយ ដើម្បីដោះស្រាយបញ្ចប់បញ្ហាជម្លោះដ៏រ៉ាំរ៉ៃនៅបុរីកីឡា។ អ្នកភូមិបុរីកីឡា ជាង ១០០ គ្រួសារ បានទាមទារកម្មសិទ្ធិរស់នៅផ្ទះល្វែង ក្នុងតំបន់បុរីកីឡា បន្ទាប់ពីអាជ្ញាធរសម្រេចឲ្យតែអ្នកភូមិ ២៥ គ្រួសារ ចុងក្រោយប៉ុណ្ណោះ មានសិទ្ធិ ទទួលបានផ្ទះល្វែង។ ក្រៅពីនោះ ៨៩ គ្រួសារ ត្រូវទៅរស់នៅក្នុងភូមិអណ្តូង និង ៣៨ គ្រួសារ ទទួលគោលនយោបាយ ជាថវិកា។
-
បុរសពីរនាក់រំលោភក្មេងស្រីសន្លប់ត្រូវបញ្ជូនទៅតុលាការ
បុរសពីរនាក់ដែលសង្ស័យថា បានរំលោភក្មេងស្រីអាយុ ១៥ ឆ្នាំម្នាក់រហូតដល់សន្លប់ កាលពីយប់ថ្ងៃទី១៨ ខែមេសា ត្រូវបាននគរបាលខេត្តកែប កសាងសំណុំរឿងបញ្ជូនទៅសាលាដំបូងខេត្តកំពត កាលពីព្រឹកម្សិលមិញ។ លោក ពោង សុខខេង ស្នងការរងទទួលបន្ទុកកណ្តាលយុត្តិធម៌ខេត្តកែបឲ្យដឹងថា ជនសង្ស័យ ទាំងពីរនាក់ដែលព្រួតគ្នារំលោភសេពសន្ថវៈរហូតដល់ក្មេងស្រីរងគ្រោះសន្លប់នោះត្រូវបានសមត្ថកិច្ចនគរបាលបញ្ចប់សំណុំរឿង និងបញ្ជូនបន្តទៅសាលាដំបូងខេត្តកំពត ហើយកាលពីម្សិលមិញ។
-
សាលាក្ដីខ្មែរក្រហមបន្តសវនាការស្ដាប់អតីតអ្នកទោសនៅស្រុកត្រាំកក់
សាលាក្ដីខ្មែរក្រហម បន្តសវនាការរបស់ខ្លួនវិញហើយនៅថ្ងៃទី២១ មេសា បន្ទាប់ពីការសម្រាកបុណ្យចូលឆ្នាំ។ អង្គជំនុំជម្រះ បានស្ដាប់សក្ខីកម្មរបស់ដើមបណ្ដឹងរដ្ឋប្បវេណីមួយ ដែលជាអតីតអ្នកទោសនៅមន្ទីរសន្តិសុខអង្គរកា ក្នុងស្រុកត្រាំកក់។ សវនាការនៅថ្ងៃទី២១ មេសា អង្គជំនុំជម្រះសាលាដំបូងនៃសាលាក្ដីខ្មែរក្រហម បានស្ដាប់សក្ខីកម្មរបស់ដើមបណ្ដឹងរដ្ឋប្បវេណីឈ្មោះ ថាន់ ធីម។ ប្រធានអង្គជំនុំជម្រះសាលាដំបូង លោកចៅក្រម និល ណុន បញ្ជាក់ថា ការបន្តស្ដាប់សក្ខីកម្មរបស់ដើមបណ្ដឹងរដ្ឋប្បវេណី ថាន់ ធីម គឺតាមការស្នើសុំរបស់ភាគីនៅក្នុងរឿងក្ដី ដែលកំពុងធ្វើសវនាការនេះ៖ «ដោយសារចម្លើយរបស់លោកមានការពាក់ព័ន្ធទៅនឹងបញ្ហាអង្គហេតុជាច្រើន ដូច្នេះភាគីបានស្នើសុំឲ្យអង្គជំនុំជម្រះ ធ្វើសវនាការស្ដាប់សក្ខីកម្មរបស់លោកលើអង្គហេតុ ក្នុងនាមលោកជាដើមបណ្ដឹងរដ្ឋប្បវេណី។ ហើយថ្ងៃនេះ អង្គជម្រះកំណត់ធ្វើសវនាការស្ដាប់សក្ខីកម្មរបស់លោកលើអង្គហេតុ»។
-
អ្នកបុរីកីឡាខកចិត្តនឹងអាជ្ញាធរដែលទាមទារឲ្យពួកគេរកសាក្សីបន្ថែម
ប្រជាពលរដ្ឋដែលមានជម្លោះដីធ្លីនៅសហគមន៍បុរីកីឡា នៅថ្ងៃអង្គារនេះ សម្តែងការខកចិត្តនឹងអាជ្ញាធរដែលទាមទារឲ្យពួកគាត់រកសាក្សីមកបញ្ជាក់បន្ថែមថា ពួកគេពិតជារស់នៅទីនោះ ។ ប្រតិកម្មរបស់សកម្មជនដីធ្លីទាំងនោះ កើតឡើងខណៈមន្ត្រីសាលារាជធានីភ្នំពេញកោះហៅអ្នកបុរីកីឡា៦០គ្រួសារ ក្នុងចំណោម១៥៤គ្រួសារដែលនៅសេសសល់ មកដោះស្រាយនៅសាលាខណ្ឌ៧មករា ។
គាំទ្រដោយ
