កំពុងស្វែងរកទិន្នន័យ
រកឃើញ: 12.457
-
កម្មករបោះតង់ដេកមុខរោងចក្រចាងកៃ ជំរុញឲ្យថៅកែបើកប្រាក់ឈ្នួល
កម្មកររោងចក្របោះពុម្ភមួយកន្លែង ស្ថិតក្នុងខណ្ឌដង្ហោ រាជធានីភ្នំពេញ សម្រេចដេកយាមមុខរោងចក្រ ដើម្បីជំរុញឲ្យថៅកែបើកប្រាក់ឈ្នួល និងទូទាត់ប្រាក់អត្ថប្រយោជន៍ផ្សេងៗតាមច្បាប់ការងារជូនពួកគេ ដើម្បីបានទៅស្រុកកំណើតក្នុងឱកាសបុណ្យចូលឆ្នាំថ្មីនេះ ខណៈក្រុមហ៊ុនគ្រោងបិទទ្វារលែងដំណើរការ ។ តំណាងកម្មករ លោក ហាក់ ចំរិត ឲ្យ VOD ដឹងថានៅថ្ងៃនេះថា កម្មករប្រមាណ២២នាក់ សម្រេចបោះតង់ដេកយាមផ្លាស់វេនគ្នានៅមុខរោងចក្រទាំងយប់ទាំងថ្ងៃ ដោយគាត់បារម្ភថា ថៅកែរោងចក្រលួចដឹកសម្ភារចេញ ខណៈលោកអះអាងថាក្រុមហ៊ុនគ្រោងបិទទ្វារ តែមិនទាន់ទូទាត់ប្រាក់ខែជូនកម្មករ និងប្រាក់អត្ថប្រយោជន៍ផ្សេងៗទៀត ។ លោកបន្តថា ទោះបីជាកម្មករមួយចំនួនសម្រេចទទួលយកប្រាក់៣០ដុល្លារ ដែលថៅតែទូទាត់ឲ្យតែកម្មករមួយក្រុមទៀត បដិសេធមិនទទួលយកដោយលោកអះអាងថា ប្រាក់ដែលថៅកែផ្តល់ឲ្យនោះមានចំនួនតិច ។
-
សាលាដំបូងបើកការសាកសួរលោក មាជ សុវណ្ណារ៉ា និងព្រះសង្ឃផ្សេងទៀត
សាលាដំបូងរាជធានីភ្នំពេញ នៅព្រឹកថ្ងៃចន្ទនេះ បានបើកការសាកសួរសកម្មជនគណបក្សសង្រ្គោះជាតិ លោក មាជ សុវណ្ណារ៉ា និងព្រះសង្ឃមួយចំនួនទៀត។ នៅព្រឹកថ្ងៃចន្ទនេះ លោក មាជ សុវណ្ណារ៉ា និងព្រះសង្ឃផ្សេងទៀត រួមមានព្រះសង្ឃ ស៊ឺន ហាយ ត្រូវបានបញ្ជូនមកសាលាដំបូងរាជធានីភ្នំពេញ។ សកម្មជនគណបក្សសង្រ្គោះជាតិម្នាក់ដែលបានចូលរួមតាមដានសវនាការឲ្យដឹងថានេះជាសវនាការសុំឲ្យនៅក្រៅឃុំ។
-
ព្រះសង្ឃ៣អង្គដែលចូលរួមទាមទារសិទ្ធិសេរីភាពគ្រងចីពរវិញក្រោយចេញពីពន្ធនាគារ
ព្រះសង្ឃបីអង្គដែលជាប់ពន្ធនាគារព្រៃសជាង៥ខែ ដោយសារចូលរួមជាមួយប្រជាពលរដ្ឋក្នុងការទាមទារសិទ្ធិសេរីភាពនោះ បានគ្រងស្បង់ចីពរឡើងវិញ បន្ទាប់ពីតុលាការសម្រេចឲ្យនៅក្រៅឃុំបណ្តោះអាសន្ន នៅរសៀលថ្ងៃចន្ទនេះ ។ ព្រះសង្ឃទាំង៣អង្គនោះរួមមានព្រះអង្គ សឺន ហាយ ឃិន វណ្ណៈ និងព្រះអង្គ សាង កុសល ។ អ្នកគ្រប់គ្រងបច្ចេកទេសឃ្លាំមើលការរំលោភសិទ្ធិមនុស្សអង្គការលីកាដូ លោក អំ សំអាត មានប្រសាសន៍ថា សាលាដំបូងរាជធានីភ្នំពេញសម្រេចឲ្យព្រះសង្ឃ៣អង្គ នៅក្រៅឃុំបណ្តោះអាសន្ននារសៀលម៉ោងប្រមាណ២និង៣០នាទីថ្ងៃនេះ ។ លោកថា មូលហេតុដែលព្រះសង្ឃទាំងនោះគ្រងស្បង់ចីពរវិញ ដោយសារអាជ្ញាធរបានចាប់ផ្សឹកព្រះសង្ឃដោយខុសនឹងច្បាប់សាសនា ហើយអំឡុងពេលជាប់ពន្ធនាគារព្រះសង្ឃទាំងនោះមិនបានឆាន់បាយល្ងាចនោះទេ ។
-
សមាជិកគ.ជ.ប ថ្មីនឹងចូលកាន់តំណែងចាប់ពីថ្ងៃនេះ
សមាជិកគណៈកម្មាធិការជាតិរៀបចំការបោះឆ្នោត(គ.ជ.ប)ថ្មីនឹងចូលកាន់តំណែងចាប់ពីពេលនេះ ក្រោយពីពិធីផ្ទេរតំណែងដែលត្រូវបានធ្វើឡើងនៅព្រឹកថ្ងៃចន្ទនេះ។ ពិធីផ្ទេរតំណែងនៅព្រឹកនេះ មានការចូលរួមពីតំណាងព្រះមហាក្សត្រ សម្តេចព្រះសង្ឃរាជ រួមទាំងមន្ត្រីរដ្ឋាភិបាលមួយចំនួនទៀត និងសមាសភាពនៃគជប។ ពិធីផ្ទេរតំណែងត្រូវបានធ្វើឡើងនៅស្នាក់ការកណ្តាល ក្នុងក្រសួងមហាផ្ទៃ ចាប់ពីម៉ោង៨និង៣០នាទី។
-
តុលាការដោះលែងសកម្មជនបក្សសង្គ្រោះជាតិ៥នាក់និងព្រះសង្ឃខ្មែរកម្ពុជាក្រោម៣អង្គ
តុលាការសម្រេចដោះលែងសកម្មជនបក្សសង្គ្រោះជាតិ៥នាក់ និងព្រះសង្ឃខ្មែរកម្ពុជាក្រោម៣អង្គ ឲ្យនៅក្រៅឃុំបណ្ដោះអាសន្ន នៅថ្ងៃទី១៣ មេសា។ ការសម្រេចរបស់សាលាដំបូងរាជធានីភ្នំពេញ ដោះលែងសកម្មជនបក្សសង្គ្រោះជាតិទាំង៥នាក់ និងព្រះសង្ឃខ្មែរកម្ពុជាក្រោម៣អង្គ នៅថ្ងៃនេះ ធ្វើឡើងបន្ទាប់ពីមានការចរចានយោបាយ រវាងថ្នាក់ដឹកនាំកំពូលនៃបក្សប្រជាជនកម្ពុជា និងបក្សសង្គ្រោះជាតិ កាលពីពេលថ្មីៗនេះ។ សកម្មជនបក្សសង្គ្រោះជាតិ៥នាក់មាន លោក មាជ សុវណ្ណារ៉ា លោក អ៊ុក ពេជ្រសំណាង លោក ទេព ណារិន លោក កែ ឃីម និងលោក ស៊ុំ ពុទ្ធី។ អ្នកទាំង៥ ត្រូវបានតុលាការចោទ និងឃុំក្នុងពន្ធនាគារ ពីបទកុបកម្មប្រឆាំងអាជ្ញាធរមានសមត្ថកិច្ច នៅស្ពាននាគ ក្បែរទីលានប្រជាធិបតេយ្យ កាលពីថ្ងៃទី១៥ កក្កដា ឆ្នាំ២០១៤។
-
សកម្មជនដីធ្លីត្រូវបានដោះលែង បន្ទាប់ពីកិច្ចចរចាកំណែទម្រង់ ការបោះឆ្នោតបានបញ្ចប់
សកម្មជនសិទ្ធិដីធ្លីដែលជាប់ពន្ធនាគារចំនួន១០នាក់ បានអបអរសាទរនៅភូមិគ្រឹះរបស់លោក កឹម សុខា អនុប្រធានគណបក្សសង្គ្រោះជាតិនៅក្នុងរាជធានីភ្នំពេញកាលពីរសៀលថ្ងៃសៅរ៍ បន្ទាប់ពីត្រូវបានដោះលែងពីពន្ធនាគារក្រោយពេលការចរចាផ្នែកនយោបាយរវាងគណបក្សប្រជាជនកម្ពុជា និងគណបក្សសង្គ្រោះជាតិត្រូវបានបញ្ចប់។ សកម្មជនសិទ្ធិដីធ្លីដែលមកពីសហគមន៍បឹងកក់ក្នុងរាជធានីភ្នំពេញទាំងនេះ ត្រូវបានចាប់ខ្លួន ហើយត្រូវបានផ្ដន្ទាទោសយ៉ាងឆាប់រហ័សឲ្យជាប់ពន្ធនាគារក្នុងម្នាក់ៗរយៈពេល១ឆ្នាំកាលពីខែវិច្ឆិកា ក្រោយពេលការតវ៉ាមួយដែលស្ត្រីចំនួនប្រាំពីរនាក់ក្នុងចំណោមស្ត្រីទាំងនេះបានយកគ្រោងគ្រែបិទផ្លូវអំឡុងពេលនោះ។
-
សកម្មជនបឹងកក់នៅតែអះអាងពីការតវ៉ាក្រោយពីត្រូវបានដោះលែង
មេដឹកនាំសកម្មជនដីធ្លីនៃសហគមន៍បឹងកក់ អ្នកស្រី ទេព វន្នី ដែលទើបត្រូវដោះលែងពីពន្ធនាគារព្រៃសកាលពីរសៀលថ្ងៃសៅរ៍ នៅតែអះអាងថា គាត់នឹងមិនបញ្ឈប់ការតវ៉ាឡើយ ប្រសិនបើបញ្ហាវិវាទដីធ្លី ក្នុងប្រទេសកម្ពុជានៅតែកើតមាន ហើយពលរដ្ឋក្រីក្រនៅតែជាជនរងគ្រោះ។ អ្នកស្រី ទេព វន្នី និងសកម្មជនស្ត្រីដីធ្លី ៩ នាក់ទៀតនៃសហគមន៍បឹងកក់ អតីតបឹងកក់ និង សហគមន៍ថ្មគោល ព្រមទាំងអតីតព្រះសង្ឃមួយអង្គព្រះនាម សឺន ហៃ ត្រូវគេដោះលែងកាលពីរសៀលថ្ងៃទី ១២ ខែមេសា បន្ទាប់ពីត្រូវឃុំខ្លួនក្នុងពន្ធនាគារព្រៃស (ម២) អស់ជាង ៥ ខែ ចោទប្រកាន់ពីបទបង្កកកស្ទះចរាចរណ៍និងប្រឆាំងបទបញ្ជាមន្ត្រីសាធារណៈ។
-
តុលាការសម្រេចឲ្យសកម្មជនគណបក្សសង្រ្គោះជាតិ៥នាក់នៅក្រៅឃុំបណ្តោះអាសន្ន
សាលាដំបូងរាជធានីភ្នំពេញ នៅព្រឹកថ្ងៃចន្ទនេះ បានសម្រេចឲ្យសកម្មជនគណបក្សសង្រ្គោះជាតិ៥នាក់នៅក្រៅឃុំបណ្តោះអាសន្នតាមការស្នើសុំ។ សាលាដំបូងរាជធានីភ្នំពេញ នៅព្រឹកថ្ងៃចន្ទនេះ បានបើកការសាកសួរសកម្មជនគណបក្សសង្រ្គោះជាតិ និងព្រះសង្ឃមួយចំនួនទៀតពីការសុំឲ្យនៅក្រៅឃុំ។ មេធាវីការពារសកម្មជនគណបក្សសង្គ្រោះជាតិ លោក ជូង ជូងី មានប្រសាសន៍បន្ទាប់ពីការសាកសួររបស់តុលាការថាសកម្មជនគណបក្សសង្គ្រោះជាតិ៥នាក់នឹងត្រូវដោះលែងឲ្យនៅក្រៅឃុំបណ្តោះអាសន្ននៅរសៀលថ្ងៃចន្ទនេះ។ លោកសាទរចំពោះការដោះលែងនេះ ដោយចាត់ទុកថាជារឿងយុត្តិធម៌មួយសម្រាប់កូនក្តីរបស់លោក។
-
ស្ត្រីជាទណ្ឌិតមានកូនតូច៣៧នាក់បន្ថែមទៀតត្រូវដោះលែងឲ្យមានសេរីភាពនៅថ្ងៃអាទិត្យនេះ
ស្ត្រី៣៧នាក់បន្ថែមទៀត ដែលមានផ្ទៃពោះនិងកូនតូចត្រូវស្ថាប័នជំនាញដោះលែងឲ្យមានសេរីភាពវិញនៅថ្ងៃអាទិត្យនេះ បន្ទាប់ពីព្រះមហាក្សត្រព្រះរាជទានលើកលែងទោសតាមកាស្នើ របស់លោក នាយករដ្ឋមន្ត្រី ហ៊ុន សែន ។ តាមការចុះផ្សាយនៅលើគេហទំព័ររបស់ក្រសួងយុត្តិធម៌ឲ្យដឹងថា កាដោះលែងស្ត្រីទាំងនោះ អនុវត្តន៏តាមព្រះរាជក្រិត្យ លើកលែងទោសតាមសំណើរនាយករដ្ឋមន្ត្រី ។ ក្រសួងយុត្តិធម៌ឲ្យដឹងទៀតថា ស្ត្រីជាប់ទោសទាំង៣៧នាក់នោះ មានទណ្ឌិត ស្ត្រីមានគភ៌ ១៤ នាក់ និងស្ត្រីមានកូន ២៣ នាក់ ។ ពិធីដោះលែងស្ត្រីទាំង៣៧រូបនេះ ធ្វើឡើងនៅពន្ធនាគារព្រៃស ម២ ដែលមានលោកស្រី អ៊ឹង កន្ថាផាវី រដ្ឋមន្ត្រីក្រសួងកិច្ចការនារី ចូលរួមនៅព្រឹកថ្ងៃអាទិត្យទី១២ខែមេសានេះ ។
-
បទសម្ភាសន៍៖ តើសាលាក្ដីខ្មែរក្រហមគួរស៊ើបអង្កេតលោក ហ៊ុន សែន ឬទេ?
នាយកប្រតិបត្តិនៃមជ្ឈមណ្ឌលឯកសារកម្ពុជា លោក ឆាំង យុ ឲ្យដឹងថា មជ្ឈមណ្ឌលឯកសារកម្ពុជា របស់លោកនឹងប្តូរឈ្មោះទៅជា «វិទ្យាស្ថានស្លឹករឹត» នៅពេលខាងមុខ។ លោក ឆាំង យុ ដែលដឹកនាំការស្រាវជ្រាវប្រវត្តិសាស្ត្រកម្ពុជាប្រជាធិបតេយ្យក្នុងរយៈពេល ២៥ឆ្នាំកន្លងមកនេះ ពន្យល់អំពីតើមានកត្តាអ្វីខ្លះដែលជួយឲ្យខ្មែរក្រហមឡើងកាន់អំណាច និងធ្លាក់ពីអំណាច ទាក់ទងនឹងថា តើលោកនាយករដ្ឋមន្ត្រី ហ៊ុន សែន អាចមានជាប់ពាក់ព័ន្ធនឹងការសម្លាប់រង្គាលជនជាតិចាម នៅក្នុងរបបខ្មែរដែរ ឬទេ? លោក ឆាំង យុ មានប្រសាសន៍ថា បើទោះជាលោកគិតថា លោក ហ៊ុន សែន ទំនងជាមិនជាប់ពាក់ព័ន្ធក៏ដោយ នេះជាកិច្ចការរបស់ចៅក្រមស៊ើបអង្កេតដែលត្រូវស្រាវជ្រាវ។
-
មន្ត្រីកងរាជអាវុធហត្ថ៦នាក់ត្រូវចាប់ខ្លួនពីបទវាយដំអ្នកបើកឡានដឹកស្រូវ
លោក ស៊ិន សូផាន្នី អគ្គមេបញ្ជាការរងកងរាជអាវុធហត្ថលើផ្ទៃប្រទេសបានប្រាប់អ្នកសារព័ត៌មាននៅក្នុងសន្និសីទសារព័ត៌មានថា កងរាជអាវុធហត្ថបានចាប់ខ្លួនមន្ត្រីប៉េអិម៦នាក់ ដែលពាក់ព័ន្ធនឹងការវាយដំអ្នកបើកបរម្នាក់ និងព្រូឡានម្នាក់ក្នុងខេត្តត្បួងឃ្មុំកាលពីថ្ងៃទី១៩ ខែមីនា។
-
សកម្មជនដីធ្លី១០នាក់ជាស្ត្រីត្រូវបានដោះលែងពីពន្ធនាគារព្រៃស
ស្ត្រីសកម្មជនដីធ្លីចំនួន ១០នាក់ ត្រូវដោះលែងពីពន្ធនាគារព្រៃស ហើយកាលពីរសៀលថ្ងៃទី១១ ខែមេសា នេះ។ ការដោះលែងនេះ ចំពេលដែលអ្នកនយោបាយមានភាពល្អូកល្អិននឹងគ្នា និងចំពេលសមាជិក គ.ជ.បថ្មី ចូលស្បថបំពេញការងារនៅព្រះបរមរាជវាំង។ សង្គមស៊ីវិល ទាមទារកុំឲ្យអ្នកនយោបាយយកពលរដ្ឋធ្វើឈ្នាន់ល្បែងនយោបាយ។ សំឡេងហូរកញ្ជ្រៀវលាយឡំសូរស័ព្ទយំទួញសោកលាន់ឮនៅមុខពន្ធនាគារព្រៃស ចំពេលដែលស្ត្រីសកម្មជនដីធ្លី ត្រូវបានដោះលែងឲ្យមានសេរីភាព។ ក្រុមស្ត្រីទាំងនោះ ពាក់អាវយឺតខ្មៅដូចៗគ្នារំលេចអក្សរថា ពិភពលោកកំពុងតាមដានបញ្ហានេះ និងលើកទង់ជាតិគ្រវីមុនចេញធ្វើដំណើរចាកចេញពីបរិវេណពន្ធនាគារ។ ការដោះលែងនេះ ធ្វើឡើងភ្លាមៗបន្ទាប់ពីព្រះមហាក្សត្របានឡាយព្រះហស្តលេខាលើពាក្យស្នើសុំព្រះរាជទានលើកលែងទោសពួកគេ កាលពីព្រឹកថ្ងៃទី១១ ខែមេសា។
-
កម្មកររោងចក្រមួយនៅរាជធានីតវ៉ាទារប្រាក់ឈ្នួលដើម្បីបានទៅស្រុកកំណើតប្រារពពិធីចូលឆ្នាំថ្មី
កម្មករមួយក្រុម បានបន្តតវ៉ា មុខក្រុមហ៊ុនរបស់ខ្លួន ក្នុងខណ្ឌដង្ហោ រាជធានីភ្នំពេញ ជំរុញឲ្យថៅកែបើកប្រាក់ឈ្នួល និងទូទាត់ អត្ថប្រយោជន៍ផ្សេងៗតាមច្បាប់ការងារ ជូនពួកគេ ដើម្បីបានទៅស្រុកកំណើត ក្នុង ឱកាស បុណ្យចូលឆ្នាំថ្មីនេះ ខណៈក្រុមហ៊ុនគ្រោងបិទទ្វារលែងដំណើរការ ។
-
ស្ត្រីជាសកម្មជនដីធ្លីនៅតំបន់បឹងកក់ទាំង១០នាក់ត្រូវដោះលែងនៅថ្ងៃសៅរ៍នេះ
ស្ត្រីជាសកម្មជដីធ្លីទាំង១០នាក់ ដែលរដ្ឋាភិបាលចាប់ឃុំខ្លួន កាលពីចុងឆ្នាំ២០១៤ នឹងត្រូវ ដោះលែង ឲ្យមានសេរីភាពវិញនៅរសៀថ្ងៃសៅរ៍នេះ តាមរយៈព្រះរាជទានលើកលែងទោសរបស់ ព្រះមហាក្សត្រ ។ សកម្មជនដីធ្លីទាំង១០នាក់នោះ មាន អ្នកស្រីទេព វន្នី អ្នកស្រី បូ ឆវី អ្នកស្រី ផាន់ ឈុនរ៉េត លោកយាយ ង៉ែត ឃុន កញ្ញា សុង ស្រីភាព និងស្ត្រីមួយចំនួនទៀត ត្រូវសមត្ថកិច្ចរាជធានីភ្នំពេញ ចាប់ឃុំខ្លួនកាលពីថ្ងៃទី១០ខែវិច្ឆិកាឆ្នាំ២០១៤ ចោទថាបានតវ៉ា ធ្វើឲ្យកកស្ទះចរាចរណ៍ ។
-
មន្ត្រីកងរាជអាវុធហត្ថប្រាំមួយនាក់ត្រូវបានចោទប្រកាន់ជុំវិញការប្រើអំពើហិង្សាលើអ្នកបើករថយន្តដឹកស្រូវ និងព្រូឡាន
មន្ត្រីតុលាការមួយរូបបានលើកឡើងថា កងរាជអាវុធហត្ថប្រាំមួយនាក់ត្រូវបានឃុំខ្លួនបណ្តោះអាសន្នកាលពីថ្ងៃសុក្រ ក្រោយពីសាលាដំបូងខេត្តព្រៃវែងធ្វើការចោទប្រកាន់ជុំវិញករណីដេញតាមរថយន្តដឹកស្រូវមួយកាលពីមីនា ដែលនៅក្នុងនោះ អ្នកបើកបររថយន្តដឹកស្រូវ និងព្រូឡានត្រូវបានបាញ់ប្រហារ វាយដំ និងចងស្លាបសេក ក្រោយពីពួកគេបានបើកទម្លុះចំណុចឆែកឆេរពីរកន្លែងរបស់កងរាជធាវុធហត្ថ។
-
ច្បាប់អង្គការនឹងអនុញ្ញាតឲ្យប្តឹងតវ៉ាបាន នៅពេលក្រសួងមហាផ្ទៃមិនព្រមចុះបញ្ជីឲ្យ
សេចក្តីព្រាងច្បាប់ស្តីពីសមាគម ឬអង្គការមិនមែនរដ្ឋាភិបាលដែលត្រូវបានផ្សព្វផ្សាយដោយសង្គមស៊ីវិលក្នុងស្រុក ឲ្យដឹងថាសមាគម ឬអង្គការមិនមែនរដ្ឋាភិបាលដែលមានបំណងចុះបញ្ជី អាចប្តឹងតវ៉ាទៅតុលាការបាន នៅពេលក្រសួងមហាផ្ទៃមិនព្រមចុះបញ្ជីឲ្យ។ បើតាមសេចក្តីព្រាងច្បាប់ដែលមាន៣៤មាត្រា និង៩ជំពូក សមាគម ឬអង្គការមិនមែនរដ្ឋាភិបាលត្រូវបង្ហាញព័ត៌មានលម្អិតទៅកាន់ក្រសួងមហាផ្ទៃ ក្នុងនោះក៏មានប្រភពធនធាន និងទ្រព្យសម្បត្តិផងដែរ។
-
សកម្មជនការពារដីធ្លីនៃសហគមន៍ព្នងខេត្តមណ្ឌលគិរីត្រូវសមត្ថកិច្ចចាប់ខ្លួន
សកម្មជនដីធ្លីនៃសហគមន៍ព្នង ភូមិចក់ចារ ឃុំស្រែឈូក ខេត្តមណ្ឌលគិរី ត្រូវប៉ូលិសចាប់ខ្លួន ក៏ប៉ុន្តែមន្ត្រីឃ្លាំមើលសិទ្ធិមនុស្សសមាគមអាដហុក (adhoc) សង្ស័យថា ការចាប់ខ្លួននេះពាក់ព័ន្ធការគំរាមកំហែងស្មារតីច្រើនជាងការអនុវត្តច្បាប់។ មន្ត្រីឃ្លាំមើលសិទ្ធិមនុស្សខេត្តមណ្ឌលគិរី នៅថ្ងៃទី១១ ខែមេសា អំពាវនាវសុំឲ្យក្រសួងមហាផ្ទៃ ស៊ើបអង្កេតទៅលើករណីចាប់ខ្លួនសកម្មជនដីធ្លីជនជាតិដើមព្នងមួយរូប ដែលមន្ត្រីរូបនោះសង្ស័យថា ប៉ូលិសចាប់ខ្លួនក្នុងភាពមិនប្រក្រតី បំពានទៅលើសិទ្ធិជនជាតិដើមភាគតិច។ កាលពីថ្ងៃទី១០ ខែមេសា ប៉ូលិសឃុំស្រែឈូក បានចាប់ខ្លួនសកម្មជនដឹកនាំតវ៉ាដីធ្លីនៃសហគមន៍ជនជាតិដើមព្នង ភូមិចក់ចារ លោក យ៉ាន ម៉ៅ ខណៈលោកកំពុងធ្វើដំណើរនៅចំណុចភូមិប៉ោដើមស្វាយ។
អានបន្ត -
មេធាវីនិយាយថាក្រោយការចរចា សកម្មជននឹងត្រូវដោះលែងមុនថ្ងៃចូលឆ្នាំខ្មែរ ប្រពៃណីជាតិ
មេធាវីមួយរូបតំណាងឲ្យគណបក្សសង្គ្រោះជាតិបានឲ្យដឹងកាលពីថ្ងៃសុក្រថា ក្រោយករចរចារវាងលោកនាយករដ្ឋមន្ត្រី ហ៊ុន សែន និងលោក សម រង្ស៊ី មេដឹកនាំគណបក្សប្រឆាំង តុលាការកំពុងត្រៀមដោះលែងសកម្មជនចំនួន១៨រូប ដែលបានជាប់ពន្ធនាគាររយៈពេលមួយឆ្នាំមកនេះតាមការចោទប្រកាន់ពាក់ព័ន្ធនឹងការតវ៉ា។
-
សមាជិក គ ជ ប ថ្មី នឹងចូលស្បថនៅព្រះបរមរាជវាំងនៅរសៀលនេះ
សមាសភាពគណៈកម្មាធិការជាតិរៀបចំការបោះឆ្នោតថ្មី ទាំង៩រូប ដែលសភាអនុម័តយល់ព្រម កាលពី២ថ្ងៃមុន នឹងចូលធ្វើសច្ចាប្រណិធាននៅព្រះបរមរាជវាំងនៅរសៀលនេះ ដើម្បីត្រៀមខ្លួនចូលកាន់តំណែង ជំនួស គ.ជ.ប ចាស់ នៅដើមសប្តាហ៍ក្រោយ ។ សមាជិកម្នាក់ក្នុងចំណោមសមាជិកទាំងនោះ គឺលោក រ៉ុង ឈុន ឲ្យVODដឹងថា ការធ្វើពិធីសច្ចាប្រណិធាននោះ នឹងប្រព្រឹត្តទៅ នៅម៉ោង៤រសៀលថ្ងៃសៅរ៍នេះ ។
-
ការសិក្សាបង្ហាញថា អ្នកប្រើប្រាស់អ៊ិនធើណែតបារម្ភពីការតាមដាន និងរឹតត្បិត
ការសិក្សាស្រាវជ្រាវថ្មីមួយបង្ហាញថា អ្នកប្រើប្រាស់ប្រព័ន្ធអ៊ិនធើណែតនៅក្នុងប្រទេសកម្ពុជាយល់ថា ពួកគេអាចបញ្ចេញមតិដោយសេរីលើប្រព័ន្ធអ៊ិនធើណែត ប៉ុន្តែពួកគាត់មានក្តីបារម្ភប្រសិនបើមានការតាមដាន និងរឹតត្បិតពីរដ្ឋាភិបាល ។ មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) នៅថ្ងៃសុក្រនេះដាក់បង្ហាញលទ្ធផលនៃការសិក្សាស្រាវជ្រាវមួយរបស់ខ្លួនស្ដីពីសេរីភាពបញ្ចេញមតិលើប្រព័ន្ធព័ត៌មានវិទ្យា និងការចូលរួមនយោបាយនៅកម្ពុជា ដែលបានមកពីការស្ទង់មតិលើអ្នកប្រើប្រាស់អ៊ិនធើណែតនៅក្នុងប្រទេសកម្ពុជាជិត៩០០នាក់ មកពី២២រាជធានីខេត្ត ។
គាំទ្រដោយ
