កំពុងស្វែងរកទិន្នន័យ
រកឃើញ: 12.457
-
សន្និសីទសង្គមស៊ីវិលអាស៊ានត្រូវបានធ្វើឲ្យខកចិត្តដោយរដ្ឋាភិបាលមួយចំនួន
បន្ទាប់ពីការសម្រេចរបស់រដ្ឋាភិបាលកម្ពុជាកាលពីសប្តាហ៍មុនក្នុងការរារាំងមេដឹកនាំសង្គមស៊ីវិល ដែលត្រូវបានជ្រើសរើសដោយឯករាជ្យមិនឲ្យធ្វើជាតំណាងកម្ពុជាសម្រាប់សន្និសីទសង្គមស៊ីវិលអាស៊ាន (ACSC) ប្រធានសន្និសីទនេះបានលើកឡើងនៅក្នុងសេចក្តីថ្លែងការណ៍មួយចេញកាលពីថ្ងៃច័ន្ទថា រដ្ឋាភិបាលមួយចំនួនបានធ្វើឲ្យ “មានការខកចិត្តយ៉ាងខ្លាំង”។
-
ប្រជាសហគមន៍បឹងឈូកដាក់ញត្តិឱ្យអភិបាលរាជធានីភ្នំពេញជួយអន្តរាគមន៍
ប្រជាសហគមន៍បឹងឈូក ក្នុងសង្កាត់គីឡូម៉ែត្រលេខ៦ ខណ្ឌប្ញស្សីកែវមានគ្នាប្រមាណ៥០នាក់ បាននាំគ្នាប្រមូលផ្ដុំនៅមុខសាលារាជធានីភ្នំពេញ កាលពីវេលាព្រឹកថ្ងៃទី២៩ មេសា ២០១៥ នេះ ដើម្បីដាក់ញត្តិសុំឱ្យលោកប៉ា សុជាតិវង្ស អភិបាលរាជធានីភ្នំពេញ ជួយអន្តរាគមន៍ទៅអាជ្ញាធរខណ្ឌប្ញស្សីកែវ ឱ្យបញ្ឈប់ផែនការរុះរើលំនៅឋានរបស់សមាជិកសហគមន៍បឹងឈូកម្នាក់ឈ្មោះទូច សំអ័ន ។
-
អាដហុកថ្កោលទោសករណីគំរាមកំហែងអ្នកសារព័ត៌មាន២រូបនៅខេត្តបន្ទាយមានជ័យ
សមាគមការពារសិទ្ធិមនុស្សអាដហុកថ្កោលទោសការគំរាមកំហែងពីសំណាក់ទាហានព្រំដែនទៅលើអ្នកយកព័ត៌មាន ដែលបានចុះទៅយកព័ត៌មាននៅក្នុងខេត្តបន្ទាយមានជ័យ កាលពីថ្ងៃទី២៧ ខែមេសា ករណីទាហានថៃបាញ់គំរាមប្រជាពលរដ្ឋខ្មែរ៣នាក់ ។ សេចក្តីថ្លែងការណ៍របស់អាដហុកចេញផ្សាយនៅថ្ងៃនេះលើកឡើងថា អ្នកយកព័ត៌មានទូរទស្សន៍ប៉ុស្តិ៍លេខ៥ លោក កែវ វុទ្ធី និង អ្នកយកព័ត៌មានកាសែតកោះសន្តិភាព លោកមុត សារុន បានចុះទៅយកព័ត៌មានករណីទាហានថៃបាញ់គំរាមប្រជាពលរដ្ឋខ្មែរ៣នាក់ កាលពីថ្ងៃទី២៧ ខែមេសា នៅភូមិបន្ទាយទី១ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ហើយត្រូវបានទាហានព្រំដែនឃាត់ខ្លួន និងលុបរូបភាពចេញពីម៉ាស៊ីនថត ។
-
ពលរដ្ឋ១០គ្រួសារនៅកំពង់ចាមដែលប៉ះពាល់ពីគម្រោងផ្លូវអាស៊ានមិនទាន់បានសំណងសមរម្យ
ពលរដ្ឋនៅឃុំផ្អាវ ស្រុកបាធាយ ខេត្តកំពង់ចាម ប្រមាណ ១០គ្រួសារ កំពុងបារម្ភរឿងអាជ្ញាធរខេត្ត បានចេញលិខិតឱសានវាទឲ្យរុះរើផ្ទះចេញពីតំបន់ប៉ះពាល់ពីគម្រោងធ្វើផ្លូវជាតិលេខ៦ ខណៈសំណងផលប៉ះពាល់មិនទាន់ដោះស្រាយជូនពួកគាត់។ ទាក់ទងបញ្ហានេះដែរ ក្រុមអាជ្ញាធរអះអាងថា តម្លៃផលប៉ះពាល់ គឺមានក្រុមឯករាជ្យចុះពិនិត្យលើបញ្ហានេះ ប៉ុន្តែមានពលរដ្ឋភាគតិចប៉ុណ្ណោះមិនព្រមទទួលយកសំណងនោះ។
-
អង្គការសិទ្ធិមនុស្សអំពាវនាវឲ្យលុបច្បាប់គ្រប់គ្រងអង្គការ
ក្រុមសិទ្ធិមនុស្សធំមួយកាលពីម្សិលមិញ បានជំរុញឲ្យរដ្ឋាភិបាលលុបចោលផែនការដើម្បីអនុម័តច្បាប់ដ៏ចម្រូងចម្រាសមួយនៅខែក្រោយដោយនិយាយថា វាអាចនឹងដាក់កម្រិតយ៉ាងខ្លាំងលើសកម្មភាពរបស់អង្គការមិនមែនរដ្ឋាភិបាល និងសមាគម។ ក្នុងសេចក្តីថ្លែងការណ៍មួយរបស់អង្គការឃ្លាំមើលសិទ្ធិមនុស្ស (HRW) បានអំពាវនាវឲ្យរដ្ឋាភិបាលបញ្ជាក់ជាសាធារណៈ «ភ្លាម» នូវសេចក្តីព្រាងច្បាប់ដែលចម្រូងចម្រាសស្តីពីសមាគម និងអង្គការមិនមែន រដ្ឋាភិបាល (LANGO) ហើយត្រូវ «ចូលរួមក្នុងដំណើរការពិគ្រោះយោបល់ជាចំហ» ជាមួយអង្គការក្រៅរដ្ឋាភិបាល។
-
ជនជាតិដើមភាគតិចកួយតវ៉ានៅខាងមុខសាលាដំបូងខេត្ត
ជនជាតិដើមភាគតិចកួយជាង ១០០ នាក់ កាលពីម្សិលមិញនេះ បានប្រមូលផ្តុំនៅមុខសាលាដំបូងខេត្តខណៈដែលសមាជិករបស់ខ្លួន ៦ នាក់ ត្រូវបានអយ្យការអមសាលាដំបូងខេត្តហៅចូលបំភ្លឺ និង ២ នាក់ទៀត គ្រោងចូលបំភ្លឺនៅព្រឹកថ្ងៃអង្គារនេះ ពាក់ព័ន្ធនឹងដំណើររឿងនៃការបង្ខាំងមនុស្សដោយខុសច្បាប់ តាមបណ្តឹងរបស់ក្រុមហ៊ុនចិន ឡានហ្វេង និងរ៉ូយហ្វេង។ តាមរយៈដីកាកោះដាច់ដោយឡែកដែលចុះហត្ថលេខាព្រះរាជអាជ្ញារងអមសាលាដំបូងខេត្តព្រះវិហារកាលពីថ្ងៃទី ៨ ខែមេសា សមាជិកប្រជាសហគមន៍ ៦ នាក់ ដែលចូលបំភ្លឺពីម្សិលមិញនេះមានឈ្មោះ ភូ ភេន, ផុន រុំ, ណម ថុល, ស្រាល សឃី, យស សន, និង ថី ហឿន ហឿន ចំណែកថ្ងៃអង្គារនេះ មានឈ្មោះ ហោ ធាន្នី និង ប៉ាវ សែវ។
-
និស្សិតពេទ្យឯកជនជាង១០០នាក់គ្រោងធ្វើបាតុកម្មនៅដើមខែឧសភា
ក្រុមនិស្សិតពេទ្យនៃវិទ្យាស្ថានវិទ្យាសាស្ត្រអន្តរជាតិ ១៣០នាក់ ព្រមានធ្វើបាតុកម្មនៅដើមខែឧសភា ខាងនេះ ដើម្បីជំរុញឲ្យក្រសួងអប់រំ និងក្រសួងសុខាភិបាល ចាត់វិធានការចំពោះសាលាពេទ្យឯកជន ដែលក្រុមនិស្សិតចាត់ទុកថា កំពុងធ្វើនំអត់ម្សៅ។ តំណាងនិស្សិតពេទ្យដែលអះអាងថា ពួកគេ គឺជាអ្នករងគ្រោះដោយសារម្ចាស់សាលាបោកប្រាស់ ប្រកាសថានឹងធ្វើបាតុកម្មប្រឆាំងគោលការណ៍របស់សាលា ដែលបន្តឆបោកនិស្សិតអស់ពេល ៣ឆ្នាំកន្លងទៅហើយនោះ។
-
ពលរដ្ឋនៅខេត្តព្រះវិហារគ្រោងសុំអន្តរាគមន៍ពីព្រះមហាក្សត្រនិងរដ្ឋសភារឿងដីធ្លី
ប្រជាពលរដ្ឋមួយចំនួននៅខេត្តព្រះវិហារដែលអះអាងថា ក្រុមហ៊ុនតៃវ៉ាន់មួយបានឈូសឆាយដីធ្លី និងដំណាំពួកគេជាង១០០ហិកតានោះ គ្រោងស្វែងរកអន្តរាគមន៍ពីព្រះមហាក្សត្រ និងរដ្ឋសភាជាតិ នៅសប្តាហ៍ក្រោយ ។
-
អ្នកមានជម្លោះដីធ្លីរកអន្តរាគមន៍ពីសហគមន៍ឣន្តរជាតិទប់ស្កាត់ក្រុមហ៊ុនមានឣំណាចរំលោភយកដី
អ្នកមានជម្លោះដីធ្លី នៅស្រុកកំពង់ត្រឡាច ខេត្តកំពង់ឆ្នាំង រកកិច្ចអន្តរាគមន៍ពីសហគមន៍អន្តរជាតិប្រចាំកម្ពុជា ដើម្បីទប់ស្កាត់ការរំលោភយកដីអ្នកភូមិពីសំណាក់ក្រុមហ៊ុនអ្នកមានអំណាច ខណៈជម្លោះអូសបន្លាយជិត១០ឆ្នាំ ដែលអាជ្ញាធររដ្ឋមិនអាចដោះស្រាយបាន ។ តំណាងអ្នកតវ៉ា អ្នកស្រី អ៊ុំ សូភី ប្រាប់អ្នកសារព័ត៌មានពេលដើរដាក់ញត្តិក្នុងរាជធានីភ្នំពេញ នាថ្ងៃទី២៨ខែមេសា ឆ្នាំ២០១៥នេះថា ជិត១០ឆ្នាំមកនេះពួកគាត់បានដាក់ពាក្យប្តឹងជាង១០០បណ្តឹងទៅអាជ្ញាធរដែនដីដូចជា អាជ្ញាធរខេត្ត តុលាការ ខុទ្ទកាល័យលោកនាយករដ្ឋមន្ត្រី និងរដ្ឋសភាជាដើម ដើម្បីការពារដីអ្នកភូមិជាង១៨៤ហិកតា កុំឲ្យក្រុមហ៊ុន KDC របស់លោកស្រី ជា ខេង រំលោភយក ។
-
ពលរដ្ឋដែលក្រុមនិស្សិតវាស់ដីឲ្យត្រូវបានគេប្តឹងថារំលោភយកដីគេ
ពលរដ្ឋ ១១ គ្រួសារក្នុងចំណោមអ្នកដែលអត់ទាន់ទទួលបានប្លង់ដីបន្ទាប់ពីនិស្សិតវាស់ឲ្យនៅឆ្នាំ ២០១២ នោះត្រូវបានគេប្តឹងឡើងតុលាការថា បានរំលោភយកដីក្នុងស្រុកត្រពាំប្រាសាទ។ លោក ប៉ិល ធី អាយុ ៤៣ ឆ្នាំបានឲ្យដឹងថា ពួកលោក ១១ គ្រួសារជាប្រជាពលរដ្ឋរស់នៅក្នុងភូមិត្រាំប៉ោង ឃុំព្រះប្រឡាយត្រូវបានលោក ផេង ស៊ីផលប្តឹងទៅតុលាការខេត្តកាលពីឆ្នាំ ២០១៤ ពីបទ «ប៉ះពាល់ដីកម្មសិទ្ធិឯកជន» ២០ ហិកតា ហើយកាលពីថ្ងៃចន្ទម្សិលមិញ រូបលោក និងអ្នកភូមិ ៣ នាក់ផ្សេងទៀតបានចូលទៅបំភ្លឺតាមការកោះហៅ។ លោកបានបញ្ជាក់ថា៖ «ក្រុមនិស្សិតបានវាស់ដី និងចេញបង្កាន់ដៃឲ្យក្នុងឆ្នាំ ២០១២។ តែប្លងដីមិនទាន់បានផងរាប់ឆ្នាំហើយ បែរជាមានគេប្តឹងយកដីទៅតុលាការទៀត»។
-
អតីតអ្នកបឹងកក់ដែលចាកចេញតវ៉ាជាថ្មីទៀត សុំផ្តល់សំណងបន្ថែម
អតីតអ្នកបឹងកក់ដែលព្រមទទួលយកសំណងបានឡើងតវ៉ាជាថ្មីទៀតនៅថ្ងៃនេះ សុំផ្តល់សំណងបន្ថែមពីសាលារាជធានីភ្នំពេញដោយអះអាងថា សំណងពីមុននោះពួកគេបង្ខំចិត្តទទួលយកទាំងអយុត្តិធម៌ ។ ពលរដ្ឋម្នាក់ក្នុងចំណោមពលរដ្ឋ២០នាក់ដែលឈរតវ៉ានៅថ្ងៃនេះ គឺអ្នកស្រី សយ កុលាប ឲ្យដឹងថា ពលរដ្ឋដែលបង្ខំចិត្តចាកចេញដោយទទួលយកសំណង៨០០០ដុល្លារ និងប្រាក់២លានរៀល ជាថ្នូរនឹងការចេញពីលំនៅឋានរបស់ពួកគេ ។ អ្នកស្រីអះអាងទៀតថា ពលរដ្ឋទាំងនោះកំពុងប្រឈមនឹងភាពក្រីក្រ ដោយសារគ្មានមុខរបរចិញ្ចឹមជីវិតដូចមុន ។
-
អ្នកការពារព្រៃឡង់ចាប់បានម៉ាស៊ីនអារឈើ៣២គ្រឿងក្នុងពេលចុះល្បាត៥ថ្ងៃ
ប្រជាសហគមន៍ការពារព្រៃឡង់ទាំង៤ខេត្ត ឲ្យដឹងថា ពួកគេចាប់បានឈើ និងម៉ាស៊ីនអារឈើចំនួន៣២គ្រឿង ខណៈចុះល្បាតព្រៃរយៈពេល៥ថ្ងៃ ក្នុងខែមេសានេះ ។ ការបង្ហាញនេះធ្វើឡើងក្នុងសន្និសីទសារព័ត៌មាន ស្តីពីការចូលរួមទាំងអស់គ្នាដើម្បីព្រៃឡង់ និងការសម្ពោធរបាយការណ៍ស្រាវជ្រាវរបស់បណ្តាញសហគមន៍ព្រៃឡង់ នាព្រឹកថ្ងៃទី២៧ ខែមេសា ឆ្នាំ២០១៥ ។
-
កម្មកររោងចក្រនាឡិកានៅបាវិតតវ៉ាមុខសាលាខេត្តជាថ្មីសុំឲ្យជំរុញថៅកែគោរពលក្ខខណ្ឌការងារ
កម្មករជាង១០០នាក់នៅរោងចក្រផលិតនាឡិកា Ni Sey នៅក្រុងបាវិត នៅព្រឹកថ្ងៃចន្ទនេះ នាំគ្នាប្រមូលផ្ដុំ មុខសាលាខេត្តស្វាយរៀងជាថ្មី ស្នើឲ្យអភិបាលខេត្តជំរុញទៅថៅកែរោងចក្រ ធានាសុវត្តិភាពការងារ និងផ្ដល់លក្ខខណ្ឌការងារមួយចំនួន ដែលពួកគេអះអាងថាកន្លងទៅថៅកែមិនបានអនុវត្ត ។
-
ការបាញ់សម្លាប់ពលករខ្មែរម្នាក់នៅថៃកំពុងស្ថិតក្រោមការសើុបអង្កេត
មន្ត្រីព្រំដែនកម្ពុជាម្នាក់បានបញ្ជាក់កាលពីម្សិលមិញថា ពលករខ្មែរចំណាកស្រុកម្នាក់ត្រូវមេការថៃបាញ់សម្លាប់នៅការដ្ឋានសាងសង់ជាកន្លែងដែលពលកររូបនេះកំពុងធ្វើការកាលពីសប្តាហ៍មុន នៅក្នុងខេត្តឆាឈឿនសៅ។ លោក សៅ វាសនា មន្ត្រីទំនាក់ទំនងនៅច្រកព្រំដែនអន្តរជាតិប៉ោយប៉ែតបានលើកឡើងថា លោកបានចុះទៅកន្លែងកើតហេតុនៅខេត្ត ឆាឈឿនសៅ ដើម្បីសើុបអង្កេត។ សាក្សីនៅទីនោះបានប្រាប់លោកថា មេការថៃត្រូវបានគេហៅឲ្យមកដោះស្រាយជម្លោះរវាងជនរងគ្រោះ ផាត សុអិន អាយុ២៤ឆ្នាំ និងបុរសម្នាក់ទៀតនៅកន្លែងកើតហេតុកាលពីថ្ងៃព្រហស្បតិ៍ ប៉ុន្តែ មេការរូបេនះមានភាពស្រវឹង។
-
អ្នកទោសខ្មែរ៥៥នាក់ ត្រូវបានថៃបញ្ជូនមកឲ្យកម្ពុជាវិញ តាមច្រកទ្វារអន្តរជាតិជាំសាងាំ
ឧត្តរមានជ័យ៖ សមត្ថកិច្ចថៃ បានបញ្ជូនអ្នកទោសខ្មែរ៥៥នាក់ ក្នុងនោះស្រី២នាក់ មកប្រគល់ឲ្យសមត្ថកិច្ច កម្ពុជាវិញ តាមមាត់ច្រកទ្វារអន្តរជាតិជាំសាងាំ កាលពីរសៀលថ្ងៃទី២៥ ខែមេសា ឆ្នាំ២០១៥ នៅក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។ លោកក្រូច សម្បតិ្ត ប្រធានទីស្នាក់ការអន្តរជាតិជាំ បានឲ្យដឹងថា មុនពេលកើតហេតុអ្នកទោសកម្ពុជា បានចាញ់បោកពួកក្រុមឈ្មួញខ្មែរ ដើរគៀងគរបំផុសនៅតាមបណ្តាខេត្ត-ក្រុងថា ពួកគេជាថៅកែឈើគ្រញួង បើមានប្រជាពលរដ្ឋណាចង់ទៅស៊ីឈ្នួលកាប់ឈើគ្រញួង គឺពួកគេជាអ្នកនាំទៅ បើកាប់ឈើបានគេគិតក្នុងមួយម៉ែត្រគូបឲ្យក្នុងតម្លៃខ្ពស់ ចំណែកស្បៀងអាហារពួកគេជាអ្នកទិញឲ្យ តែក្រុមឈ្មួញទាំងនេះបានសង្កត់ធ្ងន់ថា មិនអាចយកឈើទៅលក់ឲ្យអ្នកផ្សេងៗបានទេ ហើយចំណែកបង់ថ្លៃផ្លូវនិងផ្នែកសន្តិសុខតាមដងផ្លូវ ពួកគេបាននិយាយត្រូវរ៉ូវគ្នាជាមួយទាហានកម្ពុជា និងក្រុមទាហានសៀមរួចរាល់អស់ហើយ មិនពិបាកភ័យព្រួយនោះទេ។
-
គ.ជ.ប.ថ្មី និយាយថា ជប៉ុននិងសហភាពអឺរ៉ុបនឹងបន្តផ្ដល់ជំនួយសម្រាប់ធ្វើកំណែទម្រង់បោះឆ្នោត
អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប.) ដែលត្រូវបានបង្កើតឡើងថ្មី បានលើកឡើងកាលពីថ្ងៃសុក្រថា ប្រទេសជប៉ុន និងសហភាពអឺរ៉ុបបានព្រមព្រៀងបញ្ជូនអ្នកជំនាញមកកាន់ប្រទេសកម្ពុជានៅខែក្រោយ ដើម្បីជួយរិះរកវិធីធ្វើយ៉ាងណាកែលម្អបញ្ជីឈ្មោះបោះឆ្នោតដែលមានគុណវិបត្តិរបស់កម្ពុជា និងដើម្បីអប់រំអ្នកបោះឆ្នោតឲ្យយល់ដឹងកាន់តែច្បាស់។ លោក ហង្ស ពុទ្ធា អ្នកនាំពាក្យថ្មីរបស់គ.ជ.ប. បានប្រកាសបែបនេះបន្ទាប់ពីជំនួបរួមគ្នារវាងគ.ជ.ប. ជាមួយឯកអគ្គរាជទូតជប៉ុន និងឯកអគ្គរដ្ឋទូតសហភាពអឺរ៉ូបដែលកំពុងជួយកម្ពុជាកែលម្អប្រព័ន្ធបោះឆ្នោតដែលរងការរិះគន់យ៉ាងខ្លាំងរបស់ខ្លួនរួចទៅហើយ។
-
គ្រួសារសពលោក ឈុត វុទ្ធី នៅតែទទូចទាមទាររកយុត្តិធម៌ នៅថ្ងៃប្រារព្ធខួប៣ឆ្នាំ
ក្រុមគ្រួសារសពរបស់លោក ឈុត វុទ្ធី អតីតប្រធានអង្គការការពារធនធានធម្មជាតិ បានប្រារព្ធខួប៣ឆ្នាំ នៃការស្លាប់បាត់បង់ជីវិតរបស់លោក ឈុត វុទ្ធី នៅថ្ងៃសៅរិ៍ទី២៥ខែមេសានេះ នៅឯគេហដ្ឋាន ស្ថិតនៅភូមិព្រែកឯង ក្នុងសង្កាត់វាលស្បូវ រាជធានីភ្នំពេញ។ នៅចំថ្ងៃប្រារព្ធខួប៣ឆ្នាំនេះ ក្រុមគ្រួសារសពរបស់លោក ឈុត វុទ្ធី នៅតែទទួចសុំឱ្យរដ្ឋាភិបាលបើកការស៊ើបអង្កេតប្រកបដោយភាពត្រឹមត្រូវមួយ ដើម្បីស្វែងរកយុត្តិធម៌ជូនដល់សពលោក ឈុត វុទ្ធី។
-
សហជីពសេរីកម្មករស្នើឲ្យទូតជប៉ុនស៊ើបអង្កេតរឿងបាត់សមាជិកសហជីព
សហជីពសេរីកម្មករនៃព្រះរាជាណាចក្រកម្ពុជា ស្នើឯកអគ្គរាជទួតជប៉ុនប្រចាំនៅកម្ពុជាជួយ ស៊ើបអង្កេតទៅរោងចក្រ Hirota (Cambodia) Co.Ltd នៅខេត្តកំពង់ស្ពឺ ស្រុងសំរោងទង ពីករណីបាត់ខ្លួនសមាជិកសហជីពរបស់លោកម្នាក់ ដែលបម្រើការនៅទីនោះ ។ ការស្នើសុំលោកឯកអគ្គរាជទូតជប៉ុន ឲ្យជួយបើកការស៊ើបអង្កេតលើរោងចក្រ Hirota (Cambodia) Co.Ltd នេះធ្វើឡើងនៅថ្ងៃព្រហស្បតិ៍ម្សិលមិញ តាមរយៈលិខិតដាក់ជូនទៅស្ថានទូតជប៉ុនប្រចាំនៅកម្ពុជា ឲ្យបើកការស៊ើបអង្កេតលើរោងចក្រកាត់ដេរសម្លៀក ដែលគ្រប់គ្រងដោយជនជាតិជប៉ុនមួយនេះ ។
-
គ.ជ.ប គ្រោងពិភាក្សាពីការរៀបចំបញ្ជីបោះឆ្នោតថ្មីជាមួយអ្នកជំនាញEU និងជប៉ុននៅរសៀលនេះ
អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) ឲ្យដឹងថា គ.ជ.ប គ្រោងលើកយកបញ្ហាបច្ចេកទេសនៃការរៀបចំបញ្ជីបោះឆ្នោតថ្មីទៅពិភាក្សាជាមួយតំណាងសហភាពអឺរ៉ុប និងប្រទេសជប៉ុន នៅរសៀលនេះ ដើម្បីបញ្ចប់ភាពមន្ទិលសង្ស័យ និងភាពមិនទុកចិត្តគ្នារវាងគណបក្សប្រកួតប្រជែង ។
-
លោក ប៉ា ងួនទៀង នាយកអង្គការមួយបង្ហាញទស្សនៈផ្ទាល់ខ្លួនទៅនាយករដ្ឋមន្ត្រី
លោក ប៉ា ងួនទៀង នាយកប្រតិបត្តិមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ(CCIM) បង្ហាញទស្សនៈផ្ទាល់ខ្លួនរបស់លោកទៅកាន់លោកនាយករដ្ឋមន្ត្រី ហ៊ុន សែន ដើម្បីធ្វើកំណែទម្រង់ស្ថាប័នជាតិឲ្យពិតប្រាកដ ។ លិខិតចំហរបស់លោក ប៉ា ងួនទៀង ចុះថ្ងៃទី២២ ខែមេសានេះ ក្នុងនាមជាបុគ្គលផ្ទាល់ខ្លួនលោកលើកឡើងថា បច្ចុប្បន្ននេះ មន្ត្រីខិលខូច និងឧកញ៉ាមួយចំនួន ត្រូវបានមើលឃើញថាជាអ្នកធំ ក្រោមការដឹកនាំរបស់រដ្ឋាភិបាល បាននឹងកំពុងធ្វើអាជីវកម្មដោយប្រើប្រាស់មុខងារតួនាទីដើម្បីលាភសក្ការៈផ្ទាល់ខ្លួន ដែលជាបុព្វហេតុនៃការប្រព្រឹត្តិអំពើពុករលួយ រំលោភសិទ្ធិមនុស្ស និងអយុត្តិធម៌សង្គមស្ទើរពាសពេញប្រទេស ។ លិខិតបន្តថា បើនៅតែបណ្តែតបណ្តោយឲ្យបញ្ហាបែបនេះនៅមានបន្តទៀត នោះជារឿងអយុត្តិធម៌សម្រាប់ជាតិ មន្ត្រី និងឧកញ៉ាស្អាតស្អំ អាជ្ញាធររដ្ឋ និងប្រជាពលរដ្ឋជាច្រើនដែលជាដើមចមអាចឲ្យមានភាពមន្ទិលទាក់ទង នឹងប្រសិទ្ធភាពនៃការដឹកនាំរបស់រាជរដ្ឋាភិបាលដែរ។