កំពុងស្វែងរកទិន្នន័យ
រកឃើញ: 12.457
-
កម្មករផលិតនាឡិកានៅក្រុងបាវិតផ្ទុះការតវ៉ាទាមទារលក្ខខណ្ឌការងារជាថ្មី
កម្មកររោងចក្រផលិតនាឡិកា Ni Sey ៥០០នាក់ ស្ថិតក្នុងភូមិព្រៃទុប ឃុំព្រៃអង្គុញ ក្រុងបាវិត ខេត្តស្វាយរៀង ធ្វើបាតុកម្មជាថ្មីទៀតនៅមុខសាខាខេត្តនៅព្រឹកនេះ ដើម្បីទាមទារឲ្យថៅកែ គោរពលក្ខខណ្ឌការងារ ១៤ចំណុច ។ កម្មកររោងចក្រ Ni Sey នាំគ្នាធ្វើបាតុកម្មដោយកាន់បដា និងស្រែកខ្លាំងៗនៅមុខសាលារខេត្តស្វាយរៀង ដោយសុំឲ្យមន្ត្រីសាលាខេត្តស្វាយរៀងជួយផ្តល់កិច្ចអន្តរាគមន៍ជាថ្មីទៀតដល់ពួកគេ ក្នុងការទាមទារឲ្យថៅកែគោរពលក្ខខណ្ឌការងារមួយចំនួនដូចជា មិនត្រូវបង្ខំឲ្យធ្វើការថែមម៉ោង អាហារដែលផ្តល់ឲ្យត្រូវមានអនាម័យ និងផ្តល់ប្រាក់អត្ថប្រយោជន៍ការងារផ្សេងៗជាដើម ។
-
អ្នកនេសាទដាក់ញត្តិសុំឲ្យរដ្ឋាភិបាលជួយអន្តរាគមន៍ដើម្បីបញ្ឈប់ការបូមខ្សាច់របស់ក្រុមហ៊ុន
តំណាងប្រាំមួយនាក់របស់អ្នកភូមិខេត្តកោះកុងប្រហែល៣០០នាក់ ដែលចោទប្រកាន់ក្រុមហ៊ុនបូមខ្សាច់ដែលបានបូមខ្សាច់ហួសពីតំបន់អនុញ្ញាតរបស់ខ្លួន និងធ្វើឲ្យហិនហោចបរិមាណត្រីក្នុងមូលដ្ឋាននោះ បានធ្វើដំណើរមកកាន់រាជធានីភ្នំពេញកាលពីម្សិលមិញដើម្បីសុំឲ្យរដ្ឋាភិបាលធ្វើអន្តរាគមន៍។ ពួកគាត់បានដាក់ញត្តិទៅរដ្ឋសភា និងក្រសួងរ៉ែ និងថាមពល សុំឲ្យមន្ត្រីទាំងនោះធ្វើុយ៉ាងណាឲ្យក្រុម Rainbow International បញ្ឈប់ការបូមខ្សាច់នៅកោះកាពិ។
-
ពលរដ្ឋកោះកុងមានបញ្ហារឿងបូមខ្សាច់ស្វែងរកអន្តរាគមន៍ពីរដ្ឋសភា
តំណាងប្រជាសហគមន៍មកពីឃុំកោះកាពិ ស្រុកកោះកុង ខេត្តកោះកុង បាននាំគ្នាឡើងមកស្វែងរកការអន្តរាគមន៍ពីគណៈកម្មការទី ៣ នៃ រដ្ឋសភា ស្នើឲ្យកោះហៅមន្ត្រីដែលពាក់ព័ន្ធរួមទាំងក្រុមហ៊ុន International Rainbow Co.,Ltd មកសាកសួរដើម្បីបញ្ឈប់សកម្មភាពបូមខ្សាច់អនាធិបតេយ្យនៅក្នុងតំបន់នោះ ក្រោយពីមន្ត្រីនៅក្នុងឃុំនោះបានដាក់លិខិតបណ្តេញ បុគ្គលិកអង្គការមាតាធម្មជាតិចេញពីភូមិ។ អ្នកស្រី យូ សុផល ដែលបាន ឡើងមកស្វែងរកអន្តរាគមន៍នៅឯវិមានរដ្ឋសភាចំនួន ៦ នាក់ តំណាងឲ្យពលរដ្ឋជាង ៣០០ គ្រួសារបានថ្លែងថា មូលហេតុដែលពលរដ្ឋឡើងមករកអន្តរាគមន៍នៅឯវិមានរដ្ឋសភានោះគឺដោយសារតែអាជ្ញាធរពុំបានស្វែងរកដំណោះស្រាយជូនពលរដ្ឋនោះទេ ថែមទាំងចោទអ្នកដែលរារាំងមិនឲ្យគេបូមខ្សាច់នោះថា រារាំងមិនឲ្យគេអភិវឌ្ឍទៅវិញ។
-
ពលករខ្មែរម្នាក់ត្រូវមេការជនជាតិថៃបាញ់ស្លាប់ ព្រោះសួររឿងប្រាក់ជំនួសកម្មករផ្សេង
ខេត្តបន្ទាយមានជ័យ ៖ បើតាមប្រភពពីបងថ្លៃរបស់ជនរងគ្រោះដែលស្លាប់ឈ្មោះប៉ែន សុផល ភេទប្រុស អាយុ៥៦ឆ្នាំ ជាមន្ត្រីក្រុមប្រឹក្សាឃុំអូរបីជាន់បានប្រាប់ឱ្យសារព័ត៌មានដឹងថា ប្អូនរបស់គាត់ជាពលករធ្វើការនៅសំណង់មួយកន្លែង នៅក្នុងខេត្តឆាក់ឆឺនសៅ ប្រទេសថៃ ត្រូវបានមេការជាជនជាតិថៃម្នាក់បាញ់សម្លាប់ ព្រោះរឿងសួរនាំរឿងប្រាក់ជំនួសកម្មករដូចគ្នា ដែលជាជនជាតិភូមា ។ ប្រភពបានឱ្យដឹងថា ជនរងគ្រោះមានឈ្មោះផាត សុអ៊ីម ភេទប្រុស អាយុ២៤ឆ្នាំ មានទីលំនៅភូមិត្រពាំងចាន់ ឃុំត្រពាំងចាន់ ស្រុកបរិបូរណ៍ ខេត្តកំពង់ឆ្នាំង ។
-
ពន្ធនាគារព្រៃសមិនព្រមដោះលែងនារីម្នាក់ឡើយ ទោះជាតុលាការបង្គាប់ឲ្យដោះលែងក្តី
ទោះបីជាមានសាលដីកាពីតុលាការកំពូលក្ដី ក៏កាលពីម្សិលមិញ មន្ត្រីនៅពន្ធនាគារព្រៃស មិនព្រមដោះលែងនារីម្នាក់ដែលបានជាប់ពន្ធនាគារតាំងពីខែវិច្ឆិកា ដោយសារវិវាទដីធ្លីដ៏ជូរចត់ជាមួយឧកញ៉ា ឃុន សៀ ឲ្យនៅក្រៅឃុំឡើយ នេះបើយោងតាមមេធាវីរបស់នាង។ កញ្ញា លី ស៊ាវមិញ អាយុ២៣ឆ្នាំ បានជាប់ឃុំនៅមណ្ឌលកែប្រែ២ នៃពន្ធនាគារព្រៃសចាប់តាំងពីខែវិច្ឆិកាមក នៅពេលនាង និងឪពុករបស់នាងត្រូវបានចាប់ខ្លួនពីបទប្រើអំពើហិង្សាទៅលើម្ចាស់អចលនទ្រព្យមា្នាក់អំឡុងពេលប្រឈមមុខដាក់គ្នាជាមួយសន្តិសុខរបស់លោក ឃុន សៀ នៅក្នុងឆ្នាំ២០១៣។ ចំណែកឯលោក លី ស្រា៊ងខេង អាយុ ៥៨ ឆ្នាំដែលត្រូវជាឪពុករបស់នាង ត្រូវបានដោះលែងឲ្យនៅក្រៅឃុំកាលពីខែធ្នូ។
-
កម្មកររោងចក្រនីសសីជាង៥០០នាក់ធ្វើកូដកម្មទាមទា១៦ចំណុចនៅមុខសាលាខេត្តស្វាយរៀង
ខេត្តស្វាយរៀង ៖ មានកម្មករ-កម្មការនីជាង៥០០នាក់នៅរោងចក្រតម្លើងនាឡិកាដៃនីសសី ក្នុងតំបន់សេដ្ឋកិច្ចពិសេសនាគរាជ បាននាំគ្នាដង្ហែក្បួនតាមរថយន្ត និងម៉ូតូមកកាន់មុខសាលាខេត្តស្វាយរៀង ដើម្បីសុំឲ្យលោកអភិបាលខេត្តជួយអន្តរាគមន៍ ដោះស្រាយទាមទារលក្ខខណ្ឌ១៦ចំណុច ដែលបានចោទថា ថៅកែររោងចក្ររំលោភលើលក្ខខណ្ឌច្បាប់ការងារនៃព្រះរាជាណាចក្រកម្ពុជា និងរំលោភលើសិទ្ធិកម្មករ ។ ករណីកម្មករ-កម្មការនីរោងចក្រធ្វើកូដកម្មនេះកើតឡើងកាលពីរវេលាម៉ោង១០ និង៣០នាទីព្រឹក ដល់ម៉ោង១១ និង១០នាទីព្រឹក ថ្ងៃទី២៤ ខែមេសា ឆ្នាំ២០១៥ នៅខាងមុខសាលាខេត្ត ស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង ។
-
គ.ជ.ប គ្រោងពិភាក្សាពីការរៀបចំបញ្ជីបោះឆ្នោតថ្មីជាមួយអ្នកជំនាញEU និងជប៉ុននៅរសៀលនេះ
អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) ឲ្យដឹងថា គ.ជ.ប គ្រោងលើកយកបញ្ហាបច្ចេកទេសនៃការរៀបចំបញ្ជីបោះឆ្នោតថ្មីទៅពិភាក្សាជាមួយតំណាងសហភាពអឺរ៉ុប និងប្រទេសជប៉ុន នៅរសៀលនេះ ដើម្បីបញ្ចប់ភាពមន្ទិលសង្ស័យ និងភាពមិនទុកចិត្តគ្នារវាងគណបក្សប្រកួតប្រជែង ។
-
ជនភៀសខ្លួនម្នាក់នៅកោះណាវរូស្ម័គ្រចិត្តមករស់នៅប្រទេសកម្ពុជា
មន្ត្រីអន្តោប្រវេសន៍នៃក្រសួងមហាផ្ទៃ ឲ្យដឹងថា រហូតមកដល់ពេលនេះមានជនភៀសខ្លួនម្នាក់គត់នៅកោះណាវរូ (Nauru) បានស្ម័គ្រចិត្តមករស់នៅក្នុងប្រទេសកម្ពុជា។ កាលពីថ្ងៃទី២២ ខែមេសា រដ្ឋមន្ត្រីអន្តោប្រវេសន៍អូស្ត្រាលី លោក ភីធ័រ ដាត់តុន (Peter Dutton) បានព្រមានដល់ជនភៀសខ្លួននៅក្នុងជំរំលើកោះនោះថា ពួកគេនឹងទទួលបានប្រាក់ឧបត្ថម្ភតិចតួច ប្រសិនបើមិនព្រមទៅតាំងទីលំនៅថ្មីនៅក្នុងប្រទេសកម្ពុជា។ បុរសជនភៀសខ្លួនម្នាក់ដែលសុខចិត្តចាកចេញពីក្នុងជំរំជនភៀសខ្លួននៅកោះណាវរូ មករស់នៅប្រទេសកម្ពុជា នោះ គឺជាជនជាតិភាគតិចរ៉ូហិនញ៉ា (Rohingya) នៃប្រទេសភូមា។
-
អង្គការអន្តរជាតិទេសន្តរប្រវេសន៍កំពុងរ៉ៃអង្គាសប្រាក់ដើម្បីជួយធ្វើមាតុភូមិនិវត្តអ្នកនេសាទខ្មែរ
ខណៈអ្នកនេសាទខ្មែរចំនួន៥៨នាក់ដែលត្រូវបានជួយសង្គ្រោះឲ្យរួចផុតពីភាពជាទាសករនៅក្នុងប្រទេសឥណ្ឌូណេស៊ី កំពុងរង់ចាំឯកសារធ្វើដំណើរត្រឡប់មកប្រទេសកំណើតវិញនោះ ស្ថាប័នអន្តររដ្ឋាភិបាលមួយដែលកំពុងរៀបចំជួយឲ្យមានការធ្វើមាតុភូមិនិវត្តកំពុងតែព្យាយាមរ៉ៃអង្គាសប្រាក់ ដើម្បីចំណាយសម្រាប់ការធ្វើដំណើររបស់ពួកគេ ព្រោះរដ្ឋាភិបាលកម្ពុជាមិនបានផ្តល់មូលនិធិណាមួយសម្រាប់ការធ្វើមាតុភូមិនិវត្តនេះឡើយ។ រដ្ឋាភិបាលឥណ្ឌូណេស៊ីបានជួយសង្គ្រោះអ្នកនេសាទខ្មែរទាំងេនះជាមួយអ្នកនេសាទរាប់រយនាក់ផ្សេងទៀតដែលភាគច្រើនមកពីប្រទេសភូមា ចេញពីកោះបេនជីណា កាលពីបីសប្តាហ៍មុន បន្ទាប់ពីមានការសើុបអង្កេតដោយទីភ្នាក់ងារព័ត៌មានAP ដែលលាតត្រដាងថា កោះនេះត្រូវបានគេប្រើប្រាស់ជាកន្លែងសម្រាប់បង្ខិតបង្ខំកម្មករឲ្យធ្វើការ។
-
មេធាវីការពារសកម្មជនដីធ្លីចោទមន្ត្រីពន្ធនាគារព្រៃសមណ្ឌលម២ថាមិនយល់នីតិវិធីច្បាប់
មេធាវីការពារក្ដីឲ្យប្រជាពលរដ្ឋដែលមានជម្លោះដីធ្លីជាមួយក្រុមហ៊ុន ឃុន សៀ ស្ថិតនៅសង្កាត់បឹងកក់១ រាជធានីភ្នំពេញ ខកចិត្តចំពោះមន្ត្រីពន្ធនាគារព្រៃសមណ្ឌលម២ ដែលមិនព្រមដោះលែងកូនក្ដីរបស់លោក បើទោះជាមានការសម្រេចពីតុលាការកំពូល ។ មេធាវីការពារក្ដីឲ្យក្រុមគ្រួសារកញ្ញា លី សៀវមិញ ដែលមានជម្លោះដីធ្លីនៅតំបឹងកក់ គឺលោក ជូង ជូងឺ ប្រាប់ VOD ថា នៅថ្ងៃព្រហស្បតិ៍ម្សិលមិញ មន្ត្រីពន្ធនាគារមិនព្រមដោះលែងកូនក្ដីរបស់លោកទេ ខណៈតុលាការកំពូលបានចេញសាលដីកាសម្រេចឲ្យដោះលែងកញ្ញា លី សៀវមិញ នៅរសៀលថ្ងៃទី២៣ ខែមេសា ។ លោកបន្តថា មន្ត្រីពន្ធនាគារព្រៃសនៅមណ្ឌលម២ បានទាមទារឲ្យលោករកឯកសារពីសាលាឧទ្ធរណ៍ និងសាលាដំបូងរាជធានីភ្នំពេញបន្ថែមទៀតទើបអាចដោះលែងបាន ។
-
អង្គការតម្លាភាពអន្តរជាតិអំពាវនាវឲ្យបង្កើតស្ថាប័នប្រឆាំងអំពើពុករលួយសម្រាប់អាស៊ាន
អង្គការតម្លាភាពអន្តរជាតិ នៅថ្ងៃសុក្រនេះបានដាក់បង្ហាញរបាយការណ៍ និងអនុសាសន៍មួយចំនួននៅប្រទេសម៉ាឡេស៊ី ដោយអំពាវនាវឲ្យថ្នាក់ដឹកនាំប្រទេសជាសមាជិកអាស៊ាន ពិចារណាក្នុងការបង្កើតស្ថាប័នប្រឆាំងអំពើពុករលួយថ្នាក់តំបន់មួយ ដោយចាត់ទុកថាជាផ្នែកសំខាន់មួយ នៃសមាហរណកម្មសហគមន៍អាស៊ាន ។
-
អ្នកភូមិនៅស្រុករវៀងខេត្ដព្រះវិហារ តវ៉ាឲ្យក្រុមហ៊ុនចិនបញ្ឈប់ការឈូសឆាយដីពួកគាត់
ប្រជាពលរដ្ឋជាង២៥០នាក់ នៅស្រុករវៀង ខេត្ដព្រះវិហារ នៅព្រឹកថ្ងៃសុក្រនេះ ប្រមូលផ្ដុំគ្នាតវ៉ាប្រឆាំងក្រុមហ៊ុនចិនតៃវ៉ាន់មួយ ដើម្បីទាមទារឲ្យក្រុមហ៊ុននោះបញ្ឈប់គ្រឿងចក្រ ដែលពួកគេចោទថា ឈូសឆាយរំលោភយកដីពួកគាត់ដើម្បីដាំដើមច័ន្ទគ្រឹះស្នា ។ ពលរដ្ឋនៅភូមិឈ្នួន ឃុំរួសរាន់ ស្រុករវៀង លោក វង្ស សុខេងលី ប្រាប់ VOD ថាដីស្រែចម្ការពលរដ្ឋជាច្រើនហិកតា ត្រូវបានក្រុមហ៊ុនចិនតៃវ៉ាន់ឈ្មោះ ភីអ៊ិនធី ឈូសឆាយរំលោភយក ដើម្បីដាំដើមច័ន្ទគ្រឹះស្នា ដោយមិនមានដំណោះស្រាយ ។ លោកថា នៅព្រឹកនេះពួកគាត់ប្រហែលជាង២៥០នាក់ មកពីឃុំរួសរាន់ និងឃុំរៀបរយ ក្នុងស្រុករវាង ធ្វើបាតុកម្មតវ៉ាដើម្បីទាមទារឲ្យក្រុមហ៊ុននេះ បញ្ឈប់សកម្មភាពឈូសឆាយដីធ្លី និងផ្ដល់សំណងពួកគេឲ្យបានសមរម្យ ។
-
អង្គការតម្លាភាពអន្តរជាតិអំពាវនាវឲ្យបង្កើតស្ថាប័នប្រឆាំងអំពើពុករលួយសម្រាប់អាស៊ាន
អង្គការតម្លាភាពអន្តរជាតិ នៅថ្ងៃសុក្រនេះបានដាក់បង្ហាញរបាយការណ៍ និងអនុសាសន៍មួយចំនួននៅប្រទេសម៉ាឡេស៊ី ដោយអំពាវនាវឲ្យថ្នាក់ដឹកនាំប្រទេសជាសមាជិកអាស៊ាន ពិចារណាក្នុងការបង្កើតស្ថាប័នប្រឆាំងអំពើពុករលួយថ្នាក់តំបន់មួយ ដោយចាត់ទុកថាជាផ្នែកសំខាន់មួយ នៃសមាហរណកម្មសហគមន៍អាស៊ាន ។
-
ពលរដ្ឋមកពីខេត្តកោះកុងស្នើក្រសួងឲ្យបញ្ឈប់ការបូមខ្សាច់របស់ក្រុមហ៊ុនវៀតណាម
ប្រជាសហគមន៍ នៅឃុំមួយក្នុងខេត្តកោះកុង រកកិច្ចអន្តរាគមន៍ពីស្ថាប័នជំនាញ និងរដ្ឋសភា ឲ្យបញ្ឈប់ សកម្មភាពបូមខ្សាច់របស់ក្រុមហ៊ុនវៀតណាម ដែលពួកគេចោទថា កំពុងបំផ្លាញធនធានធម្មជាតិ និងបង្កឲ្យខ្មែរជាម្ចាស់ស្រុកបាត់មុខរបរ ។ ប្រាប់អ្នកសារព័ត៌មានមុខក្រសួងរ៉ែ និងថាមពល ក្រោយដាក់ញត្តិរកកិច្ចអន្តរាគមន៍ នាថ្ងៃទី២៣ ខែមេសានេះក្រុមអ្នតវ៉ាអះអាងប្រហាក់ប្រហែលគ្នាថា ក្រុមហ៊ុនវៀតណាមឈ្មោះ International Renbow Co.Ltd បានធ្វើអាជីវកម្មបូមខ្សាច់ ក្នុងឃុំកោះកាពិ ស្រុកកោះកុង ខេត្តកោះកុង ធ្វើឲ្យបាត់បង់ធនធានធម្មជាតិ និងបង្កឲ្យបាត់បង់មុខរបរនេសាទរបស់ពលរដ្ឋជាង៣០០គ្រួសារ នៅតំបន់នោះដោយគ្មានការទប់ស្កាត់ពីអាជ្ញាធរមូលដ្ឋាន ។
-
លោក ហង្ស ពុទ្ធា ត្រូវបានតែងតាំងធ្វើជាអ្នកនាំពាក្យ គ.ជ.ប ថ្មី
លោក ហង្ស ពុទ្ធា ដែលត្រូវបានគណបក្សឈ្នះឆ្នោតទាំងពីរឯកភាពគ្នាជ្រើសរើសជាសមាជិក គ.ជ.ប ថ្មី ត្រូវបានតែងតាំងធ្វើជាអ្នកនាំពាក្យឲ្យស្ថាប័ន គ.ជ.ប ថ្មីនេះ ដើម្បីបង្កលក្ខណៈងាយស្រួលក្នុងការផ្តល់ព័ត៌មានជូនសាធារណៈ និងឆ្លើយតបជាមួយអ្នកសារព័ត៌មាន ។ អនុប្រធានគណៈកម្មាធិការជាតិរៀបចំការបោះឆ្នោតលោក គួយ ប៊ុនរឿន ប្រាប់ VOD នៅថ្ងៃព្រហស្បត្តិ៍នេះថា លោក ហង្ស ពុទ្ធា ត្រូវបានសមាជិក គ.ជ.ប ឯកភាពជាផ្លូវការកាលពីម្សិលមិញ តែងតាំងជាអ្នកនាំពាក្យ ។ លោកបន្តថា មូលហេតុនៃការសម្រេចតែងតាំងនេះ ដោយសារលោក ហង្ស ពុទ្ធា ធ្លាប់មានបទពិសោធន៍ច្រើនទាក់ទងនឹងការបោះឆ្នោត ។
-
អូស្ត្រាលីព្រមានកាត់បន្ថយប្រាក់ឧបត្ថម្ភដល់ជនភៀសខ្លួនដែលបដិសេធមកកម្ពុជា
រដ្ឋមន្ត្រីអន្តោប្រវេសន៍អូស្ត្រាលី លោក ភីធឺ ដត់ថិន (Peter Dutton) ព្រមានជនភៀសខ្លួនដែលកំពុងស្នាក់នៅក្នុងមន្ទីរឃុំឃាំងនៅកោះណាវរូ (Nauru) ដែលបដិសេធមិនព្រមទៅរស់នៅប្រទេសកម្ពុជា នោះថា ពួកគេនឹងទទួលបានប្រាក់ឧបត្ថម្ភតិចតួច។ តាមគម្រោងប្រសិនបើជនភៀសខ្លួនស្ម័គ្រចិត្តទៅរស់នៅកម្ពុជា នោះ ពួកគេនឹងទទួលបានការឧបត្ថម្ភ ដូចជាថវិកា ការងារ ផ្ទះ ការបង្រៀនភាសា និងការធានាបញ្ហាសុខភាពជាដើម។
-
អូស្ត្រាលីអង្វរឲ្យអ្នកស្វែងរកសិទ្ធិជ្រកកោនព្រមមកកម្ពុជា
រដ្ឋមន្ដ្រីក្រសួងអន្តោប្រវេសន៍អូស្ត្រាលីលោក Peter Dutton បានទទូចអង្វរឲ្យអ្នកស្វែងរកសិទ្ធិជ្រកកោននៅលើកោះណូរុឲ្យទទួលយកការតាំងលំនៅថ្មីនៅកម្ពុជាក្នុងសារវីដេអូមួយកាលពីម្សិលមិញ។ លោក Dutton បានរៀបរាប់ក្នុងវីដេអូមួយដែលចេញផ្សាយដោយកាសែត The Guardian ថា៖ «ការតាំងលំនៅនៅកម្ពុជា បានបង្ហាញពីឱកាសដ៏ល្អមួយសម្រាប់ជនភៀសខ្លួន និងជាការចាប់ផ្តើមដំណាក់កាលបន្ទាប់នៃជីវិតរបស់ពួកគេនៅក្នុងប្រទេសមួយ រួចផុតពីការធ្វើទុក្ខបុកម្នេញ»។
-
ក្រសួងការងារយកឱកាសទិវាពលកម្មអន្តរជាតិជួបជុំជាមួយតំណាងកម្មករដើម្បីដោះស្រាយបញ្ហា
ក្រសួងការងារ និងបណ្តុះបណ្តាលវិជ្ជាជីវៈ នឹងរៀបចំឲ្យមានការជួបជុំគ្នារវាងអ្នកតំណាងកម្មករ សហជីពធំៗនិងតំណាងរោងចក្រ ដើម្បីអបអរទិវាពលកម្មអន្តរជាតិ១ ឧសភា និងដើម្បីយកឱកាសក្នុងការដោះស្រាយបញ្ហាកង្វល់របស់កម្មករផងដែរ។
-
គ្រួសារទាហានមួយក្រុមស្នើរដ្ឋសភាទប់ស្កាត់ការបណ្តេញចេញពីលំនៅឋាន
ពលរដ្ឋមួយក្រុមដែលអះអាងថា ជាគ្រួសារទាហានរកកិច្ចអន្តរាគមន៍ពីរដ្ឋសភានៅថ្ងៃនេះ ប្រឆាំងនឹងការបណ្តេញចេញពីលំនៅឋាន ដោយពួកគេសំអាងថា បានរស់នៅលើដីនោះជាង២០ឆ្នាំហើយ តែអាជ្ញាធរបញ្ជាឲ្យរុះរើនៅត្រឹមចុងខែមេសានេះ ។ ក្រុមស្ត្រីអ្នកតវ៉ាប្រាប់អ្នកសារព័ត៌មានមុខមន្ទីរដ្ឋសភា នាថ្ងៃទី២៣ ខែមេសា ឆ្នាំ២០១៥នេះថា ពួកគេបានមករស់នៅទីតាំងឃ្លាំងមួយកន្លែង ស្ថិតក្នុងភូមិដីថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ អំឡុងឆ្នាំ១៩៨៨ និង៨៩ ដោយមានការអនុញ្ញាតពីអគ្គមេបញ្ជាការរបស់ខ្លួន ។
-
អាជ្ញាធរពន្យល់ពលរដ្ឋប៉ះពាល់គម្រោងផ្លូវរថភ្លើង
អាជ្ញាធរខេត្តបន្ទាយមានជ័យ គ្រោងចុះផ្សព្វផ្សាយគោលនយោបាយថ្មីនៃការដោះស្រាយផលប៉ះពាល់ គម្រោងស្តារផ្លូវរថភ្លើងកម្ពុជា ដល់ប្រជាពលរដ្ឋប្រមាណ ៩០០ គ្រួសារ ដែលរស់នៅតាមបណ្ដោយផ្លូវដែក ពីព្រំប្រទល់ខេត្តបាត់ដំបង រហូតដល់ក្រុងប៉ោយប៉ែត ជាប់ព្រំប្រទល់ខេត្តស្រះកែវ ប្រទេសថៃ។ លោក ចុង ផែន អភិបាលរងខេត្តបន្ទាយមានជ័យ បានថ្លែងថា គម្រោងស្តារផ្លូវដែកកម្ពុជា ជាផ្នែកមួយនៃគម្រោងផ្លូវដែក អាស៊ាន-ចិន ដែលតភ្ជាប់ពីប្រទេសសិង្ហបុរី-គុនមិញ បានរាំងស្ទះសកម្មភាពរបស់ខ្លួនច្រើនជាងគេនៅកម្ពុជា ដែលចាំបាច់ត្រូវដោះស្រាយផលប៉ះពាល់ ឲ្យបានឆាប់រហ័ស ដើម្បីឲ្យគម្រោងនេះបានប្រព្រឹត្តទៅដោយ និងឲ្យបានជោគជ័យតាមការគ្រោងទុក។
គាំទ្រដោយ
