កំពុងស្វែងរកទិន្នន័យ
រកឃើញ: 12.457
-
កម្មកររោងចក្រស្មាតស៊ើតស៍ហែក្បួនសុំអន្តរាគមន៍ពីខុទ្ទកាល័យលោកនាយករដ្ឋមន្ត្រី
កម្មករកម្មការិនីនៃក្រុមហ៊ុន ស្មាត ស៊ើតស៍ (Smart Shirts Garment Manufacturing Cambodia) ប្រមាណ ១០០នាក់ ហែក្បួនសុំអន្តរាគមន៍រឿងវិវាទការងារក្នុងរោងចក្រពីខុទ្ទកាល័យលោកនាយករដ្ឋមន្ត្រី ហ៊ុន សែន នៅថ្ងៃទី២៦ កុម្ភៈ។ អនុប្រធានសហព័ន្ធសហជីពសំឡេងកម្មករកម្ពុជា ឃិន ណាំហោ ថ្លែងថា ក្រុមកម្មករស្នើសុំលោកនាយករដ្ឋមន្ត្រី ហ៊ុន សែន ជួយដោះស្រាយលក្ខខណ្ឌការងារដែលក្រុមហ៊ុនមិនទាន់អនុវត្តតាមសេចក្តីបញ្ជាក្រុមប្រឹក្សាអាជ្ញាកណ្ដាល៖ «លុយព្រីមលុយថ្ងៃ ក្រុមហ៊ុនត្រូវតែរក្សាជូន លុយព្រីមត្រូវកាត់តាមរូបមន្តសមាមាត្រ និងទទួលតំណាងកម្មករបួនរូបចូលធ្វើការវិញ ព្រមជាមួយបងប្អូនកម្មករ»។
-
លោក ស ខេង ថាការបណ្តេញលោកអាឡិចមិនមែនប្រឆាំងនឹងសកម្មជនបរិស្ថាននោះទេ
រដ្ឋមន្រ្តីក្រសួងមហាផ្ទៃ លោក ស ខេង នៅថ្ងៃព្រហស្បតិ៍នេះ បានបដិសេធនឹងការចោទប្រកាន់ថាការបណ្តេញសកម្មជនតំបន់អារ៉ែង លោកអាឡិចហ្សង់ដ្រូ ហ្គន់សាឡេស ដេវិតសិន(Alejandro Gonzalez Davidson) ដែលជាជនជាតិអេស្ប៉ាញ ជារឿងប្រឆាំងនឹងសកម្មជនបរិស្ថាន។ លោកអាឡិចត្រូវបានចាប់ខ្លួនរាជធានីភ្នំពេញកាលពីរសៀលថ្ងៃចន្ទ ទី២៣ខែកុម្ភៈ ហើយត្រូវបានបញ្ជូនចេញពីប្រទេសកម្ពុជានៅពេលយប់ថ្ងៃចន្ទដដែល។
-
ក្រសួងមហាផ្ទៃថាការកេងប្រវ័ញ្ចនិងរំលោភផ្លូវភេទលើកុមារមានការកើនឡើង
ដ្ឋមន្ត្រីក្រសួងមហាផ្ទៃឲ្យដឹងថា ករណីកេងប្រវ័ញ្ច និងបំពាបំពានផ្លូវភេទលើកុមារក្នុងឆ្នាំ២០១៤ កន្លងទៅមានការកើនឡើងដែលជនល្មើសភាគច្រើនគឺជាជនបរទេស។ ការបង្ហាញរបាយការណ៍នេះធ្វើឡើងក្នុងសិក្ខាសាលាថ្នាក់ជាតិស្តីពី "ការលុបបំបាត់ការកេងប្រវ័ញ្ចផ្លូវភេទលើកុមារ និងការអនុវត្តទោសបន្ថែម" នាព្រឹកថ្ងៃព្រហស្បតិ៍ ទី២៦ ខែកុម្ភៈ ។
-
សង្គមស៊ីវិលថ្កោលទោសគណបក្សនយោបាយបញ្ចូលមន្ដ្រីតុលាការ និងកងប្រដាប់អាវុធក្នុងជួរបក្ស
បណ្ដាញអង្គការសង្គមស៊ីវិលប្រមាណ១៧ នៅថ្ងៃព្រហស្បតិ៍នេះបានថ្កោលទោសចំពោះគណបក្សនយោបាយដែលបញ្ចូលមន្ដ្រីតុលាការ និងកងកម្លាំងប្រដាប់អាវុធទៅក្នុងជួរគណបក្សនយោបាយរបស់ខ្លួន ដោយចាត់ទុកថានេះការរំលោភលើរដ្ឋធម្មនុញ្ញ នីតិរដ្ឋ គោលការណ៍ប្រជាធិបតេយ្យ ការបោះឆ្នោតដោយសេរី និងយុត្ដិធម៌។ អង្គការទាំង១៧នោះមានដូចជាអង្គការខុមហ្រ្វែល និចហ្វិច លីកាដូ មជ្ឈមណ្ឌលសិទ្ធិមនុស្សកម្ពុជា និងសមាគមអាដហុកជាដើម។
-
សហគមន៍ SOS ដាក់ញត្តិទៅ IFC ស្នើសុំជួយដោះស្រាយផលប៉ះពាល់ដីធ្លី
ពលរដ្ឋសហគមន៍ អេស.អូ.អេស (SOS) រស់នៅជាប់របងព្រលានយន្តហោះអន្តរជាតិភ្នំពេញ ប្រមាណ ១០នាក់ ដាក់ញត្តិទៅសាជីវកម្មហិរញ្ញវត្ថុអន្តរជាតិ ហៅកាត់ថា អាយ.អេហ្វ.ស៊ី (IFC) នៅព្រឹកថ្ងៃទី២៦ ខែកុម្ភៈ ស្នើសុំឲ្យសហការជាមួយសហគមន៍ ដើម្បីស្វែងរកដោះស្រាយសមរម្យ និងផ្តល់យុត្តិធម៌ចំពោះការពង្រីកព្រលានយន្តហោះអន្តរជាតិភ្នំពេញ ដែលធ្វើឲ្យប៉ះពាល់ដីធ្លីពលរដ្ឋជាង ៦០០គ្រួសារ។
-
សមាគមរោងចក្រកាត់ដេរស្នើឲ្យសហជីពបង្ហាញភ័ស្តុតាងបន្ថែម ករណីគំរាមសម្លាប់
សមាគមរោងចក្រកាត់ដេរនៅកម្ពុជា(GMAC) ស្នើឲ្យលោក ប៉ាវ ស៊ីណា ប្រធានសម្ព័ន្ធសហជីពចលនាកម្មករ បង្ហាញភ័ស្ដុតាងឲ្យបានច្បាស់ ពាក់ព័ន្ធនឹងករណីគំរាមសម្លាប់រូបលោកកាលពីពេលថ្មីៗនេះ។ សេចក្ដីថ្លែងការណ៍របស់សមាគមរោងចក្រកាត់ដេរនៅកម្ពុជា ចុះថ្ងៃទី២៦ ខែកុម្ភៈ ឲ្យដឹងថាភ័ស្ដុតាងជាខ្សែអាត់សំឡេងដែលលោក ប៉ាវ ស៊ីណា បង្ហាញតាមរយៈការចុះផ្សាយព័ត៌មានកន្លងមក គឺស្ដាប់មិនច្បាស់ ហើយមិនគួរឲ្យជឿទុកចិត្ត។ សេចក្តីថ្លែងការណ៍បន្តថាសំឡេងនេះធ្វើឡើង ដើម្បីតែគាំទ្រការចោទប្រកាន់ប៉ុណ្ណោះ។
-
នាយករដ្ឋមន្ត្រីរំឭកជាថ្មីថាការទទួលយកជនភៀសខ្លួនពីអូស្ត្រាលីគឺតាមស្ម័គ្រចិត្ត
លោកនាយករដ្ឋមន្ត្រី ហ៊ុន សែន បានរំឭកជាថ្មីនៅថ្ងៃទី២៦ កុម្ភៈ ថា ការទទួលជនភៀសខ្លួនពីប្រទេសអូស្ត្រាលី មកកម្ពុជា គឺធ្វើឡើងតាមរូបភាពនៃការស្ម័គ្រចិត្ត មិនមែនជាការចាប់បង្ខំនោះទេ។ ប៉ុន្តែ អង្គការសង្គមស៊ីវិលយល់ឃើញថា ទោះជាការទទួលយកនោះតាមរូបភាពណាក៏ដោយ ក៏មិនត្រឹមត្រូវដែរ ព្រោះប្រជាពលរដ្ឋកម្ពុជា ប្រមាណ ៦០% ឋិតនៅក្នុងក្រុមប្រជាពលរដ្ឋងាយរងគ្រោះនៅឡើយ។ សំណុំរឿងជនភៀសខ្លួនពីប្រទេសអូស្ត្រាលី គឺជាបញ្ហារសើបមួយ ដែលមជ្ឈដ្ឋាននានាបានចោទប្រកាន់រាជរដ្ឋាភិបាលកម្ពុជា ថា ខ្វះការទទួលខុសត្រូវចំពោះប្រជាពលរដ្ឋរបស់ខ្លួន ហើយបែរជាយកចិត្តទុកដាក់លើប្រជាពលរដ្ឋដទៃមកជំនួសវិញ។
-
Freedom House ឲ្យចំណាត់ថ្នាក់កម្ពុជាក្នុងចំណោមប្រទេសមិនមានសេរីភាព
របាយការណ៍ប្រចាំឆ្នាំ ដែលចេញដោយអង្គការ Freedom House ដែលមានមូលដ្ឋាននៅអាមេរិក បានបង្ហាញថា ក្នុងឆ្នាំ២០១៤ សេរីភាពនៅលើសកលលោកមានការធ្លាក់ចុះ និងមានស្ថានភាពអាក្រក់។ ក្រុម នេះបាននិយាយនៅក្នុងរបាយការណ៍ដែលចេញនៅក្នុងឆ្នាំ២០១៥នេះថា ក្នុងរយៈពេលប្រាំបួនឆ្នាំជាប់គ្នា សេរីភាពនៅលើពិភពលោកបានធ្លាក់ចុះ។ ប្រទេសកម្ពុជាត្រូវបានក្រុមនេះចាត់ចូលក្នុងចំណោមប្រទេសដែល «មិនមានសេរីភាព»ទាំងនោះដែលជាការកើនឡើងនូវកង្វល់។
-
សភាពអឺរ៉ុបចុះអង្កេតនិងស្រាវជ្រាវព័ត៌មានពីជម្លោះដីធ្លីនៅភូមិឡពាង
សហភាពអឺរ៉ុប នៅរសៀលថ្ងៃពុធនេះ បានចុះជួបប្រជាពលរដ្ឋអ្នកមានជម្លោះដីធ្លីនៅភូមិឡពាង ឃុំតាជេស ស្រុកកំពង់ត្រឡាច ខេត្ដកំពង់ឆ្នាំង ដើម្បីអង្កេតស្រាវជ្រាវប្រមូលព៌ត័មានបន្ថែម និងដោះស្រាយជូនប្រជាពលរដ្ឋ។ តំណាងប្រជាពលរដ្ឋនៅ ភូមិឡពាងលោក ស្ងួន ញួង ប្រាប់ VOD នៅថ្ងៃពុធនេះថា សហភាពអឺរ៉ុបបានចុះជួបប្រជាពលរដ្ឋមានជំម្លោះដីធ្លីនៅឡពាងដើម្បីស្រាវជ្រាវស៊ើបអង្កេតពីផលប៉ះពាល់រវាងដីធ្លីរបស់ប្រជាពលរដ្ឋជាមួយក្រុមហ៊ុន KDC របស់លោកស្រី ជា ខេង ភរិយាលោក ស៊ុយ សែម រដ្ឋមន្ត្រីក្រសួងរ៉ែ និងថាមពល ។
-
អ្នកបុរីកីឡាតវ៉ាទាមទារដំណោះស្រាយដីធ្លីពីសាលារាជធានីភ្នំពេញ
អ្នកបុរីកីឡា ក្រុម ៣មករា ដែលមានការចូលរួមពីពលរដ្ឋនៃសហគមន៍ អេស.អូ.អេស (SOS) ប្រមាណ ៣០នាក់ ប្រមូលផ្តុំគ្នានៅខាងមុខសាលារាជធានីភ្នំពេញ ដើម្បីទាមទារដំណោះស្រាយដីធ្លីពួកគាត់ នៅព្រឹកថ្ងៃទី២៥ ខែកុម្ភៈ។ តំណាងសហគមន៍ លោកស្រី ជុំ ង៉ាន់ ថ្លែងថា ពួកគាត់រង់ចាំដំណោះស្រាយពីប្រធានរដ្ឋបាលនៃសាលារាជធានីភ្នំពេញ លោក មាស យ៉ាដា អស់ជាច្រើនខែមកហើយ ប៉ុន្តែមិនមានលេចជាផ្លែផ្កាណាមួយដែលពួកគាត់អាចសង្ឃឹមបានឡើយ៖ «ថ្ងៃហ្នឹងពួកខ្ញុំចូល ពួកខ្ញុំក៏លែងហ៊ានចូល ព្រោះសាលារាជធានីភ្នំពេញគាត់បានតែភូតខ្ញុំហ្នឹង អត់ដោះស្រាយសោះ បើសិនបុរីកីឡាទាំងមូល គាត់ដោះស្រាយឲ្យអ្នកណា សូម្បីតែម្នាក់ ពួកខ្ញុំអត់មកដែរ»។
-
ពលរដ្ឋជាង១០០នាក់នៅក្រុងសៀមរាបតវ៉ាបិទផ្លូវប្រឆាំងអាជ្ញាធរអប្សរារុះរើផ្ទះ
ប្រជាពលរដ្ឋជាង ១០០នាក់ នៅភូមិព្រៃគុយ សង្កាត់អំពិល ក្រុងសៀមរាប បានលើកគ្នាតវ៉ាបិទកំណាត់ផ្លូវអប្សរា កែងនឹងផ្លូវទៅភូមិត្រាំនាគ មិនឱ្យរថយន្តគ្រប់ប្រភេទចេញចូលបានទេចាប់តាំងពីថ្ងៃត្រង់ ថ្ងៃទី២៥ ខែកុម្ភៈ។ ការបិទផ្លូវនេះ បន្ទាប់ពីក្រុមអ្នកភូមិលើកគ្នាទៅតវ៉ានៅសាលាខេត្តសៀមរាប ដើម្បីឱ្យជួយអន្តរាគមន៍កុំឱ្យអាជ្ញាធរអប្សរារុះរើផ្ទះរបស់ពួកគេតទៅទៀត ក៏ប៉ុន្តែមិនទទួលបានលទ្ធផលអ្វីទាល់តែសោះ។ កាលពីថ្ងៃទី២៤ កុម្ភៈ ម្សិលមិញនេះ អាជ្ញាធរបានចុះរុះរើផ្ទះជាង ២០ខ្នង ដោយចោទប្រកាន់ថា ពលរដ្ឋបានសាងសង់នៅបរិវេណដីបុរីវប្បធម៌និងទេសចរណ៍គ្រប់គ្រងដោយអាជ្ញាធរអប្សរា។
-
អ្នកភូមិបិទផ្លូវជំរុញឲ្យអាជ្ញាធរដោះស្រាយជម្លោះដីធ្លីជាមួយអាជ្ញាធរជាតិអប្សរា
ប្រជាពលរដ្ឋជាងមួយរយនាក់ នៅសង្កាត់អំពិល ក្រុងសៀមរាប ខេត្ដសៀមរាប នាព្រឹកថ្ងៃពុធនេះ ប្រមូលផ្ដុំគ្នាបិទផ្លូវជាតិ ដើម្បីជំរុញឲ្យអាជ្ញាធរខេត្ដនេះ ជួយរកដំណោះស្រាយជូនពួកគេ ករណីជម្លោះដីធ្លីជាមួយអាជ្ញាធរជាតិអប្សរា។ ការតវ៉ានេះ កើតឡើងបន្ទាប់ពីអាជ្ញាធរជាតិអប្សរា ចុះរុះរើលំនៅដ្ឋានពួកគេចំនួន២៤ខ្នងផ្ទះ និងបានយកគ្រឿងចក្រឈូសឆាយដីពួកគេ ខណៈដែលពួកគាត់ទៅរកអន្ដរាគមន៍ពីអាជ្ញាធរខេត្ដសៀមរប ឲ្យជួយដំណោះស្រាយ។
-
សង្គមស៊ីវិលរិះគន់សម្តីលោក ហ៊ុន សែន ដែលព្រមានបាញ់កាំជ្រួចហ្វូងចូលតំបន់អារ៉ែងខេត្តកោះកុង
មន្ត្រីសង្គមស៊ីវិលនៅថ្ងៃពុធនេះ រិះគន់វោហាសាស្ត្ររបស់លោកនាយករដ្ឋមន្ត្រី ហ៊ុន សែន ករណីព្រមានប្រើកាំជ្រួចហ្វូងបាញ់ចូលទៅតំបន់អារ៉ែង ខេត្តកោះកុង ថាជាការបញ្ចេញមតិទាំងកំហឹង និងហិង្សា។ ការរិះគន់នេះធ្វើឡើងបន្ទាប់ពីលោក ហ៊ុន សែន មានប្រសាសន៍នៅក្នុងពិធីទិវាជាតិទីក្រុងស្អាត កាលពីថ្ងៃ២៤ ខែកុម្ភៈ ឆ្នាំ២០១៥ ម្សិលមិញថានឹងប្រើកាំភ្លើងធុនធ្ងន់បាញ់ចូលទៅតំបន់អារ៉ែង ប្រសិនបើមានបុគ្គលណាមួយយកទីតាំងនោះធ្វើជាតំបន់អបគមន៍ ។ លោកមានប្រសាសន៍ថា «បើចង់បង្កើតអបគមន៍សូមអញ្ជើញ ដាក់ BM21 ឥឡូវទាន់មានធុនថ្មីៗផង យ៉ាប់ពេកហ្មង តែគេមិនចោទដល់ថ្នាក់ប៉ុណ្ណឹង ប៉ុន្តែដល់ពេលថា្នក់ហ៊ាន គេគ្រាន់តែទៅសិក្សាពិនិត្យមើល ហ៊ានចាប់គេដែរ» ។
-
អ្នកដែលបានបណ្តេញចេញជាង៣ឆ្នាំប្រមូលផ្តុំគ្នាម្តងទៀត រំឭកការឈឺចាប់មុខសាលារាជធានីភ្នំពេញ
តំណាងអ្នកមានជម្លោះដីធ្លី បង្ហាញការខកចិត្តម្តងទៀតនៅថ្ងៃពុធនេះ នូវអ្វីដែលពួកគេចោទថា សាលារាជធានីភ្នំពេញ ហាក់គេចវេសពីការទទួលខុសត្រូវ រកដំណោះស្រាយរឿងជម្លោះដីធ្លី ខណៈអ្នកភូមិត្រូវបានបណ្តេញចេញជាង៣ឆ្នាំមិនទាន់ត្រូវបានដោះស្រាយ ។ តំណាងអ្នកតវ៉ាម្នាក់ក្នុងចំណោមតំណាងជិត២០នាក់ផ្សេងទៀត គឺអ្នកស្រី ជុំ ង៉ាន់ ប្រាក់អ្នកសារព័ត៌មាន ពេលប្រមូលប្រមូលផ្តុំមុខសាលារាជធានីភ្នំពេញ នៅថ្ងៃទី២៥ ខែកុម្ភៈ ឆ្នាំ២០១៥នេះថា ជាង៣ឆ្នាំនេះពួកគេបាត់បង់ផ្ទះសម្បែង ដីធ្លីមុខរបរ និងទ្រព្យសម្បត្តិមួយចំនួនទៀត ដោយសារក្រុមហ៊ុនផានអ៊ីមិច ដែលសហការជាមួយអាជ្ញាធររាជធានីភ្នំពេញ បណ្តេញពួកគេចេញទាំងបង្ខំ ។
-
អាជ្ញាធរចាប់ជនជាតិម៉ុងតាញ៉ាបួននាក់បញ្ជូនទៅវៀតណាមវិញ
មន្ត្រីឃ្លាំមើលការរំលោភសិទ្ធិមនុស្សបានអះអាងនៅថ្ងៃពុធនេះថា អាជ្ញាធរខេត្តរតនគិរីបានចាប់បង្ខំបញ្ជូនចេញជនជាតិភាគតិចចារ៉ាយឬម៉ុង តាញ៉ា មកពីប្រទេសវៀតណាមចំនួន៤នាក់ទៅឱ្យអាជ្ញាធរវៀតណាមវិញក្រោយពីបានមកសំងំលាក់ខ្លួននៅក្នុងព្រៃនៃខេត្តរតនគិរីដើម្បីគេចចេញពីការធ្វើទុក្ខបុកម្នេញពីអាជ្ញាធរវៀតណាម។
-
តំណាងក្រុមហ៊ុនលោក លី យ៉ុងផាត់ ជួបអ្នកភូមិនៅស្រុកឱរ៉ាល់ដោះស្រាយបញ្ហាដី
ប្រជាពលរដ្ឋដែលមានទំនាស់ដីជាមួយក្រុមហ៊ុន ភ្នំពេញ ស៊ូហ្គើរ (Phnom Penh Sugar) របស់លោក លី យ៉ុងផាត់ ប្រមាណជាង ២០០នាក់ មកពី ៩ភូមិ ក្នុងឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ នៅថ្ងៃទី២៥ កុម្ភៈ បានជួបជាមួយតំណាងក្រុមហ៊ុននៅវត្តត្រពាំងជោ ដើម្បីជជែកដោះស្រាយបញ្ហាដីធ្លី។ ប្រជាពលរដ្ឋបានលើកបញ្ហាសំខាន់ៗចំនួន ៣ចំណុចស្នើទៅដល់ក្រុមហ៊ុន។ ទី១ ពួកគាត់ទាមទារឲ្យក្រុមហ៊ុនប្រគល់ដីមកឲ្យពួកគាត់វិញ។ ទី២ ទាមទារឲ្យក្រុមហ៊ុនសងខាងខូចខាត ដោយសារក្រុមហ៊ុនធ្វើឲ្យពួកគាត់បាត់បង់មុខរបរសម្រាប់ជីវភាពប្រចាំថ្ងៃ និងទី៣ ទាមទារឲ្យក្រុមហ៊ុនគិតគូរដោះស្រាយជីវភាព និងសងសំណងដល់គ្រួសារដែលក្រុមហ៊ុនបណ្ដេញចេញកន្លងមក។
-
តំណាងពលរដ្ឋមានបញ្ហាដី១៩សហគមន៍នៅខេត្តព្រះសីហនុតវ៉ាទាមទាររកដំណោះស្រាយ
តំណាងប្រជាពលរដ្ឋមានជម្លោះដីធ្លីនៅខេត្តព្រះសីហនុ ១៩សហគមន៍ មានគ្នាប្រមាណជិត ៦០នាក់ នៅព្រឹកថ្ងៃទី២៤ កុម្ភៈ បានប្រមូលផ្ដុំគ្នាតវ៉ានៅមុខសាលាខេត្តព្រះសីហនុ ទាមទារឲ្យអាជ្ញាធរខេត្តនេះអន្តរាគមន៍ដោះស្រាយបញ្ហាទំនាស់ដីធ្លីរ៉ាំរ៉ៃ ហើយមិនមានដំណោះស្រាយ។ បន្ទាប់ពីមានការតវ៉ា ដោយមានលើកបដា និងរូបថតលោកនាយករដ្ឋមន្ត្រី ហ៊ុន សែន និង ភរិយា អភិបាលរងខេត្តព្រះសីហនុ លោក ស៊្រុន ស៊្រន់ បានអនុញ្ញាតឲ្យតំណាងពលរដ្ឋទាំង ១៩សហគមន៍ចូលជួបពិភាក្សា និងបានទទួលយកញត្តិពីពលរដ្ឋដើម្បីទៅពិនិត្យនិងដោះស្រាយនៅពេលក្រោយ។
-
ពលរដ្ឋប្រមាណ២០០គ្រួសារនៅពោធិ៍សាត់បារម្ភបាត់បង់លំនៅឋានដោយគម្រោងអភិវឌ្ឍន៍
ប្រជាពលរដ្ឋប្រមាណ ២០០គ្រួសារដែលសង់ផ្ទះ និងខ្ទមរស់នៅក្នុងព្រៃក្បែរល្អាងបុរាណធម្មជាតិរំលេច ឋិតនៅឃុំក្រពើពីរ ស្រុកវាលវែង ខេត្តពោធិ៍សាត់ ព្រួយបារម្ភពីសុវត្ថិភាពនៃការតាំងទីលំនៅរបស់ខ្លួន ខណៈអាជ្ញាធរ និងមន្ត្រីជំនាញទប់ស្កាត់សកម្មភាពទន្ទ្រានដីព្រៃបន្ថែម ដែលនាំឲ្យប៉ះពាល់ដល់ល្អាង ហើយគ្រោងអភិវឌ្ឍតំបន់នោះទៅជាតំបន់ទេសចរណ៍។ មុននឹងធ្វើដំណើរដល់លំនៅឋានរបស់អ្នកភូមិ ឬល្អាងបុរាណធម្មជាតិរំលេច នេះ គេត្រូវធ្វើដំណើរកាត់តាមផ្លូវក្រាលកៅស៊ូ និងក្រួសក្រហមជាង ៦០គីឡូម៉ែត្រពីទីរួមខេត្តពោធិ៍សាត់ មកដល់ចំណុចភូមិអូរដីកា នៃឃុំក្រពើពីរ ទើបបន្តដំណើរចូលព្រៃកាត់តាមជ្រលងអូរ និងឡើងភ្នំជិត ៨គីឡូម៉ែត្រទៀត។
-
លីកាដូ និងUN នឹងតាមដានករណីគំរាមសម្លាប់មេដឹកនាំសហជីព
មេដឹកនាំសហជីព និងជាប្រធានសម្ព័ន្ធសហជីពចលនាកម្មករ លោក ប៉ាវ ស៊ីណា ឲ្យដឹងថាអង្គការលីកាដូ និងអង្គការសហប្រជាជាតិប្រចាំនៅកម្ពុជា នឹងតាមដានករណីគំរាមសម្លាប់រូបលោក ក្រោយពីលោកបានដាក់ពាក្យបណ្តឹងទៅក្រសួងមហាផ្ទៃឲ្យអន្តរាគមន៍លើករណីនេះ។ លោក ប៉ាវ ស៊ីណា មានប្រសាសន៍ថាលោកបានជួបពិភាក្សាកាលពីថ្ងៃចន្ទជាមួយមន្រ្តីអង្គការលីកាដូ និងមន្រ្តីអង្គការសហប្រជាជាតិប្រចាំនៅកម្ពុជា ដោយអង្គការទាំងពីរបានសន្យាថានឹងស៊ើបអង្កេតលើករណីគំរាមសម្លាប់រូបលោក។ លោកប៉ាវ ស៊ីណា បាននិយាយថា«ម្សិលមិញខ្ញុំបានជួបជាមួយអង្គការលីកាដូ និង យូអិន អង្គការទាំង២ហ្នឹងគាត់នឹងជួយតាមដាននូវសំណុំរឿងនេះ ហើយគាត់នឹងបន្ដឃ្លាំមើលទៀតជាមួយសមត្ថកិច្ចក្រោយពីយើងដាក់ពាក្យបណ្ដឹង»។