កំពុងស្វែងរកទិន្នន័យ
រកឃើញ: 13.209
-
បណ្ដាញព្រះសង្ឃស្នើឲ្យរដ្ឋាភិបាលពិនិត្យបញ្ហាគាបសង្កត់ក្នុងវត្ត២នៅបាត់ដំបង
បណ្តាញព្រះសង្ឃឯករាជ្យ ស្នើរាជរដ្ឋាភិបាលដោះស្រាយបញ្ហានៅក្នុងវត្តដំណាក់បេង និងអន្តរាគមន៍បញ្ឃប់ការរំលោភបំពានមកលើវត្តភ្នំខ្ពស់ដែលត្រូវគេអះអាងថាចៅអធិការវត្តត្រូវបានបញ្ឈប់ព្រោះរឿងនយោបាយ។ ស្ថាបនិកបណ្តាញព្រះសង្ឃឯករាជ្យព្រះតេជគុណ ប៊ុត ប៊ុនតិញ មានសង្ឃដីកានៅក្នុងសន្និសីទ្ធសារព័ត៌មាននៅភោជនីយដ្ឋានបៃតង នារសៀលថ្ងៃអង្គារនេះថា ទង្វើរបស់មន្ត្រីសង្ឃក្នុងខេត្តបាត់ដំបង ដែលព្រះតេជគុណអះអាងថាបានរួមដៃជាមួយមន្ទីរធម្មការ និងសាសនាជាបញ្ហាខុសឆ្គង។
-
អ្នកភូមិបឹងកក់តវ៉ាឲ្យសាលារាជធានីដាក់ពលរដ្ឋ១៥គ្រួសារបន្ថែមចូលក្នុងដីទំហំ១២,៤៤ហិកតា
អ្នកភូមិបឹងកក់ អតីតបឹងកក់ បុរីកីឡា និងសហគមន៍មានបញ្ហាដីធ្លីផ្សេងទៀត ប្រមាណជា៦០នាក់តវ៉ានៅមុខសាលារាជធានី នៅព្រឹកថ្ងៃចន្ទនេះ ដើម្បីទាមទារឲ្យលោក ប៉ា សុជាតិវង្ស អភិបាលរាជធានីភ្នំពេញ ដាក់បញ្ចូលពលរដ្ឋនៅភូមិ១ ចំនួន១៥គ្រួសារចូលទៅក្នុងដីទំហំ១២,៤៤ហិកតា។ ពលរដ្ឋតំបន់បឹងកក់លោក ចាន់ ពុទ្ធិស័ក្ត ចោទថាសាលារាជធានីភ្នំពេញមានពាក់ព័ន្ធនឹងអំពើពុករលួយ ខណៈស្ថាប័ននេះមិនព្រមគោរពតាមសេចក្តីសម្រេចរបស់លោកនាយករដ្ឋមន្ត្រីហ៊ុន សែន ដែលលោកបានចេញអនុក្រឹត្យថាកាត់ដី១២,៤៤ហិកតា ឲ្យប្រជាពលរដ្ឋដែលរងគ្រោះពិតប្រាកដ តែដល់ពេលនេះសាលារាជធានី បែរជាមិនទទួលខុសត្រូវលើពលរដ្ឋ១៥គ្រួសារនៅក្នុងភូមិ១ក្រុម៨។
-
មនុស្សជិត២០នាក់របួសក្នុងពេលកម្លាំងសន្តិសុខវាយបំបែកអ្នកតវ៉ារឿងដី
មានមនុស្សចំនួនជិត ២០នាក់ រងរបួសនៅក្នុងពេលកងសន្តិសុខខណ្ឌដូនពេញប្រើកម្លាំងដោយហិង្សាវាយបំបែកលើអ្នកតវ៉ារឿងដីធ្លីមកពីខេត្តព្រះវិហារ នៅថ្ងៃទី២០ តុលា។ ក្នុងចំណោមអ្នករងរបួស គឺមានកុមារផង។ ពលរដ្ឋដែលមានបញ្ហាដីធ្លីនៅឃុំកន្ទួត ស្រុកជាំក្សាន្ត ខេត្តព្រះវិហារ ជិត ១០០នាក់ នាំគ្នាព្យាយាមយកលិខិតសុំអន្តរាគមន៍ដោះស្រាយទំនាស់ដីធ្លីនៅខុទ្ទកាល័យលោកនាយករដ្ឋមន្ត្រី ហ៊ុន សែន ប៉ុន្តែកងសន្តិសុខរារាំងនៅសួនច្បារនាគបាញ់ទឹកខាងកើតវិមានឯករាជ្យ បានរារាំងក្បួនអ្នកតវ៉ាដោយមិនឲ្យចូលទៅជិតផ្ទះលោកនាយករដ្ឋមន្ត្រីឡើយ។
-
អ្នកមានជម្លោះដីធ្លីរបួសធ្ងន់ និងស្រាល ក្រោយការបង្រ្កាប
សមត្ថកិច្ចរាជធានីភ្នំពេញ នៅរសៀលថ្ងៃចន្ទនេះ ចាប់ផ្តើមបង្រ្កាបអ្នកមានជម្លោះដីធ្លីខេត្តព្រះវិហារដែលតវ៉ាសុំអន្តរាគមន៍ពីនាយករដ្ឋមន្រ្តី បណ្តាលឲ្យមនុស្សមួយចំនួនរងរបួសធ្ងន់ និងស្រាល។ នៅព្រឹកថ្ងៃចន្ទនេះ ប្រជាពលរដ្ឋមានទំនាស់ដីធ្លីមកពីខេត្តព្រះវិហារប្រមាណ២០០នាក់ បានដើរហែញត្តិនៅក្នុងរាជធានីភ្នំពេញ ដើម្បីរកដំណោះស្រាយបញ្ហាដីធ្លីរបស់ខ្លួន។ប្រជាពលរដ្ឋមានបំណងសុំអន្តរាគមន៍ពីលោកនាយករដ្ឋមន្ត្រី ហ៊ុន សែន និងស្ថានទូតនានានៅក្នុងប្រទេសកម្ពុជាក្នុងការជំរុញឲ្យមានការចេញប្លង់កម្មសិទ្ធិជូនពួកគាត់។
-
កម្មកររោងចក្រ Grand Twins ជាង៤ពាន់នាក់តវ៉ាទាមទារប្រាក់អតីតភាព និងលក្ខខណ្ឌការងារ
កម្មកររោងចក្រ Grand Twins ជាង៤ពាន់នាក់ នៅថ្ងៃចន្ទនេះ ផ្ទុះការតវ៉ានៅមុខរោងចក្រដើម្បីទាមទារឲ្យរោងចក្រផ្ដល់ប្រាក់អតីតភាពការងារ និងលក្ខខណ្ឌការងារសមរម្យមួយចំនួន ។ កម្មករចូលរួមការតវ៉ា កញ្ញា ស៊ីណា ប្រាប់VODឲ្យដឹងថា ក្រុមកម្មករធ្វើការប្រមូលផ្ដុំដើម្បីទាមទារប្រាក់អតីភាពការងារ ដោយសាររោងចក្រនេះបានប្ដូរឈ្មោះ «សុំសងសំណងដល់កម្មករពេលដែលរោងចក្រដូរឈ្មោះពី QMI មក Grand Twins។
-
ពលរដ្ឋមានទំនាស់ដីធ្លីមកពីព្រះវិហារតវ៉ាទាមទារប្លង់កម្មសិទ្ធិ
ប្រជាពលរដ្ឋមានទំនាស់ដីធ្លីមកពីខេត្តព្រះវិហារប្រមាណ២០០នាក់ នៅព្រឹកថ្ងៃចន្ទនេះ ដើរហែញត្តិនៅក្នុងរាជធានីភ្នំពេញ ដើម្បីរកដំណោះស្រាយបញ្ហាដីធ្លីរបស់ខ្លួន។ តំណាងពលរដ្ឋម្នាក់លោក សុខ ពៅ មកពីភូមិហ្មសែត សង្កាត់ប៉ាលហាល ក្រុងព្រះវិហារ មានប្រសាសន៍ថា គោលបំណងដែលប្រជាពលរដ្ឋឡើងមកតវ៉ានៅពេលនេះ គឺដើម្បីសុំអន្តរាគមន៍ពីលោកនាយករដ្ឋមន្ត្រី ហ៊ុន សែន និងស្ថានទូតនានានៅក្នុងប្រទេសកម្ពុជាក្នុងការជំរុញឲ្យមានការចេញប្លង់កម្មសិទ្ធិជូនពួកគាត់។
-
ពលរដ្ឋរងគ្រោះដីធ្លីមកពីខេត្តព្រះវិហារ អស់ជំនឿលើការសន្យារបស់មន្ត្រីរដ្ឋ
ពលរដ្ឋរងគ្រោះដោយសារដីធ្លីមកពីខេត្តព្រះវិហារ ដែលស្វែងរកអន្តរាគមន៍នៅរាជធានីភ្នំពេញ ជាច្រើនថ្ងៃមកនោះ សម្តែងការខកចិត្តទៅនឹងការសន្យារបស់គណៈកម្មការទទួលន្ទុកដោះស្រាយនៃរដ្ឋសភា ដោយសម្អាងថាជាសន្យាគ្មានប្រសិទ្ធភាព។ ប្រតិកម្មរបស់ពលរដ្ឋនេះ កើតឡើងខណៈពួកគេប្រមាណ២០០នាក់ បានដើរដាក់ញត្តិទៅស្ថានទូតនៅថ្ងៃចន្ទនេះ រួមមានស្ថានទូតចិន រុស្ស៊ី អូស្រា្តលី និងរដ្ឋសភា ដើម្បីឲ្យមន្ត្រីស្ថានទូតជំរុញទៅរដ្ឋាភិបាលដោះស្រាយជូនពួកគេ។
-
ពលរដ្ឋនៅឱរ៉ាល់សុំអន្តរាគមន៍ពីអភិបាលស្រុករឿងជម្លោះដីនឹងក្រុមហ៊ុនលីយ៉ុងផាត់
ពលរដ្ឋបីឃុំនៅឃុំត្រពាំងជោរ ឃុំរស្មីសាមគ្គី ឃុំសង្កែសាទប ក្នុងស្រុកឱរ៉ាល់ ខេត្តកំពង់ស្ពឺ ជាច្រើននាក់ធ្វើដំណើរដោយម៉ូតូនិងគោយន្ត ទៅកាន់សាលាស្រុកឱរ៉ាល់ នៅព្រឹកថ្ងៃទី ២០ តុលា។ ក្នុងដំណើរតវ៉ានេះពលរដ្ឋទាមទារឲ្យអភិបាលស្រុកអន្តរាគមន៍ ជួយដោះស្រាយទំនាស់ដីធ្លី ដែលក្រុមហ៊ុនកំពង់ស្ពឺស៊ូគរ (Sugar) របស់លោកឧកញ៉ា លី យ៉ុងផាត់ និងក្រុមហ៊ុន អេច្ឆ អិល អេច្ឆ (HLH) ដែលរំលោភបំពានដីរាប់ពាន់ហិកតារយកទៅដាំអំពៅ និងដំឡូងមី។
-
ក្រសួងមហាផ្ទៃបញ្ឈរជើងមន្ត្រីនគរបាលខេត្តកំពង់ធំម្នាក់ករណីកិបកេងថវិកាជាតិ
ក្រសួងមហាផ្ទៃសម្រេចដកនាយរងការិយាល័យផែនការគណនេយ្យ នៃស្នងការដ្ឋាននគរបាលខេត្តកំពង់ធំម្នាក់ឲ្យមកបញ្ឈរជើងនៅក្រសួង ដើម្បីធ្វើការស៊ើបអង្កេតបន្ត ទាក់ទិននឹងករណីកិបកេងប្រាក់ផលប្រយោជន៍របស់នគរបាលខេត្តនេះ។ សេចក្ដីប្រកាសរបស់ក្រសួងមហាផ្ទៃចុះហត្ថលេខាដោយលោក ស ខេង ថ្ងៃទី១៧ ខែតុលា ដែលVODទើបតែទទួលបាននៅថ្ងៃអាទិត្យនេះ ឲ្យដឹងថា ក្រសួងសម្រេចផ្ទេរភារកិច្ច លោក ជឹម លក្ខិណា នាយរងការិយាល័យផែនការគណនេយ្យ នៃស្នងការដ្ឋាននគរបាលខេត្តកំពង់ធំ ឲ្យមកនាយករដ្ឋានបុគ្គលិក ដើម្បីធ្វើការត្រួតពិនិត្យករណីមិនប្រក្រតី ក្នុងការបើកប្រាក់រំឭកឋានន្តរសក្តិ និងមុខតំណែងមន្ត្រីនគរបាលជាតិ នៃស្នងការដ្ឋាននគរបាលខេត្តកំពង់ធំ។
-
អាជ្ញាធរខេត្តពោធិ៍សាត់គំរាមកំហែងប្រជាពលរដ្ឋមិនឲ្យឡើងមកតវ៉ានៅរាជធានីភ្នំពេញ
នគរបាលស្រុកវាលវែង ខេត្តពោធិ៍សាត់ នៅព្រឹកថ្ងៃអាទិត្យនេះ កំពុងចុះជួបប្រជាពលរដ្ឋនៅភូមិអូរធំ ចម្ការចេក ដើម្បីបញ្ចុះបញ្ចូលកុំឲ្យពួកគេឡើងមកតវ៉ានៅរាជធានីភ្នំពេញ ដូចដែលបានគ្រោងទុក។ ប្រភពពីតំណាងប្រជាពលរដ្ឋ លោកគុជ វែង ឲ្យVODដឹងនៅព្រឹកថ្ងៃអាទិត្យ ទី១៩ ខែតុលា នេះថា នគរបាលស្រុកវាលវែង ខេត្តពោធិ៍សាត់ កំពុងគំរាមកំហែងអ្នកភូមិអូរធំ ចម្ការចេក និងថ្មដា ក្រោយពេលពួកគេមានគម្រោងដាក់ញត្តិនៅសាលាខេត្តពោធិ៍សាត់ និងដើរដោយថ្មើរជើងមកតវ៉ានៅរាជធានីភ្នំពេញ ដើម្បីរកអន្តរាគមន៍ពីអាជ្ញាធរថ្នាក់ជាតិបន្តទៀត។ នៅម៉ោងជិត១០ ព្រឹកថ្ងៃនេះ VOD បានទាក់ទងទៅប្រជាពលរដ្ឋនៅភូមិអូរធំ ស្រុកវាលវែង លោក ញ៉ ដើម្បីបញ្ជាក់ពីព័ត៌មាននេះ។ លោកបញ្ជាក់ថា លោកមិនអាចនិយាយអ្វីបានទេ ព្រោះនគរបាលស្រុកកំពុងតែមកនិយាយលេងនៅផ្ទះរបស់លោក។ VOD មិនទាន់អាចទាក់ទងសុំការឆ្លើយតបពីអាជ្ញាធរស្រុកវាលវែង បានទេនៅព្រឹកថ្ងៃអាទិត្យនេះ។
-
បក្សប្រឆាំងអូស្ដ្រាលីនិងសង្គមស៊ីវិលកម្ពុជានឹងពិភាគ្សាលើអនុស្សារណៈបញ្ជូនជនភៀសខ្លួនពីអូស្ត្រាលីមកកម្ពុជា
តំណាងរាស្ដ្រមកពីបក្សបៃតងប្រទេសអូស្ដ្រាលី នឹងជួបពិភាក្សាជាមួយសង្គមស៊ីវិលនៅកម្ពុជា ពាក់ព័ន្ធនឹងគម្រោងបញ្ជូនជនភៀសខ្លួនពីប្រទេសនេះមកកម្ពុជា នៅដើមខែវិច្ឆិកាខាងមុខនេះ។ យោងតាមសារអេឡិចត្រូនិចមួយផ្ញើពីឈ្មោះ Alison Neyle ដែលអះអាងថា គាត់ធ្វើការជាមួយសមាជិកព្រឹទ្ធសភាអូស្ត្រាលី លោកស្រី Sarah Hanson-Young ឲ្យដឹងថា សមាជិកព្រឹទ្ធសភានៃគណបក្សបៃតង ស្នើសុំជួបប្រធានសហព័ន្ធនិស្សិតបញ្ញវន្តកម្ពុជាលោកម៉ៅ ពិសេស និងអង្គការសង្គមស៊ីវិលនានា នៅដើមខែវិច្ឆិកាខាងមុខ ដើម្បីពិភាក្សាពីគម្រោងបញ្ជូនជនភៀសខ្លួន ដែលស្វែងរកសិទ្ធិជ្រកកោននៅអូស្ត្រាលី មកកម្ពុជា។
-
រដ្ឋាភិបាលកម្ពុជាថា ការទទួលជនភៀសខ្លួនពីអូស្ដ្រាលីជាកាតព្វកិច្ចរបស់កម្ពុជា
រដ្ឋាភិបាលកម្ពុជាបានប្រកាសជាថ្មីម្ដងទៀតថា ការទទួលយកជនភៀសខ្លួនពីអូស្ដ្រាលីជាកាតព្វកិច្ចរបស់កម្ពុជា។ រដ្ឋមន្ត្រី ប្រតិភូអមនាយករដ្ឋមន្ត្រី លោក កៅ គីមហួន បានថ្លែងទៅកាន់អ្នកសារព័ត៌មានជាតិ និងអន្ដរជាតិ ក្នុងសន្និសីទកាសែតមួយ នៅព្រឹកថ្ងៃអាទិត្យនេះ បន្ទាប់លោក ហ៊ុន សែន វិលត្រឡប់ពីជំនួបកំពូលអាស៊ី អឺរ៉ុប នៅប្រទេសអ៊ីតាលីថា នាយករដ្ឋមន្ត្រីកម្ពុជា និងអូស្ដ្រាលី លោកហ៊ុន សែន និងលោក តូនី អាប់ប៊ុត បញ្ជាក់ជាថ្មីថា ការទទួលយកជនភៀសខ្លួនពីប្រទេសអូស្ដ្រាលី គឺផ្អែកលើលក្ខខណ្ឌច្បាប់អន្ដរជាតិ ព្រោះថា កម្ពុជាគឺរដ្ឋភាគីនៃអនុសញ្ញាអន្ដរជាតិស្ដីពីជនភៀសខ្លួន។ លោកកៅ គឹមហ៊ួនបញ្ជាក់ថា កម្ពុជានឹងទទួលយកតែជនភៀសខ្លួនទាំងឡាយណា ដែលស្ម័គ្រចិត្តមកកម្ពុជាតែប៉ុណ្ណោះ។
-
អាជ្ញាធរខេត្តពោធិ៍សាត់រារាំងមិនឲ្យអ្នកតវ៉ារឿងជម្លោះដីធ្លីទៅដាក់ញត្តិនៅទីរួមខេត្ត និងរាជធានីភ្នំពេញ
អាជ្ញាធរស្រុកវាលវែងរារាំងតំណាងប្រជាពលរដ្ឋ មិនឲ្យទៅដាក់ញត្តិតវ៉ារឿងជម្លោះដីធ្លីនៅសាលាខេត្តពោធិ៍សាត់ និងរាជធានីភ្នំពេញតាមការគ្រោងទុក។ អ្នកតំណាងសហគមន៍ភូមិក្បាលត្រាច ដែលមានទំនាក់ទំនងជិតស្និទ្ធជាមួយប្រជាពលរដ្ឋនៅស្រុកវាលវែង ដោយសារជាអ្នករងគ្រោះក្នុងជម្លោះដីធ្លីដូចគ្នា លោកគុជ វែង ឲ្យVODដឹងនៅរសៀលថ្ងៃអាទិត្យនេះថា អាជ្ញាធរស្រុកវាលវែង នៅម៉ោង១២ ថ្ងៃត្រង់ថ្ងៃអាទិត្យនេះ បានឃាត់តំណាងប្រជាពលរដ្ឋមកពីភូមិសង្គមថ្មី នៅម្ដុំភូមិប្រមោយជិតដល់ស្រុកភ្នំក្រវ៉ាញ ខណៈពលរដ្ឋទាំងនោះធ្វើដំណើរទៅសាលាខេត្តពោធិ៍សាត់ ដើម្បីដាក់ញត្តិ។
-
លោកហ៊ុនសែនបញ្ជាក់ជំហរអនុវត្តកិច្ចព្រមព្រៀងទទួលជនភៀសខ្លួនអូស្ត្រាលី
បន្ទាប់ពីវិលមកពីចូលរួម កិច្ចប្រជុំអាស៊ី អឺរ៉ុប នៅប្រទេសអ៊ីតាលីនាថ្ងៃទី ១៩ តុលា លោកនាយករដ្ឋមន្ត្រី ហ៊ុន សែន បានបញ្ជាក់អំពីជំនួបជាមួយរដ្ឋមន្ត្រីការប្រទេសអូស្ត្រាលីនៅទីនោះ គឺកម្ពុជានឹងរក្សាជំហរដដែលលើការអនុវត្តន៍កិច្ចព្រមព្រៀង ទទួលយកជនភៀសខ្លួន ដែលបានចុះកិច្ចព្រមព្រៀងកន្លងមក។ ប៉ុន្តែអង្គការសង្គមស៊ីវិល គ្រោងនឹងចេញមុខតវ៉ាប្រឆាំង លើការអនុវត្តន៍កិច្ចព្រមព្រៀងនោះ។ បន្ទាប់ពីទទួលដំណឹងថាប្រទេសកម្ពុជា និងអូស្ត្រាលីគ្រោងនឹងអនុវត្តន៍កិច្ចព្រមព្រៀងលើការបញ្ជូននិងទទួលជនភៀសខ្លួន ពីប្រទេសអូស្ត្រាលីមកនោះ ក្រុមយុវជន ប្រជាពលរដ្ឋនិងនិស្សិត ក៏គ្រោងនឹងចេញមុខតវ៉ាប្រឆាំង នឹងការអនុវត្តន៍កិច្ចព្រមព្រៀងនោះដែរ។
-
ក្លឹបអ្នកកាសែតឯករាជ្យថ្កោលទោស ការបាញ់សម្លាប់អ្នកកាសែតយ៉ាងព្រៃផ្សៃ
ក្លឹបអ្នកកាសែតឯករាជ្យ ដែលហៅកាត់ថា(ក.អ.ឯ)បាន ធ្វើការថ្កោលទោសយ៉ាងក្តៅ គគុកបំផុត ចំពោះខ្មាន់កាំភ្លើង មិនស្គាល់អត្តសញ្ញាណដែល បានបាញ់សម្លាប់លោក តាំង ទ្រី សមាជិកសមាគមអ្នកសារព័ត៌មានខ្មែរប្រជាធិបតេយ្យ និងជា អ្នកឆ្លើយឆ្លងព័ត៌មាន កាលពីវេលាម៉ោង ០១ រំលងអាធ្រាត្រ ឈានចូលថ្ងៃទី ១២ ខែតុលា ឆ្នាំ២០១៤ ។ ករណីបាញ់សម្លាប់លោក តាំង ទ្រី នេះ ត្រូវបានបណ្តាញព័ត៌មាននានារាយការណ៍ឱ្យដឹងថា លោកត្រូវបានខ្មាន់កាំភ្លើងបាញ់ចំប្រជុំចិញ្ចើមស្លាប់នៅចំណុចភូមិទួលពន្លៃ ឃុំឃ្សឹម ស្រុកស្នួល ខេត្តក្រចេះ ខណៈពេលរថយន្តរបស់លោកកំពុងជាប់ផុង ។
-
រដ្ឋាភិបាលដកហូតដីសម្បទានចំនួន១១ កន្លែង
វ៉ាស៊ីនតោន— រដ្ឋាភិបាលកម្ពុជាបានប្រកាសនិរាករណ៍អាជ្ញាបណ្ណពីក្រុមហ៊ុនចំនួន១១ដែលទទួលសិទ្ធិវិនិយោគលើដីសម្បទានសេដ្ឋកិច្ចហើយបង្កការប៉ះពាល់ដល់ប្រជាពលរដ្ឋហើយក្រុមហ៊ុនខ្លះមិនបានធ្វើសកម្មភាពអភិវឌ្ឍន៍អ្វីទេ។ ប៉ុន្តែរដ្ឋាភិបាលមិនបានបញ្ជាក់ពីចំណាត់ការណាមួយដើម្បីដាក់ទោសក្រុមហ៊ុនដែលបានទទួលយកដីទៅរាប់ឆ្នាំហើយដោយមិនអភិវឌ្ឍន៍នោះឡើយ។
-
សកម្មជនគ្រោងនឹងធ្វើបាតុកម្មប្រឆាំងនឹងកិច្ចព្រមព្រៀងកម្ពុជាអូស្ត្រាលីនៅថ្ងៃសុក្រនេះ
វ៉ាស៊ីនតោន— ពលរដ្ឋខ្មែរជាង១.០០០នាក់គ្រោងនឹងជួបជុំគ្នាដើរជាក្បួនក្នុងរាជធានីភ្នំពេញនៅព្រឹកថ្ងៃសុក្រនេះ ដើម្បីទាមទារឲ្យរដ្ឋាភិបាលលុបចោលកិច្ចព្រមព្រៀងទទួលជនភៀសខ្លួនមកពីប្រទេសអូស្ត្រាលី។ នេះបើតាមសេចក្តីប្រកាសព័ត៌មានរួមមួយរបស់ក្រុមអ្នកតស៊ូមតិចម្រុះគ្នាដែលវីអូអេទទួលបាន។ ក្រុមអ្នកតវ៉ាមានព្រះសង្ឃ និស្សិត ជនរងគ្រោះដោយសារដីធ្លី តំណាងសហជីព និងអង្គការក្រៅរដ្ឋាភិបាលនឹងដាក់ញតិ្តនៅទីស្តីការគណៈរដ្ឋមន្ត្រី សភា ស្ថានទូតអូស្ត្រាលី ស្ថាតទូតសហរដ្ឋអាមេរិក ការិយាល័យអង្គការសហប្រជាជាតិ និងការិយាល័យសហភាពអឺរ៉ុបជាដើម។
-
ព្រះសង្ឃមួយអង្គរងរបួសពេលប៉ះទង្គិចជាមួយសមត្ថកិច្ចនៅជិតទីស្តីការគណៈរដ្ឋមន្ត្រី
ព្រះសង្ឃមួយអង្គដែលចូលរួមហែក្បួនជាមួយបាតុករជាង១០០នាក់ ដើម្បីប្រឆាំងជនអន្តោប្រវេសន៍មកពីអូស្ត្រាលី នៅព្រឹកនេះបានរងរបួសនៅជិតទីស្តីការគណៈរដ្ឋមន្ត្រី ពេលប៉ះទង្គិចជាមួយសមត្ថកិច្ច។ នៅព្រឹកថ្ងៃសុក្រនេះ បាតុករជាង១០០អង្គនាក់ បានហែក្បួនយកញត្តិទៅដាក់នៅទីស្តីការគណៈរដ្ឋមន្ត្រី បន្ទាប់ពីដាក់នៅស្ថានទូតអាមេរិករួច។ ក្នុងខ្លឹមសារញត្តិបាតុករទាមទារឲ្យអូស្ត្រាលីគោរពសិទ្ធិជនភៀសខ្លួន និងប្រឆាំងការបញ្ជូនជនភៀសខ្លួនចូលក្នុងទឹកដីកម្ពុជា។ ពេលហែក្បួនដល់ជិតទីស្តីការគណៈរដ្ឋមន្ត្រីក៏មានសមត្ថកិច្ចរាប់សិបនាក់ចេញមុខរារាំង ពេលនោះក៏មានការប៉ះទង្គិចក្នុងរយៈពេលខ្លីមួយ បណ្តាលឲ្យព្រះសង្ឃមួយអង្គរងរបួស។
-
តាំង ទ្រី ជាអ្នកកាសែតរាយការណ៍ដោយស្ងប់ស្ងាត់ពីការជួញដូរឈើ
ភ្នំពេញ— ការស្លាប់របស់អ្នកកាសែតក្នុងស្រុកម្នាក់គឺលោក តាំង ទ្រី បានធ្វើឲ្យមានការភ្ញាក់ផ្អើលមួយក្នុងឆាកជាតិនិងអន្តរជាតិថ្វីបើកាសែត«វាលឥន្ទ្រីយ៍»ដែលលោកធ្វើការផ្តល់ព័ត៌មានជូនមានគេស្គាល់នៅមានកម្រិតក៏ដោយ។ កាសែតនេះចេញផ្សាយប្រចាំសប្តាហ៍។ លោក តាំង ទ្រី អាយុ៤៨ឆ្នាំត្រូវបានឃាតករមានគ្នាចំនួនបីនាក់សុទ្ធសឹងជាមន្ត្រីកងម្លាំងមានសមត្ថកិច្ចក្នុងនោះមានមន្ត្រីកងរាជអាវុធហត្ថ អតីតមន្ត្រីយោធា និងម្ចាស់រថយន្តបាញ់សម្លាប់នៅតាមបណ្តោយផ្លូវលំជនបទមួយកាលពីថ្ងៃអាទិត្យនៅស្រុកស្នួលខេត្តក្រចេះ។
-
រដ្ឋាភិបាលដកអាជ្ញាប័ណ្ណពីក្រុមហ៊ុនដីសម្បទានសេដ្ឋកិច្ចចំនួន១១បន្ថែម
ខ្មែរ | ព័ត៌មានថ្មីៗ | ដីធ្លី រដ្ឋាភិបាលដកអាជ្ញាប័ណ្ណពីក្រុមហ៊ុនដីសម្បទានសេដ្ឋកិច្ចចំនួន១១បន្ថែម ដោយ ប្រាជ្ញ ចេវ 2014-10-17 អ៊ីម៉ែល មតិ ចែករំលែក បោះពុម្ព បោះពុម្ព ចែករំលែក មតិ អ៊ីម៉ែល សាយ សំអាល់ ៦២០ រដ្ឋមន្ត្រីក្រសួងបរិស្ថាន លោក សាយ សំអាល់ ថ្លែងក្នុងសន្និសីទកាសែត នាទីស្ដីការក្រសួង នៅថ្ងៃទី១៧ ខែតុលា ឆ្នាំ២០១៤។ RFA/Brach Chev រដ្ឋាភិបាលកម្ពុជា នៅថ្ងៃទី១៧ ខែតុលា សម្រេចដកអាជ្ញាប័ណ្ណពីក្រុមហ៊ុនដែលទទួលសិទ្ធិវិនិយោគលើដីសម្បទានសេដ្ឋកិច្ចចំនួន ១១ក្រុមហ៊ុនបន្ថែមទៀត ដោយសារក្រុមហ៊ុនទាំងនេះមិនធ្វើសកម្មភាពអភិវឌ្ឍន៍ និងប៉ះពាល់ដល់ដីស្រែចម្ការរបស់ប្រជាពលរដ្ឋនៅតំបន់នោះ។ នេះជាលើកទី២ហើយដែលក្រសួងបរិស្ថាន ដកសិទ្ធិពីក្រុមហ៊ុនសម្បទានសេដ្ឋកិច្ច ហើយដីសម្បទានសេដ្ឋកិច្ចដែលដកហូតពីក្រុមហ៊ុនទាំង១១នេះ នឹងប្រគល់ទៅឲ្យស្ថាប័នមានសមត្ថកិច្ច ដែនជម្រកសត្វព្រៃ ក្រសួងបរិស្ថាន និងឧទ្យានជាតិ មកគ្រប់គ្រងដីនោះវិញ។
គាំទ្រដោយ
