កំពុងស្វែងរកទិន្នន័យ
រកឃើញ: 13.209
-
ខ្មែរក្រោមខកចិត្តនឹងទូរទស្សន៍ក្នុងស្រុកមិនផ្សាយរឿងវៀតណាមបិទបាំងមហិច្ឆតាលេបទឹកដី
មេដឹកនាំបាតុកម្ម ដែលជំរុញឲ្យវៀតណាម សុំទោស រឿងបំភ្លៃប្រវត្តិសាស្ត្រនៃការបាត់បង់ទឹកដីកម្ពុជាក្រោម ខកចិត្តនឹងទូរទស្សន៍ក្នុងស្រុក ដែលមិនបានចាក់ផ្សាយរឿងរ៉ាវនេះ ឲ្យបានទូលំទូលាយ ដើម្បីឲ្យកូនខ្មែរ បានដឹងពីប្រវត្តិសាស្ត្រពិតនៃការបាត់បង់ទឹកដី។ ប្រធានសមាគមខ្មែរកម្ពុជាក្រោម លោក ថាច់ សេដ្ឋា ប្រាប់ក្រុមអ្នកតវ៉ា មុខស្ថានទូតវៀតណាម នាថ្ងៃទី៥ខែតុលាឆ្នាំ២០១៤នេះថា រយៈពេល២ថ្ងៃដែលបាតុករខ្មែរ ធ្វើបាតុកម្មដុតទង់ជាតិវៀតណាមនេះ ទូរទស្សន៍នៅប្រទេសវៀតណាម ស្ទើរទាំងអស់ បានចាក់ផ្សាយ ពីសកម្មភាពនេះ។
-
ជនជាតិភាគតិចជងឡើងមករកអន្តរាគមន៍ពីនាយករដ្ឋមន្ត្រីឲ្យលុបចោលគម្រោងវារីអគ្គិសនីអារ៉ែង
ប្រជាសហគមន៍ជនជាតិភាគតិចជង ខេត្តកោះកុង នៅថ្ងៃអាទិត្យនេះ នាំគ្នាឡើងមករាជធានីភ្នំពេញ ដើម្បីរកអន្តរាគមន៍ពីនាយករដ្ឋមន្ត្រី ឲ្យលុបចោលគម្រោងសាងសង់ទំនប់វារីអគ្គិសនីពីតំបន់ជាយអារ៉ែងទាំងស្រុង។ អ្នកតំណាងជនជាតិភាគតិចជងមកពីស្រុកថ្មបាំង ខេត្តកោះកុង លោក វ៉ែន វន ឲ្យVODដឹងថា នៅរសៀលថ្ងៃអាទិត្យ ទី៥ ខែតុលានេះ តំណាងពលរដ្ឋ២១នាក់ នាំគ្នាធ្វើដំណើរមកទីក្រុងភ្នំពេញ ដើម្បីជំរុញឲ្យរដ្ឋាភិបាល ក៏ដូចជានាយករដ្ឋមន្ត្រី ចេញសារលិខិតជាលាយលក្ខណ៍អក្សរ បញ្ជាក់ពីការបញ្ឈប់គម្រោងអភិវឌ្ឍវារីអគ្គិសនីអារ៉ែងទាំងស្រុង កុំឲ្យប្រជាពលរដ្ឋមានការភ័យខ្លាចផង និងដើម្បីអភិរក្សតំបន់នោះជាតំបន់អេកូទេសចរណ៍ផង។ ការជំរុញឲ្យនាយករដ្ឋមន្ត្រីបញ្ឈប់ការអភិវឌ្ឍស្ទឹងជាយអារ៉ែងនេះ ធ្វើឡើងបន្ទាប់ពីប្រមុខរដ្ឋាភិបាលបានប្រកាសថា នឹងពន្យារពេល ឬមិនអនុវត្តន៍គម្រោងការនៅតំបន់ធម្មជាតិមួយនេះទៀតទេ ដោយទុកលទ្ធភាពឲ្យអ្នកជំនាន់ក្រោយវិញ៕
-
គ្រូបង្រៀនហែក្បួនទៅខុទ្ទកាល័យនាយករដ្ឋមន្ត្រី និងក្រសួងអប់រំដោយមានម៉ូតូនគរបាលអមការពារ
បាតុករដែលជាបញ្ញវន្តនៅប្រទេសកម្ពុជា មានគ្រូបង្រៀន និស្សិត និងព្រះសង្ឃ ជាច្រើនរយអង្គនាក់ នៅម៉ោង៩ព្រឹកថ្ងៃអាទិត្យនេះ បានដង្ហែក្បួនទាមទារដំឡើងប្រាក់ខែគ្រូបង្រៀនទាបបំផុត១លានរៀល ទៅកាន់ខុទ្ទកាល័យនាយករដ្ឋមន្ត្រី និងក្រសួងអប់រំ។ ក្នុងការដង្ហែក្បួនបាតុកម្មរបស់គ្រូបង្រៀន និស្សិត និងព្រះសង្ឃនាព្រឹកនេះ ក្បួនបានចេញដំណើរពីទីលានប្រជាធិបតេយ្យ តាមមហាវិថីព្រះនរោត្តម ទៅវិមានឯករាជ្យ ដោយមានម៉ូតូរបស់នគរបាលជាង៣០គ្រឿងហែហមបើកផ្លូវពីខាងមុខ និងមាននគរបាលសម្រួលចរាចរតាមដងផ្លូវយ៉ាងអធិកអធម និងយ៉ាងចម្លែក។ ប្រធានសមាគមគ្រូបង្រៀនកម្ពុជាឯករាជ្យលោករ៉ុង ឈុន ឲ្យដឹងថា ពេលលោកដាក់ពាក្យជូនដំណឹងទៅសាលារាជធានីភ្នំពេញ អំពីការធ្វើបាតុកម្ម និងសុំដង្ហែក្បួន សាលារាជធានីបានអនុញ្ញាតឲ្យត្រឹមតែជួបជុំគ្នានៅទីលានប្រជាធិបតេយ្យ តែមិនអនុញ្ញាតឲ្យដង្ហែក្បួនទេ។ ប៉ុន្តែនៅព្រឹកមិញនេះ លោកថា សាលារាជធានីភ្នំពេញ បានជូនដំណឹងមកលោកថា គេអនុញ្ញាតឲ្យក្រុមលោកធ្វើការហែក្បួនទៅកាន់គោលដៅ ដែលបាតុករមានបំណងយកញត្តិទៅដាក់។
-
រដ្ឋាភិបាលខ្មែរបន្ថែមកម្លាំងការពារសន្តិសុខជុំវិញស្ថានទូតវៀតណាម
ដ្ឋាភិបាលខ្មែរនៅព្រឹកថ្ងៃសៅរ៍នេះ ដាក់ពង្រាយកម្លាំងរាប់សិបនាក់ ដើម្បីការពារសន្តិសុខជុំវិញស្ថានទូតវៀតណាមក្នុងរាជធានីភ្នំពេញ ខណៈមានចលនាតវ៉ាថ្មីទៀត ប្រឆាំងប្រទេសជិតខាងមួយនេះ ឲ្យទទួលស្គាល់ការពិតនៃមហិច្ឆតាលេបទឹកដីកម្ពុជា។ អាណានិគមនិយមបារាំង បានកាត់ទឹកដីកម្ពុជាក្រោម ឲ្យទៅរដ្ឋាភិបាលវៀតណាមគ្រប់គ្រង ជាង៦០ឆ្នាំមកហើយ ដោយមិនបានសួរនាំភាគីកម្ពុជា។ នៅឆ្នាំ២០១៤នេះ អតីតមន្ត្រីអ្នកនាំពាក្យស្ថានទូតវៀតណាម លោក ត្រឹង វ៉ាន់ថុង អះអាងថា ទឹកដីកម្ពុជាក្រោម ជាដែនដីរបស់ខ្លួនយូរមកហើយ មិនមែនបានមកពីភាគីណាមួយប្រគល់ឲ្យនោះទេ។ ការលើកឡើងនេះ ត្រូវបានពលរដ្ឋខ្មែរ ពិសេសសមាគមខ្មែរកម្ពុជាក្រោម បានប្រតិកម្មឲ្យប្រទេសវៀតណាមសុំទោសជាសាធារណៈ ដោយអះអាងថា វៀតណាមកំពុងបំភ្លៃប្រវត្តិសាស្ត្រ ដើម្បីបិទបាំងមហិច្ឆតាលេបទឹកដីខ្មែរ។
-
ពលរដ្ឋនៅខេត្តព្រះវិហារ ប្រឈមនឹងការបណ្ដេញចេញព្រមានរកកិច្ចអន្តរាគមន៍ពីនាយករដ្ឋមន្ត្រី
ប្រជាពលរដ្ឋជាង២០០គ្រួសារ នៅស្រុកជាំក្សាន្ត ខេត្តព្រះវិហារ ព្រមានឡើងមកផ្ទះនាយករដ្ឋមន្ត្រីហ៊ុន សែន នាពេលឆាប់ៗនេះ ដើម្បីស្វែងរកកិច្ចអន្តរាគមន៍ ខណៈអាជ្ញាធរមូលដ្ឋានបរាជ័យក្នុងការរកដំណោះស្រាយ បញ្ឈប់ការបណ្ដេញចេញ។ តំណាងប្រជាពលរដ្ឋនៅភូមិធម្មជាតិ ឃុំសាអែម ស្រុកជាំក្សាន្ត លោក យន់ សុភាព ឲ្យVOD ដឹងថា នៅថ្ងៃសៅរ៍ ទី ៤ ខែតុលានេះថា អាជ្ញាធរជាតិព្រះវិហារ មន្ត្រីពាក់ព័ន្ធ និងតំណាងពលរដ្ឋ រួមទាំងអង្គការសង្គមស៊ីវិលផង បានបើកកិច្ចពិភាក្សាមួយ ស្វែងរកដំណោះស្រាយជូនពួកគេចំនួន២៥៣គ្រួសារ ដែលអាជ្ញាជាតិព្រះវិហារគ្រោងបណ្ដេញចេញឲ្យទៅរស់នៅតំបន់ផ្សេង ដោយមិនប្រាប់ពីការផ្ដល់សំណង។
-
បាតុករដុតទង់ជាតិវៀតណាម
បាតុករដែលកំពុងតវ៉ានៅមុខស្ថានទូតវៀតណាមនាព្រឹកថ្ងៃសៅរ៍នេះ អំពាវនាវឲ្យពលរដ្ឋខ្មែរឈប់ប្រើប្រាស់ផលិតផលរបស់វៀតណាម ដោយសាររហូតមកដល់ពេលនេះ ស្ថានទូត ឬរដ្ឋាភិបាលវៀតណាម នៅមិនទាន់សុំទោសករណីបំភ្លៃប្រវត្តិសាស្ត្រទឹកដីកម្ពុជាក្រោមនៅឡើយទេ។ ការអំពាវនាវនេះធ្វើឡើង ខណៈបាតុករដែលមានព្រះសង្ឃ និងពលរដ្ឋរាប់រយអង្គនាក់ ប្រមូលផ្ដុំគ្នាស្រែកតវ៉ានៅមុខស្ថានទូតវៀតណាម នៅថ្ងៃសៅរ៍ ទី៤ ខែតុលានេះ ឲ្យស្ថានទូតនេះ និងរដ្ឋាភិបាលវៀតណាម សុំទោសចំពោះករណីអតីតអ្នកនាំពាក្យស្ថានទូតនេះ លោកត្រឹង វ៉ាន់ថុង ថ្លែងកាលពីខែឧសភាថា ទឹកដីកម្ពុជាក្រោមជារបស់វៀតណាមតាំងពីយូរមកហើយ មិនមែនបានមកដោយបារាំងកាត់ពីកម្ពុជាឲ្យទៅវៀតណាមនោះទេ។
-
សាលាក្រុងហាមមិនឱ្យជនគ្រោះដីធ្លីរៀបចំទិវាសិទ្ធិលំនៅដ្ឋាន
រេចចិត្តហាមមិនឲ្យក្រុមប្រជាពលរដ្ឋរងគ្រោះដោយសារជម្លោះដីធ្លីមកពីទីក្រុងភ្នំពេញនិងមកពីបណ្តាខេត្តនានាធ្វើការប្រមូលផ្តុំនិងដង្ហែរក្បួនដើម្បីប្រារព្ធទិវាសិទ្ធិលំនៅដ្ឋានពិភពលោក។ បម្រាមនេះធ្វើឡើងក្រោយពីមានកិច្ចប្រជុំមួយរវាងសាលារាជធានីភ្នំពេញនិងតំណាងក្រុមប្រជាពលរដ្ឋកាលពីព្រឹកថ្ងៃពុធ។
-
សង្គមស៊ីវិលប្រាប់UNថាដំណើរការសិទ្ធិមនុស្សនៅកម្ពុជានៅផុយស្រួយនៅឡើយ
អង្គការសង្គមស៊ីវិលបានដាក់របាយការណ៍ស្ដីពីស្ថានភាពសិទ្ធិមនុស្សនៅកម្ពុជា ជូនទៅឧត្តមស្នងការសិទ្ធិមនុស្សនៃអង្គការសហប្រជាជាតិ ដោយលើកឡើងថាដំណើរការសិទ្ធិមនុស្សនៅកម្ពុជានៅមានភាពផុយស្រួយនៅឡើយ។ កាលពីថ្ងៃទី៦ ដល់ ២៦ ខែកញ្ញា ឆ្នាំ២០១៤ ក្រុមប្រឹក្សាសិទ្ធិមនុស្សអង្គការសហប្រជាជាតិបានបើកកិច្ចប្រជុំលើកទី២៧ នៅទីក្រុងហ្សឺណែវ ប្រទេសស្វីស ដើម្បីបើកឲ្យតំណាងអង្គការសង្គមស៊ីវិល និងតំណាងរដ្ឋាភិបាលរបស់ប្រទេសជុំវិញពិភពលោក រាយការណ៍ពីស្ថានភាពសិទ្ធិមនុស្សនៅក្នុងប្រទេសរបស់ខ្លួន។ អនុប្រធានផ្នែកស៊ើបអង្កេតសិទ្ធិមនុស្ស និងជំនួយផ្នែកច្បាប់ នៃសមាគមអាដហុក លោក ណៃ វ៉ង់ដា ដែលបានចូលរួមក្នុងកិច្ចប្រជុំនេះប្រាប់VODថា សង្គមស៊ីវិលពីប្រទេសកម្ពុជាបានលើកពីបញ្ហាសិទ្ធិមនុស្សមួយចំនួននៅកម្ពុជា ដូចជាការចាប់ខ្លួនសកម្មជនសហជីព និងមានការដាក់ពង្រាយកម្លាំងយោធា ក៏ដូចជាការបង្ក្រាបដោយហិង្សាទៅលើក្រុមបាតុករ នៅពេលពួកគេប្រមូលផ្តុំគ្នាទាមទារឲ្យមានការតមដំឡើងប្រាក់ខែគោល។
-
ព្រះសង្ឃ និងពលរដ្ឋដាក់ញត្តិថ្វាយព្រះមហាក្សត្រសុំអន្តរាគមន៍រឿងលក់ដីវិទ្យាស្ថានពុទ្ធសាសនបណ្ឌិត្យ
ព្រះសង្ឃ និងប្រជាពលរដ្ឋប្រមាណជិត៣០០អង្គ/នាក់ នៅព្រឹកថ្ងៃសុក្រនេះ ធ្វើការហែក្បួនដាក់ញត្តិថ្វាយទៅកាន់ព្រះមហាក្សត្រ សុំអន្តរាគមន៍ទប់ស្កាត់ការលក់ ឬដោះដូរដីវិទ្យាស្ថានពុទ្ធសាសនបណ្ឌិត្យដែលជាព្រះរាជទ្រព្យអតីតព្រះមហាក្សត្រ។ ការហែក្បួនដែលដឹកនាំដោយបណ្តាញព្រះសង្ឃឯករាជ្យដើម្បីយុត្តិធម៌សង្គមនៅព្រឹកនេះ បានផ្ដើមចេញពីវត្តឧណ្ណាឡោម ហែទៅកាន់មុខព្រះបរមរាជវាំង ដែលនៅទីនោះ តំណាងព្រះសង្ឃមកពីបណ្ដាខេត្តនានាបានឡើងសម្ដែងមតិ ដោយសំណូមពរឲ្យព្រះមហាក្សត្រទប់ស្កាត់ការលក់ដូរដីដែលជាទ្រព្យសម្បត្តិរដ្ឋ និងសាសនា។
-
សង្គមស៊ីវិលស្នើសុំឲ្យលុបសារាចរណែនាំរបស់ប្រធានរដ្ឋសភា
ក្រុមអង្គការមិនមែនរដ្ឋាភិបាល ស្នើឲ្យប្រធានរដ្ឋសភាពិចារណាក្នុងការលុបចោលសារាចរណែនាំមួយចំនួន ពាក់ព័ន្ធនឹងបែបបទការងាររបស់គណៈកម្មការនៃរដ្ឋសភា។ យន្តការនេះ ត្រូវបានអង្គការសង្គមស៊ីវិលចាត់ទុកថា ប្រធានរដ្ឋសភាអនុវត្តដូចនេះ គឺរំលោភលើរដ្ឋធម្មនុញ្ញ។ អង្គការសង្គមស៊ីវិល ដែលឃ្លាំមើលដំណើរការ និងការប្រព្រឹត្តទៅនៃតួនាទីរបស់សភា ទាមទារឲ្យប្រធានរដ្ឋសភា ត្រូវលុបចោលដោយគ្មានលក្ខខណ្ឌ ចំពោះសារាចរណែនាំអំពីកិច្ចការមួយចំនួន ពាក់ព័ន្ធនឹងបែបបទការងាររបស់គណៈកម្មការនានានៃរដ្ឋសភា។ ថ្លែងនៅក្នុងសន្និសីទសារព័ត៌មានក្នុងទីស្នាក់ការនៃអង្គការខុមហ្វ្រែល (Comfrel) កាលពីព្រឹកថ្ងៃទី២ ខែតុលា លោក អ៊ូ វីរៈ ប្រធានក្រុមក្រុមប្រឹក្សាភិបាលនៃមជ្ឈមណ្ឌលសិទ្ធិមនុស្សកម្ពុជា (CCHR) និយាយថា វាពិតជាហួសចិត្តដែលប្រធានរដ្ឋសភាទាំងមូល មកធ្វើកិច្ចការដែលផ្ទុយពីគោលការណ៍ច្បាប់។ លោកឲ្យដឹងថា ប្រការដែល លោក ហេង សំរិន ប្រធានរដ្ឋសភា សម្រេចចិត្តចេញសារាចរណែនាំមួយនេះ បានឆ្លុះបញ្ចាំងឲ្យឃើញថា ប្រព័ន្ធប្រជាធិបតេយ្យ គឺកំពុងចុះអន់ថយទៅៗ។
-
Google បង្រៀនពីរបៀបស្វែងរកទិន្នន័យតាមអ៊ីនធឺណិត
ភ្នំពេញ— ក្រុមអ្នកជំនាញរបស់ក្រុមហ៊ុនហ្គូហ្គល (Google) ដែលជាក្រុមហ៊ុនបម្រើសេវាកម្មទិន្នន័យតាមប្រព័ន្ធអ៊ីនធឺណេតដ៏ធំមួយរបស់សហរដ្ឋអាមេរិកនៅព្រឹកថ្ងៃព្រហស្បតិ៍នេះបានបើកវគ្គបណ្ដុះបណ្ដាលមួយដល់អ្នកយកព័ត៌មាន អ្នកសរសេរប្លក់និងនិស្សិតកម្ពុជាប្រមាណជាង១០០នាក់។ វគ្គសិក្សារយៈពេលមួយកំណាត់ថ្ងៃនេះផ្តោតលើរបៀបប្រើប្រាស់ និងទាញយកអត្ថប្រយោជន៍ពីអ៊ីធឺណេតដោយប្រើប្រាស់ឧបករណ៍ស្វែងរកទិន្នន័យរបស់ហ្គូហ្គល (Google)។
-
សភាធ្វើវិសោធនកម្មដាក់គ.ជ.បជាស្ថាប័នធម្មនុញ្ញ
នំពេញ— សមាជិករដ្ឋសភាចំនួន១២០រូបមកពីគណបក្សសង្គ្រោះជាតិនិងគណបក្សប្រជាជនកម្ពុជាដែលមានវត្តមាន ក្នុងសម័យប្រជុំរដ្ឋសភានីតិកាលទី៣នៅថ្ងៃពុធនេះបានបោះឆ្នោតជាឯកច្ឆ័ន្ទដោយមិនមានការពិភាក្សាអ្វីទាំងអស់ផ្តល់ការគាំទ្រការដាក់បញ្ចូលស្ថានប័នគណៈកម្មាធិការជាតិរៀបចំការបោះឆ្នោតទៅក្នុងរដ្ឋធម្មនុញ្ញ។ លោក ហេង សំរិន ប្រធានរដ្ឋសភានិយាយថា៖ «អញ្ចឹងសុំអង្គសភាអនុម័តលើសេចក្តីស្នើច្បាប់ទាំងមូល»។
-
កម្មកររោងចក្រនៅកំពង់ចាមបាតុកម្មបិទផ្លូវមុខរោងចក្រទាមទារលក្ខខណ្ឌ១៦ចំណុច
កម្មករប្រមាណ៨០០នាក់នៅក្រុមហ៊ុនផលិតស្បែកជើង ជូ ហួយ ក្នុងស្រុកជើងព្រៃ ខេត្តកំពង់ចាម បាតុកម្មតវ៉ាបិទផ្លូវមុខក្រុមហ៊ុនដើម្បីទាមទារលក្ខខណ្ឌការងារ១៦ចំណុច។ លោក អាត ស៊ីណា តំណាងសហជីពស៊ីខាវឌូប្រាប់VODនៅព្រឹកថ្ងៃសុក្រនេះថា មូលហេតុដែលកម្មករផ្ទុះការតវ៉ានេះ គឺដោយសារភាគីខាងរោងចក្រមិនបានគោរពទៅតាមការព្រមព្រៀងកាលពីឆ្នាំ២០១៣កន្លងមក និងទាមទារឲ្យភាគីរោងចក្រផ្ដល់លក្ខខណ្ឌការងារសមរម្យ។ លោកឲ្យដឹងថា លក្ខខណ្ឌទាំង១៧ចំណុចនោះមានដូចជា ការផ្ដល់លុយបាយដល់កម្មករ ការបើកប្រាក់ថែមម៉ោងឲ្យបានទាន់ពេល សោហ៊ុយធ្វើដំណើរ លុយជំនាញ និងលុយព្រីមជាដើម។
-
សង្គមស៊ីវិលរិះគន់ប្រធានសភាថាគាបសង្កត់បក្សប្រឆាំង
ភ្នំពេញ— ក្រុមអង្គការសង្គមស៊ីវិលនៅថ្ងៃព្រហស្បតិ៍នេះបានរិះគន់លោកហេង សំរិន ប្រធានរដ្ឋសភាថាបានចេញសារាចរណែនាំមួយដែលសំដៅធ្វើការគាបសង្កត់លើឥទ្ធិពលរបស់គណបក្សជំទាស់ក្នុងរដ្ឋសភាហើយអង្គការក្រៅរដ្ឋាភិបាលទាំងនោះបានទទូចឲ្យលុបចោលសារាចរនេះវិញ។
-
កងរាជអាវុធហត្ថឃាត់ខ្លួននគរបាល៤នាក់ និងកម្មករ២នាក់ពាក់ព័ន្ធអំពើពុករលួយនៅខេត្ដសៀមរាប
មន្ត្រីនគរបាលសេដ្ឋកិច្ចក្រសួងមហាផ្ទៃ៤រូប និងម្ចាស់ទូក២នាក់ផ្សេងទៀត ត្រូវសមត្ថកិច្ចកងរាជអាវុធហត្ថខេត្ដសៀមរាប ឃាត់ខ្លួនសាកសួរដោយសង្ស័យពាក់ព័ន្ធការកំហែងទារប្រាក់ពីអ្នកបទល្មើសនេសាទកាលពីថ្ងៃទី០១ខែតុលានេះ។ ការចាប់ខ្លួនភ្លាមៗនេះ សមត្ថកិច្ចមិនបានប្រាប់ពីមូលហេតុដល់ក្រុមគ្រួសារ និងមនុស្សជិតស្និទ្ធនោះទេ។ ប៉ុន្តែប្រភពមន្ត្រីសុំមិនបញ្ចេញឈ្មោះបង្ហើបឲ្យដឹងថា ការចាប់ខ្លួននេះពាក់ព័ន្ធករណីពុករលួយ។ ជនសង្ស័យទាំង៤នាក់ និងម្ចាស់ទូក២នោះ ត្រូវសមត្ថកិច្ចចាប់ដាក់ខ្នោះដៃដឹកតាមរយន្ដស៊ឺរ៉ែនប៉េអឹម ឆ្ពោះទៅកាន់សណ្ឋាគារមួយក្នុងខេត្ដសៀមរាប ដើម្បីសាក់សួរនៅរសៀលថ្ងៃទី២ខែតុលា ខណៈដែលប្រធានអង្គភាពប្រឆាំងអំពើពុករលួយ លោក ឱម យ៉ិនទៀង មានវត្ដមាននៅក្នុងសណ្ឋាគារនោះ។
-
លោកចម ប្រសិទ្ធ៖ កម្មករទាមទារប្រាក់ឈ្នួលគោល១៧៧ដុល្លារដូចផ្កាប់ឆ្នាំងបាយខ្លួនឯង
រដ្ឋមន្ត្រីក្រសួងឧស្សាហកម្ម និងសិប្បកម្មព្រមានថា ប្រសិនកម្មករនៅតែទាមទារប្រាក់ខែគោលដល់១៧៧ដុល្លារនោះ នឹងអាចធ្វើឲ្យថៅកែរោងចក្រឈប់វិនិយោគនៅកម្ពុជា នាំឲ្យកម្មករបាត់បង់ការងារធ្វើប្រៀបដូចផ្កាប់ឆ្នាំងបាយខ្លួនឯង។ ថ្លែងក្នុងកិច្ចប្រជុំសភានៅថ្ងៃព្រហស្បតិ៍ម្សិលមិញ លោក ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្មលើកឡើងថា បច្ចុប្បន្នរដ្ឋាភិបាលកំពុងខិតខំប្រឹងប្រែងដើម្បីដំឡើងប្រាក់ឈ្នួលកម្មករ។ លោកបន្តថា បើកម្មករចេះតែទាមទារប្រាក់ឈ្នួលខ្ពស់ហួសហេតុ មិនគិតពីស្ថានភាពសេដ្ឋកិច្ច នឹងធ្វើឲ្យរោងចក្រខាតហើយបិទទ្វារមិនខាន។ លោកមានប្រសាសន៍ថា «ធ្វើម៉េចឲ្យរោងចក្ររស់ផង ទើបអាចរក្សាឆ្នាំងបាយយើងបាន តែបើយើងទារខ្លាំងពេកដូចផ្កាប់ឆ្នាំងបាយតែម្តង! អស់ទាំងបាយយើងទាំងអស់គ្នាទៀត ដែលយើងកំពុងហូបបច្ចុប្បន្ននៀក ហើយប្រៀបធៀបខ្លួនយើង និងប្រទេសជិតខាងផងតើយើងអាចទាមទារបានច្រើនដូចគេអត់?»។
-
រដ្ឋសភានឹងកោះហៅរដ្ឋមន្ត្រីក្រសួងធម្មការឆ្លើយបំភ្លឺរឿងអាគារពុទ្ធសាសនបណ្ឌិត្យ
ប្រធានគណៈកម្មការអប់រំ យុវជន និងកីឡា ធម្មការ សាសនា វប្បធម៌ និងទេសចរណ៍នៃរដ្ឋសភា លោក យ៉ែម បុញ្ញឫទ្ធិ និងកោះហៅរដ្ឋមន្ត្រីក្រសួងធម្មការ លោក មិន ឃិន មកឆ្លើយបំភ្លឺពីផលប៉ះពាល់អាគារពុទ្ធសាសនបណ្ឌិត្យ នៅរសៀលថ្ងៃទី ៩ ខែ តុលាខាងមុខ។ ការកោះហៅរដ្ឋមន្ត្រីរូបនេះបន្ទាប់ពីបណ្ដាញព្រះសង្ឃឯករាជ្យដើម្បីយុត្តិធម៌សង្គម និងប្រជាពលរដ្ឋប្រមាណ ៣០០នាក់ នាំគ្នាតវ៉ានៅមុខអាគារវិទ្យាស្ថានពុទ្ធសាសនបណ្ឌិត្យ នៅព្រឹកថ្ងៃទី ០៣ តុលានេះ ដើម្បីស្នើដល់ព្រះមហាក្សត្រ និងរដ្ឋសភា អោយរក្សាទុកអាគារពុទ្ធសាសនបណ្ឌិត្យ ជាកន្លែងរក្សាទុកឯកសារ ការរៀនសូត្ររបស់ព្រះសង្ឃ និងសាធារណៈជូនទូទៅ។
-
ការកេងចំណេញផ្លូវភេទលើកុមារនៅតំបន់អាស៊ីអាគ្នេយ៍កាន់តែច្រើនឡើង
ទីក្រុងបាងកក— ទីភ្នាក់ងារអង្គការសហប្រជាជាតិដែលទទួលបន្ទុកខាងការប្រយុទ្ធប្រឆាំងនឹងឧក្រិដ្ឋកម្មអន្តរជាតិព្រមានថា ទេសចរណ៍ផ្លូវភេទកុមារនៅតំបន់អាស៊ីអាគ្នេយ៍ត្រូវគេមើលឃើញថា នឹងកាន់តែមានសភាពអាក្រក់ឡើងដោយការធ្វើសមាហរណកម្មសេដ្ឋកិច្ចក្នុងតំបន់នៃតំបន់នេះ ត្រូវគេរំពឹងថា នឹងកើតមានឡើងក្នុងពេលប៉ុន្មានឆ្នាំខាងមុខនេះ។
-
Google បង្រៀនពីរបៀបស្វែងរកទិន្នន័យតាមអ៊ីនធឺណិត
ភ្នំពេញ— ក្រុមអ្នកជំនាញរបស់ក្រុមហ៊ុនហ្គូហ្គល (Google) ដែលជាក្រុមហ៊ុនបម្រើសេវាកម្មទិន្នន័យតាមប្រព័ន្ធអ៊ីនធឺណេតដ៏ធំមួយរបស់សហរដ្ឋអាមេរិកនៅព្រឹកថ្ងៃព្រហស្បតិ៍នេះបានបើកវគ្គបណ្ដុះបណ្ដាលមួយដល់អ្នកយកព័ត៌មាន អ្នកសរសេរប្លក់និងនិស្សិតកម្ពុជាប្រមាណជាង១០០នាក់។ វគ្គសិក្សារយៈពេលមួយកំណាត់ថ្ងៃនេះផ្តោតលើរបៀបប្រើប្រាស់ និងទាញយកអត្ថប្រយោជន៍ពីអ៊ីធឺណេតដោយប្រើប្រាស់ឧបករណ៍ស្វែងរកទិន្នន័យរបស់ហ្គូហ្គល (Google)។
-
សកម្មជនព្រួយបារម្ភពីការរឹតត្បិតសេរីភាពអ៊ីនធឺណិត
វ៉ាស៊ីនតោន— ក្នុងពេលដែលសកម្មជននានា បានរិះគន់ដល់ការធ្លាក់ចុះនៃស្ថានភាពសិទ្ធិមនុស្ស និងសេរីភាពនៃការបញ្ចេញមតិនៅប្រទេសកម្ពុជា គេបានទទួលស្គាល់ថា សេរីភាពតាមបណ្តាញអ៊ីនធឺណិតនិងការបញ្ចេញមតិតាមបណ្តាញសង្គមដែលកំពុងតែមានប្រជាប្រិយ៍ភាពយ៉ាងខ្លាំង នៅមិនទាន់រងផលប៉ះពាល់អ្វីនៅឡើយទេ ប៉ុន្តែពួកគេព្រួយបារម្ភសម្រាប់រយៈពេលខាងមុខ បើទោះបីជាមានការអះអាងពីអ្នកតាក់តែងគោលនយោបាយថា នឹងមិនមានការប្រែប្រួលក៏ដោយ។
គាំទ្រដោយ
