កំពុងស្វែងរកទិន្នន័យ
រកឃើញ: 13.209
-
ទាហាន២នាក់នៅឧត្ដរមានជ័យរងការចោទថាវាយដំធ្វើទារុណកម្មពលរដ្ឋ
អង្គការសិទ្ធិមនុស្សក្រៅរដ្ឋាភិបាល នៅខេត្តឧត្តរមានជ័យ រាយការណ៍ថា ទាហានប្រដាប់អាវុធ ២នាក់ បានចាប់ខ្លួនប្រជាពលរដ្ឋម្នាក់ទៅវាយធ្វើទារុណកម្មតាមអំពើចិត្ត និងចងជាប់ដើមឈើពេញ១យប់។ រាល់អំពើហិង្សាបែបនេះជាច្រើនករណីកន្លងទៅ គេសង្កេតឃើញថា ប្រព័ន្ធច្បាប់មិនសូវចាត់វិធានការម៉ឺងម៉ាត់ ប្រឆាំងនឹងក្រុមទាហានទាំងនោះទេ។
-
បុគ្គលិកក្រុមហ៊ុនស៊ីនទ្រីមួយចំនួន បន្តធ្វើកូដកម្មទាមទារលក្ខខណ្ឌការងារ៤ចំណុច
កម្មករ និងមន្ត្រីសហជីព ឲ្យដឹងថាបុគ្គលិកក្រុមហ៊ុនស៊ីនទ្រីជាង២០០នាក់ នៅព្រឹកថ្ងៃអង្គារនេះ នៅតែបន្តធ្វើកូដកម្មនៅភូមិក្លា សង្កាត់ដង្កោ ខណ្ឌដង្កោ ដើម្បីទាមទារលក្ខខណ្ឌការងារ៤ចំណុចដែលនៅសេសសល់។
-
សមាគមការពារសិទ្ធិមនុស្ស ថ្កោលទោសអាជ្ញាធរចំពោះការប្រើប្រាស់កម្លាំងខុសច្បាប់
សមាគមការពារសិទ្ធិមនុស្សអាដហុក នៅថ្ងៃអង្គារនេះ ថ្កោលទោសចំពោះការប្រើប្រាស់កម្លាំង ខុសច្បាប់ម្តងហើយម្តងទៀតដោយអាជ្ញាធររាជធានីភ្នំពេញ ដើម្បីបំផ្លាញសេរីភាព បញ្ចេញមតិរបស់ប្រជាពលរដ្ឋដែលធានាដោយរដ្ឋធម្មនុញ្ញ។
-
សមត្ថកិច្ចរារាំងមិនឲ្យពលរដ្ឋតវ៉ានៅមុខស្ថានទូតវៀតណាម
ប្រជាពលរដ្ឋរាប់រយនាក់ប្រមូលផ្ដុំគ្នានៅខាងមុខស្ថានទូតវៀតណាម នៅព្រឹកថ្ងៃទី៨ កក្កដា នេះ ទាមទារឲ្យអ្នកនាំពាក្យស្ថានទូតមួយនេះ សុំទោសពលរដ្ឋខ្មែរជាសាធារណៈចំពោះការបំភ្លៃប្រវត្តិសាស្ត្រ ដែលលោកអះអាងថា ទឹកដីខ្មែរក្រោមជាទឹកដីរបស់ប្រទេសវៀតណាម តាំងពីយូរយារណាស់មកហើយ។
-
បាតុកម្មសុំឱ្យស្ថានទូតវៀតណាមសុំទោស រងការបង្ក្រាប
ក្រុមសន្តិសុខរបស់សាលាខណ្ឌដូនពេញនៅថ្ងៃអង្គារនេះ បានចេញមុខសារជាថ្មីមកវាយបង្ក្រាបលើការតវ៉ារបស់តំណាងនិស្សិត ប្រជាពលរដ្ឋ និងព្រះសង្ឃ បន្ទាប់ពីពួកគេបានប្រមូលផ្តុំតវ៉ានៅពីមុខស្ថានទូតវៀតណាមប្រចាំប្រទេសកម្ពុជា។
-
អង្គការសង្គមស៊ីវិលថារដ្ឋាភិបាលមិនបានដោះស្រាយបញ្ហាជម្លោះដីធ្លីឲ្យមានប្រសិទ្ធភាព
អង្គការសង្គមស៊ីវិលបានកត់សំគាល់ជាថ្មីម្តងទៀតថារដ្ឋាភិបាលបានខកខានក្នុងការដោះស្រាយទំនាស់ដីធ្លីប្រកបដោយប្រសិទ្ធភាព។ ប៉ុន្តែមន្ត្រីរដ្ឋាភិបាលបានច្រានចោលការលើកឡើងនេះ។
-
មន្ត្រីសិទ្ធិមនុស្សសុំឱ្យកែប្រែបទបញ្ជាផ្ទៃក្នុងសភាដើម្បីធានាសិទ្ធិបក្សមិនកាន់អំណាច
អ្នកតស៊ូមតិដើម្បីសិទ្ធិមនុស្សក្នុងប្រទេសកម្ពុជាយល់ថាដើម្បីធានាឱ្យមានដំណើរការប្រជាធិបតេយ្យនៅក្នុងសភាជាតិគឺស្ថាប័ននីតិប្បញត្តិមួយនេះត្រូវពិនិត្យមើលនិងកែសម្រួលបទបញ្ជាផ្ទៃក្នុងដើម្បីអាចឱ្យគណបក្សមិនកាន់អំណាចមានតួរនាទីច្បាស់លាស់ក្នុងការអនុវត្តការងាររបស់ខ្លួន។
-
ពលរដ្ឋមានទំនាស់ដីមិនទទួលយកការសម្រេចរបស់មន្ទីរសុរិយោដីខេត្តក្រចេះ
តំណាងប្រជាពលរដ្ឋជាង ៣០០គ្រួសារ នៅឃុំស្នួល ស្រុកស្នួល ខេត្តក្រចេះ បានច្រានចោលសេចក្តីសម្រេចរបស់មន្ទីររៀបចំដែនដី នគរូបនីយកម្ម និងសំណង់ ខេត្តក្រចេះ រួមនិងក្រុមការងារដោះស្រាយទំនាស់ដីធ្លី នៅថ្ងៃទី៨ កក្កដា។ ការបដិសេធនេះ ដោយសារសេចក្តីសម្រេចរបស់អាជ្ញាធរលើទំនាស់ដី បានធ្វើឱ្យប្រជាពលរដ្ឋខាតបង់ដីយ៉ាងច្រើន ហើយមានមួយចំនួនត្រូវបាត់បង់ដីចម្ការតែម្តង។
-
អាណាព្យាបាលផ្ដិតមេដៃទារឲ្យលែងប្រធានអង្គការដែលចោទពីបទជួញដូរផ្លូវភេទកុមារ
អាណាព្យាបាលក្មេងៗដែលស្នាក់នៅរៀនសូត្រក្នុងទីរួមខេត្តសៀមរាប ដោយមានការជួយជ្រោមជ្រែងពីអង្គការ ស៊ី.យូ.អែស (CUS) កំពុងតវ៉ាថា ការចាប់ប្រធានអង្គការ ដោយចោទពីបទជួញដូរផ្លូវភេទកុមារនោះ ជាការមិនត្រឹមត្រូវទេ។ ពួកគេកំពុងនាំគ្នាធ្វើញត្តិផ្ដិតមេដៃ តវ៉ាឲ្យមានការដោះលែង។
-
សមត្ថកិច្ចម្នាក់រងរបួស ខណៈប៉ះទង្គិចជាមួយពលរដ្ឋមានជម្លោះដីធ្លីនៅខេត្តកំពង់ឆ្នាំង
សមត្ថកិច្ចម្នាក់រងរបួស ដោយសារមានការប៉ះទង្គិចគ្នាជាមួយអ្នកមានជម្លោះដីធ្លី នៅភូមិឡពាង ស្រុកកំពង់ត្រឡាច ខេត្តកំពង់ឆ្នាំង នៅថ្ងៃចន្ទនេះ ខណៈដែលសមត្ថកិច្ចទាំងនោះព្យាយាមសម្រុកចូលចាប់ខ្លួនតំណាងពលរដ្ឋ នៅពេលចុះអនុវត្តសាលក្រមរបស់សាលាដំបូងរាជធានីភ្នំពេញ។
-
អ្នកភូមិបឹងកក់ដាក់ពាក្យបណ្តឹងទៅអង្គភាពប្រឆាំងអំពើពុករលួយ
នៅព្រឹកថ្ងៃចន្ទនេះ អ្នកភូមិបឹងកក់បាននាំគ្នាទៅដាក់ពាក្យបណ្តឹងនៅអង្គភាពប្រឆាំងអំពើពុករលួយដើម្បីប្រឆាំងប្រធានក្រុមហ៊ុន ស៊ូកាគូអ៊ីន រួមទាំងមន្ត្រីអាជ្ញាធរមួយចំនួនផងក្នុងនោះមាន លោក កែប ជុតិមា អតីតអភិបាលសាលារាជធានី លោក ប៉ា សុជាតិវង្ស អភិបាលសាលារាជធានីនិងមន្ត្រីខណ្ឌមួយចំនួនទៀត។ ពាក្យបណ្តឹងនេះត្រូវបានអង្គភាពប្រឆាំងអំពើពុករលួយទទួលយកទៅពិចារណា។
-
កម្មករស៊ីនទ្រីធ្វើកូដកម្មទាមទារលក្ខខណ្ឌការងារ៤ចំណុចទើបព្រមចូលធ្វើការ
កម្មករក្រុមហ៊ុនដឹកជញ្ជូនសំរាមស៊ិនទ្រី (CINTRI) រាប់រយនាក់ បន្តធ្វើកូដកម្មចូលដល់ថ្ងៃទី ២ ហើយ គិតមកដល់ថ្ងៃទី៧ កក្កដា ដើម្បីទាមទារលក្ខខណ្ឌការងារ ៤ ចំណុច ដែលភាគីក្រុមហ៊ុន មិនបានដោះស្រាយតាមសន្យាតាំងពីខែកុម្ភៈ ដើមឆ្នាំមកម្ល៉េះ។
-
សមត្ថកិច្ចដោះលែងម្ដាយចិញ្ចឹមដាក់ច្រវាក់កូននៅកោះកុង
សមត្ថកិច្ចនគរបាលខេត្តកោះកុង សម្រេចដោះលែងម្ដាយចិញ្ចឹមដែលបានដាក់ច្រវាក់កូនតូចអាយុ ៤ឆ្នាំនៅក្នុងផ្ទះ ក្រោមហេតុផលជាស្ត្រីមេម៉ាយក្រីក្រ ម្យ៉ាងដោយសារការដាក់ច្រវាក់កូននោះ ដើម្បីរក្សាសុវត្ថិភាពកូននៅពេលចេញទៅស៊ីឈ្នួលនៅចម្ការកៅស៊ូ។ ប៉ុន្តែមន្ត្រីអង្គការសង្គមស៊ីវិលគិតថា ការដោះលែងនេះអាចជាការលើកទឹកចិត្តឲ្យស្ត្រីជាម្ដាយចិញ្ចឹមបន្តប្រព្រឹត្តបទល្មើសទៀត នៅពេលដែលស្ត្រីរូបនោះបន្លុយសម្ដីថា គាត់នឹងទៅយកកូនពីម្ដាយបង្កើតកុមារីនោះម្នាក់ទៀតមកចិញ្ចឹម បើសិនកូនចិញ្ចឹមគាត់សព្វថ្ងៃនេះត្រូវមណ្ឌលអប់រំនៃមន្ទីរសង្គមកិច្ចខេត្តយកទៅចិញ្ចឹម។
-
កម្មករក្រុមហ៊ុនស៊ីនទ្រីធ្វើកូដកម្មសាថ្មី
ក្រុមហ៊ុនស៊ិនទ្រី ដែលទទួលបន្ទុកប្រមូលសំរាម នៅរាជធានីភ្នំពេញ បានឃើញកម្មកររបស់ខ្លួន ប្រមាណជា «៩០ភាគរយ» ធ្វើកូដកម្មសារថ្មី នៅថ្ងៃចន្ទនេះ។ ការចរចារវាងតំណាងកម្មករ និងអ្នកគ្រប់គ្រងក្រុមហ៊ុន ត្រូវបានរៀបចំឡើងភ្លាមៗ នៅពេលដែលកម្មករទាមទារលក្ខខណ្ឌ ១០ចំណុចពីក្រុមហ៊ុន។ កាលពីខែកុម្ភៈ ក្រុមហ៊ុនស៊ិនទ្រីធ្លាប់បានសម្រេចដំឡើងប្រាក់ខែអប្បបរមា និងសម្រួលតាមការទាមទារខ្លះរបស់កម្មករម្តងរួចហើយ ដើម្បីបញ្ចប់កូដកម្ម៤ថ្ងៃ ដែលបានបណ្តាលឱ្យសម្រាមក្នុងរាជធានីភ្នំពេញ គរដូចភ្នំ នៅពេលនោះ។
-
ពលរដ្ឋនៅជាយរាជធានី រារាំងសកម្មភាពរបស់ក្រុមហ៊ុនមិនឲ្យចាក់ដីលុបបឹងធម្មជាតិ
ប្រជាពលរដ្ឋនៅសង្កាត់ព្រែកឯង ជាយរាជធានីភ្នំពេញ នៅថ្ងៃចន្ទនេះ រារាំងរថយន្តដឹកដីរបស់ក្រុមហ៊ុនឯកជនឈ្មោះ មុំ មរកត អភិវឌ្ឍន៍ដីធ្លី មិនឲ្យចាក់ដីលុបបឹងធម្មជាតិ ដែលអ្នកភូមិចាត់ទុកថា ជាកន្លែងការពារទឹកលិចនៅរដូវវស្សា។
-
អ្នកការពារសិទ្ធិមនុស្សបារម្ភពីការផ្ទុះហិង្សារវាងសមត្ថកិច្ចនិងអ្នកភូមិឡពាង
សមាគមអាដហុក ប្រចាំខេត្តកំពង់ឆ្នាំង សំដែងក្តីបារម្ភថា គម្រោងរបស់សមត្ថកិច្ចក្នុងការចាប់ខ្លួនតំណាងពលរដ្ឋនៅភូមិឡពាង ដែលមានជម្លោះដីធ្លីជាមួយនឹងក្រុមហ៊ុន ខេ.ឌី.ស៊ី (KDC) អាចនាំឱ្យកើតមានអំពើហិង្សា។ ក្តីបារម្ភនេះ កើតមានឡើងបន្ទាប់ពីអ្នកភូមិប្រមាណ ៥០នាក់ បន្តយាម និងការពារកុំឲ្យសមត្ថកិច្ចចាប់ខ្លួនតំណាងរបស់ពួកគេ។
-
បុគ្គលិកក្រុមហ៊ុនស៊ីនទ្រីបន្តធ្វើកូដកម្មទាមទារលក្ខខណ្ឌការងារចំនួន១០ចំណុច
បុគ្គលិកក្រុមហ៊ុនស៊ីនទ្រីប្រមាណជា១០០នាក់ នៅភូមក្លា សង្កាត់ដង្កោ ខណ្ឌដង្កោ រាជធានីភ្នំពេញ នៅថ្ងៃចន្ទនេះ បន្តធ្វើកូដកម្មដើម្បីទាមទារលក្ខខណ្ឌការងារចំនួន១០ចំណុច បន្ទាប់ពីការចរចាកាលពីកន្លងទៅមិនទាន់មានដំណោះស្រាយ។
-
សមត្ថកិច្ចចម្រុះព័ទ្ធចាប់តំណាងពលរដ្ឋដែលមានជម្លោះដីនៅខេត្តកំពង់ឆ្នាំង
ពលរដ្ឋមានជម្លោះដីធ្លី នៅភូមិឡពាង ស្រុកកំពង់ត្រឡាច ខេត្តកំពង់ឆ្នាំង នៅព្រឹកថ្ងៃចន្ទនេះ អះអាងថា សមត្ថកិច្ចចម្រុះកិច្ចជិត២០០នាក់ ចុះចាប់តំណាងប្រជាពលរដ្ឋរបស់ខ្លួន តាមដីកាតុលាការ ខណៈទំនាស់ដីធ្លីជាមួយក្រុមហ៊ុន KDC មិនទាន់បានដោះស្រាយ។
-
អង្គការជាតិ និងអន្តរជាតិខកចិត្តដែលANZមិនជំរុញឲ្យមានការផ្តល់សំណងដល់ពលរដ្ឋ
អង្គការជាតិ និងអន្តរជាតិ សម្ដែងការខកចិត្ត ដែលធនាគារANZ មិនបានជំរុញឲ្យក្រុមហ៊ុនភ្នំពេញស៊ូហ្គ័រ ផ្តល់សំណងជូនប្រជាពលរដ្ឋ ដោយសារក្រុមហ៊ុនស្ករមួយនេះបានដកហូតយកដីធ្លី និងបណ្តេញប្រជាពលរដ្ឋចេញទាំងបង្ខំតាំងពីឆ្នាំ២០១០។
-
សាលារាជធានីមិនឲ្យក្រុមនិស្សិតធ្វើបាតុកម្មមុខទូតវៀតណាម
សាលារាជធានីភ្នំពេញហាមអង្គការសហព័ន្ធនិស្សិតបញ្ញវន្តកម្ពុជា ធ្វើបាតុកម្មមុខស្ថានទូតវៀតណាម ដើម្បីទាមទារឲ្យមន្ត្រីស្ថានទូតវៀតណាម ទទួលស្គាល់ថា ទឹកដីកម្ពុជាក្រោម ជាអតីតទឹកដីខ្មែរ។ លិខិតរបស់សាលារាជធានីភ្នំពេញ ចុះថ្ងៃទី៥ កក្កដា ឆ្លើយតបទៅនឹងអង្គការសហព័ន្ធនិស្សិតបញ្ញវន្តកម្ពុជា បញ្ជាក់ពីមូលហេតុមិនឲ្យធ្វើបាតុកម្មនោះ ដោយសំអាងមូលហេតុមកពីបញ្ហាសន្តិសុខ សុវត្ថិភាព និងរបៀបរៀបរយសាធារណៈ និងបណ្ដាលឲ្យកកស្ទះចរាចរណ៍ក្នុងក្រុង។ អង្គការសហព័ន្ធនិស្សិតបញ្ញវន្តកម្ពុជា ចំនួនប្រហែល ១០០នាក់ គ្រោងធ្វើបាតុកម្មមុខស្ថានទូតវៀតណាមថ្ងៃទី៨ កក្កដា ឆ្នាំ២០១៤។
គាំទ្រដោយ
