កំពុងស្វែងរកទិន្នន័យ
រកឃើញ: 13.209
-
សង្គមស៊ីវិលស្នើសុំការលើកលែងទោសមនុស្សមួយចំនួននៅថ្ងៃដង្ហែព្រះបរមសព
លោក អ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជា មានប្រសាសន៍ថា ព្រះរាជពិធីថ្វាយព្រះភ្លើងព្រះបរមសពព្រះបរមរតនកោដ្ឋ ព្រះមហាវីរក្សត្រ ព្រះករុណាសម្ដេចព្រះ នរោត្តម សីហនុ នៅខែកុម្ភៈ ឃើញរាជរដ្ឋាភិបាលសំរេចលើកលែងទោស និងបន្ធូរបន្ថយទោសទណ្ឌិតចន្លោះពី ៤០០ ទៅ ៥០០នាក់ ក្នុងនោះក៏មានជនជាតិថៃ ២នាក់ ដែលជាប់ចោទក្នុងរឿងចារកម្មផងដែរ។ ដូច្នេះលោកថា គ្មានហេតុផលណាដែលរដ្ឋាភិបាល មិនអាចលើកលែងការចោទប្រកាន់ ឬដោះលែងមេដឹកនាំបក្សប្រឆាំង មន្ត្រីសង្គមស៊ីវិល និងសកម្មជនដីធ្លីពីពន្ធនាគារនោះទេ។
-
កម្ពុជាប្រាប់ទៅស្ថានទូតអាមេរិកឲ្យឈប់រំលោភលើអំណាចតុលាការកម្ពុជា
កម្ពុជាប្រាប់ទៅស្ថានទូតអាមេរិកនៅរាជធានីភ្នំពេញ ឲ្យបញ្ឈប់ជាបន្ទាន់នូវការរំលោភលើអំណាចឆន្ទានុសិទ្ធិរបស់តុលាការ ដែលស្នើឲ្យរដ្ឋាភិបាលកម្ពុជាពិនិត្យឡើងវិញករណីហិង្សាក្បែរស្ពាននាគជិតទីលានប្រជាធិបតេយ្យ ខណៈសកម្មជនគណបក្សប្រឆាំង១១នាក់ ត្រូវបានតុលាការផ្តន្ទាទោសដាក់ពន្ធនាគារ កាលពីថ្ងៃទី២១ខែកក្កដា។ ការប្រតិកម្មរបស់កម្ពុជានៅពេលនេះ ធ្វើឡើងបន្ទាប់ពីស្ថានទូតសហរដ្ឋអាមេរិកចេញសេចក្តីប្រកាសព័ត៌ មានខ្លឹមសារថា សូមឲ្យរដ្ឋាភិបាលកម្ពុជាពិនិត្យឡើងវិញករណីនៃការកាត់ទោសសកម្មជនសង្គ្រោះជាតិទាំង១១នាក់ ដោយចាត់ទុកថាការកាត់ទោសនេះមានភាពមិនប្រក្រតី ។ សេចក្តីប្រកាសបញ្ជាក់ថា៖”សហរដ្ឋអាមេរិកមានកង្វល់យ៉ាងខ្លាំង ចំពោះដំណើរការដែលនាំដល់ការដាក់ទោសដល់អ្នកទាំងនោះដោយតុលាការ។ យើងសុំឲ្យរដ្ឋាភិបាលកម្ពុជាពិនិត្យមើលឡើងវិញឲ្យបានម៉ត់ចត់នូវ ដំណើរក្តីនៃតុលាការរបស់ខ្លួន ដើម្បីធ្វើយ៉ាងណាឲ្យវាមានលក្ខណៈពេញលេញ តម្លាភាព ហើយស្របទៅនឹងច្បាប់ក្នុងប្រទេសនិងបទដ្ឋានអន្តរជាតិ”។
-
ប៉ូលិសខេត្តព្រះសីហនុ ឃាត់ខ្លួនបុរសជនបរទេសម្នាក់ ពីបទរួមភេទជាមួយក្មេងមិនទាន់គ្រប់អាយុ
ព្រះសីហនុ: បុរសជនជាតិមិចសិចកូម្នាក់ ត្រូវប៉ូលិសឃាត់ខ្លួនពីបទរួមភេទជាមួយក្មេងស្រីអនីតិជន ( អាយុក្រោម ១៥ ឆ្នាំ )។ ការឃាត់ខ្លួននោះ បានធ្វើឡើង នៅវេលាម៉ោង ១២ ថ្ងៃទី១៥ ខែមិថុនា ឆ្នាំ២០១៥ នៅហាងម៉ាស្សា ណៃស៍ ស្ថិតក្នុងភូមិ៣ សង្កាត់លេខ៤ ក្រុងព្រះសីហនុ។ លោកអនុសេនីយ៍ឯក ម៉េង ចន្ថា នាយរងការិយាល័យប្រឆាំងជួញដូរមនុស្ស និងអនីតិជន បានអោយដឹងថា បុរសជនជាតិមិចសិចកូម្នាក់នេះ មានឈ្មោះ PINA PAEZ BERNRDO ភេទប្រុស អាយុ ៥៩ ឆ្នាំ កាន់លិខិចឆ្លងដែនលេខ: ០៧០២០០៤៨៨១១ ផុតកំណត់ថ្ងៃទី២៨ ខែមីនា ឆ្នាំ២០១៧ បានចូលមកស្នាក់នៅក្រុងព្រះសីហនុ រយៈពេល ១ខែមកហើយ ដោយស្នាក់នៅ ក្នុងហាងម៉ាស្សាយីហោ ណៃស៍។
-
លោក រ៉ុង ឈុន នឹងប្តឹងឧទ្ធរណ៍លើសំណុំរឿងបាតុកម្មនៅផ្លូវវេងស្រេង
លោក រ៉ុង ឈុន មេដឹកនាំសហជីពម្នាក់ក្នុងចំណោម៦នាក់ បានប្រកាសប្តឹងឧទ្ធរណ៍ប្រឆាំងនឹងសាលក្រមរបស់តុលាការក្រុងភ្នំពេញ ក្នុងសំណុំរឿងដឹកនាំបាតុកម្មនៅផ្លូវវេងស្រេង កាលពីចុងឆ្នាំ ២០១៣ ។ បើតាមលោក រ៉ុង ឈុន ពាក្យបណ្តឹងរបស់លោកនឹងដាក់នៅថ្ងៃទី ០៩ មករា ស្អែកនេះ។ សូមបញ្ជាក់ថា សំណុំរឿងបាតុកម្មនៅផ្លូវវេងស្រេងកាលពីចុងឆ្នាំ ២០១៣ ត្រូវបានតុលាការក្រុងភ្នំពេញកាត់ទោសឲ្យមេដឹកនាំសហជីពធំៗចំនួន៦រូប ជាប់ពន្ធនាគារម្នាក់ ២ឆ្នាំ ៦ខែ និងពិន័យជាប្រាក់ចំនួន៣៥លានរៀល។
-
“ទីលានប្រជាធិបតេយ្យអាចបើកឡើងវិញលុះត្រាមានការប្រើប្រាស់ត្រឹមត្រូវតាមច្បាប់”
ការប្រឹងប្រែងទាមទារឲ្យបើកទីលានប្រជាធិបតេយ្យ ឲ្យមហាជនទូទៅប្រើប្រាស់ឡើងវិញ បានធ្វើឲ្យមានការប៉ះទង្គិចគ្នារវាងសកម្មជនគាំទ្រគណបក្សសង្គ្រោះជាតិ ជាមួយកម្លាំងកងសន្តិសុខខណ្ឌដូនពេញ ដែលយាមល្បាតការពារទីលានប្រជាធិបតេយ្យ ដោយមានការសហការជាមួយប៉ូលិស និងកម្លាំងកងសន្តិសុខផ្សេងទៀត។
-
យុវជននាំគ្នាមកបង្ហាញទស្សនៈលើការកែទម្រង់ការបោះឆ្នោត
នៅព្រឹកថ្ងៃទី២០មិថុនានេះ មជ្ឈមណ្ឌលសិទ្ធិមនុស្សកម្ពុជា បានប្រមូលយុវជន មកពីតាមសាលា សមាគម និងអង្គការនានា ដើម្បីផ្តល់ឱកាសឲ្យយុវជន បានបញ្ចេញ ទស្សនៈ របស់ខ្លួន ក្នុងការចូលរួមកែទម្រង់ការបោះឆ្នោត ដែលជាបុព្វហេតុនាំឲ្យមានការជាប់គាំងខាងនយោបាយនៅកម្ពុជា។
-
១៦ គ្រួសារនៅបឹងកក់ទទួលយកដំណោះស្រាយពីសាលារាជធានី
ពលរដ្ឋ ១៦ គ្រួសារនៃសហគមន៍បឹងកក់ ដែលរស់នៅតាមផ្លូវរថភ្លើងក្នុងភូមិ ១ សង្កាត់ស្រះចក ខណ្ឌដូនពេញ ពីម្សិលមិញបានឯកភាពទទួលយកដំណោះស្រាយបញ្ចប់វិវាទដីធ្លី ពីសាលារាជធានីភ្នំពេញហើយ ខណៈពលរដ្ឋ ៥ គ្រួសារទៀត កំពុងស្ថិតក្នុងការចរចា។ លោក ឡុង ឌីម៉ង់ មន្ត្រីនាំពាក្យសាលារាជធានីឲ្យដឹងថា នៅព្រឹកថ្ងៃម្សិលមិញនេះពលរដ្ឋមានជម្លោះដីធ្លីនៅបឹងកក់ជាង ២០ គ្រួសារ សម្រេចទទួលយកដំណោះស្រាយបញ្ចប់ជម្លោះពីសាលារាជធានីហើយ។ ក្នុងនោះ ១៦ គ្រួសារដឹកនាំដោយលោក ច័ន្ទ ពុទ្ធិស័ក្ដិ បានទទួលយកដីទំហំ ៦៤ ម៉ែត្រការ៉េ ខណៈមាន ៥ គ្រួសារដឹកនាំដោយអ្នកស្រី លី ណារី ទទួលចាប់ពី ៧២ ម៉ែត្រការ៉េទៅដល់ ២១៦ ម៉ែត្រការ៉េ។
-
គជប នឹងចាប់ផ្តើមចុះឈ្មោះអ្នកសង្កេតការណ៍បោះឆ្នោតក្រុមប្រឹក្សាពីខែកុម្ភៈនេះតទៅ
គណៈកម្មាធិការជាតិរៀបចំការបោះឆ្នោត នឹងទទួលចុះឈ្មោះអ្នកសង្កេតការណ៍ជាតិ និងអន្តរជាតិចាប់ពីថ្ងៃទី០១ ខែកុម្ភៈ ឆ្នាំ ២០១៩នេះ ដើម្បីចូលរួមឃ្លាំមើលការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី០៣ ដែលនឹងប្រព្រឹត្តទៅ នៅថ្ងៃទី ២៦ ឧសភា ខាងមុខ។ ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ គឺជាការបោះឆ្នោតអសកល ដែលអង្គបោះឆ្នោត គឺមានតែសមាជិកក្រុមប្រឹក្សាឃុំសង្កាត់ ដែលស្ថិតនៅក្នុងតំណែងប៉ុណ្ណោះ។
-
រដ្ឋសភា បើកសិក្ខាសាលាពិគ្រោះយោបល់លើសេចក្តីព្រាងច្បាប់អង្គការ រីឯតំណាងរាស្រ្តគណបក្សសង្គ្រោះជាតិ ដើរចេញ
ភ្នំពេញ: ដូចការគ្រោងទុក នៅព្រឹកថ្ងៃទី៨កក្កដានេះ រដ្ឋសភា បានបើកសិក្ខាសាលាពិគ្រោះយោបល់ ស្តីពី សេចក្តីព្រាងច្បាប់ ស្តីពី សមាគម និងអង្គការមិនមែនរដ្ឋាភិបាល។ សិក្ខាសាលា នៅវិមានរដ្ឋសភារយៈពេលមួយព្រឹកនេះ ត្រូវឲ្យអ្នកចង់ចូលរួម ត្រូវចុះឈ្មោះជាមុន។ នៅរដ្ឋសភា នាព្រឹកនេះ ក៏មានបុគ្គលិកអង្គការសង្គមស៊ីវិល និងអ្នកកាសែតមួយចំនួន មិនត្រូវបានអនុញ្ញាតឲ្យចូលរួមសិក្ខាសាលានោះទេ។ រីឯអ្នកតំណាងរាស្ត្រគណបក្សសង្គ្រោះជាតិ ក៏បានដើរចេញពីអង្គសិក្ខាសាលានោះផងដែរ។
-
ញត្តិទាមទារឲ្យដកអភិបាលក្រុងបានលុងចេញ ត្រូវបានច្រានចោល
លោក អ៊ុក សំអុល អភិបាលក្រុងបានលុងនឹងមិនត្រូវបានដកចេញពីតួនាទីរបស់លោកទេ ហើយផ្ទុយទៅវិញនឹងធ្វើការស៊ើបអង្កេតដើម្បីស្វែងរកការពិតចំពោះញត្តិដែលទាមទារឲ្យដករូបលោកចេញកាលពីខែមុន នេះបើតាមអភិបាលក្រុងរូបនេះ និងមន្ត្រីដទៃទៀតបានលើកឡើងកាលពីម្សិលមិញ។
-
អង្គការសិទ្ធិមនុស្សស្នើឲ្យទម្លាក់ការចោទប្រកាន់លើ វន់ ពៅ និងសកម្មជនមួយចំនួនទៀត
មជ្ឈមណ្ឌលសិទ្ធិមនុស្សកម្ពុជា (CCHR) អំពាវនាវឲ្យលើកលែងការចោទប្រកាន់ទៅលើ សកម្មជនសិទ្ធិមនុស្ស៤នាក់ពិសេសលោក វន់ ពៅ និងមនុស្ស៦នាក់ផ្សេងទៀត ដោយសារអង្គការរកឃើញថា ការផ្តន្ទាទោសដោយសាលាដំបូងនោះ មិនមានភស្តុតាងគ្រប់គ្រាន់ និងបានរំលោភសិទ្ធិទទួលបានការជំនុំជម្រះក្តីដោយយុត្តិធម៌។ ការស្នើនេះធ្វើស្របពេលដែលសាលាឧទ្ធរណ៍ យកសំណុំរឿងនេះមកសើរើឡើងវិញនៅថ្ងៃចន្ទនេះ ទៅតាមពាក្យបណ្តឹងរបស់មេធាវីជនជាប់ចោទ ដែលទាមទារឲ្យមោឃៈលើបណ្តឹងសុំនៅក្រៅឃុំរបស់លោក វន់ ពៅ និងលោក សម្បត្តិ ពិសិដ្ឋ ខណៈជនទាំងនោះត្រូវបានដោះលែងភ្លាមៗ ក្រោយពីមានការសម្របសម្រួលផ្នែកនយោបាយ។
-
កម្មករជាង១០០នាក់ ដួលសន្លប់នៅរោងចក្រកូកូវ៉ុល២ ខណៈចៅកែរោងចក្រចាក់សោបិទទ្វារ
កម្មករប្រមាណ១០០នាក់ នៅរោងចក្រកូកូវ៉ុល២ នៅសង្កាត់ចោមចៅ ខណ្ឌពោធិ៍សែនជ័យ សន្លប់នៅព្រឹកថ្ងៃសុក្រនេះ ខណៈថៅកែរោងចក្រចាក់សោបិទទ្វារ មិនឲ្យកម្មករទាំងនោះ ចូលរួមកូដកម្មនៅខាងក្រៅរោងចក្រ។
-
ជនជាតិដើមភាគតិចនៅក្រចេះរារាំងក្រុមហ៊ុនវៀតណាមឈូសឆាយប៉ះលើដីចម្ការ
ប្រជាពលរដ្ឋជនជាតិដើមភាគតិចនៅឃុំថ្មី ស្រុកចិត្របូរី ខេត្តក្រចេះ បន្តរារាំងក្រុមហ៊ុនវៀតណាម ដែលបានឈូសឆាយប៉ះលើដីចម្ការវិលជុំរបស់ពួកគាត់ ដើម្បីស្វែងរកដំណោះស្រាយមួយជាមុន។ ការប៉ុនប៉ងឈូសឆាយដីរបស់ពលរដ្ឋទាំងនេះ កើតឡើងបន្តបន្ទាប់គ្នាចាប់តាំងពីថ្ងៃទី៣ កក្កដា។
-
សិទ្ធិទទួលបានព័ត៌មាន តើយើងមកដល់ណាហើយ?
ច្បាប់ស្តីពីសិទ្ធិទទួលបានព័ត៌មាន លើប្រធានបទ តើយើងមកដល់ណាហើយ? គឺជាប្រធានបទដែលត្រូវបានលើកឡើងនៅក្នុងកិច្ចសន្ទនាជាន់ខ្ពស់ ដើម្បីធ្វើឲ្យសេចក្តីព្រាង ច្បាប់ស្តីពីសិទ្ធិទទួលបានព័ត៌មាននៅកម្ពុជា ធានាបាននូវសិទ្ធិទទួលបានព័ត៌មាន សេរីភាពនៃការបញ្ចេញមតិ និងធ្វើឲ្យច្បាប់នេះផ្តល់អត្ថប្រយោជន៍ដល់ជីវភាពប្រជាពលរដ្ឋខ្មែរទូទៅ។
-
រោងចក្រស៊ូភើថិចបិទទ្វារអត់បើកលុយកម្មករលើកគ្នាទាមទារឲ្យក្រុមប្រឹក្សាអាជ្ញាកណ្ដាលជួយ
កម្មកររោងចក្រកាត់ដេរស៊ូភើថិចដែលមានទីតាំងនៅតាមបណ្ដោយ ផ្លូវជាតិលេខ២ ក្នុងសង្កាត់ចាក់អង្គ្រែក្រោម ជិត២រយនាក់ ដែលពុំទាន់បានបើកប្រាក់បំណាច់ខែកក្កដាផង ហើយត្រូវបានថៅកែរោងចក្របិទទ្វារនោះ នៅព្រឹកថ្ងៃចន្ទទី១៨កក្កដានេះ បានលើកគ្នាមកទាមទារឲ្យក្រុមប្រឹក្សាអាជ្ញាកណ្ដាល ជួយអន្តរាគមន៍ដោះស្រាយដល់ ពួកគេ។
-
រដ្ឋសភា បើកកិច្ចប្រជុំអនុម័តសេចក្តីព្រាងច្បាប់អង្គការ ខណៈដែលសកម្មជនអង្គការសង្គមស៊ីវិល ប្រមូលផ្តុំតវ៉ា
ភ្នំពេញ: ដូចការគ្រោងទុក នៅព្រឹកថ្ងៃចន្ទ ទី១៣ ខែកក្កដា ឆ្នាំ២០១៥ រដ្ឋសភា បានបើកកិច្ចប្រជុំ ដើម្បីពិភាក្សា និងអនុម័តលើសេចក្តីព្រាងច្បាប់ សមាគម និងអង្គការមិនមែនរដ្ឋាភិបាល។ កូរ៉ូមប្រជុំរដ្ឋសភា នាព្រឹកនេះ មានចំនួន ៦៨ រូប ពោលគឺជាអ្នកតំណាងរាស្ត្រមកតែពីគណបក្សប្រជាជនកម្ពុជាប៉ុណ្ណោះ។ ចំណែកអ្នកតំណាងរាស្ត្រគណបក្សសង្គ្រោះជាតិ បានធ្វើពហិការ មិនចូលរួមប្រជុំរដ្ឋសភា នាព្រឹកនេះទេ។ ប៉ូលិសជាច្រើនត្រូវបានគេដាក់ពង្រាយ ហើយបិទផ្លូវមុខរដ្ឋសភា ដោយដាក់របាំងដែក ខណៈដែលក្រុមសកម្មជនអង្គការសង្គមស៊ីវិលជាច្រើន បានប្រមូលផ្តុំ នៅរង្វង់មូលសម្តេចព្រះសង្ឃរាជ ជួន ណាត។ នៅពេលបើកអង្គប្រជុំរដ្ឋសភា នាព្រឹកនេះ សម្តេចអគ្គមហាពញាចក្រី ហេង សំរិន ប្រធានរដ្ឋសភា មានប្រសាសន៍ថា ការប្រជុំពិភាក្សា អនុម័តសេចក្តីព្រាងច្បាប់ ស្តីពី សមាគម និងអង្គការមិនមែនរដ្ឋាភិបាល នៅថ្ងៃនេះ ដំណើរការទៅបានដោយយោងតាមបទបញ្ជាផ្ទៃក្នុងរដ្ឋសភា បានកំណត់យក សំឡេងមតិភាគច្រើនដាច់ខាត ដែលមានចំនួនសមាជិកសភាចូលរួមប្រជុំ មានចំនួនលើសពីពាក់កណ្តាល នៃចំនួនសមាជិករដ្ឋសភាទាំងមូល ចំនួន ១២៣ រូប។ ចំណែកនៅខាងក្រៅវិមានរដ្ឋសភាវិញ នៅព្រឹកនេះ មានការការពារសន្តិសុខយ៉ាងតឹងរឹងបំផុត ដែលមានសមត្ថកិច្ចចម្រុះជាច្រើនរយនាក់។
-
អ្នកទោស៣នាក់ជាប់ពន្ធនាគារជាមួយលោកម៉ម សូណង់ដូ ត្រូវបានដោះលែងឱ្យមានសេរីភាព
រាជធានីភ្នំពេញ ៖ ថ្ងៃទី១៩ មីនា ២០១៣ អ្នកភូមិប្រម៉ា ៣នាក់ ដែលជាប់ចោទក្នុងរឿងបង្កើតតំបន់អបគមន៍នៅភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ ជាមួយលោកម៉ម សូណង់ដូ ត្រូវបានដោះលែងចេញពីពន្ធនាគារព្រៃ.សវិញហើយនៅវេលាម៉ោងជាង១០ព្រឹកថ្ងៃទី១៩ មីនា ២០១៣។ បុរសទាំងបីនាក់នោះត្រូវបានតុលាការសម្រេចផ្តន្ទាទោសដាក់ពន្ធនាគារអស់រយៈពេល១០ខែ។ បុរស៣នាក់រស់នៅភូមិប្រម៉ា ឃុំកំពង់ដំរី ស្រុកស្នួល ខេត្តក្រចេះទាំងនេះ រួមមានលោកទូច រាម លោកកាន់ សុវណ្ណ និងលោកភាន់ ស្រឿន ត្រូវបានចាប់ខ្លួន និងផ្តន្ទាទោសក្នុងពេលអាជ្ញាធរសមត្ថកិច្ចចម្រុះបើកប្រតិបត្តិការបណ្ដេញក្រុមអ្នកភូមិចេញពីដីនៅភូមិប្រម៉ា ក្នុងឃុំកំពង់ដំរី ស្រុកឆ្លូង ខេត្តក្រចេះ កាលពីថ្ងៃទី១៦ ឧសភា ២០១២។ អ្នកភូមិទាំងបីនាក់ត្រូវបាននាំមកកាត់ទោសជាមួយនឹងលោកម៉ម សូណង់ដូ ក្នុងសំណុំរឿងបង្កើតតំបន់អបគមន៍ ចលនាបះបោរ កាន់អាវុធប្រឆាំងរដ្ឋាភិបាលនៅក្នុងភូមិប្រម៉ា៕
-
ក្នុងឆ្នាំ ២០១៤ ក្រសួងបរិស្ថានរឹបអូសឈើបានជាង ៩៦០ ម៉ែត្រគុប
ក្រសួងបរិស្ថាន បានឲ្យដឹងថានៅក្នុងការបង្ក្រាបបទល្មើសព្រៃឈើនៅក្នុងតំបន់ការពារធនធានធម្មជាតិ កាលពីឆ្នាំ ២០១៤ ក្រសួងរឹបអូសឈើបានជាង ៩៦០ ម៉ែត្រគុប ខណៈដែលអង្គការសង្គមស៊ីវិលមើលឃើញថា បទល្មើសព្រៃឈើនៅតែមានសន្ទុះកើនឡើង។ យោងតាមកម្រងឯកសារស្តីពីសកម្មភាពការងារក្រសួងបរិស្ថាន ពីខែកញ្ញាឆ្នាំ ២០១៣ ដល់ខែមេសា ឆ្នាំ ២០១៥ បានលើកឡើងថា ក្នុងឆ្នាំ ២០១៤ បើទោះជាមន្ត្រីថ្នាក់ជាតិ និងក្រោមជាតិបានចាត់វិធានការយ៉ាងសកម្មក្នុងការគ្រប់គ្រង ការពារទប់ស្កាត់ និងបង្ក្រាបបទល្មើសគ្រប់រូបភាពនៅតាមឧទ្យានជាតិ ដែនជម្រកសត្វព្រៃ តំបន់ប្រើប្រាស់ច្រើនយ៉ាង និងតំបន់ការពារទេសភាពក្តីប៉ុន្តែនៅតែមានជនខិលខូចមួយចំនួនឆ្លៀតឱកាសប្រព្រឹត្តបទល្មើស និងបង្កភាពអនាធិបតេយ្យ ដូចជា កាប់រានដីព្រៃឈើយកដីលក់ និងបទល្មើសកាប់ឈើខុសច្បាប់ដឹកតាមរទេះប្រមូលលក់ឲ្យឈ្មួញ ក៏ដូចជា បទល្មើសចាប់សត្វព្រៃនៅតែកើតមានជាបន្តបន្ទាប់ផងដែរ។
-
សង្គមស៊ីវិលសម្ដែងក្ដីកង្វល់អំពីបញ្ហាសិទ្ធិមនុស្សកម្ពុជា ប្រាប់ប្រេសិតពិសេសអង្គការសហប្រជាជាតិ
អង្គការសង្គមស៊ីវិលសំខាន់ៗក្នុងប្រទេសកម្ពុជាកាលពីថ្ងៃច័ន្ទនេះ បានសម្ដែងក្តីបារម្ភរបស់ខ្លួនដល់អ្នករាយការណ៍ពិសេសរបស់អង្គការសហប្រជាជាតិស្តីពីសិទ្ធិមនុស្សនៅក្នុងកម្ពុជាគឺលោកស្រី រ៉ូណា ស្មីត (Rhona Smith) ដែលកំពុងធ្វើទស្សនកិច្ចពិសេសរយៈពេល១០ថ្ងៃក្នុងប្រទេសកម្ពុជា។ មន្ត្រីអង្គការសង្គមស៊ីវិលដែលបានជួបពិភាក្សាជាមួយអ្នករាយការណ៍ពិសេសអង្គការសហប្រជាជាតិ បានឲ្យ VOA ដឹងថា ពួកគេបានលើកបញ្ហាថ្មីៗមួយចំនួន ដែលកើតឡើងក្នុងប្រទេសកម្ពុជា ទាក់ទិននឹងការរឹតត្បិតសេរីភាពរបស់សង្គមស៊ីវិល សិទ្ធិបញ្ចេញមតិលើបណ្ដាញសង្គមហ្វេសប៊ុក និងការបោះឆ្នោតប្រកបដោយសន្តិវិធីនាពេលខាងមុខ។
អានបន្ត
គាំទ្រដោយ
