កំពុងស្វែងរកទិន្នន័យ
រកឃើញ: 13.209
-
សិទ្ធិទទួលបានព័ត៌មាន តើយើងមកដល់ណាហើយ?
ច្បាប់ស្តីពីសិទ្ធិទទួលបានព័ត៌មាន លើប្រធានបទ តើយើងមកដល់ណាហើយ? គឺជាប្រធានបទដែលត្រូវបានលើកឡើងនៅក្នុងកិច្ចសន្ទនាជាន់ខ្ពស់ ដើម្បីធ្វើឲ្យសេចក្តីព្រាង ច្បាប់ស្តីពីសិទ្ធិទទួលបានព័ត៌មាននៅកម្ពុជា ធានាបាននូវសិទ្ធិទទួលបានព័ត៌មាន សេរីភាពនៃការបញ្ចេញមតិ និងធ្វើឲ្យច្បាប់នេះផ្តល់អត្ថប្រយោជន៍ដល់ជីវភាពប្រជាពលរដ្ឋខ្មែរទូទៅ។
-
រដ្ឋសភាមិនបញ្ជាក់ច្បាស់លាស់ពីការកែសម្រួលសេចក្ដីព្រាងច្បាប់សហជីព
ក្រសួងការងារនៅតែរក្សាទុកមាត្រា ១៣ នៃសេចក្ដីព្រាងច្បាប់ស្ដីពីសហជីព ដែលតម្រូវឲ្យមានការយល់ព្រមពីសមាជិកសហជីពចំនួន ៥០% បូក ១ (50% +1) ទើបអាចធ្វើកូដកម្មបាន អោយនៅដដែល។ ការរក្សាចំណុចនេះ ត្រូវបានរដ្ឋមន្ត្រីក្រសួងការងារ អះអាងថា ខ្លួនបានបន្ធូរបន្ថយច្រើនមកហើយ ដែលកាលពីមុនកំណត់យកមតិ ២ ភាគ ៣ នៃសមាជិកសហជីព ទើបអាចធ្វើកូដកម្ម ឬបាតុកម្ម។ សហជីពបង្ហាញការខកចិត្តចំពោះការផ្លាស់ប្ដូររបស់រដ្ឋាភិបាលដូចនេះ។ រដ្ឋមន្ត្រីក្រសួងការងារ និងប្រធានគណៈកម្មការទី០៦ រដ្ឋសភាអះអាងថា ពួកគេបានកែប្រែបាន ៥០% នៃសំណើ ១០០% ដែលក្រុមអ្នកចូលរួមក្នុងសិក្ខាសាលានៅរដ្ឋសភាស្នើសុំ។ រដ្ឋមន្ត្រីក្រសួងការងារថ្លែងនៅក្នុងកិច្ចប្រជុំនៅថ្ងៃទី១០ ខែមីនា ថា កិច្ចប្រជុំនេះដើម្បីជជែកលទ្ធផលដែលក្រុមការងារចំពោះកិច្ចផ្ដល់យោបល់យកមកបូកបញ្ចូល និងមតិយោបល់ក្នុងសិក្ខាសាលាថ្នាក់ជាតិកាលពីថ្ងៃទី៩ ខែមីនា៖ «ជាការពិតហើយអ្វីដែលទាមទារទាំងអស់មិនបានបញ្ចូលទាំងអស់ទេ ប៉ុន្តែយើងយកចំណុចសំខាន់មកជជែកកែប្រែ»។
អានបន្ត -
ជំនាញច្បាប់របស់ក្រុមប្រឹក្សាធម្មនុញ្ញ ពិនិត្យមើលសំណើរបស់ តំណាងរាស្ត្រគណបក្សសង្គ្រោះជាតិ
ភ្នំពេញ: ជំនាញខាងច្បាប់របស់ ក្រុមប្រឹក្សាធម្មនុញ្ញ បានពិនិត្យមើលសំណើ របស់តំណាងរាស្ត្រ គណបក្សសង្គ្រោះជាតិ ស្នើពិនិត្យធម្មនុញ្ញភាព នៃច្បាប់ស្តីពីសមាគម និងអង្គការមិនមែនរដ្ឋាភិបាល ដើម្បីបញ្ជូនមក ក្រុមប្រឹក្សាធម្មនុញ្ញ ដើម្បីធ្វើការឆ្លើយតប ទៅម្ចាស់សំណើវិញ។ ការពិនិត្យសំណើរបស់ តំណាងរាស្ត្រ គណបក្សសង្គ្រោះជាតិ បានធ្វើឡើងនៅព្រឹកថ្ងៃទី៣១ ខែកក្កដា ឆ្នាំ២០១៥ នេះ។ លោក ព្រហ្ម ញាណវិចិត្រ អ្នកនាំពាក្យក្រុមប្រឹក្សាធម្មនុញ្ញ បានប្រាប់គេហទំព័រ CEN នៅព្រឹកថ្ងៃទី៣១ ខែកក្កដា នេះថា ចំពោះសំណើរបស់តំណាងរាស្ត្រ គណបក្សសង្គ្រោះជាតិ ស្នើពិនិត្យធម្មនុញ្ញភាព នៃច្បាប់ស្តីពីសមាគម និងអង្គការមិនមែនរដ្ឋាភិបាល គឺបានចាត់ចែងឲ្យក្រុមជំនាញខាងច្បាប់ គេពិនិត្យមើលត្រឹមត្រូវ ទៅតាមនីតិវិធីចុង ក្រោយ បានក្រុមជំនាញពិនិត្យហើយ គេស្នើមក ហើយក្រុមប្រឹក្សាធម្មនុញ្ញកោះអញ្ជើញសមាជិក ចាប់ផ្តើមពិនិត្យ ប៉ុន្តែការចាប់ផ្តើមពិនិត្យ នៅពេលណាមិនទាន់ដឹងនៅឡើយទេ។
-
សង្គមស៊ីវិលនឹងធ្វើកម្មវិធីលើកស្ទួយសមភាពយេនឌ័រក្នុងទិវានារីអន្តរជាតិ
ក្រុមអង្គការដែលធ្វើការផ្នែកលើកស្ទួយ សមភាពយេនឌ័រ គ្រោងនឹងរៀបចំកម្មវិធីផ្សព្វផ្សាយគម្រោងមួយស្ដីពី "សំឡេងរបស់យើងដើម្បីសមភាពយេនឌ័រ" ក្នុងឱកាសទិវានារីអន្តរជាតិ។
-
លោក រ៉ុង ឈុន ចុះដល់បង្គោលព្រំដែនលេខ១០៩ដោយសុវត្ថិភាព
គណៈ ប្រតិភូរបស់ក្រុមប្រឹក្សាឃ្លាំមើលដែលដឹកនាំដោយ លោក រ៉ុង ឈុន បានចុះទៅដល់បង្គោលព្រំដែនលេខ១០៩ ក្នុងស្រុកមេមត់ ខេត្តកំពង់ចាម នៅព្រឹកថ្ងៃអាទិត្យនេះដោយគ្មានការរារាំងពីអាជ្ញាធរទេ។ គណៈប្រតិភូដែលមានគ្នាជិត២០នាក់ បានជួបជាមួយប្រជាពលរដ្ឋនៅទីនោះដើម្បីស្តាប់របាយការណ៍អំពីបញ្ហា បោះបង្គោលព្រំដែន។ លោករ៉ុង ឈុនអះអាងថានឹងធ្វើរបាយការណ៍មួយផ្ញើទៅរដ្ឋាភិបាលដើម្បីដោះស្រាយ។ ប៉ុន្តែ តំណាងរដ្ឋាភិបាលបានអះអាងរួចហើយថា គ្មានការបាត់បង់ទឹកដីដោយសារការបោះបង្គោលព្រំដែនជាមួយវៀតណាមឡើយ។
-
អង្គការសិទ្ធិមនុស្សមួយចេញផ្សាយនូវការសិក្សាស្ដីពីបរាជ័យនៃយន្តការដោះស្រាយទំនាស់ដីធ្លីនៅកម្ពុជា
ថ្ងៃនេះ មជ្ឈមណ្ឌលសិទ្ធិមនុស្សកម្ពុជា ធ្វើការផ្សព្វផ្សាយចេញនូវរបាយការណ៍ថ្មីមួយស្ដីពីបរាជ័យនៃយន្តការដោះស្រាយទំនាស់ដីធ្លីនៅកម្ពុជា ដែលសិក្សាពិនិត្យមើលទៅលើស្ថានភាពបច្ចុប្បន្ន និងការអនុវត្តយន្តការដោះស្រាយទំនាស់ដីធ្លីនៅក្នុងប្រទេស។
-
ក្រុមហ៊ុនស៊ីធីម៉ាតត្រូវបាន ចោទថាយកកម្លាំងប្រដាប់អាវុធគំរាម ប្រជាពលរដ្ឋលើបញ្ហាដីធ្លី
កំពង់ស្ពឺ: កាលពីព្រឹកថ្ងៃទី ១៣ខែមីនា ឆ្នាំ២០១៣ ដីនៅអូខ្យា ឃុំយាអង្គ ស្រុកថ្ពង ខេត្ដកំពង់ស្ពឺមាន ទាហាននិងប៉ូលិសមួយក្រុមនាំគ្នាចូល ទៅកាន់កន្លែងទំនាស់ ហើយបានយកកាំភ្លើងភ្ជង់ចាប់ប្រជាពលរដ្ឋវាយបណ្ដាលឱ្យ រងរបួសបន្ទាប់មកនាំគ្នា គេចខ្លួនអស់មុនពេលអាជ្ញាធរស្រុកទៅ ដល់។ តាមការឱ្យដឹងពីប្រជាពលរដ្ឋ ម្នាក់ ឈ្មោះប៉ុន ប៊ី អាយុ៤៣ឆ្នាំ មាន ទីលំនៅភូមិខ្យាឃុំយាអង្គ បានរៀបរាប់ ថា កាលពីព្រឹកថ្ងៃទី១៣ ខែមីនាមាន ទាហាន និងប៉ូលិសមួយក្រុមមានគ្នា ជាង១០នាក់ ប្រដាប់ដោយអាវុធគ្រប់ដៃ បានចូលទៅកាន់ទីនោះ ហើយបាន និយាយសម្លុតគំរាមកំហែងប្រជាពលរដ្ឋ និងបានវាយរូបលោកដោយកាំភ្លើង អាកាបណ្ដាលឱ្យរងរបួស មិនតែ ប៉ុណ្ណោះប្រុងចាប់ចងដាក់ខ្នោះទៀត ផង។ ចំណែកឯលោកសុខជាវិញ ក៏បានឱ្យដឹង ដែរថា “ទាហានទាំងនោះគេមក ចាប់កអាវខ្ញុំ ហើយនិយាយថានឹងយក ទៅចងនៅមុខក្រុមហ៊ុន ពេលនោះខ្ញុំ ដើរចុះឡើង ស្រាប់តែមានទាហានម្នាក់ ស្រែកដាក់ខ្ញុំថា បើអ្ហែងខ្លាំងកុំទៅណា ខ្ញុំក៏តបវិញថា ខ្ញុំមិនទៅណាទេ ព្រោះ ទីនេះជាដីរបស់ខ្ញុំ”។
-
គណៈកម្មការជំនាញនៃរដ្ឋសភាកំពុងពិនិត្យមើលសេចក្តីព្រាងច្បាប់សហជីព
ភ្នំពេញ— សេចក្តីព្រាងច្បាប់សហជីពបានទៅដល់គណៈកម្មការនីតិកម្មនៃរដ្ឋសភាជាតិ កាលពីចុងខែវិច្ឆិកាកន្លងទៅនេះ បន្ទាប់ពីគណៈរដ្ឋមន្ត្រីបានអនុម័តសេចក្តីព្រាងច្បាប់នេះ ដោយគ្មានការកែប្រែ។ នេះបើយោងទៅតាមអ្នកនាំពាក្យនៃគណបក្សគ្រប់គ្រងប្រទេស និងអ្នកនាំពាក្យរបស់អ្នកតំណាងរាស្ត្រមកពីគណបក្សប្រឆាំងនៅក្នុងរដ្ឋសភា។
-
ស្រ្តីមេដឹកនាំសហគមន៍មួយនៃខេត្តសៀមចាប់ផ្ដើមមានឥទ្ធិពលក្នុងការប្រាស់សិទ្ធិរបស់ពួកគេ
ក្រុងសៀមរាប៖ ក្រុមស្រ្តីជាអ្នកដឹកនាំនៅក្នុងសហគមន៍មួយនៅខេត្តសៀមរាប យល់ឃើញថា សំឡេងស្រ្តីនៅក្នុងសហគមន៍របស់ពួកគាត់ ហាក់មានឥទិ្ធពលច្រើន។ មានន័យថាបញ្ហាដែលស្រ្តីក្នុងសហគមន៍លើកឡើងគឺទទួលបានការយកចិត្តទុកដាក់ និង ការដោះស្រាយ ។ការចេះប្រើ់ប្រាសសិទ្ធិរបស់ក្រុមស្រ្តីទាំងនោះបន្ទាប់ពួកគាត់ទទួលបានការបណ្តុះបណ្តាលជំនាញផ្សេងៗ រៀបចំដោយអង្គការបន្ទាយស្រី។
គាំទ្រដោយ
