កំពុងស្វែងរកទិន្នន័យ
រកឃើញ: 12.457
-
តំណាងថៅកែរោងចក្រអះអាងថាមានការលំបាកដំឡើងប្រាក់ឈ្នួលគោលដល់កម្មករ
តំណាងនិយោជកក្នុងវិស័យកាត់ដេរសម្លៀកបំពាក់និងផលិតស្បែកជើងអះអាងខ្លួនមានការលំបាកទាក់ទងទៅនឹងការដំឡើងប្រាក់ឈ្នួលគោល ខណៈដែលសហជីព និយោជកនិងរដ្ឋាភិបាលកំពុងចរចាពីលទ្ធភាពក្នុងការដំឡើងប្រាក់ឈ្នួលអប្បបរមាដល់កម្មករសម្រាប់ឆ្នាំ២០១៦។ នៅព្រឹកថ្ងៃអង្គារនេះ សហព័ន្ធនិយោជកនិងសមាគមពាណិជ្ជកម្មកម្ពុជាបានធ្វើសន្និសីទព័ត៌មានស្តីពីជំហររបស់និយោជកទៅលើប្រាក់ឈ្នួលអប្បបរមាក្នុងវិស័យកាត់ដេរនិងផលិតស្បែកជើង។ អនុប្រធានសហព័ន្ធនិយោជននិងសមាគមពាណិជ្ជកម្មកម្ពុជា កញ្ញា សាន់ដ្រា ដាមីកូ ថ្លែងក្នុងសន្និសីទសារព័ត៌មានថាកម្មករក្នុងវិស័យវាយនភ័ណ្ឌសម្លៀកបំពាក់និងផលិតស្បែកជើង កម្ពុជានៅមានផលិតភាពការងារនិងតម្លៃបន្ថែមទាប បើប្រៀបធៀបជាមួយប្រទេសដៃគូប្រគួតប្រជែងមួយចំនួនក្នុងវិស័យកាត់ដេរដូចគ្នា។ កញ្ញាបន្តថា សព្វថ្ងៃនេះ ប្រាក់ឈ្នួលអប្បរមារបស់កម្មករកម្ពុជាមានចំនួនច្រើនរួចស្រេចទៅហើយបើប្រៀបធៀបជាមួយប្រទេសដែលមានការប្រកួតប្រជែងខ្លាំងជាមួយកម្ពុជា។ កញ្ញាថាប្រាក់ខែគោលរបស់កម្ពុជាខ្ពស់ជាង ប្រទេសបង់ក្លាដេសដែលមានប្រាក់ឈ្នួលគោលតែ៦៨ដុល្លារ ស្រីលង្កា៦៦ដុល្លារនិងផ្នែកខ្លះទៀតរបស់ប្រទេសវៀតណាមនិងឥណ្ឌូណេស៊ី។
-
លោក ហ៊ុន សែន ៖ សង្គមស៊ីវិលធ្វើរបាយការណ៍សិទ្ធិមនុស្សខុស ដើម្បីលាភសក្ការៈ
លោកនាយករដ្ឋមន្ត្រី ហ៊ុន សែន បានចោទប្រកាន់ថា អង្គការសង្គមស៊ីវិលមួយចំនួនធ្វើរបាយការណ៍ពីសិទ្ធិមនុស្សនៅកម្ពុជាខុស និងបង្អាប់ប្រទេសជាតិខ្លួនឯង ដើម្បីលាភសក្តារៈ។ ក្នុងទំព័រហ្វេសប៊ុកផ្លូវការរបស់លោកនាយករដ្ឋមន្ត្រី ហ៊ុន សែន លើកឡើងថា «ជានិច្ចជាកាលសម្តេចតេជោតែងតែរីករាយស្វាគមន៍អង្គការសមាគមជាតិ អន្តរជាតិ ជាពិសេសអង្គការសហប្រជាជាតិ(UN) ដែលបានចូលរួមពង្រឹងលទ្ឋិប្រជាធិបតេយ្យ និងសិទ្ឋិមនុស្សនៅមកម្ពុជា»។ លោកបន្តថា «តែអកុសលគឺមានអង្គការមួយចំនួនមិនបានគោរពតាមបទបញ្ជា និងលក្ខន្តិកសមាគម ហើយមិនបានសហការជាមួយរាជរដ្ឋាភិបាល តែបែរជាធ្វើរបាយការណ៍បន្ទោសបង្អាប់និយាយអាក្រក់ពីប្រទេស ជាតិខ្លួនដើម្បីលាភសក្ការៈ»។ ការលើកឡើងរបស់លោកនាយករដ្ឋមន្ត្រី គឺស្របពេលដែលអ្នករាយការណ៍ពិសេសសិទ្ធិមនុស្សរបស់អង្គការសហប្រជាជាតិ លោកស្រី Rhona Smit កំពុងបំពេញទស្សនកិច្ចនៅកម្ពុជា។
-
ពលរដ្ឋខេត្តពោធិ៍សាត់ចោទក្រុមហ៊ុន ទ្រី ភាព ថាឈូសឆាយបំផ្លាញដំណាំជាថ្មី
មន្ត្រីសិទ្ធិមនុស្ស និងប្រជាពលរដ្ឋនៅឃុំថ្មដា ស្រុកវាលវែង ខេត្តពោធិ៍សាត់ ចោទក្រុមហ៊ុន អឹម.ឌី.អេស (MDS) របស់លោកឧកញ៉ា ទ្រី ភាព ថាបានធ្វើទុក្ខបុកម្នេញពលរដ្ឋ ដើម្បីដណ្ដើមយកដីទៅអភិវឌ្ឍ។ ការចោទនេះ គឺបន្ទាប់ពីកម្លាំងសមត្ថកិច្ចចម្រុះ និងកម្មកររបស់ក្រុមហ៊ុនប្រមាណ ៣០នាក់ប្រដាប់ដោយអាវុធវែងខ្លី ចុះការពារសកម្មភាពដាំកូនស្វាយលើដីដែលពលរដ្ឋធ្លាប់អាស្រ័យផល។ នៅគ្រាដែលតំណាងក្រុមហ៊ុន និងអាជ្ញាធរខេត្តពោធិ៍សាត់ ប្រកែកថាពុំមានសកម្មភាពឈូសឆាយដីប៉ះពាល់ដល់ប្រជាពលរដ្ឋនោះ ប៉ុន្តែពលរដ្ឋមួយគ្រួសារអះអាងថា ក្រុមហ៊ុនបានដាក់គ្រឿងចក្រមួយគ្រឿងឈូសបំផ្លាញដំណាំ និងឈូសសម្គាល់ព្រំដីក្រុមហ៊ុន ធ្វើឲ្យប៉ះពាល់ដីរបស់គាត់នៅចំណុចភូមិឯកភាព ក្នុងឃុំថ្មដា ស្រុកវាលវែង។ អតីតពលទាហាន និងជាអ្នកភូមិឯកភាព គឺលោក ជា សាយ័ន ប្រាប់ថា រូបលោកតក់ស្លុតពេលឃើញសកម្មភាពរំលោភយកដីរបស់គាត់ពីសំណាក់ក្រុមហ៊ុន ដោយប្រើដៃមន្ត្រីជំនាញបរិស្ថាន និងកម្លាំងសមត្ថកិច្ចចម្រុះ កាលពីថ្ងៃទី២០ ខែកញ្ញា។ លោកថា បច្ចុប្បន្នរូបលោកខ្លាចតំណាងក្រុមហ៊ុន អឹម.ឌី.អេស ជាងគ្រាប់មីន ឬគ្រាប់កាំភ្លើង ដែលលោកធ្លាប់ឆ្លងកាត់កន្លងមកនោះទៅទៀត ព្រោះអាជ្ញាធរងាកវាយខ្នោះ ឬចាប់ដាក់គុក។
-
ពលរដ្ឋខ្មែរនៅអាមេរិកជំរុញអង្គការសហប្រជាជាតិធានាកុំឲ្យមានសង្រ្គាមនៅកម្ពុជាក្រោយការបោះឆ្នោត
ពលរដ្ឋខ្មែរ-អាមេរិកាំងគ្រោងនឹងធ្វើបាតុកម្មនៅសប្តាហ៍នេះ ដើម្បីជំរុញឲ្យអង្គការសហប្រជាជាតិនិងប្រទេសមហាអំណាចមួយចំនួន ធានាធ្វើយ៉ាងណាកុំឲ្យកម្ពុជាមានសង្រ្គាមក្រោយការបោះឆ្នោតឆ្នាំ២០១៨។ កន្លងទៅ លោកនាយករដ្ឋមន្រ្តី ហ៊ុន សែន បានអះអាងច្បាស់១០០ភាគរយថាប្រទេសកម្ពុជានឹងមានសង្រ្គាម នៅពេលគណបក្សប្រឆាំងឡើងកាន់អំណាច ជំនួសគណបក្សប្រជាជនកម្ពុជា។ ក្នុងបទសម្ភាសន៍ពីសហរដ្ឋអាមេរិក លោក ទូច វិបុល ដែលជាអ្នករៀបចំគម្រោងធ្វើបាតុកម្ម ប្រាប់វីអូឌីនៅថ្ងៃអង្គារនេះថាប្រជាពលរដ្ឋខ្មែរអាមេរិកកាំងប្រមាណ៥០០នាក់ គ្រោងនឹងធ្វើបាតុកម្មនៅថ្ងៃទី២៦ ខែកញ្ញា នៅពេលអង្គការសហប្រជាជាតិបើកសម័យប្រជុំទី៧០នៅទីក្រុងញូវយ៉កនិងនៅពេលលោក ហ៊ុន សែន មានវត្តមាននៅសហរដ្ឋអាមេរិក។ លោក ទូច វិបុល មានប្រសាសន៍ថាអ្នកចូលរួមតវ៉ានឹងស្នើសុំអង្គការសហប្រជាជាតិជួយជំរុញទៅព្រះរាជអាជ្ញានៃតុលាការព្រហ្មទណ្ឌអន្តរជាតិ ឲ្យបើកការស៊ើបអង្កេតទៅលើបទឧក្រិដ្ឋកម្មនានាដែលចោទប្រកាន់ដោយមេធាវីអន្តរជាតិ លោក Richard Roger លើអាជ្ញាធរកម្ពុជាចំពោះការរំលោភសិទ្ធិមនុស្ស។ លោកបន្តថាប្រជាពលរដ្ឋក៏ស្នើឲ្យអង្គការសហប្រជាជាតិពិនិត្យឡើងវិញការគោរពសិទ្ធិមនុស្សនៅកម្ពុជា តាមរយៈកិច្ចព្រមព្រៀងទីក្រុងប៉ារីស២៣តុលា ឆ្នាំ១៩៩១ និងស្នើផងដែរឲ្យបន្តឃ្លាំមើលការបោះឆ្នោតថ្នាក់ជាតិនៅកម្ពុជាក្នុងឆ្នាំ២០១៨។
-
គ.ជ.ប ចាប់ផ្តើមចុះឈ្មោះបោះឆ្នោតសាកល្បងតាមប្រព័ន្ធកុំព្យូទ័រ
រាជធានីភ្នំពេញ ៖ មន្ត្រីគណៈកម្មាធិការជាតិរៀបចំបោះឆ្នោត (គ.ជ.ប) បានថ្លែងថា គ.ជ.ប បានចាប់ផ្តើមស្រង់ស្ថិតិប្រជាពលរដ្ឋ សម្រាប់ប៉ាន់ស្មានអ្នកចុះឈ្មោះបោះឆ្នោតសាកល្បងនៅទូទាំងប្រទេសឡើងវិញទាំងអស់ ដើម្បីធ្វើបញ្ជីឈ្មោះបោះឆ្នោតថ្មីបែបទំនើប ដោយប្រព័ន្ធកុំព្យូទ័រប្រកបដោយសុក្រឹតភាព ។ គណៈកម្មាធិការជាតិរៀបចំការបោះឆ្នោត គ.ជ.ប បានថ្លែងនៅថ្ងៃទី២២ កញ្ញា ២០១៥ ថា ការស្រង់ស្ថិតិនេះ អនុវត្តតែប្រមាណកន្លះខែ (១៥ថ្ងៃ)ប៉ុណ្ណោះ ដើម្បីពន្លឿនកិច្ចការបោះឆ្នោតឱ្យបានឆាប់រហ័ស។ មន្ត្រីគ.ជ.ប បានបញ្ជាក់ឱ្យដឹងទៀតថា ស្ថិតិនេះធ្វើឡើងទាំងស្រុងតែម្តង បើទោះបីពលរដ្ឋធ្លាប់មានឈ្មោះបោះឆ្នោតហើយក៏ដោយក្តី ។ ចំណែកបញ្ជីចាស់នឹងយកមកប្រើប្រាស់ជាឯកសារយោងក្នុងកិច្ចផ្ទៀងផ្ទាត់មួយចំនួន រួចធ្វើជាបញ្ជីឈ្មោះថ្មីឡើងវិញតែម្តង ។
-
អង្គការមួយជំរុញរដ្ឋាភិបាលពង្រឹងប្រសិទ្ធភាពគោលនយោបាយកំណែទម្រង់ដីធ្លី
អង្គការមួយដែលធ្វើការផ្តោតលើបរិសា្ថន និងដីធ្លី ជំរុញរដ្ឋាភិបាលពង្រឹងប្រសិទ្ធភាពយុទ្ធសាស្ត្រកំណែទង្រ់ដីធ្លី ដើម្បីធានាសិទ្ធិរស់រានមានជីវិត សហគមន៍ក្រីក្រ ខណៈខ្លួនរកឃើញថា ពលរដ្ឋក្រីក្រមួយចំនួននៅតែបន្តយំស្រែក ពីការរំលោភយកដី។ ការជំរុញរបស់សង្គមស៊ីវិលនេះ ធ្វើឡើងក្នុងសិក្ខាសាលាផ្សព្វផ្សាយរបាយការណ៍ ពីជម្លោះដីធ្លីដែលបានធ្វើឡើងក្នុងរាជធានីភ្នំពេញ នាថ្ងៃទី២២ ខែកញ្ញា ឆ្នាំ២០១៥នេះ។ នាយកប្រតិបត្តិវេទិកានៃអង្គការមិនមែនរដ្ឋាភិបាលស្តីពីកម្ពុជា(NGO Forum) លោក តឹក វណ្ណរ៉ា អះអាងថា ជម្លោះដីធ្លីគិតពីឆ្នាំ២០១៤ រហូត៨ខែឆ្នាំ២០១៥នេះ នៅសល់៣១៥ករណីទៀត ដែលអាជ្ញាធរពាក់ព័ន្ធមិនបានដោះស្រាយនៅឡើយ។ លោកថា ក្នុងនោះមានសហគមន៍ក្រីក្រមួយចំនួនកំពុងប្រឈមនឹងការបណ្តេញចេញ ពីសំណាក់ក្រុមហ៊ុនខិលខូចមួយចំនួន និងសហគមន៍ជនជាតិដើមខ្លះទៀតត្រូវបានបណ្តេញចេញទាំងបង្ខំរួចហើយ មិនទាន់បានផ្តល់សំណងសមរម្យ។ លោកថា៖ "...បង្កើនតម្លាភាពក្នុងចំណាត់ការតុលាការទាក់ទិននឹងវិវាទដីធ្លី។ ទី៣ កំណត់អាទិភាពដើម្បីដោះស្រាយប្រកបដោយតម្លាភាពនូវករណីពហុភាគី ជាពិសេសករណីទាំងឡាយ ដែលបានកើតឡើងជាយូរមកហើយ។ ទី៤ តម្លាភាពក្នុងការធ្វើផែនទី កំណត់ប្រភេទ និងចំណាត់ថ្នាក់ដីរដ្ឋ ដើម្បីកាត់បន្ថយវិវាទរវាងគម្រោងវិនិយោគ និងសហគមន៍មូលដ្ឋាន"។
-
អង្គការ NGO FORUM រៀបចំរៀបចំសិក្ខាសាលាផ្សព្វផ្សាយរបាយការណ៍វិវាទដីធ្លីឆ្នាំ២០១៤
ភ្នំពេញ ៖ មកដល់ម៉ោង៩ និង៣០នាទី ព្រឹកថ្ងៃទី២២ ខែកញ្ញា ឆ្នាំ២០១៥ នេះ អង្គការ NGO Forum បាននឹងកំពុងដំណើរការ រៀបចំរៀបចំសិក្ខាសាលាមួយ ដើម្បីផ្សព្វផ្សាយរបាយការណ៍វិវាទដីធ្លីឆ្នាំ២០១៤ ដែលពិធីនេះរៀបចំនៅភោជនីយដ្ឋានទន្លេបាសាក់២។ តាមរបាយការណ៍បង្ហាញដោយលោក តឹក វណ្ណារ៉ា បានលើកឡើងថា ឆ្នាំ២០១៤ មាន៣៥២ ករណី ហើយរបាយការណ៍នេះ ដែលរាប់ថា មានករណីជម្លោះ ទាល់តែវិវាទជាមួយប្រជាពលរដ្ឋចាប់ពី៥ គ្រួសារឡើងទៅ ទើបរាប់បញ្ចូលក្នុងរបាយនេះ ហើយតាមរបាយការណ៍នេះ ចំនួនវិវាទ ទាបជាងឆ្នាំកន្លងទៅ ហើយនៅភ្នំពេញ នៅតែជាកន្លែងដែលខ្ពស់៕
-
ព្រឹកស្អែក លោក កឹម សុខា ជួបអ្នករាយការណ៍ពិសេស អ.ស.ប នៅរដ្ឋសភា
រាជធានីភ្នំពេញ ៖ អនុប្រធានទី១រដ្ឋសភា លោក កឹម សុខា នឹងអនុញ្ញាតឲ្យអ្នករាយការណ៍ពិសេសអង្គការសហប្រជាជាតិ (អ.ស.ប) ទទួលបន្ទុកសិទ្ឋិមនុស្សប្រចំាកម្ពុជាលោកស្រី Rhona K.M Smith ចូលជួបសម្តែងការគួរសម និងធ្វើសវនាការ នៅម៉ោង៩ព្រឹកថ្ងៃទី២៣ កញ្ញា ២០១៥ នៅវិមានរដ្ឋសភា។
-
គ.ជ.ប ស្នើក្រសួងមហាផ្ទៃរកដំណោះស្រាយដើម្បីព្រះសង្ឃអាចបោះឆ្នោតបាន
គណៈកម្មាធិការជាតិរៀបចំការបោះឆ្នោត (គ.ជ.ប) ស្នើទៅក្រសួងមហាផ្ទៃរកដំណោះស្រាយដើម្បីឲ្យព្រះសង្ឃអាចបោះឆ្នោតបានដូចពលរដ្ឋទូទៅ ដោយច្បាប់បោះឆ្នោតបច្ចុប្បន្នពីការកំណត់យកអត្តសញ្ញាណប័ណ្ណសម្រាប់ទៅបោះឆ្នោត ធ្វើឲ្យព្រះសង្ឃដែលពុំមានអត្តសញ្ញាណប័ណ្ណពុំអាចបោះឆ្នោតបាន។ អ្នកនាំពាក្យ គ.ជ.ប លោក ហង្ស ពុទ្ធា ប្រាប់វីអូឌី(VOD) នៅថ្ងៃចន្ទនេះថា ច្បាប់បោះឆ្នោតបច្ចុប្បន្នបានកំណត់យកតែអត្តសញ្ញាណប័ណ្ណតែមួយគត់ជាឯកសារសម្គាល់ខ្លួនសម្រាប់បោះឆ្នោត ចំណែកឆាយាដែលព្រះសង្ឃប្រើប្រាស់សម្រាប់ជាប័ណ្ណសម្គាល់សង្ឃក៏ច្បាប់មិនអនុញ្ញាតដែរ។ លោកថា ចំណុចនេះធ្វើឲ្យមានបញ្ហាដល់ព្រះសង្ឃក្នុងការចុះឈ្មោះ និងទៅបោះឆ្នោត ដោយសារអនុក្រិត្យមួយរបស់រដ្ឋាភិបាលមិនអនុញ្ញាតឲ្យព្រះសង្ឃធ្វើអត្តសញ្ញាណប័ណ្ណនោះទេ។ លោកបន្តថា គ.ជ.ប បានព្រមព្រៀងគ្នាសម្រេចស្នើទៅក្រសួងមហាផ្ទៃដើម្បីពិភាក្សាគ្នារកដំណោះស្រាយលើបញ្ហានេះ។
-
ពលរដ្ឋមានទំនាស់ដីធ្លី និងកម្មកររោងចក្រ២ខេត្តលើកគ្នាយកញត្តិដាក់ជូនរដ្ឋសភា
រាជធានីភ្នំពេញ ៖ ប្រជាពលរដ្ឋដែលមានទំនាស់ដីធ្លីចំនួន១៧នាក់ តំណាងឱ្យប្រជាពលរដ្ឋចំនួន៦៦១គ្រួសារ មកពីខេត្តស្វាយរៀង និងក្រុមកម្មករ-កម្មការិនីរោងចក្រប្លូមហ្វៀល(ខេមបូឌា)នីតធើ ចំនួនជាង៤០នាក់ មកពីខេត្តកំពង់ឆ្នាំង បានលើកគ្នាយកញត្តិមដាក់ការជូនរដ្ឋសភាជាតិ ដើម្បីសុំជួយធ្វើអន្តរាគមន៍ និងជួយដោះស្រាយបញ្ហាជូនដល់ពួកគាត់ជាបន្តបន្ទាប់។ ការដាក់ញត្តិនេះដែរបានធ្វើឡើងកាលពីវេលាម៉ោង៤ និង៥៥នាទីល្ងាច ថ្ងៃទី២១ កញ្ញា ២០១៥ នៅខាងមុខរដ្ឋសភាជាតិ ក្នុងសង្កាត់ទន្លេបាសាក់ ខណ្ឌចំការមន។ តាមប្រភពព័ត៌មានពីប្រជាពលរដ្ឋម្នាក់បានប្រាប់ឱ្យដឹងថា ពួកគាត់ជាតំណាងឱ្យប្រជាពលរដ្ឋចំនួន៦៦១គ្រួសាររស់នៅក្នុងភូមិចំនួន៥ គឺភូមិអំពិល ភូមិស្រែឬស្សី ភូមិត្បែង ភូមិរមាសហែក និងភូមិត្រពាំងពពេល ក្នុងឃុំអំពិល ស្រុករមាសហែក ខេត្តស្វាយរៀង ដែលត្រូវអាជ្ញាធរបណ្តេញចេញដើម្បីយកដីចំនួន៦៨៥ហិកតាលក់ទៅឱ្យក្រុមហ៊ុន អិនខេវេនឈ័រ ធ្វើជាកម្មសិទ្ធិនោះ ពួកគាត់ក៏ធ្លាប់បានធ្វើការតវ៉ាទាមទារទៅអាជ្ញាធរមូលដ្ឋានភូមិ ឃុំ ស្រុក និងខេត្ត ឱ្យជួយធ្វើអន្តរាគមន៍ តែពុំមានដំណោះស្រាយណាមួយជូនដល់ពួកគាត់ជាជនរងគ្រោះឡើយ។
-
មន្ត្រី៖អ្នករាយការណ៍ពិសេសអង្គការសហប្រជាជាតិបេ្តជ្ញាមិនឲ្យប៉ះពាល់ដល់អធិបតេយ្យភាពកម្ពុជា
មន្ត្រីកម្ពុជាអះអាងថាអ្នករាយការណ៍ពិសេសអង្គការសហប្រជាជាតិ ប្តេជ្ញាខិតខំពង្រឹងស្ថានភាពសិទ្ធិមនុស្ស និងលទ្ធិប្រជាធិបតេយ្យនៅប្រទេសកម្ពុជាឲ្យប្រសើរឡើង ដោយចៀសវាងមិនឲ្យប៉ះពាល់ដល់អធិបតេយ្យភាពកម្ពុជា។ ជំនួយការរបស់នាយករដ្ឋមន្ត្រី លោក អ៊ាង សុផល្លែត ប្រាប់អ្នកសារព័ត៌មានក្រោយជំនួបរវាងលោក ហ៊ុន សែន និងអ្នករាយការណ៍ពិសេសអង្គការសហប្រជាជាតិ លោកស្រី Rhona Smith នៅថ្ងៃទី២១ ខែកញ្ញានេះថា លោកស្រី Rhona នឹងរាយការណ៍ពីសា្ថនភាពសិទ្ធិមនុស្សទៅតាមព្រឹត្តិការណ៍ជាក់ស្តែង។ លោក អ៊ាង សុផល្លែត បន្តថា លោកស្រី Rhona បេ្តជ្ញាថា នឹងខិតខំធ្វើការជាស្ថាប័នដែលពាក់ព័ន្ធទាំងអស់ ដើម្បីប្រមូលភស្តុតាង មុននឹងធ្វើសេចក្តីសន្និដា្ឋន ពីស្ថានភាពសិទ្ធិមនុស្សនៅកម្ពុជា ជូនអង្គការសហប្រជាជាតិ។
-
លោកគង់ គាំស្នើអ្នករាយការណ៍ពិសេសអង្គការសហប្រជាជាតិជួយលោកហុង សុខហួរ
លោក គង់ គាំ ប្រធានគណបក្ស សម រង្ស៊ី និងជាប្រធានគណៈកម្មការទី១នៃព្រឹទ្ធសភា ជាគណៈកម្មការសិទ្ធិមនុស្ស ទទួលពាក្យបណ្តឹង អង្កេតរបស់ព្រឹទ្ធសភា បានផ្ញើលិខិត១ច្បាប់ជូនអ្នករាយការណ៍ពិសេសអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជាលោកស្រី រូណា ស្មីត ដើម្បីជួយរកដំណោះស្រាយដោះលែងលោក ហុង សុខហួរ ដែលត្រូវបានកម្លាំងនគរបាលស្នងការនគរបាលរាជធានីភ្នំពេញចាប់ខ្លួនកាលពីពេលថ្មីៗនេះ។ ការផ្ញើលិខិតជូនលោកស្រី រូណា ស្មីត អ្នករាយការណ៍ពិសេសអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា របស់លោក គង់ គាំពេលនេះ បានធ្វើឡើងស្របពេលដែល អ្នករាយការណ៍ពិសេសអង្គការសហប្រជាជាតិទទួលបន្ទុកផ្នែកសិទ្ធិមនុស្ស កំពុងធ្វើទស្សនកិច្ចលើកដំបូងនៅកម្ពុជាចាប់ពីថ្ងៃទី១៧ រហូតដល់ថ្ងៃទី២៤ ខែកញ្ញា។
-
ពលរដ្ឋខ្មែរនៅអាមេរិកប្រកាសធ្វើបាតុកម្ម ពេលលោក ហ៊ុន សែន ទៅប្រជុំនៅអង្គការសហប្រជាជាតិ
លោកនាយករដ្ឋមន្រ្តី ហ៊ុន សែន នឹងធ្វើដំណើរទៅទីក្រុងញូវយ៉កនៃសហរដ្ឋអាមេរិកនៅសប្តាហ៍នេះ ដើម្បីចូលរួមកិច្ចប្រជុំរបស់អង្គការសហប្រជាជាតិ ដែលនេះជាទស្សនកិច្ចដំបូងក្នុងរយៈពេល១០ឆ្នាំមកហើយ ដែលលោកមិនបានទៅចូលរួមប្រជុំ។ សេចក្តីជូនព័ត៌មានរបស់ក្រសួងការបរទេសកម្ពុជាចេញផ្សាយនៅថ្ងៃចន្ទនេះឲ្យដឹងថាការចូលរួមនេះតបតាមការអញ្ជើញរបស់អគ្គលេខាធិការអង្គការសហប្រជាជាតិ លោក បាន គីមូន។ ក្នុងដំណើរទស្សនកិច្ចនោះ លោក ហ៊ុន សែន នឹងថ្លែងសុន្ទរកថានៅថ្ងៃទី២៦ខែកញ្ញា ក្នុងកិច្ចប្រជុំកំពូលអង្គការសហប្រជាជាតិសម្រាប់អនុម័តរបៀបរវារៈអភិវឌ្ឍន៍ក្រោយឆ្នាំ២០១៥។ ចំណែកនៅថ្ងៃទី២៧ខែកញ្ញា លោកនឹងចូលរួមកិច្ចប្រជុំប្រមុខដឹកនាំពិភពលោកស្តីពីសមភាពយេនឌ័រនិងការលើកកម្ពស់ស្ត្រី ហើយលោកនឹងថ្លែងសុន្ទរកថាផងដែរ។ លោក ហ៊ុន សែន ក៏នឹងជួបជាមួយប្រជាពលរដ្ឋកម្ពុជារស់នៅទីក្រុងញូវយ៉កផងដែរ។ នេះបើតាមសេចក្តីជូនព័ត៌មានរបស់ក្រសួងការបរទេសកម្ពុជា។
-
ពលរដ្ឋឡើងរកអន្តរាគមន៍ពីស្ថាប័នរដ្ឋករណីជម្លោះដីព្រៃសហគមន៍
សហគមន៍នៅឃុំចំនួនពីរ ក្នុងខេត្តពោធិ៍សាត់ ដាក់ពាក្យបណ្តឹងជូនស្ថាប័នរដ្ឋចំនួន៣ ប្តឹងមន្ត្រីមួយចំនួន ដែលពួកគាត់ចោទថា បានរំលោភយកដីព្រៃសហគមន៍យកធ្វើជាកម្មសិទ្ធិផ្ទាល់ខ្លួន។ នៅក្នុងពាក្យបណ្តឹងនោះ សហគមន៍ស្នើស្ថាប័នរដ្ឋកំពូលៗ ដកយកដីព្រៃពីបុគ្គលឯកជនទាំងនោះមកវិញ ដោយសារប្រជាជនមិនអាចរស់បាន ប្រសិនបើគ្មានដីព្រៃ។ អ្នកស្រី ឡន ស៊ីវី តំណាងប្រជាជនចំនួន២៣០នាក់ប្រាប់ថា សហគមន៍នៅឃុំឈើតុំ និងឃុំស្វាយសរ ស្រុកក្រគរ ខេត្តពោធិ៍សាត់ យកញតិ្តមកដាក់នៅក្រសួងកសិកម្ម រដ្ឋសភា និងអង្គភាពប្រឆាំងអំពើពុករលួយ ក្រោយពីមិនមានដំណោះស្រាយពីរដ្ឋបាលព្រៃឈើ និងស្ថាប័នពាក់ព័ន្ធផ្សេងទៀតនៅខេត្តពោធិ៍សាត់។
-
អង្គការជាង៣០ទទូចជាថ្មីទៀតឲ្យបញ្ឈប់សង់ទំនប់ ដន សាហុង
ក្រុមអង្គការជាតិ និងអន្តរជាតិ បានសម្តែងការខកចិត្តចំពោះ ការអនុម័តយល់ព្រមរបស់សភាជាតិនៃប្រទេសឡាវ ដែលយល់ព្រមសាងសង់ទំនប់វារីអគ្គិសនី ដន សាហុង ដែលក្រុមអ្នកបរិស្ថានរកឃើញថា បង្កឲ្យមានផលប៉ះពាល់លើធនធានជីវចម្រុះរបស់កម្ពុជា និងប្រទេសមួយចំនួនទៀតដែលនៅក្រោមដងទន្លងមេគង្គ។ សេចក្តីថ្លែងការណ៍របស់អង្គការជាង៣០ នៅថ្ងៃនេះ ពួកគេបានទទួចឲ្យ “បញ្ឈប់ជាបន្ទាន់នូវរាលសកម្មភាពទាំងឡាយពាក់ព័ន្ធនឹងការសាងសង់ទំនប់ ដន សាហុង។ មិនត្រូវអនុម័តលើកិច្ចសន្យាទិញអគ្គិសនី មុនពេលដែលបញ្ហា ឬសំណូមពរទាំងឡាយរបស់ភាគីពាក់ព័ន្ធមិនទាន់បានដោះស្រាយ។ កុំបន្តឱ្យមានការចុះកិច្ចសន្យាផ្សេងទៀតលើគម្រោងនេះ ដោយរួមបញ្ចូលទាំងកិច្ចព្រមព្រៀងលទ្ធកម្មវិស្វកម្មទំនប់ និងការសាងសង់”។
-
សម្ភាសព្រះសង្ឃ លួន សុវ៉ាត អំពីការគាំទ្រឲ្យព្រះសង្ឃមានសិទ្ធិចូលរួមបោះឆ្នោត
ព្រះភិក្ខុសង្ឃ លួន សុវ៉ាត ដែលគេស្គាល់ជាទូទៅថា ជាព្រះសង្ឃតែងចេញព្រះភក្ត្រការពារសិទ្ធិមនុស្សនៅកម្ពុជា សម្ដែងការគាំទ្រឲ្យព្រះសង្ឃមានសិទ្ធិចូលរួមបោះឆ្នោត។ ទស្សនៈយល់ឃើញរបស់ព្រះអង្គ ធ្វើឡើងស្របពេលដែលគណៈកម្មាធិការជាតិរៀបចំការបោះឆ្នោត (គ.ជ.ប) គ្រោងនឹងស្នើទៅរាជរដ្ឋាភិបាល ឲ្យកែអនុក្រឹត្យលេខ៦០ ដើម្បីបើកផ្លូវឲ្យព្រះសង្ឃមានអត្តសញ្ញាណប័ណ្ណ។ យោងតាមច្បាប់បោះឆ្នោតថ្មី ប្រសិនបើព្រះសង្ឃមិនមានអត្តសញ្ញាណប័ណ្ណទេនោះ ព្រះសង្ឃមិនអាចបោះឆ្នោតបានទេ។
-
សម្តេចតេជោ ហ៊ុន សែន ស្នើឲ្យអ្នករាយការណ៍ពិសេសអ.ស.ប ជួយពិនិត្យមើលការរើសអើងជាតិសាសន៍នៅកម្ពុជា
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន បានស្នើឲ្យអ្នករាយការណ៍ពិសេសអង្គការសហប្រជាជាតិ (អ.ស.ប) ទទួលបន្ទុកសិទ្ធិមនុស្សប្រចាំកម្ពុជា លោកស្រី Rhona K.M Smith ជួយពិនិត្យមើលទៅលើការរើសអើងជាតិសាសន៍នៅក្នុងប្រទេសកម្ពុជា ។ សំណើរបស់សម្តេចតេជោនាយករដ្ឋមន្រ្តីនាពេលនេះ បានធ្វើឡើងក្នុងឱកាសដែលសម្តេចបានអនុញ្ញាតឲ្យលោកស្រី Rhona K.M Smith ចូលជួបសម្តែងការគួរសមនិងធ្វើសវនាការ នៅព្រឹកថ្ងៃទី២១ កញ្ញា ២០១៥ នៅវិមានសន្តិភាពទីស្តីការនាយករដ្ឋមន្រ្តី ដែលទើបនឹងបញ្ចប់នៅប៉ុន្មាននាទីមុននេះ ។ បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ទៀតថា នៅក្នុងជំនួបនោះដែរ លោកស្រីបេ្រសិតពិសេសរបស់លោកអគ្គលេខាធិការអ.ស.ប ក៍បានមានប្រសាសន៍ថា នៅក្នុងអាណត្តិបេសកកម្មរបស់លោកស្រី លោកស្រីនឹងប្រឹងប្រែងលើកស្ទួយសិទ្ឋិមនុស្សនៅក្នុងប្រទេសកម្ពុជា ។ ជាមួយគ្នានេះដែរ សម្តេចតេជោ ហ៊ុន សែន បានមានប្រសាសន៍ថា យើងធ្វើការរួមគ្នាដើម្បីផលប្រយោជន៍របស់ប្រជាពលរដ្ឋកម្ពុជា ហើយថាបញ្ហាសិទ្ឋិមនុស្សជាបញ្ហាកញ្ចប់ដូចជា សិទ្ឋិក្នុងការរស់រានមានជីវិត សិទ្ឋិទទួលបានការសិក្សារៀនសូត្រ សិទ្ឋិទទួលបានម្ហូបអាហារ និងសិទ្ឋិដទៃទៀត ។
-
ប្រជាពលរដ្ឋ ដែលរងផលប៉ះពាល់ចំណីផ្លូវរថភ្លើងក្រុងប៉ោយប៉ែត បានបន្តបាតុកម្មជាថ្មី
ប៉ោយប៉ែត៖ ក្រុមប្រជាពលរដ្ឋ ដែលរងផលប៉ះពាល់ចំណីផ្លូវរថភ្លើងនៅភូមិ និងសង្កាត់ផ្សារកណ្តាល ទីក្រុងប៉ោយប៉ែត ខេត្តបន្ទាយមានជ័យ នៅព្រឺកថ្ងៃទី២១ ខែកញ្ញា ឆ្នាំ២០១៥នេះ បាននាំគ្នាធ្វើបាតុកម្មជាថ្មីទៀត នៅមុខសាលាក្រុងប៉ោយប៉ែត ដើម្បីទាមទារឲ្យរដ្ឋាភិបាលដោះស្រាយគោលនយោបាយដល់ពួកគាត់ឲ្យបានសមរម្យ ដោយពួកគាត់ថា ផ្ទះរបស់ពួកគាត់ប៉ះពាល់នឹងដីចំណីផ្លូវរថភ្លើង ប៉ុន្តែមិនទទួលបានសំណង។ ក្នុងចំណោមក្រុមអ្នកតវ៉ាតំណាងឲ្យប្រមាណ ៦០គ្រួសារដែលលើកគ្នាតវ៉ានេះមាន១០គ្រួសារ បានទទួលបានរបបដីហើយ ប៉ុន្តែពួកគាត់អះអាងថា របបថវិកាទទួលបានមិនសមរម្យ ចំណែក៥០គ្រួសារទៀត អះអាងថា មានផលប៉ះពាល់ តែមិនមានដំណោះស្រាយគោលនយោបាយនៅឡើយ៕
-
ពលរដ្ឋស្រុកពញាឮចោទអាជ្ញាធរថាឃុបឃិតជាមួយឈ្មួញលួចផ្ទេរកម្មសិទ្ធិដីស្រែ
ប្រជាពលរដ្ឋ ចោទប្រកាន់អាជ្ញាធរឃុំទំនប់ធំ នៃស្រុកពញាឮ ថាបានលួចផ្ទេរកម្មសិទ្ធិដីស្រែដោយស្ងាត់ៗឲ្យទៅឈ្មួញ។ ពាក់ព័ន្ធរឿងនេះ មេឃុំទំនប់ធំ ទទួលស្គាល់ថា ពិតជាមានបញ្ហានេះមែន ក៏ប៉ុន្តែលោកធ្វើឡើងដោយមានការព្រមព្រៀងរបស់ប្រជាពលរដ្ឋដែលចង់លក់នោះ។ តំណាងប្រជាពលរដ្ឋបានឲ្យដឹងថា ផ្ទៃដីស្រែប្រមាណជាង ១០០ហិកតារ (១០២ហិកតារ) បានក្លាយជាដីដែលមានវិវាទ បន្ទាប់ពីអាជ្ញាធរភូមិ និងឃុំ ព្យាយាមផ្ទេរសិទ្ធិកាន់កាប់ឲ្យទៅឈ្មួញរកស៊ីដី ដោយពុំមានការឯកភាពពីប្រជាពលរដ្ឋនៅក្នុងភូមិ។ ដីដែលមានទំនាស់នេះ គឺស្ថិតនៅក្នុងភូមិចំនួនពីរ គឺភូមិដំណាក់ព្រីង និងភូមិត្រពាំងព្រៃភូមិ ក្នុងឃុំទំនប់ធំ ស្រុកពញាឮ ខេត្តកណ្ដាល។ ប្រជាពលរដ្ឋបានឲ្យដឹងថា វិវាទនេះកើតឡើងបន្ទាប់ពីអាជ្ញាធរ បានលួចផ្ទេរកម្មសិទ្ធិឲ្យឈ្មោះ សំ ឌឹម ជាឈ្មួញរកស៊ីដីកាលពីចុងខែធ្នូ ឆ្នាំ២០១៤។
-
Appeal Court denies bail to three Mother Nature activists
This morning, three activists from NGO Mother Nature were again denied bail after an Appeal Court hearing in Phnom Penh. The three – Try Sovikea, 23; Sun Mala, 23; and Sim Samnang, 28 – were arrested on August 17 amid an ongoing campaign to end alleged illegal sand dredging in Koh Kong. They have been charged under Article 424 of the Penal Code with threatening to cause destruction, defacement or damage and ordering others to do so, and are currently detained in Koh Kong prison.