កំពុងស្វែងរកទិន្នន័យ
រកឃើញ: 12.457
-
សាលាឧទ្ធរណ៍បដិសេធសំណើសុំនៅក្រៅឃុំរបស់យុវជនមាតាធម្មជាតិ
សាលាឧទ្ធរណ៍រាជធានីភ្នំពេញ នៅព្រឹកថ្ងៃចន្ទនេះ បានបដិសេធសំណើសុំនៅក្រៅឃុំបណ្តោះអាសន្នរបស់យុវជន៣នាក់នៃអង្គការមាតាធម្មជាតិ ដែលត្រូវបានចាប់ខ្លួនកាលពីថ្ងៃទី១៧ ខែសីហា ឆ្នាំ២០១៥ ស្របពេលដែលពួកគេបើកយុទ្ធនាការតវ៉ាជាបន្តបន្ទាប់ប្រឆាំងនឹងការបូមខ្សាច់នៅខេត្តកោះកុង។ យុវជនទាំងនោះមានឈ្មោះ លោក ទ្រី សុវិគា អាយុ២៣ឆ្នាំ លោក សាន់ ម៉ាឡា អាយុ២៣ឆ្នាំ និងលោក ស៊ិម សំណាង អាយុ២៨ឆ្នាំ។ អ្នកទាំងនោះ ត្រូវបានចោទប្រកាន់តាមមាត្រា៤២៤នៃក្រមព្រហ្មទណ្ឌ ពីបទល្មើសគំរាមកំហែងថានឹងធ្វើឲ្យខូចខាតដោយភ្ជាប់នឹងបញ្ជាអ្វីមួយ។ ប្រធានបច្ចេកទេសឃ្លាំមើលការរំលោភសិទ្ធិមនុស្សរបស់អង្គការលីកាដូ លោក អំ សំអាត មានប្រសាសន៍ថាសាលាឧទ្ធរណ៍បានសម្រេចថាមិនអនុញ្ញាតឲ្យយុវជនទាំងនោះនៅក្រៅឃុំ ដោយថានេះជានីតិវិធីរបស់តុលាការ ខ្លាចយុវជនទាំងបីបង្កើតបញ្ហាម្តងទៀតនិងខ្លាចបង្កភាពចលាចល ពេលនៅក្រៅឃុំ។ លោកបន្តថាមេធាវីនឹងដាក់ពាក្យស្នើសុំក្រៅឃុំម្តងទៅចៅក្រមស៊ើបសួររបស់សាលាដំបូងខេត្តកោះកុង។
-
រដ្ឋមន្រ្តីក្រសួងព័ត៌មាន៖ គ្មានគម្រោងរៀបចំច្បាប់គ្រប់គ្រងអ៊ីនធឺណិត នោះទេ
រាជធានីភ្នំពេញ៖ លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានមាន ប្រសាសន៍ថា រាជរដ្ឋាភិបាលគ្មានគម្រោងរៀបចំច្បាប់ គ្រប់គ្រង អ៊ីនធឺណិត និងបណ្តាញទំនាក់ទំនងសង្គមនោះទេ។ លោកបន្តទៀតថា បច្ចុប្បន្ននៅក្នុងពិភពលោក មានអ្នកប្រើប្រាស់ Facebook ជាង ១ពាន់លាននាក់ ដោយឡែកនៅកម្ពុជាមានអ្នកប្រើប្រាស់ Facebook ជាង ៥លាននាក់។ ដូច្នេះការប្រើប្រាស់ Facebook បានធ្វើឱ្យយុវជនកម្ពុជាយើងជាច្រើន បានបង្ហាញពីមុខមាត់ និងអត្តសញ្ញាណ ចរិតលក្ខណៈ តាមរយៈការសរសេរ និងបង្ហោះរូបភាព ផ្សេងៗនៅលើទំព័រ Facebook របស់ពួកគេ ដែលអាច បញ្ជាក់បាននូវលក្ខណៈសម្បត្តិ ប្រកប ដោយសីលធម៌ សុជីវធម៌ក្នុងកម្រិតណាខ្លះ។
-
សម្ភាសព្រះសង្ឃ លួន សុវ៉ាត អំពីការគាំទ្រឲ្យព្រះសង្ឃមានសិទ្ធិចូលរួមបោះឆ្នោត
ព្រះភិក្ខុសង្ឃ លួន សុវ៉ាត ដែលគេស្គាល់ជាទូទៅថា ជាព្រះសង្ឃតែងចេញព្រះភក្ត្រការពារសិទ្ធិមនុស្សនៅកម្ពុជា សម្ដែងការគាំទ្រឲ្យព្រះសង្ឃមានសិទ្ធិចូលរួមបោះឆ្នោត។ ទស្សនៈយល់ឃើញរបស់ព្រះអង្គ ធ្វើឡើងស្របពេលដែលគណៈកម្មាធិការជាតិរៀបចំការបោះឆ្នោត (គ.ជ.ប) គ្រោងនឹងស្នើទៅរាជរដ្ឋាភិបាល ឲ្យកែអនុក្រឹត្យលេខ៦០ ដើម្បីបើកផ្លូវឲ្យព្រះសង្ឃមានអត្តសញ្ញាណប័ណ្ណ។ យោងតាមច្បាប់បោះឆ្នោតថ្មី ប្រសិនបើព្រះសង្ឃមិនមានអត្តសញ្ញាណប័ណ្ណទេនោះ ព្រះសង្ឃមិនអាចបោះឆ្នោតបានទេ។
-
សង្គមស៊ីវិល៖អ្នកតវ៉ាដីធ្លីខេត្តកោះកុងផ្អាកបិទផ្លូវក្រោយពីមន្ត្រីស្និតនាយករដ្ឋមន្ត្រីសន្យាដោះស្រាយ
មន្ត្រីសង្គមស៊ីវិល អះអាងថា អ្នកមានជម្លោះដីធ្លី ជាមួយក្រុមហ៊ុនចិនមួយ នៅខេត្តកោះកុង បញ្ឈប់ការតវ៉ាបិទផ្លូវ បណ្តោះអាសន្ន បន្ទាប់ពីមាន មន្ត្រីស្និតនឹងលោកនាយករដ្ឋមន្ត្រី សន្យាចេញមុខ ជួយរកដំណោះស្រាយ ជម្លោះអូសបន្លាយជិត៥ឆ្នាំមកនេះ។ កាលពី២ថ្ងៃមុន ក្រុមអ្នកមានជម្លោះដីធ្លីនៅស្រុកគីរីសាគរ និងបុទុមសាគរ ខេត្តកោះកុង បានតវ៉ាបិទផ្លូវជិតក្រុមហ៊ុនចិន ដែលមានជម្លោះ ឈ្មោះ ញ៉ូញៀន ស្ថិតម្តុំពយជប៉ុន ស្រុកកោះស្តេចខេត្ត កោះកុង ដើម្បីដាក់សម្ពាធឲ្យក្រុមហ៊ុននេះ កាត់ឃ្លាលដីពួកគេជាង៣០០គ្រួសារចេញពីក្រុមហ៊ុនតាមបញ្ជារបស់រដ្ឋាភិបាល។ មន្ត្រីសម្របសម្រួល អង្គការលីកាដូប្រចាំខេត្តកោះកុង លោក អ៊ិន គង់ជិត ឲ្យវីអូឌី(VOD)ដឹងថា អ្នកតវ៉ាបានសម្រេចផ្អាកតវ៉ាហើយនៅថ្ងៃអាទិត្យនេះ លោកថា ដោយសាតំណាងអ្នកភូមិអះអាងថា សមាជិកព្រឹទ្ធសភា មកពីគណបក្សប្រជាជនកម្ពុជា គឺឧកញ៉ា លី យ៉ុងផាត់ សន្យាជាមួយអ្នកភូមិថា និងជួយសម្របស្រួលករណីនេះ។
-
តុលាការខេត្តកំពង់ធំដោះលែងពលរដ្ឋ៣នាក់ពាក់ព័ន្ធរឿងដីធ្លីឲ្យនៅក្រៅឃុំបណ្ដោះអាសន្ន
តុលាការខេត្តកំពង់ធំ សម្រេចដោះលែងប្រជាពលរដ្ឋបីនាក់នៅឃុំក្រយា ស្រុកសន្ទុក ពាក់ព័ន្ធរឿងដីធ្លី ឲ្យនៅក្រៅឃុំបណ្ដោះអាសន្ននៅរសៀលថ្ងៃទី២០ កញ្ញា។ ការដោះលែងនេះ ធ្វើឲ្យពលរដ្ឋទាំងនោះរីករាយ ដោយអះអាងថា ពួកគេមិនបានប្រព្រឹត្តដូចការចោទប្រកាន់របស់សមត្ថកិច្ចឡើយ។ ដីកាសម្រេចដែលចេញដោយចៅក្រមស៊ើបសួរ នៃសាលាដំបូងខេត្តកំពង់ធំ គឺលោក អ៊ីវ បូរិន្ទ នៅថ្ងៃទី២០ កញ្ញា បានសម្រេចដាក់ជនទាំងបីនាក់ឲ្យស្ថិតនៅក្រោមការត្រួតពិនិត្យតាមផ្លូវរបស់តុលាការ។ ក្នុងដីកាបញ្ជាក់ថា ការសម្រេចនេះព្រោះសំណុំរឿងមួយនេះនៅមិនទាន់ស៊ើបអង្កេតឲ្យបានពេញលេញនៅឡើយ ទើបតុលាការសម្រេចមិនឃុំខ្លួនជនដែលត្រូវចោទទាំងនោះ។ យ៉ាងណា ក្នុងដីកាបានឲ្យដឹងទៀតថា ដើម្បីធានាបានថា ជនត្រូវចោទមានវត្តមាននៅចំពោះមុខតុលាការ និងជៀសវាងដល់ការរាំងស្ទះនៃនីតិវិធីស៊ើបសួរ ទើបខាងចៅក្រមសម្រេចដាក់ជនត្រូវចោទទាំងនោះ ឲ្យស្ថិតនៅក្រោមការត្រួតពិនិត្យរបស់តុលាការ។ ម្យ៉ាង គឺឲ្យស្របតាមមាត្រា២២៣ មាត្រា២២៦ និងមាត្រា២៣០ នៃក្រមនីតិវិធីព្រហ្មទណ្ឌ។
-
និស្សិតមួយក្រុមជំរុញរដ្ឋាភិបាលឲ្យលើកទឹកចិត្តយុវជនលើការបញ្ចេញមតិតាមប្រព័ន្ធអ៊ីនធើណែត
និស្សិតមួយក្រុម អំពាវឲ្យរដ្ឋាភិបាល បើកទូលាយពីសេរីភាពបញ្ចេញមតិតាមប្រប្រព័ន្ធអ៊ិនធើណែត ដើម្បីជំរុញឲ្យយុវជនគ្រប់រូប បានចូលរួមយ៉ាងសកម្ម ក្នុងការអភិវឌ្ឍជាតិ ខណៈមានយុវជនមា្នក់ត្រូវបាប់ខ្លួនដោយសារ តែរិះគន់រដ្ឋាភិបាលតាមបណ្តាញសង្គម ។ ការជំរុញនេះ ធ្វើឡើងក្នុងកិច្ចពិគ្រោះយោបល់មួយ ក្នុងរាជធានីភ្នំពេញនៅព្រឹកថ្ងៃអាទិត្យ ទី២០ខែកញ្ញា ឆ្នាំ២០១៥នេះ ដែលមានតំណាងយុវជនប្រមាណ៣០នាក់ ចូលរួមនិងតំណាងគណបក្សបក្សកាន់អំណាច និងបក្សប្រឆាំងចូលរួម។ ក្នុងកិច្ចសន្ទនានោះ កញ្ញា កុល សិលា លើកឡើងថា យុវជនបច្ចុប្បន្នកំពុងមានទឹកចិត្ត ចូលរួមក្នុងសកម្មភាពសង្គម តាមទម្រង់ចុះជួយសហគមន៍ និងការបញ្ចេញមតិពីបញ្ហាសង្គម ទៅតាមការយល់ដឹងរបស់គេរៀងៗខ្លួន។ កញ្ញាថា ផ្ទុយទៅវិញសកម្មភាពរបស់យុវជននេះ មិនត្រូវបានលើកទឹកចិត្តទេ តែរដ្ឋាភិបាលថែមទាំងបានចាប់ចងយុវជន ដែលហ៊ានបញ្ចេញមតិយោបល់រឿងបញ្ហាសង្គមទៀតផង។ និស្សិតរូបនោះបានលើកបញ្ជាក់ថា ដូចជាយុវជនម្នាក់ ដែលត្រូវសមត្ថកិច្ចចាប់ខ្លួននាពេលថ្មីៗនេះ បន្ទាប់ពីបាននិយាយពីបដិវត្តន៍ពណ៌។
-
បទយកការណ៍៖ បទពិសោធន៍ជោគជ័យរបស់សកម្មជនដីធ្លីដែលប្រឆាំងនឹងការបណ្តេញចេញ
សកម្មជនដីធ្លីមកពីបណ្តាខេត្តមួយចំនួន បានចែករំលែកបទពិសោធន៍ជោគជ័យ និងការប្រឈមនានា ដែលនៅបន្តកើតមានលើការតស៊ូមតិប្រឆាំងនឹងការបណ្តេញចេញ។ ការជួបជុំរបស់អ្នកមានជម្លោះដីធ្លីនេះ ធ្វើឡើងនៅការិយាល័យមជ្ឈមណ្ឌលសិទ្ធិមនុស្សកម្ពុជា ក្នុងរាជធានីភ្នំពេញ នាថ្ងៃទី១៦ ខែកញ្ញា ឆ្នាំ២០១៥។ អ្នកសម្របស្រួលកម្មវិធីបញ្ជាក់ថា សហគមន៍ដែលបានចូលរួម មាន១៥សហគមន៍ មកពីខេត្តចំនួន១០ រួមមាន ខេត្តកំពង់ស្ពឺ កំពង់ឆ្នាំង ពោធិ៍សាត់ កោះកុង រតនគិរី និងខេត្តមួយចំនួនទៀត។ មន្ត្រីដដែលឲ្យដឹងដែថា សហគមន៍ទាំងនោះ យ៉ាងតិចមាន៣សហគមន៍ ត្រូវបានអាជ្ញាធរមូលដ្ឋាន និងភាគីជម្លោះរបស់ក្រុមហ៊ុន ព្រមផ្តល់សំណងពីផលប៉ះពាល់ ឲ្យទៅអ្នកភូមិតាមការស្ម័គចិត្តគ្មានការបណ្តេញចេញ។ បើតាមបទបង្ហាញ សមាគមន៍៣ដែលទទួលបានជោគជ័យពីការតស៊ូមតិនោះ មានសហគមន៍មួយនៅខេត្តកំពង់ស្ពឺ សហគមន៍នៅខេត្តរតនគិរី និងសហគមន៍មួយទៀតនៅខេត្តកោះកុង។ សហគមន៍នៅខេត្តកោះកុងនេះ ត្រូវតំណាងអ្នកតវ៉ាអះអាងថា មានជម្លោះជាមួយក្រុមហ៊ុនដាំអំពៅរបស់លោក លី យ៉ុងផាត់ សមាជិកព្រឹទ្ធសភា មកពីគណបក្សប្រជាជនកម្ពុជា។
-
អ្នកមានជម្លោះដីជាមួយក្រុមហ៊ុនចិន បិទផ្លូវនៅខេត្តកោះកុង
ប្រជាជនជាង២០០នាក់ នៅខេត្តកោះកុង បិទផ្លូវរារាំងមិនឲ្យរថយន្តក្រុមហ៊ុនជិះឆ្លងកាត់ ដើម្បីឲ្យមន្ត្រីរដ្ឋាភិបាលដោះស្រាយបញ្ហាដីធ្លី ដែលពួកគាត់អះអាងថា ត្រូវក្រុមហ៊ុនអភិវឌ្ឍន៍ចិនឈ្មោះ Union Development រំលោភយក។ លោក ហ៊ាន សុផាត ប្រជាពលរដ្ឋម្នាក់ដែលចូលរួមការបិទផ្លូវ ប្រាប់ VOD ថា ពួកគេបាននាំគ្នាចុះបិទផ្លូវចូលទៅទីស្នាក់ការក្រុមហ៊ុន តាំងពីព្រឹកថ្ងៃទី១៨ កញ្ញានេះ ដើម្បីស្វែងរកដំណោះស្រាយ ជូនប្រជាជនចំនួន៣១៨គ្រួសារ ដែលមិនទាន់ទទួលយកសំណង និងមិនព្រមចាកចេញលើដីមានជម្លោះនោះ។ បុរសរូបនេះបន្ថែមថា ខាងអាជ្ញាធរបានមកជួបអ្នកតវ៉ា ក៏ប៉ុន្តែមិនមែនមករកដំណោះស្រាយ ដោយអាជ្ញាធរគ្រាន់តែបានស្នើប្រជាពលរដ្ឋបើកផ្លូវវិញ ដោយថាការតវ៉ានេះមិនបានសុំច្បាប់ត្រឹមត្រូវ។
-
ឧទ្ធរណ៍បើកសវនាការលើបណ្ដឹងសុំនៅក្រៅឃុំករណីលោក ហុង សុខហួរ នៅរសៀលនេះ
សាលាឧទ្ធរណ៍នឹងបើកសវនាការនៅរសៀលថ្ងៃព្រហស្បតិ៍នេះលើករណីបណ្ដឹងសុំនៅក្រៅឃុំរបស់សមាជិកព្រឹទ្ធសភាគណបក្ស សម រង្ស៊ី គឺលោក ហុង សុខហួរ ខណៈចៅក្រមស៊ើបសួរនៅសាលាដំបូងរាជធានីភ្នំពេញបញ្ចប់ការស៊ើបសួរលើករណីនេះ រង់ចាំសវនាការជំនុំជម្រះ។ លោក ហុង សុខហួរ ត្រូវបានតុលាការសម្រេចឃុំខ្លួនកាលពីថ្ងៃទី១៦ ខែសីហា ដោយលោកត្រូវចោទ៣បទចោទគឺការក្លែងឯកសារសាធារណៈ ការប្រើប្រាស់ឯកសារក្លែងក្លាយនិងញុះញង់ឲ្យមានអសន្តិសុខ ពាក់ព័ន្ធនឹងការថ្លែងរបស់លោកស្ដីពីសន្ធិសញ្ញាកម្ពុជានិងវៀតណាមនៅឆ្នាំ១៩៧៩។
-
អាជ្ញាធរ ចង់ឲ្យមានការរួមគ្នាជាមួយស្ថាប័ន៣ដើម្បីដោះស្រាយវិវាទដីធ្លីនៅរាជធានីភ្នំពេញ
ភ្នំពេញ ៖ អភិបាល នៃគណៈអភិបាលរាជធានីភ្នំពេញ លោក ប៉ា សុជាតិវង្ស ចង់ឲ្យស្ថាប័នរដ្ឋបាល គណៈកម្មាធិការសុរិយោដី និងស្ថាប័នតុលាការរួមគ្នាដើម្បីដោះស្រាយវិវាទដីធ្លីនៅរាជធានីភ្នំពេញ ស្របពេលដែលបញ្ហាដីធ្លីនៅតែជាបញ្ហាក្តៅមួយដែលយើងត្រូវតែរួមគ្នាក្នុងការដោះស្រាយឲ្យមានប្រសិទ្ធភាពខ្ពស់។ ការលើកឡើងរបស់លោក ប៉ា សុជាតិវង្ស ដែលចង់ឲ្យមានការរួមគ្នាជាមួយស្ថាប័ន៣ក្នុងការដោះស្រាយវិវាទដីធ្លីខាងលើនេះត្រូវបានធ្វើឡើងនៅសាលារាជធានីភ្នំពេញ កាលពីរសៀលថ្ងៃទី១៦ ខែកញ្ញា ឆ្នាំ២០១៥ ក្នុងកិច្ចប្រជុំពិភាក្សាស្ដីពីយុទ្ធនាការដីធ្លី ដែលមានការចូលរួមពីប្រធានតុលាការរាជធានីភ្នំពេញ មន្ទីររៀបចំដែនដី នគរោបនីយកម្ម និងសំណង់ អាជ្ញាធរខណ្ឌទាំង១២ផងដែរ។
-
មន្ត្រីរដ្ឋាភិបាលច្រានចោលរបាយការណ៍របស់គណៈមេធាវីអន្តរជាតិ
របាយការណ៍ស្រាវជ្រាវរបស់វិទ្យាស្ថានសិទ្ធិមនុស្ស នៃគណៈមេធាវីអន្តរជាតិ (International Bar Association's Human Rights Institute) ប្រចាំទីក្រុងឡុងដ៍ នៃចក្រភពអង់គ្លេស បង្ហាញថា វិសាលភាពនៃអំពើពុករលួយលើប្រព័ន្ធតុលាការ គឺជាឫសគល់ និងជាបញ្ហាប្រឈមចំពោះឯករាជភាពនៃប្រព័ន្ធតុលាការកម្ពុជា។ ទន្ទឹមគ្នានេះ គណៈមេធាវីអន្តរជាតិ អំពាវនាវឲ្យរដ្ឋាភិបាលកម្ពុជា ចាត់វិធានការបន្ទាន់លើការអនុវត្តច្បាប់ដោយឯករាជ្យ ដើម្បីដោះស្រាយបញ្ហាអយុត្តិធម៌ក្នុងសង្គម។ របាយការណ៍របស់វិទ្យាស្ថានសិទ្ធិមនុស្ស នៃគណៈមេធាវីអន្តរជាតិ បានគូសបញ្ជាក់វិសាលភាពនៃអំពើពុករលួយលើប្រព័ន្ធតុលាការ ចំណែកឯផ្នែកនយោបាយក៏មានការដាក់សម្ពាធពីសំណាក់អ្នកមានអំណាច បានជះឥទ្ធិពលខ្លាំងដល់ការលើកកម្ពស់សិទ្ធិមនុស្សនៅកម្ពុជា។ របាយការណ៍នេះត្រូវបានបង្ហាញឡើងនៅក្នុងសន្និសីទសារព័ត៌មានស្ដីពីយុត្តិធម៌ ទល់នឹងអំពើពុករលួយ ការតស៊ូឆ្ពោះទៅរកឯករាជភាពនៃអំណាចតុលាការក្នុងប្រទេសកម្ពុជា នៅថ្ងៃទី១៧ ខែកញ្ញា។
-
សង្គមស៊ីវិលស្នើអ្នកស្រី រ៉ូណា ស្មីត យកបញ្ហារំលោភសិទ្ធិមនុស្សពិភាក្សាជាមួយរដ្ឋាភិបាល
មន្ត្រីការពារសិទ្ធិមនុស្សកម្ពុជា ស្នើឲ្យអ្នករាយការណ៍ពិសេសថ្មីសិទ្ធិមនុស្សអង្គការសហប្រជាជាតិ ប្រចាំកម្ពុជា អ្នកស្រី រ៉ូណា ស្មីត (Rhona Smith) លើកយកបញ្ហារំលោភសិទ្ធិមនុស្សដែលកំពុងកើតមានទៅពិភាក្សាជាមួយរដ្ឋាភិបាលកម្ពុជា។ ការស្នើនេះ ធ្វើឡើងក្នុងជំនួបរវាងតំណាងអង្គការសិទ្ធិមនុស្សក្នុងស្រុកជាង២០ ជាមួយ អ្នកស្រី រ៉ូណា ស្មីត នៅរសៀលថ្ងៃទី១៧ ខែកញ្ញា។ ជំនួបរវាង អ្នកស្រី រ៉ូណា ស្មីត និងតំណាងអង្គការសង្គមស៊ីវិលផ្នែកសិទ្ធិមនុស្ស ធ្វើឡើងមួយថ្ងៃប៉ុណ្ណោះបន្ទាប់ពីអ្នកស្រី បានជាន់លើទឹកដីកម្ពុជា ក្នុងនាមអ្នកស្រីជាអ្នករាយការណ៍ពិសេសថ្មីសិទ្ធិមនុស្សអង្គការសហប្រជាជាតិ ប្រចាំកម្ពុជា។ ប្រធានផ្នែកអង្កេតសិទ្ធិមនុស្សនៃសមាគមអាដហុក (ADHOC) លោក នី ចរិយា ឲ្យដឹងតាមទូរស័ព្ទថា ក្នុងជំនួបនោះអង្គការសង្គមស៊ីវិលបានលើកឡើងពីបញ្ហារំលោភសិទ្ធិមនុស្ស និងកង្វល់នានាដែលសង្គមស៊ីវិលមាន ក្នុងនោះរួមមាន បញ្ហាកំណែទម្រង់ប្រព័ន្ធតុលាការទាំងមូល។ តុលាការដែលត្រូវបានសង្គមស៊ីវិលចាត់ទុកថា នៅមិនទាន់មានឯករាជភាពពេញលេញដាច់ចេញពីអង្គនីតិប្រតិបត្តិនៅឡើយ។
-
លោកអំ សំអាត៖ សិទ្ធិបញ្ចេញមតិតាមអ៊ីនធើណែតកំពុងរឹតបន្តឹងពីរដ្ឋាភិបាលបណ្តើរៗ
ការប្រើប្រាស់សិទ្ធិសេរីភាពក្នុងការបញ្ចេញមតិ នៅលើប្រព័ន្ធផ្សព្វផ្សាយ ពិសេសលើបណ្តាញសង្គម កំពុងត្រូវបានរឹតបន្តឹងពីរដ្ឋាភិបាលជាបណ្តើរៗ ក្រោយពីរដ្ឋាភិបាលបានមើលឃើញពីកំណើនប្រជាពលរដ្ឋ ប្រើប្រាស់បណ្តាញសង្គម ក្នុងការចែករំលែក និងទទួលព័ត៌មានពិត ខណៈដែលប្រព័ន្ធផ្សព្វផ្សាយមួយចំនួន ដូចជាទូរទស្សន៍ វិទ្យុ ភាគច្រើនស្ថិតក្រោមការ គ្រប់គ្រងដោយរដ្ឋាភិបាល។ ហើយការបញ្ចេញមតិរបស់ប្រជាពលដ្ឋ តាមប្រព័ន្ធផ្សព្វផ្សាយទាំងនេះ បានតិចតួចបំផុត។ នេះជាការលើកឡើងពីលោកអំ សំអាត មន្ត្រីសិទ្ធិមនុស្សអង្គការលីកាដូ។ លោកអំ សំអាត បន្តថា ការកើនឡើង នៃចំនួនប្រជាពលរដ្ឋប្រើប្រាស់ បណ្តាញសង្គមអ៊ីនធើណែតនេះហើយ ទើបធ្វើឲ្យរដ្ឋាភិបាលចាប់អារម្មណ៍ និងកំពុងតែរឹតបន្តឹង។ លោកអំ សំអាត ជឿជាក់ថា ឆាប់ៗនេះ រដ្ឋាភិបាលនឹងបញ្ចេញនូវសេចក្តីព្រាងច្បាប់ស្តីពី ឧក្រិដ្ឋកម្ម ប្រឆាំងប្រព័ន្ធបច្ចេកវិទ្យា ដើម្បីគ្រប់គ្រងលើការបញ្ចេញមតិលើប្រព័ន្ធអ៊ីធើណែតនេះ។
-
ម៉ោង១១និង៤០នាទីថ្ងៃត្រង់នេះ ពលរដ្ឋជិត១០០នាក់មកពីតំបន់ដីទំនាស់បឹងបា្រំកំពុងតវ៉ានៅមុខសាលាខេត្តបាត់ដំបង
ខេត្តបាត់ដំបង ៖ ប្រជាពលរដ្ឋជិត១០នាក់ដែលមានទំនាស់ដីធ្លីនៅតំបន់បឹងប្រំា ស្ថិតក្នុងឃុំបឹងបា្រំ ស្រុកបវេល បានហែក្បួនមកតវ៉ាឆ្ពោះមកមុខសាលាខេត្តបាត់ដំបងក្នុងចម្ងាយផ្លូវប្រមាណ៣គីឡូម៉ែត្រ ប្រយោជន៍ដើម្បីឲ្យអាជ្ញាធរខេត្តជួយពន្លឿនដោះស្រាយបញ្ហាទំនាស់ដីធ្លីដ៍រំុំារ៉ៃជាយូរមកហើយ ។ បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងនៅប៉ុនា្មននាទីមុននេះថា នៅម៉ោង១១និង៤០នាទីថ្ងៃត្រង់នេះ ក្រុមអ្នកភូមិបានមកដល់មុខសាលាខេត្តហើយ និងបាននំាគ្នាលើកបដានិងញ្ញត្តិតវ៉ា ប៉ុន្តែមិនទាន់មានមន្រ្តីសាលាខេត្តចេញមកទទួលនិងជួបពិភាក្សានៅឡើយទេ ។ សេចក្តីរាយការណ៍បានបន្តថា ការមកតវ៉ានៅសាលាខេត្តនាពេលនេះ គឺបានធ្វើឡើងបន្ទាប់ពីអាជ្ញាធរខេត្តនិងតំណាងស្រ្តធ្លាប់បានសន្យាជួយដោះស្រាយ ប៉ុន្តែរយៈពេលជាងមួយឆ្នាំមកហើយ នៅតែពុំទាន់មានលទ្ឋផល ។
-
លោកស ខេង យល់ព្រមជួបជជែកអំពីរឿងបោះឆ្នោត ជាមួយលោកសម រង្ស៊ី នៅសប្តាហ៍ក្រោយ
រាជធានីភ្នំពេញ៖ ឧបនាយករដ្ឋមន្រ្តី ស ខេង រដ្ឋមន្រ្តីក្រសួងមហាផ្ទៃ បានអះអាងថា លោកបានយល់ព្រមជួបពិភាក្សា ពីការធ្វើវិសោធនកម្មលើច្បាប់បោះឆ្នោតជាមួយ លោក សម រង្ស៊ី ប្រធានគណបក្សសង្រ្គោះជាតិ នៅសប្តាហ៍ក្រោយនេះ។ លោក ស ខេង បានថ្លែងក្រោយបព្ចាប់ពិធីបុណ្យគម្រប់ ១០០ថ្ងៃ សពសម្តេច ជា ស៊ីម នៅព្រឹកថ្ងៃទី១៧ ខែកញ្ញា ឆ្នាំ២០១៥នេះថា «ខ្ញុំទទួលបានសំបុត្រ របស់ សម រង្ស៊ី ហើយខ្ញុំក៏បានស្រុះស្រួល ក្នុងចំណោមថ្នាក់ដឹកនាំគណបក្ស ខ្ញុំនឹងជួបគាត់ ក្រោយពេលបុណ្យសពនេះ ប្រហែលជាសប្តាហ៍ក្រោយ»។
-
វិទ្យាស្ថានខាងគណៈមេធាវីអន្តរជាតិស្នើរដ្ឋាភិបាលបញ្ឈប់ការដាក់សម្ពាធលើប្រព័ន្ធតុលាការ
វិទ្យាស្ថានសិទ្ធិមនុស្សនៃគណៈមេធាវីអន្តរជាតិ(IBAHRI)ដែលធ្វើការលើកតម្កើង ការពារសិទ្ធិមនុស្សនិងឯករាជ្យភាពតុលាការ បានអំពាវនាវឲ្យរដ្ឋាភិបាលកម្ពុជាបញ្ឈប់ការដាក់សម្ពាធទៅតុលាការនិងស្នើឲ្យគណបក្សសង្រ្គោះជាតិបញ្ឈប់ការចរចាជាមួយគណបក្សប្រជាជនកម្ពុជាលើការដោះលែងសកម្មជន។ វិទ្យាស្ថានដែលមានមូលដ្ឋាននៅទីក្រុងឡុងដ៍ប្រទេសអង់គ្លេសបានចេញផ្សាយរបាយការណ៍មួយក្នុងខែកញ្ញានេះស្តីពីយុត្តិធម៌និងអំពើពុករលួយ ដោយផ្តោតទៅលើបញ្ហាប្រឈមចំពោះឯករាជ្យភាពនៃប្រព័ន្ធតុលាការនៅកម្ពុជា។ របាយការណ៍១៥ទំព័របានដាក់ជាអនុសាសន៍ទៅស្ថាប័នជាតិពាក់ព័ន្ធ សង្គមស៊ីវិលនិងគណបក្សសង្រ្គោះជាតិដែលមានអាសនៈក្នុងសភា។ បើតាមរបាយការណ៍ វិទ្យាស្ថានសិទ្ធិមនុស្សនៃគណៈមេធាវីអន្តរជាតិបានផ្តល់អនុសាសន៍ទៅរដ្ឋាភិបាលកម្ពុជានិងក្រសួងយុត្តិធម៌ ឲ្យបញ្ឈប់ជាបន្ទាន់ការដាក់សម្ពាធនយោបាយលើប្រព័ន្ធតុលាការ និងស្នើឲ្យរដ្ឋាភិបាលប្តេជ្ញាធានានិងការពារការបែងចែកអំណាចនៅកម្ពុជានិងគោរពឯករាជ្យភាពនៃប្រព័ន្ធតុលាការនិងគណៈមេធាវី។
-
As UN Envoy Arrives, Rights Defenders Question Sway
As Rhona Smith, the U.N.’s new special rapporteur on human rights in Cambodia, began her first official visit to the country Wednesday, leading human rights activists were at odds over how much her position could influence the situation on the ground.
អានបន្ត -
អង្គការសង្គមស៊ីវិលចេញគោលការណ៍៩ចំណុចស្តីពីសេរីភាពលើប្រព័ន្ធអ៊ីនធឺណិត
ភ្នំពេញ—ក្រុមអង្គការសង្គមស៊ីវិលធំៗនៅក្នុងប្រទេសកម្ពុជាបានអំពាវនាវសុំឲ្យមានសេរីភាពលើប្រព័ន្ធអ៊ីនធឺណិត ការបញ្ចេញមតិដោយគ្មានការរឹតត្បិតលើប្រព័ន្ធសារគមនាគមដ៏មានឥទ្ធិពលនេះ។ ការអំពាវនាវជាបន្ទាន់នេះកើតមានឡើង បន្ទាប់ពីរដ្ឋាភិបាលកម្ពុជាចាប់ផ្តើមរឹតត្បិត និងដាក់ទោសទណ្ឌលើអ្នកប្រើប្រាស់មួយចំនួន។ នាប៉ុន្មានខែចុងក្រោយនេះយ៉ាងហោចណាស់មានយុវជនពីររូប និងសមាជិកព្រឹទ្ធសភាមួយរូបត្រូវបានចាប់ឃុំខ្លួនជាបន្តបន្ទាប់ ក្រោយពីបង្ហោះឯកសារ រូបភាព និងបញ្ចេញមតិលើប្រព័ន្ធបណ្តាញសង្គមហ្វេសប៊ុក។ នៅក្នុងសេចក្តីថ្លែងការណ៍ស្តីពីគោលការណ៍អ៊ីនធឺណិតដែលមាន៩ចំណុច ដែលបានចេញផ្សាយកាលពីថ្ងៃច័ន្ទ បានស្នើឲ្យមាន ការការពារសិទ្ធិមនុស្សលើប្រព័ន្ធអ៊ីនធឺណិត សិទ្ធិបញ្ចេញមតិ សិទ្ធិប្រមូលផ្តុំ សេរីភាពក្នុងប្រើប្រាស់ និងទទួលព័ត៌មាន សិទ្ធិឯកជនភាពលើប្រព័ន្ធអ៊ីនធឺណិត និងការគោរពសិទ្ធិអ្នកដទៃលើលំហរបច្ចេកវិទ្យា សម្រាប់អ្នកប្រើប្រាស់ប្រព័ន្ធនេះនៅក្នុងប្រទេសកម្ពុជា។
-
ការហាមឃាត់មិនឱ្យអង្គការយូនីសេហ្វប៉ះពាល់ច្បាប់ NGO រងការរិះគន់
ភ្នំពេញ—មេដឹកនាំអង្គការក្រៅរដ្ឋាភិបាល និងសកម្មជនសិទ្ធិមនុស្សក្នុងប្រទេសកម្ពុជា បានប្រតិកម្មទៅនឹងការផ្តល់ដំបូន្មានរបស់លោករដ្ឋមន្ត្រីការបរទេសលោក ហោ ណាំហុង ដែលបានដាស់តឿនតំណាងអង្គការយូនីសេហ្វ (UNICEF) ថ្មីប្រចាំនៅកម្ពុជា មិនឲ្យធ្វើការអធិប្បាយទាក់ទិនច្បាប់ស្តីពីសមាគម និងអង្គការក្រៅរដ្ឋាភិបាល។ ពួកគេថ្លែងថា ដំបូន្មានរបស់លោក ហោ ណាំហុង ជាចេតនាមិនផ្តល់បរិយាកាសសេរី សម្រាប់លោកស្រី ឌេបូរ៉ា ខូមីនី (Debora Comini) ក្នុងការបំពេញការងារមនុស្សធម៌របស់លោកស្រីនៅក្នុងប្រទេសកម្ពុជា បន្ទាប់ពីលោកស្រីត្រូវបានតែងតាំងឲ្យកាន់ការងារជំនួសឲ្យលោកស្រី រ៉ានណា ផ្លៅវឺ(Rana Flowers) ដែលជាអតីតតំណាងរបស់អង្គការយូនីសេហ្វ។
-
លោក ស ខេង ថាមានជនភៀសខ្លួនពីកោះណូរូ៤នាក់ទៀត ចង់មករស់នៅកម្ពុជា
ពីសិក្ខាសាលាស្ដីពីប្រព័ន្ធសន្តិសុខធានាសុវត្ថិភាព និងសន្ដិសុខអាយុជីវិត ទ្រព្យសម្បត្តិប្រជាពលរដ្ឋ នៅព្រឹកនេះ លោក ស ខេង រដ្ឋមន្ត្រីក្រសួងមហាផ្ទៃ បានឲ្យដឹងថា មានជនភៀសខ្លួនពីកោះណូរូ ចំនួន៤ទៀត ស្ម័គ្រចិត្តមកប្រទេសកម្ពុជា។ បើតាមលោក ស ខេង ក្រសួងមហាផ្ទៃនឹងបញ្ជូនអ្នកជំនាញទៅត្រួតពិនិត្យ និងសម្ភាសន៍ព័ត៌មាន ជនភៀសខ្លួន ដែលគ្រោងចង់មកតាំងទីរស់នៅក្នុងប្រទេសកម្ពុជានេះ។ថ្លែងចំពោះមុខអ្នកកាសែត រដ្ឋមន្ត្រីក្រសួងមហាផ្ទៃរូបនេះ បានបញ្ជាក់យ៉ាងនេះថា៖«ខ្ញុំបានលឺដំណឹងថា មានជនភៀសខ្លួន៤នាក់ចង់មកកម្ពុជា។ យើងនឹងបញ្ជូនអ្នកជំនាញទៅសម្ភាសន៍នៅក្នុងអំឡុងចុងខែកញ្ញា ឬដើមខែតុលា ដើម្បីសួរព័ត៌មានថា ពួកគេជាជនភៀសខ្លួនមែនឬមិនមែន? បើគេជនភៀសខ្លួនមែន គឺយើងនឹងទទួលពួកគេយកមកកម្ពុជា»។
គាំទ្រដោយ
