កំពុងស្វែងរកទិន្នន័យ
រកឃើញ: 12.457
-
លោក ស ខេង ថា បើមានបដិវត្តន៍ពណ៌នឹងនាំឲ្យមានការបង្ហូរឈាម
ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ លោក ស ខេង ថ្លែងថាសមត្ថកិច្ចត្រូវតែទប់ស្កាត់ចំពោះករណីដែលអាចនាំឲ្យមានបដិវត្តន៍ពណ៌ ដោយលោកថាបដិវត្តន៍ពណ៌នឹងនាំឲ្យមានការបង្ហូរឈាមនិងបំផ្លាញអាយុជីវិតរបស់ប្រជាពលរដ្ឋ។ នៅក្នុងសិក្ខាសាលាស្តីពីប្រព័ន្ធសន្តិសុខ ដើម្បីធានានូវសុវត្ថិភាពនិងសន្តិសុខចំពោះអាយុជីវិតនិងទ្រព្យសម្បត្តិរបស់ប្រជាពលរដ្ឋ ធ្វើឡើងនៅព្រឹកនេះ លោក ស ខេង មានប្រសាសន៍ថា សមត្ថកិច្ចមានតួនាទីអន្តរាគមន៍ចំពោះជនទាំងឡាយណាដែលបង្ហាញចេតនាចង់ធ្វើឲ្យមានអសន្តិសុខក្នុងសង្គម និងអំពើមនុស្សឃាត។ លោកលើកឡើងពីករណីយុវជន គង់ រ៉ៃយ៉ា ដែលសរសេរលើទំព័រហ្វេសប៊ុករបស់គាត់ដោយអំពាវនាវឲ្យមានបដិវត្តន៍ពណ៌។ លោកថា បដិវត្តន៍នឹងធ្វើឲ្យប្រទេសជាតិមានភាពច្របូកច្របល់។
-
សមាគមអង្គការមិនមែនរដ្ឋាភិបាលចាប់ផ្តើមសុំចុះបញ្ជីការនិងដាក់សំណើទៅក្រសួងមហាផ្ទៃ
ក្រសួងមហាផ្ទៃឲ្យដឹងថារហូតមកដល់ពេលនេះសមាគមនិងអង្គការមិនមែនរដ្ឋាភិបាលជាង៣០ហើយ ដែលបានស្នើសុំចុះបញ្ជីការនិងដាក់សំណើទៅក្រសួងមហាផ្ទៃ ក្រោយពីច្បាប់អង្គការចូលជាធរមាន។ កាលពីថ្ងៃទី១២ខែសីហា ឆ្នាំ២០១៥ ព្រះមហាក្សត្រ ព្រះបាទនរោត្តមសីហមុនីបានឡាយព្រះហស្តលេខាប្រកាសប្រើប្រាស់ច្បាប់ស្តីពីសមាគមនិងអង្គការមិនមែនរដ្ឋាភិបាល។ គេហទំព័ររបស់ក្រសួងមហាផ្ទៃឲ្យដឹងថារបាយការណ៍ប្រចាំខែរបស់ក្រសួងមហាផ្ទៃបង្ហាញថាក្នុងខែសីហា ២០១៥ សមាគមនិងអង្គការមិនមែនរដ្ឋាភិបាលចំនួន៣១បានសុំចុះបញ្ជីការនិងធ្វើសំណើផ្សេងៗមកក្រសួងមហាផ្ទៃ។ គេហទំព័របញ្ជាក់ថា៖ “នេះគឺជាការឆ្លុះបញ្ចាំងឲ្យឃើញពីនិន្នាការគាំទ្រនិងការគោរពគោលការណ៍នីតិរដ្ឋ ប្រកបដោយស្មារតីភ្ញាក់រលឹករបស់ប្រជាពលរដ្ឋកម្ពុជាទៅលើច្បាប់នានាដែលរដ្ឋសភាបានអនុម័ត”។ គេហទំព័របានបនន្ថែមថា៖ “ម្យ៉ាងវិញទៀត នេះក៏ជាការឆ្លុះបញ្ចាំងឲ្យឃើញផងដែរ អំពីសកម្មភាពរបស់ សមាគម និងអង្គការមិនមែនរដ្ឋាភិបាលនានាក្នុងការរួមចំណែកជាមួយរាជរដ្ឋាភិបាលក្នុងការអភិវឌ្ឍសង្គមជាតិ”។
-
អ្នករាយការណ៍ពិសេសថ្មីរបស់ UN ចង់ជួបលោក ហ៊ុន សែន ក្នុងទស្សនកិច្ចជាលើកដំបូង
ភ្នំពេញ៖ អ្នករាយការណ៍ពិសេសរបស់អង្គការសហប្រជាជាតិ (UN) លោកស្រី រ៉ូណា ស្ម៊ីត (Rhona Smith) នឹងបំពេញទស្សនកិច្ចផ្លូវការលើកដំបូង នៅក្នុងប្រទេសកម្ពុជា រយៈពេល៩ថ្ងៃ ចាប់ពីថ្ងៃទី១៦ ដល់ថ្ងៃទី ២៤ ខែកញ្ញា ឆ្នាំ២០១៥។ នេះបើតាមសេចក្តីប្រកាសព័ត៌មានរបស់ការិយាល័យសិទ្ធិមនុស្សអង្គសហប្រជាជាតិ (UNHCR)។ យោងតាមសេចក្តីប្រកាសព័ត៌មានពីទីក្រុងហ្សឺណែវ ចុះថ្ងៃទី១៤ កញ្ញានេះ ក្នុងអំឡុងដំណើរទស្សនកិច្ច លោកស្រី Rhona Smith រំពឹងថា នឹងបានចូលជួបលោកនាយករដ្ឋមន្ត្រី ហ៊ុន សែន និងរដ្ឋមន្ត្រីក្រសួងមហាផ្ធៃ លោក ស ខេង រដ្ឋមន្ត្រី ព្រមទាំង សមាជិកជាន់ខ្ពស់រាជរដ្ឋាភិបាលដទៃទៀត។ ក្រៅពីនោះ លោកស្រីនឹងជួបជាមួយតំណាង សង្គមស៊ីវិល និងសហគមន៍មូលដ្ឋាននានា ព្រមទាំងក្រុមអង្គការ សហប្រជាជាតិ និងសហគមន៍ម្ចាស់ជំនួយ។ លោកស្រី Rhona Smith ត្រូវបានតែងតាំងដោយក្រុមប្រឹក្សាសិទ្ធិមនុស្ស UN ក្នុងខែមីនា ឆ្នាំ២០១៥ ស្នងតំណែងរបស់លោក សុរិយា ប្រាសាទ ស៊ូប៊ែឌី ដែលបានបញ្ចប់អាណត្តិ ៦ឆ្នាំ នៅខែមីនា ឆ្នាំ២០១៥ ដើម្បីធ្វើសេចក្តីរាយការណ៍ និងផ្តល់ប្រឹក្សាយោបល់ស្តីពី ស្ថានភាពសិទ្ធិមនុស្សនៅកម្ពុជា។
-
ពលរដ្ឋខេត្តក្រចេះដាក់ញត្តិលើកទីបីសុំឱ្យសភាជំរុញដោះស្រាយទំនាស់ដីធ្លី
ភ្នំពេញ—ពលរដ្ឋជាង៣០នាក់បាននាំយកញត្តិមកដាក់ជូនរដ្ឋសភាជាតិ ជាលើកទីបីនៅថ្ងៃច័ន្ទនេះ ដើម្បីស្នើឲ្យជំរុញអាជ្ញាធរនៅក្នុងស្រុកស្នួលខេត្តក្រចេះ ចេញប័ណ្ណកម្មសិទ្ធិកាន់កាប់ដីធ្លីដល់ពួកគេនិងប្រជាពលរដ្ឋដទៃទៀតសរុបចំនួន៧៣គ្រួសារ។ លោកស៊ឹម ពៅ តំណាងឲ្យប្រជាពលរដ្ឋទាំង៧៣គ្រួសារ រស់នៅក្នុងសហគមន៍ពាមប៉ោអូរបីស្ថិតនៅក្នុងភូមិស្រែថ្មី ឃុំខ្សឹម ស្រុកស្នួល មានប្រសាសន៍ប្រាប់ VOA ថា លោកធ្លាប់បានដាក់ញត្តិចូលទៅរដ្ឋសភាចំនួនពីរលើកមកហើយប៉ុន្តែ នៅមិនទាន់មានដំណោះស្រាយនៅឡើយបើទោះជាមានក្រុមនិស្សិតដែលធ្វើការវាស់វែងដីនៅមុនពេលបោះឆ្នោតជាតិធ្លាប់ចុះទៅវាស់វែងដីជូនប្រជាពលរដ្ឋនៅទីនោះកាលពីឆ្នាំ២០១២ក៏ដោយ។ «ខ្ញុំទាមទារឲ្យខាងរដ្ឋសភាហ្នឹងជំរុញឲ្យអាជ្ញាធរ ជួយចេញប័ណ្ណកម្មសិទ្ធិឲ្យប្រជាពលរដ្ឋដែលមាននិស្សិតចុះវាស់វែងហ្នឹង ហើយផ្ទៃដីតាមទំហំដែលគាត់រស់នៅ អាស្រ័យផលប៉ុន្មានគឺវាស់ឲ្យប៉ុណ្ណឹងទៅ»។ លោកស ចំរ៉ុង អភិបាលខេត្តក្រចេះ បញ្ជាក់ថា អាជ្ញាធរខេត្តកំពុងធ្វើការដោះស្រាយទំនាស់ដីធ្លីនេះហើយ។
-
ការរើសអគ្គលេខាធិការថី្មគ.ជ.បនឹងធ្វើព្រមពេលគ្នានឹងការចុះឈ្មោះបោះឆ្នោតសាកល្បង
ក្រោយស្ងប់ស្ងាត់មួយរយៈ គណៈកម្មាធិការជាតិរៀបចំការបោះឆ្នោត(គ.ជ.ប) នៅតែមិនទាន់ផ្លាស់ប្តូរអគ្គលេខាធិការគ.ជ.បចាស់ នៅក្នុងស្ថាប័នគ.ជ.បថ្មីនេះនៅឡើយទេ។ លោកទេព នីថា ដែលបច្ចុប្បន្នកំពុងបន្តតួនាទីជាអគ្គលេខាធិការគ.ជ.បដដែល នឹងត្រូវបោះឆ្នោតជ្រើសរើសរកអ្នកជំនួសថ្មី ប៉ុន្តែដោយសារតែគ.ជ.បកំពុងតែមមារញឹកលើកិច្ចការមួយចំនួន ទើបមិនទាន់មានការរៀបចំផ្លាស់ប្តូរតំណែងនេះ។ នេះបើតាមការអះអាងរបស់មន្ត្រីគ.ជ.ប។ លោកហង្ស ពុទ្ធា អ្នកនាំពាក្យគ.ជ.បបានថ្លែងប្រាប់ដល់វិទ្យុវាយោនៅថ្ងៃទី១៥កញ្ញានេះថា គ.ជ.បបានធ្វើសេចក្តីព្រាងអនុក្រឹត្យរួចហើយអំពីអគ្គលេខាធិការដ្ឋាន ដែលជាការរៀបចំរចនាសម្ព័ន្ធ និងបុគ្គលិករបស់គ.ជ.បទាំងអស់។ លោកបានបន្តថា ការរៀបចំនេះ គ.ជ.បក៏បានគិតគូរអំពីការផ្លាស់ប្តូរអគ្គលេខាធិការថ្មី ឲ្យដំណើរការទន្ទឹមគ្នា ជាមួយការរៀបចំចុះឈ្មោះបោះឆ្នោតសាកល្បងនៅទូទាំងប្រទេសនាពេលខាងមុខ។
-
សង្គមស៊ីវិលទាមទារឲ្យដោះលែងសកម្មជននយោបាយនិងរកយុត្តិធម៌ជូនអ្នកស្លាប់
ចំណែកមជ្ឈមណ្ឌលសិទ្ធិមនុស្សកម្ពុជា វិញ ក៏បានលើកឡើងនៅក្នុងសេចក្ដីថ្លែងការណ៍របស់ខ្លួនដែរ ដោយបន្ថែមព្រឹត្តិការណ៍បាញ់សម្លាប់ លោក ម៉ៅ សុខចាន់ ថា គិតពីថ្ងៃបាញ់សម្លាប់ដោយគ្រាប់កាំភ្លើងក្នុងពេលបង្ក្រាបក្រុមអ្នកតវ៉ាពីលទ្ធផលឆ្នោត គឺឃាតកពិតសម្លាប់ លោក ម៉ៅ សុខចាន់ មិនត្រូវបានកំណត់អត្តសញ្ញាណ និងនាំយកមកផ្ដន្ទាទោសនៅឡើយទេ។
-
ពលរដ្ឋខ្មែរអាមេរិកទាមទារឲ្យរដ្ឋាភិបាលកម្ពុជាគោរពលទ្ធិប្រជាធិបតេយ្យពិតប្រាកដ
ប៉ុន្មានថ្ងៃមុនការមកដល់នៃទិវាសេចក្តីប្រកាសជាសកលនៃលទ្ធិប្រជាធិបតេយ្យនេះ ប្រជាពលរដ្ឋខ្មែរអាមេរិកប្រមាណជាង៦០នាក់បានធ្វើបាតុកម្មនៅមុខស្ថានទូតកម្ពុជាប្រចាំសហរដ្ឋអាមេរិក ដើម្បីដាក់ញត្តិជូនដល់លោកឯកអគ្គរដ្ឋទូតខ្មែរនៅអាមេរិកកាលពីថ្ងៃទី១២ ខែកញ្ញា កន្លងទៅនេះ។ វ៉ាស៊ីនតោន—ប៉ុន្មានថ្ងៃមុនការមកដល់នៃទិវាសេចក្តីប្រកាសជាសកលនៃលទ្ធិប្រជាធិបតេយ្យនេះ ប្រជាពលរដ្ឋខ្មែរអាមេរិកប្រមាណជាង៦០នាក់បានធ្វើបាតុកម្មនៅមុខស្ថានទូតកម្ពុជាប្រចាំសហរដ្ឋអាមេរិក ដើម្បីដាក់ញត្តិជូនដល់លោកឯកអគ្គរដ្ឋទូតខ្មែរនៅអាមេរិកកាលពីថ្ងៃទី១២ ខែកញ្ញា កន្លងទៅនេះ។ តំណាងសមាគមខ្មែរអាមេរិកដើម្បីសិទ្ធិមនុស្ស និងលទ្ធិប្រជាធិបតេយ្យ សមាជិកគណបក្សសង្គ្រោះជាតិប្រចាំនៅសហរដ្ឋអាមេរិក និងពលរដ្ឋខ្មែរអាមេរិកមកពីរដ្ឋជាង៦ បានធ្វើបាតុកម្មនៅមុខស្ថានទូតកម្ពុជាប្រចាំសហរដ្ឋអាមេរិក ដើម្បីដាក់ញត្តិជូនលោកនាយករដ្ឋមន្ត្រី ហ៊ុន សែន ឲ្យពង្រឹងលទ្ធិប្រជាធិបតេយ្យនៅកម្ពុជា និងគោរពសិទ្ធិរបស់ប្រជាពលរដ្ឋខ្មែរក្នុងការបញ្ចេញមតិ។
-
CCHR ប្រារព្ធទិវា ប្រជាធិបតេយ្យ អន្តរជាតិ រំលឹកខួប២ឆ្នាំ ដល់អ្នកស្លាប់ ដែលតវ៉ា លទ្ធផលបោះឆ្នោត ឆ្នាំ២០១៣
លោកស្រី ចក់ សុភាព នាយិកាប្រតិបត្តិ CCHR បានមានប្រសាសន៍ ក្នុងសេចក្តីថ្លែងការណ៍នោះថា យោងតាមការិយាល័យ ឧត្តមស្នងការ សិទ្ធិមនុស្សរបស់អង្គការសហប្រជាជាតិ លំហសង្គមស៊ីវិល គឺជាឱកាសរបស់តួអង្គសង្គមស៊ីវិល ដែលធ្វើការនៅក្នុងសង្គម គឺជាមជ្ឈដ្ឋាន និងក្របខណ្ឌ ដែលសង្គមស៊ីវិលប្រតិបត្តិការងារ គឺជាទំនាក់ទំនង ក្នុងចំណោមតួអង្គសង្គមស៊ីវិល រដ្ឋាភិបាល និងវិស័យឯកជន និងសាធារណជនទូទៅ។ លំហសម្រាប់សង្គមស៊ីវិលនៅកម្ពុជា កំពុងតែរួមតូចទៅៗ”៕
-
Cambodian Government Claims Montagnards Are Trafficked Economic Refugees
Cambodia declared Tuesday that the Montagnards who have entered the country illegally, claiming to flee repression in Vietnam are economic, not political, refugees, because they were trafficked into the nation, a government spokesman said. The Cambodian government is not responsible for the Montagnards, who claim to be seeking asylum based on political and religious persecution, because they were brought into the country by human traffickers for economic purposes, said Interior Ministry spokesperson Khieu Sopheak. “We can’t avoid taking in refugees, but we must consider the reasons,” he told RFA's Khmer Service. “The Montagnards are fleeing because of economic reasons.” His comments came after the ministry set a three-month deadline for Montagnards who do not qualify as refugees to return home or be deported.
អានបន្ត -
សហជីពទាមទារប្រាក់ខែគោល២០៧ដុល្លារសម្រាប់កម្មករ
ភ្នំពេញ—មេដឹកនាំសហជីពក្នុងឧស្សាហកម្មកាត់ដេរ ត្រៀមទាមទារប្រាក់ឈ្នួលអប្បបរមាចំនួន២០៧ដុល្លារ ក្នុងមួយខែដល់កម្មករ ដោយផ្អែកលើលទ្ធផលនៃការសិក្សាស្រាវជ្រាវមួយដែលទើបចេញផ្សាយកាលពីពេលថ្មីៗនេះ។ ប្រាក់ឈ្នួលអប្បបរមាចំនួន២០៧ដុល្លារនេះ គឺខុសពីចំនួនតួលេខចាស់១៧៧ដុល្លារដែលមេដឹកនាំសហជីពគ្រោងទាមទារកាលពីពេលកន្លងមក។ លោកអាត់ ធន់ ប្រធានសហភាពការងារកម្ពុជា បានថ្លែងថា សហជីពឯករាជ្យស្ទើតែជិត៨០ភាគរយគ្រោងនឹងយកតួលេខប្រាក់ឈ្នួលអប្បបរមា២០៧ដុល្លារនេះ ដើម្បីចចារជាមួយនិយោជក ពីព្រោះតួលេខនេះ បានមកពីការសិក្សាស្រាវជ្រាវបែបវិទ្យាសាស្ត្រសង្គមសេដ្ឋកិច្ចចុងក្រោយមួយដែលអាចទុកចិត្តបាន។
-
សង្គមស៊ីវិលទាមទារឲ្យរដ្ឋាភិបាលដោះលែងសកម្មជនដីធ្លី និងសកម្មជននយោបាយ
សមាគម និងអង្គការមិនមែនរដ្ឋាភិបាល ទទូចឲ្យរដ្ឋាភិបាលដោះលែងសកម្មជននយោបាយ និងសង្គមជនសង្គមទាំងអស់ ដែលរដ្ឋាភិបាលបានចាប់ដាក់ពន្ធនាគារនាពេលកន្លងទៅ ខណៈពួកគេព្យាយាមតវ៉ាឲ្យមានការគោរពសិទ្ធិមនុស្ស។ ការទាមទារជាថ្មីទៀតនេះ គឺធ្វើឡើងក្នុងទិវាប្រជាធិបតេយ្យអន្តរជាតិ នៅថ្ងៃទី១៥ ខែកញ្ញានេះ និងរំឭកដល់រដ្ឋាភិបាលឲ្យគោរពសិទ្ធិមនុស្សជាសកល។ សេចក្តីថ្លែងការណ៍នេះចេញដោយ អង្គការខុមហ្វ្រេល(Comfrel) អង្គការយ៉ែនឌ័រ និងអភិវឌ្ឍន៍ដើម្បីកម្ពុជា(GADC) មជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព (PDP center) មជ្ឈមណ្ឌលអប់រំច្បាប់សម្រាប់សហគមន៍(CLEC) និងសមាគមការពារសិទ្ធិមនុស្សអាដហុក (ADHOC)។
-
ស្រ្តីខ្មែរ៤នាក់ចាញ់បោកមេខ្យល់ត្រូវបានជួយសង្រ្គោះពីប្រទេសម៉ាឡេស៊ី
ក្រសួងការបរទេសកម្ពុជាឲ្យដឹងថាស្រ្តីខ្មែរចំនួន៤នាក់ដែលចាញ់បោកមេខ្យល់នាំយកទៅធ្វើជាអ្នកបម្រើតាមផ្ទះនៅប្រទេសម៉ាឡេស៊ីត្រូវបានជួយសង្រ្គោះ។ សេចក្តីប្រកាសព័ត៌មានរបស់ក្រសួងការបទេសចេញផ្សាយនៅថ្ងៃអង្គារនេះឲ្យដឹងថាស្រ្តីខ្មែរដែលចាញ់បោកមេខ្យល់ មកពីខេត្តកំពត បាត់ដំបង កំពង់ចាម និងត្បូងឃ្មុំ។ សេចក្តីប្រកាសព័ត៌មានបន្តថាពលការិនីខ្មែររងគ្រោះទាំង៤នាក់នឹងមកដល់អាកាសយានដ្ឋានអន្តរជាតិភ្នំពេញនៅថ្ងៃទី១៧ ខែកញ្ញា ឆ្នំា២០១៥ វេលាម៉ោង ៧និង៣៥នាទីព្រឹក។ សេចក្តីប្រកាសដដែលបានញ្ជាក់បន្ថែមថាពលករម្នាក់ក្នុងចំណោម៤នាក់នោះ ត្រូវបានស្ថានទូតកម្ពុជាជាអ្នកចេញថ្លៃពិន័យឲ្យរដ្ឋាភិបាលម៉ាឡេស៊ីនិងទិញសំបុត្រយន្តហោះឲ្យ ដោយឪពុកម្តាយរបស់នាងមិនមានលទ្ធភាព។ បើតាមសេចក្តីប្រកាសព័ត៌មាន ក្រសួងការបរទេសកម្ពុជាបានអំពាវនាវដល់ពលរដ្ឋខ្មែរ ជាពិសេសនារីខ្មែរដែលជាជនងាយរងគ្រោះ ត្រូវប្រុងប្រយ័ត្នចំពោះការឆបោក អូសទាញ បញ្ចុះបញ្ចូលពីសំណាក់មេខ្យល់ដែលភូតកុហកថាទៅធ្វើការនៅម៉ាឡេស៊ីនឹងទទួលបានប្រាក់ខែច្រើន៕
-
អ្នកយកព័ត៌មានម្នាក់នៅខេត្តបន្ទាយមានជ័យប្ដឹងសមត្ថកិច្ចចោទថាគំរាមកំហែង
អ្នកយកព័ត៌មានទូរទស្សន៍អិន.ធី.វី (NTV) ម្នាក់ ប្រចាំខេត្តបន្ទាយមានជ័យ បានដាក់ពាក្យប្ដឹងទៅសមាគមការពារសិទ្ធិមនុស្សអាដហុក (ADHOC) ឲ្យជួយអន្តរាគមន៍ផ្លូវច្បាប់ពាក់ព័ន្ធនឹងរឿងដែលនាយរងនគរបាលប៉ុស្តិ៍រដ្ឋបាលសង្កាត់ប៉ោយប៉ែត បានហៅអ្នកកាសែតទៅគំរាមកំហែង និងសួរចម្លើយរយៈពេលប្រមាណ ៤ម៉ោង បន្ទាប់ពីរូបគេបានបង្ហោះព័ត៌មានមួយដែលកើតឡើងនៅក្រុងប៉ោយប៉ែត តាមបណ្ដាញទំនាក់ទំនងសង្គមហ្វសអាប (Whatsapp) មក។ អ្នកកាសែតទូរទស្សន៍អិន.ធី.វី ប្រចាំខេត្តបន្ទាយមានជ័យ អំពាវនាវឲ្យស្នងការនគរបាលខេត្ត និងមន្ត្រីពាក់ព័ន្ធ ចាត់វិធានការផ្លូវច្បាប់ និងដកលោកនាយរងប៉ុស្តិ៍នគរបាលរដ្ឋបាលសង្កាត់ប៉ោយប៉ែត ចេញពីតំណែង ដើម្បីកុំឲ្យយកអំណាចរបស់ខ្លួនទៅគំរាមកំហែងដល់ប្រជាពលរដ្ឋបន្តទៀត។
-
CCHR៖ កម្ពុជាកំពុងដើរឆ្ងាយពីគន្លងប្រជាធិបតេយ្យ
មជ្ឈមណ្ឌលសិទ្ធិមនុស្សកម្ពុជា កត់សំគាល់ថា កម្ពុជាកំពុងដើរនៅលើផ្លូវ«ដ៏គ្រោះថ្នាក់» ដែលនាំឲ្យប្រទេសកម្ពុជាឃ្លាតឆ្ងាយពីលទ្ធិប្រជាធិបតេយ្យ។ សេចក្តីថ្លែងការណ៍នេះធ្វើឡើងចំថ្ងៃទី១៥ កញ្ញា ២០១៥នេះ ជាគម្រប់ខួបពីរឆ្នាំនៃការបាញ់សម្លាប់យុវជន ម៉ៅ សុខចាន់ នៅគ្រាដែលគណបក្សប្រឆាំងធ្វើបាតុកម្មប្រឆាំងលទ្ធផលបោះឆ្នោត កាលពីឆ្នាំ២០១៣។ ប៉ុន្តែមកដល់ថ្ងៃនេះ ឃាតកមិនទាន់ត្រូវបានអាជ្ញាធរនាំមកផ្តន្ទាទោស។ សេចក្តីថ្លែងការណ៍ស្តីពីទំនាក់ទំនងសង្គមស៊ីវិល សិទ្ធិមនុស្ស និងលទ្ធិប្រជាធិបតេយ្យរបស់អង្គការសិទ្ធិមនុស្សមួយនេះនិយាយថា លំហសង្គមស៊ីវិលនៅកម្ពុជាកំពុងតែរួមតូចទៅៗ និងប្រឈមនឹងគ្រោះថ្នាក់ ហើយមិនមានលំហសិទ្ធិមនុស្សគ្រប់គ្រាន់។
-
សហគមន៍ចំនួន១៥នៅសៀមរាប ទាមទារឲ្យអាជ្ញាធរខេត្ដដោះស្រាយជម្លោះដីធ្លីជាថ្មីទៀត
អ្នកមានជម្លោះដីធ្លីចំនួន១៥សហគមន៍ ក្នុងខេត្ដសៀមរាប នៅព្រឹកថ្ងៃសុក្រនេះ ទាមទារឲ្យអភិបាលខេត្ដ លោក ឃឹម ប៊ុនសុង ពន្លឿនដោះស្រាយជម្លោះដីធ្លីពួកគេ ដែលពួកគាត់ថា ការពន្យាពេលនេះធ្វើឲ្យប៉ះពាល់ដល់សេដ្ឋកិច្ចគ្រួសារ និងកូនៗបាត់បង់ការសិក្សា។ ប្រជាសហគមន៍ទាំងនោះ មកពីស្រុកបន្ទាយស្រី ស្រុកស្វាយលើ ស្រុកប្រាសាទបាគង ស្រុកពួក ស្រុកវ៉ារិន និងក្រុងសៀមរាប។ សកម្មជនដីធ្លីប្រហែល២០០នាក់ បានប្រមូលផ្ដុំគ្នា នៅក្បែរបងសាលាខេត្ដ ក្នុងសង្កាត់ស្លក្រាម ក្រុងសៀមរាប ដោយមានកងកម្លាំងសមត្ថកិច្ចប្រហែល៥០នាក់ ឈររារាំមិនឲ្យចូលសាលាខេត្ដ និងពលរដ្ឋជាច្រើននាក់ទៀត ត្រូវបានសមត្ថកិច្ចរារាំងនៅពាក់កណ្ដាលផ្លូវ។ តំណាងសហគមន៍មកពីស្រុកស្វាយលើ និងស្រុកប្រាសាទបាគង ថ្លែងប្រហាក់ប្រហែលគ្នាថា ពួកគាត់មានជម្លោះដីធ្លី ជាច្រើនឆ្នាំមកហើយ ប៉ុន្ដែគ្មានអាជ្ញាធរដោះស្រាយជូនពួកគាត់ឡើយ បើទោះមានចំណារពីព្រឹទ្ធសភាក៏ដោយ។ ពួកគាត់បន្ដថា ការអូសបន្លាយជម្លោះដីធ្លីនេះ ធ្វើឲ្យកូនៗពួកគេបាត់បង់ការសិក្សា និងក្លាយជនជនចំណាកស្រុក ដោយសារខ្វះដីធ្វើស្រែចម្ការ។
-
ព្រឹកនេះ កម្មកររោងចក្រសូលធីមអេឡិចត្រូនិកបន្តធ្វើកូដកម្មមុខរោងចក្រ
ខេត្តកណ្តាល ៖ សេចក្តីរាយការណ៍បានឱ្យដឹងថា កាលពីវេលាម៉ោង៧ព្រឹក ថ្ងៃទី១១ កញ្ញា នេះ កម្មកររោងចក្រសូលធីម អេឡិចត្រូនិក ស្ថិតនៅភូមិត្រយឹង ឃុំពើក ស្រុកអង្គស្នួល បានបន្តធ្វើកូដកម្មឈរនៅមុខរោងចក្រដើម្បីទាមទារលក្ខខណ្ឌការងារចំនួន៧ចំណុច៕
-
អូស្រ្តាលីថាមន្រ្តីកម្ពុជានឹងទៅកោះNauruសម្ភាសន៍ទទួលជនភៀសខ្លួនបន្ថែមទៀត
រដ្ឋមន្រ្តីអន្តោប្រវែសន៍អូស្រ្តាលី លោក Peter Dutton បាននិយាយថាមន្រ្តីកម្ពុជានឹងមកកោះNauru នៅពេលខាងមុខ ដើម្បីសម្ភាសន៍ទទួលយកជនភៀសខ្លួនដែលស្ម័គ្រចិត្តបន្ថែមទៀត។ នេះបើយោងទៅតាមសារព័ត៌មានABCអូស្រ្តាលី។ កាលពីខែមិថុនា ឆ្នាំ២០១៥ ជនភៀសខ្លួនមកពីអូស្ត្រាលីដំបូងគេចំនួន៤នាក់បានស្ម័គ្រចិត្តមករស់នៅកម្ពុជា។ ជនភៀសខ្លួនទាំងនោះមាន៣នាក់ជាជនជាតិអ៊ឺរ៉ង់ និងម្នាក់ជាជនជាតិរូហ៊ីនយ៉ាមកពីប្រទេសមីយ៉ាន់ម៉ា។ រដ្ឋាភិបាលអះអាងថាសព្វថ្ងៃពួកគេកំពុងស្នាក់នៅផ្ទះវីឡា ក្នុងខណ្ឌច្បារអំពៅ ទីក្រុងភ្នំពេញ ក្រោមការឧបត្ថម្ភពីរដ្ឋាភិបាលអូស្ត្រាលី។ លោក Peter Dutton ត្រូវបានដកស្រង់សម្តីថាលោកជឿជាក់ថាកម្ពុជានឹងទទួលជនភៀសខ្លួនផ្សេងទៀតមកស្នាក់នៅកម្ពុជា។ លោកថ្លែងបែបនេះបន្ទាប់ពីលោកជួបជាមួយលោកនាយករដ្ឋមន្រ្តី ហ៊ុន សែន និងរដ្ឋមន្រ្តីក្រសួងមហាផ្ទៃកម្ពុជា លោក ស ខេង កាលពីថ្ងៃពុធសប្តាហ៍នេះ។ លោកបន្តថាអូស្រ្តាលីនឹងធ្វើការជាមួយរដ្ឋាភិបាលកម្ពុជា ក្នុងការបញ្ជូនភៀសខ្លួនមកកម្ពុជាបន្ថែមទៀត ប៉ុន្តែលោកមិនអាចបញ្ជាក់ថាតើនឹងមានជនភៀសខ្លួនប៉ុន្មាននាក់ទៀតមកកម្ពុជានោះទេ ដោយថាអាស្រ័យលើការស្ម័គ្រចិត្ត។
-
លោកយាយអាយុ៩០ឆ្នាំអំពាវនាវដល់ប្រព័ន្ឋតុលាការមេត្តាជួយរកយុត្តិធម៌ដល់រូបគាត់នាជីវិតចុងក្រោយផង
ខេត្តព្រះសីហនុ ៖ ស្ថិតក្នុងវ័យ៩០ឆ្នាំ លោកយាយ យិន សុគន្ឋធារី បានសំណូមពរដល់ប្រព័ន្ឋតុលាការ ក៏ដូចជារាជរដ្ឋាភិបាលមេត្តាជួយរកយុត្តិធម៌ដល់ជីវិតចុងក្រោយរបស់គាត់ផង ពាក់ព័ន្ឋទំនាស់ដីធ្លីដ៏រាំរ៉ៃមានរយៈពេលជិត១០ឆ្នាំមកហើយ ។ លោកយាយ យិន សុគន្ឋធារី មានព្រះជន្ម៩០ឆ្នាំ បាននិយាយប្រាប់បណ្តាញព័ត៌មានក្នុងទឹកមុខក្រៀមក្រំថា វាជារឿងអយុត្តិធម៌បំផុតសម្រាប់រូបគាត់ក្នុងនាមជាដូនជីហៀបនឹងស្លាប់ទៅវិញហើយ ព្រោះតែដីរបស់គាត់ដែលបានគ្រប់គ្រងជាច្រើនឆ្នាំ មានទាំងដំណាំផង បែរជាត្រូវបានលោក ប្រាក់ ហម ជាមន្ត្រីជាន់ខ្ពស់បានមកអះអាងថា ដីដែលលោកយាយគ្រប់គ្រង គឺជាដីរបស់គាត់ទៅវិញ ។ លោកយាយបានរៀបរាប់បន្តទៀតថា ដីទំនាស់នេះមានទំហំ១ហិចតា៨អា ស្ថិតក្នុងភូមិ២ សង្កាត់លេខ២ ក្រុងព្រះសីហនុ ដោយទិញក្នុងតម្លៃ៣ជី ដែលលុយទាំងនោះបានមកពីការដើរលក់បបរសទាំងលំបាក មានទាំងលិខិតទិញ-លក់ថែមទៀតផង ប៉ុន្តែនៅពេលដែលគាត់ធ្វើប្លង់ប្រព័ន្ឋ បែរជាមានឈ្មោះលោក ប្រាក់ ហម និងប្រពន្ឋ បានដាក់ពាក្យបណ្តឹងជំទាស់ថា ជាដីរបស់គាត់ទៅវិញ ដោយសំអាងលើប្លង់ស្លាបមាន់ មានទីតាំងស្ថិតក្នុងសង្កាត់លេខ១ ក្រុង-ខេត្តព្រះសីហនុ ចេញនៅឆ្នាំ១៩៩៣ទៅវិញ ផ្ទុយទៅនឹងទីតាំងដីរបស់គាត់ ស្ថិតក្នុងសង្កាត់លេខ២ ក្រុង-ខេត្តព្រះសីហនុ ។
-
ស្រ្តីខ្មែរ៥នាក់ដែលចាញ់បោករៀបការជាមួយបុរសជនជាតិចិនត្រូវបានជួយសង្រ្គោះ
ក្រសួងការបរទេសនិងសហប្រតិបត្តិការអន្តរជាតិ បានណែនាំឲ្យស្ថានអគ្គកុងស៊ុលកម្ពុជាប្រចាំនៅទីក្រុងក្វាងចូវ ប្រទេសចិន ទាក់ទងជាមួយអាជ្ញាធរចិន ដើម្បីអន្តរាគមន៍ជួយស្ដ្រីខ្មែររងគ្រោះចំនួន៥រូប ដែលចាញ់បោកមេខ្យល់យកទៅរៀបការជាមួយបុរសជនជាតិចិន ឲ្យបានវិលត្រឡប់មកកម្ពុជាវិញ។ សេចក្តីប្រកាសព័ត៌មានរបស់ក្រសួងការបរទេសដែលចេញផ្សាយនៅនៅថ្ងៃព្រហស្បតិ៍នេះឲ្យដឹងថាស្ត្រីខ្មែរចំនួន៥នាក់ដែលចាញ់មេខ្យល់នាំទៅរៀបការជាមួយជនជាតិចិននៅប្រទេសចិន កំពុងស្នាក់នៅស្ថានអគ្គកុងស៊ុលកម្ពុជាប្រចាំទីក្រុងក្វាងចូវប្រទេសចិន។ សេចក្តីប្រកាសព័ត៌មានឲ្យដឹងថាស្រ្តីទាំង៥នាក់នោះសុទ្ធតែបានរងការវាយធ្វើបាបពីប្តីជនជាតិចិនរបស់ពួកគេ។ ក្រសួងក៏បានស្នើអង្គការទេសន្តប្រវេសន៍អន្តរជាតិ(IOM)ឲ្យជួយដល់ដំណើរមាតុភូមិនិវត្តន៍របស់ស្រ្តីខ្មែររងគ្រោះទាំង៥រូបនេះ។ បើតាមសេចក្តីប្រកាសព័ត៌មាន ស្រ្តីទាំង៥រូបនោះមានអាយុចន្លោះពី១៨ឆ្នាំទៅ២៨ឆ្នាំ។
-
សមាជិក-សមាជិកាព្រឹទ្ធសភាចេញញត្តិគាំទ្រសេចក្តីថ្លែងការណ៍ពិសេសរបស់សម្តេចតេជោ ហ៊ុន សែន អំពីបញ្ហាផែនទី និងព្រំដែន
សមាជិក-សមាជិកាព្រឹទ្ធសភាចេញញត្តិគាំទ្រសេចក្តីថ្លែងការណ៍ពិសេសរបស់សម្តេចតេជោ ហ៊ុន សែន អំពីបញ្ហាផែនទី និងព្រំដែន
គាំទ្រដោយ
