កំពុងស្វែងរកទិន្នន័យ
រកឃើញ: 12.457
-
សាលាឧទ្ធរណ៍នឹងបើកសវនាការលើការសុំនៅក្រៅឃុំរបស់លោក ហុង សុខហួរ នៅថ្ងៃទី២កញ្ញា
សាលាឧទ្ធរណ៍ នឹងបើកសវនាការលើការសុំនៅក្រៅឃុំរបស់សមាជិកព្រឹទ្ធសភាមកពីគណបក្សប្រឆាំង លោក ហុង សុខហួរ នៅព្រឹកថ្ងៃទី២ ខែកញ្ញា ខាងមុខ។ លោក ហុង សុខហួរ កំពុងជាប់ឃុំនៅពន្ធនាគារព្រៃស បន្ទាប់ពីសមត្ថកិច្ចចាប់ខ្លួនលោកនៅថ្ងៃទី១៥ សីហា។ ការចាប់ខ្លួននេះ គឺ ៣ថ្ងៃបន្ទាប់ពីមានបញ្ជាផ្ទាល់មាត់របស់លោកនាយករដ្ឋមន្ត្រី ហ៊ុន សែន។ ក្រោយការចាប់ខ្លួន សាលាដំបូងរាជធានីភ្នំពេញ ចោទប្រកាន់ លោក ហុង សុខហួរ ពីបទក្លែងបន្លំឯកសារសាធារណៈ ប្រើប្រាស់ឯកសារសាធារណៈក្លែងក្លាយ និងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម។ ការចោទប្រកាន់នេះ គឺបន្ទាប់ពី លោក ហុង សុខហួរ បង្ហោះវីដេអូឃ្លីប និងបកស្រាយអំពីខ្លឹមសារនៃសន្ធិសញ្ញា ឆ្នាំ១៩៧៩ ទាក់ទងនឹងផែនទី និងព្រំដែនរវាងកម្ពុជា និងវៀតណាម។ រដ្ឋាភិបាល ចាត់ទុកការផ្សាយវីដេអូនោះថា ផ្ទុយពីខ្លឹមសារដើមនៃសន្ធិសញ្ញាឆ្នាំ១៩៧៩។
អានបន្ត -
ល្បួងក្មេងស្រីរំលោភ បានសម្រេចបីថ្ងៃ ក្រោយត្រូវឪពុកម្តាយ ក្មេងស្រីរងគ្រោះប្តឹង ឲ្យនគរបាលឃាត់ខ្លួន
កណ្តាល៖ យុវជនម្នាក់បាន ប្រើល្បិចល្បួងក្មេងស្រី អាយុ១២ឆ្នាំ រំលោភរហូតបាន សម្រេចនៅក្នុងបន្ទប់ទឹក បានបីថ្ងៃក្រោយ ត្រូវឪពុកម្តាយក្មេងស្រី រងគ្រោះប្តឹងនគរបាល ឲ្យឃាត់ខ្លួនចាត់ការ ទៅតាមផ្លូវច្បាប់ កាលពីព្រឹកថ្ងៃទី៣០ខែសីហាឆ្នាំ២០១៥ ស្ថិតនៅភូមិព្រែកឡុង ឃុំរកាខ្ពស់ ស្រុកស្អាង ខេត្តកណ្តាល ។ នគរបាលបានឲ្យដឹងថា ជនរងគ្រោះឈ្មោះ វ វ ណ រ ភេទស្រី អាយុ ១២ឆ្នាំរស់នៅ ក្នុងក្នុង បន្ទុកគ្រួសារ ដែលមានឪពុកឈ្មោះ ស្មាច់ វិន អាយុ ៤៧ឆ្នាំ ម្តាយឈ្មោះ គីម សុខចន អាយុ ៣៧ឆ្នាំរស់នៅក្នុងភូមិឃុំកើតហេតុខាងលើ ។ចំណែកជនសង្ស័យឈ្មោះ នាង ចន្ថា ភេទប្រុស អាយុ ១៩ឆ្នាំមាន មុខរបរសន្តិសុខរោងចក្ររស់នៅក្នុងភូមិឃុំកើតហេតុជាមួយគ្នា។
-
មេធាវីលោក ហុង សុខហួរ ជំរុញតុលាការជាន់ខ្ពស់ផ្តល់យុត្តិធម៌លើបណ្តឹងទាស់របស់កូនក្តី
មេធាវី និងក្រុមគ្រួសារ ជនជាប់ចោទជាសមាជិកព្រឹទ្ធសភាមកពីគណបក្សប្រឆាំង ជំរុញឲ្យតុលាការប្រកាន់ជំហរឯករាជ្យ ខណៈសាលាឧទ្ធរណ៍ គ្រោងបើកសវនាការ នៅដើមសប្តាហ៍ក្រោយនេះ លើបណ្តឹងទាស់ លោក ហុង សុខហួរ ប្រឆាំងនឹងដីកាឃុំខ្លួនរបស់សាលាដំបូងរាជធានីភ្នំពេញ ។ សាលាឧទ្ធរណ៍នឹងបើកសវនាការ លើបណ្តឹងទាស់នេះ នៅថ្ងៃទី២ ខែកញ្ញា ឆ្នាំ២០១៥ នៅវេលាម៉ោង ៨ព្រឹក តាមពាក្យបណ្តឹងរបស់មេធាវីការពារជនជាប់ចោទ។ មេធាវីការពារគឺលោក ជូង ជូងី ប្រាប់ វីអូឌី(VOD) នៅថ្ងៃអាទិត្យនេះថា ការចោទប្រកាន់ ការចាប់ខ្លួន និងការឃុំខ្លួនកូនក្តីលោកឈ្មោះ ហុង សុខហួរ លោកថាធ្វើឡើងខុសនីតិវិធីច្បាប់ ជាកត្តាជំរុញឲ្យលោកសម្រេចប្តឹងប្រឆាំងទៅនឹងដីកាសម្រេចរបស់សាលាដំបូងនេះ។ លោកសង្ឃឹមថា កូនក្តីលោកនឹងមានសេរីភាពវិញ បើចៅក្រុមសាលាឧទ្ធរណ៍ កាត់ក្តីសំនុំរឿងនេះ ឈរលើគោលការណ៍អព្យាក្រឹត្យ និងឯករាជ្យ។
-
មន្ត្រីថៃសន្យាម្តងទៀតថា ឈប់សម្លាប់ពលរដ្ឋខ្មែរឆ្លងដែនខុសច្បាប់
រដ្ឋមន្ត្រីក្រសួងមហាផ្ទៃថៃបានឯកភាពជាមួយកម្ពុជាម្តងទៀតថានឹងទប់ស្កាត់លំហូរឆ្លងដែនខុសច្បាប់ ដោយអនុលោមតាមបទដ្ឋានដែលទទួលស្គាល់ដោយអន្តរជាតិ ផ្អែកទៅតាមគោលការណ៍ច្បាប់និងលិខិតបទដ្ឋានគតិយុត្តិធម៌នៃប្រទេសទាំងពីរ។ ការសម្រេចនេះធ្វើឡើងក្នុងពិធីបិទកិច្ចប្រជុំអភិបាលខេត្តជាប់ព្រំដែនកម្ពុជា ថៃលើកទី៥ កាលពីថ្ងៃទី២៨ខែសីហា ឆ្នាំ២០១៥ នៅទីក្រុងបាងកកប្រទេសថៃ រវាងរដ្ឋមន្ត្រីក្រសួងមហាផ្ទៃកម្ពុជាលោក ស ខេង និងរដ្ឋមន្ត្រីក្រសួងមហាផ្ទៃថៃ លោក អនុពង្ស ផៅចិន្តា។ កាលពីឆ្នាំ២០១៤ ពលករខ្មែរជាង២០ម៉ឺននាក់ ត្រូវមេដឹកនាំយោធាថៃចាប់បញ្ជូនទាំងតក់ក្រហល់ មកទម្លាក់ចោលនៅច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ ក្រោមហេតុផលពង្រឹងផ្ទៃក្នុង ។ ជាងនេះទៅទៀត ពលរដ្ឋខ្មែរមួយចំនួនត្រូវទាហានថៃបាញ់សម្លាប់ក្រៅច្បាបជារៀងរាល់ឆ្នាំ ពេលពួកគេចូលទៅរកការងារធ្វើនៅប្រទេសថៃដោយខុសច្បាប់។ បើទោះបីមន្ត្រីជាន់ខ្ពស់ថៃ ធ្លាប់បានសន្យានិងពេលខ្លះ មន្ត្រីជាន់ខ្ពស់ថៃធ្លាប់បានសុំទោសកម្ពុជាជាសាធារណៈពីការសម្លាប់ក្រៅច្បាប់នេះក៏ដោយ។
-
កម្ពុជាកំពុងជួយនាវិកខ្មែរ៤នាក់ដែលរត់គេចពីកប៉ាល់ហ្វីលីពីនដោយសារលក្ខខ័ណ្ឌការងារមិនល្អ
ក្រសួងការបរទេសកម្ពុជា អះអាងនៅថ្ងៃសៅរ៍នេះថា ខ្លួនកំពុងរកមធ្យោបាយ បញ្ជូននាវិកខ្មែរ៤នាក់ មកកម្ពុជាវិញ បន្ទាប់ពីអ្នកទាំង៤នោះ បានរត់គេចពីកប៉ាល់របស់ហ្វីលីពីនមួយ កាលពីប៉ុន្មានថ្ងៃមុននេះ ដោយសំអាងថា ក្រុមហ៊ុននោះ បានរំលោភលក្ខខ័ណ្ឌការងារ បង្ខំឲ្យធ្វើការទាំងមានជម្ងឺ ។ ក្រសួងការបរទេសកម្ពុជា ឲ្យដឹងតាមរយៈសេចក្តីប្រកាសព័ត៌មាន ចុះថ្ងៃទី២៩ ខែសីហានេះថា ពួកគេកំពុងទំនាក់ទំនងជាមួយអង្គការទេសន្តប្រវេសន៍អន្តរជាតិ (IOM) ដើម្បីបានបញ្ជូន នាវិកទាំង៤នាក់នោះមកកម្ពុជា។ បើតាមសេចក្តីប្រកាសដដែលឲ្យដឹងទៀតថា ស្ថានទូតបានអន្តរាគមន៍ ជាបន្ទាន់ក្នុងការសំរួល ឲ្យនាវិកទាំងនោះ បានមកដល់ស្ថានទូតកម្ពុជា នៅក្រុងម៉ានីល យប់ថ្ងៃទី២៧ សីហា ២០១៥ និងបច្ចុប្បន្នកំពុងស្នាក់នៅ និវេសន៍ដ្ឋានឯកអគ្គរាជទូត។
-
ជនសង្ស័យសំណុំរឿងបន្ថែមបន្តតាំងចិត្តមិនធ្វើតាមដីការរបស់ចៅក្រម
វ៉ាស៊ីនតោន—ក្រុមជនសង្ស័យក្នុងសំណុំរឿងបន្ថែម០០៣ និង០០៤នៅតែតាំងចិត្តថា ខ្លួននឹងមិនធ្វើ តាមដីការកោះហៅរបស់សហចៅក្រមស៊ើបអង្កេតអន្តរជាតិក្នុងដំណើរការនីតិវិធីទេ។ លោក សុខ ខេមរា នៃវីអូអេបានចុះទៅយកព័ត៌មានក្នុងប្រទេសកម្ពុជា បានជួបជាមួយជនសង្ស័យជាច្រើនកាលពីសប្តាហ៍កន្លងទៅ ហើយពួកគេតាំងចិត្តថា នឹងមិនមកកាន់តុលាការទេ ក្នុងពេលដែលគេដឹងថា គ្មានកិច្ចសហការពីភាគីកម្ពុជាទាក់ទងនឹងការនាំខ្លួនជនសង្ស័យទាំងនោះ។ ក្រុមជនសង្ស័យនៃសំណុំរឿង០០៣ និង០០៤ ដែលរដ្ឋាភិបាលធ្លាប់រារាំងមិនឲ្យ ដំណើរការទៅមុខនោះ នៅតែបន្តប្រឆាំងនឹងដំណើរការនីតិវិធីរបស់សហចៅក្រមអន្តរជាតិ ដែលចង់នាំខ្លួនពួកគេមកកាន់តុលាការនោះ ទោះជាមានដីការកោះហៅ ហើយតម្រូវឲ្យមានការនាំខ្លួនមកបំភ្លឺអំពីឧក្រិដ្ឋកម្មអន្តរជាតិធ្ងន់ធ្ងរក្នុងទសវត្សរ៍១៩៧០ ដែលត្រូវចោទប្រកាន់ដោយសហព្រះរាជអាជ្ញានោះក្តី។
-
ជនជាតិដើមព្នងនៅខេត្តមណ្ឌលគិរីស្នើទៅអភិបាលក្រុងពន្លឿនដោះស្រាយដីព្រៃចម្ការវិលជុំ
ជនជាតិដើមភាគតិចព្នង ស្នើទៅអភិបាលក្រុងសែនមនោរម្យ ខេត្តមណ្ឌលគិរី ឲ្យជួយពន្លឿនដោះស្រាយដីព្រៃចម្ការវិលជុំជិត៥០ហិកតានៅភូមិពូលូង ដែលមានជម្លោះជាមួយអភិបាលស្រុកកោះញែក ជូនប្រជាពរដ្ឋជាង៤០គ្រួសារ ដើម្បីឲ្យពួកគេបានប្រកបមុខរបរចិញ្ចឹមគ្រួសារដូចដើមវិញ។ តំណាងជនជាតិដើមភាគតិចស្ថិតនៅភូមិពូលូង សង្កាត់រម្យនា ក្រុងសែនមនោរម្យ លោក ហ៊ុល គ្រុល ប្រាប់អ្នកយកព័ត៌មាន VOD ថា មូលហេតុដែលពួកគេស្នើទៅអភិបាលក្រុងសែនមនោរម្យជួយដោះស្រាយបញ្ហានេះជូនពួកគេឲ្យបានឆាប់ ដោយសារតែអភិបាលរងស្រុកកោះញែកមកពីគណបក្សប្រជាជនកម្ពុជា លោក ហួត សូនី កាលពីពេលថ្មីៗនេះបានចេញមុខអះអាងថា ដីព្រៃចម្ការវិលជុំនៅភូមិពូលូងជារបស់ខ្លួន។ លោកថា៖ “សម័យឥឡូវវាឃាត់ហ្នឹងណា ដល់ឃាតទៅថា មិនឲ្យធ្វើទេ គឺដីនេះ ដីខ្ញុំ ថាអញ្ចឹង បើពូឯងចង់ទូលៗទៅ ចង់រ៉ែកៗទៅ ដ៏ចឹងអំណាចវាមិនចង់ឲ្យ ថាដីអញ អញ្ចឹងថាអញ្ចឹង អត់ឲ្យពួកខ្ញុំធ្វើចំការហ្នឹង”។
-
ក្រុមហ៊ុនដីសម្បទាន១២បន្ថែមទៀតត្រូវរដ្ឋាភិបាលបន្ថយរយៈពេលវិនិយោគមកត្រឹម៥០ឆ្នាំវិញ
ក្រុមហ៊ុនវិនិយោគដីសម្បទានសេដ្ឋកិច្ចចំនួន១២បន្ថែមទៀត ត្រូវបានរដ្ឋាភិបាលសម្រេចកាត់បន្ថយរយៈពេលវិនិយោគមកត្រឹម៥០ឆ្នាំវិញ។ ក្រុមហ៊ុន១២នេះបន្ថែមលើក្រុមហ៊ុន១៦ផ្សេងទៀត ដែលរដ្ឋាភិបាលបានកាត់បន្ថយរយៈពេលវិនិយោគ ក្រោយរដ្ឋាភិបាលបានសម្រេចជាគោលការណ៍ក្នុងការកាត់បន្ថយរយៈពេលនៃការអនុវត្តគម្រោងវិនិយោគអភិវឌ្ឍន៍សម្បទានដីសេដ្ឋកិច្ចទាំងអស់មកនៅត្រឹមយ៉ាងយូរ៥០ឆ្នាំវិញ ក្រោមហេតុផលថាការផ្តល់ឲ្យក្រុមហ៊ុន៩០ឆ្នាំមានរយៈពេលយូរពេក។ ក្រុមហ៊ុនចំនួន១៦នោះមានផ្ទៃដី៩៦០៩៨ហិកតា ក្នុងខេត្តមណ្ឌលគិរី(៥ក្រុមហ៊ុន) ខេត្តរតនគិរី៤ក្រុមហ៊ុន និងខេត្តកំពង់ស្ពឺ(៧ក្រុមហ៊ុន)។ សេចក្តីប្រកាសព័ត៌របស់ក្រសួងបរិស្ថានចេញផ្សាយកាលពីថ្ងៃពុធបានឲ្យដឹងថារដ្ឋាភិបាលកម្ពុជាបានសម្រេចអនុញ្ញាតឲ្យក្រុមហ៊ុនចំនួន១២បន្ថែមទៀត(មានផ្ទៃដីសរុប៤១២៤៤ហិកតានៅខេត្តក្រចេះ ឧត្តមានជ័យ ព្រះវិហារ) បន្តអនុវត្តគម្រោងលើផ្ទៃដីដែលបានដោះស្រាយផលប៉ះពាល់រួចរាល់។ ប៉ុន្តែរដ្ឋាភិបាលសម្រេចឲ្យក្រុមហ៊ុនត្រូវចុះកិច្ចសន្យាឡើងវិញនិងត្រូវកាត់បន្ថយរយៈពេលនៃកាវិនិយោគ ដែលផ្តល់ឲ្យពីមុនមកមាន៩៩ឆ្នាំ ៨០ឆ្នាំនិង៧០ឆ្នាំ ឲ្យមកនៅត្រឹមតែរយៈពេល៥០ឆ្នាំវិញ។
-
ថៅកែរោងចក្រមួយនៅក្រុងបាវិតឃាត់ខ្លួនកម្មករ៩នាក់
ថៅកែរោងចក្រកាត់ដេរសម្លៀកបំពាក់មួយ នៅក្រុងបាវិត ខេត្តស្វាយរៀង រងការចោទថា បានឃាត់ខ្លួនតំណាងកម្មករចំនួន៩នាក់ មិនឲ្យចូលបំពេញការងាររយៈ៤ថ្ងៃកន្លងទៅនេះ ដោយបារម្ភខ្លាចមានការតវ៉ា។ តំណាងកម្មករទាំង៩នាក់នោះ ធ្វើការនៅរោងចក្រស្លាបព្រឹល(BW) នៅតំបន់សេដ្ឋកិច្ចពិសេសក្រុងបាវិត ត្រូវបានថៅកែរោងចក្រឃាត់ខ្លួនតាំងពីថ្ងៃទី២៤ ខែសីហា បន្ទាប់ពីពួកគាត់ដឹកនាំកម្មករតវ៉ាកាលពីថ្ងៃទី១២ ដល់ថ្ងៃទី១៩ ខែសីហា ដើម្បីសុំឲ្យក្រុមហ៊ុនគោរពលក្ខខណ្ឌការងារដូចមានចែងក្នុងច្បាប់ការងារ។ អនុប្រធានសហព័ន្ធចលនាកម្មករ លោក ខាត់ ឡូត បានប្រាប់វីអូឌី(VOD)ថា ថៅកែរោងចក្រឃាត់ខ្លួនតំណាងកម្មករទាំង៩នាក់នោះ ដោយមិនប្រាប់ពីមូលហេតុនោះទេ គឺឲ្យនៅក្នុងការិយាល័យពេញៗមួយថ្ងៃ ហើយដល់ល្ងាចឲ្យចេញផ្ទះ។
-
គ.ជ.ប នឹងធ្វើការចុះបោះឆ្នោតសាកល្បងតាមប្រព័ន្ធបច្ចេកវិទ្យាទំនើបនៅក្នុងខែវិច្ឆិកា
គណៈកម្មាធិការជាតិរៀបចំការបោះឆ្នោត (គ.ជ.ប) ឲ្យដឹងថា ខ្លួនបានប្រជុំសម្រេចធ្វើការចុះឈ្មោះបោះឆ្នោតសាកល្បងតាមប្រព័ន្ធបច្ចេកវិទ្យាទំនើប ចាប់ពីថ្ងៃទី១ ដល់ថ្ងៃទី១៥ ខែវិច្ឆិកា ឆ្នាំ២០១៥នេះ។ សេចក្តីប្រកាសព័ត៌មានរបស់ គ.ជ.ប ចុះថ្ងៃទី២៦ ខែសីហាបានឱ្យដឹងថា គ.ជ.ប បានបើកកិច្ចប្រជុំ និងបានសម្រេចធ្វើការចុះឈ្មោះបោះឆ្នោតសាកល្បងពីថ្ងៃទី១ ដល់ថ្ងៃទី១៥ ខែវិច្ឆិកា នៅក្នុងរាជធានីខេត្តទាំង២៥។ សេចក្ដីប្រកាសបន្តថា គ.ជ.ប សម្រេចយកឃុំ/សង្កាត់មួយនៅក្នុងរាជធានីខេត្តនីមួយៗសម្រាប់ធ្វើជាកន្លែងចុះឈ្មោះសាកល្បងនេះ។ សេចក្ដីប្រកាសបន្តទៀតថា នៅក្នុងកិច្ចប្រជុំដដែលនោះ គ.ជ.ប ក៏បានសម្រេចឆ្លើយតបជាលិខិតទៅអង្កការ JICA ដោយទទួលយកអ្នកជំនាញការជប៉ុនមួយរូបគឺលោក គេន អ៊ីននូអេ ( Mr Ken INOUE) ផ្នែកកែទម្រង់ការបោះឆ្នោត ឲ្យចូលធ្វើការនៅទីស្តីការ គ.ជ.ប ចាប់ពីថ្ងៃទី០១ ខែកញ្ញតទៅ។
-
លោក សុខ ទូច សរសេរលិខិតជូនលោកអ៊ុំ សំអាន ដើម្បីស្នើសុំផែនទីនោះ យកមកផ្ទៀងផ្ទាត់
រាជធានីភ្នំពេញ៖ នៅរសៀលថ្ងៃទី២៧សីហានេះ លោក សុខ ទូច ប្រធានក្រុមអ្នកស្រាវជ្រាវព្រំដែនរបស់រាជបណ្ឌិតសភាកម្ពុជា បានសរសេរលិខិតមួយច្បាប់ ជូនលោក អ៊ុំ សំអាន តំណាងរាស្រ្តគណបក្សសង្រ្គោះជាតិ ដើម្បីស្នើសុំផែនទីនោះ យកមកផ្ទៀងផ្ទាត់។ លិខិតស្នើសុំផែនទីរបស់ប្រធានក្រុមអ្នកស្រាវជ្រាវព្រំដែនបានធ្វើឡើងបន្ទាប់ពីលោក អ៊ុំ សំអាន អ្នកតំណាងរាស្ត្រគណបក្សសង្គ្រោះជាតិ បានអៈអាងលើបណ្តាញសង្គម Facebook របស់លោកថា បានរកឃើញផែនទីបោន របស់ប្រទេសកម្ពុជាចំនួន ២៦ផ្ទាំង ទាំងផែនទី Digital និងផែនទីក្រដាស នៅក្នុងបណ្ណាល័យសភា (Library of Congress) សហរដ្ឋអាមេរិកនៅ Washington DC។
-
អាជ្ញាធរខេត្តកោះកុងបង្ក្រាបការហែក្បួនទាមទារឲ្យដោះលែងយុវជន៣នាក់
ប្រជាពលរដ្ឋដែលមានជម្លោះដីធ្លី និងសកម្មជនបរិស្ថានមកពីបណ្ដាស្រុកមួយចំនួនក្នុងខេត្តកោះកុង នៅតែបន្តស្នាក់នៅក្នុងបរិវេណមណ្ឌលកីឡាខេត្ត ដើម្បីតស៊ូមតិទាមទារឲ្យតុលាការដោះលែងយុវជននៃអង្គការមាតាធម្មជាតិ ៣នាក់ ឲ្យមានសេរីភាពវិញ។ ការតវ៉ានេះ ត្រូវអាជ្ញាធររារាំង និងគំរាមកំហែងជាបន្តបន្ទាប់ ដោយលើហេតុផលថា ពួកគាត់ធ្វើឲ្យខូចសណ្ដាប់ធ្នាប់សាធារណៈ។ ការតវ៉ាដោយដើរដង្ហែក្បួនលើកបដាក្នុងក្រុងខេមរភូមិន្ទ ខេត្តកោះកុង នៅថ្ងៃទី២៧ ខែសីហា ត្រូវសមត្ថកិច្ចបង្ក្រាបនៅម្ដុំខាងកើតឆៀងខាងត្បូងផ្សារដងទង់។ ប្រជាសហគមន៍ដែលមានជម្លោះដីធ្លីមកពីស្រុកស្រែអំបិល ខេត្តកោះកុង បានឲ្យដឹងថា អ្នកភូមិប្រមាណជាង ៣០នាក់ បានដើរជាក្បួនទាមទារឲ្យដោះលែងយុវជនដែលជាសកម្មជនបរិស្ថានមកវិញ ប៉ុន្តែសមត្ថកិច្ចប៉េអិម (PM) មានចំនួនច្រើនជាងពលរដ្ឋជិតពាក់កណ្ដាល មករារាំង និងគំរាមកំហែងរកចាប់ខ្លួនអ្នកដែលសកម្មក្នុងការវ៉ានោះ៖ «»។
-
អង្គការប្រឆាំងការជួយដូរមនុស្សខកចិត្តអំពីចំណាត់ថ្នាក់កម្ពុជានៅក្នុងបញ្ជីស.រ.អា.
វ៉ាស៊ីនតោន—អង្គការអន្តរជាតិមួយ ដែលប្រឆាំងការជួញដូរមនុស្ស បានឲ្យដឹងថា ប្រទេសកម្ពុជាគួរតែទទួលបានការទទួលស្គាល់ជាអន្តរជាតិសម្រាប់ការផ្លាស់ប្តូរដ៏ធំក្នុងវិធីសាស្ត្រប្រឆាំងនឹងការជួញដូរផ្លូវភេទនៅក្នុងប្រទេសនេះ។ កម្ពុជានៅតែត្រូវបានចាត់ចូលនៅក្នុងបញ្ជីប្រទេសដែលក្រសួងការបរទេសសហរដ្ឋ អាមេរិក និយាយថា មិនទាន់បានធ្វើការប្រឹងប្រែងឲ្យបានគ្រប់គ្រាន់នៅឡើយទេ ក្នុងការប្រឆាំងនឹងការជួញដូរមនុស្ស។ ក៏ប៉ុន្តែ អង្គការបេសកកម្មយុត្តិធម៌អន្តរជាតិ ហៅកាត់ថា IJM បានឲ្យដឹងថា ចំណាត់ថ្នាក់នេះមិនផ្តល់ការទទួលស្គាល់ដល់កិច្ចខិតខំប្រឹងប្រែងខ្លះ ដែលប៉ូលិសកម្ពុជាបានខិតខំបង្ក្រាបការជួញដូរផ្លូវភេទក្នុងអំឡុងប៉ុន្មានឆ្នាំកន្លងទៅនេះទេ។ លោក Blair Burns នាយករងប្រតិបត្តិការតាមតំបន់របស់បេសកកម្មយុត្តិធម៌អន្តរជាតិ បានសរសេរនៅក្នុងសេចក្តីប្រកាសព័ត៌មានថា៖ «ចំណាត់ថ្នាក់នេះគឺជារឿងគួរឲ្យខកចិត្ត»។
-
សាលាក្ដីខ្មែរក្រហមផ្អាកសវនាការម្ដងទៀតដោយសារបញ្ហាពហិការមិនទាន់ដោះស្រាយ
អង្គជំនុំជម្រះសាលាដំបូងនៃសាលាក្ដីខ្មែរក្រហម នៅថ្ងៃព្រហស្បតិ៍ ទី២៧ សីហា សម្រេចផ្អាកសវនាការជាបន្តទៀត ដោយសារតែបញ្ហាពហិការរបស់ក្រុមមេធាវីការពារក្ដីជនជាប់ចោទ មិនទាន់បានដោះស្រាយនៅឡើយ។ អង្គជំនុំជម្រះសាលាដំបូង បានប្រកាសពីការសម្រេចផ្អាកសវនាការនៅវេលាថ្ងៃត្រង់ បន្ទាប់ពីបានស្ដាប់ទឡ្ហីករណ៍ពីភាគីនានា ទាក់ទងនឹងពហិការរបស់ក្រុមមេធាវីការពារក្ដីជនជាប់ចោទ នួន ជា និង ខៀវ សំផន ដែលដើរចេញពីអង្គសវនាការ។ ប្រធានអង្គជំនុំជម្រះសាលាដំបូង លោកចៅក្រម និល ណុល ប្រកាសថា សវនាការនេះនឹងបន្តវិញនៅថ្ងៃអង្គារ ទី១ ខែកញ្ញា៖ «ដោយអង្គជំនុំជម្រះត្រូវការពេលវេលាពិនិត្យពិភាក្សាពិចារណាសម្រេចលើបញ្ហាដែលកើតមានឡើងនេះ ដើម្បីមានឱកាសនៅក្នុងការចេញអនុស្សរណៈជម្រាបដល់ភាគីឲ្យបានយល់ ហើយនិងអាចមានសមត្ថភាពដឹកនាំគ្រប់គ្រងសវនាការនេះនាពេលខាងមុខ ប្រព្រឹត្តទៅបានល្អ អង្គជំនុំជម្រះសម្រេចថា សវនាការនៅពេលនេះគប្បីផ្អាកនៅពេលនេះ ហើយសវនាការលើកទៅធ្វើនៅថ្ងៃអង្គារ ខែកញ្ញា ឆ្នាំ២០១៥ ចាប់ពីម៉ោង ៩ព្រឹកទៅ»។
-
នារីម្នាក់ ត្រូវក្រុម ជនសង្ស័យ មានគ្នាប្រមាណ ៣នាក់ ចាប់រំលោភ រួចសម្លាប់ យកសពបោះ ចូលក្នុងទឹកស្រះ
ត្បូងឃ្មុំ; នារីម្នាក់បានក្រុមឃាតករ ចាប់រំលោភ រួចច្របាច់កសម្លាប់ ហើយបោះសពចូលទៅក្នុងទឹកស្រះ នៅវេលា ម៉ោង១០ និង៤០នាទីព្រឹក ថ្ងៃទី២៧ ខែសីហា ឆ្នាំ២០១៥ ស្ថិតនៅចំណុច ព្រៃចំការ កៅស៊ូវាលដងទង់ ក្នុងភូមិគរ ឃុំក្រែក ស្រុកពញាក្រែក ខេត្តត្បូងឃ្មុំ ។ តាមប្រភពព័ត៌មាន ពីមន្ត្រីសមត្ថកិច្ចស្រុកពញាក្រែកបានបញ្ជាក់អោយដឹងថា នារីរងគ្រោះ ឈ្មោះ នី កញ្ញា អាយុ១៧ ឆ្នាំមានទីលំនៅ ក្នុងភូមិឃុំកើតហេតុខាងលើ បានដើរ ចេញពីផ្ទះសំដៅ ទៅព្រៃចំការកៅស៊ូ នៅខាងជើងភូមិ ពេលនោះ ក៏ត្រូវបានជនមិនស្គាល់ អត្តសញ្ញាណ មានគ្នា ប្រមាណ៣នាក់ បានចាប់រំលោភសេពសន្ថវៈលើនារីរងគ្រោះ រួចហើយ ក៏បាន ច្របាច់ក សម្លាប់ បន្ទាប់មកយកសពនារីរងគ្រោះ ទៅទម្លាក់ចោល ក្នុងទឹកត្រពាំងតែម្តង។
-
លោក អ៊ុំ សំអាន ថា អាចនឹងមានការចាប់ខ្លួនលោក ពេលត្រឡប់ពីអាមេរិក
តំណាងរាស្ត្រគណបក្សសង្គ្រោះជាតិ លោក អ៊ុំ សំអាន អះអាងថា ដំណើររបស់ខ្លួនទៅអាមេរិក មិនមែនខ្លាចរដ្ឋាភិបាលកម្ពុជា ចាប់ខ្លួនលោកពាក់ព័ន្ធនឹងបញ្ហាផែនទីនោះឡើយ។ លោកថា លោកទៅសហរដ្ឋអាមេរិក ក្នុងគោលបំណង ជួបអ្នកគាំទ្រគណបក្សសង្គ្រោះជាតិ និងទៅទីស្នាក់ការអង្គការសហប្រជាជាតិនៅទីក្រុង New York សហរដ្ឋអាមេរិក ដើម្បីរកមូលហេតុដែលអង្គការសហប្រជាជាតិរកផែនទីកម្ពុជាមិនឃើញ។ លោកតំណាងរាស្ត្រដែលល្បីល្បាញខាងតវ៉ារឿងព្រំដែនរូបនេះ នឹងត្រឡប់មកកម្ពុជាវិញ បើទោះបីជា លោកយល់ថា អាជ្ញាធរកម្ពុជា អាចនឹងចាប់ខ្លួនលោកក៏ដោយ។ លោក និយាយបែបនេះ ដោយសារតែប្រសាសន៍របស់លោក ហ៊ុន សែន ដែលបញ្ជាឲ្យអាជ្ញាធរចាត់វិធានការអ្នកដែលចោទរដ្ឋាភិបាលថា ប្រើប្រាស់ផែនទីក្លែងក្លាយ។
-
តំណាងរាស្រ្តសង្រ្គោះជាតិអះអាងថារកឃើញផែនទីសម្តេចតាឆ្នាំ១៩៦៤ដែលគ្មានត្រាវៀតណាម
តំណាងរាស្រ្តគណបក្សសង្រ្គោះជាតិ លោក អ៊ុំ សំអាន បានប្រកាសថាលោករកឃើញផែនទីចំនួន២៦ផ្ទាំងដែលលោកអះអាងថាជាផែនទីបោននិងពុំមានត្រាវៀតណាម ហើយព្រះបរមរតនកោដ្ឋតម្កល់ទុកនៅសហរដ្ឋអាមេរិកកាលពីឆ្នាំ១៩៦៤។ កន្លងទៅ តំណាងរាស្រ្តគណបក្សសង្រ្គោះជាតិមណ្ឌលសៀមរាប លោក អ៊ុំ សំអាន ដែលអះអាងថាកម្ពុជាបានបាត់បង់ទឹកដីទៅវៀតណាម បានលើកឡើងថារដ្ឋាភិបាលកម្ពុជាបានប្រើប្រាស់ផែទីក្លែងក្លាយ មិនមែនផែនទីដែលតម្កល់នៅអង្គការសហប្រជាជាតិនោះទេ។ លោកបានចាកចេញទៅសហរដ្ឋអាមេរិក ក្រោយពីស្ថានភាពនយោបាយមានភាពតានតឹងទាក់ទងនឹងការនិយាយពីផែនទីក្លែងក្លាយ។
-
អ្នកភូមិ៣៧គ្រួសារទាមទារឲ្យអាជ្ញាធរខេត្ដសៀមរាប ដោះស្រាយជម្លោះដីធ្លី
ប្រជាពលរដ្ឋ៣៧នាក់ តំណាងឲ្យ៣៧គ្រួសារនៅស្រុកប្រាសាទបាគង នៅព្រឹកថ្ងៃព្រហស្បតិ៍នេះ បាននាំគ្នាដាក់ញត្ដិជូនអាជ្ញាធរខេត្ដសៀមរាបជាថ្មីទៀត ដើម្បីជំរុញឲ្យមានការដោះស្រាយជម្លោះដីធ្លីដ៏រ៉ាំរ៉ៃ ជាមួយអតីតតំណាងរាស្ត្រគណបក្សជាតិនិយម។ ការទាមទារនេះ ធ្វើឡើងបន្ទាប់ពីគណៈកម្មការសិទ្ធិមនុស្ស ទទួលពាក្យបណ្ដឹង និងអង្កេត តាមរយៈប្រធានព្រឹទ្ធសភា លោក សាយ ឈុំ អន្ដរាគមន៍ឲ្យអាជ្ញាធរខេត្ដសៀមរាប ដោះស្រាយដីធ្លីទំហំជាង១៣០០ហិកតា នៅភូមិស្នាសង្គ្រាម ឃុំបល្ល័ង្ក ស្រុកប្រាសាទបាគង កាលពីថ្ងៃទី១៣ ខែកក្កដា ឆ្នាំ២០១៥នេះ។ តំណាងពលរដ្ឋនៅភូមិស្នាសង្គ្រាម អ្នកស្រី សៀន រី ថ្លែងនៅខាងមុខសាលាខេត្ដថា ដីពួកគាត់១៣០០ហិកតាកន្លះ ត្រូវបានលោក សៅ រ៉ានី ធ្វើរបងព័ទ្ធយកតាំងឆ្នាំ២០០៤មក ដោយមិនទាន់មានដំណោះស្រាយនៅឡើយទេ។ អ្នកស្រីបន្ដថា ពួកគាត់ស្វែងរកដំណោះស្រាយគ្រប់ស្ថាប័ន ប៉ុន្ដែមិនមានប្រសិទ្ធភាព។ អ្នកស្រីបន្ថែមថា ការដាក់ញត្ដិនេះ ដើម្បីទាមទារឲ្យអភិបាលខេត្ដសៀមរាប លោក ឃឹម ប៊ុនសុង ដោះស្រាយ និងធ្វើប័ណ្ណកាន់កាប់ដីធ្លីឲ្យពួកគាត់ស្របច្បាប់។
-
សាច់ញាតិអំពាវនាវឲ្យតុលាការដោះលែងព្រះសង្ឃខ្មែរក្រោម២អង្គ
ឪពុករបស់ព្រះសង្ឃខ្មែរក្រោមដែលត្រូវបានសមត្ថកិច្ចចាប់ព្រះកាយកាលពីថ្ងៃទី១ ខែសីហា បានអំពាវនាវឲ្យតុលាការដោះលែងកូនរបស់គាត់វិញ ដោយជឿជាក់ថា កូនប្រុសរបស់គាត់មិនបានប្រព្រឹត្តកំហុសឆ្គងដូចការចោទប្រកាន់របស់សមត្ថកិច្ចនោះឡើយ។ ចំណែកអង្គការ-សមាគមខ្មែរកម្ពុជាក្រោម វិញ ប្ដេជ្ញានឹងបន្តធ្វើសកម្មភាពដើម្បីឲ្យមានការដោះលែងព្រះសង្ឃខ្មែរក្រោមទាំងពីរអង្គ។ សាច់ញាតិព្រះសង្ឃខ្មែរក្រោមសម្ដែងការហួសចិត្ត និងតក់ស្លុត នៅពេលដែលពួកគេទទួលបានដំណឹងថា កូនចៅរបស់ពួកគាត់ត្រូវបានសមត្ថកិច្ចកម្ពុជា ចាប់ខ្លួនដោយចោទប្រកាន់ថា បានប្រព្រឹត្តទង្វើខុសច្បាប់។ លោក តាំង ជា ដែលត្រូវជាឪពុករបស់ព្រះតេជព្រះគុណ ជា វណ្ណដា។ លោកបានឡើងមកពីខេត្តឃ្លាំង ដែនដីកម្ពុជាក្រោម ដើម្បីជួបកូន បន្ទាប់ពីកូនប្រុសរបស់គាត់ត្រូវបានសមត្ថកិច្ចចាប់ខ្លួន។ លោក តាំង ជា បានមានប្រសាសន៍ទាំងទឹកភ្នែករលីងរលោង ក្នុងពេលចូលរួមតវ៉ាឲ្យដោះលែងកូនប្រុសគាត់នៅមុខតុលាការ កាលពីថ្ងៃទី១៩ សីហា ថា តាំងពីកូនប្រុសរបស់គាត់បានបួសរៀនអស់រយៈពេលជាង ១០ព្រះវស្សាមក កូនប្រុសរបស់គាត់មិនធ្លាប់បានប្រព្រឹត្តខុសធម៌វិន័យអ្វីឡើយ តាំងពីពេលនៅកម្ពុជាក្រោម រហូតដល់ពេលឡើងមករៀនសូត្រនៅប្រទេសកម្ពុជា៖ «ពេលគេប្រាប់ចឹង ខ្ញុំតក់ស្លុត កូនមិនដែលមានខុសអ្វីសោះ ពេលលោកទៅរៀនសូត្រនៅតាមវត្តនានា មិនដែលមានរឿងអ្វីនោះទេ ស្រាប់តែមកដល់ហ្នឹងគេប្រាប់ថា លោកត្រូវគេចោទពីរឿងថ្នាំញៀន ឥឡូវសឹកហើយ ខ្ញុំធ្លាក់ថ្លើមតែម្តង ប៉ុន្តែអ៊ំថាកូនអ៊ំគ្មានហ៊ានធ្វើអំពើផ្ដេសផ្ដាសយកខោទ្រនាប់ ឬស្រោមអនាម័យទេ លោកនៅវត្តមិនដែលមានរឿងរ៉ាវស្រីញីនោះទេ»
-
ក្រសួងមហាផ្ទៃបញ្ជាក់ថា មិនមានដីកាបញ្ជាឲ្យចាប់ខ្លួនលោកអ៊ុំ សំអានឡើយ
លោកខៀវ សុភ័គ អ្នកនាំពាក្យក្រសួងមហាផ្ទៃ បានអះអាងថា មកដល់ពេលបច្ចប្បន្ននេះ ក្រសួងមហាផ្ទៃ មិនទាន់មានដីការ ពីតុលាកា ដើម្បីតាមចាប់ខ្លួនលោកអ៊ុំ សំអាន តំណាងរាស្ត្ររបស់គណបក្សសង្គ្រោះជាតិនោះទេ។ បើតាមលោកខៀវ សុភ័គ បានបញ្ជាក់ការលើកឡើងរបស់លោកអ៊ុំ សំអាន ជាការភ័យខ្លាចដោយខ្លួនឯងទេ។ ការបញ្ជាក់របស់ក្រសួងមហាផ្ទៃពេលនេះ បានធ្វើឡើងបន្ទាប់ពីលោកអ៊ុំ សំអាន បានចាក់ចេញទៅក្រៅប្រទេសដោយស្ងាត់ៗ ក្រោយពីលោក ហ៊ុន សែន បានចេញបញ្ជាឲ្យអាជ្ញាធរចាត់វិធានការ លើអ្នកណាដែលចោទរដ្ឋាភិបាលថា ប្រើប្រាស់ផែនទីក្លែងក្លាយ។