កំពុងស្វែងរកទិន្នន័យ
រកឃើញ: 12.457
-
Forest Trends៖ អំពើពុករលួយក្នុងការផ្តល់ដីសម្បានសេដ្ឋកិច្ចកំពុងបំផ្លាញព្រៃឈើនៅកម្ពុជា
អង្គការបរិស្ថានមួយមានមូលដ្ឋាននៅសហរដ្ឋអាមេរិក(Forest Trends) បានរកឃើញថា អំពើពុករលួយក្នុងការផ្តល់ដីសម្បទានសេដ្ឋកិច្ចឲ្យក្រុមហ៊ុនឯកជន កំពុងបំផ្លាញព្រៃឈើនៅកម្ពុជាធ្ងន់ធ្ងរ។ របាយការណ៍ Forest Trends កម្រាស់៦៩ទំព័រ ចេញផ្សាយនៅខែកក្កដា ឆ្នាំ២០១៥ បានលើកឡើងថា បច្ចុប្បន្នព្រៃឈើកម្ពុជាកំពុងរងការកាប់បំផ្លាញធ្ងន់ធ្ងរ ក្រោមរូបភាពនៃការផ្តល់ដីសម្បទានសេដ្ឋកិច្ច ដែលជាប់ពាក់ព័ន្ធអំពើពុករលួយ។ របាយការណ៍បញ្ជាក់ថា ការផ្តល់ដីសម្បទានជាប់ពាក់ព័ន្ធអំពើពុករលួយ គឺធ្វើឲ្យប៉ះពាល់ដល់តំបន់ព្រៃអភិរក្ស និងផ្តល់ឲ្យលើសច្បាប់កំណត់។ Forest Trends រកឃើញថា គិតត្រឹមចុងឆ្នាំ២០១៣ រដ្ឋាភិបាលបានផ្តល់ដីសម្បទានសេដ្ឋកិច្ចចំនួន២លាន ៦សែនហិកតា ដែលក្នុងនោះមានក្រុមហ៊ុនចិន និងវៀតណាមទទួលបានដីសម្បទានពីរដ្ឋាភិបាលច្រើនជាងគេ។ របាយការណ៍បញ្ជាក់ថា ក្នុងចំណោម២៧២ ក្រុមហ៊ុនដែលទទួលបានសិទ្ធិសម្បទានគឺពាក់ព័ន្ធការកាប់ព្រៃឈើ ហើយក្នុងក្រុមហ៊ុន១ក្នុងចំណោម៤ បានកាប់រានព្រៃចូលក្នុងតំបន់អភិរក្ស។
-
ក្រសួងប្រៃសណីយ៍បដិសេធថាខ្លួនគ្មានប្រព័ន្ធថតសំឡេងនិងតាមដានការសន្ទនាតាមទូរស័ព្ទទេ
ក្រសួងប្រៃសណីយ៍ និងទូរគមនាគមន៍អះអាងថា ខ្លួនគ្មានប្រព័ន្ធទិន្នន័យ ឬប្រព័ន្ធឌីជីថលសម្រាប់ថតសំឡេង និងតាមដានស្ដាប់ការសន្ទនាគ្នាតាមទូរស័ព្ទរបស់សាធារណជននោះទេ។ ការអះអាងនេះជាការបដិសេធទៅនឹងការលើកឡើងថា មានជនជាតិកូរ៉េបានជ្រៀតចូលក្នុងគេហទំព័រ និងប្រព័ន្ធទិន្នន័យរបស់ក្រសួង ដើម្បីលួចស្ដាប់ការសន្ទនាគ្នាតាមទូរស័ព្ទរបស់សាធារណជន។ សេចក្ដីបំភ្លឺរបស់ក្រសួងប្រៃសណីយ៍ចេញផ្សាយនៅថ្ងៃនេះ លើកឡើងថា ថ្មីៗនេះ មានសារព័ត៌មានមួយចំនួនបានចុះផ្សាយព័ត៌មានជុំវិញករណីជនជាតិកូរ៉េ១០នាក់ ដែលត្រូវបានសាលាដំបូងរាជធានីភ្នំពេញកាត់ទោសឲ្យជាប់ពន្ធនាគារម្នាក់មួយឆ្នាំ ពីបទ «ចូលរួមនៅក្នុងក្រុម ឬឃុបឃិតក្នុងការប្រព្រឹត្តបទល្មើស» កាលពីថ្ងៃទី២៦ ខែសីហា ឆ្នាំ២០១៥នេះ។
-
សង្គមស៊ីវិលរកឃើញវិនាសកម្មព្រៃឈើដោយសារដីសម្បទានសេដ្ឋកិច្ច
ភ្នំពេញ—ក្រុមអង្គការសង្គមស៊ីវិលមួយក្រុមនៅថ្ងៃពុធនេះបានចេញរបាយការណ៍ថ្មីមួយបង្ហាញពីវិនាសកម្មព្រៃឈើដែលបានកើតឡើងនៅក្នុងខេត្តភាគឦសានចំនួនពីរនៅក្នុងប្រទេសកម្ពុជាដោយសារគោលនយោបាយអភិវឌ្ឍន៍ និងវិនិយោគរបស់រដ្ឋាភិបាល ដែលបានផ្តល់ដីសម្បទានសេដ្ឋកិច្ចយ៉ាងមហិមាឲ្យក្រុមហ៊ុនឯកជនសម្រាប់ដាំដំណាំកសិ-ឧស្សាហកម្ម។ របាយការណ៍ដែលមានចំណងជើងថា «ការកាប់ឈើ និងបរិបាលកិច្ច៖ ការកាប់ឈើខុសច្បាប់ជាប្រព័ន្ធ និងការបំផ្លាញព្រៃឈើរដ្ឋ និងតំបន់ការពារ» បានផ្តោតទៅលើខេត្តរតនគិរី និងខេត្តស្ទឹងត្រែងដែលជាទីទាក់ទាញដល់ក្រុមហ៊ុនឯកជនដើម្បីដាក់ទុនដាំដំណាំឧស្សាហកម្ម ជាពិសេសដំណាំកៅស៊ូ។ របាយការណ៍ឲ្យដឹងថា ក្រុមហ៊ុនជាច្រើន បានកាប់ឈើ ដករំលើងដើមឈើទាំងឫសនិង ដាំដំណាំកៅស៊ូជំនួស។
-
លោក ហោ ណាំហុង ព្រមានថាអ្នករិះគន់រឿងផែនទីនឹងភ្លឺភ្នែកនៅពេលឆាប់ៗនេះ
លោក ហោ ណាំហុង ព្រមានក្រុមអ្នករិះគន់រឿងផែនទីថា ពួកគេនឹងភ្លឺភ្នែកនៅពេលបន្តិចទៀតនេះ ព្រោះរដ្ឋាភិបាលបារាំង នឹងឆ្លើយតបមករដ្ឋាភិបាលកម្ពុជា ជាផ្លូវការថា ឲ្យកម្ពុជា ខ្ចីផែនទីដែលរក្សាទុកនៅប្រទេសបារាំង។ ការថ្លែងដូចនេះ ធ្វើឡើងក្នុងពេលរដ្ឋាភិបាលកម្ពុជា សងផែនទីប្រភេទ យូ.ធី.អឹម (UTM) ខ្នាត ១/១០០.០០០ ចំនួន ១៨ផ្ទាំង ទៅអង្គការសហប្រជាជាតិវិញ នាវិមានសន្តិភាព នៅថ្ងៃទី២៦ ខែសីហា។ រដ្ឋមន្ត្រីក្រសួងការបរទេស លោក ហោ ណាំហុង មានប្រសាសន៍ថា អាយ៉ៃឆ្លើយឆ្លងតាមប្រព័ន្ធសារព័ត៌មានរបស់ក្រុមអ្នករិះគន់រឿងផែនទី នឹងត្រូវបញ្ចប់នៅពេលរដ្ឋាភិបាលបារាំង ឆ្លើយតបមករដ្ឋាភិបាលកម្ពុជា នៅរយៈពេលប៉ុន្មានថ្ងៃខាងមុខ។ ជាងនេះទៅទៀត លោក ហោ ណាំហុង ផ្ដាំទៅអ្នកនយោបាយផ្សេងទៀតឲ្យឈប់យកបញ្ហាផែនទីមកកេងចំណេញនយោបាយ៖ «អស់លោកនឹងភ្លឺភ្នែកអំពីអ្វីដែលខ្លួននិយាយកន្លងមក ហើយខ្ញុំសង្ឃឹមនៅពេលភ្លឺភ្នែកហើយនោះ ឈប់យកបញ្ហាព្រំដែនកម្ពុជា-វៀតណាម មកកេងចំណេញរឿងនយោបាយ។ បើនៅមិនភ្លឺភ្នែក ខ្ញុំមិនដឹងធ្វើអីទេ ស្រេចតែរដ្ឋាភិបាលចាត់ចែងទៅ»។
-
អាជ្ញាធរបង្ខំបណ្ដេញពលរដ្ឋ១គ្រួសារពីផ្ទះដែលប៉ះពាល់គម្រោងពង្រីកស្ពានព្រែកក្ដាម
អាជ្ញាធរចម្រុះដឹកនាំដោយអភិបាលរងខេត្តកណ្ដាល នៅព្រឹកថ្ងៃទី២៦ ខែសីហា ចុះឈូសឆាយបំផ្លាញផ្ទះពលរដ្ឋមួយខ្នង ឋិតក្នុងភូមិទួលងោក ឃុំកំពង់ហ្លួង ស្រុកពញាឮ នៅពេលដែលពលរដ្ឋមួយគ្រួសារនោះបដិសេធមិនព្រមចាកចេញ ដើម្បីបើកផ្លូវឲ្យអាជ្ញាធរពង្រីកស្ពាន។ ស្ត្រីមេម៉ាយជាម្ចាស់ផ្ទះ អំពាវនាវរកអន្តរាគមន៍ពីគ្រប់ភាគីពាក់ព័ន្ធ ដោយសំអាងថា ការបណ្ដេញគ្រួសារគាត់ចេញពីផ្ទះនេះ ជារឿងអយុត្តិធម៌ ដ្បិតអាជ្ញាធរមិនបានផ្ដល់សំណងឲ្យបានសមរម្យតាមការទាមទារឡើយ។ ស្ត្រីមេម៉ាយវ័យជិត ៥០ឆ្នាំ និងម្ដាយវ័យជាង ៧០ឆ្នាំ ព្រមទាំងកូន ២នាក់អាយុជាង ១០ឆ្នាំ ត្រូវអាជ្ញាធរចាប់នាំចេញពីផ្ទះ នៅពេលអ្នកទាំង៤នាក់ ព្យាយាមចាក់សោខ្លួនឯងសម្ងំក្នុងផ្ទះ ជំទាស់នឹងការរុះរើរបស់អាជ្ញាធរ។ ការឈូសឆាយ ត្រូវបានអាជ្ញាធរធ្វើឡើងភ្លាមៗនៅពេលផ្ទះឈើប្រក់ក្បឿងមួយខ្នងនោះ ត្រូវបង្ខំរុះរើ។
-
ពលរដ្ឋចាក់សោនៅលើផ្ទះខណៈអាជ្ញាធររៀបចំឈូសឆាយផ្ទះនៅជិតព្រែកក្តាមព្រឹកនេះ
ប្រជាពលរដ្ឋមួយគ្រួសារនៅឃុំកំពង់លួង ស្រុកពញ្ញានៅជាប់ស្ពានព្រែកក្តាម សម្រេចចិត្តចាក់សោសំងំលើផ្ទះ ខណៈសមត្ថកិច្ចចុះអនុវត្តដីកាសាលាដំបូងខេត្តកណ្តាលឈូសឆាយផ្ទះគាត់នៅព្រឹកនេះ ដើម្បីបន្តការដ្ឋានសាងសង់ស្ពាន។ អ្នកស្រី សូ ផល្លីយ៉ា ប្រាប់VODថានៅម៉ោង៦ព្រឹកនេះ កម្លាំងសមត្ថកិច្ចបានលោមព័ទ្ធផ្ទះរបស់គាត់ ហើយមានទាំងគ្រឿងចក្រត្រៀមឈូសឆាយផង។ អ្នកស្រីបញ្ជាក់ថារូបគាត់រួមទាំងម្តាយវ័យ៧៥ឆ្នាំនិងកូនពីរនាក់ អាយុជាង១០ឆ្នាំសម្រេចចិត្តចាក់សោបិទទ្វារនៅលើផ្ទះ។ អ្នកស្រីប្រាប់ថាពួកគាត់សុខចិត្តស្លាប់ព្រោះ បើផ្តល់សំណងឲ្យគាត់តិចតួចទៅនៅកន្លែងផ្សេងក៏គាត់មិនអាចរស់នៅបានដែរ។
-
តុលាការជំនុំជម្រះទោសលោកអ៊ុក ពេជ្រសំណាងលើសំណុំរឿងហិង្សាទីពីរ
ភ្នំពេញ—សាលាដំបូងក្រុងភ្នំពេញនឹងប្រកាសសាលក្រមដល់លោក អ៊ុក ពេជ្រសំណាង សកម្មជនគណបក្សសង្គ្រោះជាតិ នៅខែកញ្ញាខាងមុខនេះ ទាក់ទិននឹងសំណុំរឿង បង្កហិង្សា និងប្រឆាំងអ្នករាជការសាធារណៈ បន្ទាប់ពីតុលាការបានបើកអង្គសវនាការសួរដំណើរដើមទងនៃសំណុំរឿងនេះកាលពីព្រឹកថ្ងៃអង្គារ។ នេះបើតាមការបញ្ជាក់របស់មេធាវីការពារក្តីនិងអ្នកការពារសិទ្ធិមនុស្ស។ ការបើកសវនាការនេះ ធ្វើឡើងស្របពេលដែលសកម្មជននយោបាយរូបនេះកំពុងជាប់ឃុំដោយករណីដាច់ឡែកមួយទៀត ទាក់ទិននឹងសំណុំរឿងហិង្សាដែលបានកើតឡើងនៅក្បែរស្ពាននាគជាប់ទីលានប្រជាធិបតេយ្យកាលពីថ្ងៃទី១៥ខែកក្កដា ឆ្នាំ២០១៤។
-
លោក ហ៊ុន សែន ថានឹងចាត់វិធានការផ្លូវច្បាប់ជាបន្ទាន់លើអ្នកនិយាយថាផែនទីក្លែងក្លាយ
លោកនាយករដ្ឋមន្រ្តី ហ៊ុន សែន នៅថ្ងៃពុធនេះបានថ្លែងថារដ្ឋាភិបាលនឹងចាត់វិធានការផ្លូវច្បាប់ជាបន្ទាន់ដោយមិនលើកលែងទៅលើអ្នកណាដែលនិយាយថារដ្ឋាភិបាលប្រើប្រាស់”ផែនទីចោរ”ឬ”ផែនទីក្លែងក្លាយ”។ លោក ហ៊ុន សែន បានថ្លែងបែបនេះក្នុងពិធីប្រកាសផ្សព្វផ្សាយនិងដាក់ឲ្យអនុវត្តគោលនយោបាយអភិវឌ្ឍវិស័យឧស្សាហកម្មកម្ពុជាឆ្នាំ២០១៥-២០២៥ ស្របពេលដែលលោកប្រតិកម្មនឹងការលើកឡើងរបស់ប្រធានគណបក្សសង្រ្គោះជាតិ លោក សម រង្ស៊ី ទាក់ទងនឹងការដឹកនាំផ្តាច់ការ។ លោក ហ៊ុន សែន បានថ្លែងថាគណបក្សសង្រ្គោះជាតិលែងមានអ្វីនិយាយទាក់ទងនឹងរឿងផែនទី ទើបចាប់ផ្តើមនិយាយពីរឿងផ្តាច់ការ។ លោកបន្តថាពាក្យផ្តាច់ការនេះ លោកឭតាំងពី៣ទសវត្សរ៍រួចហើយ ដោយលោកចាត់ទុកការរិះគន់នេះគ្មានអ្វីចម្លែកសម្រាប់រូបលោកនោះទេ។
-
សហគមន៍ការពារព្រៃឈើស្នើរដ្ឋាភិបាលពង្រឹងការអនុវត្តច្បាប់ដើម្បីទប់ស្កាត់ការបំផ្លាញព្រៃឈើ
តំណាងសហគមន៍ការពារព្រៃឈើមកពីខេត្តស្ទឹងត្រែង និងរតនគិរី ស្នើឲ្យរដ្ឋាភិបាលបង្កើនការអនុវត្តច្បាប់ដើម្បីការពារព្រៃសហគមន៍និងព្រៃក្នុងតំបន់អភិរក្សឲ្យមានប្រសិទ្ធិភាព ដោយពួកគាត់លើកឡើងថាខ្លួនមិនមានសិទ្ធិអំណាចស្របច្បាប់ក្នុងការការពារព្រៃទាំងនោះទេ។ តំណាងសហគមន៍បានថ្លែងបែបនេះក្នុងពិធីផ្សព្វផ្សាយរបាការណ៍មួយស្តីពីការកាប់ឈើខុសច្បាប់ជាប្រព័ន្ធ និងការបំផ្លាញព្រៃឈើរដ្ឋ និងតំបន់ការពារនៅខេត្តស្ទឹងត្រែង និងរតនគិរី ដែលរៀបចំឡើងដោយអង្គការវេទិកានៃអង្គការមិនមែនរដ្ឋាភិបាលកម្ពុជា ឬហៅកាត់ថា NGO Forum នៅព្រឹកនេះ។ តំណាងសហគមន៍មកខេត្តស្ទឹងត្រែង និងជាជនជាតិដើមភាគតិចក្រវ៉េត អ្នកស្រី សេក ស្រីម៉ុន មានប្រសាសន៍ថា ប្រជាសហគមន៍របស់អ្នកស្រីគ្មានសិទ្ធិអំណាចអ្វីក្នុងការទប់ស្កាត់បទល្មើសព្រៃឈើដែលកើតមាននៅក្នុងសហគមន៍របស់ពួកគាត់នោះទេ។ អ្នកស្រីថា ពួកអ្នកស្រីបានត្រឹមតែដើរល្បាត និងពេលជួបបទល្មើសព្រៃឈើក៏រាយការណ៍មកកាន់អាជ្ញាធរដើម្បីធ្វើអន្តរាគមន៍ប៉ុណ្ណោះ។ អ្នកស្រីបន្តថា ឈ្មួញកាប់ឈើ ឬដឹកឈើសុទ្ធតែមានអាវុធ ដែលអ្នកស្រីថា ប្រជាសហគមន៍មិនហ៊ានទប់ស្កាត់នោះទេ។
-
សហគមន៍ការពារព្រៃឈើស្នើរដ្ឋាភិបាលពង្រឹងការអនុវត្តច្បាប់ដើម្បីទប់ស្កាត់ការបំផ្លាញព្រៃឈើ
តំណាងសហគមន៍ការពារព្រៃឈើមកពីខេត្តស្ទឹងត្រែង និងរតនគិរី ស្នើឲ្យរដ្ឋាភិបាលបង្កើនការអនុវត្តច្បាប់ដើម្បីការពារព្រៃសហគមន៍និងព្រៃក្នុងតំបន់អភិរក្សឲ្យមានប្រសិទ្ធិភាព ដោយពួកគាត់លើកឡើងថាខ្លួនមិនមានសិទ្ធិអំណាចស្របច្បាប់ក្នុងការការពារព្រៃទាំងនោះទេ។ តំណាងសហគមន៍បានថ្លែងបែបនេះក្នុងពិធីផ្សព្វផ្សាយរបាការណ៍មួយស្តីពីការកាប់ឈើខុសច្បាប់ជាប្រព័ន្ធ និងការបំផ្លាញព្រៃឈើរដ្ឋ និងតំបន់ការពារនៅខេត្តស្ទឹងត្រែង និងរតនគិរី ដែលរៀបចំឡើងដោយអង្គការវេទិកានៃអង្គការមិនមែនរដ្ឋាភិបាលកម្ពុជា ឬហៅកាត់ថា NGO Forum នៅព្រឹកនេះ។ តំណាងសហគមន៍មកខេត្តស្ទឹងត្រែង និងជាជនជាតិដើមភាគតិចក្រវ៉េត អ្នកស្រី សេក ស្រីម៉ុន មានប្រសាសន៍ថា ប្រជាសហគមន៍របស់អ្នកស្រីគ្មានសិទ្ធិអំណាចអ្វីក្នុងការទប់ស្កាត់បទល្មើសព្រៃឈើដែលកើតមាននៅក្នុងសហគមន៍របស់ពួកគាត់នោះទេ។ អ្នកស្រីថា ពួកអ្នកស្រីបានត្រឹមតែដើរល្បាត និងពេលជួបបទល្មើសព្រៃឈើក៏រាយការណ៍មកកាន់អាជ្ញាធរដើម្បីធ្វើអន្តរាគមន៍ប៉ុណ្ណោះ។ អ្នកស្រីបន្តថា ឈ្មួញកាប់ឈើ ឬដឹកឈើសុទ្ធតែមានអាវុធ ដែលអ្នកស្រីថា ប្រជាសហគមន៍មិនហ៊ានទប់ស្កាត់នោះទេ។
-
សាលាក្ដីខ្មែរក្រហមផ្អាកសវនាការដោយសារមេធាវីការពារក្ដីជនជាប់ចោទធ្វើពហិការ
អង្គជំនុំជម្រះសាលាដំបូងនៃសាលាក្ដីខ្មែរក្រហម នៅថ្ងៃពុធ ទី២៦ សីហា ធ្វើសវនាការស្ដាប់ភាគីដាក់ឯកសារគន្លឹះ ទាក់ទងនឹងអង្គហេតុស្ដីពីការដ្ឋានការងារដោយបង្ខំចំនួន ៣កន្លែង ដែលបានធ្វើសវនាការចាប់តាំងពីចុងខែកក្កដា រហូតមកដល់ពេលនេះ។ សវនាការត្រូវបានផ្អាក បន្ទាប់ពីមេធាវីការពារក្ដីជនជាប់ចោទធ្វើពហិការ។ សវនាការដែលប្រព្រឹត្តទៅបានរយៈពេល ១ម៉ោងកន្លះ ត្រូវបានអង្គជំនុំជម្រះសាលាដំបូងសម្រេចផ្អាកវិញភ្លាមៗ បន្ទាប់ពីក្រុមមេធាវីការពារក្ដីជនជាប់ចោទទាំងពីរក្រុម ប្រកាសដកខ្លួនពីសវនាការនេះ។ ប្រធានអង្គជំនុំជម្រះសាលាដំបូង លោកចៅក្រម និល ណុល ពន្យល់ថា ការសម្រេចផ្អាកនេះ ក៏ព្រោះតែជនជាប់ចោទមិនមានអ្នកការពារក្ដី បន្ទាប់ពីក្រុមមេធាវីទាំងជាតិ និងអន្តរជាតិ ធ្វើពហិការដើរចេញពីអង្គជំនុំជម្រះ៖ «ជានីតិវិធី ការប្រព្រឹត្តទៅនៅតុលាការ នៅចំពោះមុខអង្គជំនុំជម្រះនេះ ត្រូវតែមានវត្តមានការពារក្ដីយ៉ាងហោចណាស់ក៏មានមួយភាគី គឺភាគីជាតិមានវត្តមានដែរ។ ដោយសារតែមេធាវីជាតិ និងអន្តរជាតិ បានធ្វើពហិការដើរចេញទៅ ដូច្នេះនីតិវិធីប្រព្រឹត្តទៅមិនបានទេ។ អង្គជំនុំជម្រះសម្រេចផ្អាកសវនាការនេះត្រឹមនេះ ហើយសវនាការលើកទៅបន្តធ្វើនៅថ្ងៃស្អែក»។
-
លិខិតមិត្តអ្នកអាន៖ច្បាប់បន្ទប់ជួលរើសអើងយ៉ាងអយុត្តិធម៌ប្រឆាំងនឹងកម្មកររោងចក្រកាត់ដេរ
ច្បាប់គ្រប់គ្រងការជួលបន្ទប់(ច្បាប់ភតិសន្យាពិសេស)ដែលបានអនុម័តដោយរដ្ឋសភានៅក្នុងខែកក្កដា ដោយសមាជិក១០២នាក់ក្នុងចំណោម១០៤នាក់ ដើម្បីការពារកម្មកររោងចក្រកាត់ដេរនឹងត្រូវបានអនុវត្តនៅក្នុងឆ្នាំក្រោយ។ ច្បាប់នេះបានកំណត់តម្លៃជួលផ្ទះសម្រាប់កម្មករកាត់ដេរឲ្យនៅត្រឹងក្នុងរយៈពេលពីរឆ្នាំហើយអំឡុងពេលនោះដែលតម្លៃជួលផ្ទះមិនអាចឡើងថ្លៃបានទេ។ អគ្គិសនីកម្ពុជា(EDC)បានចុះធ្វើការសិក្សាក្នុងតំបន់មានដង់ស៊ីតេខ្ពស់ដែលសម្បូរផ្ទះជួលសម្រាប់កម្មករកាត់ដេរដែលមានគោលបំណងដើម្បីវាយតម្លៃផ្ទះជួលដែលនឹងត្រូវកំណត់អោយស្ថិរ បន្ទាប់ពីច្បាប់នេះដាក់ឲ្យអនុវត្ត។ ច្បាប់គ្រប់គ្រងការជួលផ្ទះត្រូវបានអនុវត្ត ស្របពេលច្បាប់កាត់បន្ថយតម្លៃអគ្គិសនីសម្រាប់អ្នកជួលផ្ទះដែលប្រើប្រាស់តិចជាង៥០គីឡូវ៉ាត់ម៉ោងក្នុងមួយខែដែលនេះនឹងកាត់បន្ថយការចំណាយរបស់កម្មករដែលមានប្រាក់ចំណូលទាប រួមទាំងអ្នកនៅក្នុងឧស្សាហកម្មកាត់ដេរ។
-
សាលាដំបូងរាជធានី បដិសេធសុំនៅក្រៅឃុំបណ្តោះអាសន្នរបស់លោក ហុង សុខហួរ
រាជធានីភ្នំពេញ៖ លោក កោ វណ្ឌី អនុប្រធានសាលាដំបូងរាជធានីភ្នំពេញ នៅថ្ងៃទី២៥ ខែសីហាសម្រេចបដិសេធសុំនៅក្រៅឃុំបណ្តោះអាសន្នរបស់លោក ហុង សុខហួរ។ការបដិសេធនេះបានធ្វើឡើងក្រោយពីបានពិនិត្យនូវពាក្យសុំនៅក្រៅឃុំរបស់លោក កែត ឃី និងលោក សំ សុគង់ មេធាវីការពារលោក ហុង សុខហួរ សមាជិកព្រឹទ្ធសភាគណបក្សសមរង្ស៊ីរួច។ តាមនីតិវិធីមេធាវីការពារជនត្រូវចោទមានសិទ្ឋិប្តឹងឧទ្ឋរណ៍ប្រឆាំងនឹងការសម្រេចនេះ។ លោក ហុង សុខហួរ ត្រូវបានចចចៅក្រមសាលាដំបូងរាជធានីភ្នំពេញ សម្រេចឃុំខ្លួនដាក់ពន្ឋនាគារ បណ្តោះអាសន្ន កាលពីថ្ងៃទី១៦ ខែសីហា ឆ្នាំ២០១៥ ក្រោមការចោទប្រកាន់ពីបទ ក្លែងបន្លំឯកសារសាធារណៈ បទប្រើប្រាស់ឯកសារសាធារណៈក្លែង និង បទញុះញង់ឱ្យប្រព្រឹត្តបទឧក្រិដ្ឋជាអាទិ៍ តាមមាត្រា៦២៩ , ៦៣០ និង មាត្រា ៤៩៥ នៃក្រមព្រហ្មទណ្ឌ៕
-
សហគមន៍ និងNGO៖ ក្រុមហ៊ុនវិនិយោគកំពុងកាប់បំផ្លាញព្រៃឈើ អាជីវកម្មរករ៉ែ
ភ្នំពេញ៖ តំណាង NGO និងប្រជាសហគមន៍មានក្តីបារម្ភជាខ្លាំង ចំពោះការកាប់បំផ្លាញព្រៃឈើ ដើម្បីដាំដំណាំកសិឧស្សាហកម្ម ពិសេសគឺដំណាំកៅស៊ូ នៅក្នុងខេត្តរតនគិរី និងស្ទឹងត្រែង។ ពួកគេស្រាវជ្រាវឃើញថា ក្នុងរយៈពេលជាង ១០ ឆ្នាំចុងក្រោយនេះ ក្រុមហ៊ុនដែលទទួលបានដីសម្បទានសេដ្ឋកិច្ចពីរដ្ឋាភិបាលបានធ្វើសកម្មភាពកាប់បំផ្លាញគម្របព្រៃឈើរាប់ម៉ឺនហិកតា។ ក្រុមហ៊ុនវិនិយោគចំនួន ៣៤ ដែលទទួលបានដីសម្បទាន សេដ្ឋកិច្ចពីរដ្ឋាភិបាល បាននិងកំពុងប្រតិបត្តិការកាប់បំផ្លាញព្រៃឈើលើផ្ទៃដីទំហំជាង ២៣២,១៦៨ហិកតា ដោយឡែក ក្រុមហ៊ុន ១១ទៀត កំពុងធ្វើអាជីវកម្មរុករករ៉ែ លើផ្ទៃដី ៥៨៨,៧៣២ ហិកតា នៅក្នុងខេត្តរតនគីរី។នេះបើយោងតាមរបាយការណ៍ស្រាវជ្រាវស្តីពីការកាប់ឈើព្រៃរដ្ឋជាប្រព័ន្ធនៅតំបន់ការពារនៅខេត្ត រតនគីរី និងខេត្តស្ទឹងត្រែង វេទិកានៃអង្គការមិនមែនរដ្ឋាភិបាលស្តីពីកម្ពុជា (NGO Forum) បានផ្សព្វផ្សាយនៅថ្ងៃទី២៦នេះ។
-
ព្រះមហាក្សត្រកម្ពុជាទទួលស្គាល់សហចៅក្រមអន្តរជាតិឱ្យមកបម្រើការងារនៅសាលាក្តីខ្មែរក្រហម
អង្គជំនុំជម្រះវិសាមញ្ញក្នុងតុលាការកម្ពុជា(អ.វ.ត.ក) បានប្រកាសថា លោក Michael Bohlander ជនជាតិអាល្លឺម៉ង់ត្រូវបានព្រះមហាក្សត្រកម្ពុជាអនុម័ត តែងតាំងជាសហចៅក្រមស៊ើបអង្កេតអន្ដរជាតិថ្មី ជំនួសសហចៅក្រម Mark Brian Harmon ជនជាតិអាមេរិកដែលបានលាលែង។ ការអនុម័តដែលមានការយល់ព្រមពីព្រះមហាក្សត្រ គឺបន្ទាប់ពីឧត្ដមក្រុមប្រឹក្សានៃអង្គចៅក្រមកម្ពុជា ប្រកាសទទួលស្គាល់លក្ខណៈសម្បត្តិរបស់លោក Michael Bohlander ជាសហចៅក្រមនៃ សាលាក្ដីខ្មែរក្រហម។ សេចក្ដីប្រកាសព័ត៌មាននៅថ្ងៃទី២៤ ខែសីហា ឆ្នាំ២០១៥ របស់សាលាក្ដីខ្មែរក្រហមបានបង្ហាញថា នាពេលថ្មីៗនេះចៅក្រម Michael Bohlan der គឺជាសហចៅក្រមស៊ើបអង្កេតអន្ដរជាតិបម្រុង។
-
សាក្សីទី១០ថ្លែងពីការឈឺចាប់និងបាត់បង់គ្រប់យ៉ាងនៅការដ្ឋានទំនប់អាងត្រពាំងថ្ម
អង្គជំនុំជម្រះសាលាដំបូងនៃសាលាក្ដីខ្មែរក្រហម នៅថ្ងៃច័ន្ទ ទី២៥ សីហា បានស្ដាប់សក្ខីកម្មទី១០ ទាក់ទងនឹងអង្គហេតុធ្វើការងារដោយបង្ខំ នៅការដ្ឋានធ្វើទំនប់អាងត្រពាំងថ្ម នៅខេត្តបន្ទាយមានជ័យ។ សក្ខីកម្មទី១០ គឺផ្ដល់ដោយដើមបណ្ដឹងរដ្ឋប្បវេណីមួយរូបឈ្មោះ ញឹម ហល់។ ដើមបណ្ដឹងរដ្ឋប្បវេណីមួយរូប ញឹម ហល់ ជាអតីតពលករកងចល័តនៅការដ្ឋានធ្វើទំនប់អាងត្រពាំងថ្ម ថ្លែងអំពីការឈឺចាប់ជូនអង្គជំនុំជម្រះសាលាដំបូងថា របបកម្ពុជាប្រជាធិបតេយ្យ ធ្វើឲ្យលោកបាត់បង់គ្រប់យ៉ាង៖ «»។ លោក ញឹប ហល់ បន្តថា ត្រូវអង្គការបង្ខំឲ្យលើកដីចាក់បំពេញក្បាលស្ពានទីមួយ នៃទំនប់អាងត្រពាំងថ្មនោះ។ លោកត្រូវអង្គការកំណត់ឲ្យលើកដីពី ៣ ទៅ ៥ម៉ែត្រគូបក្នុងមួយថ្ងៃ ដែលលោកត្រូវក្រោកពីម៉ោង ៣ព្រឹក ធ្វើដល់ម៉ោង ៥ល្ងាច។ លោកថា លក្ខខណ្ឌធ្វើការងារនៅការដ្ឋាននោះ គឺជាការងារធ្វើដោយបង្ខំពីអង្គការ ហើយមានពលករភាគច្រើនឈឺដើមទ្រូង ដោយសារតែធ្វើការរែកដីធ្ងន់ពេក។ រីឯការហូបចុកមិនគ្រប់គ្រាន់ទេ ហើយពលករដែលឈឺ ត្រូវគេបន្ថយរបបអាហារខ្លះ៖ «»។
-
ក្រសួងមហាផ្ទៃនិងបក្សប្រឆាំងបដិសេធថាមិនមានការចាប់ខ្លួនសកម្មជនបន្ថែមទេ
មន្ត្រីក្រសួងមហាផ្ទៃ និងគណបក្សសង្គ្រោះជាតិ បដិសេធថា ពុំមានការចាប់ខ្លួនសកម្មជនគណបក្សសង្គ្រោះជាតិ បន្ថែម ដូចការផ្សព្វផ្សាយរបស់បណ្ដាញព័ត៌មានក្នុងស្រុកនានា ដែលបានចុះផ្សាយថា សមត្ថកិច្ចអាចនឹងចាប់ខ្លួនសកម្មជនបន្ថែមទៀត ដូចជាអ្នកគ្រប់គ្រងទំព័រហ្វេសប៊ុក (Facebook) របស់ លោក សម រង្ស៊ី ជំនួយការ លោក ហុង សុខហួរ និងអ្នកតំណាងរាស្ត្រមួយចំនួនទៀតពីបទផ្សំគំនិត និងចូលរួមក្លែងឯកសារ។ បញ្ហានេះ អង្គការសង្គមស៊ីវិលយល់ឃើញថា ប្រសិនបើរដ្ឋាភិបាលនៅបន្តចាត់វិធានការបន្ថែមទៀតជុំវិញសំណុំរឿងនេះ វានឹងរុញច្រានឲ្យស្ថានការណ៍នយោបាយកាន់តែមានភាពអាប់អួទៅវិញទេ។
-
មជ្ឈមណ្ឌលសិទ្ធិមនុស្សកម្ពុជាអំពាវនាវឲ្យអាជ្ញាធរមូលដ្ឋានគោរពសិទ្ធអ្នកស្រលាញ់ភេទដូចគ្នា
មជ្ឈមណ្ឌលសិទ្ធិមនុស្សកម្ពុជាធ្វើការអំពាវនាវឲ្យអាជ្ញាធរមូលដ្ឋានគោរពសិទ្ធិអ្នកដែលស្រលាញ់ភេទដូចគ្នាឲ្យដូចពលរដ្ឋទូទៅដែរ ដោយលើកឡើងថា ពួកគាត់ក៏មានសិទ្ធិទទួលបានការគោរពពេញលេញ និងស្មើគ្នាក្នុងសង្គមខ្មែរ។ សេចក្តីថ្លែងការណ៍របស់មជ្ឈមណ្ឌលសិទ្ធិមនុស្សកម្ពុជា(CCHR)ដែលចេញផ្សាយកាលពីម្សិលមិញលើកឡើងថា កាលពីថ្ងៃទី១៧ ខែសីហា អភិបាលខណ្ឌដូនពេញលោក គួច ចំរើន បានផ្ដល់បទសម្ភាសន៍ដល់កាសែតខេមបូឌា ដេលី ដោយក្នុងបទសម្ភាសន៍នោះ លោក គួច ចំរើន បានប្រើពាក្យសម្ដីមិនសមរម្យសំដៅទៅលើអ្នកប្តូរភេទ។
-
សហគមន៍ជនជាតិដើមភាគតិចចារ៉ាយខេត្តរតនគិរីដាក់រោងយាមការពារព្រៃឈើ
សហគមន៍ជនជាតិដើមភាគតិចចារ៉ាយ រស់នៅភូមិឡំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី បានប្រារព្ធពិធីសែនព្រេនសម្ពោធរោងយាមការពារព្រៃឈើ ដើម្បីទប់ស្កាត់កុំឲ្យពលរដ្ឋវៀតណាម ឆ្លងដែនមកកាប់ឈើក្នុងព្រៃបានតទៅទៀត។ ចំណែកមន្ត្រីព្រៃឈើ ស្វាគមន៍ការចូលរួមរបស់សហគមន៍ដែលស្ម័គ្រចិត្តបង្កើតក្រុមយាមការពារព្រៃឈើធនធានធម្មជាតិមានតម្លៃរបស់ជាតិ។ អ្នកភូមិប្រមាណ ១០០នាក់ បានរៀបចំសែនព្រេនអារក្សអ្នកតាព្រៃភ្នំឲ្យដឹងឮ និងជួយថែរក្សាព្រៃឈើ ដែលកាន់តែបាត់បង់ទៅដោយសារតែពលរដ្ឋវៀតណាម លួចឆ្លងដែនចូលមកកាប់ដោយខុសច្បាប់ ហើយដឹកជញ្ជូនទៅប្រទេសវៀតណាម។
-
CCHR ជំរុញឲ្យមន្ត្រីសាធារណៈគោរពសិទ្ធិអ្នកស្រឡាញ់ភេទដូចគ្នា
មជ្ឈមណ្ឌលសិទ្ធិមនុស្សកម្ពុជា CCHR បានចេញសេចក្តីថ្លែងការណ៍មួយនៅថ្ងៃទី២៤ខែសីហានេះ ដោយបានបង្ហាញក្តីបារម្ភចំពោះការអត្ថាធិប្បាយរបស់លោក គួច ចំរើន អភិបាលខណ្ឌដូនពេញ ដែលបានពាក្យសម្តីមិនសមរម្យសំដៅទៅលើអ្នកប្តូរភេទ។ ពាក្យសម្តីរបស់លោក គួច ចំរើន បានធ្វើឡើងបន្ទាប់ពីមានការចាប់ខ្លួនលើក្រុមមនុស្សមួយចំនួននៅក្នុងរាជធានីភ្នំពេញ កាលពីថ្ងៃទី១៧ខែសីហាកន្លងទៅ។
គាំទ្រដោយ
