កំពុងស្វែងរកទិន្នន័យ
រកឃើញ: 12.457
-
លោកកែម ឡី៖មាននិតីវិធី៩ចំណុចឈានដល់ការបោះបង្គោលព្រំដែនត្រឹមត្រូវ
លោកកែម ឡី អ្នកតាមដានស្ថានការណ៍សង្គមកម្ពុជា នៅរសៀលថ្ងៃទី២៥ ខែសីហា ឆ្នាំ២០១៥ បានបង្ហាញនៅលើទំព័រហ្វេសប៊ុកផ្ទាល់របស់លោក អំពើនិតីវិធី៩ចំណុច ដែលអាចឈានដល់ការបោះបង្គោលព្រំដែនត្រឹមត្រូវ។ ការបង្ហាញនេះ ខណៈដែរបញ្ហាព្រំដែនជាប្រធានបទក្តៅករគុកមួយនៅក្នុងប្រទេសកម្ពុជា។
-
សង្គមស៊ីវិលស្នើឲ្យបញ្ឈប់ការរឹតត្បិតសេរីភាពលើប្រព័ន្ធអ៊ីនធើណែត
អង្គការសង្គមស៊ីវិល បានស្នើឲ្យរាជរដ្ឋាភិបាលធ្វើសកម្មភាពជាបន្ទាន់ ដើម្បីការពារសិទ្ធិមនុស្ស និងបញ្ចប់ការរឹតត្បិតលើប្រព័ន្ធអ៊ីនធើណែត ក្រោយពីមានការចាប់ខ្លួនអ្នកប្រើប្រាស់ហេ្វសប៊ុកជាបន្តបន្ទាប់។ ប្រតិកម្មនេះកើតឡើង ក្រោយពីសមត្ថកិច្ចបានចាប់ខ្លួនយុវជន គង់ រ៉ៃយ៉ា វ័យ២៥ឆ្នាំ ជានិស្សិតនៅសាកលវិទ្យាល័យខេមរៈ កាលពីថ្ងៃសុក្រ ទី២១ ខែសីហា ពីបទញ៉ុះញង់ធ្វើ[បដិវត្តន៍ពណ៌]តាមរយៈសារនៅលើទំព័រហ្វេសប៊ុក។ នៅក្នុងសេចក្តីប្រកាសព័ត៌មានចេញផ្សាយកាលពីថ្ងៃទី២៤ ខែសីហា មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ(CCIM) បានហៅការចាប់ខ្លួនយុវជន គង់ រ៉ៃយ៉ា នោះថាបានបញ្ជាក់ឲ្យឃើញច្បាស់ពីការរឹតត្បិតរបស់រដ្ឋាភិបាលទៅលើសេរីភាពបញ្ចេញមតិលើប្រព័ន្ធអ៊ីនធើណែត។
-
ក្មេងស្រីជនជាតិព្នងអាយុ១២ឆ្នាំម្នាក់ ត្រូវជនមិនស្គាល់មុខចាប់រំលោភ
មណ្ឌលគិរី៖ ក្មេងស្រីជនជាតិព្នងម្នាក់អាយុ១២ឆ្នាំ ត្រូវជនមិនស្គាល់មុខចាប់រំលោភបានសម្រេច នៅពេលដែលក្មេងស្រីរូបនោះ កំពុងស្ទូចត្រីតាមអូរក្នុងព្រៃមួយកន្លែង ស្ថិតនៅភូមិចក់ចា ឃុំស្រែឈូក ស្រុកកែវសីមា ខេត្តមណ្ឌលគិរី។ពេលធ្វើសកម្មភាពរំលោភរួច ជនសង្ស័យរូបនោះបានគេចខ្លួនចូលព្រៃបាត់។ហេតុការណ៍នេះ កើតឡើងកាលពីវេលាម៉ោង១៤ៈ៣០នាទីរសៀលថ្ងៃទី២៤ ខែសីហា ឆ្នាំ២០១៥។ ក្មេងស្រីរងគ្រោះ បានរៀបរាប់ប្រាប់សមត្ថកិច្ចថា មុនពេលកើតហេតុ ក្មេងស្រីរងគ្រោះបានដើរទៅស្ទូចត្រីនៅតាមអូរក្នុងព្រៃក្បែរភូមិកាលពីវេលាម៉ោង១៤ៈ០០នាទីរសៀលថ្ងៃដដែល។លុះបន្តិចក្រោយមក ស្រាប់តែមានមនុស្សប្រុសម្នាក់ដើរមករកនាង រួចបុរសរូបនោះ ក៏បានចាប់អោបបីយកនាងទៅក្បែរគុម្ពោធព្រៃសំរាតសំពត់-អាវ រួចធ្វើសកម្មភាពរំលោភលើរូបនាងតែម្តង ដោយជននោះបានគំរាមសម្លាប់ដល់រូបនាង បើសិនជាហ៊ានស្រែក។
-
អ្នកនាំពាក្យ៖ ស្ត្រីខ្មែរពីរនាក់បន្ថែមទៀត ត្រូវបានជួយសង្គ្រោះពីប្រទេសចិន
ភ្នំពេញ: លោក ជុំ សុន្ទរី អ្នកនាំពាក្យក្រសួងការបរទេស បានប្រកាសថា ស្ថានឯកអគ្គរាជទូតកម្ពុជា ប្រចាំសាធារណរដ្ឋប្រជាមានិតចិន ដោយមានកិច្ចសហការរបស់ប៉ូលិសអន្តោប្រវេសន៍ទីក្រុងប៉េកាំង អង្គការ UN-ACT (United Nations Action for Cooperation Against Trafficking in Persons) និងអង្គការ World Vision បានអន្តរាគមន៍ជួយស្ត្រីខ្មែររងគ្រោះចំនួន ២ រូប ដែលត្រូវបានមេខ្យល់បោកបញ្ឆោត នាំទៅរៀបការជាមួយបុរសជនជាតិចិន ក្នុងអំឡុងឆ្នាំ២០១៣ អោយបានវិលត្រឡប់មកកម្ពុជាវិញ។
-
ពលរដ្ឋហែក្បួនក្នុងខេត្តកោះកុងទាមទារឲ្យតុលាការដោះលែងសកម្មជនបរិស្ថាន៣នាក់
ប្រជាពលរដ្ឋប្រមាណ៥០នាក់ នៅព្រឹកថ្ងៃអង្គារនេះ បាននាំគ្នាហែក្បួនតាមផ្លូវសាធារណៈ ដើម្បីទាមទារឲ្យមានការដោះលែងសកម្មជនបរិស្ថាន៣នាក់ ដែលត្រូវបានចាប់ខ្លួន ពេលពួកគេតវ៉ាប្រឆាំងនឹងក្រុមហ៊ុនបូមខ្សាច់របស់វៀតណាម។ កាលពីថ្ងៃទី១៧ ខែសីហា សកម្មជនចលនាមាតាធម្មជាតិ៣នាក់រួមមាន លោក សាន់ ម៉ាឡា លោក ទ្រី សុវិគា និងលោក ស៊ីម សំណាង ត្រូវបានចៅក្រមស៊ើបសួរសាលាដំបូងខេត្តកោះកុងសម្រេចឃុំខ្លួន ដោយចោទប្រកាន់ពីបទគំរាមកំហែងធ្វើឲ្យខូចខាត។
-
ពលរដ្ឋ៥ស្រុកនៅខេត្តកោះកុងបន្តដើរហែក្បួនតវ៉ាឲ្យតុលាការដោះលែងសកម្មជន៣រូប
ប្រជាពលរដ្ឋមកពីតាមសហគមន៍នានា ក្នុងស្រុក ៥ នាខេត្តកោះកុង បន្តតវ៉ា ដោយលើកបដាដើរហែក្បួនតាមផ្លូវនានា តាមទីប្រជុំជន ក្នុងមូលដ្ឋានខេត្តកោះកុង ដើម្បីទាមទារឲ្យតុលាការខេត្តនេះ ទម្លាក់ចោលការចោទប្រកាន់ និងដោះលែងសកម្មជនការពារធនធានធម្មជាតិ និងបរិស្ថាន ៣រូប ដែលត្រូវតុលាការចាប់ដាក់គុកតាមបណ្ដឹងរបស់ក្រុមហ៊ុន និងអាជ្ញាធរកាលពីថ្ងៃទី១៧ ខែសីហា។ មន្ត្រីសង្គមស៊ីវិលប្រចាំខេត្តជាប់មាត់សមុទ្រមួយនេះ បានចាត់ទុកការចាប់ខ្លួនយុវជនការពារបរិស្ថានទាំង ៣នាក់ ថាជាការបំភិតបំភ័យ និងគំរាមកំហែងមិនឲ្យបន្តធ្វើសកម្មភាពតវ៉ារបស់ខ្លួនជាបន្តទៀតនាថ្ងៃខាងមុខ។
-
សកម្មជនគណបក្សសង្គ្រោះជាតិ លោក អ៊ុក ពេជ្រសំណាង រងបទចោទថ្មីមួយទៀត
សកម្មជនគណបក្សសង្គ្រោះជាតិ លោក អ៊ុក ពេជ្រសំណាង ត្រូវបានតំណាងអយ្យការអមសាលាដំបូងរាជធានីភ្នំពេញ ចោទប្រកាន់ពីបទបង្កអំពើហិង្សា និងប្រឆាំងអ្នករាជការសាធារណៈ ខណៈលោកកំពុងជាប់ពន្ធនាគារពីបទចោទផ្សេងមួយទៀត។ កាលពីថ្ងៃទី២១ ខែកក្កដា ឆ្នាំ២០១៥ សាលាដំបូងរាជធានីភ្នំពេញបានចេញសាលក្រមដាក់ទោស លោក អ៊ុក ពេជ្រសំណាង ឲ្យជាប់ពន្ធនាគារ៧ឆ្នាំពីបទពីចូលរួមក្នុងចលនាកុប្បកម្មនាំឲ្យមានហិង្សានៅក្បែរទីលានប្រជាធិបតេយ្យកាលពីខែកក្កដា ឆ្នាំ២០១៤។
-
មន្រ្តីក្រសួងមហាផ្ទៃក្រើនរំឭកអ្នកសារព័ត៌មានកុំឲ្យសរសេររឿងបំផុសឲ្យមានបដិវត្តន៍ពណ៌
មន្ត្រីជាន់ខ្ពស់ក្រសួងមហាផ្ទៃអះអាងថាអាជ្ញាធរនឹងចាប់ខ្លួនបុគ្គលណាឬក៏អ្នកសារព័ត៌មានណាដែលសរសេរបំផុសឬបំផុសឲ្យមានបដិវត្តន៍ពណ៌ ដែលលោកចាត់ទុកថានាំឲ្យមានអសន្តិសុខក្នុងសង្គមឬចង់ឲ្យមានការផ្តួលរំលំរដ្ឋាភិបាល។ អ្នកនាំពាក្យក្រសួងមហាផ្ទៃលោក ខៀវ សុភ័គ ប្រាប់វីអូឌី(VOD)នៅថ្ងៃចន្ទនេះថាអ្នកណាដែលបំផុសឲ្យមានបដិវត្តន៍ពណ៌នៅកម្ពុជានឹងត្រូវចាប់ខ្លួន។ លោកក៏បានឲ្យដឹងដែរថាអ្នកសារព័ត៌មានដែលសរសេរអត្ថបទបំផុសនិងញុះញង់ឲ្យមានបដិវត្តន៍ពណ៌កើតមានឡើងក៏ត្រូវចាប់ខ្លួនដូចគ្នា។ ការលើកឡើងដូច្នេះ បន្ទាប់ពីសមត្ថកិច្ចបានចាប់ខ្លួននិស្សិតមួយរូបដែលអាជ្ញាធរចាត់ទុកថាបានសរសេរបំផុសនៅលើទំព័រហ្វេសប៊ុករបស់ខ្លួនឲ្យមានបដិវត្តន៍ពណ៌ប្រឆាំងរដ្ឋាភិបាល។ និស្សិតរូបនោះត្រូវបានចាប់ខ្លួនកាលពីថ្ងៃទី២១ ខែសីហា ឆ្នាំ ២០១៥ និងត្រូវបានចៅក្រមស៊ើបសួរចោទប្រកាន់ពីបទញុះញង់ឲ្យមានការប្រព្រឹត្តបទឧក្រិដ្ឋជាអាទ៍ ហើយបង្គាប់ឲ្យឃុំខ្លួនបណ្ដោះអាសន្ននៅពន្ធនាគារព្រៃស។
-
លោក Michael Bohlander ត្រូវបានតែងតាំងជាសហចៅក្រមស៊ើបអង្កេតអន្តរជាតិថ្មី នៅសាលាក្តីខ្មែរក្រហម
ភ្នំពេញ: បន្ទាប់ពីមានការចាត់តាំងពីលោក បាន គីមូន អគ្គលេខាធិការអង្គការសហប្រជាជាតិ និងដោយមានការ អនុម័តយល់ព្រមពីឧត្តមក្រុមប្រឹក្សានៃអង្គចៅក្រម ព្រះមហាក្សត្រនៃព្រះរាជាណាចក្រកម្ពុជា ព្រះករុណា សម្តេចព្រះបរមនាថ នរោត្តម សីហមុនី ទ្រង់បានតែងតាំងចៅក្រម Michael Bohlander (ជនជាតិអាល្លឺម៉ង់) ជាសហចៅក្រមស៊ើបអង្កេតអន្តរជាតិថ្មី នៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ចៅក្រមរូបនេះ ជំនួសចៅក្រម Mark Brian Harmon (ជនជាតិអាមេរិក)។
-
ប្រជាពលរដ្ឋឃុំជ្រៃលាស់ ដែលមានជម្លោះដីជាមួយលោកស្រីលឹម គា នាំគ្នាឡើងមកសុំអន្តរាគមន៍ពីលោកនាយករដ្ឋមន្ត្រី
រាជធានីភ្នំពេញ៖ ប្រជាពលរដ្ឋរស់នៅភូមិកាកាប ភូមិស្លែងមានជ័យ ភូមិប្រាសាទ ភូមិស្វាយ ភូមិល្វាំង និងភូមិស្លែង ឃុំជ្រៃលាស់ ស្រុកពញាឭ ខេត្តកណ្តាល ប្រមាណជាង៧០នាក់ ដែលមានជម្លោះដីធ្លីជាមួយលោកស្រី លឹម គា តំណាងក្រុមហ៊ុន សុរាគាខ្មែរ នៅព្រឹកថ្ងៃទី២៤ ខែសីហានេះបាននាំគ្នាឡើងមកសុំអន្តរាគមន៍ពីលោកនាយករដ្ឋមន្ត្រី ហ៊ុន សែន។
-
អ្នកកាសែតអាស៊ានលើកពីបញ្ហាប្រឈមរបស់ខ្លួននៅពេលសមាហរណកម្ម
អ្នកសារព័ត៌មានចំនួន២២នាក់នៃប្រទេសអាស៊ានទាំង១០ បានចូលរួមក្នុងសិក្ខាមួយរួមគ្នា ស្តីពីតួនាទីប្រព័ន្ធផ្សព្វផ្សាយក្នុងការកសាងសហគមន៍អាស៊ាន កាលពីថ្ងៃទី១៩ខែសីហាកន្លងទៅ នៅទីក្រុងបាងកក ប្រទេសថៃ។ សិក្ខាសាលានេះ រៀបចំឡើងដើម្បីស្វែងយល់ពីបញ្ហាប្រឈមរបស់ប្រព័ន្ធផ្សព្វផ្សាយនៅពេលដែលសមាហរណកម្មអាស៊ាននាពេលឆាប់ៗខាងមុខ និងដំណោះស្រាយសមស្របសម្រាប់អ្នកសារព័ត៌មាន និងប្រព័ន្ធផ្សព្វផ្សាយ។
-
កម្មកររោងចក្រប៊ីយូធីហ៊្វូលវីនដូនៅក្រុងបាវិតព្រមចូលធ្វើការបណ្ដោះអាសន្ន
កម្មកររោងចក្រ ប៊ីយូធីហ៊្វូល វីនដូ (Beautiful Window Cambodia Co., Ltd.) ស្ថិតក្នុងក្រុងបាវិត យល់ព្រមចូលធ្វើការវិញបណ្ដោះអាសន្ន ដោយរង់ចាំស្តាប់ដំណោះស្រាយពីក្រុមប្រឹក្សាអាជ្ញាកណ្ដាល។ ទន្ទឹមនឹងនេះ ខាងភាគីក្រុមហ៊ុនស្វាគមន៍ចំពោះការវិលត្រឡប់ចូលធ្វើការវិញ បន្ទាប់ពីធ្វើកូដកម្មអស់ពេលជាងមួយសប្ដាហ៍កន្លងមក។ តំណាងឲ្យកម្មកររោងចក្រ ប៊ីយូធីហ៊្វូល វីនដូ នៅតំបន់សេដ្ឋកិច្ចពិសេស សានតុងសាន់សែល (SHANDONG SUNSHEL) ស្ថិតក្នុងក្រុងបាវិត ខេត្តស្វាយរៀង លោក ជិន ស៊ីនឿន មានប្រសាសន៍ថា កម្មករទាំងអស់នឹងផ្អាកធ្វើកូដកម្មទាមទារអត្ថប្រយោជន៍ចំនួន ១១ចំណុច ដោយយល់ព្រមចូលធ្វើការបណ្ដោះអាសន្នសិន ចាប់ពីថ្ងៃទី២៤ ខែសីហា។
-
បណ្ដាញសហគមន៍ ស្នើសុំសិទ្ធិអំណាចពីរដ្ឋាភិបាល ដើម្បីការពារព្រៃឡង់
សហគមន៍ព្រៃឡង់បានសម្ដែងពីក្ដីព្រួយបារម្ភរបស់ខ្លួន ចំពោះវិនាសកម្មនៅតំបន់ព្រៃឡង់ ព្រមទាំងស្នើឲ្យរដ្ឋាភិបាលពន្លឿនការបង្កើតគោលការណ៍ច្បាប់ការពារតំបន់ជីវៈចម្រុះមួយនេះឲ្យបានឆាប់។ សំណើនេះ ធ្វើឡើងនៅក្នុងសន្និសីទកាសែតមួយ នៅព្រឹកថ្ងៃចន្ទនេះ បន្ទាប់ពីប្រជាសហគមន៍រកឃើញថា បទល្មើសព្រៃឈើនៅតំបន់ព្រៃឡង់មានចំនួនកើនឡើងគួរឲ្យកត់សម្គាល់។ ក្រៅពីស្នើឲ្យរដ្ឋាភិបាលបង្កើតគោលការណ៍ច្បាប់ដើម្បីការពារព្រៃឡង់ ប្រជាសហគមន៍ក៏បានទាមទារឲ្យដាក់បញ្ចូលសិទ្ធិអំណាចនិងតួនាទីរបស់សហគមន៍ព្រៃឡង់ ទៅក្នុងគោលការណ៍ច្បាប់នោះផងដែរ។
-
ស្ថាប័ននគរបាលនិងទ័ពគាំទ្រចំណាត់ការប្រឆាំងអ្នកនិយាយថារដ្ឋាភិបាលប្រើផែនទីក្លែងក្លាយ
អគ្គស្នងការដ្ឋាននគរបាលជាតិនិងកងទ័ពជើងគោកបានចេញញត្តិគាំទ្រមួយប្រឆាំងនឹងអ្នកដែលបន្តនិយាយថារដ្ឋាភិបាលប្រើផែនទីក្លែងក្លាយ ដោយព្រមានចាត់វិធានការតាមផ្លូវច្បាប់តាមបញ្ជារបស់រដ្ឋាភិបាល។ ញត្តិរបស់អគ្គស្នងការដ្ឋាននគរបាលជាតិចេញផ្សាយនៅថ្ងៃទី២២ខែសីហាឲ្យដឹងថាតាមរយៈការផ្ទៀងផ្ទាត់រវាងផែនទីដែលរដ្ឋាភិបាលបានប្រើប្រាស់ជាមួយផែនទីរបស់អង្គការសហប្រជាជាតិ រដ្ឋាភិបាលពិតជាបានប្រើប្រាស់ផែនទីខ្នាត១/១០០.០០០ផលិតដោយក្រុមភូមិសាស្រ្តឥណ្ឌូចិន “មិនដូចការញុះញង់របស់ជនអគតិមួយចំនួនដែលធ្វើប្រជាភថុតិ ដើម្បីកេងយកប្រយោជន៍ផ្នែកនយោបាយក្នុងគោលបំណងបង្កើតភាពវឹកវរ ចលាចលក្នុងសង្គម សំដៅផ្តួលរំលំរាជរដ្ឋាភិបាលកម្ពុជា”។
-
ខុទ្ទកាល័យនាយករដ្ឋមន្ត្រីមិនទទួលយកវត្ថុតាងដែលសហគមន៍ព្រៃឡង់រឹបអូសបាន
មន្ត្រីខុទ្ទកាល័យនាយករដ្ឋមន្ត្រី បដិសេធមិនទទួលវត្ថុតាងដែលជារណារយន្តអារឈើ ដែលសកម្មជនការពារព្រៃឡង់ផ្តល់ឲ្យនោះទេ បន្ទាប់ពីពួកគេបានចាប់រណារយន្តចំនួន ១១គ្រឿងពីអ្នកកាប់ឈើខុសច្បាប់ក្នុងតំបន់ព្រៃឡង់នៅក្នុងខេត្តចំនួន៤ គឺខេត្តក្រចេះ ស្ទឹងត្រែង កំពង់ធំ និងខេត្តព្រះវិហារ។ ក្រោយពីមន្ត្រីខុទ្ទកាល័យលោកនាយករដ្ឋមន្ត្រី ហ៊ុន សែន មិនទទួលយកវត្ថុតាងដែលជារណារយន្តអារឈើ ក្រុមសហគមន៍បានបញ្ជូនឧបករណ៍ទាំងនោះទៅកាន់រដ្ឋបាលព្រៃឈើវិញ។ សហគមន៍ការពារព្រៃឡង់ សម្ដែងការសោកស្ដាយចំពោះការមិនផ្តល់កិច្ចសហការពីខុទ្ទកាល័យនាយករដ្ឋមន្ត្រីក្នុងការបង្ក្រាបបទល្មើសព្រៃឈើបែបនេះ ព្រោះថាពួកគេចង់ឲ្យ លោក ហ៊ុន សែន បានឃើញវត្ថុតាងទាំងនោះ។
-
សមត្ថកិច្ចនាំយុវជនម្នាក់ទៅសាកសួរ ពាក់ព័ន្ធករណីរំលោភកុមារីអាយុ៦ឆ្នាំនៅស្រុករតនមណ្ឌល
ខេត្តបាត់ដំបង៖ តាមសេចក្ដីរាយការណីពីសមត្ថកិច្ចបានឱ្យដឹងថា មន្ត្រីជំនាញបាននាំយុវជនម្នាក់ទៅសាកសួរ កាលពីរសៀលថ្ងៃទី២៤ សីហា នៅក្នុងអធិការដ្ឋាននគរបាលស្រុករតនមណ្ឌល បន្ទាប់ពីកុមារីអាយុ៦ឆ្នាំម្នាក់ចង្អុលចំមុខថា បានចាប់រំលោភនាងកាលពីចុងសប្ដាហ៍មុននៅក្នុងចម្ការស្អំ ក្នុងភូមិរស្មីសង្ហា ឃុំរស្មីសង្ហា ស្រុករតនមណ្ឌល ។ សមត្ថកិច្ចនៅមិនទាន់ប្រាប់ពីអត្តសញ្ញាណជនសង្ស័យរូបនោះទេ តែបាននិយាយថា ជាជនដែលត្រូវក្មេងស្រីរងគ្រោះបានចង្អុលបង្ហាញជាមុខសញ្ញា ។ មន្ត្រីដដែលបញ្ជាក់ថា កាលពីរសៀលថ្ងៃទី២៣ សីហា បងស្រីកុមារីរងគ្រោះបានប្ដឹងសមត្ថកិច្ចថា ប្អូនស្រីរបស់នាងអាយុ៦ឆ្នាំ ត្រូវជនមិនស្គាល់មុខ ជិះម៉ូតូពណ៌.សចាប់រំលោភនៅក្នុងចម្ការស្អំខាងក្រោយភូមិ ដែលទំនងកើតឡើងនៅល្ងាចថ្ងៃទី២២ សីហា ដែលហូរឈាមមិនឈប់នៅត្រង់ប្រដាប់ភេទនាង ។
-
ស្រ្តីម្នាក់ត្រូវកាត់ទោសឲ្យជាប់ពន្ធនាគារមួយជីវិត ករណីជះទឹកអាស៊ីត
ស្រ្តីម្នាក់ដែលជាប់ពាក់ព័ន្ធនឹងការជះទឹកអាស៊ីតទៅលើសន្តិសុខរោងចក្រកាលពីខែមីនា ត្រូវបានសាលាដំបូងរាជធានីភ្នំពេញប្រកាសសាលក្រមដោយផ្តន្ទាទោសជាប់ពន្ធនាគារអស់មួយជីវិត។ ហេតុការណ៍នៃការជះទឹកអាស៊ីតនេះបានកើតឡើងកាលពីថ្ងៃទី០៦ខែមីនា ឆ្នាំ២០១៥ នៅពេលនារីរងគ្រោះ ឈ្មោះ មាស វន្នី អាយុ២០ឆ្នាំ ជាសន្តិសុខនៅរោងចក្រហួស៊ិនតាយ(Ho Hsin Tai Limited)ក្នុងសង្កាត់ចោមចៅ កំពុងដើរទៅធ្វើការជាមួយកម្មកររោងចក្រផ្សេងៗ ហើយស្រាប់តែលេចមុខជនល្មើស(ស្រី)ដើរកាន់យួរដបទឹកសុទ្ធដាក់ទឹកអាស៊ីតមកជះពីលើនារីរងគ្រោះនោះ។ ចំណែកនៅថ្ងៃទី២១ខែមីនា ជនរងគ្រោះដែលមានស្រុកកំណើតនៅខេត្តពោធិ៍សាត់ បានស្លាប់នៅមន្ទីរពេទ្យកាល់ម៉ែត្រ។ សមត្ថកិច្ចសង្ស័យថាករណីនេះបណ្ដាលមកពីស្នេហាត្រីកោណ។
-
ប្រជាពលរដ្ឋស្នើសុំអន្តរាគមន៍ពីសម្តេចហ៊ុនសែន ពាក់ព័ន្ធនឹងជម្លោះដីនៅស្រុកពញាឮ
ភ្នំពេញ: នៅព្រឹកថ្ងៃទី២៤ ខែសីហានេះ ប្រជាពលរដ្ឋប្រមាណជា ៧០ នាក់ រស់នៅភូមិកាកាប ភូមិស្លែងមានជ័យ ភូមិប្រាសាទ ភូមិស្វាយ ភូមិល្វាំង និងភូមិស្លែង ឃុំជ្រៃលាស់ ស្រុកពញាឭ ខេត្តកណ្តាល ដែលមានជម្លោះដីធ្លីជាមួយលោកស្រី លឹម គា តំណាងក្រុមហ៊ុន សុរាគាខ្មែរ បាននាំគ្នាឡើងមកសុំអន្តរាគមន៍ពីសម្តេចតេជោ ហ៊ុន សែន នាយករដ្ឋមន្ត្រី ដើម្បីផ្តល់ភាពយុត្តិធម៌ដល់ពួកគាត់។
អានបន្ត -
បណ្ដាញសហគមន៍ ស្នើសុំសិទ្ធិអំណាចពីរដ្ឋាភិបាល ដើម្បីការពារព្រៃឡង់
សហគមន៍ព្រៃឡង់បានសម្ដែងពីក្ដីព្រួយបារម្ភរបស់ខ្លួន ចំពោះវិនាសកម្មនៅតំបន់ព្រៃឡង់ ព្រមទាំងស្នើឲ្យរដ្ឋាភិបាលពន្លឿនការបង្កើតគោលការណ៍ច្បាប់ការពារតំបន់ជីវៈចម្រុះមួយនេះឲ្យបានឆាប់។ សំណើនេះ ធ្វើឡើងនៅក្នុងសន្និសីទកាសែតមួយ នៅព្រឹកថ្ងៃចន្ទនេះ បន្ទាប់ពីប្រជាសហគមន៍រកឃើញថា បទល្មើសព្រៃឈើនៅតំបន់ព្រៃឡង់មានចំនួនកើនឡើងគួរឲ្យកត់សម្គាល់។ ក្រៅពីស្នើឲ្យរដ្ឋាភិបាលបង្កើតគោលការណ៍ច្បាប់ដើម្បីការពារព្រៃឡង់ ប្រជាសហគមន៍ក៏បានទាមទារឲ្យដាក់បញ្ចូលសិទ្ធិអំណាចនិងតួនាទីរបស់សហគមន៍ព្រៃឡង់ ទៅក្នុងគោលការណ៍ច្បាប់នោះផងដែរ។
-
សមាជិកក្រុមប្រឹក្សាឃ្លាំមើលកម្ពុជាអះអាងថាអាជ្ញាធរកំពុងតាមរកចាប់ខ្លួន
សមាជិកក្រុមប្រឹក្សាឃ្លាំមើលកម្ពុជា លោក អៀ ចាន់ណា ថ្លែងប្រាប់វិទ្យុអាស៊ីសេរី តាមទូរស័ព្ទកាលពីយប់ថ្ងៃទី២៣ សីហា ពីប្រទេសន័រវេសន៍ (Norway) ថា អាជ្ញាធរកម្ពុជា កំពុងតាមរកចាប់ខ្លួនលោកពីបទចោទថា លោកបានញុះញង់ប្រជាពលរដ្ឋខ្មែរជុំវិញបញ្ហាផែនទីកម្ពុជា-វៀតណាម ដែលរដ្ឋាភិបាលកំពុងប្រើប្រាស់សម្រាប់បោះបង្គោលខណ្ឌសីមាជាមួយប្រទេសវៀតណាម បច្ចុប្បន្ន។ លោក អៀ ចាន់ណា ថ្លែងថា «ការបញ្ជាហ្នឹងយើងដឹងទាំងអស់គ្នា គឺ ហ៊ុន សែន គាត់ជាអ្នកបញ្ជា ហើយមន្ត្រីរដ្ឋាភិបាលជាអ្នករំឭកហើយរំឭកទៀតទៅដល់ស្ថាប័ន ឥឡូវហ្នឹងគឺទាំងប៉ូលិស ទាំងទាហានគឺបានប្រជុំគ្នា គឺប៉ូលិសនៅតាមខេត្តនានាហ្នឹងគាត់ចាប់ផ្ដើមហៅគ្នាមកប្រជុំផ្សព្វផ្សាយនូវគោលការណ៍របស់ លោក ហ៊ុន សែន ដែលបានដាក់បញ្ជាថា អ្នកណាក៏ដោយដែលនៅតែបន្តនិយាយពីបញ្ហាផែនទីហ្នឹង គឺត្រូវតែទទួលខុសត្រូវចំពោះមុខច្បាប់ ដោយគេចោទថាយើងនិយាយញុះញង់ប្រជាពលរដ្ឋថាផែនទីហ្នឹងក្លែងក្លាយ ហើយឃើញនៅកន្លែងណាលើទឹកដីរបស់ពួកគេ ចង់ថាទឹកដីរបស់ប៉ូលិសដែលឈរជើងនៅប៉ុស្តិ៍ណាក៏ដោយ នៅតំបន់ណាក៏ដោយ គឺឃើញត្រូវចាប់ខ្លួនភ្លាមដោយចោទខ្ញុំពីបញ្ហាការញុះញង់ប្រជាពលរដ្ឋអំពីរឿងផែនទីរបស់រដ្ឋាភិបាលហ្នឹង»។
គាំទ្រដោយ
