កំពុងស្វែងរកទិន្នន័យ
រកឃើញ: 12.457
-
សង្គមស៊ីវិលស្នើក្រុមប្រឹក្សាធម្មនុញ្ញបើកឱកាសឲ្យខ្លួនចូលរួមពិភាក្សាលើច្បាប់អង្គការ
ការអំពាវនាវរបស់នាយិការនៃមជ្ឈមណ្ឌលសិទ្ធិមនុស្សលោកអ្នកស្រី ចក់ សុភាពនេះ បានធ្វើឡើងបន្ទាប់ពី ក្រុមប្រឹក្សាធម្មនុញ្ញនឹងបើកកិច្ច ប្រជុំពិនិត្យមើលទៅលើបណ្ដឹងរបស់គណបក្សសង្គ្រោះជាតិនៅថ្ងៃទី៧ ខែសីហា ឆ្នាំ២០១៥ ជុំវិញបញ្ហាធម្មនុញ្ញភាពនៃច្បាប់ស្ដីពីសមាគម និងអង្គការក្រៅរដ្ឋាភិបាល។ បន្ទាប់ពីបានពិនិត្យរួចហើយ ក្រុមប្រឹក្សាធម្មនុញ្ញអាចនឹងកោះអញ្ជើញមន្ត្រីគណបក្សសង្គ្រោះជាតិ និងរដ្ឋាភិបាលមកបំភ្លឺ ច្បាប់ស្ដីពីសមាគម និងអង្គការក្រៅរដ្ឋាភិបាលនេះនៅថ្ងៃទី១០-១១ ខែសីហានេះ។
-
អាជ្ញាធររារាំងមិនឲ្យសកម្មជនដីធ្លីនៅបឹងកក់តវ៉ាមុខសាលារាជធានី
សន្តិសុខនៅសាលារាជធានីភ្នំពេញរារាំងមិនឲ្យក្រុមសកម្មជនដីធ្លីមកពីតំបន់បឹងកក់ដែលព្យាយាមតវ៉ាមុខសាលារាជធានីដើម្បីទាមទារឲ្យអាជ្ញាធរដោះស្រាយបញ្ហាដីធ្លីឲ្យពួកគេ ដោយក្រុមសន្តិសុខបានរុញច្រាន និងចាប់សែងក្រុមអ្នកតវ៉ាចេញ។ នៅព្រឹកថ្ងៃព្រហស្បតិ៍នេះ អ្នកមានជម្លោះដីធ្លីមកពីសហគមន៍បឹងកក់ប្រមាណ២០នាក់នាំគ្នាតវ៉ានៅសាលារាជធានី ដើម្បីដាក់ញត្តិទាមទារឲ្យអាជ្ញាធររកដំណោះស្រាយឲ្យពួកគេ៧គ្រួសារទៀត ដែលពួកគេអះអាងថា នៅមិនទាន់ទទួលបានដំណោះស្រាយ ខណៈ៦គ្រួសារដោះស្រាយរូចហើយ។ ខណៈពេលក្រុមសកម្មជនព្យាយាមទៅឈរមុខសាលារាជធានីដើម្បីតវ៉ា ក្រុមសន្តិសុខបានធ្វើការរារាំង តែអ្នកតវ៉ានៅតែព្យាយាមជម្នះចូលទៅ ហើយត្រូវក្រុមសន្តិសុខចាប់សែងនិងអូសពួកគេចេញ។ ក្រុមសន្តិសុខក៏បានប្រមូលយកញត្តិរបស់ក្រុមអ្នកតវ៉ាផងដែរ សូម្បីញត្តិដែលពួកគេបានចែកឲ្យក្រុមអ្នកសារព័ត៌មានក៏ត្រូវក្រុមសន្តិសុខដកហូតយកដែរ។ ក្រុមសន្តិសុខក៏បានគំរាមបោកកាម៉េរ៉ារបស់អ្នកសារព័ត៌មានដែលព្យាយាមផ្ដិតយករូបភាព និងសម្ភាសន៍ក្រុមអ្នកតវ៉ាផងដែរ។
-
USAID សម្ពោធដាក់ឲ្យប្រើប្រាស់កម្មវិធីថ្មីស្ដីពីដំណោះស្រាយនៃជម្លោះក្នុងការងារ
រាជធានីភ្នំពេញ៖ ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID) សម្ពោធដាក់ឲ្យប្រើប្រាស់នូវកម្មវិធីថ្មីមួយ នៅថ្ងៃទី០៦ ខែសីហានេះ ដើម្បីលើកកម្ពស់ និងការពារសិទ្ធិក្នុងការងារនៅប្រទេសកម្ពុជា ដោយផ្តល់អំណាចឲ្យភាគីនានា ក្នុងការដោះស្រាយជម្លោះ ក្នុងការងារដោយ យុត្តិធម៌ និងសន្តិភាព។ សេចក្តីប្រកាសព័ត៌មានរបស់ស្ថានទូតសហរដ្ឋអាមេរិកប្រចាំកម្ពុជា ដែលត្រូចបានផ្សព្វផ្សាយនៅថ្ងៃទី០៥ ខែសីហា បានឲ្យដឹងថា នៅក្នុងពិធីសម្ពោធនោះលោកស្រី Rebecca Black ប្រធានទីភ្នាក់ងារ USAID ប្រចាំនៅប្រទេសកម្ពុជា និងលោក អ៊ិន ខេមរា អគ្គនាយករងនៃអគ្គនាយកដ្ឋានការងារ នឹងថ្លែងសុន្ទរកថានៅក្នុងពិធីនោះ។
-
ក្រុមប្រឹក្សាធម្មនុញ្ញនឹងប្រជុំសម្រេចពីធម្មនុញ្ញភាពនៃច្បាប់អង្គការនៅថ្ងៃទី១៣ ខែសីហា
ក្រុមប្រឹក្សាធម្មនុញ្ញនឹងបើកកិច្ចប្រជុំពេញអង្គមួយនៅថ្ងៃទី១៣ ខែសីហា ឆ្នាំ២០១៥ ដើម្បីពិនិត្យនិងសម្រេចពីធម្មនុញ្ញភាពនៃសេចក្តីព្រាងច្បាប់ស្តីពីសមាគមនិងអង្គការមិនមែនរដ្ឋាភិបាល។ អ្នកនាំពាក្យក្រុមប្រឹក្សាធម្មនុញ្ញ លោក ព្រហ្ម ញាណវិចិត្រ ប្រាប់វីអូឌី(VOD)នៅថ្ងៃព្រហស្បតិ៍នេះថា សមាជិកក្រុមប្រឹក្សាធម្មនុញ្ញនឹងប្រជុំបឋមនៅព្រឹកថ្ងៃសុក្រស្អែកនេះ ដើម្បីស្តាប់របាយការណ៍របស់សមាជិកជំនាញដែលបានសិក្សាលើទិដ្ឋភាពច្បាប់នៃសេចក្តីព្រាងច្បាប់នេះ។ លោកបន្តថាក្រោយពីការស្តាប់របាយការណ៍របស់មន្ត្រីជំនាញរួចរាល់ហើយ ក្រុមការងារនឹងបូកសរុបលទ្ធផលនៃរបាយការណ៍នៅថ្ងៃទី១២ ខែសីហា ហើយនៅថ្ងៃទី១៣ ខែសីហា ក្រុមប្រឹក្សានឹងមានប្រជុំពេញអង្គដើម្បីចេញសេចក្តីសម្រេច ថាតើច្បាប់នេះស្របឬមិនស្របទៅនឹងរដ្ឋធម្មនុញ្ញ។
-
លោកកឹម សុខា កោះប្រជុំជាមួយទីប្រឹក្សា ក្រោយមានការចាប់សកម្មជនគណបក្សខ្លួន
រសៀលថ្ងៃទី០៦ ខែសីហាឆ្នាំ២០១៥នេះ លោកកឹម សុខា ប្រធានស្តីទីគណបក្សសង្គ្រោះជាតិ បានជួបប្រជុំជាមួយក្រុមជំនួយការ និងទីប្រឹក្សា ដើម្បីសុំយោបល់ ផ្ដល់គំនិត គិតគូរពីការកែទម្រង់ស្ថាប័នជាតិនានា ស្របតាមកិច្ចព្រមព្រៀងនយោបាយរវាងគណបក្សប្រជាជនកម្ពុជា និងគណបក្សសង្គ្រោះជាតិ ថ្ងៃទី២២ ខែកក្កដា ឆ្នាំ២០១៤។ សូមបញ្ជាក់ថា ការជួបប្រជុំនេះបានធ្វើឡើងបន្ទាប់ពីសកម្មជនគណបក្សសង្គ្រោះជាតិ១៣នាក់ត្រូវ បានចាប់ខ្លួនជាបន្តបន្ទាប់ ដោយសង្ស័យថាជាប់ពាក់ព័ន្ធនឹងហិង្សាដែលកើតឡើងនៅក្បែរទីលាន ប្រជាធិបតេយ្យកាលពីខែកក្កដា ឆ្នាំ២០១៤។
-
ក្រុមប្រឹក្សាធម្មនុញ្ញនឹងប្រជុំសម្រេចពីធម្មនុញ្ញភាពនៃច្បាប់អង្គការនៅថ្ងៃទី១៣ ខែសីហា
ក្រុមប្រឹក្សាធម្មនុញ្ញនឹងបើកកិច្ចប្រជុំពេញអង្គមួយនៅថ្ងៃទី១៣ ខែសីហា ឆ្នាំ២០១៥ ដើម្បីពិនិត្យនិងសម្រេចពីធម្មនុញ្ញភាពនៃសេចក្តីព្រាងច្បាប់ស្តីពីសមាគមនិងអង្គការមិនមែនរដ្ឋាភិបាល។ អ្នកនាំពាក្យក្រុមប្រឹក្សាធម្មនុញ្ញ លោក ព្រហ្ម ញាណវិចិត្រ ប្រាប់វីអូឌី(VOD)នៅថ្ងៃព្រហស្បតិ៍នេះថា សមាជិកក្រុមប្រឹក្សាធម្មនុញ្ញនឹងប្រជុំបឋមនៅព្រឹកថ្ងៃសុក្រស្អែកនេះ ដើម្បីស្តាប់របាយការណ៍របស់សមាជិកជំនាញដែលបានសិក្សាលើទិដ្ឋភាពច្បាប់នៃសេចក្តីព្រាងច្បាប់នេះ។ លោកបន្តថាក្រោយពីការស្តាប់របាយការណ៍របស់មន្ត្រីជំនាញរួចរាល់ហើយ ក្រុមការងារនឹងបូកសរុបលទ្ធផលនៃរបាយការណ៍នៅថ្ងៃទី១២ ខែសីហា ហើយនៅថ្ងៃទី១៣ ខែសីហា ក្រុមប្រឹក្សានឹងមានប្រជុំពេញអង្គដើម្បីចេញសេចក្តីសម្រេច ថាតើច្បាប់នេះស្របឬមិនស្របទៅនឹងរដ្ឋធម្មនុញ្ញ។
-
ពលរដ្ឋខណ្ឌដង្កោប្រមាណ៣០០គ្រួសារមិនព្រមលក់ដីឲ្យក្រុមហ៊ុនអាយ.អិន.ជី ហូលឌីង
ប្រជាពលរដ្ឋជាច្រើននៅភូមិព្រែកថ្លឹង ខណ្ឌដង្កោ ចេញតវ៉ាមិនយល់ព្រមលក់ដីសហគមន៍របស់ពួកគាត់ ទៅឲ្យក្រុមហ៊ុន អាយ.អិន.ជី ហូលឌីង (ING Holding) នោះទេ ខណៈដែលមានពលរដ្ឋមួយក្រុមទៀតផ្ដិតមេដៃយល់ព្រម។ ពលរដ្ឋតវ៉ា ចោទមេភូមិ និងតំណាងក្រុមហ៊ុនថា កំពុងធ្វើព្យុះភ្លៀងនៅក្នុងរឿងនេះ។ ផ្ទុយពីនេះ លោកមេភូមិព្រែកថ្លឹង ចេញមុខបដិសេធចំពោះការចោទប្រកាន់។ ប្រជាពលរដ្ឋនៅភូមិព្រែកថ្លឹង សង្កាត់ជើងឯក ខណ្ឌដង្កោ រៀបរាប់ថា ដំបូងឡើយដីសហគមន៍របស់ពួកគាត់ គឺមានចំនួន ៥៨ហិកតារ ប៉ុន្តែលក់ទៅឲ្យក្រុមហ៊ុន អាយ.អិន.ជី ហូលឌីង អស់ចំនួន ៤៤ហិកតារ ដោយបានចែកលុយគ្នារួចរាល់ហើយ។ ចំណែកដីសហគមន៍នៅសល់ប្រហែល ១៤ហិកតារទៀត គឺប្រជាជនក្នុងភូមិ ពុំទាន់សម្រេចលក់ទៅឲ្យក្រុមហ៊ុនមួយនេះទៀតនោះទេ ប៉ុន្តែបែរជាក្រុមហ៊ុនចូលកាន់កាប់ដោយមិនផ្តល់លុយក្នុងតម្លៃសមរម្យ។
-
អ្នកសារព័ត៌មានត្រូវបានចាក់សោមិនឲ្យចេញពីរដ្ឋបាលព្រៃឈើ
មន្ត្រីសិទ្ធិមនុស្សឲ្យដឹងថា អ្នកសារព័ត៌មានក្នុងស្រុក៣នាក់ ត្រូវបានមន្ត្រីរដ្ឋបាលព្រៃឈើខេត្តរតនគិរី ចាក់សោបិទទ្វារបងបង្ខាំងជិត១ម៉ោង ខណៈពួកគេចុះផ្តិតយករូបភាពរថយន្តដឹកឈើខុសច្បាប់ ដែលអាជ្ញាធរឃាត់ទុកនៅក្នុងខណ្ឌនោះ។ អ្នកយកព័ត៌មានទាំងនោះរួមមាន លោក សុង គីមហេង ជាអ្នកយកព័ត៌មានឲ្យទូរទស្សន៍ហង្សមាស លោក ហៀង រ៉ាត់ នៅទូរទស្សន៍អប្សរា និងលោក កេត សុធី នៅទូរទស្សន៍អាស៊ីអាគ្នេយ៍។ អ្នកយកព័ត៌មានឲ្យទូរទស្សន៍ហង្សមាស លោក សុង គីមហេង ថ្លែងថា ការចាក់បង្ខាំងអ្នកសារព័ត៌មាននេះ ជាការប៉ះពាល់សិទ្ធិរបស់ពួកគេ។ លោកថា៖ “នេះខ្ញុំគិតថា ជាការរំលោភសិទ្ធិមួយដែរ ទី១វាប៉ះពាល់ស្ថាប័ន ហើយទី២ វាប៉ះពាល់កិត្តិយស”។
-
គណៈកម្មការទី១ព្រឹទ្ធសភាជួបពិភាក្សាជាមួយពលរដ្ឋមានទំនាស់ដីធ្លីនៅខេត្តបាត់ដំបង
ប្រជាពលរដ្ឋចំនួន ១១សហគមន៍ ដែលមានទំនាស់ដីធ្លីរ៉ាំរ៉ៃនៅខេត្តបាត់ដំបង នៅព្រឹកថ្ងៃទី៦ សីហា នាំគ្នាលើកបញ្ហាទុក្ខកង្វល់របស់ខ្លួន ដាក់ឲ្យប្រធានគណៈកម្មការទី១ នៃព្រឹទ្ធសភា ជួយដោះស្រាយនាស្នាក់ការអង្គការលីកាដូ (Licadho) ខេត្តបាត់ដំបង។ ក្នុងចំណោមនោះ សហគមន៍ជនជាតិដើមភាគតិចពរ នៅស្រុកសំឡូត និងសហគមន៍ទំនាស់ដីធ្លីឃុំបឹងប្រាំ មានប្រវត្តិជូរចត់ ដែលអង្គការសង្គមស៊ីវិល និងគណៈកម្មការចាប់អារម្មណ៍ជាងគេ។ គណៈកម្មការទី១ នៃព្រឹទ្ធសភា ទទួលបន្ទុកផ្នែកសិទ្ធិមនុស្ស ទទួលពាក្យបណ្ដឹង និងអង្កេត អនុញ្ញាតឲ្យតំណាងប្រជាពលរដ្ឋដែលមកពីតាមបណ្ដាសហគមន៍នានាក្នុងខេត្តបាត់ដំបង មានឱកាសឡើងបញ្ចេញមតិពីទុក្ខកង្វល់រឿងបញ្ហាទំនាស់ដីធ្លីក្នុងសហគមន៍របស់ខ្លួនម្ដងម្នាក់ៗ។
-
ជនជាតិដើមភាគតិចស្នើនាយករដ្ឋមន្ត្រីទប់ស្កាត់ក្រុមហ៊ុនរំលោភដី៧០០ហិកតា
ជនជាតិដើមភាគតិចគួយរាប់រយគ្រួសារនៅខេត្តក្រចេះ រកអន្តរាគមន៍ពីនាយករដ្ឋមន្ត្រីនិងស្ថាប័នពាក់ព័ន្ធមួយចំនួនទៀត ឲ្យចាត់វិធានការក្រុមហ៊ុនឯកជនមួយដែលពួកគេចោទថា បានពង្រីកផ្ទៃដី រំលោភយកដីអ្នកភូមិដោយអាជ្ញាធរមូលដ្ឋានមិនអាចទប់ស្កាត់បាន។ តំណាងអ្នកភូមិ លោក ជៃ ប៊ុនលាង ថ្លែងនៅចំពោះមុខមន្ត្រីខុទ្ទកាល័យនាយករដ្ឋមន្ត្រីពេលដាក់ញត្តិនៅថ្ងៃទី៦ខែសីហានេះថាជាង២ខែមកនេះ ក្រុមហ៊ុនកូរ៉េឈ្មោះស៊ីបាយអូថេតបានបោះបង្គោលរំលោភចូលដីស្រែ ដីចម្ការ ដីកប់សព ដីសម្រាប់រកអនុផលព្រៃឈើព្រៃឈើនិងដីបម្រុងទុក។
-
អង្គការអាដហុក ៖ ៦ខែឆ្នាំ២០១៥ បទល្មើសរំលោភកើតឡើង១៣១ករណី កើនឡើង៥១ករណី
រាជធានីភ្នំពេញ ៖ យោងតាមរបាយការណ៍របស់អង្គការសិទ្ឋិមនុស្សអាដហុកបានបង្ហាញថា នៅក្នុងបា្រំមួយខែដើមឆ្នាំ២០១៥ សមាគមអាដហុកបានធ្វើការស៊ើបអង្កេត និងអន្តរាគមន៍បទល្មើសរំលោភសេពសន្ថវៈចំនួន១៣១ករណី ក្នុងនោះមានរំលោភក្មេងអាយុក្រោុម៥ឆា្នំ ៥ករណី ក្មេងអាយុក្រោម១០ឆ្នាំ ៣២ករណី ក្មេងក្រោម១៨ឆ្នាំ ៦៣ករណី និងអាយុ១៨ឆ្នាំ មាន៣១ករណី ។ ជាមួយគ្នានេះដែរ ក្នុងចំណោម១៣១ករណី មានរំលោភសម្លាប់ចំនួន៣ករណី រំលោភបូក៦ករណី រំលោភជនពិការ១៥ករណី ហើយបទល្មើសរំលោភខាងលើ បើប្រៀបធៀបទៅនឹងរយៈពេលដូចក្នាកាលពីឆ្នាំ២០១៤ កើនឡើង៥១ករណី ។
-
ក្រុមប្រឹក្សាធម្មនុញ្ញគ្រោងកោះហៅគណបក្សសង្គ្រោះជាតិនិងរដ្ឋាភិបាលបំភ្លឺច្បាប់អង្គការ
ក្រុមប្រឹក្សាធម្មនុញ្ញនឹងបើកកិច្ច ប្រជុំពិនិត្យមើលទៅលើបណ្ដឹងរបស់គណបក្សសង្គ្រោះជាតិនៅថ្ងៃទី៧ ខែសីហា ឆ្នាំ២០១៥ ជុំវិញបញ្ហាធម្មនុញ្ញភាពនៃច្បាប់ស្ដីពីសមាគម និងអង្គការក្រៅរដ្ឋាភិបាលដែលសភាជាតិទើបបានអនុម័តនៅពេលថ្មីៗនេះ។ បន្ទាប់ពីបានពិនិត្យរួចហើយ ក្រុមប្រឹក្សាធម្មនុញ្ញអាចនឹងកោះអញ្ជើញមន្ត្រីគណបក្សសង្គ្រោះជាតិ និងរដ្ឋាភិបាលមកបំភ្លឺ ច្បាប់ស្ដីពីសមាគម និងអង្គការក្រៅរដ្ឋាភិបាលនេះនៅថ្ងៃទី១០-១១ ខែសីហានេះ។ នេះបើតាមការអះអាងរបស់លោកព្រហ្ម ញាញវិចិត្រ អ្នកនាំពាក្យក្រុមប្រឹក្សាធម្មនុញ្ញ ដែលបានប្រាប់វិទ្យុវាយោនៅល្ងាចនេះ។ ជាបន្តសូមស្តាប់ប្រសាសន៍ លោកព្រហ្ម ញាញវិចិត្រដោយសាកសួដោយគួន សំបូរដូចតទៅ៖
-
គណបក្សសង្គ្រោះជាតិ៖ ឲ្យដោះលែងខ្លួនសកម្មជនជាបន្ទាន់ និងបញ្ឈប់ការប្រើប្រព័ន្ធតុលាការ ដើម្បីគំរាមសកម្មជន
រាជធានីភ្នំពេញ៖ គណបក្សសង្គ្រោះជាតិ អំពាវនាវឲ្យដោះលែងខ្លួនសកម្មជន ជាបន្ទាន់ និងបញ្ឈប់ការប្រើប្រព័ន្ធតុលាការ ដើម្បីគំរាមសកម្មជនមិនអោយបំពេញតួនាទីរបស់ខ្លួន ស្របតាមគោលការណ៏លទ្ឋិប្រជាធិតេយ្យ។ សេចក្តីថ្លែងការណ៏របស់គណបក្សសង្គ្រោះជាតិ ដែលត្រូវបានផ្សព្វផ្សាយនៅថ្ងៃទី០៥ ខែសីហា ឆ្នាំ២០១៥នេះ បានលើកឡើងថា គណបក្សសង្គ្រោះជាតិ មានការសោកស្តាយជាខ្លាំង ចំពោះការចាប់សកម្មជនគណបក្សសង្គ្រោះជាតិ ជាបន្តបន្ចាប់នេះ ដែលផ្ចុយពីស្មារតីនៃ កិច្ចព្រមព្រៀងថ្ងៃទី២២ ខែកក្កដា ឆ្នាំ២០១៤ រវាងគណបក្សប្រជាជនកម្ពុជា និងគណបក្សសង្គ្រោះជាតិ។
-
ក្រុមហ៊ុនឧកញ៉ាកុក អានមិនព្រមបើកប្រាក់ឱ្យអតីតនារីលក់ស្រាបៀរ
ភ្នំពេញ—បុគ្គលិកនៃក្រុមហ៊ុនអានកូ(Anco Brother Co.,Ltd) របស់លោកឧកញ៉ាកុក អានសមាជិកព្រឹទ្ធសភានៃគណបក្សប្រជាជនកម្ពុជាមិនអនុញ្ញាតឲ្យមន្ត្រីដោះស្រាយវិវាទនៃក្រសួងការងារចូលសម្របសម្រួលជម្លោះការងាររវាងអតីតអ្នកចែកចាយស្រាបៀរ Budweiser ខណៈដែលអតីតអ្នកផ្សព្វផ្សាយនិងលក់ស្រាបៀរប្រាំមួយនាក់ ធ្វើបាតុកម្មនៅពីមុខក្រុមហ៊ុន។ នេះបើតាមការបញ្ជាក់ពីមន្ត្រីសហជីព និងមន្ត្រីដោះស្រាយវិវាទនៃក្រសួងការងារ។ ការធ្វើបាតុកម្មនៅថ្ងៃពុធនេះ កើតមានឡើងក្រោយពេលដែលក្រុមហ៊ុនអានកូ បានរំសាយអ្នកផ្សព្វផ្សាយនិងលក់ស្រាបៀរចំនួន១២នាក់កាលពីចុងខែមករា ឆ្នាំ២០១៥ ដោយគ្មានទូទាត់សំណងត្រឹមត្រូវតាមច្បាប់ការងារនៃប្រទេសកម្ពុជា។
-
ក្រុមអង្គការថាសម្តីលោក ហ៊ុន សែន ជាការប្រមាថដល់ស្ត្រី
បណ្តាញអង្គការមិនមែនរដ្ឋាភិបាល ដែលធ្វើការលើកស្ទួយសិទ្ធិមនុស្ស ជាពិសេសសិទ្ធិស្រី្តនៅកម្ពុជា បានសម្តែងការសោកស្តាយ និងខកចិត្តចំពោះប្រសាសន៍របស់លោកនាយករដ្ឋមន្ត្រី ហ៊ុន សែន ដែលបានថ្លែងទាក់ទងនឹងស្ត្រីម្នាក់ដែលតវ៉ាកន្លងមក។ ក្នុងពិធីសម្ពោធស្ពានទន្លេបាសាក់ នៅខេត្តកណ្តាល កាលពីថ្ងៃទី៣ ខែសីហា ឆ្នាំ២០១៥ លោក ហ៊ុន សែន បានថ្លែងមិនបញ្ចេញឈ្មោះទៅលើស្ត្រីម្នាក់ ដែលចោទថា នៅពេលបាតុកម្មគឺស្ត្រីនោះបានវាយលើសន្តិសុខដែលជាប្រុសៗ។ លោកថ្លែងថា៖ “នៅក្នុងចំណោមអ្នកដែលវ៉ៃដ៏សាហាវហ្នឹង មានស្រីម្នាក់ទាត់ឈូសដូចពួកកីឡាកាសអ៊ីចឹង តាមចាប់មីស្រីហ្នឹងមួយឲ្យបានមើល៍! អាហ្នឹងគេមិនមែនហៅនារីទេណា នេះគេហៅ មីស្រី ឬគេហៅញី។ លេងវ៉ៃសុទ្ធតែធាក់សុទ្ធតែ វាហួសហេតុពេក។ មិនមែនជាការរំលោភលើសិទ្ធស្ត្រីទេណា ប៉ុន្តែវាអាក្រក់ហួស”។
-
តុលាការសាកសួរសកម្មជនបក្សសង្គ្រោះជាតិ២នាក់ទៀតហើយករណីហិង្សា១៥ កក្កដា
សកម្មជនបក្សសង្គ្រោះជាតិ ២នាក់ទៀតហើយ ត្រូវបានសមត្ថកិច្ចចាប់ខ្លួនបញ្ជូនមកសាលាដំបូងរាជធានីភ្នំពេញ នៅថ្ងៃទី៥ សីហា ដើម្បីសាកសួរទាក់ទងនឹងករណីបាតុកម្មហិង្សា នៅស្ពាននាគ កាលពីថ្ងៃទី១៥ កក្កដា ២០១៤។ សមត្ថកិច្ចឲ្យដឹងថា នៅមានសកម្មជនបក្សសង្គ្រោះជាតិ ៣នាក់ទៀត ដែលចាប់ខ្លួនបញ្ជូនមកតុលាការនៅថ្ងៃនេះ។ យុវជនដែលសមត្ថកិច្ចបានចាប់ខ្លួន គឺលោក យន់ គឹមហួយ និងលោក រឿន ចិត្រា។ វិទ្យុអាស៊ីសេរី មិនអាចសុំការឆ្លើយតបពីតំណាងរាស្ត្របក្សសង្គ្រោះជាតិ លោក ហូរ វ៉ាន់ នៅព្រឹកថ្ងៃទី៥ សីហា នេះ។
-
ប៉ូលិស ចាប់សកម្មជនគណបក្សសង្គ្រោះជាតិ ម្នាក់ទៀត សរុប ៣ នាក់ហើយ
ភ្នំពេញ: រហូតមកដល់រសៀលថ្ងៃទី៥ ខែសីហានេះ សកម្មជនគណបក្សសង្គ្រោះជាតិ ចំនួនម្នាក់ទៀតហើយ ត្រូវបានសមត្ថកិច្ចចាប់ខ្លួន ពាក់ព័ន្ធសំណុំរឿងអំពើហិង្សា នៅក្បែរទីលានប្រជាធិបតេយ្យ កាលពីថ្ងៃទី១៥ ខែកក្កដា ឆ្នាំ២០១៤។ យុវជននោះ ឈ្មោះ យា ថុង ភេទប្រុស ត្រូវបានចាប់ខ្លួន នៅចំណុចភូមិតាងួន សង្កាត់កាកាប ខណ្ឌពោធិ៍សែនជ័យ។ ការចាប់ខ្លួនសកម្មជនគណបក្សសង្គ្រោះជាតិម្នាក់នេះ បានធ្វើឡើងភ្លាមៗ ក្រោយពីតុលាការសាលាដំបូងរាជធានីភ្នំពេញ បានសម្រេចឃុំខ្លួនយុវជនពីរនាក់ ដែលត្រូវបានចាប់ខ្លួន កាលពីថ្ងៃទី៤សីហា។ ទី១.ឈ្មោះ យន់ គឹមហួរ ភេទប្រុស អាយុ ២៨ឆ្នាំ ចាប់ខ្លួន កាលពីព្រលប់ថ្ងៃទី៤ ខែសីហា ឆ្នាំ២០១៥ នៅចំណុចផ្ទះជួលលេខ៩ ក្រុមទី១២ ភូមិទួលសង្លែសង្កាត់ទួលសង្កែ ខណ្ឌឫស្សីកែវ។ ២. ឈ្មោះ រឿន ចិត្រា ភេទប្រុស ចាប់ខ្លួនកាលពីព្រលប់ថ្ងៃទី៤ ខែសីហា ឆ្នាំ២០១៥ នៅចំណុច ភូមិសិត្បូ ស្រុកស្អាង កណ្តាល។
-
តើការដាក់ទណ្ឌកម្មលោក អ៊ុំ សំអាន មិនឲ្យប្រជុំសភានិងកាត់ប្រាក់ខែស្របតាមច្បាប់ឬទេ?
ថ្មីៗនេះ ប្រធានរដ្ឋសភា លោក ហេង សំរិន បានចេញសេចក្តីសម្រេចដាក់ទណ្ឌកម្មខាងវិន័យដល់តំណាងរាស្ត្រគណបក្សសង្គ្រោះជាតិ មណ្ឌលសៀមរាប លោក អ៊ុំ សំអាន ដោយព្យួរការងារមិនឲ្យចូលប្រជុំសភា និងកាត់ប្រាក់ខែ ដោយចោទថា តំណាងរាស្ត្ររូបនេះបានប្រព្រឹត្តខុសបទបញ្ជាផ្ទៃក្នុងរដ្ឋសភា ដោយសម្ដែងមតិប៉ះពាល់កិត្យានុភាពរបស់រដ្ឋសភា និងការប្រមាថប្រធានរដ្ឋសភា។ លោក ជីវិតា មានសេចក្តីរាយការណ៍មួយពិនិត្យមើលជុំវិញភាពស្របច្បាប់នៃការដាក់ទណ្ឌកម្មនេះ៖ មន្ត្រីសង្គមស៊ីវិលដែលឃ្លាំមើលដំណើរការប្រព្រឹត្តទៅនៃការងាររបស់តំណាងរាស្ត្រ ឲ្យដឹងថា ការដាក់ទណ្ឌកម្មខាងវិន័យលើតំណាងរាស្ត្រមណ្ឌលសៀមរាប លោក អ៊ុំ សំអាន មិនឲ្យចូលប្រជុំសភាពេញអង្គ ១៥ដង និងកាត់ប្រាក់ខែ ៥០% ចំនួន ២ខែ គឺជាការរំលោភលើបទបញ្ជាផ្ទៃក្នុងរដ្ឋសភា និងរដ្ឋធម្មនុញ្ញកម្ពុជា។
-
លោកនាយករដ្ឋមន្រ្តី ឲ្យសមត្ថកិច្ចចាប់ស្រ្តីដែលវាយទៅលើប្រជាពលរដ្ឋនិងឲ្យតំណាំងរាស្ត្រដែលត្រូវបានចោទប្រកាន់ចូលបំភ្លឺនៅពេលតុលាការកោះហៅ
រាជធានីភ្នំពេញ៖ លោកនាយករដ្ឋមន្រ្តី ហ៊ុន សែន ថ្លែងនៅក្នុងពិធីបើកសម្ភោធស្ពានមិត្តភាពកម្ពុជានិងចិននៅក្នុងក្រុងតាខ្មៅខេត្តកណ្តាលកាលពីថ្ងៃចន្ទលោកនាយករដ្ឋមន្ត្រីបានឲ្យដឹងថា លោកបានណែនាំនិងប្រាប់ដល់មន្ត្រីបន្តការស្វែងរកមនុស្សដែលមានវត្តមាននៅក្នុងការតវ៉ារបស់គណបក្សសង្គ្រោះជាតិដែលបានប្រែក្លាយជាអំពើហិង្សានៅទីលានប្រជាធិបតេយ្យកាលពីថ្ងៃទី១៥ ខែកក្កដា ឆ្នាំ២០១៤។ លោកបានមានប្រសាសន៍ថា ត្រូវបន្តការចាប់ខ្លួនពួកគេទាំងអស់ដើម្បីយកមកកាត់ទោស តាមផ្លូវច្បាប់ហើយនិងពិសេសស្ត្រីម្នាក់ដែលបានវាយនិងទាត់ប្រជាជននិងសូមឲ្យ អ្នកតំណាងរាស្ត្រគណបក្សសង្គ្រោះជាតិប្រាំពីរដែលបានមានវត្តមាននៅទីលានប្រជាធិបតេយ្យឲ្យទៅបញ្ហាខ្លួននៅតុលាការពេលដែលតុលាកោះហៅហើយវាមិនមែនជាការគំរាមកំហែងទេ។ លោកនាយករដ្ឋមន្រ្តីធ្លាប់លើកឡើងថាទោះបីជាពួកគេមានអភ័យឯកសិទ្ធក៏អាចប្រឈម មុខនឹងការដាក់ពន្ធនាធាគារពីព្រោះពួកគេទទួលអភ័យឯកសិទ្ធបន្ទាប់ពីពួកត្រូវបានចោទប្រកាន់។
-
អាដហុកស្នើឲ្យសហគមអឺរ៉ុបគាំទ្រខ្លួនបន្ថែមទៀតក្នុងការការពារសិទ្ធិមនុស្ស
សមាគមការពារសិទ្ធិមនុស្សអាដហុក ស្នើឲ្យសហគមអឺរ៉ុបជួយគាំទ្រខ្លួនបន្ថែមទៀត តាមរយៈយន្តការអ្នកការពារសិទ្ធិមនុស្សរបស់សហគមអឺរ៉ុបនេះ ដោយអាដហុកបានលើកឡើងពីផលលំបាករបស់ខ្លួន ក្នុងការបំពេញការងារការពារសិទ្ធិមនុស្សក្នុងប្រទេសកម្ពុជា។ ប្រធានសមាគមអាដហុក លោក ធន សារាយ ថ្លែងបន្ទាប់ពីជំនួបជាមួយតំណាងសហគមអឺរ៉ុប នៅសមាគមរបស់លោក នៅព្រឹកថ្ងៃអង្គារនេះថា សមាគមអាដហុកជួបការគំរាមកំហែងជាបន្តបន្ទាប់សម្រាប់សកម្មភាពការពារសិទ្ធិមនុស្សនៅកម្ពុជា។ លោកបញ្ជាក់ថា នៅពេលថ្មីៗនេះទៀត ប្រធានផ្នែកស៊ើបអង្កេតរបស់អាដហុក លោក នី ចរិយា ត្រូវបានចៅក្រមស៊ើបសួរ និងព្រះរាជអាជ្ញារងខេត្តសៀមរាប ប្តឹងលោកពីបទបរិហារបង្កាច់កេរិ៍្ត បរិហាកេរ្តិ៍ជាសាធារណៈ និងបទផ្សព្វផ្សាយនូវការអត្ថាធិប្បាយ ដែលលោកថាដើម្បីដាក់សម្ពាធលើយុត្តាធិការ។