កំពុងស្វែងរកទិន្នន័យ
រកឃើញ: 12.457
-
HRW អំពាវនាវឲ្យអាជ្ញាធរទម្លាក់ការចោទប្រកាន់លើមន្ត្រីសិទ្ធិមនុស្សល្បីឈ្មោះមួយរូប
អង្គការឃ្លាំមើលសិទ្ធិមនុស្ស (Human Rights Watch)ជំរុញឲ្យអាជ្ញាធរកម្ពុជាទម្លាក់ចោលរាល់ការចោទប្រកាន់លើប្រធានផ្នែកស៊ើបអង្កេតនៃសមាគមការពារសិទ្ធិមនុស្សអាដហុក លោក នី ចរិយា។ លោក នី ចរិយា ត្រូវបានចៅក្រមស៊ើបសួរ និងព្រះរាជអាជ្ញារងខេត្តសៀមរាប ប្តឹងលោកពីបទបរិហារបង្កាច់កេរិ៍្ត បរិហាកេរ្តិ៍ជាសាធារណៈ និងបទផ្សព្វផ្សាយនូវការអត្ថាធិប្បាយដើម្បីដាក់សម្ពាធលើយុត្តាធិការ។ សេចក្ដីថ្លែងការណ៍របស់អង្គការឃ្លាំមើលសិទ្ធិមនុស្ស (Human Rights Watch) ចេញផ្សាយនៅថ្ងៃទី២៩ ខែកក្កដា បានអំពាវនាវឲ្យអាជ្ញាធរទម្លាក់រាល់ការចោទប្រកាន់ទាំងអស់លើលោក នី ចរិយា ដោយអង្គការនេះលើកឡើងថា ប្រជាពលរដ្ឋមានសេរីភាពក្នុងការបញ្ចេញមតិ ហើយសេរីភាពនេះគឺរាប់បញ្ចូលទាំងសិទ្ធិក្នុងការរិះគន់ប្រព័ន្ធតុលាការ។ អង្គការឃ្លាំមើលសិទ្ធិមនុស្សបានលើកឡើងថា ក្រោមបទចោទទាំង៣ខាងលើ លោក នី ចរិយា អាចនឹងមានទោសដល់ជាប់ពន្ធនាគារ១ឆ្នាំកន្លះ និងការផាកពិន័យផ្សេងទៀត។
-
ពលការិនីខ្មែរ២នាក់ដែលរងគ្រោះនៅម៉ាឡេស៊ី នឹងវិលមកដល់កម្ពុជាវិញ នារសៀលថ្ងៃ៣១កក្កដា
រាជធានីភ្នំពេញ៖ ពលការិនីខ្មែររងគ្រោះចំនួន ២នាក់ ត្រូវបានស្ថានឯកអគ្គរាជទូតកម្ពុជា ប្រចាំនៅប្រទេសម៉ាឡេសុី ជួយសង្គ្រោះពីប្រទេសប្រទេសម៉ាឡេសុី បន្ទាប់ពីរងការចាញ់បោករបស់មេខ្យល់នាំទៅបំរើការងារតាមផ្ចះ។ លោក ជុំ សុន្ទរី អ្នកនាំពាក្យក្រសួងការបរទេសកម្ពុជា បានថ្លែងកាលពីរសៀលថ្ងៃទី២៦កក្កដា ឲ្យដឹងថា ស្ថានឯកអគ្គរាជទូតកម្ពុជា ប្រចាំនៅប្រទេសម៉ាឡេសុី បានសហការជាមួយអាជ្ញាធរម៉ាឡេសុី ជួយសង្គ្រោះពលការិនីខ្មែរទាំងពីរនាក់នោះ មានឈ្មោះ ទី១-អ៊ុយ មុំ មានស្រុកកំណើត នៅភូមិត្រពាំងព្រេជ ស្រុកបាទី ខេត្តតាកែវ ។ទី២-ឈ្មោះ សុខ សំអុល មានស្រុកកំណើត នៅភូមិមេសរប្រច័ណ ឃុំមេសរប្រច័ណ ស្រុកមេសាង ខេត្តព្រៃវែង ។
-
អាដហុកនិងលីកាដូអំពាវនាវឲ្យក្រុមប្រឹក្សាធម្មនុញ្ញបដិសេធសេចក្តីព្រាងច្បាប់អង្គការ
សមាគមអាដហុកនិងអង្គការលីកាដូ បានអំពាវនាវដល់ក្រុមប្រឹក្សាធម្មនុញ្ញបដិសេធសេចក្តីព្រាងច្បាប់ស្តីពីសមាគមនិងអង្គការមិនមែនរដ្ឋាភិបាល ដោយចាត់ទុកថាសេចក្តីព្រាងនេះមិនស្របតាមរដ្ឋធម្មនុញ្ញកម្ពុជា។ សេចក្តីថ្លែងការណ៍របស់អង្គការសិទ្ធិមនុស្សទាំងពីរចេញផ្សាយនៅថ្ងៃព្រហស្បតិ៍នេះឲ្យដឹងថាសេចក្តីព្រាងច្បាប់នេះមានមាត្រាជាច្រើនរំលោភសិទិ្ធនិងសេរីភាពនានារបស់ពលរដ្ឋកម្ពុជាដែលត្រូវបានធានាដោយរដ្ឋធម្មនុញ្ញ។ សេចក្តីថ្លែងការណ៍បន្តថាសេចក្តីព្រាងច្បាប់នេះត្រូវបានអនុម័តដោយរដ្ឋសភាជាតិដែលមានវត្តមានតែសមាជិកតំណាងរាស្ត្រមកពីគណបក្សកាន់អំណាច។ អង្គការទាំងពីរបញ្ជាក់ថាមាត្រាមួយចំនួននឹងប៉ះពាល់ជាអវិជ្ជមានដល់សេរីភាពក្នុងការជួបជុំដោយអហិង្សានិងការបង្កើតសមាគមនៅក្នុងប្រទេសកម្ពុជា។ អង្គការបញ្ជាក់ថាមាត្រា២៤នៃសេចក្តីព្រាងច្បាប់ដែលបានបញ្ញត្តនូវលក្ខខណ្ឌអព្យាក្រឹតភាពនយោបាយនឹងប៉ះពាល់អវិជ្ជមានដល់សេរីភាពនៃការបញ្ចេញមតិផងដែរ។
-
អង្គការលើកលែងទោសអន្តរជាតិអំពាវនាវឲ្យអាជ្ញាធរដោះលែងសកម្មជនបក្សប្រឆាំង
អង្គការលើកលែងទោសអន្តរជាតិ (Amnesty International) អំពាវនាវឲ្យអាជ្ញាធរកម្ពុជា ដោះលែងសកម្មជនគណបក្សសង្គ្រោះជាតិ ១១នាក់ ជាបន្ទាន់ ដែលត្រូវតុលាការកាត់ទោសឲ្យជាប់ពន្ធនាគារក្នុងម្នាក់ៗ ពី៧ ដល់ ២០ឆ្នាំ ពីបទចោទថា បានដឹកនាំ និងចូលរួមកុប្បកម្ម កាលពីថ្ងៃទី១៥ ខែកក្កដា ឆ្នាំ២០១៤។ ក្នុងសេចក្ដីប្រកាសព័ត៌មានមួយកាលពីថ្ងៃទី២៩ កក្កដា អង្គការអន្តរជាតិមួយនេះ គូសបញ្ជាក់ថា សវនាការកាត់ទោសមនុស្សទាំង ១១នាក់នោះ ធ្វើឡើងមិនយុត្តិធម៌ និងមិនត្រឹមត្រូវតាមច្បាប់កម្ពុជា និងច្បាប់អន្តរជាតិ ក្នុងនោះជនជាប់ចោទភាគច្រើន ថែមទាំងមិនមានមេធាវីទៀតផង។ អង្គការលើកលែងទោសអន្តរជាតិ ហៅសាលក្រមនេះ ជាសាលក្រមនយោបាយ។
-
ពលរដ្ឋមានជម្លោះដីធ្លីនៅថ្មដាចោទអាជ្ញាធរថាដាក់សម្ពាធបញ្ចប់ជម្លោះ
ពោធិ៍សាត់ៈ ពលរដ្ឋ ២៣ គ្រួសារដែលជាគ្រួសារទាហានសមាហរណកម្មរស់នៅក្នុងភូមិសង្គមថ្មី ឃុំថ្មដា ស្រុកវាលវែង ខេត្តពោធិ៍សាត់ ដែលមានជម្លោះដីធ្លីជាមួយក្រុមហ៊ុន MDS Import Export Co; Ltd របស់លោកឧកញ៉ាទ្រីភាពបានអះអាងថាអាជ្ញាធរនៅតែបន្តដាក់បន្ទុកមកលើប្រជាពលរដ្ឋបើទោះបីជាខ្លួនបានកំពុងព្យាយាមដើម្បីបញ្ចប់ជម្លោះដ៏រ៉ាំរ៉ៃនោះក៏ដោយ។ អ្នកស្រី ប្រាក់ សុផល អាយុ ៦០ ឆ្នាំ ដែលបានចូលរួមប្រជុំនៅសាលាខេត្តពោធិ៍សាត់ជាមួយអាជ្ញាធរខេត្តបានថ្លែងថាពលរដ្ឋចំនួន ៧ នាក់ក្នុងចំណោម ២៦ នាក់បានចូលផ្តល់ព័ត៌មានដើម្បីបំពេញសលាកប័ត្រព័ត៌មានបន្ទាប់ពីបានស្បថនៅខាងមុខខ្ទមអ្នកតាថាព័ត៌មានដែលបានផ្តល់ជូនអាជ្ញាធរខេត្តគឺជាព័ត៌មានពិត។ អ្នកស្រីថ្លែងថា៖ «នៅក្នុងការផ្តល់ព័ត៌មាននោះអាជ្ញាធរបែរជាដាក់បន្ទុកបទលើ្មសទៅលើពលរដ្ឋយើងទៅវិញដោយចោទថាកាន់កាប់ដីមិនគ្រប់អាយុគឺមានបទល្មើស។ តាមពិតទៅបច្ចុប្បន្នគ្នាមានអាយុ ២៨ ឆ្នាំទៅហើយ ហើយមានសៀវភៅគ្រួសាររស់នៅក្នុងភូមិ ឃុំនោះហើយមូលហេតុដែលនៅលើប្លង់ដីដែលធ្វើនៅឆ្នាំ ១៩៩៩ នោះគឺម្តាយជាអ្នកចែកមកឲ្យកូនជាអ្នកកាន់កាប់។ ចុះហេតុអីបានចោទគ្នាថាខុសទៅវិញ»។
-
បក្សប្រឆាំងស្នើឲ្យក្រុមប្រឹក្សាធម្មនុញ្ញត្រួតពិនិត្យធម្មនុញ្ញភាពនៃខ្លឹមសារច្បាប់អង្គការ
តំណាងរាស្ត្រ និងសមាជិកព្រឹទ្ធសភាបក្សប្រឆាំង ស្នើឲ្យក្រុមប្រឹក្សាធម្មនុញ្ញ ត្រួតពិនិត្យធម្មនុញ្ញភាពនៃខ្លឹមសារច្បាប់អង្គការ និងសមាគម ដែលរដ្ឋសភា និងព្រឹទ្ធសភា បានអនុម័តដ៏ចម្រូងចម្រាស កាលពីពេលថ្មីៗនេះ។ តំណាងរាស្ត្របក្សសង្គ្រោះជាតិ លោក សុន ឆ័យ និងសមាជិកព្រឹទ្ធសភាបក្ស សម រង្ស៊ី ២រូបទៀត នៅថ្ងៃទី៣០ កក្កដា បាននាំយកលិខិត១ច្បាប់ ដែលចុះហត្ថលេខាដោយក្រុមតំណាងរាស្ត្រ និងសមាជិកព្រឹទ្ធសភាបក្សប្រឆាំង ១៣រូប ដើម្បីស្នើឲ្យក្រុមប្រឹក្សាធម្មនុញ្ញ ត្រួតពិនិត្យធម្មនុញ្ញភាព នៃខ្លឹមសារច្បាប់អង្គការ និងសមាគមឡើងវិញ។
-
ក្រុមហ៊ុនសម្បទានដីសេដ្ឋកិច្ចប្រតិកម្មនឹងរដ្ឋាភិបាលដែលបន្ថយរយៈពេលវិនិយោគ
តំណាងក្រុមហ៊ុនសម្បទានដីសេដ្ឋកិច្ចមួយចំនួន ប្រតិកម្មចំពោះរដ្ឋាភិបាល ដែលសម្រេចកាត់បន្ថយរយៈពេលនៃការអនុវត្តគម្រោងវិនិយោគអភិវឌ្ឍន៍សម្បទានដីសេដ្ឋកិច្ចទាំងអស់ មកនៅ ៥០ឆ្នាំយ៉ាងយូរបំផុតនោះ។ ទន្ទឹមនឹងនេះ អ្នកស្រាវជ្រាវសង្គមយល់ឃើញថា ការសម្រេចរបស់រដ្ឋាភិបាលនេះ គឺមិនមែនជាដំណោះស្រាយល្អឡើយ ជាពិសេសអាចធ្វើឲ្យប៉ះពាល់ដល់ទំនុកចិត្តអ្នកវិនិយោគទៀតផង។ តំណាងក្រុមហ៊ុនសម្បទានដីសេដ្ឋកិច្ចមួយចំនួន ទាមទាររដ្ឋាភិបាលឲ្យរក្សាស្ថានភាពកិច្ចសន្យាដើមដដែល ចំពោះក្រុមហ៊ុនណាដែលបានចុះកិច្ចសន្យារួចហើយ ឬក៏អាចអនុវត្តសម្រាប់តែក្រុមហ៊ុនណាដែលមិនទាន់ចុះកិច្ចសន្យា។
-
ខេត្តសៀមរាបជាខេត្តមួយក្នុងចំណោមខេត្តបីដែលមានវិវាទដីធ្លីខ្ពស់ជាងគេ
សៀមរាប៖ របាយការណ៍របស់សមាគមអាដហុក បានបង្ហាញថា ខេត្តចំនួន៣ដែលមានអត្រាវិវាទដីធ្លីខ្ពស់ជាងគេនៅក្នងប្រទេសកម្ពុជា ក្នុងនោះមានខេត្តសៀមរាប ក្រចេះ និងព្រះវិហារ។ ខេត្តសៀមរាប គឺជាខេត្តទេសចរណ៍ដ៏មានសក្កានុពល តែពលរដ្ឋភាគច្រើនរស់នៅទីជនបទ ដែលបង្ហាញថា ភាគច្រើននៃពួកគេ គឺជាពលរដ្ឋក្រីក្រ។ យោងរបាយការណ៍រយៈពេល១៨ខែ ចាប់ពីឆ្នាំ២០១៤ ដល់ ឆ្នាំ២០១៥ របស់សមាគមសិទ្ធិមនុស្សអាដហុក បានបង្ហាញថា សៀមរាបគឺជាខេត្តមួយក្នុងចំណោមខេត្តបីដែលឈានមុខគេ លើវិវាទដីធ្លី។ យ៉ាងណាមិញ បើតាមការបញ្ជាក់របស់លោក ឡាត់ គី ប្រធានផ្នែកដីធ្លី ធនធានធម្មជាតិ និងសាលាក្តីខ្មែរក្រហមនៃសមាគមអាដហុក លោកមិនបានចាំតួលេខជាក់លាក់ថាមានប៉ុន្មានករណីនោះទេ ប៉ុន្តែអត្រាកើនឡើងនៃវិវាទដីធ្លីនៅក្នុងខេត្តមួយនេះ បានហក់ខ្ពស់ គួរឲ្យកត់សម្គាល់។
-
ក្រុមសហជីពអះអាងថា ច្បាប់សហជីពនឹងរឹតបណ្ដឹងសិទ្ធិសេរីភាពរបស់ពួកគេ
ក្រុមសហជីពអះអាងថា សេចក្ដីព្រាងច្បាប់សហជីពដែលរដ្ឋាភិបាលកម្ពុជាកំពុងតាក់តែង ដើម្បីបញ្ជូនទៅរដ្ឋសភាអនុម័តនៅចុងឆ្នាំនេះ នឹងរឹតបន្ដឹងសិទ្ធិសេរីភាព និងដំណើការការងាររបស់សហជីព។ ប្រធានសហភាពការងារកម្ពុជា លោក អាត់ ធន់ បានប្រាប់វីអូឌី(VOD) នៅថ្ងៃពុធនេះថា កាលពីម្សិលមិញ ក្រុមសហជីពមួយចំនួនបានចូលរួមប្រជុំត្រីភាគីជាមួយក្រសួងនិងនិយោជក ហើយក្រសួងបានបង្ហាញសេចក្ដីព្រាងច្បាប់ស្ដីពីសហជីពដល់អង្គប្រជុំបានពិនិត្យមើល។ លោកថា លោកមិនពេញចិត្តនឹងសេចក្ដីព្រាងច្បាប់នោះទេ ដោយលោកថា ច្បាប់នោះនឹងបំបិទសិទ្ធិសេរីភាពរបស់សហជីពក្នុងការអនុវត្តការងាររបស់ខ្លួន។ លោកបន្ដថា បើទោះបីជាក្រសួងការងារបានកែប្រែមាត្រាមួយចំនួន តាមការស្នើសុំរបស់សហជីពក៏ដោយ ប៉ុន្ដែលោកថា នៅមានមាត្រាមួយចំនួនទៀតនៅតែជាគំនាបដល់សិទ្ធិសេរីភាពរបស់សហជីព។
-
សង្គមស៊ីវិលមានជំនឿតិចតួចថា ឈូក បណ្ឌិត នឹងត្រូវនាំខ្លួនមកទទួលទោស
សង្គមស៊ីវិលដែលធ្វើការលើកកម្ពស់សិទ្ធិកម្មករ យល់ឃើញប្រហាក់ប្រហែលគ្នាថា ខ្មាន់កាំភ្លើងបាញ់កម្មករ អតីតអភិបាលក្រុងបាវិត ឈូក បណ្ឌិត នៅតែអាចរស់នៅក្រៅសំណាញ់ច្បាប់ បើវិធានការតាមចាប់ខ្លួន របស់រដ្ឋាភិបាល ធ្វើឡើងក្រោមហេតុផលនយោបាយ។ កាលពីថ្ងៃអង្គារម្សិលមិញ ក្រសួងមហាផ្ទៃបានស្នើឲ្យប៉ូលីសអន្តរជាតិ យ៉ាងតិច១៩០ប្រទេស សហការតាមចាប់ទណ្ឌិត ឈូក បណ្ឌិត មកទទួលទោសនៅកម្ពុជា តាមសាលដីការរបស់តុលាការ ដែលបានរកឃើញថា ទណ្ឌិតរូបនោះជាជនដៃដល់បាញ់កម្មករ៣នាក់ឲ្យរងរបួស នៅរោងចក្រកៅវ៉េ ខេត្តស្វាយរៀង កាលពីថ្ងៃទី២០ ខែកុម្ភៈ ឆ្នាំ២០១២។ ប្រធានកម្មវិធីសិទ្ធិការងារនៅមជ្ឈមណ្ឌលអប់រំច្បាប់សម្រាប់សហគមន៍ លោក មឿន តុលា លើកឡើងថា វិធានការ ប្រកាសឲ្យបណ្តាប្រទេសនានាជួយតាមចាប់ខ្លួន ឈូក បណ្ឌិត មកផ្តន្ទាទោសពេលនេះ លោកថា ជារបត់ថ្មីរបស់រដ្ឋាភិបាល បន្ទាប់ពីសង្គមស៊ីវិល បក្សប្រឆាំង សាធារណៈមតិតាមបណ្តាញសង្គម ពិសេសកម្មកររងគ្រោះផ្ទាល់ បានរកអន្តរាគមន៍ពីរដ្ឋសភា។
-
អាដហុករកឃើញថាខេត្តសៀមរាបមានទំនាស់ដីធ្លីច្រើនជាងគេ
សមាគមការពារសិទ្ធិមនុស្សអាដហុក (adhoc) បានរៀបចំសិក្ខាសាលាមួយ ដោយអញ្ជើញសហគមន៍ប្រជាពលរដ្ឋដែលមានជម្លោះដីធ្លីជាច្រើនកន្លែង ព្រមទាំងអាជ្ញាធរខេត្តសៀមរាប អាជ្ញាធរអប្សរា និងមន្ត្រីខណ្ឌរដ្ឋបាលព្រៃឈើមកចូលរួមផង កាលពីព្រឹកថ្ងៃពុធ ទី២៩ ខែកក្កដា។ សិក្ខាសាលាស្ដីពីការរួមគ្នាលើកស្ទួយសិទ្ធិដីធ្លី និងការអនុវត្តច្បាប់នេះ បានធ្វើឡើងនៅស្របពេលដែលអង្គការក្រៅរដ្ឋាភិបាល រកឃើញថា ខេត្តសៀមរាប កំពុងកើតមានទំនាស់ដីធ្លីច្រើនជាងគេក្នុងចំណោមខេត្តដទៃទៀតក្នុងប្រទេសកម្ពុជា។ មន្ត្រីផ្នែកគ្រប់គ្រងដីធ្លី និងធនធានធម្មជាតិ នៃសមាគមការពារសិទ្ធិមនុស្សអាដហុក អះអាងថា ពេលបច្ចុប្បន្ន ខេត្តសៀមរាប គឺជាខេត្តមួយដែលមានសំណុំរឿងវិវាទដីធ្លីច្រើនជាងគេក្នុងចំណោម ២៤ខេត្ត-ក្រុងផ្សេងទៀតនៅទូទាំងប្រទេស។ សមាគមការពារសិទ្ធិមនុស្សអាដហុក បានចាត់ទុកថា ករណីវិវាទដីធ្លីដែលមានចំនួនច្រើនដូចនេះ គឺជាចំណុចរសើបមួយដែលអាជ្ញាធរគួរតែដោះស្រាយ ដើម្បីកាត់បន្ថយបញ្ហា។
-
សហគមន៍មានជម្លោះដីធ្លីស្នើបន្តតំណែងអភិបាលខេត្តព្រះសីហនុលោក ឈិត សុខុន
ពលរដ្ឋមានទំនាស់ដីធ្លីចំនួន ១០សហគមន៍ក្នុងចំណោម ២០សហគមន៍ នាខេត្តព្រះសីហនុ បង្ហាញការគាំទ្រចំពោះសកម្មភាពការងាររបស់អាជ្ញាធរខេត្តក្នុងអាណត្តិទី៥ នេះ ថាមានដំណើរការល្អ។ បញ្ហានេះ ទាំងប្រជាសហគមន៍ និងមន្ត្រីសង្គមស៊ីវិលនាមូលដ្ឋាននេះ ក៏បានស្នើដល់ថ្នាក់ដឹកនាំក្រសួងមហាផ្ទៃ ពិសេសប្រមុខដឹកនាំរដ្ឋាភិបាល បន្តតំណែងដល់អភិបាលខេត្ត លោក ឈិត សុខុន រហូតចប់អាណត្តិទី៥ ឆ្នាំ២០១៨។ វាខុសប្លែកពីការដឹកនាំរបស់អភិបាលខេត្តព្រះសីហនុ ចំនួន ៤អាណត្តិកន្លងផុតទៅ ដែលប្រជាពលរដ្ឋ ឬមន្ត្រីសង្គមស៊ីវិលខេត្តនេះ បានរិះគន់ចំពោះសកម្មភាពការងារដឹកនាំមានលក្ខណៈហិង្សា បក្ខពួកនិយម ពុករលួយ និងមិនខ្វល់អំពីសុខទុក្ខពលរដ្ឋ ឬតែងប្រើហិង្សាបង្ខំបណ្ដេញពលរដ្ឋឲ្យចាកចេញពីដីកសិកម្ម និងដីសង់លំនៅឋាន ជាដើម។ ប៉ុន្តែសម្រាប់អាណត្តិទី៥ នេះ ដែល លោក ឈិត សុខុន មកកាន់តំណែងជាអភិបាលខេត្តព្រះសីហនុ បែរជាទទួលបានការគាំទ្រពីប្រជាពលរដ្ឋ ពិសេសមន្ត្រីសង្គមស៊ីវិល ដោយចាត់ទុករូបលោកថាដឹកនាំមូលដ្ឋាននេះអនុវត្តស្របតាមច្បាប់ និងបញ្ចៀសរាល់អំពើហិង្សាផ្សេងៗ។
-
រដ្ឋាភិបាលបន្ថយរយៈពេលនៃកិច្ចសន្យាសម្បទានដីសេដ្ឋកិច្ចមកត្រឹម៥០ឆ្នាំ
រដ្ឋាភិបាលសម្រេចថា កាត់បន្ថយរយៈពេលនៃគោលនយោបាយសម្បទានដីសេដ្ឋកិច្ចពីរយៈពេល ៩៩ឆ្នាំ មកនៅត្រឹម ៥០ឆ្នាំយ៉ាងយូរបំផុត។ ការកាត់បន្ថយនេះ បន្ទាប់ពីអ្នកស្រាវជ្រាវរកឃើញថា ការផ្ដល់សម្បទានដីសេដ្ឋកិច្ចពីរយៈពេល ៩៩ឆ្នាំនោះ បានហុចផលអវិជ្ជមានច្រើនជាងផលវិជ្ជមានដល់សេដ្ឋកិច្ច។ ចាប់ពីពេលនេះតទៅ ក្រុមហ៊ុនវិនិយោគសម្បទានដីសេដ្ឋកិច្ចទាំងអស់ មិនត្រូវបានអនុញ្ញាតឲ្យប្រតិបត្តិការគម្រោងរបស់ខ្លួនយូរជាង ៥០ឆ្នាំនោះទេ។ ការសម្រេចកែប្រែរយៈពេលនៃការអនុវត្តកិច្ចសន្យាគម្រោងវិនិយោគលើដីសម្បទាននេះ បានបញ្ជាក់នៅក្នុងសេចក្ដីប្រកាសព័ត៌មានរបស់ក្រសួងបរិស្ថាន ចុះថ្ងៃទី២៨ ខែកក្កដា។ មន្ត្រីស៊ើបអង្កេតនៃអង្គការលីកាដូ (Licadho) លោក អំ សំអាត សម្តែងការសាទរចំពោះការសម្រេចថ្មីនេះ ប៉ុន្តែលោកយល់ថា ការសម្រេចបែបនេះហ្នឹងប៉ះពាល់ដល់ក្រុមហ៊ុនវិនិយោគដែលប្រតិបត្តិការដោយស្របច្បាប់៖ «បើគ្មានការដោះដូរណាមួយ វាមិនអាចបន្ថយទៅបានទេ។ ខ្ញុំគិតថា ប្រហែលរដ្ឋាភិបាលគាត់គិតគូរទៅលើការផ្ដល់ការអនុគ្រោះពន្ធ ឬក៏បញ្ហាអីផ្សេងៗទៀតជាថ្នូរនឹងការកាត់បន្ថយដើម្បីជាការប៉ះប៉ូវ»។
-
រដ្ឋមន្ត្រីក្រសួងការងារ និងអង្គការ ILO ប្រជុំចង្អៀត ជាមួយក្រុមមេដឹកនាំសហជីព ពិនិត្យសេចក្តីព្រាងច្បាប់ ស្តីពី សហជីព
ភ្នំពេញ: នៅថ្ងៃទី២៨ ខែកក្កដានេះ លោក អ៊ិត សំហេង រដ្ឋមន្ត្រីក្រសួងការងារ និងបណ្តុះ បណ្តាលវិជ្ជាជីវៈ ដឹកនាំកិច្ចប្រជុំពិភាក្សាត្រីភាគីលើនៃសេចក្តីព្រាងច្បាប់ចុងក្រោយ ស្តីពីសហជីព ជាមួយមេដឹកនាំសហជីព នៅស្តីទីការក្រសួងការងារ និងបណ្តុះបណ្តាលវិជ្ជា។ កិច្ចប្រជុំនេះ បានធ្វើឡើង ខណៈដែលសេចក្តីព្រាងច្បាប់ ស្តីពី សហជីព កំពុងស្ថិតនៅក្នុងការតាក់តែងរបស់អន្តរក្រសួង។ កិច្ចពិភាក្សានោះ នៅថ្ងៃទី២៨ ខែកក្កដានេះ ត្រូវបានរៀបចំឡើងដោយអង្គការពលកម្មអន្តរជាតិ ( ILO ) បានដឹកនាំកិច្ចប្រជុំចង្អៀតជាមួយក្រុមមេដឹកនាំសហជីពធំៗ ពិភាក្សា និងផ្តល់អនុសាសន៍លើសេចក្តីព្រាងច្បាប់ ស្តីពី សហជីព។
-
លោក សែន សុផុន ចង់ឲ្យ នួន ជា-ខៀវ សំផន ឲ្យជាប់គុកមួយជីវិតក្នុងសំណុំរឿង០០២/២
លោក សែន សុផុន ដើមបណ្តឹងរដ្ឋប្បវេណីក្នុងសំណុំរឿង ០០២/០២ បានបញ្ចប់ការផ្តល់សក្ខីកម្មរបស់ខ្លួនហើយនៅព្រឹកថ្ងៃទី២៨ ខែកក្កដានេះ។ លោក ជាដើមបណ្តឹងទី១ ដែលត្រូវអង្គជំនុំជម្រះសាលាដំបូងកោះអញ្ជើញមកផ្តល់សក្ខីកម្ម ទាក់ទងនឹងនឹងអង្គហេតុការដ្ឋានការងារទំនប់ត្រពាំងថ្ម។ នៅចុងបញ្ចប់នៃការផ្តល់សក្ខីកម្មរបស់ខ្លួនលោក សែន សុផុន បានស្នើសុំឱ្យអង្គជំនុំជម្រះសាលាដំបូងដាក់ទោស ជនជាប់ចោទ នួន ជា និងខៀវ សំផន ឲ្យជាប់ពន្ធនាការអស់មួយជីវិត ដើម្បីជាការការទទួលខុសត្រូវរបស់ជនជាប់ចោទទាំងពីររួបដែលបានដឹកនាំប្រទេសបង្កវិនាសសកម្ម បង្កការស្លាប់បាត់ បង់ជីវិតរបស់ឪពុកម្តាយបងប្អូនរបស់លោក។
-
ស្ត្រីកម្ពុជាពីររូបត្រូវបានជួយសង្គ្រោះពីការរៀបការបោកប្រាស់នៅប្រទេសចិន
វ៉ាស៊ីនតោន—ស្រ្តីកម្ពុជាវ័យក្មេងចំនួនពីររូបទៀត នឹងវិលត្រឡប់មកដល់ប្រទេសកម្ពុជាវិញនៅថ្ងៃអង្គារនេះ បន្ទាប់ពីអាជ្ញាធរបានជួយអន្តរាគមន៍សង្គ្រោះចេញពីការបោកប្រាស់យកទៅរៀបការជាមួយនឹងបុរសជាតិចិន។ នេះបើតាមការបញ្ជាក់របស់ក្រសួងការបរទេសកម្ពុជា។ ស្ត្រីទាំងពីរនាក់មានឈ្មោះ វង់ ស្រីតូច អាយុ២៥ ឆ្នាំ រស់នៅភូមិពានភ្លើង ឃុំស្មោងខាងជើង ស្រុកកំចាយមារ ខេត្តព្រៃវែង និង ស្រ៊ុន មុំ អាយុ២៤ ឆ្នាំ រស់នៅភូមិកំពង់ប្រាំង ឃុំកំពង់ប្រាំង ស្រុកពារាំង ខេត្តព្រៃវែង។ ចាប់តាំងឆ្នាំ ២០១៤ រហូតមកទល់នឹងខែកក្កដាឆ្នាំ ២០១៥ នេះ មានស្ត្រីកម្ពុជាចំនួន ១០៧ នាក់ហើយដែលបានចាញ់បោកមេខ្យល់ទៅរៀបការជាមួយបុរសជនជាតិចិនហើយត្រូវបានជួយសង្គ្រោះឱ្យវិលត្រឡប់មកមាតុភូមិវិញ។ នេះបើតាមការបញ្ជាក់ឱ្យដឹងរបស់ក្រសួងការបរទេសកម្ពុជា។
-
ក្រុមប្រឹក្សាធម្មនុញ្ញបកស្រាយថាព្រឹទ្ធសភាអាចស្នើសុំធ្វើវិសោធនកម្មច្បាប់បាន
ក្រុមប្រឹក្សាធម្មនុញ្ញបានបកស្រាយទៅកាន់ព្រឹទ្ធសភាថាសមាជិកព្រឹទ្ធសភាអាចស្នើសុំធ្វើវិសោធនកម្មច្បាប់បានតាមមាត្រា៩១នៃរដ្ឋធម្មនុញ្ញកម្ពុជា។ ការបកស្រាយនេះជាការឆ្លើយតបនឹងប្រធានព្រឹទ្ធសភា លោក សាយ ឈុំ ដែលបានស្នើក្រុមប្រឹក្សាធម្មនុញ្ញឲ្យបកស្រាយមាត្រា៩១ថ្មីនៃរដ្ឋធម្មនុញ្ញ។ មាត្រា៩១ថ្មីចែងថាសមាជិកព្រឹទ្ធសភា សមាជិករដ្ឋសភា និងនាយករដ្ឋមន្ត្រី មានសិទ្ធិផ្ដួចផ្ដើមគំនិតធ្វើច្បាប់។ មាត្រាបន្តថាតំណាងរាស្ត្រ មានសិទ្ធិស្នើធ្វើវិសោធនកម្មច្បាប់ ប៉ុន្តែសំណើនេះមិនអាចទទួលយកបានទេ បើវិសោធនកម្មនោះសំដៅបន្ថយប្រាក់ចំណូលសាធារណៈឬបន្ថែមបន្ទុកលើប្រជាពលរដ្ឋ។ សេចក្តីសម្រេចរបស់ក្រុមប្រឹក្សាធម្មនុញ្ញចុះថ្ងៃទី២៧ខែកក្កដា ឆ្នាំ២០១៥ ឲ្យដឹងថា៖”សមាជិព្រឹទ្ធសភា១រូបឬច្រើនរូបមានសិទ្ធិផ្តួចផ្តើមគំនិតធ្វើសេចក្តីស្នើច្បាប់និងមានសិទ្ធិផ្តួចផ្តើមគំនិតធ្វើសេចក្តីស្នើច្បាប់ស្តីពីវិសោធនកម្មច្បាប់ណាមួយដែលកំពុងនៅជាធរមាន”។ ក្រុមប្រឹក្សាធម្មនុញ្ញបញ្ជាក់ថា៖”សមាជិកព្រឹទ្ធសភាមានសិទ្ធិស្នើធ្វើវិសោធនកម្មច្បាប់បាន”។
-
កម្មករប្រមាណ៧០០នាក់បន្តយកញត្តិសុំអន្តរាគមន៍ពីក្រសួងការងារនិងរដ្ឋសភា
នៅព្រឹកថ្ងៃទី២៨កក្កដានេះ បងប្អូនកម្មករកម្មការិនីនៃក្រុមហ៊ុនវ៉ៃហ្វ៊ុល ហ្គាមេន នៅស្រុកអង្គស្នួលខេត្តកណ្តាល ប្រមាណ៧០០នាក់ បាននាំគ្នាមករាជធានីភ្នំពេញ ដើម្បីយកញត្តិអន្តរាគមន៍ដាក់ជូនស្ថាប័នពាក់ព័ន្ធដូចជា ក្រសួងការងារ ខុទ្ទកាល័យនាយករដ្ឋមន្ត្រី រដ្ឋសភា ជួយអន្តរាគមន៍ដោះស្រាយ បន្ទាប់ពីពួកគាត់បានធ្វើកូដកម្មអស់រយៈពេលជាង១៥ថ្ងៃ ដោយមិនទាន់មានដំណោះស្រាយ។ លោកឡោ សុភ័ក្ត្រ អនុប្រធានសហព័ន្ធសហជីពសាមគ្គីការងារកម្ពុជាបានប្រាប់ដល់វិទ្យុវាយោថា កម្មករបានធ្វើដំណើរដោយរថយន្តចំនួនប្រាំគ្រឿង និងកង់បីមួយចំនួនធ្វើដំណើរតាមផ្លូវជាតិលេខ ៤តម្រង់មករាជធានីភ្នំពេញ ដើម្បីទាមទារនូវលក្ខខណ្ឌមួយចំនួន និងសុំឲ្យក្រុមហ៊ុនដែលលុបឈ្មោះកម្មករចូលរួមកូដកម្ម១០០នាក់ ចូលធ្វើការវិញធម្មតា។
-
របាយការណ៍អាមេរិកបង្ហាញថាកម្ពុជាមិនទាន់ធ្វើឲ្យប្រសើរការប្រឆាំងនឹងការជួញដូរមនុស្ស
របាយការណ៍របស់អាមេរិកប្រចាំឆ្នាំ២០១៥ ស្តីពីការជួញដូរមនុស្សបានដាក់កម្ពុជាក្នុងចំណាត់ថ្នាក់មួយដែលមិនទាន់គោរពតាមស្តង់ដារអប្បបរមានៃច្បាប់ការពារជនរងគ្រោះដោយការជួញដូរ(TVPA) ដោយលើកឡើងថាកម្ពុជានៅមានជនរងគ្រោះច្រើននៃការជួញដូរ។ របាយការណ៍របស់អាមេរិកចេញផ្សាយនៅថ្ងៃអង្គារនេះឲ្យដឹងថាកម្ពុជាជាប្រភពនិងកន្លែងដែលបុរស ស្រ្តី និងក្មេងបានរងគ្រោះនៃពលកម្មដោយបង្ខំនិងការជួញដូរមនុស្ស។ របាយការណ៍បន្តថា៖”គ្រប់ខេត្តរបស់កម្ពុជាទាំងអស់ជាប្រភពនៃការជួញដូរមនុស្ស”។ របាយការណ៍បានលើកឡើងពីការរំលោភសិទ្ធិមនុស្សលើបុរសខ្មែរដែលធ្វើការលើទូកនេសាទនៅប្រទេសថៃ ដោយពួកគេត្រូវបានបង្ខំឲ្យធ្វើការដូចទាសករ។ របាយការណ៍ក៏បានរៀបរាប់ពីការចំណាកស្រុករបស់មនុស្សពេញវ័យនិងក្មេងៗដែលងាយរងគ្រោះនឹងការរំលោភបំពានផ្លូវភេទនិងពលកម្មដោយបង្ខំជាដើម។ របាយការណ៍ក៏បានលើកឡើងពីស្រ្តីខ្មែរដែលរងគ្រោះដោយសារការចាញ់បោកទៅរៀបការជាមួយជនជាតិចិន។
-
លោក ហ៊ុន សែន ថា មិនចរចាជាមួយមេដឹកនាំCNRP រឿងឃុំខ្លួនសកម្មជន១១នាក់ឡើយ
លោកនាយករដ្ឋមន្ត្រី ហ៊ុន សែន បដិសេធថា លោកមិននិយាយជាមួយថ្នាក់ដឹកនាំគណបក្សសង្គ្រោះជាតិ ពីរឿងឃុំខ្លួនសកម្មជនទាំង១១នាក់ របស់គណបក្សនេះឡើយ។ លោក ហ៊ុន សែន បញ្ជាក់ថា រូបលោកគ្រាន់តែអាចផឹកទឹកតែនិងសួរសុខទុក្ខ ថ្នាក់ដឹកនាំគណបក្សសង្គ្រោះជាតិប៉ុណ្ណោះ តែបញ្ហាឃុំខ្លួនអ្នកទាំងនោះ ជាការសម្រេចរបស់តុលាការ មិនពាក់ព័ន្ធនឹងរូបលោកនោះទេ។ ប្រមុខរដ្ឋាភិបាលកម្ពុជា ក៏ជំរុញឲ្យគណបក្សសង្គ្រោះជាតិ ប្ដឹងទៅសាលាឧទ្ធរណ៍ដើម្បីដោះស្រាយបញ្ហាសកម្មជនខ្លួន ដែលជាវិធីល្អជាងជួបចចារជាមួយរូបលោក ។ ការលើកឡើងរបស់ លោក ហ៊ុន សែន បែបនេះ ធ្វើឡើងនៅក្នុងពិធីបុណ្យចម្រើនព្រះជន្ម ថ្វាយសម្តេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត សម្តេចព្រះសង្ឃនាយក នៅវត្តបទុមវត្តី រាជធានីភ្នំពេញ កាលពីថ្ងៃទី២៧ ខែកក្កដា ក្រោយពីលោក កឹម សុខា ប្រធានស្តីទីគណបក្សសង្គ្រោះជាតិ ថា លោកនឹងជំរុញឲ្យមានជំនួបរវាង លោក សម រង្ស៊ី និងលោក ហ៊ុនសែន ដើម្បីពិភាក្សាដោះលែង សកម្មជនទាំង១១នាក់ ។
គាំទ្រដោយ
