កំពុងស្វែងរកទិន្នន័យ
រកឃើញ: 12.457
-
សកម្មជនដីធ្លីឣាយុជិត៨០ឆ្នាំទើបបានកម្មសិទ្ធិដីបន្ទាប់ពីជាប់ពន្ធនាគារពីរដង
ស្ត្រីសកម្មជនដីធ្លី នៅតំបន់បឹងកក់ លោកយាយ ង៉ែត ឃុន អាយុ៧៦ឆ្នាំដែលតវ៉ាប្រឆាំងនឹងការបណ្តេញចេញជិត១០ឆ្នាំមកនោះ បានទទួលប័ណ្ណកម្មសិទ្ធិដីផ្ទះហើយ នៅថ្ងៃអង្គារនេះ បន្ទាប់ពីអាជ្ញាធររដ្ឋាភិបាល ចាប់គាត់ដាក់ពន្ធនាគារយ៉ាងតិចពីរដង។ ស្ត្រីវ័យ៧៦ឆ្នាំរូបនោះ ក្រៅពីជាប់ពន្ធនាគារព្រៃសពីរដងនោះ គាត់ធ្លាប់បានរងរបួសច្រើនលើកទៀត ពេលអាជ្ញាធរបង្ក្រាបក្រុមអ្នកតវ៉ា ទាមទារសិទ្ធិរស់នៅស្របច្បាប់ក្នុងសហគមន៍របស់ខ្លួន។ អភិបាលខណ្ឌដូនពេញ លោក គួច ចំរើន និងមន្ត្រីមួយចំនួនទៀតរបស់សាលារាជធានីភ្នំពេញ បានចុះទៅដល់ផ្ទះលោកយាយ ង៉ែត ឃុន នៅភូមិ២២ តំបន់បឹងកក់ សង្កាត់ស្រះចក ដោយបានប្រគល់ប័ណ្ណកម្មសិទ្ធិឲ្យប្រើប្រាស់ជាផ្លូវការ និងបានថតរូបជាមួយស្រី្តវ័យចំណាស់រូបនោះទុកជាអនុស្សាវរីយ៍ទៀតផង។ ដីផ្ទះរបស់លោកយាយ ង៉ែត ឃុន មានទំហំ៨គុណ១៨ម៉ែត្រ។ បើតាមអ្នកស្រី ទេព វន្នី អ្នកតវ៉ាប្រឆាំងនឹងការបណ្តេញចេញ ប្រមាណជា៧០០គ្រួសារ ទទួលបានប័ណ្ណកម្មសិទ្ធិចំនួន៦៥៥គ្រួសារហើយ តែនៅសល់៣០គ្រួសារទៀត។
-
សេចក្តីព្រាងច្បាប់ សហជីពសម្រេចបាន៩០ភាគរយហើយ ខណៈសហជីពបារម្ភពីសេរីភាពខ្លួន
រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោក អិត សំហេង បានបញ្ជាក់ថា សេចក្ដីព្រាងច្បាប់ស្ដីពី សហជីព ដែលរដ្ឋាភិបាលកំពុងរៀបចំនាពេលនេះ សម្រេចបានចំនួន៩០ ភាគរយហើយ ។ លោកថា សេចក្ដីព្រាងច្បាប់នេះ នឹងទៅដល់ដៃរដ្ឋសភា ដើម្បីត្រួតពិនិត្យ និងអនុម័ត យ៉ាងយូនៅចុងឆ្នាំ២០១៥នេះ។ ការបញ្ជាក់របស់លោក អ៊ិត សំហេង ក្រោយកិច្ចប្រជុំត្រីភាគីលើលទ្ធផលចុងក្រោយ នៃសេចក្តី ព្រាងច្បាប់នេះ នៅព្រឹកថ្ងៃទី២៨ កក្កដា នាទីស្តីការក្រសួង។ មេដឹកនាំសហជីពដែលបានចូលរួមប្រជុំ អះអាងថា ចំណុចមួយចំនួននៃសេចក្ដីព្រាងច្បាប់នេះ បានកែសម្រួលហើយ តែចំណុចខ្លះទៀត នៅតែរិតត្បិត។ សេចក្ដីព្រាងច្បាប់ សហជីព ដ៏ចម្រូងចម្រាស ដែលរដ្ឋាភិបាលអះអាងថា បង្កើតឡើងក្នុងគោលបំណងការពារនិងលើកស្ទួយសិទ្ធិសហជីព និងអង្គការវិជ្ជាជីវៈនៅកម្ពុជានោះ ត្រូវបានលើកយកមកពិភាក្សាគ្នាត្រីភាគី នៅក្រសួងការងារ។ លោក អិត សំហេង រដ្ឋមន្ត្រីក្រសួងការងារ បានបញ្ជាក់ថា រូបលោកនឹងខិតខំឲ្យមានការព្រមព្រៀងគ្នាពីគ្រប់ភាគី និងកាត់បន្ថយគម្លាតមតិជំទាស់ឲ្យបានច្រើនជាអតិបរមា ដើម្បីឲ្យច្បាប់សហជីពមួយនេះ បង្កើតចេញអាចទទួលយកបានគ្រប់ភាគីទាំងអស់។ បើតាមលោក អិត សំហេងសេចក្ដីព្រាងច្បាប់ស្ដីពី សហជីព ដែលរដ្ឋាភិបាលកំពុងរៀបចំនាពេលនេះ សម្រេចបានចំនួន៩០ ភាគរយហើយ ។
-
អង្គការលើកលែងទោសអន្តរជាតិស្នើព្រះមហាក្សត្របដិសេធសេចក្ដីព្រាងច្បាប់អង្គការ
អង្គការលើកលែងទោសអន្តរជាតិ(Amnesty International)បានទទូចឲ្យព្រះមហាក្សត្រកម្ពុជា ព្រះបាទនរោត្ដម សីហមុនី បដិសេធការចុះព្រះហស្ថលេខាលើសេចក្ដីព្រាងច្បាប់សមាគមនិងអង្គការមិនមែនរដ្ឋាភិបាល ដោយចាត់ទុកថាច្បាប់នេះនឹងរឹតត្បិតសិទ្ធិសេរីភាពរបស់ប្រជាពលរដ្ឋ។ កាលពីថ្ងៃទី២៤ខែកក្កដា ព្រឹទ្ធសភាកម្ពុជាបានឯកភាពទាំងស្រុងលើសេចក្តីព្រាងច្បាប់សមាគមនិងអង្គការក្រៅរដ្ឋាភិបាល ដោយមិនមានសំឡេងសមាជិកមកពីគណបក្សសម រង្ស៊ី។ កាលពីថ្ងៃទី១៣ ខែកក្កដា សេចក្តីព្រាងច្បាប់គ្រប់គ្រងអង្គការត្រូវបានរដ្ឋសភាអនុម័តដែលមានតែតំណាងរាស្រ្តគណបក្សប្រជាជនកម្ពុជា៦៨រូប ដោយតំណាងរាស្រ្តគណបក្សប្រឆាំងធ្វើពហិការមិនចូលរួមអនុម័តច្បាប់មួយនេះ។ លិខិតរបស់អង្គការលើកលែងទោសអន្ដរជាតិដាក់ថ្វាយព្រះមហាក្សត្រកាលពីពេលថ្មីៗនេះឲ្យដឹងថាព្រះមហាក្សត្រជាអ្នកការពារសិទ្ធិនិងសេរីភាពរបស់ប្រជាពលរដ្ឋ។ លិខិតនោះបានបញ្ជាក់ថា៖“ប្រសិនបើវាក្លាយជាច្បាប់មែន ច្បាប់នេះនឹងរំលោភសិទ្ធិនិងសេរីភាពរបស់ប្រជាជនទូទាំងប្រទេសកម្ពុជានិងដាក់ប្រទេសកម្ពុជាក្នុងការរំលោភលើសន្ធិសញ្ញាអន្តរជាតិដែលកម្ពុជាជាភាគីមួយ”។
-
ក្រសួងការងារដឹកនាំកិច្ចប្រជុំត្រីភាគីពិនិត្យលើសេចក្តីព្រាងច្បាប់ចុងក្រោយ ស្តីពីសហជីព
រាជធានីភ្នំពេញ៖ ក្រសួងការងារ និង បណ្តុះបណ្តាលវិជ្ជាជីវៈ បានដឹកនាំកិច្ចប្រជុំពិភាក្សាត្រីភាគីនៃសេចក្តីព្រាងច្បាប់ស្តីពីសហជីព ជាមួយមេដឹកនាំសហជីព។កិច្ចប្រជុំនេះបានធ្វើឡើងក្នុងពេលដែលសេចក្តីព្រាងច្បាប់ស្តីពី សហជីព កំពុងស្ថិតនៅក្នុងការតាក់តែងរបស់អន្តរក្រសួង។ កិច្ចប្រជុំត្រីភាគីនេះបាននិងកំពុងប្រព្រឹត្តទៅនៅទីស្តីការក្រសួងការងារ នាព្រឹកថ្ងៃទី២៨ កក្កដា ក្រោមអធិបតីភាព លោក អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ។ កិច្ចពិភាក្សានៅថ្ងៃនេះ ត្រូវបានរៀបចំឡើងដោយអង្គការពលកម្មអន្តរជាតិ ( ILO ) បានដឹកនាំកិច្ចប្រជុំជាមួយក្រុមមេដឹកនាំសហជីពធំៗ ពិភាក្សា និងផ្តល់អនុសាសន៍លើសេចក្តីព្រាងច្បាប់ ស្តីពីសហជីព។
-
ស្ត្រីខ្មែររងគ្រោះនៅចិនចំនួន៤៨នាក់ ត្រូវបានជួយសង្គ្រោះនិងបញ្ជូនមកកម្ពុជាវិញ
ស្ត្រីខ្មែររងគ្រោះ២នាក់ទៀត ដែលត្រូវបានមេខ្យល់នាំយកទៅរៀបការជាមួយបុរសជនជាតិចិន ត្រូវបានស្ថានអគ្គកុងស៊ុលកម្ពុជា ប្រចាំទីក្រុងក្វាងចូវ ប្រទេសចិនបានអន្តរាគមន៍ជួយសង្គ្រោះ។ ពួកគេ នឹងធ្វើមាតុភូមិនិវត្តន៍មកដល់កម្ពុជាវិញ នៅម៉ោង៣រសៀលថ្ងៃទី២៨ខែកក្កដាស្អែកនេះ នាអាកាសយានដ្ឋានអន្តរជាតិទីក្រុងសៀមរាប។ លោក ជុំ សុន្ទរីអ្នកនាំពាក្យក្រសួងការបរទេស បានបញ្ជាក់ពីព័ត៌មាននេះ។ បើតាមអ្នកនាំពាក្យដដែល ស្ត្រីខ្មែរទាំងពីរនោះ មានឈ្មោះ វង់ ស្រីតូច អាយុ២៥ឆ្នាំ រស់នៅភូមិពានភ្លើងឃុំស្មោងខាងជើង ស្រុកកំចាយមារ ខេត្តព្រៃវែង និងម្នាក់ទៀត ស្រ៊ុន មុំ អាយុ ២៤ឆ្នាំ រស់នៅភូមិកំពង់ប្រាំង ឃុំកំពង់ប្រាំង ស្រុកពារាំងខេត្តព្រៃវែង។
-
កម្មការិនីរបួសជំរុញជាថ្មីឲ្យរដ្ឋាភិបាលដាក់ទោសឈូក បណ្ឌិត តាមអំណាចសាលដីកា
កម្មការិនីដែលរងរបួសក្នុងការបាញ់ប្រហារនៅខេត្តស្វាយរៀងរកអន្តរាគមន៍ពីរដ្ឋសភាដើម្បីឲ្យជំរុញឲ្យរដ្ឋាភិបាលតាមចាប់ខ្លួនខ្មាន់កាំភ្លើង ឈូក បណ្ឌិត មកផ្តន្ទាទោស ខណៈតុលាការគ្រប់ជាន់ថ្នាក់បានផ្តន្ទាទោសអតីតអភិ បាលក្រុងរូប នោះជាច្រើនឆ្នាំហើយ តែសមត្ថកិច្ចនៅមិនទាន់ចាប់ខ្លួនបាន។ ការរកអន្តរាគមន៍ជាថ្មីរបស់ស្ត្រីរងរបួស មានឈ្មោះ កែវ នា ប៊ុន ចិន្តា និងនុត សុខន នៅថ្ងៃទី២៧ខែកក្កដា ឆ្នាំ២០១៥នេះ ធ្វើឡើងបន្ទាប់ពីរដ្ឋមន្ត្រីក្រសួងមហាផ្ទៃ លោក ស ខេង និងលោកនាយករដ្ឋមន្ត្រី ហ៊ុន សែន គំរាមជាសាធារណៈឲ្យសមត្ថកិច្ចចាត់វិធានការផ្លូវច្បាប់លើលោកឧកញ៉ា សុខ ប៊ុន ករណីប្រើហិង្សា ទៅលើ កញ្ញាសាសា ជាពិធីការនីទូរទស្សន៍ស៊ីធីអ៊ិន។ ប៉ុន្តែលោកមិនបានបញ្ជាឲ្យចាប់ខ្លួនទណ្ឌិត ឈូក បណ្ឌិត នៅឡើយ។ ក្រោយដាក់ញត្តិទៅរដ្ឋសភា កម្មការិនីដែលរបួសមិនទាន់សះជាផងនោះអះអាងប្រហាក់ប្រហែលគ្នាថាកញ្ញាសាសាដែលមានឪពុក ជាឧកញ៉ាបានទទួលយុត្តិធម៌ ត្រឹមរយៈពេលមួយសប្តាហ៍ប៉ុណ្ណោះ ក្រោយពីមានការអន្តរាគមន៍ពីថ្នាក់ដឹកនាំកំពូលៗ ប៉ុន្តែថាពួកគេ ដែលក្រីក្របានរងគ្រោះដោយគ្រាប់កាំភ្លើងរបស់អ្នកមានអំណាចជិត៤ឆ្នាំមកហើយ នៅតែមិនទទួលបានយុត្តិធម៌ បើទោះតុលាការចេញសាលដីកាឲ្យតាមចាប់ឈូក បណ្ឌិត មកអនុវត្តទោសក៏ដោយ។
-
សមកម្មជនគណបក្សសង្គ្រោះជាតិ ទាំង ១១ នាក់ សំរេចប្តឹងឧទ្ធរណ៍ ជំទាស់សាលក្រម
ភ្នំពេញ: សកម្មជនគណបក្សសង្គ្រោះជាតិ ទាំង ១១ នាក់ ដែលកំពុងជាប់ពន្ធនាគារព្រៃស នៅថ្ងៃទី២៧កក្កដានេះ បានសម្រេចប្តឹងឧទ្ធរណ៍ ជំទាស់នឹងសាលក្រមផ្តន្ទាទោស ពាក់ព័ន្ធនឹងសំណុំរឿងបាតុកម្មរំដោះទីលានប្រជាធិបតេយ្យ កាលពីថ្ងៃទី១៥ ខែកក្កដា ឆ្នាំ២០១៤។ សេចក្តីសម្រេចរបស់សកម្មជនគណបក្សសង្គ្រោះជាតិដូច្នេះ បានធ្វើឡើង ខណៈដែលលោកកឹមសុខា និងថ្នាក់ដឹកនាំគណបក្សសង្គ្រោះជាតិ ចូលជួប កាលពីព្រឹកថ្ងៃទី២៧កក្កដានេះ។ សកម្មជនគណបក្សសង្គ្រោះជាតិ រួមទាំងលោក មាជ សុវណ្ណារ៉ា សរុប ១១ នាក់ ត្រូវបានតុលាការសាលាដំបូងរាជធានីភ្នំពេញ សម្រេចផ្តន្ទាទោស ដាក់ពន្ធនាគារ ចន្លោះពី ៧ ឆ្នាំ ទៅ ២០ ឆ្នាំ ក្នុងសំណុំរឿងធ្វើបាតុកម្ម រំដោះទីលានប្រជាធិបតេយ្យ កាលពីថ្ងៃទី១៥ ខែកក្កដា ឆ្នាំ២០១៥។ បាតុកម្មនោះ នាំឲ្យមានការប៉ះទង្គិចរវាងបាតុករ និងក្រុមសន្តិសុខសាលាខណ្ឌដូនពេញ បណ្តាលឲ្យរបួសសរុបជិត ៥០ នាក់៕
-
កម្មការិនីរបួសជំរុញជាថ្មីឲ្យរដ្ឋាភិបាលដាក់ទោស ឈូក បណ្ឌិត តាមអំណាចសាលដីកា
កម្មការនីដែលរងរបួសក្នុងការបាញ់ប្រហារ នៅខេត្តស្វាយរៀង រកអន្តរាគមន៍ពីរដ្ឋសភាដើម្បីឲ្យជំរុញឲ្យរដ្ឋាភិបាលតាមចាប់ខ្លួនខ្មាន់កាំភ្លើង ឈូក បណ្ឌិត មកផ្តន្ទាទោស ខណៈតុលាការគ្រប់ជាន់ថ្នាក់បានផ្តន្ទាទោស អតីតអភិបាលក្រុងរូបនោះជាច្រើនឆ្នាំហើយ តែសមត្ថកិច្ចនៅមិនទាន់ចាប់ខ្លួនបាន។ ការរកអន្តរាគមន៍ជាថ្មីរបស់ស្ត្រីរងរបួស មានឈ្មោះ កែវ នា, ប៊ុន ចិន្តា និងនុត សុខន នៅថ្ងៃទី២៧ ខែកក្កដា ឆ្នាំនេះ ធ្វើឡើងបន្ទាប់ពីរដ្ឋមន្ត្រីក្រសួងមហាផ្ទៃ លោក ស ខេង និងលោកនាយករដ្ឋមន្ត្រី ហ៊ុន សែន គំរាមជាសាធារណៈ ឲ្យសមត្ថកិច្ចចាត់វិធានការផ្លូវច្បាប់លើលោកឧកញ៉ា សុខ ប៊ុន ករណីប្រើហិង្សា ទៅលើកញ្ញា សាសា ជាពិធីការនីទូរទស្សន៍ CTN។ ប៉ុន្តែលោកមិនបានបញ្ជាឲ្យចាប់ខ្លួនទណ្ឌិត ឈូក បណ្ឌិត នៅឡើយ។
-
HRW ចាត់ទុកការកាត់ទោសសកម្មជនបក្សប្រឆាំង១១នាក់ថាជាសាលក្រមនយោបាយ
កាលពីថ្ងៃទី២២ ខែកក្កដា ឆ្នាំ២០១៥ អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch = HRW) បានចេញសេចក្តីថ្លែងការណ៍ថ្កោលទោសសាលក្រមសាលាដំបូងរាជធានីភ្នំពេញ ដែលបានកាត់ទោសឲ្យសកម្មជនគណបក្សប្រឆាំងចំនួន ១១រូប ជាប់ពន្ធនាគារ ដែលក្នុងនោះ ៣នាក់ជាប់រហូតដល់ ២ទសវត្សរ៍ ពីបទចូលរួម និងដឹកនាំកុប្បកម្ម បង្កហិង្សានៅស្ពាននាគក្បែរទីលានប្រជាធិបតេយ្យ កាលពីថ្ងៃទី១៥ ខែកក្កដា ឆ្នាំ២០១៤។ អង្គការឃ្លាំមើលសិទ្ធិមនុស្សលើពិភពលោកមួយនេះ ហៅសេចក្តីសម្រេចចេញដោយក្រុមចៅក្រមជំនុំជម្រះដឹកនាំដោយ លោក លឹម មករន្ទ កាលពីថ្ងៃទី២១ ខែកក្កដា ឆ្នាំ២០១៥ នោះ ថាជាសាលក្រមនយោបាយ និងបំពានច្បាប់។
-
កម្មការិនីរោងចក្រ អី ហ្វា ចំនួន១៩នាក់បានដួលសន្លប់
កម្មការិនីចំនួន១៩នាក់នៅរោងចក្រ អី ហ្វាបានដួលសន្លប់ជាបន្តបន្ទាប់កាលពីវេលាម៉ោង ៨ព្រឹក ថ្ងៃទី២៧ខែកក្ដដា ឆ្នាំ២០១៥ ស្ថិតក្នុងភូមិព្រៃទា សង្កាត់ចោមចៅខណ្ឌពោធិ៍សែនជ័យ រាជធានីភ្នំពេញ។ នេះបើតាមការចុះផ្សាយរបស់អគ្គស្នងការនគរបាលជាតិ នៅថ្ងៃទី២៧ ខេកក្កដា ឆ្នាំ២០១៥ ។ យោងតាមអគ្គស្នងការនគរបាលជាតិ មូលហេតុដែលកម្មការិនីទាំង១៩នាក់ ដួលសន្លប់ គឺបណ្តាលមកពីអាកាសធាតុក្តៅខ្លាំងពេកនិងខ្វះអ៊ុកស៊ីសែន។
-
ជនជាតិភាគតិចព័រខេត្តពោធិ៍សាត់ផ្ដិតមេដៃស្នើសុំកាន់កាប់ដីជាសមូហភាព
តំណាងជនជាតិភាគតិចព័រ និងអាជ្ញាធរខ្លះនៅស្រុកវាលវែង ខេត្តពោធិ៍សាត់ អះអាងថា ផ្ទៃដីព្រៃរាប់រយហិកតារនៅចំណុចស្រែយក្ស ស្រែតាស៊ូ និងចំណុចស្រែថ្មី ឋិតក្នុងទឹកដីរដ្ឋបាលឃុំប្រមោយ និងឃុំក្រពើ២ ត្រូវឈ្មួញ និងអាជ្ញាធរមូលដ្ឋានដណ្ដើមគ្នាចូលកាន់កាប់យ៉ាងអនាធិបតេយ្យ។ ជនជាតិភាគតិចព័រ និងខ្មែររស់នៅឃុំប្រមោយ និងឃុំក្រពើ២ ស្រុកវាលវែង នាំគ្នាផ្ដិតមេដៃសុំទុកដីព្រៃទំហំ ៥០០ហិកតារ ដើម្បីប្រើប្រាស់ជាសមូហភាព។ តំណាងពលរដ្ឋអះអាងថា បច្ចុប្បន្នអ្នកភូមិស្ទឹងថ្មី នៃឃុំប្រមោយ ចំនួន ៧០គ្រួសារ បានផ្ដិតមេដៃរួចហើយ។ ពួកគេនឹងប្រមូលស្នាមមេដៃជនជាតិភាគតិចជាច្រើនទីតាំងទៀត ដើម្បីដាក់ជូនអាជ្ញាធរឃុំរហូតដល់ខេត្ត នៅដើមខែសីហា ឆ្នាំ២០១៥។ តំណាងជនជាតិភាគតិចព័រ នៅចំណុចទួលកកោះ នៃភូមិស្ទឹងថ្មី ឃុំប្រមោយ លោក ហេង ហួន ថ្លែងនៅថ្ងៃទី២៦ ខែកក្កដា ថា ដីព្រៃសហគមន៍ ដីអាស្រ័យផលសមូហភាព និងដីបញ្ចុះសពរបស់ជនជាតិភាគតិចព័រ របស់លោក ត្រូវបានអ្នកមានលុយ និងអាជ្ញាធរភូមិឃុំរំលោភយក។ លោកថា ក្រុមតំណាងពលរដ្ឋឡើងពិភាក្សាការងារ និងរៀបចំលិខិតស្នើសុំជាមួយអង្គការលីកាដូ (Licadho) ឲ្យបានត្រឹមត្រូវសិន មុននឹងដាក់ជូនអាជ្ញាធរមានសមត្ថកិច្ចពិនិត្យ និងដោះស្រាយ៖ «សម្រាប់ជនជាតិដើមភាគតិចគេអត់វាស់ឲ្យទេដីស្រែនោះ បានតែដីភូមិម្នាក់បន្តិចៗ ហើយដីស្នើសុំហ្នឹងជាដីចាស់បុរាណធ្វើស្រែអីនៅក្នុងហ្នឹង។ សំណូមពរ ខ្ញុំសូមឲ្យអាជ្ញាធរគ្រប់លំដាប់ថ្នាក់មេត្តាជួយពិនិត្យមើលឲ្យពិតប្រាកដ ចុះវាស់វែងឲ្យចំគោលដៅ ដើម្បីឲ្យពួកខ្ញុំគ្រប់គ្រងតដល់កូនចៅជំនាន់ក្រោយៗទៀត»។
-
សមត្ថកិច្ចចាប់ក្រុមយុវជន៦នាក់ស្លៀកពាក់ឯកសណ្ឋានអ្នកទោសជាប់ច្រវ៉ាក់ ប្រឆាំងនឹងច្បាប់NGO
ក្រុមយុវជនស្លៀកពាក់ឯកសណ្ឋានអ្នកទោសជាប់ច្រវ៉ាក់៦នាក់ ត្រូវបានសមត្ថកិច្ចនិងកម្លាំងសន្តិសុខខណ្ឌចំការមន ចាប់ដាក់ឡានបញ្ជូនទៅខណ្ឌ នាព្រឹកថ្ងៃអាទិត្យនេះ ខណៈពួកគេតវ៉ាប្រឆាំងឲ្យ ទម្លាក់ចោលច្បាប់គ្រប់គ្រងNGO ដោយពួកគេអះអាងថា ផ្ទុយពីរដ្ឋធម្មនុញ្ញ។ យុវជនទាំងនោះរួមមាន កញ្ញា លក្ខិណា, យុវជន មួង សូនី, យុវជន នាគ ព័ន្ធ,យុវជន ជីម ហួត និងយុវជន ជីម ហួរ ជាដើម ។ មុនពេលចាប់ខ្លួនយុវជនទាំង៦នាក់នោះ ពួកគេបានថ្លែងប្រាប់អ្នកយកព័ត៌មាននៅមុខរដ្ឋសភាថា មូលហេតុដែលពួកគេយកច្រវ៉ាក់ដាក់ចាក់សោជាប់ជើងខ្លួនឯង និងស្លៀកពាក់ឯកសណ្ឋានអ្នកទោស ដោយអះអាងថា ច្បាប់ស្តីពីសមាគម និងអង្គការ ដែលរដ្ឋាភិបាលបង្កើតឡើងរិតត្បិតសិទ្ធិសេរីភាពសង្គមស៊ីវិល និងប្រជាពលរដ្ឋខ្មែរ ។ ពួកគេថា បើទោះជាអាជ្ញាធរចាប់ដាក់គុកឬមករារាំងពួកគាត់យ៉ាងណា ក៏ត្រូវតែប្រឆាំងដាច់ខាតទាមទារឲ្យរដ្ឋសភាទម្លាក់ចោលច្បាប់NGOនេះ ។
-
សហព័ន្ធសិទ្ធិមនុស្សនិងអភិវឌ្ឍន៍កម្ពុជាប្រតិកម្មនឹងទូតអាមេរិកករណីសកម្មជន១១នាក់
សហព័ន្ធសិទ្ធិមនុស្ស និងអភិវឌ្ឍន៍កម្ពុជា នៅថ្ងៃទី២៦ កក្កដា ចេញសេចក្តីថ្លែងការណ៍សម្ដែងការសោកស្ដាយចំពោះស្ថានទូតសហរដ្ឋអាមេរិក ដែលបានចេញសេចក្តីប្រកាសព័ត៌មាន ស្នើឲ្យរដ្ឋាភិបាលកម្ពុជា ពិនិត្យឡើងវិញដំណើរការកាត់ទោសដាក់ពន្ធនាគារសកម្មជនគណបក្សសង្រ្គោះជាតិ ១១រូប។ សហព័ន្ធសិទ្ធិមនុស្ស និងអភិវឌ្ឍន៍កម្ពុជា លើកឡើងថា ការដែលស្ថានទូតសហរដ្ឋអាមេរិក ប្រចាំកម្ពុជា បង្គាប់ និងបញ្ជារដ្ឋាភិបាលកម្ពុជា ឲ្យជ្រៀតជ្រែកទៅលើសេចក្តីសម្រេចរបស់តុលាការដែលជាស្ថាប័នឯករាជ្យ គឺជាការខុសឆ្គងដ៏ធ្ងន់ធ្ងរមិនអាចទទួលយកបានឡើយ។ អង្គការមិនមែនរដ្ឋាភិបាលមួយនេះ រិះគន់បន្ថែមថា ការលើកឡើងរបស់ស្ថានទូតសហរដ្ឋអាមេរិក បង្ហាញឲ្យឃើញថា សហរដ្ឋអាមេរិក មិនអើពើទាល់តែសោះនូវយុត្តិធម៌សម្រាប់កងកម្លាំងសន្តិសុខ ៣៩រូប ដែលរងរបួសក្នុងការប៉ះទង្គិចហិង្សាកាលពីថ្ងៃទី១៥ ខែកក្កដា ឆ្នាំ២០១៤។ សហព័ន្ធសិទ្ធិមនុស្ស និងអភិវឌ្ឍន៍កម្ពុជា ចាត់ទុកការអំពាវនាវរបស់សហរដ្ឋអាមេរិក ថាជាការទាញកម្ពុជា ឲ្យដើរថយក្រោយ ឬងាកចេញពីដំណើរការនីតិរដ្ឋ និងជាការលើកទឹកចិត្តឲ្យមានវប្បធម៌និទ្ទណ្ឌភាព ឬភាពគ្មានទោសពៃរ៍នៅកម្ពុជា។
អានបន្ត -
ពលរដ្ឋ១៤គ្រួសារនៅភូមិបឹងឈូកចោទអាជ្ញាធរខណ្ឌឫស្សីកែវមិនផ្ដល់សំណងដីប៉ះពាល់
ពលរដ្ឋចំនួន ១៤គ្រួសារ រស់នៅភូមិបឹងឈូក សង្កាត់គីឡូម៉ែត្រលេខ៦ នៅខណ្ឌឫស្សីកែវ រាជធានីភ្នំពេញ ចោទប្រកាន់អាជ្ញាធរខណ្ឌថា រឹបអូសដីពួកគេដើម្បីធ្វើផ្លូវ ដោយមិនផ្តល់សំណង។ ផ្ទុយពីការចោទប្រកាន់នេះ អភិបាលរងខណ្ឌឫស្សីកែវ ដែលចុះអនុវត្តការងារធ្វើផ្លូវអះអាងថា សាលារាជធានីភ្នំពេញផ្តល់សំណងជូនពលរដ្ឋដែលរងផលប៉ះពាល់ទាំងនោះអស់ហើយ។ ទោះជាមានការអះអាងបែបនេះក្ដី តំណាងពលរដ្ឋ លោកស្រី សាម សំណាង បញ្ជាក់ថា ប្រជាពលរដ្ឋរងផលប៉ះពាល់ ឲ្យដឹងថា អាជ្ញាធរខណ្ឌនាំកម្លាំង និងឡានដឹកដីចាក់ដីលើដីរបស់លោកស្រី ដែលមានផ្ទៃដីបណ្តោយ ៨ម៉ែត្រ ទទឹង ២០ម៉ែត្រ។ ពលរដ្ឋរូបនេះឲ្យដឹងទៀតថា ពលរដ្ឋប៉ះពាល់ទាំងអស់ចំនួន ១៤គ្រួសារ មិនទាន់ទទួលបានសំណង៖ «»។ ពលរដ្ឋឲ្យដឹងថា អាជ្ញាធររាជធានីភ្នំពេញ ចាក់ដីនៅភូមិបឹងឈូក សង្កាត់គីឡូម៉ែត្រលេខ៦ នៅខណ្ឌឫស្សីកែវ ចាប់ពីថ្ងៃទី២៥ ខែកក្កដា និងបន្តដល់ថ្ងៃទី២៦ ខែកក្កដា សាងសង់ផ្លូវលេខ១៨០៨ ដើម្បីបើកផ្លូវតំបន់អភិវឌ្ឍន៍ឫស្សីកែវ។ អាជ្ញាធរថា ពលរដ្ឋដែលរងផលប៉ះពាល់មួយចំនួនជាអ្នករស់នៅលើដីចំណីផ្លូវ និងជាសំណង់មិនរៀបរយ។
-
សង្គមស៊ីវិលចោទអាជ្ញាធរខេត្តក្រចេះថាឃាត់ខ្លួនអ្នកភូមិប្រមាខុសនីតិវិធី
មន្ត្រីសង្គមស៊ីវិល ចោទអាជ្ញាធរខេត្តក្រចេះ ថាចាប់ខ្លួនអ្នកភូមិប្រមា ខុសនីតិវិធី។ ការចោទប្រកាន់នេះ ធ្វើឡើងស្របពេលដែលសមត្ថកិច្ចជំនាញក្នុងខេត្តនេះ ឃាត់ខ្លួនអ្នកភូមិប្រមា ម្នាក់ពុំមានដីកាពីតុលាការឡើយ កាលពីថ្ងៃទី១៩ កក្កដា កន្លងទៅ ទាក់ទិនបញ្ហាទំនាស់ដីធ្លី។ មន្ត្រីឃ្លាំមើលសិទ្ធិមនុស្ស រិះគន់អាជ្ញាធរខេត្តក្រចេះ ថា អាជ្ញាធរមិនព្យាយាមដោះស្រាយបញ្ហាជម្លោះដីធ្លីជូនប្រជាពលរដ្ឋទេ តែបែរជាចាប់ខ្លួនប្រជាពលរដ្ឋរងគ្រោះដីធ្លីជាការដោះស្រាយបញ្ហាទៅវិញ។ ស្ត្រីត្រូវជាភរិយាបុរសដែលសមត្ថកិច្ចចាប់ខ្លួន អ្នកស្រី សៀម លីងសៀង រៀបរាប់ថា អាជ្ញាធរខេត្តក្រចេះ បានចាប់ខ្លួនប្ដីអ្នកស្រីមានឈ្មោះថា សាយ យីម អាយុជាង ៦០ឆ្នាំដាក់ពន្ធនាគារកាលពីថ្ងៃទី១៩ កក្កដា ដោយចោទថា កាន់កាប់រានដីព្រៃខុសច្បាប់។ អ្នកស្រីបន្តថា លោក ចាន់ គង់ មានតួនាទីជាអនុប្រធានមន្ទីរសុរិយោដី ខេត្តក្រចេះ រួមទាំងកម្លាំងប្រដាប់អាវុធ គំរាមកំហែងគ្រួសារអ្នកស្រី និងរារាំងអ្នកភូមិមិនឲ្យដាំដំណាំនៅទីតាំងដីដែលធ្លាប់ដាំកន្លង៖ «ពិបាកណាស់គេធ្វើបាបតាមចិត្ត! របស់ខ្លួនឯងសោះ គេចាប់ដាក់គុកទៀត ឡើងឈានក្នុងគុកទៀត អត់មានមេត្តាមនុស្សទេ អយុត្តិធម៌ណាស់»។ វិទ្យុអាស៊ីសេរី មិនអាចទាក់ទងសុំការអធិប្បាយពីអនុប្រធានមន្ទីរសុរិយោដី លោក ចាន់ គង់ ដើម្បីឆ្លើយតបការចោទប្រកាន់នេះបានទេ នៅថ្ងៃទី២៦ កក្កដា ព្រោះទូរស័ព្ទមិនអាចទាក់ទងបាន។ ចំណែកអភិបាលខេត្តក្រចេះ លោក សរ ចំរុង ក៏មិនអាចទាក់ទងបាន ព្រោះទូរស័ព្ទហៅចូល តែពុំមានអ្នកទទួល។
-
កម្ពុជាប្រាប់ទៅស្ថានទូតអាមេរិកឲ្យឈប់រំលោភលើអំណាចតុលាការកម្ពុជា
កម្ពុជាប្រាប់ទៅស្ថានទូតអាមេរិកនៅរាជធានីភ្នំពេញ ឲ្យបញ្ឈប់ជាបន្ទាន់នូវការរំលោភលើអំណាចឆន្ទានុសិទ្ធិរបស់តុលាការ ដែលស្នើឲ្យរដ្ឋាភិបាលកម្ពុជាពិនិត្យឡើងវិញករណីហិង្សាក្បែរស្ពាននាគជិតទីលានប្រជាធិបតេយ្យ ខណៈសកម្មជនគណបក្សប្រឆាំង១១នាក់ ត្រូវបានតុលាការផ្តន្ទាទោសដាក់ពន្ធនាគារ កាលពីថ្ងៃទី២១ខែកក្កដា។ ការប្រតិកម្មរបស់កម្ពុជានៅពេលនេះ ធ្វើឡើងបន្ទាប់ពីស្ថានទូតសហរដ្ឋអាមេរិកចេញសេចក្តីប្រកាសព័ត៌ មានខ្លឹមសារថា សូមឲ្យរដ្ឋាភិបាលកម្ពុជាពិនិត្យឡើងវិញករណីនៃការកាត់ទោសសកម្មជនសង្គ្រោះជាតិទាំង១១នាក់ ដោយចាត់ទុកថាការកាត់ទោសនេះមានភាពមិនប្រក្រតី ។ សេចក្តីប្រកាសបញ្ជាក់ថា៖”សហរដ្ឋអាមេរិកមានកង្វល់យ៉ាងខ្លាំង ចំពោះដំណើរការដែលនាំដល់ការដាក់ទោសដល់អ្នកទាំងនោះដោយតុលាការ។ យើងសុំឲ្យរដ្ឋាភិបាលកម្ពុជាពិនិត្យមើលឡើងវិញឲ្យបានម៉ត់ចត់នូវ ដំណើរក្តីនៃតុលាការរបស់ខ្លួន ដើម្បីធ្វើយ៉ាងណាឲ្យវាមានលក្ខណៈពេញលេញ តម្លាភាព ហើយស្របទៅនឹងច្បាប់ក្នុងប្រទេសនិងបទដ្ឋានអន្តរជាតិ”។
-
យុវជន៦នាក់ដែលតវ៉ាប្រឆាំងច្បាប់NGOs ត្រូវបានឃាត់ខ្លួនដោយសមត្ថកិច្ចខណ្ឌចំការមន
យុវជន៦នាក់ដែលស្លៀកពាក់ជាអ្នកទោស និងមានដាក់ច្រវ៉ាក់ជើងចងស្រាក់គ្នាផងនោះ ត្រូវបានសមត្ថកិច្ចខណ្ឌចំការមនចាប់ខ្លួន ខណៈដែលពួកគេកំពុងសំដែងមតិតវ៉ាប្រឆាំងការអនុម័តសេចក្តីព្រាងច្បាប់អង្គការ នៅមុខរដ្ឋសភានៅព្រឹកថ្ងៃអាទិត្យនេះ។
អានបន្ត -
អាមេរិកនឹងរកអន្តរាគមន៍ជួយលោក មាជ សុវណ្ណារ៉ា
ស្ថានទូតអាមេរិកនៅថ្ងៃទី២៥ ខែកក្កដានេះ តាមរយៈសេចក្តីប្រកាសព័ត៌មានរបស់ខ្លួន បានឲ្យដឹងថាក្រសួងការបរទេសអាមេរិកនឹងជួយដល់ លោក មាជ សុវណ្ណារ៉ា ជាពលរដ្ឋអាមេរិកតាមតែអាចធ្វើទៅបាន។ ចំណែក អ្នកនាំពាក្យរដ្ឋាភិបាលថាការបង្គាប់បញ្ជារបស់អាមេរិកមកកម្ពុជា គឺហាក់ដូចជាបង្ហាញការដើរថយក្រោយរបស់សហរដ្ឋអាមេរិក ដែលចង់ឃើញកម្ពុជាមាននីតិរដ្ឋ។ លោក មាជ សុវណ្ណារ៉ា ដែលមានសញ្ជាតិអាមេរិក ត្រូវបានស្ថានទូតអាមេរិកប្រចាំកម្ពុជាប្រកាសថាក្រសួងការបរទេសសហរដ្ឋអាមេរិកយកចិត្តទុកដាក់យ៉ាងខ្លាំងក្នុងការជួយដល់ពលរដ្ឋរបស់ខ្លួននៅបរទេស។ក្រោយពេល ដែលតុលាការក្រុងភ្នំពេញបានដាក់ទោសលោក មាជ សុវណ្ណារ៉ា និងសកម្មជនទាំង១០នាក់ផ្សេងទៀតរបស់គណបក្សសង្រ្គោះជាតិ មន្ត្រីកុងស៊ុលអាមេរិក នៅថ្ងៃសុក្រ ទី២៤ កក្កដា ក៏បានទៅមើលលោក សុវណ្ណារ៉ា ផងដែរ។ ហើយអាមេរិកនឹងបន្តគាំទ្រផ្នែកកុងស៊ុលទាំងអស់ តាមដែលអាចធ្វើទៅបាន។
-
អាមេរិកស្នើឲ្យរដ្ឋាភិបាលកម្ពុជាពិនិត្យការអនុវត្តរបស់តុលាការ
កាលពីថ្ងៃសុក្រម្សិលមិញ មន្ត្រីកុងស៊ុលសហរដ្ឋអាមេរិកប្រចាំនៅកម្ពុជាបានទៅសួរសុក្ខទុក្ខ លោក មាជ សុវណ្ណារ៉ា ដែលជាជនជាតិអាមេរិក និងមន្ត្រីជាន់ខ្ពស់គណបក្សសង្គ្រោះជាតិនៅពន្ធនាគារព្រៃស។ នេះបើយោងតាមសេចក្តីប្រកាសព័ត៌មានរបស់ស្ថានទូតអាមេរិកប្រចាំនៅកម្ពុជា។ សហរដ្ឋអាមេរិកក៏បានបញ្ជាក់ដែរថា ខ្លួននៅតែបន្តផ្តល់ការគាំទ្រផ្នែកកុងស៊ុលទាំងអស់តាមដែលអាចធ្វើទៅបាន ទៅដល់លោក មាជ សុវណ្ណារ៉ា។ លោក មាជ សុវណ្ណារ៉ា ស្ថិតនៅក្នុងចំណោមសកម្មជនគណបក្សសង្គ្រោះជាតិ១០នាក់ផ្សេងទៀត ដែលត្រូវបានតុលាការដាក់ទោសភ្លាមៗ កាលពីថ្ងៃទី២១ខែកក្កដាកន្លងទៅ។ ក្រៅពីប្រកាសគាំទ្រផ្នែកការទូតដើម្បីការពារជនជាតិរបស់ខ្លួន សហរដ្ឋអាមេរិកបានបង្ហាញក្តីបារម្ភយ៉ាងខ្លាំង ចំពោះដំណើរការដាក់ទោសមនុស្សទាំង១១នាក់នោះ និងស្នើឲ្យរដ្ឋាភិបាលកម្ពុជាពិនិត្យឲ្យម៉ត់ចត់ឡើងវិញចំពោះដំណើរក្តីនៃតុលាការរបស់ខ្លួន ធ្វើយ៉ាងណាឲ្យមានលក្ខណៈពេញលេញ តម្លាភាព ស្របទៅនឹងច្បាប់ក្នុងប្រទេស និងបទដ្ឋានអន្តរជាតិ។
-
គ.ជ.ប ផ្ញើសេចក្ដីព្រាងបទបញ្ជា និងនីតិវិធីចុះបោះឆ្នោតទៅស្ថាប័ណពាក់ព័ន្ធត្រួតពិនិត្យ
គណៈកម្មការជាតិរៀបចំការបោះឆ្នោង គ.ជ.ប. បានបញ្ជូនសេចក្ដីព្រាងបទបញ្ជា និងនីតិវិធីចុះឈ្មោះបោះឆ្នោត ទៅឲ្យស្ថាប័នពាក់ព័ន្ធមួយចំនួន កាលពីថ្ងៃទី២១ខែកក្កដា ដើម្បីឲ្យជួយត្រួតពិនិត្យមើល និងផ្ដល់យោបល់ ។ សេចក្ដីប្រកាសព័ត៌មានចុះថ្ងៃទី២៤ របស់គណៈកម្មការជាតិរៀបចំការបោះឆ្នោត គ.ជ.ប. បានបញ្ជាក់ថា ខ្លួនបាន បញ្ជូនសេចក្ដីព្រាងបទបញ្ជា និងនីតិវិធីសម្រាប់ការចុះឈ្មោះបោះឆ្នោត ដើម្បីរៀបចំបញ្ជីបោះឆ្នោតថ្មី ឆ្នាំ ២០១៦ ដែលមាន១០៦ទំព័រទៅឲ្យភាគីពាក់ព័ន្ធដូចជា គណបក្សនយោបាយ អង្គការមិនមែនរដ្ឋាភិបាល ក្រសួងមហាផ្ទៃ អគ្គលេខាធិការដ្ឋានរដ្ឋសភា អគ្គលេខាធិការដ្ឋានព្រឹទ្ធសភា អគ្គលេខាធិការដ្ឋានក្រុមប្រឹក្សាធម្មនុញ្ញ ដើម្បីអនុសាសន៍ ហើយស្ថាប័នទាំងអស់ត្រូវផ្ដល់យោបល់ត្រឡប់មក គ.ជ.ប វិញ យ៉ាងយូរត្រឹមថ្ងៃទៅ០៦ ខែសីហា ឆ្នាំ២០១៥ ។
គាំទ្រដោយ
