កំពុងស្វែងរកទិន្នន័យ
រកឃើញ: 12.457
-
ILO ថាវិស័យកាត់ដេរសម្លៀកបំពាក់និងស្បែកជើងនៅតែបន្តកើនឡើង
ឧស្សាហកម្មវិស័យកាត់ដេរសម្លៀកបំពាក់ និងស្បែកជើងរបស់ប្រទេសកម្ពុជា ត្រូវបានអង្គការអន្តរជាតិខាងការងារ (ILO) បង្ហាញថា នៅតែបន្តការកើនឡើងមកដល់ឆ្នាំ២០១៥។ ស្របពេលនេះ ក្រសួងការងារ និងបណ្ដុះបណ្ដាលវិជ្ជាជីវៈ និងគណៈកម្មការអន្តរក្រសួង ពិនិត្យ និងរៀបចំគោលនយោបាយជាតិ ស្ដីពីមុខរបរ និងការងារសម្រាប់ពលរដ្ឋកម្ពុជា ដែរ។ ឧស្សាហកម្មកាត់ដេរសម្លៀកបំពាក់ និងស្បែកជើង ដែលជាវិស័យគន្លឹះធំមួយសម្រាប់សេដ្ឋកិច្ចរបស់ប្រទេសកម្ពុជា បានបន្តដំណើរការល្អក្នុងឆ្នាំ២០១៤។ កំណើនឧស្សាហកម្មនេះ ត្រូវបានមន្ត្រីអង្គការអន្តរជាតិខាងការងារ លោក ជា ហួត បង្ហាញក្នុងពិធីសម្ពោធផ្សាយព្រឹត្តិបត្រវិស័យកាត់ដេរសម្លៀកបំពាក់ និងស្បែកជើងកម្ពុជា នៅព្រឹកថ្ងៃទី១៦ កក្កដា៖ «វាជាឧស្សាហកម្មមួយដែលមានតម្លៃតែ ២៧លានដុល្លារ កាលពីឆ្នាំ១៩៩៥ មកដល់ចុងឆ្នាំ២០១៤ នេះ ជាឧស្សាហកម្មមួយដែលមានតម្លៃជិត ៦ពាន់លានដុល្លារ។ កើនឡើងរហូត ហើយបើយើងគិតប្រៀបត្រីមាសទីមួយនៃឆ្នាំ២០១៥ នេះ យើងឃើញថាបន្តការកើនឡើង ១០,៦%។ ដូច្នេះមានសញ្ញាវិជ្ជមានល្អចំពោះវិស័យសម្លៀកបំពាក់កាត់ដេរ និងស្បែកជើងនេះ។ ទោះបីមានការបារម្ភពីមុនមក ប៉ុន្តែយើងឃើញសញ្ញាបង្ហាញថា មានការវិវឌ្ឍល្អនៃការនាំចេញ»។
-
ជួយសង្គ្រោះស្រ្តីខ្មែរ៣នាក់ទៀតពីប្រទេសចិន
រាជធានីភ្នំពេញ៖ ស្ត្រីខ្មែរ៣នាក់ទៀតហើយ ត្រូវបានស្ថានអគ្គកុងស៊ុលកម្ពុជា ប្រចាំនៅទីក្រុងក្វាងចូវប្រទេសចិនជួយសង្គ្រោះពីប្រទេសចិន បន្ទាប់ពីរងការចាញ់បោករបស់មេខ្យល់នាំទៅរៀបការជាមួយបុរសជនជាតិចិន នៅខេត្តហ៊្វូជាន ប្រទេសចិន ។ លោក ជុំ សុន្ទរី អ្នកនាំពាក្យក្រសួងការបរទេសកម្ពុជា បានថ្លែងកាលពីរសៀលថ្ងៃទី១៦កក្កដា ឲ្យដឹងថា ស្ថានអគ្គកុងស៊ុលកម្ពុជា ប្រចាំនៅទីក្រុងក្វាងចូវប្រទេសចិន បានសហការជាមួយអាជ្ញាធរចិន ជួយសង្គ្រោះនារីខ្មែរទាំងបីនាក់នោះ មានឈ្មោះ ទី១-ពេជ្រ សំអាត មានស្រុកកំណើត នៅភូមិអូអន្លក់ ឃុំតាសែន ស្រុកគំរៀង ខេត្តបាត់ដំបង។ ទី២-ឈ្មោះ រិន កញ្ញា មានស្រុកកំណើត នៅភូមិជ្រួញស្នែងក្របីលើ ឃុំកំពង់គ ស្រុក ព្រែកប្រសព្វ ខេត្តក្រចេះ។ ទី៣-ឈ្មោះ ខុម ខាន់ មានស្រុកកំណើត នៅឃុំវិហារសួគ៌ ស្រុកវិហារសួគ៌ ខេត្តកណ្ដាល ។
-
ស្ត្រីសកម្មជនដីធ្លីចង់ទទួលបានការយកចិត្តទុកដាក់ពីរដ្ឋាភិបាលដូចកញ្ញាសាសា
ស្ត្រីសកម្មជនការពារសិទ្ធិដីធ្លីលើកឡើងថា ពួកគាត់រងការប្រមាថ ការប្រើអំពើហិង្សាពីសំណាក់សមត្ថកិច្ច និងសន្តិសុខក្រុមហ៊ុនជាបន្តបន្ទាប់ ហើយគួរតែមានការយកចិត្តទុកដាក់ពីរដ្ឋាភិបាលដូចករណីហិង្សាលើអតីតពិធីការនីកញ្ញាសាសា។ កាលពីដើមខែកក្កដាកន្លងទៅនេះ មានករណីហិង្សាកើតឡើងគឺ កញ្ញា ឯក សុជាតិតា ហៅ សាសា អតីតពិធីការនីទូរទស្សន៍ចោទលោកឧកញ៉ា សុខ ប៊ុន ថាបានវាយដំលើរូបខ្លួនបណ្តាលឲ្យរបូតអាវ និង រងរបួសធ្ងន់។ ក្រោយហិង្សាកើតឡើងមានប្រតិកម្មពីក្រសួងជាបន្តបន្ទាប់ គឺក្រសួងកិច្ចការនារីថ្កោលទោសលោក សុខ ប៊ុន ហើយជំរុញមានការចាត់ការតាមផ្លូវច្បាប់ បន្ទាប់មកលោក ស ខេង រដ្ឋមន្ត្រីក្រសួងមហាផ្ទៃប្រកាសចាត់ការលើលោក សុខ ប៊ុន និងមន្ត្រីដែលនៅជួយការពារលោក សុខ ប៊ុន។ នៅថ្ងៃព្រហស្បតិ៍នេះលោកនាយករដ្ឋមន្ត្រី ហ៊ុន សែន បានប្រកាសថ្កោលទោសលោក សុខ ប៊ុន ថាប្រើអំហិង្សាឃោរឃៅទៅលើស្ត្រី។ លោកព្រមានថា ប្រយ័ត្នជាប់ខ្នោះ បើឧកញ៉ារូបនោះមិនប្រញាប់ចេញមុខទទួលខុសត្រូវចំពោះមុខច្បាប់។
-
UNនិងEUថាច្បាប់អង្គការនឹងរឹតត្បិតសេរីភាពអង្គការនិងប៉ះពាល់ការអភិវឌ្ឍនៅកម្ពុជា
មន្រ្តីអង្គការសហប្រជាជាតិទទួលបន្ទុកសិទ្ធិសេរីភាពក្នុងការជួបប្រជុំដោយសន្តិវិធីនិងសេរីភាពក្នុងការបង្កើតសមាគម លោកMaina Kiai និងមន្រ្តីសហភាពអឺរ៉ុប បានអះអាងថាច្បាប់អង្គការដែលរដ្ឋសភាទើបតែអនុម័ត នឹងរឹតត្បិតសេរីភាពអង្គការ និងប៉ះពាល់ការអភិវឌ្ឍនៅកម្ពុជា។ លោកMaina Kiai បានលើកឡើងនៅសេចក្ដីថ្លែងការណ៍មួយកាលពីថ្ងៃពុធថា៖«ប្រសិនបើសេចក្តីព្រាងច្បាប់នោះត្រូវគេអនុម័ត ក្រុមអ្នកតស៊ូមតិដើម្បីសិទ្ធិមនុស្ស សេរីភាពជាមូលដ្ឋាន និងអភិបាលកិច្ចល្អ អាចនឹងត្រូវបានគេបិទអង្គការ និងត្រូវជាប់បទល្មើសព្រហ្មទណ្ឌ»។ លោកបន្តថា៖«ចុងក្រោយវានឹងនាំមកនូវឥទ្ធិពលអវិជ្ជមានយ៉ាងខ្លាំងដល់ការចូលរួមបែបប្រជាធិបតេយ្យរបស់ប្រជាជនកម្ពុជា ក្នុងការអភិវឌ្ឍប្រទេសរបស់ពួកគេ»។ លោកMaina Kiai បានអំពាវនាវឲ្យព្រឹទ្ធសភាបដិសេធចោលទាំងស្រុងនូវច្បាប់ស្តីពីសមាគមនិងអង្គការមិនមែនរដ្ឋាភិបាលនេះ ដោយចាត់ទុកថាច្បាប់នេះមិនស្របតាមគោលការណ៍សិទ្ធិមនុស្សលើសេរីភាពនៃការប្រមូលផ្តុំ។
-
យុវជន ព្រះសង្ឃត្រូវគេមើលឃើញថា ជាក្រុមពលរដ្ឋស្អប់អំពើពុករលួយជាងគេ
មានការលើកឡើងថា អ្នកស្អប់អំពើពុករលួយគឺជាអ្នកប្រយុទ្ធប្រឆាំងអំពើពុករលួយ។ មានការសង្កេតឃើញថា ព្រះសង្ឃនិងក្រុមយុវជន នៅក្នុងប្រទេសកម្ពុជា មានភាពសកម្មក្នុងការប្រយុទ្ធប្រឆាំងអំពើពុករលួយ ខណៈដែលអំពើពុករលួយក្លាយជាជំងឺសង្គមនៅក្នុងប្រទេសក្រីក្រមួយនេះ។ ជាក់ស្តែងនៅក្នុងយុទ្ធនាការចែកកាត់ ឬប័ណ្ណប្រឆាំងអំពើពុករលួយ របស់អង្គការតម្លាភាពកម្ពុជា កាលពីពេលថ្មីៗនេះ មានព្រះសង្ឃ យុវជន ច្រើនរយនាក់បានទៅទទួលកាតប្រឆាំងអំពើពុករលួយនោះ។ ប្រការនេះគេអាចសន្និដ្ឋានបានថាពលដ្ឋទាំងពីរប្រភេទនេះ គឺព្រះសង្ឃ និងយុវជន ជាអ្នកស្អប់អំពើពុករលួយ។
-
អ្នកអនុវត្តច្បាប់ពិភាក្សាពង្រឹងពីការអនុវត្តច្បាប់
ភ្នំពេញៈ ចៅក្រមព្រះរាជអាជ្ញាក្រឡាបញ្ជី និងតំណាងមន្ត្រីនគរបាលយុត្តិធម៌មន្ត្រីកងរាជអាវុធហត្ថមកពីអង្គភាព និងស្ថាប័នអនុវត្ថច្បាប់ពាក់ព័ន្ធនៅក្នុងរាជធានីភ្នំពេញកាលពីម្សិលមិញបានជួបប្រជុំគ្នាដើម្បីពិភាក្សាពង្រឹងសមត្ថភាពក្នុងការអនុវត្តច្បាប់ដែលសង្គមស៊ីវិលថានៅមានភាពទន់ខ្សោយ។ កិច្ចប្រជុំពិភាក្សាស្តីពីការពង្រឹងសមត្ថភាពមន្ត្រីតុលាការ និងនគរបាលយុត្តិធម៌ក្នុងការអនុវត្តច្បាប់ ទប់ស្កាត់ និងបង្ក្រាបបទល្មើសព្រហ្មទណ្ឌនេះត្រូវបានធ្វើឡើងពេញមួយថ្ងៃក្រោមអធិបតីភាពរបស់ប្រធានសាលាដំបូងរាជធានីភ្នំពេញលោក តាំង ស៊ុនឡាយ និងព្រះរាជអាជ្ញានៃអយ្យការអមសាលាដំបូងរាជធានីនៅសាលប្រជុំធំ សាលាដំបូងរាជធានី។ លោក តាំង ស៊ុនឡាយ បានឲ្យដឹងថាគោលបំណងនៃកិច្ចប្រជុំនេះគឺដើម្បីពិភាក្សាលើចំណាត់ការរឿងក្តីព្រហ្មទណ្ឌដែលច្បាប់កំណត់ឲ្យមានការផ្តន្ទាទោសក្រោម ១ ឆ្នាំរួមមានបទល្មើសប្រើប្រាស់គ្រឿងញៀនបទល្មើសលេងល្បែងស៊ីសង និងបទល្មើសចរាចរណ៍ ទំនាក់ទំនងរវាងស្ថាប័នតុលាការ អយ្យការ និង មន្ត្រីយុត្តិធម៌ក្នុងកិច្ចការស៊ើបអង្កេតបទល្មើសព្រហ្មទណ្ឌ និងបញ្ហាផ្សេងៗទៀត។
-
អ្នកមានជម្លោះដីធ្លីនៅឃុំ២ធ្នូខេត្តក្រចេះអះអាងថានឹងមិនចាកចេញទោះតុលាការបង្គាប់ឲ្យរុះរើ
ប្រជាពលរដ្ឋមានជម្លោះដីធ្លីនៅភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះ អះអាងថា ពួកគេនឹងមិន ព្រមចាកចេញពីទីលំនៅរបស់ពួកគាត់ដាច់ខាត ទោះបីតុលាការបានចេញដីកាសម្រេចការពារឲ្យពួកគាត់រុះរើចេញក្នុងរយៈពេល៣០ថ្ងៃ ដោយពួកគាត់ទាមទារឲ្យអាជ្ញាធរកាត់ដីឲ្យពួកគាត់អាចដាំដំណាំឡើងវិញ។ ពលរដ្ឋម្នាក់អ្នកស្រី វ៉ាន់ នី អាយុ៣៥ឆ្នាំ ឲ្យដឹងថា តុលាការខេត្តក្រចេះបានចេញដីកាបង្គាប់ឲ្យពួកគាត់៨៣គ្រួសាររុះរើលំនៅដ្ឋានចេញពីដីដែលអ្នកស្រីអះអាងថាធ្លាប់រស់នៅអស់រយៈពេលជាច្រើនឆ្នាំមកហើយ ដើម្បីយកដីនោះទៅឲ្យក្រុមហ៊ុន UBE Development ធ្វើជាតំបន់ឧស្សាហកម្ម។ អ្នកស្រីអះអាងថា ក្រុមប្រជាពលរដ្ឋមិនព្រមចាកចេញជាដាច់ខាត ទោះបីជាមានការគំរាមកំហែងឬឈូសឆាយដោយបង្ខំក៏ដោយ។
-
លោក ខៀវ កាញារីទ្ធ និយាយថាអ្នកកាសែតមានសិទ្ធិចេញចូលរដ្ឋសភាយកព័ត៌មាន
រដ្ឋមន្ត្រីក្រសួងព័ត៌មាន អះអាងថា រដ្ឋសភាជាតិជាកន្លែងដែលអ្នកកាសែតមានសិទ្ធិចេញចូល ដើម្បីយកព័ត៌មាន។ ទោះបែបនេះក្តី លោករដ្ឋមន្ត្រីមិនមានប្រតិកម្មលើពាក្យសម្ដីរបស់ លោក ឈាង វុន ដែលបណ្ដេញអ្នកកាសែតចេញពីមន្ទីររដ្ឋសភា ក្នុងពេលសុំសម្ភាសតំណាងរាស្ត្របក្សប្រឆាំងនៅក្នុងបរិវេណរដ្ឋសភា កាលពីពេលកន្លងទៅនោះឡើយ។ ការបណ្ដេញអ្នកកាសែតចេញពីមន្ទីររដ្ឋសភា ឈានដល់ការឆ្លើយតបពីរដ្ឋមន្ត្រីក្រសួងព័ត៌មាន ដោយបញ្ជាក់ថា ការបណ្ដេញអ្នកកាសែតចេញ គឺប៉ះពាល់សិទ្ធិរបស់ពួកគេ។ ផ្តល់បទសម្ភាសន៍ដល់ក្រុមអ្នកសារព័ត៌មានក្រោយចប់កិច្ចពិភាក្សា ស្ដីពីរួមគ្នាជំរុញការពាក់មួកសុវត្ថិភាពនៅកម្ពុជា ថ្ងៃទី១៥ ខែកក្កដា រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បញ្ជាក់ថា អ្នកកាសែតមានសិទ្ធិចេញចូលរដ្ឋសភា ប៉ុន្តែក្នុងករណីប្រជុំបិទទ្វារ ទើបអ្នកកាសែតមិនអាចចូលបាន៖ «ជាធម្មតាទេ អ្នកកាសែតគាត់មានសិទ្ធិចេញចូលនៅកន្លែងណាជាកន្លែងសាធារណៈ ហើយរដ្ឋសភាជាកន្លែងសាធារណៈ»។
-
ព្រឹទ្ធសភាបើកសម័យប្រជុំពេញអង្គនៅថ្ងៃទី១៧ កក្កដា តែសេចក្តីព្រាងច្បាប់ NGO មិនស្ថិតក្នុងរបៀបវារៈ
ព្រឹទ្ធសភាបើកសម័យប្រជុំពេញអង្គនៅថ្ងៃទី១៧ កក្កដា តែសេចក្តីព្រាងច្បាប់ NGO មិនស្ថិតក្នុងរបៀបវារៈ
-
ឃាត់ខ្លួនស្ត្រីម៉ែយ៉ែមម្នាក់ ពាក់ព័ន្ធនឹងករណីនាំកូនខ្លួនឯងឲ្យទៅបម្រើផ្លូវភេទជាមួយតាតា
រាជធានីភ្នំពេញ៖ សមត្តកិច្ច បានឃាត់ខ្លួនស្ត្រីម្នាក់ជាម៉ែយ៉ែមនៅមុខសណ្ឋាគារឡាក់គឺស្តារ ស្ថិតនៅសង្កាត់ផ្សារដើមគរ ខណ្ឌទួលគោក កាលពីវេលាម៉ោង០៣ៈ២៥នាទីរសៀល ថ្ងៃទី១៣កក្កដា។ការឃាត់ខ្លួនធ្វើឡើង ក្នុងពេលដែលស្ត្រីរូបនោះ កំពុងរង់ចាំម៉ូយដើម្បីប្រគល់កូនខ្លួនឯងបង្កើត និងនារីវ័យក្មេងម្នាក់ឲ្យទៅបម្រើផ្លូវភេទជាមួយតាតា និងអ្នកមានប្រាក់ ស្ត្រីជាម៉ែយ៉ែមរូបនោះ ឈ្មោះពេជ្រ ស្រីតី អាយុ៣៧ឆ្នាំ ស្នាក់នៅផ្ទះជួលភូមិឬស្សី សង្កាត់ស្ទឹងមានជ័យ រាជធានីភ្នំពេញ មុខរបរបុគ្គលិកក្លឹបដាលីន។ ទាក់ទិននឹងការឃាត់ខ្លួនស្ត្រីជាជនសង្ស័យខាងលើនេះ លោកវរសេនីយ៍ទោកែវ ធា ប្រធានការិយាល័យប្រឆាំងការជួញដូរមនុស្ស និងការពារអនិតិជនរាជធានីភ្នំពេញបានឲ្យដឹងថាសមត្តកិច្ចជំនាញរបស់លោកបានដាក់កំលាំងធ្វើការស្រាវជ្រាវអស់រយៈពេលច្រើនខែហើយទើបចាប់ខ្លួនបាន។ហើយនេះជាករណីបង្ក្រាបបទល្មើសជាកស្តែង តែក៏មានការសម្របសម្រួលពីសំណាក់ស្ថាប័នអយ្យការអមសាលាដំបូងដែរ៕
-
ព្រឹទ្ធសភាទទួលបានសេចក្តីព្រាងច្បាប់អង្គការនិងកំពុងសិក្សា
ភ្នំពេញ—សេចក្តីព្រាងច្បាប់ស្តីពីសមាគមនិងអង្គការមិនមែនរដ្ឋាភិបាលដ៏ចម្រូងចម្រាសបានចូលដល់ព្រឹទ្ធសភានិងត្រូវបញ្ជូនទៅកាន់គណៈកម្មការជំនាញនៅព្រឹកថ្ងៃពុធនេះដើម្បីពិនិត្យមុន ពេលដាក់ ឲ្យមានការពិភាក្សាបន្ត។ នេះបើតាមការឲ្យដឹងពីអ្នកនាំពាក្យព្រឹទ្ធសភា។ លោក អ៊ុំ សារឹទ្ធ អគ្គលេខាធិការនិងជាអ្នកនាំពាក្យនៃព្រឹទ្ធសភាបានប្រាប់ VOA ថាគណៈកម្មាធិការអចិន្ត្រៃយ៍នៃព្រឹទ្ធសភាបានឯកភាពទទួលយកសេចក្ដីព្រាងច្បាប់ស្តីពី សមាគមនិងអង្គការមិនមែនរដ្ឋាភិបាល នៅក្នុងកិច្ចប្រជុំពិសេសនាព្រឹកថ្ងៃពុធនេះ។ លោកបានបន្តថាសេចក្ដីព្រាងច្បាប់នេះត្រូវបានបញ្ជូនបន្តទៅគណៈកម្មការទី៤និងទី៦នៃព្រឹទ្ធសភាដើម្បីត្រួតពិនិត្យទិដ្ឋភាពនិងអត្ថន័យនៃច្បាប់នេះ មុនពេលរាយការណ៍ជូនសមាជិកគណៈកម្មាធិការអចិន្ត្រៃយ៍ឡើងវិញ។
-
លីកាដូព្រួយបារម្ភចំពោះការកើនឡើងករណីរំលោភលើកុមារនៅខេត្តព្រះសីហនុ
មន្ត្រីអង្គការការពារសិទ្ធិមនុស្សខេត្តព្រះសីហនុ បង្ហាញការព្រួយបារម្ភទៅលើបទល្មើសរំលោភសេពសន្ថវៈ ឬរំលោភផ្លូវភេទទៅលើក្មេងស្រី មិនទាន់គ្រប់អាយុ ថាមានចំនួនកើនខ្ពស់នៅឆមាសទី១ ឆ្នាំ២០១៥ នេះបើធៀបនឹងឆ្នាំមុន។ របាយការណ៍បានបង្ហាញថា បទល្មើសដែលកើតឡើងច្រើនជាងគេ គឺបទល្មើសចាប់រំលោភកុមារ ដែលកើតមានក្នុងរយៈពេល ៦ខែឆ្នាំ២០១៥ មានចំនួនជិត ២០ករណី។ បញ្ហានេះ មន្ត្រីអង្កេតអង្គការលីកាដូ ខេត្តព្រះសីហនុ បានបញ្ជាក់ថា បទល្មើសរំលោភផ្លូវភេទក្មេងស្រីមិនទាន់គ្រប់អាយុ ឬអនីតិជន ក្នុងរយៈពេល ៦ខែដើមឆ្នាំ២០១៥ មានចំនួនកើនខ្ពស់ គួរឲ្យព្រួយបារម្ភ គឺមានចំនួន ៨ករណី។ ចំនួននេះបើប្រៀបធៀបបទល្មើសរំលោភផ្លូវភេទ ពេញមួយឆ្នាំ នៅឆ្នាំ២០១៤ គឺមានតែ ៧ករណីប៉ុណ្ណោះ៕
-
កម្មករប្រមាណ៥០០នាក់លើកគ្នាតវ៉ានៅមុខក្រសួងការងារនៅព្រឹកនេះ
នៅវេលាម៉ោងប្រមាណ១០ព្រឹកថ្ងៃទី១៤កក្កដានេះ ក្រុមកម្មកររោងចក្រអេ ឃិន ថិច ប្រមាណ៥០០នាក់ បាននាំគ្នាធ្វើកូដកម្មតវ៉ាលក្ខខណ្ឌការងារ៩ចំណុច ពីថៅកែរោងចក្រ។ កូដកម្មនេះធ្វើឡើង មានការដឹកនាំដោយសម្ព័ន្ធសហជីពចលនាកម្មករនៅមុខក្រសួងការងារ។ សូមជម្រាបថា រោងចក្រអេ ឃិន ថិចស្ថិតនៅសួនកាណាឌីយ៉ា សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ៕
-
អាមេរិកនិងកម្ពុជា សម្ពោធកម្មវិធី គាំទ្រនិងផ្តល់សេវាកម្មដល់ជនពិការកម្ពុជា
ទីភ្នាក់ងារសហរដ្ឋអាមេរិកដើម្បីអភិវឌ្ឍអន្តរជាតិ(USAID) សហការជាមួយរដ្ឋាភិបាលកម្ពុជា សម្ពោធកម្មវីធី «ស្តារលទ្ធភាពពលកម្ម និងអវៈយវៈសប្បនិម្មិតសម្រាប់ជនពិការកម្ពុជា»។ គោលបំណងនៃកម្មវិធីថ្មីមួយនេះ គឺដើម្បីគាំទ្រ និងផ្តល់សេវាកម្មស្តារលទ្ធភាពពលកម្ម និងអវៈយវៈសប្បនិម្មិតដល់ជនពិការ។ នេះបើតាមសេចក្តីប្រកាសព័ត៌មានរបស់ស្ថានទូតអាមេរិកប្រចាំកម្ពុជា កាលពីថ្ងៃទី១៣ កក្តដាម្សិលមិញ។ កម្មវិធីរយៈពេល១៨ខែ ដែលទីភ្នាក់ងារ USAID សហការជាមួយរដ្ឋាភិបាលកម្ពុជា ស្តីពី «ការស្តារលទ្ធភាពពលកម្ម និងអវៈយវៈសប្បនិម្មិតសម្រាប់ជនពិការកម្ពុជា» កាលពីថ្ងៃទី១៣ កក្តដានេះ ត្រូវបានផ្តល់ឲ្យអង្គការអតីតយុទ្ធជនអន្តរជាតិកម្ពុជា(VIC)នៅក្នុងស្រុក ធ្វើការសហការជិតស្និតជាមួយក្រសួងសង្គមកិច្ចអតីតយុវជន និងយុវនីតសម្បទា ខណៈពេលដែលរដ្ឋាភិបាលកម្ពុជា បន្តទទួលខុសត្រូវកាន់តែច្រើនក្នុងការផ្តល់សេវាកម្មទាំងនេះដល់ជនពិការ។
-
កូនស្រីអាយុ១៣ឆ្នាំក្លាយជាចំណីតណ្ហារបស់ឪពុកបង្កើតពេលទៅនេសាទត្រីតែ២នាក់
ខេត្តកំពង់ឆ្នាំង ៖ បុរសម្នាក់ត្រូវកម្លាំងសមត្ថកិច្ចនគរបាលចាប់ឃាត់ខ្លួនកាលពីល្ងាច ថ្ងៃទី១៣ កក្កដា ២០១៥ បន្ទាប់ពីធ្វើសកម្មភាពចាប់រំលោភកូនស្រីបង្កើតរបស់ខ្លួនអាយុ១៣ឆ្នាំបានសម្រេច ខណៈដែលទៅនេសាទត្រីតែ២នាក់នៅក្នុងបឹងមួយកន្លែងក្នុងស្រុកបរិបូរណ៍ ។ លោក ជាង សុវណ្ណារិទ្ឋ អធិការនគរបាលស្រុកបរិបូរណ៍បានមានប្រសាសន៍ប្រាប់តាមទូរស័ព្ទថា ជនសង្ស័យជាឪពុករូបនោះមានឈ្មោះ យ៉ន វឿន អាយុ៣៣ឆ្នាំ មានទីលំនៅកន្លែងកើតហេតុខាងលើ ។ លោកបានបន្តថា មុនពេលកើតហេតុ នៅព្រឹកថ្ងៃទី១២ កក្កដា ២០១៥ បុរសជាឪពុក និងកូនស្រីអាយុ១៣ឆ្នាំ បានទៅនេសាទត្រីតែ២នាក់នៅចំណុចត្រពាំងទ្រា ស្ថិតក្នុងភូមិស្វាយគយ ឃុំពន្លៃ ស្រុកបរិបូរណ៍ ដោយអូសអួនខ្លី ប្រវែង៥ម៉ែត្រ ។ បន្ទាប់ពីអូសអួនរួចហើយ រៀបចំត្រឡប់មកផ្ទះវិញ ស្រាប់តែឪពុករូបនោះប្រើវិធីចាប់រំលោកភកូនស្រីរបស់ខ្លួនរហូតបានសម្រចតែម្តង ។ ក្រោយពីត្រឡប់មកផ្ទះវិញ កូនស្រីរងគ្រោះមិនហ៊ានប្រាប់ម្តាយភ្លាមៗទេ ព្រោះខ្លាចការគម្រាមសម្លាប់ចោលរបស់ឪពុក ប៉ុន្តែស្អែកឡើង គឺថ្ងៃទី១៣ កក្កដា ពេលដែលម្តាយឃើញកូនស្រីមានសភាពប្លែកខុសធម្មតា បានហៅកូនស្រីមកសួរទើបដឹងរឿង។ បន្ទាប់ពីដឹងរឿងរ៉ាវរបស់ប្តីខ្លួនបែបនេះ ម្តាយក៏បានរត់មកប្តឹងសមត្ថកិច្ចនគរបាលមូលដ្ឋានឱ្យចាប់ខ្លួនបុរសជាឪពុកតែម្តង៕
-
77 Families Facing Forced Eviction Seek Intervention
77 families, who have been forcibly evicted from their land in Kratie’s Snuol district, submitted a petition on 14 July 2015 with Mr Heng Samrin, President of the National Assembly, seeking intervention in their land dispute with UBE Development Co., Ltd. The petition, which was submitted by 5 representatives of the community to ADHOC in Phnom Penh declared that the 77 families who had denied small amounts of compensation from the UBE Development, have been ordered by the provincial court to move from their land and evacuate their houses before 02 August 2015. However, they refused to relocate to their new location and claimed they have legally lived on the over 300 hectares since 1996. The dispute erupting in 2008 when the provincial authorities issued a letter prohibiting the families from using their land. Later in the same year, the government granted the land to the company.
-
សង្គមស៊ីវិល៣៨ស្ថាប័នស្នើព្រឹទ្ធសភាច្រានចោលការអនុម័តច្បាប់NGO
បណ្តាអង្គការសង្គមស៊ីវិល ប្រមាណ៣៨ស្ថាប័ន នៅថ្ងៃទី១៤ ខែកក្កដា នេះ បានចេញសេចក្តីថ្លែងការណ៍រួមមួយ ដោយអំពាវនាវឱ្យស្ថាប័នព្រឹទ្ធសភា បដិសេធចោលចំពោះការសេចក្តីព្រាងច្បាប់ ស្តីពីសមាគម និងអង្គការមិនមែនរដ្ឋាភិបាល (NGO) ដែលអនុម័តដោយរដ្ឋសភា កាលពីថ្ងៃទី១៣ កក្កដា។ សេចក្តីថ្លែងការណ៍រួមនេះ បានឱ្យដឹងថា ក្រុមអង្គការសង្គមស៊ីវិលទាំងនោះ បានចាត់ទុកថា ច្បាប់ស្តីពីសមាគម និង NGO ជាច្បាប់មួយដែលមាន ការគាបសង្កត់លើសិទ្ធិពលរដ្ឋ ហើយបង្កើតឡើងដោយហេតុផលនយោបាយ និងដោយមិនមានភាពចាំបាច់។ ច្បាប់នេះ ក៏រំលោភលើរដ្ឋធម្មនុញ្ញរបស់កម្ពុជា និងច្បាប់អន្តរជាតិផងដែរ។
-
អា.គតណ្ហាដល់កចាប់ក្មេងស្រីអាយុ១១ឆ្នាំរំលោភ ត្រូវជាប់ខ្នោះ
ខេត្តបាត់ដំបង ៖ ជនសង្ស័យជាមនុស្ស.គម្នាក់ត្រូវសមត្ថកិច្ចចាប់ខ្លួន កាលពីវេលាម៉ោង០៩ និង៣០នាទីព្រឹកថ្ងៃទី១៣ កក្កដា ២០១៥ បន្ទាប់ពីប្រជាពលរដ្ឋរាយការណ៍ពាក់ព័ន្ធរឿងករណីចាប់រំលោភក្មេងស្រីសិស្សសាលាម្នាក់ ខណៈនាងដើរទៅបត់ជើងតូចក្នុងព្រៃខាងក្រោយសាលាចម្ងាយ៤០ម៉ែត្រ ។ ប្រភពបានឱ្យដឹងថា ជនសង្ស័យឈ្មោះរឿន អិត អាយុ៣៤ឆ្នាំ មានទីលំនៅភូមិរស្មីសង្ហា ឃុំរស្មីសង្ហា ស្រុករតនមណ្ឌល ខេត្តបាត់ដំបង ។ ចំណែកក្មេងស្រីរងគ្រោះមានអាយុ១១ឆ្នាំ ។ គួររំលឹកថា នៅថ្ងៃកើតហេតុវេលាម៉ោង០៧ព្រឹកថ្ងៃទី១០ កក្កដា កន្លងមក ក្មេងស្រីរងគ្រោះបានដើរទៅព្រៃខាងក្រោយសាលាដែលនាងរៀន ទៅបត់ជើង ស្រាប់តែជនសង្ស័យដើរតាមនាងពីក្រោយ ឃើញឱកាសល្អក៏ចាប់នាងរំលោភបានសម្រេចតែម្តង ។
-
អង្គការសមាគមជាង៣០អំពាវនាវឲ្យព្រឹទ្ធសភាបដិសេធច្បាប់អង្គការដែលរដ្ឋសភាទើបអនុម័ត
អង្គការនិងសមាគមជាង៣០អំពាវនាវឲ្យព្រឹទ្ធសភាបដិសេធទាំងស្រុងទៅនឹងច្បាប់ស្តីពីសមាគមនិងអង្គការមិនមែនរដ្ឋាភិបាលដែលតំណាងរាស្រ្តគណបក្សប្រជាជនកម្ពុជាបានបោះឆ្នោតអនុម័តជាឯកច្ឆ័នកាលពីម្សិលមិញ ដោយចាត់ទុកថាច្បាប់នេះនឹងរឹតបន្តឹងសិទ្ធិសេរីភាពរបស់ពួកគេ។ អង្គការនិងសមាគមទាំងនោះរួមមានដូចជាសហភាពការងារកម្ពុជា(CLC) មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) សមាគមធាងត្នោត (STT) លីកាដូ(LICADHO)និងសមាគមអាដហុកជាដើម។ អង្គការនិងសមាគមចំនួន៣៨ នៅថ្ងៃនេះបានចេញសេចក្តីថ្លែងការណ៍រួមមួយ ដោយស្នើឲ្យព្រឹទ្ធសភាបដិសេធចោលទាំងស្រុងនូវច្បាប់ស្តីពីសមាគមនិងអង្គការមិនមែនរដ្ឋាភិបាល។ សេចក្តីថ្លែងការណ៍រួមឲ្យដឹងថាអង្គការសមាគមទាំងនោះលើកឡើងថាការអនុម័តច្បាប់នេះជាជំហានដ៏សំខាន់មួយនៅក្នុងយុទ្ធនាការជាទូទៅមួយរបស់រាជរដ្ឋាភិបាល ដើម្បីរឹតត្បិតសិទិ្ធសេរីភាពប្រជាពលរដ្ឋ និងធ្វើឲ្យប៉ះពាល់យ៉ាងធ្ងន់ធ្ងរដល់លទិ្ធប្រជាធិបតេយ្យ។
-
កម្មករកាត់ដេរមកពីរោងចក្រចំនួនពីរតវ៉ាសុំអន្តរាគមន៍ពីក្រសួងការងារ
កម្មករកាត់ដេរមកពីរោងចក្រចំនួនពីរ នៅព្រឹកថ្ងៃអង្គារនេះបានដើរដង្ហែជាក្បួនតាមបណ្តោយផ្លូវសហព័ន្ធរុស្ស៊ីមកក្រសួងការងារ ដើម្បីសុំអន្តរាគមន៍ពីស្ថាប័ននេះឲ្យជំរុញទៅថៅកែរោងចក្រគោរពលក្ខខណ្ឌការងារ។ កម្មករផ្នែកដេរ កញ្ញា មេន ទុំ មកពីរោងចក្រអេឃិនថិច(Akeentex Pte Ltd)ក្នុងសួនឧស្សាហកម្មវឌ្ឍនៈ ប្រាប់VODនៅព្រឹកថ្ងៃអង្គារនេះថាកម្មករោងចក្រអេឃិនថិចជាង១០០០នាក់បានធ្វើបាតុកម្មតវ៉ានៅមុខរោងចក្រអស់រយៈពេល៥ថ្ងៃហើយ ប៉ុន្តែកញ្ញាថាថៅកែរោងចក្របានដោះស្រាយឲ្យតែចំណុចតូចៗមួយចំនួនប៉ុណ្ណោះ។ កញ្ញាបន្ថែមថាកម្មករទាមទារលក្ខខណ្ឌការងារ៩ចំណុចដូចជាសុំឲ្យក្រុមហ៊ុនផ្តាច់កិច្ចសន្យាទូទាត់សំណងតាមផ្លូវច្បាប់៥ភាគរយមិនត្រូវកាត់លុយពេលកម្មករធ្វើកូដកម្មកន្លងមក មិនត្រូវបង្ខំកម្មករឲ្យធ្វើការថែមម៉ោង សុំបន្ថែមថ្លៃបាយក្នុង១ថ្ងៃចំនួន២០០០រៀល សុំដំឡើងប្រាក់ធ្វើដំណើរ៧ដុល្លារបន្ថែមនិងលក្ខខណ្ឌផ្សេងៗទៀត។ លោក ប៉ាវ ស៊ីណា ប្រធានសម្ព័ន្ធសហជីពចលនាកម្មករ មានប្រសាសន៍ថាមូលហេតុដែលក្រុមហ៊ុនពន្យាពេលដោះស្រាយជូនកម្មករនេះ ដោយសារសហជីពមួយចំនួនដែលគាំទ្រភាគីរោងចក្រព្យាយាមរារាំងមិនឲ្យថៅកែរោងចក្រចេញមកដោះស្រាយជាមួយកម្មករ។ លោកថាប្រសិននៅតែមិនមានដំណោះបែបនេះ លោកនឹងដឹកកម្មររកអន្តរាគមន៍ពីរដ្ឋសភា និងខុទ្ទកាល័យលោកនាយករដ្ឋមន្ត្រីហ៊ុន សែន។